Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta-Nikaaya
Nidaana-Vagga

I. Daaru.navaggo

17. Laabhasakkaara Sa'nyutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 1

Daaru.na sutta.m

 

[1][pts][wp][bd] Eva.m me suta.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.||
Tatra kho Bhagavaa bhikkhuu aamantesi bhikkhavo" ti.||
Bhadante" ti kho te bhikkhuu Bhagavato paccassosu.m.||
[226] Bhagavaa etad avoca:|| ||

Daaru.no bhikkhave, laabhasakkaarasiiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaa ti ha bhikkhave, eva.m sikkhitabba.m|| ||

"Uppanna.m laabhasakkaarasiiloka.m pajahissaama. Na ca no uppanno laabhasakkaarasiiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 2

Balisa sutta.m

 

[2][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

seyyathaa pi, bhikkhave, baa'isiko aamisagata.m ba'isa.m gambhiire udakarahade pakkhipeyya.||
tam enam a~n~nataro aamisacakkhu maccho gileyya,||
eva.m hi so bhikkhave, maccho gilaba'iso baa'isikassa anaya.m aapanno, vyasana.m aapanno, yathaakaamakari.niiyo baa'isikassa.|| ||

Baa'isiko" ti kho bhikkhave, Maarasseta.m paapimato adhivacana.m. Ba'isanti kho bhikkhave, laabhasakkaarasilokasseta.m adhivacana.m.|| ||

Yo hi koci bhikkhave, bhikkhu uppanna.m laabhasakkaarasiloka.m assaadeti nikaameti, aya.m vuccati bhikkhave, bhikkhu gilaba'iso Maarassa anaya.m aapanno, vyasana.m aapanno, yathaakaamakara.niiyo paapimato|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko yogakkhekamassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 3

Kumma sutta.m

 

[3][pts][wp][bd] Saavatthiya.m - || ||

[227] Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Bhuutapubba.m bhikkhave, a~n~natarasmi.m udakarahade mahaakummakula.m ciranivaasii ahosi.|| ||

Atha kho bhikkhave, a~n~nataro kummo a~n~natara.m kumma etad avoca:|| ||

"Maa kho tva.m taata kumma, eta.m padesa.m agamaasii" ti.|| ||

Agamaasi kho bhikkhave, so kummo ta.m padesa.m.||
tam enam luddo papataaya vijjha.|| ||

Atha kho bhikkhave, so kummo yena so kummo ten'upasa'nkami.|| ||

Addasaa kho bhikkhave so kummo ta.m kumma.m duuratova aagacchanta.m.|| ||

Disvaana ta.m kumma.m etad avoca:|| ||

"Kacci tva.m taata kumma, na ta.m padesa.m agamaasii" ti?|| ||

Agamaasi.m kho aha.m taata kumma, ta.m padesanti.|| ||

"Kacci panaasi taata kumma, akkhato anupahato" ti?|| ||

Akkhato kho'mhi taata kumma, anupahato.||
Atthi pana me ida.m suttaka.m pi.t.thito pi.t.thito, anubaddhanti.|| ||

Tagghassasi taata kumma, khato upahato.||
Etena hi te taata, kumma, suttakena pitaro ca pitaamahaa ca anaya.m aapannaa vyasana.m aapannaa.|| ||

Gaccha daani tva.m taata kumma, na daani tva.m amhaakanti.|| ||

Luddo ti kho bhikkhave, Maarasseta.m paapimato adhivacana.m.||
Papataa ti kho bhikkhave, laabhasakkaarasilokasseta.m adhivacana.m.|| ||

Suttakanti kho bhikkhave, nandiraagasseta.m adhivacana.m.|| ||

Yo hi koci bhikkhave, bhikkhu upanna.m laabhasakkaarasiloka.m assaadeti, nikaameti||
aya.m vuccati bhikkhave, bhikkhu giddho papataaya anaya.m aapanno, vyasana.m aapanno, yathaakaamakara.niiyo paapimato.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

[220] Eva.m hi vo bhikkhave, sikkhitabban ti.|| ||

 

§

 

Sutta 4

Diighalomie'aka sutta.m

 

[4][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

seyyathaa pi, bhikkhave, dighalomikaa e'akaa ka.n.takaagaha.na.m paviseyya, saa tatra tatra sajjeyya, tatra tatra gayheyya, tatra tatra bajjheyya, tatra tatra anayavyasana.m aapajjeyya.|| ||

