Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga
47. Satipa.t.thana Sa'nyutta
1. Ambapaali-Vagga

Sutta 3

Bhikkhu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me suta.m:|| ||

Eka.m samayam Bhagavaa Saavatthiya.m viharati Jetavane Anaathapindikassa aaraame.|| ||

Atha kho a~n~nataro bhikkhu yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho so bhikkhu Bhagavanta.m etad avoca:|| ||

"Saadhu me bhante, Bhagavaa sa'nkhittena dhamma.m desetu||
yam aha.m Bhagavato dhamma.m sutvaa||
eko||
[143] vuupaka.t.tho||
appamatto||
aataapii||
pahitatto vihareyyan" ti.|| ||

"Evam eva pan'idh'ekacce moghapurisaa ma~n'c'eva ajjhesanti dhamme ca bhaasite mam eva anubandhitabba.m ma~n~nanatii ti!"|| ||

"Desetu me bhante!

Bhagavaa sa'nkhittena dhamma.m,||
desetu sugato sa'nakhittena dhamma.m.|| ||

App eva naamaha.m Bhagavato||
bhaasitassa attha.m aajaaneyya.m,||
app eva naamaha.m Bhagavato||
bhaasitassa daayaado assan" ti.|| ||

"Tasmaa ti ha tva.m bhikkhu aadim eva visodhehi kusalesu dhammesu.|| ||

Ko ca aadi kusalaana.m dhammaana.m?|| ||

Siila~n ca suvisuddha.m,||
di.t.thi ca ujukaa.|| ||

Yato kho te bhikkhu, siila.m suvisuddha.m bhavissati,||
di.t.thi ca ujukaa,||
tato tva.m bhikkhu,||
siila.m nissaaya||
siile pati.t.thaaya||
cattaaro satipa.t.thaane||
tividhena bhaveyyaasi.|| ||

Katame cattaaro?|| ||

Idha tva.m bhikkhu ajjhatta.m kaaye kaayaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Babhiddhaa kaaye kaayaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Ajjhatta-bahiddhaa kaaye kaayaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Ajjhatta.m vedanaasu vedanaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Bahiddhaa vedanaasu vedanaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Ajjhatta-bahiddhaa vedanaasu vedanaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Ajjhatta.m citte cittaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Bahiddhaa citte cittaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Ajjhatta-bahiddhaa citte cittaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Ajjhatta.m dhammesu dhammaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Bahiddhaa dhammesu dhammaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Ajjhatta-bahiddhaa dhammesu dhammaanupassii viharaahi||
aataapii||
sampajaano||
satimaa||
vineyya loke abhijjhaa-domanassa.m.|| ||

Yato kho tva.m bhikkhu siila.m nissaaya||
siile pati.t.thaaya||
ime cattaaro satipa.t.thaane||
eva.m tividhena bhaavessasi,||
tato tuyha.m bhikkhu,||
yaa ratti vaa divaso vaa||
aagamissati||
vuddhiyeva||
paa.tika'nkhaa kusalesu dhammesu||
no parihaanii" ti.|| ||

Atha kho so bhikkhu Bhagavato bhaasita.m abhinanditvaa [144] anumoditvaa u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho so bhikkhu eko vuupaka.t.tho appamatto aataapii pahitatto viharanto na cirass'eva yass'atthaaya kulaputtaa samma-d-eva agaarasmaa anagaariya.m pabbajanti,||
tad anuttara.m brahmacariya-pariyosaana.m saya.m abhi~n~naa sacchi-katvaa upasampajja vihaasi.|| ||

"Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa" ti abhi~n~naasi.|| ||

A~n~nataro ca pana so bhikkhu arahata.m ahosii.|| ||

 


Contact:
E-mail
Copyright Statement