Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
IV. Sa.laayatana Vagga
35: Sa.laayatana Sa.myutta
Pa~n~naasa Catuttha.m
4. Aasiivisa Vagga

Sutta 198

Rathuupama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti||
te bhikkhuu Bhagavato paccassosu.m.|| ||

Bhagavaa etad avoca:|| ||

"Tiihi bhikkhave, dhammehi samannaagato bhikkhu di.t.the va dhamme sukhasomanassabahulo viharati,||
yoni cassa aaraddhaa hoti aasavaana.m khayaaya.|| ||

Katamehi tiihi?|| ||

Indriyesu guttadvaaro hoti, bhojane matta~n~nuu, jaagariya.m anuyutto.|| ||

[176] Katha~n ca bhikkhave bhikkhu indriyesu guttadvaaro hoti?|| ||

Idha bhikkhave, bhikkhu cakkhunaa ruupa.m disvaa na nimitataggaahii hoti naanuvya~njanaggaahii,||
yatvaadhikara.nam ena.m cakkhundriya.m asa.mvuta.m viharanta.m||
abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati cakkhundriya.m,||
cakkhundriye sa.mvara.m aapajjati.|| ||

Sotena sadda.m sutvaa na nimitataggaahii hoti naanuvya~njanaggaahii,||
yatvaadhikara.nam ena.m sotindriya.m asa.mvuta.m viharanta.m||
abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati sotandriya.m,||
sotindriye sa.mvara.m aapajjati.|| ||

Ghaanena gandha.m ghaayitvaa na nimitataggaahii hoti naanuvya~njanaggaahii,||
yatvaadhikara.nam ena.m ghaaniindriya.m asa.mvuta.m viharanta.m||
abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati ghaaniindriya.m,||
ghaaniindriye sa.mvara.m aapajjati.|| ||

Jivhaaya rasa.m saayitvaa na nimitataggaahii hoti naanuvya~njanaggaahii,||
yatvaadhikara.nam ena.m jivhindriya.m asa.mvuta.m viharanta.m||
abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati jivhindriya.m,||
jivhatindriye sa.mvara.m aapajjati.|| ||

Kaayena pho.t.tabba.m saayitvaa na nimitataggaahii hoti naanuvya~njanaggaahii,||
yatvaadhikara.nam ena.m kaayindriya.m asa.mvuta.m viharanta.m||
abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati kaayindriya.m,||
kaayindriye sa.mvara.m aapajjati.|| ||

Manasaa dhamma.m vi~n~naaya na nimitataggaahii hoti naanuvya~njanaggaahii,||
yatvaadhikara.nam ena.m manindriya.m asa.mvuta.m viharanta.m||
abhijjhaa domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati manindriya.m,||
manindriye sa.mvara.m aapajjati.|| ||

Seyyathaa pi bhikkhave, subhumiya.m caatummahaapathe aaja~n~naratho yutto assa.|| ||

Odhastapatodo:

Tam ena.m dakkho yoggaacariyo assadammasaarathii||
abhiruuhitvaa vaamena hatthena rasmiyo||
gahetvaa dakkhi.nena hatthena patoda.m||
gahetvaa yenicchaka.m yadicchaka.m||
saareyya pi paccaasaareyya pi.|| ||

Evam eva kho bhikkhave, bhikkhu imesa.m channa.m indriyaana.m aarakkhaaya sikkhati||
sa~n~namaaya sikkhati,||
damaaya sikkhati,||
upasamaaya sikkhati.|| ||

Eva.m kho bhikkhave, bhikkhu indriyesu guttadvaaro hoti.|| ||

 


 

Katha~n ca bhikkhave, bhikkhu bhojane matta~n~nuu hoti?|| ||

Idha bhikkhave bhikkhu pa.tisa'nkhaa yoniso aahaara.m aahaareti:|| ||

N'eva davaaya||
na madaaya||
na ma.n.danaaya||
na vibhusanaaya,||
yaavadeva imassa kaayassa .thitiyaa||
yaapanaaya vihi.msuuparatiyaa brahmacariyaanuggahaaya,||
'iti puraa.na~n ca vedana.m pa.tiha'nkhaami,||
nava~n ca vedana.m na uppaadessaami,||
yaatraa ca me bhavissati||
anavajjataa ca phaasuvihaaro caa' ti.|| ||

[177] Seyyathaa pi bhikkhave, puriso va.na.m aalimpeyya||
yaavadeva ropanatthaaya.|| ||

Seyyathaa vaa pana akkha.m abbha~njeyya||
yaavadeva bhaarassa nitra.natthaaya.|| ||

Evam kho bhikkhave bhikkhu pa.tisa'nkhaayoniso aahaara.m aahaareti:|| ||

N'eva davaaya||
na madaaya||
na ma.n.danaaya,||
na vibhusanaaya,||
yaavadeva imassa kaayassa .thitiyaa||
yaapanaaya vihi.msuuparatiyaa brahmacariyaanuggahaaya,||
'iti puraa.na~n ca vedana.m pa.tiha'nkhaami,||
nava~n ca vedana.m na uppaadessimi,||
yaatraa ca me bhavissati||
anavajjataa ca phaasuvihaaro caa' ti.|| ||

Eva.m kho bhikkhave, bhikkhu bhojane matta~n~nuu hoti.|| ||

 


 

Katha~n ca bhikkhave, bhikkhu jaagariya.m anuyutto hoti?|| ||

Idha bhikkhave, bhikkhu divasa.m ca'nkamena nisajjaaya aavara.niiyehi dhammehi citta.m parisodheti.|| ||

Rattiyaa pa.thama.m yaama.m ca'nkamena nissajjaaya aavara.niiyehi dhammehi citta.m parisodheti.|| ||

Rattiyaa majjhima.m yaama.m dakkhi.nena passena siihaseyya.m kappeti||
paade paada.m||
accaadhaaya sato sampajaano||
u.t.thaanasa~n~na.m manasikaritvaa.|| ||

Rattiyaa pacchima.m yaama.m paccu.t.thaaya ca'nkamena nisajjaaya aavara.niiyehi dhammehi citta.m parisodheti.|| ||

Eva.m kho bhikkhave, bhikkhu jaagariya.m anuyutto hoti.|| ||

Imehi kho bhikkhave, tiihi dhammehi samannaagato bhikkhu||
di.t.the va dhamme sukhasomanassabahulo viharati;||
yoni cassa aaraddhaa hoti aasavaana.m khayaayaa" ti.|| ||

 


Contact:
E-mail
Copyright Statement