Evam eva kho bhikkhave, idh'ekacco bhikkhu laabhasakkaarasilokena abhibhuuto pariyaadinnacitto pubba.nhasamaya.m nivaasetvaa pattaciivaramaadaaya gaama.m vaa nigama.m vaa pi.n.daaya pavisati,||
so tatra tatra sajjati, tatra tatra gayhati. Tatra tatra bajjhati, tatra tatra anayavyasana.m aapajjati.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 5

Mii'haka sutta.m

 

[5][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

seyyathaa pi, bhikkhave, mii'hakaa guuthaadii, guuthapuraa, pu.n.naa guthassa,||
purato c'assa mahaaguuthapu~njo.|| ||

Saa tena a~n~naa mii'hakaa atima~n~neyya: aha.m hi guuthaadi, guuthapuuraa, pu.n.naa guuthassa, purato ca myaaya.m mahaaguuthapu~njo" ti.|| ||

[229] Evam eva kho bhikkhave, idh'ekacco bhikkhu laabhasakkaarasilokena abhibhuuto pariyaadinnacitto pubba.nhasamaya.m nivaasetvaa pattaciivaramaadaaya gaama.m vaa nigama.m vaa pi.n.daaya pavisati.||
So tattha bhuttaavii ca hoti yaavadattho, nimantito ca svaatanaaya,||
pi.n.dapaato c'assa puuro.|| ||

So aaraama.m gantvaa bhikkhuga.nassa majjhe vikatthati: bhuttaavii camhi yaavadattho, nimantitocamhi svaatanaaya,||
pi.n.dapaato ca myaaya.m puuro,||
laabhii camhi civara-pi.n.dapaata-senaasana-gilaanapapaccaya-bhesajja-parikkhaaraana.m.|| ||

Ime pana a~n~ne bhikkhuu appapu~n~naa appesakkhaa na laabhino civara-pi.n.dapaata-senaasana-gilaanapapaccaya-bhesajja-parikkhaaraananti.|| ||

So tena laabhasakkaarasilokena abhibhuto pariyaadinna-citto a~n~ne pesale bhikkhuu atima~n~nati.|| ||

Ta.m hi tassa bhikkhave, moghapurisassa hoti diigha-ratta.m ahitaaya dukkhaaya.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 6

Asanivicakka sutta.m

 

[6][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Ka.m bhikkhave, asani vicakka.m aagacchatu? Sekha.m appattamaanasa.m laabhasakkaarasiloko anupaapu.naatu.||
"Asani vicakkanti" kho bhikkhave, laabhasakkaarasilokasseta.m adhivacana.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 7

Di.t.thavisalla sutta.m

 

[7][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Ka.m bhikkhave, di.t.thagatena visallena sallena vijjhanti tam? Sekha.m appattamaanasa.m laabhasakkaarasiloko anupaapu.naatu.|| ||

'Sallanti kho bhikkhave, laabhasakkaarasilokasseta.m adhivacana.m.|| ||

Eva.m daaru.no kho bhikkhave,laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 8

Sigaala Sutta.m 1

 

[8][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Assuttha no tumhe bhikkhave, rattiyaa paccuusa-samaya.m jarasigaalassa vassamaanassaa" ti?|| ||

Eva.m bhante.|| ||

Eso kho bhikkhave, jarasigaalo ukka.n.takena naama rogajaatena phu.t.tho n'eva bilagato ramati.||
Na rukkhamuulagato ramati. Na ajjhokaasagato ramati.||
Yena yena gacchati, yattha yattha ti.t.thati, yattha yattha nisiidati, yattha yattha nipajjati, tattha tattha anayabyasana.m aapajjati.|| ||

Evam eva kho bhikkhave, idh'ekacco bhikkhu laabhasakkaarasilokena abhibhuuto pariyaadinnacitto n'eva su~n~naagaaragato ramati.||
Na rukkhamuulagato ramati. Na ajjhokaasagato ramati.||
Yena yena gacchati, yattha yattha ti.t.thati, yattha yattha nisiidati, yattha yattha nipajjati, tattha tattha anayabyasana.m aapajjati.|| ||

[231] Eva.m daaru.no kho bhikkhave laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 9

