Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga
47. Satipa.t.thana Sa'nyutta
1. Ambapaali-Vagga

Sutta 2

Sata Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me suta.m:|| ||

Eka.m samaya.m Bhagavaa Vesaaliya.m viharati Ambapaali vane.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti||
te bhikkhuu Bhagavato paccassosu.m.|| ||

Bhagavaa etad avoca:|| ||

"Sato bhikkhave, bhikkhu vihareyya sampajaano.|| ||

Aya.m vo amhaaka.m anusaasanii.|| ||

Katha~n ca bhikkhave, bhikkhu sato hoti?|| ||

Idha bhikkhave, bhikkhu kaaye kaayaanupassii viharati.|| ||

Aataapii||
sampajaano||
satimaa||
vineyya loke abhijjhaadomanassa.m.|| ||

Vedanaasu vedanaanupassii viharati.|| ||

Aataapii||
sampajaano||
satimaa||
vineyya loke abhijjhaadomanassa.m.|| ||

Citte cittaanupassii viharati.|| ||

Aataapii||
sampajaano||
satimaa||
vineyya loke abhijjhaadomanassa.m.|| ||

Dhammesu dhammaanupassii viharati.|| ||

Aataapii||
sampajaano||
satimaa||
vineyya loke abhijjhaadomanassa.m.|| ||

Eva.m kho bhikkhave, bhikkhu sato hoti.|| ||

Katha~n ca bhikkhave, bhikkhu sampajaano hoti?|| ||

Idha bhikkhave, bhikkhu abhikkante pa.tikkante||
sampajaanakaarii hoti.|| ||

Aalokite vilokite||
sampajaanakaarii hoti.|| ||

Sammi~njite pasaarite||
sampajaanakaarii hoti.|| ||

Sa'nghaa.ti-patta-ciivara-dhaara.ne||
sampajaanakaarii hoti.|| ||

Asite,||
piite,||
khaayite,||
saayite||
sampajaanakaarii hoti.|| ||

Uccaara-passaavakamme||
sampajaanakaarii hoti.|| ||

Gate,||
.thite,||
nisinne,||
sutte,||
jaagarite,||
bhaasite,||
tu.nhiibhaave||
sampajaanakaarii hoti.|| ||

Eva.m kho bhikkhave, bhikkhu sampajaano hoti.|| ||

Sato bhikkhave, bhikkhu vihareyya sampajaano.|| ||

Aya.m vo amhaaka.m anusaasanii" ti.|| ||

 


Contact:
E-mail
Copyright Statement