Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
IV. Sa.laayatana Vagga
35: Sa.laayatana Sa.myutta
Pa~n~naasa Catuttha.m
4. Aasiivisa Vagga

Sutta 206

Chappaa.naka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[198]

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tatra kho bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti||
te bhikkhuu bhagavato paccassosu.m.|| ||

3. Bhagavaa etad avoca:|| ||

"Seyyathaa pi, bhikkhave, puriso||
arugatto pakkagatto||
saravana.m paviseyya,||
tassa kusaka.n.takaa c'eva paade vijejhayyu.m,||
arapakkaani gattaani vilikkheyyu.m.|| ||

Eva.m hi so bhikkhave puriso bhiyyo somattaaya tato nidaana.m dukkha.m domanassa.m pa.tisa'nvediyetha.|| ||

Evam eva kho bhikkhave idh'ekacco bhikkhu gaamagato vaa||
ara~n~nagato vaa||
labhati cattaara.m:|| ||

'Aya~n ca so aayasmaa eva.mkaarii eva.m samaacaaro asuci gaamaka.n.tako' ti.|| ||

'Ta.m ka.n.tako' tii||
viditvaa sa.mvaro ca asa.mvaro ca veditabbo.|| ||

 


 

Katha~n ca bhikkhave asa.mvaro hoti?|| ||

Idha bhikkhave bhikkhu cakkhunaa ruupa.m disvaa piyaruupe ruupe adhimuccati,||
appiyaruupe ruupe vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Sotena sadda.m sutvaa piyaruupe sadde adhimuccati,||
appiyaruupe sadde vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Ghaanena gandha.m ghaayitvaa piyaruupe gandhe adhimuccati,||
appiyaruupe gandhe vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Jivhaaya rasa.m saayitvaa piyaruupe rase adhimuccati,||
appiyaruupe rase vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Kaayena pho.t.thabba.m phusitvaa piyaruupe pho.t.thabbe adhimuccati,||
appiyaruupe pho.t.thabbe khyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Manasaa dhamma.m vi~n~naaya piyaruupe dhamme adhimuccati,||
appiyaruupe dhamme vyaapajjati,||
anupa.t.thitakaayasati ca viharati parittacetaso,||
ta~n ca ceto-vimutti.m pa~n~naa-vimutti.m yathaabhuuta.m nappajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Eva.m kho bhikkhave asa.mvaro hoti.|| ||

 


 

Seyyathaa pi, bhikkhave, puriso chappaa.nake gahetvaa naanaa visaye naanaagocare da.lhaaya bandheyya:|| ||

Ahi.m gahetvaa da.lhaaya rajjuyaa bandheyya,||
su.msumaara.m gahetvaa da.lhaaya rajjuyaa bandheyya,||
pakkhi.m gahetvaa da.lhaaya rajjuyaa bandhayya,||
kukkura.m gahetvaa da.lhaaya rajjuyaa [199] bandheyya,||
sigaala.m gahetvaa da.lhaaya rajjuyaa bandheyya,||
makka.ta.m gahetvaa da.lhaaya rajjuyaa bandheyya.|| ||

Da.lhaaya rajjuyaa bandhitvaa majjhe ga.na.thi.m karitvaa ossajjeyya,||
atha kho te bhikkhave chappaa.nakaa naanaa visayaa naanaa gocaraa saka.m saka.m gocaravisaya.m aavi~njeyyu.m,|| ||

Ahi aavi~njeyya vammika.m pavekkhaamiiti,||
su.msumaaro aavi~njeyya udaka.m pavekkhaamiiti,||
pakkhi aavi~njeyya aakaasa.m .dessaamiiti,||
kukkuro aavi~njeyya gaama.m pavekkhaamiiti,||
sigaalo aavi~njeyya siivathika.m pavekkhaamiiti,||
makka.to aavi~njeyya vana.m pavekkhaamiiti.|| ||

Yadaa kho te bhikkhave chappaa.nakaa jhattaa assu kilantaa,||
atha yo n'esa.m paa.nako.|| ||

Balavataro assa,||
tassa te anuppavatteyyu.m,||
anuvidhaayeyyu.m vasa.m gaccheyyu.m.|| ||

Evam eva kho bhikkhave yassa kassaci bhikkhuno kaayagataa-sati abhaavitaa abahuliikataa,||
ta.m cakkhu aavi~njati manaapikesu ruupesu,||
amanaapikassa ruupaa pa.tikkulaa honti,||
sota.m aavi~njati manaapikesu saddesu,||
amanaapikassa saddaa pa.tikkulaa honti,||
ghaana.m aavi~njati manaapikesu gandhesu,||
amanaapikassa gandhaa pa.tikkulaa honti,||
jivhaa aavi~njati manaapikesu rasesu,||
amanaapikassa rasaa pa.tikkulaa honti,||
kaayo aavi~njati manaapikesu pho.t.thabbesu,||
amanaapikassa pho.t.thabbaa pa.tikkulaa honti,||
mano aavi~njati manaapikesu dhammesu,||
amanaapikassa dhammaa pa.tikkulaa honti.|| ||