Veramba sutta.m

 

[9][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Upari bhikkhave, aakaase verambaa naama vaataa vaayanti.|| ||

Tattha yo pakkhi gacchati, tam ena.m verambaa vaataa khipanti.||
Tassa verambavaatakhittassa a~n~nen'eva paadaa gacchanti, a~n~nena pakkhaa gacchanti, a~n~nena siisa.m gacchati, a~n~nena kaayo gacchati.|| ||

Evam eva kho bhikkhave, idh'ekacco bhikkhu laabhasakkaarasilokena abhibhuuto pariyaadinnacitto pubba.nhasamaya.m nivaasetvaa pattaciivaramaadaaya gaama.m vaa nigama.m vaa pi.n.daaya pavisati, arakkhiten'eva kaayena arakkhitaaya vaacaaya arakkhitena cittena anupa.t.thitaaya satiyaa asa.mvutehi indriyehi.|| ||

So tattha passati maatugaama.m dunnivattha.m vaa duppaaruta.m vaa.||
Tassa maatugaama.m disvaa dunnivattha.m vaa duppaaruta.m vaa raago citta.m anuddha.mseti.|| ||

So raagaanuddha.msitena cittena sikkha.m paccakkhaaya hiinaayaavattati.||
Tassa a~n~ne ciivara.m haranti. A~n~ne patta.m haranti. A~n~ne nisiidana.m haranti. A~n~ne suucighara.m haranti.||
Verambavaatabittass'eva saku.nassa.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 10

Sagaatha sutta.m

 

[10][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m passaami [232] laabha-sakkaarena abhibhuuta.m pariyaadinnacitta.m kaayassa bhedaa param mara.naa apaaya.m duggati.m vinipaata.m Niraya.m upapanna.m.|| ||

Idha panaaha.m bhikkhave, ekacca.m puggala.m passaami asakkaarena abhibhuuta.m pariyaadinnacitta.m kaayassa bhedaa param mara.naa apaaya.m duggati.m vinipaata.m Niraya.m upapanna.m.|| ||

Idha panaaha.m bhikkhave, ekacca.m puggala.m passaami sakkaarena ca asakkaarena ca dvayena abhibhuuta.m pariyaadinnacitta.m kaayassa bhedaa param mara.naa apaaya.m duggati.m vinipaata.m Niraya.m upapanna.m.|| ||

Eva.m daaru.no kho bhikkhave, laabhasakkaaranasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

Idavoca Bhagavaa.||
Ida.m vatvaa sugato athaapara.m etad avoca satthaa:|| ||

Yassa sakkariyamaanassa||
asakkaarena cuuhaya.m,||
Samaadhi na vikampati||
appamaa.navihaarino||
Ta.m jhaayina.m saatatika.m||
sukhumadi.t.thivipassaka.m||
Upaadaanakkhayaaraama.m||
aahu sappuriso itii" ti.|| ||

Daaru.navaggo pa.thamo.|| ||

Tassuddaana.m:|| ||

Daaru.no ba'isa.m kummo||
diighalomi.m mii'haka.m,||
Asani di.t.tha.m sigaala~n||
verambena sagaathakanti.

 


II. Paativaggo. (Dutiyo)


 

Sutta 11

Suva.n.napaati Sutta.m (Paati 1)

 

[11][pts][wp][bd] [233] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa suva.n.napaatiyaapi ruupiyacu.n.na- paripuuraaya hetu sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 12

Ruupiyapaati sutta.m

 

[12][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami "na caayama aayasmaa ruupiyapaatiyaapi suva.n.nacu.n.naparipuuraaya hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 13

Suva.n.nanikkha sutta.m

 

[13][pts][wp][bd] Saavatthiya.m - || ||

[234] Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa suva.n.nanikkhassaapi hetu||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 14

Suva.n.nanikkhasata sutta.m

 

[14][pts][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa suva.n.nanikkhasatassaapi hetu||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 15

Si'ngiinikkha sutta.m

 

[15][pts][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa si'ngiinikkhassapi hetu||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 16

Si'ngiinikkhasata sutta.m

 

[16][pts][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa si'ngiinikkhasatassaapi hetu||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 17

Pa.thavi sutta.m

 

[17][pts][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa pa.thaviyaapi jaataruupaparipuuraaya hetu||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 18

