Saṃyutta Nikāya
3. Khandha Vagga
22. Khandha Saṃyutta
5. Atta-Dīpa Vagga
Sutta 51
Dutiya Nandi-k-Khaya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh][olds] Evaṃ me sutaṃ.|| ||
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkh Bhagavato paccassosuṃ|| ||
Bhagavā etad avoca:|| ||
[52] "Rūpaṃ bhikkhave, yoniso manasi karotha,||
rūp-ā-niccatañ ca yathā-bhūtaṃ samanupassatha.|| ||
Rūpaṃ bhikkhave, bhikkhu yoniso manasi karonto||
rūp-ā-niccatañ ca yathā-bhūtaṃ samanupassanto||
rūpasmiṃ nibbindati.|| ||
Nandi-k-khayā rāga-k-khayo,||
rāga-k-khayā nandi-k-khayo,||
nandi-rāga-k-khayā cittaṃ vimuttaṃ||
'su-vimuttan' ti vuccati.|| ||
■
Vedanaṃ bhikkhave, yoniso manasi karotha,||
vedan-ā-niccatañ ca yathā-bhūtaṃ samanupassatha.|| ||
Vedanaṃ bhikkhave bhikkhu yoniso manasi karonto||
vedan-ā-niccatañ ca yathā-bhūtaṃ samanupassanto||
vedanasmiṃ nibbindati.|| ||
Nandi-k-khayā rāga-k-khayo,||
rāga-k-khayā nandi-k-khayo,||
nandi-rāga-k-khayā cittaṃ vimuttaṃ||
'su-vimuttan' ti vuccati.|| ||
■
Saññaṃ bhikkhave, yoniso manasi-karotha,||
saññ-ā-niccatañ ca yathā-bhūtaṃ samanupassatha.|| ||
Saññaṃ bhikkhave bhikkhu yoniso manasi karonto||
saññ-ā-niccatña ca yathā-bhūtaṃ samanupassanto||
saññasmiṃ nibbindati.|| ||
Nandi-k-khayā rāga-k-khayo,||
rāga-k-khayā nandi-k-khayo,||
nandi-rāga-k-khayā cittaṃ vimuttaṃ||
'su-vimuttan' ti vuccati.|| ||
■
Saṅkhāre bhikkhave, yoniso manasi-karotha,||
saṅkhār-a-niccatañ ca yathā-bhūtaṃ samanupassatha.|| ||
Saṅkhāraṃ bhikkhave bhikkhu yoniso manasi karonto||
saṅkhār-a-niccatañ ca yathā-bhūtaṃ samanupassanto||
saṅkhārasmiṃ nibbindati.|| ||
Nandi-k-khayā rāga-k-khayo,||
rāga-k-khayā nandi-k-khayo,||
nandi-rāga-k-khayā cittaṃ vimuttaṃ||
'su-vimuttan' ti vuccati.|| ||
■
Viññāṇaṃ bhikkhave, yoniso manasi-karotha,||
viññāṇ-ā-niccatañ ca yathā-bhūtaṃ samanupassatha.|| ||
Viññāṇaṃ bhikkhave bhikkhu yoniso manasi karonto||
viññāṇ-ā-niccatañ ca yathā-bhūtaṃ samanupassanto||
viññāṇasmiṃ nibbindati.|| ||
Nandi-k-khayā rāga-k-khayo,||
rāga-k-khayā nandi-k-khayo,||
nandi-rāga-k-khayā cittaṃ vimuttaṃ||
'su-vimuttan' ti vuccati.|| ||
Atta-Dīpa Vagga Pañcama
