Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya:
IV. Sa.laayatana Vagga
35: Sa.laayatana Sa.myutta
Pa~n~naasako Dutiyo
2. Migajaala Vagga

Sutta 63

Pa.thama Migajaalena Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[35]

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Atha kho aayasmaa Migajaalo yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Migajaalo Bhagavanta.m etad avoca:|| ||

"'Ekavihaarii ekavihaarii' ti bhante vuccati.|| ||

[36] Kittaavataa nu kho bhante ekavihaarii hoti?|| ||

Kittaavataa ca pana sadutiya vihaarii hotii" ti?|| ||

"Santi kho Migajaala cakkhu-vi~n~neyyaa ruupaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu abhinandati||
abhivadati||
ajjhosaaya||
ti.t.thati,||
tassa ta.m abhinandato||
abhivadato||
ajjhosaaya||
ti.t.thato||
uppajjati nandi,||
nandiyaa sati saaraago hoti.|| ||

Saaraage sati sa'nyogo hoti,||
nandi-sa'nyojana sa'nyutto kho Migajaala bhikkhu||
'sadutiya vihaarii' ti vuccati.|| ||

Santi kho Migajaala sota-vi~n~neyyaa saddaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu abhinandati||
abhivadati||
ajjhosaaya||
ti.t.thati,||
tassa ta.m abhinandato||
abhivadato||
ajjhosaaya||
ti.t.thato||
uppajjati nandi,||
nandiyaa sati saaraago hoti.|| ||

Saaraage sati sa'nyogo hoti,||
nandi-sa'nyojana sa'nyutto kho Migajaala bhikkhu||
'sadutiya vihaarii' ti vuccati.|| ||

Santi kho Migajaala ghaana-vi~n~neyyaa gandhaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu abhinandati||
abhivadati||
ajjhosaaya||
ti.t.thati,||
tassa ta.m abhinandato||
abhivadato||
ajjhosaaya||
ti.t.thato||
uppajjati nandi,||
nandiyaa sati saaraago hoti.|| ||

Saaraage sati sa'nyogo hoti,||
nandi-sa'nyojana sa'nyutto kho Migajaala bhikkhu||
'sadutiya vihaarii' ti vuccati.|| ||

Santi kho Migajaala jivhaa-vi~n~neyyaa rasaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu abhinandati||
abhivadati||
ajjhosaaya||
ti.t.thati,||
tassa ta.m abhinandato||
abhivadato||
ajjhosaaya||
ti.t.thato||
uppajjati nandi,||
nandiyaa sati saaraago hoti.|| ||

Saaraage sati sa'nyogo hoti,||
nandi-sa'nyojana sa'nyutto kho Migajaala bhikkhu||
'sadutiya vihaarii' ti vuccati.|| ||

Santi kho Migajaala kaayo-vi~n~neyyaa pho.t.thabbaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu abhinandati||
abhivadati||
ajjhosaaya||
ti.t.thati,||
tassa ta.m abhinandato||
abhivadato||
ajjhosaaya||
ti.t.thato||
uppajjati nandi,||
nandiyaa sati saaraago hoti.|| ||

Saaraage sati sa'nyogo hoti,||
nandi-sa'nyojana sa'nyutto kho Migajaala bhikkhu||
'sadutiya vihaarii' ti vuccati.|| ||

Santi kho Migajaala mano-vi~n~neyyaa dhammaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu abhinandati||
abhivadati||
ajjhosaaya||
ti.t.thati,||
tassa ta.m abhinandato||
abhivadato||
ajjhosaaya||
ti.t.thato||
uppajjati nandi,||
nandiyaa sati saaraago hoti.|| ||

Saaraage sati sa'nyogo hoti,||
nandi-sa'nyojana sa'nyutto kho Migajaala bhikkhu||
'sadutiya vihaarii' ti vuccati.|| ||

Eva.m vihaarii ca Migajaala bhikkhu||
ki~ncaa pi ara~n~ne||
vanapatthaani||
pantaani||
senaasanaani||
pa.tisevati||
appasaddaani||
appanigghosaani||
vijanavaataani||
manussaraahaseyyakaani||
pa.tisallaanasaaruppaani,||
atha kho 'sadutiya vihaarii' ti vuccati.|| ||