Ki~ncikkha sutta.m

 

[18][pts][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa aamisaki~ncikkha hetu'pi||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 19

Jiivita sutta.m

 

[19][pts][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa jiivita hetu'pi||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 20

Janapadaka'yaa.ni sutta.m

 

[20][pts][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami.||
"Na caayama aayasmaa janapadaka'yaa.niyaa'pi hetu||
sampajaana musaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

Tassuddaana.m|| ||

Dve paati dve suva.n.naa si'ngiihi apare duve, pa.thavi ki~ncikkha jiivita.m janapadaka'yaa.niyaa dasaa" ti.|| ||

 


III. Maatugaamavaggo


 

Sutta 21

Maatugaama sutta.m

 

[21][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

235 Na tassa bhikkhave, maatugaamo eko ekassa citta.m pariyaadaaya ti.t.thati,||
yassa laabhasakkaara siloko citta.m pariyaadaaya ti.t.thati.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 22

Janapadakalyaa.ni sutta.m

 

[22][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Na tassa bhikkhave, janapadakalyaa.ni ekaa ekassa citta.m pariyaadaaya ti.t.thati,||
yassa laabhasakkaarasiloko citta.m pariyaadaaya ti.t.thati.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 23

Ekaputta sutta.m

 

[23][pts][wp][bd] Saavatthiya.m -|| ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Saddhaa bhikkhave, upaasikaa eka.m putta.m piya.m manaapa.m eva.m sammaa aayaacamaanaa aayaaceyya|| ||

"Taadiso taata, bhavaahi, yaadiso citto ca gahapati Hatthako ca aa'avako" ti.|| ||

Esaa bhikkhave tulaa, eta.m pamaa.na.m, mama saavakaana.m upaasakaana.m yad ida.m citto ca gahapati, Hatthako ca aa'avako.|| ||

"Sace kho tva.m taata, agaarasmaa anagaariya.m pabbajasi, "taadiso naata bhavaahi yaadisaa Saariputta-Moggallaanaa" ti.|| ||

Esaa bhikkhave tulaa, eta.m pamaa.na.m, saavakaana.m bhikkhuuna.m yad ida.m Saariputta-Moggallaanaa.|| ||

"Maa ca kho tva.m taata, sekha.m appattamaanasa.m laabhasakkaarasiloko anupaapu.naatu" ti.|| ||

Ta.m ce [236] bhikkhave, bhikkhu.m sekha.m appattamaanasa.m laabhasakkaarasiloko anupaapu.naati,||
so tassa hoti antaraayaaya.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 24

Ekadhiitu sutta.m

 

[24][pts][wp][bd] Saavatthiya.m - || ||

Daaru.no bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Saddhaa bhikkhave, upaasikaa eka.m .thitika.m piya.m manaapa.m eva.m sammaa aayaacamaanaa aayaaceyya:|| ||

"Taadisaa ayye, bhavaahi, yaadisaa khujjuttaraa upaasikaa ve.luka.n.takiyaa ca Nandamaataa" ti.|| ||

Esaa bhikkhave, tulaa, eta.m pamaa.na.m, mama saavikaana.m upaasikaana.m yad ida.m khujjuttaraa ca Upaasikaa, ve.luka.n.takiyaa ca Nandamaataa.|| ||

"Sa ce kho tva.m ayye, agaarasmaa anagaariya.m pabbajasi, taadisaa ayye, bhavaahi, yaadisaa Khemaa ca bhikkhunii, Uppalava.n.naa caa" ti.|| ||

Esaa bhikkhave, tulaa, eta.m pamaa.na.m, mama saavikaana.m bhikkhuniina.m yad ida.m Khemaa ca bhikkhunii Uppalava.n.naa ca.|| ||

"Maa ca kho tva.m ayye, sekha.m appattamaanasa.m laabhasakkaarasiloko anupaapu.naatuu" ti.|| ||

Ta.m ce bhikkhave, bhikkhuni.m sekha.m appattamaanasa.m laabhasakkaarasiloko anupaapu.naati,||
so tassaa hoti antaraayaaya.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 25

Sama.nabraahma.na sutta.m

 

