Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya:
III. Khandhaa Vagga:
22: Khandhaasa.myutta

Sutta 135

Tatiya Ko.t.thita Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Eva.m me suta.m:|| ||

Eka.m samaya.m aayasmaa Saariputto||
aaysamaa ca Mahaa-Ko.t.thito,||
Baaraa.nasiya.m viharanti||
Isipatane Migadaaye.|| ||

Atha kho aayasmaa Mahaa-Kotthito saaya.nhasamaya.m pa.tisallaa.naa vu.t.thito yenaayasmaa Saariputto ten'upasa.mkami.|| ||

Upasa.mkamitvaa aayasmataa Saariputtena saddhi.m sammodi.|| ||

Sammodaniiya.m katha.m saara.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho aayasmaa Mahaa-Kotthito||
aayasmanta.m Saariputta.m etad avoca:|| ||

"Avijjaa, avijjaa" ti aavuso Saariputta, vuccati.|| ||

Katamaa nu kho aavuso, avijjaa?|| ||

Kittaavataa ca avijjaagato hoti" ti?|| ||

"Idh'aavuso assutavaa puthujjano|| ||

Ruupa.m na pajaanaati||
ruupa-samudaya.m na pajaanaati||
ruupa-nirodha.m na pajaanaati||
ruupa-nirodhagaamini.m pa.tipada.m na pajaanaati.|| ||

Vedana.m na pajaanaati||
vedanaa-samudaya.m na pajaanaati||
vedanaa-nirodha.m na pajaanaati||
vedanaa-nirodhagaamini.m pa.tipada.m na pajaanaati.|| ||

Sa~n~na.m na pajaanaati||
sa~n~naa-samudayam na pajaanaati||
sa~n~naa-nirodham na pajaanaati||
sa~n~naa-nirodhagaamini.m pa.tipada.m na pajaanaati.|| ||

Sa.mkhaare na pajaanaati||
sa.mkhaara-samudayam na pajaanaati||
sa.mkhaara-nirodham na pajaanaati||
sa.mkhaara-nirodhagaamini.m pa.tipada.m na pajaanaati.|| ||

Vi~n~naa.na.m na pajaanaati||
vi~n~naa.na-samudayam na pajaanaati||
vi~n~naa.na-nirodham na pajaanaati||
vi~n~naa.na-nirodhagaamini.m pa.tipada.m na pajaanaati.|| ||

Aya.m vuccati aavuso, avijjaa.|| ||

Ettaavataa ca avijjaagato hotii" ti.|| ||

 


 

"Vijjaa, vijjaa" ti aavuso Saariputta, vuccati.|| ||

Katamaa nu kho aavuso, vijjaa?|| ||

Kittaavataa ca vijjaagato hoti" ti?|| ||

"Idh'aavuso sutavaa ariyasaavako|| ||

Ruupa.m pajaanaati||
ruupa-samudaya.m pajaanaati||
ruupa-nirodha.m pajaanaati||
ruupa-nirodhagaamini.m pa.tipada.m pajaanaati.|| ||

Vedana.m pajaanaati||
vedanaa-samudaya.m pajaanaati||
vedanaa-nirodha.m pajaanaati||
vedanaa-nirodhagaamini.m pa.tipada.m pajaanaati.|| ||

Sa~n~na.m pajaanaati||
sa~n~naa-samudayam pajaanaati||
sa~n~naa-nirodham pajaanaati||
sa~n~naa-nirodhagaamini.m pa.tipada.m pajaanaati.|| ||

Sa.mkhaare pajaanaati||
sa.mkhaara-samudayam pajaanaati||
sa.mkhaara-nirodham pajaanaati||
sa.mkhaara-nirodhagaamini.m pa.tipada.m pajaanaati.|| ||

Vi~n~naa.na.m pajaanaati||
vi~n~naa.na-samudayam pajaanaati||
vi~n~naa.na-nirodham pajaanaati||
vi~n~naa.na-nirodhagaamini.m pa.tipada.m pajaanaati.|| ||

Aya.m vuccati aavuso, vijjaa.|| ||

Ettaavataa ca vijjaagato hotii" ti.|| ||

 


Contact:
E-mail
Copyright Statement