Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta-Nikaaya,
Nidaana-vaggo
16. Kassapa Sa'nyutta

Sutta 13

Saddhamma-Patiruupaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[223]

[1][pts][than][upal][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Atha kho aayasmaa Mahaa-Kassapo yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Mahaa-Kassapo Bhagavanta.m etad avoca:|| ||

Ko nu kho bhante, hetu ko paccayo yena pubbe appataraani c'eva sikkhaapadaani ahesu.m,||
bahutaraa ca bhikkhu a~n~naaya sa.n.thahi.msu?|| ||

Ko pana bhante hetu ko paccayo yen'etarahi bahutaraani c'eva sikkhaapadaani appataraa ca bhikkhuu a~n~naaya sa.n.thahantii' ti?|| ||

4. Eva.m h'eta.m Kassapa, hoti||
sattesu haayamaanesu,||
saddhamme antaradhaayamaane,||
bahutaraani c'eva sikkhaapadaani honti||
appataraa ca bhikkhuu a~n~naaya sa.n.thahanti.|| ||

5. Na taava Kassapa, saddhammassa antaradhaana.m hoti,||
yaava na saddhammapa.tiruupaka.m loke uppajjati.|| ||

Yato ca kho Kassapa,||
saddhammapa.tiruupaka.m loke uppajjati,||
atha saddhammassa antaradhaana.m hoti.|| ||

6. Seyyathaa pi Kassapa,||
na taava jaataruupassa antaradhaana.m hoti,||
yaava na jaataruupapa.tiruupaka.m loke uppajjati||
yato ca kho Kassapa, jaataruupapa.tiruupaka.m loke uppajjati,||
atha jaataruupassa antaradhaana.m hoti.|| ||

7. Evam eva kho Kassapa,||
na taava saddhammassa antaradhaana.m hoti,||
yaava na saddhammapa.tiruupaka.m loke uppajjati,||
yato ca kho Kassapa saddhammapa.tiruupaka.m loke uppajjati,||
atha saddhammassa antaradhaana.m hoti.|| ||

8. Na kho Kassapa,||
pa.thaviidhaatu saddhamma.m antaradhaapeti.|| ||

9. Na aapodhaatu saddhamma.m antaradhaapeti.|| ||

10. Na tejodhaatu saddhamma.m antaradhaapeti.|| ||

11. Na vaayodhaatu saddhamma.m antaradhaapeti.|| ||

12. Atha kho idh'eva te uppajjanti moghapurisaa ye ima.m saddhamma.m antaradhaapenti.|| ||

13. Seyyathaa pi Kassapa, naavaa aadiken'eva opilavati,||
na kho Kassapa, eva.m saddhammassa antaradhaana.m hoti.|| ||

14. Pa~nca kho me Kassapa, okkama.niyaa dhammaa saddhammassa sammosaaya antaradhaanaaya sa.mvattanti.|| ||

Katame pa~nca?|| ||

15. Idha Kassapa, bhikkhuu,||
bhikkhuniyo,||
upaasakaa,||
upaasikaayo||
satthari agaaravaa viharanti appatissaa,||
dhamme agaaravaa viharanti appatissaa,||
sa'ngha agaaravaa viharanti appatissaa,||
sikkhaaya agaaravaa viharanti appatissaa,||
samaadhismi.m agaaravaa viharanti appatissaa.|| ||

Ime kho Kassapa, pa~nca okkama.niyaa dhammaa saddhammassa sammosaaya antaradhaanaaya sa.mvattanti.|| ||

16. Pa~nca kho me Kassapa, dhammaa saddhammassa .thitiyaa asammosaaya antaradhaanaaya sa.mvattanti.|| ||

Katame pa~nca?|| ||

17. Idha Kassapa, bhikkhu,||
bhikkhuniyo,||
upaasakaa,||
upaasikaayo||
satthari sagaaravaa viharanti sappatissaa,||
dhamme sagaaravaa viharanti sappatissaa,||
sa'nghe sagaaravaa viharanti sappatissaa,||
sikkhaaya sagaaravaa viharanti sappatissaa,||
samaadhismi.m sagaaravaa viharanti sappatissaa.|| ||

18. Ime kho Kassapa, pa~nca dhammaa saddhammassa .thitiyaa asammosaaya antaradhaanaaya sa.mvattantii' ti.|| ||


Contact:
E-mail
Copyright Statement