[25][pts][wp][bd] Saavatthiya.m - || ||

[237] Ye hi keci, bhikkhave, sama.naa vaa braahma.naa vaa laabhasakkaarasilokassa assaada~n ca aadiinava~n ca nissara.na~n ca yathaabhuuta.m na pajaananti, na me te bhikkhave, sama.naa vaa braahma.naa vaa sama.nesu vaa sama.nasammataa, braahma.nesu vaa braahma.nasammataa. Na ca pana te aayasmato saama~n~nattha.m vaa brahma~n~natta.m vaa di.t.the va dhamme saya.m abhi~n~naa sacchikatvaa upasampajja viharanti.|| ||

Ye ca kho keci bhikkhave, sama.naa vaa braahma.naa vaa laabhasakkaarasilokassa assaada~n ca aadiinava~n ca nissara.na~n ca yathaabhuuta.m pajaananti, te ca khome bhikkhave sama.naa vaa braahma.naa vaa sama.nesu vaa sama.nasammataa, braahma.nesu vaa braahma.nasammataa. Te ca panaayasmato saama~n~nattha~nca brahma~n~nattha~nca di.t.the va dhamme saya.m abhi~n~naa sacchikatvaa upasampajja viharantii" ti.|| ||

 

§

 

Sutta 26

Dutiyasama.nabraahma.na sutta.m

 

[26][pts][wp][bd] Saavatthiya.m - || ||

Ye hi keci, bhikkhave, sama.naa vaa braahma.naa vaa laabhasakkaarasilokassa samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m nappajaananti, na me te bhikkhave, sama.naa vaa brahma.naa vaa sama.nesu vaa sama.nasammataa, braahma.nesu vaa braahma.nasammataa. Na ca pana te aayasmanto saama~n~nattha~nca brahma~n~nattha~nca di.t.the va dhamme saya.m abhi~n~naa sacchikatvaa upasampajja viharanti.|| ||

Ye hi keci, bhikkhave, sama.naa vaa braahma.naa vaa laabhasakkaarasilokassa samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m pajaananti, te ca khome bhikkhave, sama.naa vaa braahma.naa vaa sama.nesu c'eva sama.nasammataa, braahma.nesu ca braahma.nasammataa. Te ca panaayasmanto saama~n~nattha~nca brahma~n~nattha~nca di.t.the va dhamme saya.m abhi~n~naa sacchikatvaa upasampajja viharantii" ti.

 

§

 

Sutta 27

Tatiyasama.nabraahma.na sutta.m

 

[27][pts][wp][bd]Saavatthiya.m - || ||

Ye hi keci, bhikkhave, sama.naa vaa braahma.naa vaa laabhasakkaarasiloka.m nappajaananti, laabhasakkaarasilokasamudaya.m nappajaananti, laabhasakkaarasiloka nirodha.m nappajaananti, laabhasakkaarasilokanirodhagaaminiipa.tipada.m nappajaananti, na me te bhikkhave, sama.naa vaa brahma.naa vaa sama.nesu vaa sama.nasammataa, braahma.nesu vaa braahma.nasammataa. Na ca pana te aayasmanto saama~n~nattha~nca brahma~n~nattha~nca di.t.the va dhamme saya.m abhi~n~naa sacchikatvaa upasampajja viharanti.|| ||

Ye hi keci sama.naa vaa braahma.naa vaa laabhasakkaarasiloka~n ca laabhasakkaarasilokasamudaya~n ca laabhasakkaarasilokanirodha~nca laabhasakkaaranirodhagaaminiipa.tipada~nca yathaabhuuta.m pajaananti. Te ca khome bhikkhave, sama.naa vaa braahma.naa vaa sama.nesu c'eva sama.nasammataa, braahma.nesu ca braahma.nasammataa. Te ca panaayasmanto saama~n~nattha~nca brahma~n~nattha~nca di.t.the va dhamme saya.m abhi~n~naa sacchikatvaa upasampajja viharantii" ti.

