Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya:
III. Khandha Vagga:
22: Khandha Sa.myutta
2.3. Khajjaniya Vagga

Sutta 81

Paarileyyaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[94]

[1][pts][than][bodh] Eva.m me suta.m:|| ||

Eka.m samaya.m Bhagavaa Kosambiya.m viharati Ghositaaraame.|| ||

Atha kho Bhagavaa pubba.nhasamaya.m nivaasetvaa,||
pattaciivaramaadaaya Kosambiya.m pi.n.daaya paavisi.|| ||

Kosambiya.m pi.n.daaya caritvaa pacchaabhatta.m pi.n.dapaatapa.tikkanto saama.m [95] senaasa.m sa.msaametvaa pattaciivaramaadaaya anaamantetvaa upa.t.thaake anapaloketvaa bhikkhu-sa'ngha.m eko adutiyo caarika.m pakkaami.|| ||

Atha kho a~n~nataro bhikkhu acirapakkantassa Bhagavato yenaayasmaa Aanando ten'upasa'nkami.|| ||

Upasa'nkamitvaa aayasmanta.m Aananda.m etad avoca:|| ||

"Ehaa'vuso Aananda, Bhagavaa saama.m senaasana.m sa.msaametvaa pattacivaramaadaaya anaamantetvaa upa.t.thaake anapaloketvaa bhikkhu-sa'ngha.m eko adutiyo caarika.m pakkanto" ti.|| ||

"Yasmi.m aavuso samaye Bhagavaa saama.m senaasana.m sa.msaametvaa pattaciivaramaadaaya anaamantetvaa upa.t.thaake anapaloketvaa bhikkhu-sa'ngha.m eko adutiyo caarika.m pakkamati eko va Bhagavaa tasmi.m samaye viharitukaamo hoti.|| ||

Na Bhagavaa tasmi.m samaye kenaci anubandhitabbo hotii" ti.|| ||

Atha kho Bhagavaa anupubbena caarika.m caramaano yena paarileyyaka.m1tadavasari.|| ||

Tatra suda.m Bhagavaa paarileyyake viharati bhaddasaalamuule atha kho sambahulaa bhikkhu yena aayasmaa Aanando ten'upasa'nkami.msu.|| ||

Upasa.mkamitvaa aayasmataa Aanandena saddhi.m sammodi.msu.|| ||

Sammodaniiya.m katha.m saaraa.niya.m viitisaaretvaa eka-m-anta.m nisiidi.msu.|| ||

Eka-m-anta.m nisinnaa kho te bhikkhuu aayasmanta.m Aananda.m etad avocu.m:|| ||

"Cirassutaa kho no aavuso Aananda Bhagavato sammukhaa dhammiikathaa icchaama maya.m aavuso Aananda,||
Bhagavato sammukhaa dhammi.m katha.m sotun" ti.|| ||

Atha kho aayasmaa Aanando tehi bhikkhuuhi saddhi.m yena paarileyyaka.m bhaddasaalamuula.m yena Bhagavaa ten'upasa'nkami.|| ||

Upasa.mkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinne kho te bhikkhuu Bhagavaa dhammiyaa kathaaya sandassesi||
samaadapesi||
samuttejasi||
Sampaha.msesi.|| ||

[96] Tena kho pana samayena a~n~natarassa bhikkhuno eva.m cetaso parivitakko udapaadi:|| ||

"Katha.m nu kho jaanato katha.m passato anantaraa aasavaana.m khayo hotii" ti.|| ||

Atha kho Bhagavaa tassa bhikkhuno cetasaa cetoparivitakkama~n~naaya bhikkhuu aamantesi:|| ||

"Vicayaso desito bhikkhave, mayaa dhammo:||
vicayaso desitaa cattaaro satipa.t.thaanaa.|| ||

Vicayaso desitaa cattaaro sammappadhaanaa.|| ||

Vicayaso desitaa cattaaro iddhipaadaa vicayaso desitaani pa~ncindriyaani.|| ||

Vicayaso desitaani pa~ncabalaani viicayaso desitaa sattabojjha'ngaa.|| ||

Vicayaso desito ariyo a.t.tha'ngiko maggo.|| ||

Eva.m vicayaso kho desito bhikkhave, mayaa dhammo.|| ||

Eva.m vicayaso desite kho bhikkhave, mayaa dhamme||
atha ca panidh'ekaccassa bhikkhuno eva.m cetaso parivitakko udapaadi:|| ||

'Katha.m nu kho jaanato katha.m passato anantaraa aasavaana.m khayo hotii' ti?|| ||

Katha.m ca bhikkhave, jaanato katha.m passato anantaraa aasavaana.m khayo hoti?|| ||

