Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
IV. Sa.laayatana Vagga
35: Sa.laayatana Sa.myutta
Pa~n~naasa Catuttha.m
4. Aasiivisa Vagga

Sutta 203

Dukkha-Dhamma Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[188]

[1][pts][bodh] Eva.m me suta.m:|| ||

Eka.m samaya.m Bhagavaa bhikkhuu aamantesi|| ||

"Bhikkhavo" ti.|| ||

"Bhadante" ti||
te bhikkhuu bhagavato paccassosu.m.|| ||

3. Bhagavaa etad avoca:|| ||

"Yato kho bhikkhave bhikkhu sabbesa.m yeva dukkhadhammaana.m samudaya~n ca||
atthagama~n ca||
yathaabhuuta.m pajaanaati,||
tathaa kho panassa kaamaa di.t.thaa honti,||
yathaassa kaame passato yo kaamesu kaamacchando||
kaamasneho||
kaamamucchaa||
kaamapari.laaho so naanuseti.|| ||

Tathaa kho panassa caaro ca vihaaro ca anubuddho hoti,||
yathaa caranta.m viharanta.m abhijjhaa domanassaa paapakaa akusalaa dhammaa naanussavanti.|| ||

Katha~n ca bhikkhave bhikkhu sabbesa.m yeva dukkhadhammaana.m samudaya~n ca||
atthagama~n ca||
yathaabhuuta.m pajaanaati?|| ||

Iti ruupa.m,||
iti ruupassa samudayo,||
iti ruupassa atthagamo;|| ||

iti vedanaa,||
iti vedanaaya samudayo,||
iti vedanaaya atthagamo;|| ||

iti sa~n~naa,||
iti sa~n~naaya samudayo,||
iti sa~n~naaya atthagamo;|| ||

iti sa'nkhaaraa,||
iti sa'nkhaaraana.m samudayo,||
iti sa'nkhaaraana.m atthagamo;|| ||

iti vi~n~naa.na.m,||
iti vi~n~naa.nassa samudayo,||
iti vi~n~naa.nassa atthagamoti.|| ||

Eva.m kho bhikkhave bhikkhu sabbesa.myeva dukkhadhammaana.m samudaya~n ca||
atthagama~n ca||
yathaabhuuta.m pajaanaati.|| ||

 


 

Katha~n ca bhikkhave bhikkhuno kaamaa di.t.thaa honti||
yathaassa kaame passato yo kaamesu||
kaamacchando||
kaamasneho||
kaamamucchaa||
kaamapari.laaho so naanuseti?|| ||

Seyyathaa pi bhikkhave a'ngaarakaasu saadhikaporisaa pu.n.naa a'ngaaraana.m viitaccikaana.m viitadhuumaana.m,||
atha puriso aagaccheyya jiivitukaamo amaritukaamo sukhakaamo dukkhapa.tikkulo,||
tam ena.m dve balavanto purisaa naanaabaahaasu gahetvaa ta.m a'ngaarakaasu.m upaka.de.dhayyu.m,||
so iti citi ceva kaaya.m santaameyya.|| ||

Ta.m kissa hetu?|| ||

~Naata.m hi bhikkhave [189] tassa purisassa hoti:|| ||

'Ima~n khvaaha.m a'ngaarakaasu.m papatissaami||
tato nidaana.m mara.na.m vaa nigacchaami||
Mara.namatta.m vaa dukkhan' ti.|| ||

Evam eva kho bhikkhave bhikkhuno a'ngaarakaasuupamaa kaamaa di.t.thaa honti,||
yathaassa kaame passato yo kaamesu||
kaamacchando||
kaamasneho||
kaamamucchaa||
kaamapari.laaho so naanuseti.|| ||

 


 

Katha~n ca bhikkhave bhikkhuno caaro ca vihaaro ca anubuddho hoti||
yathaa caranta.m viharanta.m abhijjhaa domanassaa paapakaa akusalaa dhammaa naanussavanti?|| ||

Seyyathaa pi bhikkhave puriso bahuka.n.taka.m daaya.m paviseyya:|| ||

Tassassa purato pi ka.n.tako,||
pacchato pi ka.n.tako,||
uttarato pi ka.n.tako,||
dakkhi.nato pi ka.n.tako,||
he.t.thato pi ka.n.tako,||
uparito pi ka.n.tako.|| ||

So yato ca abhikkameyya||
yato ca pa.tikkameyya:|| ||

'Maa ma.m ka.n.tako' ti.|| ||

Eva.m kho bhikkhave ya.m loke piyaruupa.m saataruupa.m aya.m vuccati ariyassa vinaye ka.n.tako ti|| ||

Iti viditvaa sa.mvaro ca asa.mvaro ca veditabbo.|| ||

 


 

Katha~n ca bhikkhave asa.mvaro hoti?|| ||

Idha bhikkhave bhikkhu cakkhunaa ruupa.m disvaa piyaruupe ruupe adhimuccati,||
appiyaruupe ruupe vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Sotena sadda.m sutvaa piyaruupe sadde adhimuccati,||
appiyaruupe sadde vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Ghaanena gandha.m ghaayitvaa piyaruupe gandhe adhimuccati,||
appiyaruupe gandhe vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Jivhaaya rasa.m saayitvaa piyaruupe rase adhimuccati,||
appiyaruupe rase vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Kaayena pho.t.thabba.m phusitvaa piyaruupe pho.t.thabbe adhimuccati,||
appiyaruupe pho.t.thabbe khyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Manasaa dhamma.m vi~n~naaya piyaruupe dhamme adhimuccati,||
appiyaruupe dhamme vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Eva.m kho bhikkhave asa.mvaro hoti.|| ||