 

§

 

Sutta 28

Chavi sutta.m

 

[28][pts][wp][bd] Saavatthiya.m - || ||

Daaru.no bhikkhave, laabhasakkaarasiloko.|| ||

[238] Laabhasakkaarasiloko bhikkhave chavi.m chindati,||
chavi.m chetvaa ma.msa.m chindati,||
ma.msa.m chetvaa camma.m chindati,||
camma.m chetvaa nahaaru.m chindati,||
nahaaru.m chetvaa a.t.thi.m chindati,||
a.t.thi.m chetvaa a.t.thimi~nja.m aahacca ti.t.thati.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 29

Vaalarajju sutta.m

 

[29][pts][wp][bd] Saavatthiya.m - || ||

Daaru.no bhikkhave, laabhasakkaarasiiloko|| ||

Laabhasakkaarasiloko bhikkhave, chavi.m chindati,||
chavi.m chetvaa camma.m chindati,||
chamma.m chetvaa ma.msa.m chindati,||
ma.msa.m chetvaa nahaaru.m chindati,||
nahaaru.m chetvaa a.t.thi.m chindati,||
a.t.thi.m chetvaa a.t.thimi~nja.m aahacca ti.t.thati.|| ||

seyyathaa pi, bhikkhave, balavaa puriso da.lhaaya vaalarajjuyaa ja'ngha.m ve.thetvaa gha.mseyya,||
saa chavi.m chindeyya, chavi.m chetvaa camma.m chindeyya,||
camma.m chetvaa ma.msa.m chindeyya,||
ma.msa.m chetvaa nahaaru.m chindeyya,||
nahaaru.m chetvaa a.t.thi.m chindeyya,||
a.t.thi.m chetvaa a.t.thimi~nja.m aahacca ti.t.theyya.|| ||

Evam eva kho bhikkhave, laabhasakkaarasiloko chavi.m chindati,||
chavi.m chetvaa camma.m chindati,||
camma.m chetvaa ma.msa.m chindati,||
ma.msa.m chetvaa nahaaru.m chindati,||
nahaaru.m chetvaa a.t.thi.m chindati,||
a.t.thi.m chetvaa a.t.thimi~nja.m aahacca ti.t.thati.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 30

Khii.naasavabhikkhu sutta.m

 

[30][pts][wp][bd] Saavatthiya.m - || ||

[239] Yo pi so bhikkhave, bhikkhu araha.m khii.naasavo, tassa paaha.m laabhasakkaarasiloka.m antaraayaaya vadaamii" ti.|| ||

Eva.m vutte aayasmaa Aanando Bhagavanta.m etad avoca|| ||

Kissa pana bhante, khii.naasavassa bhikkhuno laabhasakkaarasiloko antaraayaayaa" ti?

Yaa hi'ssa saa Aananda, akuppaa ceto vimutti, naaha.m tassaa laabhasakkaara siloka.m antaraayaaya vadaami.|| ||

Ye ca khvassa Aananda, appamattassa aataapino pahitattassa viharato di.t.thadhammasukhavihaara.m adhigataa, tesaahamassa laabhasakkaarasiloka.m antaraayaaya vadaami.|| ||

Eva.m daaru.no kho Aananda, laabhasakkaarasiloko ka.tuko pharuso, antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

Maatugaamavaggo tatiyo.|| ||

Tassuddaana.m:

Maatugaamo ca kalyaa.nii ekaputteka dhiitu ca

Sama.nabraahma.naa tii.ni chavi rajjuu ca bhikkhu ceti.

 


IV. Sa'nghabhedavaggo


 

Sutta 31

Sa'nghabheda sutta.m

 

[31][pts][wp][bd] Saavatthiya.m - || ||

Daaru.no bhikkhave, laabhasakkaarasiloko. Ka.tuko pharuso antaraayiko anuttarassa yogakkhemassa adhigamaaya.|| ||

[240] Laabhasakkaarasilokena abhibhuuto pariyaadinnacitto bhikkhave, Devadatto sa'ngha.m bhindi.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 32

Kusalamuulasamuccheda sutta.m

 

[32][pts][wp][bd] Saavatthiya.m - || ||

Daaru.no bhikkhave, laabhasakkaarasiloko. Ka.tuko pharuso antaraayiko anuttarassa yogakkhemassa adhigamaaya.|| ||

Laabhasakkaarasilokana abhibhuutassa pariyaadinnacittassa bhikkhave, Devadattassa kusalamuula.m samucchedam agamaa.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 33

Kusaladhammasamuccheda sutta.m

 

[33][pts][wp][bd] Saavatthiya.m - || ||

Daaru.no bhikkhave, laabhasakkaarasiloko. Ka.tuko pharuso antaraayiko anuttarassa yogakkhemassa adhigamaaya.|| ||

