Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
IV. Sa.laayatana Vagga
35: Sa.laayatana Sa.myutta
Pa~n~naasaka Dutiya
5. Sa.la Vagga

Sutta 94

Cha-Phassaayatana (Pa.thama Sa'ngayya) Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[70]

[1][pts][olds][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

2. Tatra kho bhagavaa bhikkhuu aamantesi|| ||

"Bhikkhavo" ti.|| ||

"Bhadante" ti||
te bhikkhuu bhagavato paccassosu.m.|| ||

3. Bhagavaa etad avoca:|| ||

"Cha yime bhikkhave phassaayatanaa||
adantaa||
aguttaa||
arakkhitaa||
asa.mvutaa||
dukkhaa-dhivaahaa honti.|| ||

Katame cha?|| ||

Cakkhu.m bhikkhave phassaayatana.m||
adanta.m||
agutta.m||
arakkhita.m||
asa.mvuta.m||
dukkhaadhivaaha.m hoti.|| ||

Sota.m bhikkhave phassaayatana.m||
adanta.m||
agutta.m||
arakkhita.m||
asa.mvuta.m||
dukkhaadhivaaha.m hoti.|| ||

Ghaana.m bhikkhave phassaayatana.m||
adanta.m||
agutta.m||
arakkhita.m||
asa.mvuta.m||
dukkhaadhivaaha.m hoti.|| ||

Jivhaa bhikkhave phassaayatana.m||
adanta.m||
agutta.m||
arakkhita.m||
asa.mvuta.m||
dukkhaadhivaaha.m hoti.|| ||

Kaayo bhikkhave phassaayatana.m||
adanta.m||
agutta.m||
arakkhita.m||
asa.mvuta.m||
dukkhaadhivaaha.m hoti.|| ||

Mano bhikkhave phassaayatana.m||
adanta.m||
agutta.m||
arakkhita.m||
asa.mvuta.m||
dukkhaadhivaaha.m hoti.|| ||

Ime kho bhikkhave cha phassaayatanaa||
adantaa||
aguttaa||
arakkhitaa||
asa.mvutaa||
dukkhaa-dhivaahaa honti.|| ||

 


 

Chayime bhikkhave phassaayatanaa||
sudantaa||
suguttaa||
surakkhitaa||
susa.mvutaa||
sukhaadhivaahaa honti.|| ||

Katame cha?|| ||

Cakkhu.m bhikkhave phassaayatana.m||
sudanta.m||
sugutta.m||
surakkhita.m||
susa.mvuta.m||
sukhaadhivaaha.m hoti.|| ||

Sota.m bhikkhave phassaayatana.m||
sudanta.m||
sugutta.m||
surakkhita.m||
susa.mvuta.m||
sukhaadhivaaha.m hoti.|| ||

Ghaana.m bhikkhave phassaayatana.m||
sudanta.m||
sugutta.m||
surakkhita.m||
susa.mvuta.m||
sukhaadhivaaha.m hoti.|| ||

Jivhaa bhikkhave phassaayatana.m||
sudanta.m||
sugutta.m||
surakkhita.m||
susa.mvuta.m||
sukhaadhivaaha.m hoti.|| ||

Kaayo bhikkhave phassaayatana.m||
sudanta.m||
sugutta.m||
surakkhita.m||
susa.mvuta.m||
sukhaadhivaaha.m hoti.|| ||

Mano bhikkhave phassaayatana.m||
sudanta.m||
sugutta.m||
surakkhita.m||
susa.mvuta.m||
sukhaadhivaaha.m hoti.|| ||

Ime kho bhikkhave cha phassaayatanaa||
sudantaa||
suguttaa||
surakkhitaa||
susa.mvutaa||
sukhaadhivaahaa honti" ti.|| ||

Idam avoca bhagavaa.|| ||

Ida.m vatvaa sugato athaapara.m etad avoca satthaa:|| ||

"Cha.leva phassaayatanaani bhikkhavo||
Asa.mvuto yattha dukkha.m nigacchati,||
Tesa~n ca ye sa.mvara.na.m avedi.msu||
Saddhaadutiyaa viharantaanavassutaa.|| ||

Disvaana ruupaani manoramaani||
Atho pi disvaa amanoramaani||
Manorame raagapatha.m vinodaye||
Na cappiya.m me ti mana.m padosaye|| ||

[71] Sadda~n ca sutavaa dutiya.m piyaappiya.m||
Piyam hi sadde na samucchito siyaa||
Athappiye dosagata.m vinodaye||
Na cappiya.m me ti mana.m padosaye|| ||

Gandha~n ca ghaatvaa surabhi.m manorama.m||
Atho pi ghaatvaa asuci.m akantiya.m||
Akantiyasmi.m pa.tigha.m vinodaye||
Chandaanuniito na ca kantiye siyaa|| ||

Rasa~n ca bhotvaa saadita~n ca saadu.m ca||
Atho pi bhotvaana asaadum ekadaa||
Saadu.m rasa.m naajjhosaaya bhu~njati||
Virodha.m aasaadusu no pada.m saye|| ||

Phassena phu.t.tho na sukhena majje||
Dukkhena phu.t.tho pi na sampavedhe||
Phassadvaya.m sukhadukkhe upekkho||
Anaanuruddho aviruddha kenaci|| ||

Papa~nca-sa~n~naa itariitaraa naraa||
Papa~nca-yantaa upayanti sa~n~nino||
Manomaya.m gehasita~n ca sabba.m||
Panujja nekkhammasita.m iriiyati|| ||

Eva.m mano chassu yadaa subhaavito||
Phu.t.thassa citta.m na vikampate kvaci||
Te raagadose abhibhuyya bhikkhavo||
Bhavaatha jaatimara.nassa paaragaa" ti.|| ||

 


Contact:
E-mail
Copyright Statement