Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaya
Nidaana Vagga

Dhaatu Sa'nyutta

Sutta 3

No ce tam [No phassanaanatta] Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[pts][wp][bd] Eva.m me suta.m||
Eka.m samaya.m Saavatthiya.m viharati Jetavane Anaathapi.n.dikassa aaraame.|| ||

2. Dhaatunaanatta.m bhikkhave, pa.ticca uppajjati phassanaanatta.m,||
no phassanaanatta.m pa.ticca uppajjati dhaatunaanatta.m.|| ||

3. Katama~n ca bhikkhave dhaatunaanatta.m?|| ||

4. Cakkhudhaatu||
sotadhaatu||
ghaa.nadhaatu||
jivhaadhaatu||
kaayadhaatu||
manodhaatu.|| ||

Ida.m vuccati bhikkhave dhaatunaanatta.m.|| ||

5. Katha~n ca bhikkhave dhaatunaanatta.m pa.ticca uppajjati phassanaanatta.m,||
no phassanaanatta.m pa.ticca uppajjati dhaatunaanatta.m?|| ||

6. Cakkhudhaatu bhikkhave pa.ticca uppajjati cakkhusamphasso,||
no cakkhusamphassa.m pa.ticca uppajjati cakkhudhaatu.|| ||

Sotadhaatu bhikkhave pa.ticca uppajjati sotasamphasso,||
no sotasamphassa.m pa.ticca uppajjati sotadhaatu.|| ||

Ghaa.nadhaatu bhikkhave pa.ticca uppajjati ghaa.ndhaasamphasso,||
no ghaa.ndhaasamphassa.m pa.ticca uppajjati ghaa.ndhaadhaatu.|| ||

Jivhaadhaatu bhikkhave pa.ticca uppajjati jivhaasamphasso,||
no jivhaasamphassa.m pa.ticca uppajjati jivhaadhaatu.|| ||

Kaayadhaatu bhikkhave pa.ticca uppajjati kaayasamphasso,||
no kaayasamphassa.m pa.ticca uppajjati kaayadhaatu.|| ||

Manodhaatu.m pa.ticca uppajjati manosamphasso,||
no manosamphassa.m pa.ticca uppajjati manodhaatu.|| ||

7. Eva.m kho bhikkhave, dhaatunaanatta.m pa.ticca uppajjati phassanaanatta.m.||
No phassanaanatta.m pa.ticca uppajjati dhaatunaanattanti.|| ||


Contact:
E-mail
Copyright Statement