Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya:
III. Khandhaa Vagga:
28: Saariputta Sa.mutta

Sutta 2

Avitakka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Eva.m me suta.m:|| ||

Eka.m samaya.m aayasmaa Saariputto Saavatthiya.m viharati||
Jetavane Anaathapi.n.dikassa aaraame.|| ||

Atha kho aayasmaa Saariputto pubba.nhasamaya.m nivaasetvaa pattaciivaram aadaaya||
Saavatthi.m pi.n.daaya paavisi.|| ||

Saavatthiya.m pi.n.daaya caritvaa pacchaabhatta.m pi.n.dapaatapa.tikkanto||
yena andhavana.m ten'upasa.mkami divaavihaaraaya.|| ||

Andhavana.m ajjhogahetvaa a~n~natarasmi.m||
rukkhamule divaavihaara.m nisiidi.|| ||

Atha kho aayasmaa Saariputto saaya.nhasamaya.m pa.tisallaanaa vu.t.thito||
yena Jetavana.m Anaathapi.n.dikassa aaraamo ten'upasa.mkami.|| ||

Addsaa kho aayasmaa Aanando aayasmanta.m Saariputta.m duurato va aagacchanta.m.|| ||

Disvaana aayasmanta.m Saariputta.m etad avoca:|| ||

"Vippasannaani kho te aavuso Saariputta,||
indriyaani parisuddho mukhava.n.no pariyodaato.|| ||

Katamenaayasmaa Saariputto ajja vihaarena vihaasii" ti?|| ||

"Idhaa'ha.m aavuso,||
vitakka-vicaaraana.m||
vuupasamaa ajjhatta.m sampasaadana.m||
cetaso ekodi-bhaava.m||
avitakka.m||
avicaara.m||
samaadhija.m piiti-sukha.m||
dutiya.m-jhaana.m upasampajja viharaami.|| ||

Tassa mayha.m aavuso na eva.m hoti:|| ||

'Aha.m dutiya.m-jhaana.m samaapajjaamii' ti|| ||

vaa|| ||

'Aha.m dutiya.m-jhaana.m samaapanno' ti|| ||

vaa|| ||

'Aha.m dutiya.m-jhaanaa vu.t.thito' ti vaa" ti.|| ||

"[236]Tathaa hi panaayasmato Saariputtassa diigha-ratta.m abhi.m kaaramami.mkaaramaanaanusayaa susamuuhataa.|| ||

Tasmaa aayasmato Saariputtassa na eva.m hoti:|| ||

'Aha.m dutiya.m-jhaana.m samaapajjaamii' ti|| ||

vaa|| ||

'Aha.m dutiya.m-jhaana.m samaapanno' ti|| ||

vaa|| ||

'Aha.m dutiya.m-jhaanaa vu.t.thito' ti vaa" ti.|| ||

 


Contact:
E-mail
Copyright Statement