Idha bhikkhave, assutavaa puthujjano||
ariyaana.m adassaavii||
ariya-Dhammassa akovido||
ariya-Dhamme aviniito||
sappurisaana.m adassaavii||
sappurisa-Dhammassa akovido||
sappurisa-Dhamme aviniito,||
ruupa.m attato samanupassati||
yaa kho pana saa bhikkhave, samanupassanaa sa.mkhaaro so.|| ||

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

[97] Evam pi kho bhikkhave, jaanato||
eva.m passato anantaraa aasavaana.m khayo hoti.|| ||

Na heva kho ruupa.m attato samanupassati||
api ca kho ruupavanta.m attaana.m samanupassati.|| ||

Yaa kho pana saa bhikkhave,||
samanupassanaa sankhaaro so.|| ||

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

Evam pi kho bhikkhave, jaanato||
eva.m passato anantaraa aasavaana.m khayo hoti.|| ||

Na heva kho ruupa.m attato samanupassati,||
na ruupavanta.m attaana.m samanupassati.|| ||

Api ca kho attani ruupa.m samanupassati.|| ||

Yaa kho pana saa bhikkhave,||
samanupassanaa sankhaaro so.|| ||

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi [98] ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

Evam pi kho bhikkhave, jaanato||
eva.m passato anantaraa aasavaana.m khayo hoti.|| ||

Na heva kho ruupa.m attato samanupassati,||
na ruupavanta.m attaana.m samanupassati,||
na attani ruupa.m samanupassati.|| ||

Api ca kho ruupasmi.m attaana.m samanupassati.|| ||

Yaa kho pana saa bhikkhave,||
samanupassanaa sankhaaro so.|| ||

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

Evam pi kho bhikkhave, jaanato||
eva.m passato anantaraa aasavaana.m khayo hoti.|| ||

Na heva kho ruupa.m attato samanupassati||
na ruupavanta.m attaana.m samanupassati||
na attani ruupa.m samanupassati||
na ruupasmi.m attaana.m samanupassati.|| ||

Api ca kho [99] vedana.m attato samanupassati||
api ca kho vedanaavanta.m attaana.m samanupassati||
api ca kho attani vedana.m samanupassati||
api ca kho vedanaaya attaana.m samanupassati.|| ||

Api ca kho sa~n~na.m attato samanupassati||
api ca kho sa~n~naavanta.m attaana.m samanupassati||
api ca kho attani sa~n~na.m samanupassati||
api ca kho sa~n~naaya attaana.m samanupassati.|| ||

Api ca kho sa.mkhaare attato samanupassati||
api ca sa.mkhaaravanta.m attaana.m samanupassati||
api ca kho attani sa.mkhaare samanupassati||
na sa.mkhaaresu attaana.m samanupassati

Api ca kho vi~n~naa.na.m attato samanupassati||
api ca kho vi~n~naa.navanta.m attaana.m samanupassati||
api ca kho attani vi~n~naa.na.m samanupassati||
api ca kho vi~n~naa.nasmi.m attaana.m samanupassati.|| ||

Yaa kho pana saa bhikkhave samanupassanaa, sankhaaro so.

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

Evam pi kho bhikkhave, jaanato||
eva.m passato anantaraa aasavaana.m khayo hoti.|| ||

Na heva kho ruupa.m attato samanupassati||
na ruupavanta.m attaana.m samanupassati||
na attani ruupa.m samanupassati||
na ruupasmi.m attaana.m samanupassati.|| ||

Na vedana.m attato samanupassati||
na vedanaavanta.m attaana.m samanupassati||
na attani vedana.m samanupassati||
na vedanaaya attaana.m samanupassati.|| ||

Na sa~n~na.m attato samanupassati||
na sa~n~naavanta.m attaana.m samanupassati||
na attani sa~n~na.m samanupassati||
na sa~n~naaya attaana.m samanupassa ti.|| ||

Na sankhaare attato samanupassati||
na sankhaaravanta.m attaana.m samanupassati||
na attani sankhaare samanupassati||
na sankhaaresu attaana.m samanupassati.|| ||

Na vi~n~naa.na.m attato samanupassati||
na vi~n~naa.navanta.m attaana.m samanupassati||
na attani vi~n~naa.na.m samanupassati||
na vi~n~naa.nasmi.m attaana.m samanupassati.|| ||

Api ca kho eva.m di.t.thi hoti:|| ||

"So attaa so loko so pecca bhavissaami nicco dhuvo sassato avipari.naama-dhammo" ti.|| ||

Yaa kho pana saa bhikkhave,||
sassatadi.t.thi sa.mkhaaro so.

