Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya:
III. Khandhaa Vagga:
22: Khandhaasa.myutta

Sutta 156

Pa.thama Abhinivesa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosu.m|| ||

Bhagavaa etad avoca:|| ||

"Kismi.m nu kho bhikkhave,||
sati ki.m upaadaaya||
ki.m abhinivissa uppajanti sa~n~nojanaabhinivesa-vinibandhaati" ti?|| ||

"Bhagava.mmulakaa no bhante, dhammaa.|| ||

Bhagava.mnettikaa Bhagavampa.tisara.naa.|| ||

Saadhu vata bha.nte,||
Bhagavanta.myeva pa.tibhaatu etassa bhaasitassa attho,||
Bhagavato sutvaa bhikkhu dhaaressan" ti.|| ||

"Ruupe kho bhikkhave, sati||
ruupa.m upaadaaya||
ruupa.m abhinivissa uppajanti sa~n~nojanaabhinivesa-vinibandhaati.|| ||

Vedanaaya sati||
vedana.m upaadaaya||
vedanaa abhinivissa uppajanti sa~n~nojanaabhinivesa-vinibandhaati.|| ||

Sa~n~naaya sati||
sa~n~na.m upaadaaya||
sa~n~naa abhinivissa uppajanti sa~n~nojanaabhinivesa-vinibandhaati.|| ||

Sa.mkhaaresu sati||
sa.mkhaare upaadaaya||
sa.mkhaare abhinivissa uppajanti sa~n~nojanaabhinivesa-vinibandhaati.|| ||

Vi~n~naa.ne sati||
vi~n~naa.na.m upaadaaya||
vi~n~naa.na.m abhinivissa uppajanti sa~n~nojanaabhinivesa-vinibandhaati.|| ||

 


 

Ta.m ki.m ma~n~nasi bhikkhave?|| ||

Ruupa.m nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m, api nu ta.m anupaadaaya uppajanti sa~n~nojanaabhinivesa-vinibandhaati" ti?|| ||

"No h'eta.m bhante."|| ||

Vedanaa nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m, api nu ta.m anupaadaaya uppajanti sa~n~nojanaabhinivesa-vinibandhaati" ti?|| ||

"No h'eta.m bhante."|| ||

Sa~n~naa nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m, api nu ta.m anupaadaaya uppajanti sa~n~nojanaabhinivesa-vinibandhaati" ti?|| ||

"No h'eta.m bhante."|| ||

Sa.mkhaaraa nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m, api nu ta.m anupaadaaya uppajanti sa~n~nojanaabhinivesa-vinibandhaati" ti?|| ||

"No h'eta.m bhante."|| ||

Vi~n~naa.na.m nicca.m vaa anicca.m vaa" ti?|| ||

"Anicca.m bhante."|| ||

"Ya.m panaanicca.m dukkha.m vaa ta.m sukha.m vaa" ti?|| ||

"Dukkha.m bhante."|| ||

"Ya.m panaanicca.m dukkha.m vipari.naamadhamma.m, api nu ta.m anupaadaaya uppajanti sa~n~nojanaabhinivesa-vinibandhaati" ti?|| ||

"No h'eta.m bhante."|| ||

 


 

Eva.m passa.m bhikkhave, sutavaa ariyasaavako||
ruupasmim pi nibbandati,||
vedanaaya pi nibbandati,||
sa~n~naaya pi nibbindati,||
sa.mkhaaresu pi nibbindati,||
vi~n~naa.nasmim pi nibbindati.|| ||

Nibbida.m virajjati.|| ||

Viraagaa vimuccati.|| ||

Vimuttasmi.m 'vimuttami' ti||
~naa.na.m hoti:|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa' ti pajaanaatii.|| ||

 


Contact:
E-mail
Copyright Statement