Laabhasakkaarasilokana abhibhuutassa pariyaadinna-cittassa bhikkhave, Devadattassa kusalo dhammo samacchedam agamaa.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 34

Sukkadhammasamuccheda sutta.m

 

[34][pts][wp][bd] Saavatthiya.m - || ||

Daaru.no bhikkhave, laabhasakkaarasiloko. Ka.tuko pharuso antaraayiko anuttarassa yogakkhemassa adhigamaaya.|| ||

Laabhasakkaarasilokana abhibhuutassa pariyaadinna-cittassa bhikkhave, Devadattassa sukko dhammo samucchedam agamaa.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 35

Attavadha sutta.m

 

[35][pts][wp][bd] [241] Eka.m samaya.m Bhagavaa Raajagahe viharati Gijjhakuu.te pabbate acirapakkante devadatte.|| ||

Tatra kho Bhagavaa Devadatta.m aarabbha bhikkhuu aamantesi:|| ||

Attavadhaaya bhikkhave, Devadattassa laabhasakkaarasiloko udapaadi.||
Paraabhavaaya laabhasakkaarasiloko udapaadi.|| ||

seyyathaa pi, bhikkhave, kadali attavadhaaya phala.m deti, paraabhavaaya phala.m deti, evam eva kho, bhikkhave, attavadhaaya Devadattassa laabhasakkaarasiloko udapaadi.||
Paraabhavaaya Devadattassa laabhasakkaarasiloko udapaadi.|| ||

seyyathaa pi, bhikkhave, ve.lu attavadhaaya phala.m deti, paraabhavaaya phala.m deti, evam eva kho, bhikkhave, attavadhaaya Devadattassa laabhasakkaarasiloko udapaadi.||
Paraabhavaaya Devadattassa laabhasakkaarasiloko udapaadi.|| ||

seyyathaa pi, bhikkhave, na'o attavadhaaya phala.m deti, paraabhavaaya phala.m deti, evam eva kho, bhikkhave, attavadhaaya Devadattassa laabhasakkaarasiloko udapaadi.||
Paraabhavaaya Devadattassa laabhasakkaarasiloko udapaadi.|| ||

seyyathaa pi, bhikkhave, assatarii attavadhaaya gabbha.m ga.nhaati, paraabhavaaya gabbha.m ga.nhaati, evam eva kho, bhikkhave, attavadhaaya Devadattassa laabhasakkaarasiloko udapaadi.||
Paraabhavaaya Devadattassa laabhasakkaarasiloko udapaadi.|| ||

Eva.m daaru.no kho bhikkhave, laabhasakkaarasiloko ka.tuko pharuso, antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

Idam avoca Bhagavaa, ida.m vatvaa sugato athaapara.m etad avoca satthaa:|| ||

Phala.m ve kadali.m hanti||
phala.m ve.lu.m phala.m na'a.m,||
Sakkaaro kaapurisa.m hanti||
gabbho assatari.m yathaa" ti.

 

§

 

Sutta 36

Pa~ncarathasata sutta.m

 

[36][pts][wp][bd] Eka.m samaya.m Bhagavaa||
[242] Raajagahe viharati Ve.luvane kalandakanivaape.|| ||

Tena kho pana samayena Devadattassa Ajaatasattu kumaaro pa~ncahi rathasatehi saaya.m paata.m upa.t.thaana.m gacchati.||
Pa~nca ca thaalipaakasataani bhattaabhihaaro abhihariiyati.|| ||

Atha kho sambahulaa bhikkhuu yena Bhagavaa tenupa-sa'nkami.msu.||
Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinnaa kho te bhikkhuu Bhagavanta.m etad avocu.m:|| ||

"Devadattassa bhante, Ajaatasattukumaaro pa~ncahi rathasatehi saaya.m paata.m upa.t.thaana.m gacchati.||
Pa~nca ca thaalipaakasataani bhattaabhihaaro abhihariiyatii" ti.|| ||

