Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
3. Khandha Vagga
22. Khandha Sa.myutta
1. Nakulapita Vagga

Sutta 5

Samaadhi Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[13]

[1][pts][than][bodh][olds] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tatra kho Bhagavaa bhikkhuu aamantesi Bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

Samaadhi.m bhikkhave, bhaavetha.||
samaahito bhikkhave,||
bhikkhu yathaabhuuta.m pajaanaati.|| ||

3. Ki~n ca yathaabhuuta.m pajaanaati?|| ||

Ruupassa samudaya~n ca atthagama~n ca,||
vedanaaya samudaya~n ca atthagama~n [14] ca,||
sa~n~naaya samudaya~n ca atthagama~n ca,||
sa.mkhaaraana.m samudaya~n ca atthagama~n ca,||
vi~n~naa.nassa samudaya~n ca atthagama~n ca.|| ||

4. Ko ca bhikkhave, ruupassa samudayo,||
ko vedanaaya samudayo,||
ko sa~n~naaya samudayo,||
ko sa.mkhaaraana.m samudayo,||
ko vi~n~naa.nassa samudayo:|| ||

5. Idha, bhikkhave, abhinandati abhivadati ajjhosaaya ti.t.thati.|| ||

Ki~nca abhinandati abhivadati ajjhosaaya ti.t.thati:|| ||

6. Ruupa.m abhinandati abhivadati ajjhosaaya ti.t.thati,||
tassa ruupa.m abhinandato abhivadato ajjhosaaya ti.t.thato uppajjati nandi.|| ||

Yaa ruupe nandi tad upaadaana.m||
tassuupaadaanapaccayaa bhavo,||
bhava-paccayaa jaati,||
jaati-paccayaa jaraa-mara.na.m||
soka-parideva-dukkha-domanass'-upaayaasaa sambhavanti.|| ||

Evam etassa kevalassa dukkhakkhandhassa samudayo hoti.|| ||

7. Vedana.m abhinandati abhivadati ajjhosaaya ti.t.thati||
tassa vedana.m abhinandato abhivadato ajjhosaaya ti.t.thato uppajjati nandi.|| ||

Yaa vedanaaya nandi tadupaadaana.m, tassupaadaana-paccayaa bhavo,||
bhava-paccayaa jaati,||
jaati-paccayaa jaraa-mara.na.m||
soka-parideva-dukkha-domanass'-upaayaasaa sambhavanti.|| ||

Evam etassa kevalassa dukkhakkhandhassa samudayo hoti.|| ||

8. Sa~n~na.m abhinandati abhivadati ajjhosaaya ti.t.thati.||
Tassa sa~n~na.m abhinandato abhivadato ajjhosaaya ti.t.thato uppajjati nandi.|| ||

Yaa sa~n~naaya nandi tadupaadaana.m, tassupaadaana-paccayaa bhavo,||
bhava-paccayaa jaati,||
jaati-paccayaa jaraa-mara.na.m||
soka-parideva-dukkha-domanass'-upaayaasaa sambhavanti.|| ||

Evam etassa kevalassa dukkhakkhandhassa samudayo hoti.|| ||

9. Sankhaare abhinandati abhivadati ajjhosaaya ti.t.thati||
tassa sa.mkhaare abhinandato abhivadato ajjhosaaya ti.t.thato uppajjati nandi.|| ||

Yaa sankhaaresu nandi tadupaadaana.m, tassupaadaana-paccayaa bhavo,||
bhava-paccayaa jaati,||
jaati-paccayaa jaraa-mara.na.m||
soka-parideva-dukkha-domanass'-upaayaasaa sambhavanti.|| ||

Evam etassa kevalassa dukkhakkhandhassa samudayo hoti.|| ||

10. Vi~n~naa.na.m abhinandati abhivadati ajjhosaaya ti.t.thati.||
Tassa vi~n~naa.na.m abhinandato abhivadato ajjhosaaya ti.t.thato uppajjati nandi.|| ||

Yaa vi~n~naa.ne nandi tadupaadaana.m, tassupaadaana-paccayaa bhavo,||
bhava-paccayaa jaati,||
jaati-paccayaa jaraa-mara.na.m||
soka-parideva-dukkha-domanass'-upaayaasaa sambhavanti.|| ||