Ta.m kissa hetu?|| ||

Ta.nhaa hi'ssa dutiyaa,||
saa.lssa appahiinaa,||
tasmaa 'sadutiya vihaarii' ti vuccati.|| ||

 


 

Santi ca kho Migajaala cakkhuvi~n~neyyaa ruupaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu naabhinandati||
naabhivadati||
na ajjhosaaya ti.t.thati,||
tassa ta.m anabhinandato||
anabhivadato||
anajjhosaaya||
ti.t.thato nandi nirujjhati,||
nandiyaa asati saaraago na hoti.|| ||

Saaraage asati [37] sa'nyogo na hoti,||
nandi-sa'nyojana visa'nyutto kho Migajaala bhikkhu||
'ekavihaarii' tii vuccati.|| ||

Santi ca kho Migajaala sota-vi~n~neyyaa saddaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu naabhinandati||
naabhivadati||
na ajjhosaaya ti.t.thati,||
tassa ta.m anabhinandato||
anabhivadato||
anajjhosaaya||
ti.t.thato nandi nirujjhati,||
nandiyaa asati saaraago na hoti.|| ||

Saaraage asati sa'nyogo na hoti,||
nandi-sa'nyojana visa'nyutto kho Migajaala bhikkhu||
'ekavihaarii' tii vuccati.|| ||

Santi ca kho Migajaala ghaana-vi~n~neyyaa gandhaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu naabhinandati||
naabhivadati||
na ajjhosaaya ti.t.thati,||
tassa ta.m anabhinandato||
anabhivadato||
anajjhosaaya||
ti.t.thato nandi nirujjhati,||
nandiyaa asati saaraago na hoti.|| ||

Saaraage asati sa'nyogo na hoti,||
nandi-sa'nyojana visa'nyutto kho Migajaala bhikkhu||
'ekavihaarii' tii vuccati.|| ||

Santi ca kho Migajaala jivhaa-vi~n~neyyaa rasaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu naabhinandati||
naabhivadati||
na ajjhosaaya ti.t.thati,||
tassa ta.m anabhinandato||
anabhivadato||
anajjhosaaya||
ti.t.thato nandi nirujjhati,||
nandiyaa asati saaraago na hoti.|| ||

Saaraage asati sa'nyogo na hoti,||
nandi-sa'nyojana visa'nyutto kho Migajaala bhikkhu||
'ekavihaarii' tii vuccati.|| ||

Santi ca kho Migajaala kaayo-vi~n~neyyaa pho.t.thabbaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu naabhinandati||
naabhivadati||
na ajjhosaaya ti.t.thati,||
tassa ta.m anabhinandato||
anabhivadato||
anajjhosaaya||
ti.t.thato nandi nirujjhati,||
nandiyaa asati saaraago na hoti.|| ||

Saaraage asati sa'nyogo na hoti,||
nandi-sa'nyojana visa'nyutto kho Migajaala bhikkhu||
'ekavihaarii' tii vuccati.|| ||

Santi ca kho Migajaala mano-vi~n~neyyaa dhammaa||
i.t.thaa||
kantaa||
manaapaa||
piyaruupaa||
kaamuupasa.mhitaa||
rajaniiyaa.|| ||

Ta~nce bhikkhu naabhinandati||
naabhivadati||
na ajjhosaaya ti.t.thati,||
tassa ta.m anabhinandato||
anabhivadato||
anajjhosaaya||
ti.t.thato nandi nirujjhati,||
nandiyaa asati saaraago na hoti.|| ||

Saaraage asati sa'nyogo na hoti,||
nandi-sa'nyojana visa'nyutto kho Migajaala bhikkhu||
'ekavihaarii' tii vuccati.|| ||

Eva.m vihaarii ca Migajaala bhikkhu ki~ncaa pi gaamante viharati aaki.n.no||
bhikkhuuhi bhikkhu.niihi||
upaasakehi upaasikaahi||
raajuuhi raajamahaamattehi||
titthiyehi titthiyasaavakehi,||
atha so 'ekavihaarii' ti vuccati.|| ||

Ta.m kissa hetu?|| ||

Ta.nhaa hi'ssa dutiyaa,||
saa.lssa pahiinaa,||
tasmaa 'ekavihaarii' ti vuccatii" ti.|| ||

 


Contact:
E-mail
Copyright Statement