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

Evam pi kho bhikkhave, jaanato||
eva.m passato anantaraa aasavaana.m khayo hoti.|| ||

Na heva kho ruupa.m attato samanupassati||
na ruupavanta.m attaana.m samanupassati||
na attani ruupa.m samanupassati||
na ruupasmi.m attaana.m samanupassati.|| ||

Na vedana.m attato samanupassati||
na vedana.m attato samanupassati vedanaavanta.m attaana.m samanupassati||
na attani vedana.m samanupassati||
na vedanaaya attaana.m samanupassatii.|| ||

Na sa~n~na.m attato samanupassati||
na sa~n~naavanta.m attaana.m samanupassati||
na attani sa~n~na.m samanupassati||
na sa~n~naaya attaana.m samanupassati.|| ||

Na sa.mkhaare attato samanupassati||
na sankhaaravanta.m attaana.m samanupassati||
na attani sa'nkhare samanupassati||
na sankhaaresu attaana.m samanupassati.|| ||

Na vi~n~naa.na.m attato samanupassati||
na vi~n~naa.navanta.m attaana.m samanupassati||
na attani vi~n~naa.na.m samanupassati||
na vi~n~naa.nasmi.m attaana.m samanupassati.|| ||

Naa pi eva.m di.t.thi hoti:|| ||

'So attaa so loko so pecca bhavissaami nicco dhuvo sassato avipari.naama-dhammo' ti.|| ||

Api ca kho eva.m di.t.thi hoti:|| ||

'No c'assa.m no ca me siyaa||
na bhavissaami' na me bhavissati' ti.|| ||

Yaa kho pana saa bhikkhave, ucchedadi.t.thi sa.mkhaaro so.|| ||

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

Evam pi kho bhikkhave, jaanato||
eva.m passato anantaraa aasavaana.m khayo hoti.|| ||

Na heva kho ruupa.m attato samanupassati||
na ruupavanta.m attaana.m samanupassati||
na attani ruupa.m samanupassati||
na ruupasmi.m attaana.m samanupassati.|| ||

Na vedana.m attato samanupassati||
na vedanaavanta.m attaana.m samanupassti||
na attani vedana.m samanupassati||
na vedanaaya attaana.m samanupassati.|| ||

Na sa~n~na.m attato samanupassati||
na sa~n~naavanta.m attaana.m samanupassati||
na attani sa~n~na.m samanupassati||
na sa~n~naaya attaana.m samanupassati.|| ||

Na sa.mkhaare samanupassati||
na sa.mkhaaravanta.m attaana.m samanupassati||
na attani sa.mkhaare samanupassati||
na sa.mkhaaresu attaana.m samanupassati.|| ||

Na vi~n~naa.na.m attato samanupassati||
na vi~n~naa.navanta.m attaana.m samanupassati||
na attani vi~n~naa.na.m samanupassati||
na vi~n~naa.nasmi.m attaana.m samanupassati.|| ||

Naa'pi eva.m di.t.thi hoti:|| ||

'So attaa so loko so pecca bhavissaami nicco dhuvo sassato avipari.naama-dhammo' ti.|| ||

Naa pi eva.m di.t.thi hoti:|| ||

'No c'assa.m no ca me siyaa||
na bhavissaami- na me bhavissatii' ti.|| ||

Api ca kho|| ||

'Ka'nkhii hoti vecikicchii ani.t.tha'ngato saddhamme.'|| ||

Yaa kho pana saa bhikkhave, ka.mkhitaa vecikicchitaa ani.t.tha'ngatataa saddhamme, sa.mkhaaro so.|| ||

So pana sa.mkhaaro kin nidaano||
ki.m samudayo||
ki~n jaatiko||
kim pabhavoti|| ||

Avijjaa-samphassajena bhikkhave,||
vedayitena phu.t.thassa assutavato puthujjanassa uppannaa ta.nhaa||
tatojo so sankhaaro.|| ||

Iti kho bhikkhave,||
so pi kho sankhaaro anicco sa'nkhato pa.ticca-samuppanno,||
saa pi ta.nhaa aniccaa sa'nkhataa pa.ticca-samuppannaa,||
saapi vedanaa aniccaa sa'nkhataa pa.ticca-samuppannaa||
so pi phasso anicco sa'nkhato pa.ticca-samuppanno||
saa pi avijjaa aniccaa sa'nkhataa pa.ticca-samuppannaa.|| ||

Evam pi kho bhikkhave, jaanato||
eva.m passato anantaraa aasavaana.m khayo hotii" ti.|| ||

 


Contact:
E-mail
Copyright Statement