Evam etassa kevalassa dukkhakkhandhassa samudayo hoti.|| ||

11. Aya.m bhikkhave, ruupassa samudayo,||
aya.m vedanaaya samudayo,||
aya.m sa~n~naaya samudayo,||
aya.m sa.mkhaaraana.m samudayo,||
aya.m vi~n~naa.nassa samudayo.|| ||

12. Ko ca bhikkhave, ruupassa atthagamo,||
ko vedanaaya atthagamo,||
ko sa~n~naaya atthagamo,||
ko sa.mkhaaraana.m atthagamo,||
ko vi~n~naa.nassa atthagamo.|| ||

Idha, bhikkhave,, bhikkhu naabhinandati naabhivadati naajjhosaaya ti.t.thati.|| ||

Ki~nca naabhinandati naabhivadati naajjhosaaya ti.t.thati:|| ||

13. Ruupa.m naabhinandati naabhivadati naajjhosaaya ti.t.thati,||
tassa ruupa.m anabhinandato anabhivadato anajjhosaaya ti.t.thato yaa ruupe nandi saa nirujjhati|| ||

Tassa nandinirodhaa upaadaananirodho,||
upaadaananirodhaa bhavanirodho,||
bhavanirodhaa jaatinirodho,||
jaatinirodhaa jaraa-mara.na.m||
soka-parideva-dukkha-domanass'-upaayaasaa nirujjhanti.|| ||

Evam etassa kevalassa dukkhakkhandhassa nirodho hoti.|| ||

14. Vedana.m naabhinandati naabhivadati naajjhosaaya ti.t.thati||
tassa vedana.m anabhinandato anabhivadato anaj- [15] jhosaaya ti.t.thato yaa vedanaaya nandi saa nirujjhati.|| ||

Tassa nandinirodhaa upaadaananirodho,||
upaadaanarodhaa bhavanirodho,||
bhavanirodhaa jaatinirodho,||
jaatinirodhaa jaraa-mara.na.m||
soka-parideva-dukkha-domanass'-upaayaasaa nirujjhanti.|| ||

Evam etassa kevalassa dukkhakkhandhassa nirodho hoti.|| ||

15. Sa~n~na.m naabhinandati naabhivadati naajjhosaaya ti.t.thati.||
tassa sa~n~na.m anabhinandato anabhivadato anajjhosaaya ti.t.thato yaa sa~n~naaya nandi saa nirujjhati.|| ||

Tassa nandinirodhaa upaadaananirodho,||
upaadaananirodhaa bhavanirodho,||
bhavanirodhaa jaatinirodho,||
jaatinirodhaa jaraa-mara.na.m||
soka-parideva-dukkha-domanass'-upaayaasaa nirujjhanti.|| ||

Evam etassa kevalassa dukkhakkhandhassa nirodho hoti.|| ||

16. Sa.mkhaare naabhinandati naabhivadati naajjhosaaya ti.t.thati,||
tassa sa.mkhaare anabhinandato anabhivadato anajjhosaaya ti.t.thato yaa sa.mkhaaresu nandi saa nirujjhati.|| ||

Tassa nandinirodhaa upaadaananirodho,||
upaadaanirodhaa bhavanirodho,||
bhavanirodhaa jaatinirodho,||
jaatinirodhaa jaraa-mara.na.m||
soka-parideva-dukkha-domanass'-upaayaasaa nirujjhanti.|| ||

Evam etassa kevalassa dukkhakkhandhassa nirodho hoti.|| ||

17. Vi~n~naa.na.m naabhinandati naabhivadati naajjhosaaya ti.t.thati||
tassa vi~n~naa.na.m anabhinandato anabhivadato anajjhosaaya ti.t.thato yaa vi~n~naa.ne nandi saa nirujjhati.|| ||

Tassa nandinirodhaa upaadaananirodho,||
upaadaanirodhaa bhavanirodho||
bhavanirodhaa jaatinirodho,||
jaatinirodhaa jaraa-mara.na.m||
soka-parideva-dukkha-domanass'-upaayaasaa nirujjhanti.|| ||

Evam etassa kevalassa dukkhakkhandhassa nirodho hoti.|| ||

18. Aya.m bhikkhave, ruupassa atthagamo,||
aya.m vedanaaya atthagamo,||
aya.m sa~n~naaya atthagamo,||
aya.m sa.mkhaaraana.m atthagamo,||
aya.m vi~n~naa.nassa atthagamo ti.|| ||

 


Contact:
E-mail
Copyright Statement