 


 

Katha~n ca bhikkhave sa.mvaro hoti?|| ||

Idha bhikkhave bhikkhu cakkhunaa ruupa.m disvaa piyaruupe ruupe naadhimuccati,||
appiyaruupe ruupe na khyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa [190] paapakaa akusalaa dhammaa aparisesaa nirujjhanti.|| ||

Sotena sadda.m sutvaa piyaruupe sadde naadhimuccati,||
appiyaruupe sadde na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Ghaanena gandha.m ghaayitvaa piyaruupe gandhe naadhimuccati,||
appiyaruupe gandhe na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Jivhaaya rasa.m saayitvaa piyaruupe rase naadhimuccati,||
appiyaruupe rase na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Kaayena pho.t.thabba.m phusitvaa piyaruupe pho.t.thabbe naadhimuccati,||
appiyaruupe pho.t.thabbe na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Manasaa dhamma.m vi~n~naaya piyaruupe dhamme naadhimuccati,||
appiyaruupe dhamme na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Eva.m kho bhikkhave sa.mvaro hoti.|| ||

Tassa ce bhikkhave, bhikkhuno eva.m carato||
eva.m viharato||
kadaaci karahaci satisammosaa uppajjanti paapakaa akusalaa dhammaa sarasa'nakappaa sa'nyojaniyaa,||
dandho bhikkhave, satuppaado,||
atha kho na.m khippam eva pajahati vinodeti,||
vyantiikaroti,||
anabhaava.m gameti.|| ||

Seyyathaa pi bhikkhave, puriso divasa.m santatte ayoka.taahe dve vaa tii.ni vaa udakaphusitaani nipaateyya;||
dandho bhikkhave udakaphusitaana.m nipaato,||
atha kho na.m khippam eva parikkhaya.m pariyaadaana.m gaccheyya.|| ||

Evam eva kho bhikkhave, tassa ce bhikkhuno eva.m viharato kadaaci karahaci satisammosaa uppajjanti paapakaa akusalaa dhammaa sarasa'nkappaa sa.myojaniyaa;||
dandho bhikkhave, satuppaado||
atha kho na.m khippam eva pajahati vinodeti byantii karoti anabhaava.m gameti.|| ||

Eva.m kho bhikkhave bhikkhuno caaro ca vihaaro ca anubuddho hoti||
yathaa caranta.m viharanta.m abhijjhaa domanassaa paapakaa akusalaa dhammaa naanussavanti.|| ||

Ta.m ce bhikkhave bhikkhu.m eva.m caranta.m eva.m viharanta.m raajaano vaa||
raajamahaamattaa vaa||
mittaa vaa||
amaccaa vaa||
~naatii vaa||
saalohitaa vaa||
bhogehi abhiha.t.thu.m pavaareyyu.m:|| ||

'Ehi bho purisa,||
ki.m te kaasaava anudahanti?|| ||

Ki.m mu.n.do kapaalam anucarasi?|| ||

Ehi hiinaayaavattitvaa bhoge ca bhu~njassu,||
pu~n~naani ca karohii' ti.|| ||

So vata bhikkhave bhikkhu eva.m caranto||
eva.m viharanto||
sikkha.m paccakkhaaya hiinaayaavattissatiiti neta.m .thaana.m vijjati.|| ||

[191] Seyyathaa pi bhikkhave Ga'ngaa nadii||
paaciinaninnaa||
paaciina po.naa||
paaciinapabhaaraa,||
atha mahaajanakaayo aagaccheyya kuddaalapi.taka.m aadaaya:|| ||

'Maya.m ima.m Ga'ngaanadi.m||
pacchaaninna.m karissaama||
pacchaapo.na.m||
pacchaapabbhaarantii.'|| ||

Ta.m kim ma~n~natha bhikkhave?|| ||

Api nu se mahaajanakaayo Ga'ngaanadi.m||
pacchaaninna.m kareyya||
pacchaapo.na.m||
pacchaapabbhaaran" ti?|| ||

"No h'eta.m bhante.|| ||

Ta.m kissa hetu?|| ||

Ga'ngaa nadii bhante||
paaciina ninnaa||
paaciina po.naa||
paaciina pabbhaaraa,||
saa na sukaraa||
pacchaaninna.m kaatu.m||
paccaapo.na.m||
pacchaapababhaara.m,||
yaavadeva ca pana so mahaajanakaayo kilamathassa vighaatassa bhaagii assaa" ti.|| ||

Evam eva kho bhikhve ta.m ce bhikkhu.m||
eva.m caranta.m||
eva.m viharanta.m||
raajaano vaa||
raajamahaamattaa vaa||
mittaa vaa||
amaccaa vaa||
~naatii vaa||
saalohitaa vaa||
bhogehi abhiha.t.thu.m pavaareyyu.m:|| ||

"Ehambho purisa,||
ki.m te ime kaasaavaa anudahanti?|| ||

Ki.m nu mu.n.do kapaalam anucarasi?|| ||

Ehi hiinaayaavattitvaa bhoge ca bhu~njassu,||
pu~n~naani ca karohi' ti.|| ||

So pana bhikkhave bhikkhu||
eva.m caranto||
eva.m viharanto||
sikkha.m paccakkhaaya hiinaayaavattissatiiti neta.m .thaana.m vijjati.|| ||

Ta.m kissa hetu?|| ||

Ya.m hi ta.m bhikkhave citta.m diigharatta.m||
vivekaninna.m||
vivekapo.na.m||
vivekapabbhaara.m.|| ||

Tatha hiinaayaavattissatiiti neta.m .thaana.m vijjatii" ti.|| ||

 


Contact:
E-mail
Copyright Statement