Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya:
III. Khandha Vagga:
22: Khandha Sa.myutta
4. Natumhaaka Vagga

Sutta 35

Pa.thama Bhikkhu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[34]

[1][wrrn][pts][bodh] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

[35] Atha kho a~n~nataro bhikkhu yena Bhagavaa ten'upasa.mkami,||
upasa.mkamitvaa Bhagavanta.m abhivaadetvaa eka-m-anta.m nisiidi,||
eka-m-anta.m nisinno kho so bhikkhu Bhagavanta.m etad avoca:|| ||

"Saadhu me bhante,||
Bhagavaa sa.mkhittena dhamma.m desetu,||
yamaha.m Bhagavato dhamma.m sutvaa eko vuupaka.t.tho appamatto aataapii pahitatto vihareyyan" ti.|| ||

"Ya.m kho bhikkhu,||
anuseti tena sa'nkha.m gacchati,||
ya.m naanuseti na tena sa'nkha.m gacchatii" ti.|| ||

"A~n~naata.m Bhagavaa,||
a~n~naata.m sugataa" ti.|| ||

"Yathaa katha.m pana tva.m bhikkhu,||
mayaa sa.mkhittena bhaasitassa vitthaarena attha.m aajaanaasii" ti?|| ||

"Ruupa.m ce bhante anuseti tena sa.mkha.m gacchati,||
vedana.m ce anuseti tena sa'nkha.m gacchati,||
sa~n~na.m ce anuseti tena sa'nkha.m gacchati,||
sa.mkhaare ce anuseti tena sa'nkha.m gacchati,||
vi~n~naa.na.m ce anuseti tena sa'nkha.m gacchati.|| ||

Ruupa.m ce bhante naanuseti tena sa'nkha.m gacchati,||
vedana.m ce naanuseti tena sa'nkha.m gacchati,||
sa~n~na.m ce naanuseti tena sa'nkha.m gacchati,||
sa.mkhaare ce naanuseti tena sa'nkha.m gacchati,||
vi~n~naa.na.m ce naanuseti tena sa'nkha.m gacchati.|| ||

Imassa khoha.m bhante,||
Bhagavataa sa.mkhittena bhaasitassa eva.m vitthaarena attha.m aajaanaamii" ti.|| ||

"Saadhu saadhu bhikkhu,||
saadhu kho tva.m bhikkhu,||
mayaa sa.mkhittena bhaasitassa vitthaarena attha.m aajaanaasi.|| ||

Ruupa.m ce bhikkhu, anuseti tena sa'nkha.m gacchati,||
vedana.m ce anuseti tena sa'nkha.m gacchati,||
sa~n~na.m ce anuseti tena sa'nkha.m gacchati,||
sa.mkhaare ce anuseti tena sa.mkha.m gacchati,||
vi~n~naa.na.m ce anuseti tena sa.mkha.m gacchati.|| ||

Ruupa.m ce bhikkhu, naanuseti na tena sa'nkha.m gacchati,||
vedana.m ce naanuseti na tena sa'nkha.m gacchati,||
sa~n~na.m ce naanuseti na tena sa'nkha.m gacchati,||
sa.mkhaare ce naanuseti na tena sa'nkha.m gacchati,||
vi~n~naa.na.m ce naanuseti na tena sa'nkha.m gacchati.|| ||

Imassa kho bhikkhu, mayaa sa.mkhittena bhaasitassa eva.m vitthaarena attho da.t.thabboti.|| ||

Atha kho so bhikkhu Bhagavato bhaasita.m abhinanditvaa [36] anumoditvaa u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho so bhikkhu eko vuupaka.t.tho appamatto aataapii pahitatto viharanto na cirass'eva yassatthaaya kulaputtaa samma-d-eva agaarasmaa anagaariya.m pabbajanti,||
tadanuttara.m brahmacariyapariyosaana.m di.t.the va dhamme saya.m abhi~n~naa sacchikatvaa upasampajja vihaasi|| ||

Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa ti abbha~n~naasi.|| ||

A~n~nataro ca pana so bhikkhu arahata.m ahositi.|| ||

 


Contact:
E-mail
Copyright Statement