Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
IV. Sa.laayatana Vagga
40. Moggallaana Sa.myutta

Sutta 6

Vi~n~naana~ncaayatana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Eva.m me suta.m:|| ||

Eka.m samaya.m aayasmaa Mahaa Moggallaano Saavatthiya.m viharati Jetavane Anaathapi.n.dikassa aaraame.|| ||

Tatra kho aayasmaa Mahaa Moggallaano bhikkhuu aamantesi:|| ||

"Aavuso bhikkhavo" ti.|| ||

"Aavuso" ti kho te bhikkhuu aayasmato Mahaa Moggallaanassa paccassosu.m.|| ||

Aayasmaa Mahaa Moggallaano etad avoca:|| ||

"Idha mayha.m aavuso rahogatassa pa.tiisalliinassa
eva.m cetaso parivitakko udapaadi:|| ||

'"Vi~n~naana~ncaayatana.m,||
vi~n~naana~ncaayatanan" ti vuccati.|| ||

Katama.m nu kho vi~n~naana~ncaayatanan' ti?|| ||

[267] Tassa mayha.m aavuso etad ahosi:|| ||

Idha bhikkhu||
sabbaso aakaasaana~ncaayatana.m samatikkamma||
'Ananta.m vi~n~naa.nan' ti||
vi~n~naa.na~ncaayatana.m upasampajja viharati.|| ||

Ida.m vuccati vi~n~naana~ncaayatanan ti.|| ||

So khvaaha.m aavuso||
sabbaso aakaasaana~ncaayatana.m samatikkamma||
'Ananta.m vi~n~naa.nan' ti||
vi~n~naa.na~ncaayatana.m upasampajja viharaami||
tassa mayha.m aavuso||
iminaa vihaarena viharato||
aakaasaana~ncaayatanasahagataa sa~n~naa-manasikaaraa samudaacaranti.|| ||

Atha kho ma.m aavuso Bhagavaa iddhiyaa upasa'nkamitvaa etad avoca:|| ||

"Moggallaana!|| ||

Moggallaana!|| ||

Maa braahma.na,||
vi~n~naa.na~ncaayatana.m pamaado,||
vi~n~naana~ncaayatane citta.m sa.n.thapehi,||
vi~n~naana~ncaayatane citta.m ekodi.m-karohi,||
vi~n~naana~ncaayatane citta.m samaadahaa" ti.|| ||

So khvaaha.m aavuso||
aparena samayena||
sabbaso aakaasaana~ncaayatana.m samatikkamma||
'Ananta.m vi~n~naa.nan' ti||
vi~n~naa.na~ncaayatana.m upasampajja vihaasi.m.|| ||

Ya.m hi ta.m aavuso sammaavadamaano vadeyya:|| ||

"Satthaaraanuggahito saavako mahaabhi~n~nata.m patto" ti,|| ||

mamanta.m sammaavadamaano vadeyya,|| ||

"Satthaaraanuggahito saavako mahaabhi~n~nata.m patto" ti.|| ||

 


Contact:
E-mail
Copyright Statement