Eva.m kho bhikkhave asa.mvaro hoti.|| ||

Idha bhikkhave bhikkhu cakkhunaa ruupa.m disvaa piyaruupe ruupe naadhimuccati,||
appiyaruupe ruupe na khyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Sotena sadda.m sutvaa piyaruupe sadde naadhimuccati,||
appiyaruupe sadde na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Ghaanena gandha.m ghaayitvaa piyaruupe gandhe naadhimuccati,||
appiyaruupe gandhe na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Jivhaaya rasa.m saayitvaa piyaruupe rase naadhimuccati,||
appiyaruupe rase na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Kaayena pho.t.thabba.m phusitvaa piyaruupe pho.t.thabbe naadhimuccati,||
appiyaruupe pho.t.thabbe na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Manasaa dhamma.m vi~n~naaya piyaruupe dhamme naadhimuccati,||
appiyaruupe dhamme na vyaapajjati,||
upa.t.thitakaayasati ca viharati appamaa.nacetaso,||
ta~n ca ceto-vimutti.m pa~n~naa-vimutti.m yathaabhuuta.m pajaanaati||
yatth'assa te uppannaa paapakaa akusalaa dhammaa aparisesaa nirujjhanti.|| ||

Eva.m kho bhikkhave sa.mvaro hoti.|| ||

Seyyathaa pi, bhikkhave, puriso chappaa.nake gahetvaa naanaa visaye naanaagocare da.lhaaya bandheyya:|| ||

Ahi.m gahetvaa da.lhaaya rajjuyaa bandheyya,||
su.msumaara.m gahetvaa da.lhaaya rajjuyaa bandheyya,||
pakkhi.m gahetvaa da.lhaaya rajjuyaa bandhayya,||
kukkura.m gahetvaa da.lhaaya rajjuyaa bandheyya,||
sigaala.m gahetvaa da.lhaaya rajjuyaa bandheyya,||
makka.ta.m gahetvaa da.lhaaya rajjuyaa bandheyya.||
da.lhaaya rajjuyaa bandhitvaa da.lhe khiile vaa thamhe vaa upanibandheyya.|| ||

Atha kho te bhikkhave chappaa.nakaa||
naanaa visayaa||
naanaa gocaraa||
saka.m saka.m gocaravisaya.m aavi~njeyyu.m;||
ahi aavi~njeyya vammika.m pavekkhaamiiti,||
su.msumaaro aavi~njeyya udaka.m pavekkhaamiiti,||
pakkhi aavi~njeyya aakaasa.m .dessaamiiti,||
kukkuro aavi~njeyya gaama.m pavekkhaamiiti,||
sigaalo aavi~njeyya siivathika.m pavekkhaamiiti,||
makka.to aavi~njeyya vana.m pavekkhaamiiti.|| ||

Yadaa kho pana te bhikkhave chappaa.nakaa jhattaa assu kilantaa,||
atha tam eva khiila.m vaa thamha.m vaa upati.t.theyyu.m,||
upanisiideyyu.m,||
upanipajjeyyu.m,||
vasa.m gaccheyyu.m.|| ||

Evam eva kho bhikkhave yassa kassaci bhikkhuno kaayagataa-sati bhaavitaa bahuliikataa,||
ta.m cakkhu naavi~njati manaapikesu ruupesu,||
amanaapikassa ruupaani nappa.tikkulaa honti;||
sota.m naavi~njati manaapikesu saddesu,||
amanaapikassa saddaani nappa.tikkulaa honti,||
ghaana.m naavi~njati manaapikesu gandhesu,||
amanaapikassa gandhaa nappa.tikkulaa honti,||
jivhaa naavi~njati manaapikesu rasesu,||
manaapikassa rasaa nappa.tikkulaa honti,||
kaayo naavi~njati manaapikesu pho.t.thabbesu,||
amanaapikassa pho.t.thabbaa nappa.tikkulaa honti,||
mano naavi~njati manaapikesu dhammesu,||
amanaapikassa dhammaa nappa.tikkulaa honti.|| ||

Eva.m kho bhikkhave sa.mvaro hoti.|| ||

Da.lhe khiile vaa thamhe vaa.|| ||

Ti kho bhikkhave kaayagataa-satiyaa eta.m adhivacana.m,||
tasmaat iha bhikkhave eva.m sikkhitabba.m:|| ||

'Kaayagataa no sati bhaavitaa bhavissati bahuliikataa yaaniikataa vatthukataa anu.t.thitaa paricitaa susamaaraddhaa' ti,||
eva.m hi vo bhikkhave sikkhitabban" ti.|| ||

 


Contact:
E-mail
Copyright Statement