Maa bhikkhave, Devadattassa laabhasakkaarasiloka.m pihayittha.||
Yaava kiiva~nca bhikkhave, Devadattassa Ajaatasattukumaaro pa~ncahi rathasatehi saaya.m paata.m upa.t.thaana.m gamissati,||
pa~nca ca thaalipaakasataani bhattaabhihaaro abhihariiyissati,||
haani yeva bhikkhave, Devadattassa paa.tika'nkhaa kusalesu dhammesu, no vuddhi.|| ||

seyyathaa pi, bhikkhave, ca.n.dassa kukkurassa naasaaya pitta.m bhindeyyu.m,||
eva.m hi so bhikkhave, kukkuro bhiiyosomattaaya ca.n.dataro assa.||
Evam eva kho bhikkhave, yaavakiiva~nca Devadattassa Ajaatasattukumaaro pa~ncahi rathasatehi saaya.m paata.m upa.t.thaana.m gamissati,||
pa~nca ca thaalipaakasataani bhattaabhihaaro abhihariiyissati,||
haani yeva bhikkhave, Devadattassa paa.tika'nkhaa kusalesu dhammesu, no vuddhi.|| ||

Eva.m daaru.no kho bhikkhave, laabhasakkaarasiloko ka.tuko pharuso, antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 37

Maatu sutta.m

 

[37][pts][wp][bd] Saavatthiya.m - || ||

Daaru.no bhikkhave, laabhasakkarasiloko ka.tuko, pharuso antaraayiko anuttarassa yogakkhemassa adhigamaaya.|| ||

[243] Idhaaha.m bhikkhave, ekacca.m puggala.m eva.m cetasaa ceto paricca pajaanaami:||
"Na caayama aayasmaa maatu'pi hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 38

Pitu sutta.m

 

[38][pts][bd] Saavatthiya.m - || ||

Daaru.no bhikkhave, laabhasakkarasiloko ka.tuko, pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami:||
"Na caayama aayasmaa pitu'pi hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 39

Bhaatu sutta.m

 

[39][pts][bd] Saavatthiya.m - || ||

Daaru.no bhikkhave, laabhasakkarasiloko ka.tuko, pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami:||
"Na caayama aayasmaa bhaatu'pi hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 40

Bhagini sutta.m

 

[40][pts][bd] Saavatthiya.m - || ||

Daaru.no bhikkhave, laabhasakkarasiloko ka.tuko, pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami:||
"Na caayama aayasmaa bhaginiyaa'pi hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 41

Putta sutta.m

 

[41][pts][bd] Saavatthiya.m - || ||

Daaru.no bhikkhave, laabhasakkarasiloko ka.tuko, pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami:||
"Na caayama aayasmaa puttassa'pi hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 42

Dhiitu sutta.m

 

[42][pts][bd] Saavatthiya.m - || ||

Daaru.no bhikkhave, laabhasakkarasiloko ka.tuko, pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami:||
"Na caayama aayasmaa dhituyaa'pi hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

 

§

 

Sutta 43

Pajaapati sutta.m

 

[43][pts][bd] Saavatthiya.m - || ||

Daaru.no bhikkhave, laabhasakkarasiloko ka.tuko, pharuso antaraayiko anuttarassa yogakkhemassa adhigamaaya.|| ||

Idhaaha.m bhikkhave, ekacca.m puggala.m eva.m cetasaa ceto paricca pajaanaami:||
"Na caayama aayasmaa pajaapatiyaa'pi hetu sampajaanamusaa bhaaseyyaa" ti.|| ||

Tam enam passaami aparena samayena laabhasakkaarasilokena abhibhuuta.m pariyaadinnacitta.m sampajaanamusaa bhaasanta.m.|| ||

Eva.m daaru.no kho bhikkhave, laabhasakkaarasiloko ka.tuko pharuso antaraayiko anuttarassa yogakkhemassa adhigamaaya.|| ||

Tasmaati ha bhikkhave, eva.m sikkhitabba.m:|| ||

"Uppanna.m laabhasakkaarasiloka.m pajahissaama,||
na ca no uppanno laabhasakkaarasiloko citta.m pariyaadaaya .thassatii" ti.|| ||

Eva.m hi vo bhikkhave, sikkhitabban ti.|| ||

Sa'nghabhedavaggo catuttho.|| ||

Tassuddaana.m:

Bhindi muula.m sukko dhammo pakkanta.m rathamaataro,

Pitaa ca bhaataa bhaginii putto dhitaa pajaapatii" ti.|| ||

Laabhasakkaarasa.myutta.m samatta.m.


Contact:
E-mail
Copyright Statement