Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga
47. Satipa.t.thana Sa'nyutta
1. Ambapaali-Vagga

Sutta 6

Saku.nagghi Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than] Evam me suta.m:|| ||

Bhuutapubba.m bhikkhave, saku.nagghi laapa.m saku.na.m sahasaa ajjhappattaa aggahesi.|| ||

Atha kho bhikkhave, laapo saku.no saku.nagghiyaa hariiyamaano eva.m hi paridevesi: "mayamevamhaa alakkhikaa.|| ||

Maya.m appapu~n~naa, ye maya.m agocare carimhaa paravisaye.|| ||

Sacajja maya.m gocare careyyaama sake pettike visaye, nacaaya.m saku.nagghi ala.m abhavissa yad ida.m yuddhaayaa" ti.|| ||

Ko pana te laapa gocaro sako pettiko visayoti.|| ||

Yad ida.m na'ngalaka.t.thakara.na.m le.d.du.t.thaananti.|| ||

[147] Atha kho bhikkhave, saku.nagghi sake bale apatthaddhaa sake bale avacamaanaa amu~nci, gaccha kho tva.m laapa, tatthaapi me gantvaa na mokkhasiiti.|| ||

Atha kho bhikkhave, laapo saku.no na'ngalaka.t.thakara.na.m le.d.du.t.thaana.m gantvaa mahanta.m le.d.du.m abhiruuhitvaa saku.nagghi.m avacamaano a.t.thaasi, ehi khodaani saku.nagghi, ehi kho daani saku.nagghiiti.|| ||

Atha kho saa bhikkhave, saku.nagghi sake bale apatthaddhaa sake bale avacamaanaa ubho pakkhe sandhaaya laapa.m saku.na.m sahasaa ajjhappattaa.|| ||

Yadaa kho bhikkhave, a~n~naasi laapo saku.no bahu aagataa kho myaa'ya.m saku.nagghiiti.|| ||

Atha tass'eva le.d.dussa antara.m paccupaadi.|| ||

Atha kho bhikkhave, saku.nagghi tattheva ura.m paccataa'esi.|| ||

Eva.m he'ta.m bhikkhave, hoti yo agocare carati paravisaye.|| ||

Tasmaat iha bhikkhave, maa agocare carittha paravisaye.|| ||

Agocare bhikkhave, carata.m parivisaye lacchati maaro otaara.m.|| ||

Lacchati maro aaramma.na.m.|| ||

Ko ca bhikkhave, bhikkhuno agocaro paravisayo: yad ida.m pa~nca kaamagu.naa.|| ||

Katame pa~nca?|| ||

Cakkhuvi~n~neyyaa ruupaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Sotavi~n~neyyaa saddaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Ghaanavi~n~neyyaa gandhaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Jivhaavi~n~neyyaa rasaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Kaayavi~n~neyyaa pho.t.thabbaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Aya.m bhikkhave, bhikkhuno agocaro paravisayo.|| ||

Gocare bhikkhave, caratha sake pettike visaye.|| ||

Gocare bhikkhave, carata.m sake pettike visaye na lacchati maaro otaara.m, na lacchati maaro aaramma.na.m.|| ||

[148] Ko ca bhikkhave, bhikkhuno gocaro sako pettiko visayo, yad ida.m cattaaro satipa.t.thaanaa.|| ||

Katame cattaaro?|| ||

Idha bhikkhave, Bhikkhu kaaye kaayaanupassii viharati aataapii sampajaano satimaa vineyya loke abhijjhaadomanassa.m.|| ||

Vedanaasu vedanaanupassii viharati aataapii sampajaano satimaa vineyya loke abhijjhaadomanassa.m.|| ||

Citte cittaanupassii viharati aataapii sampajaano satimaa vineyya loke abhijjhaadomanassa.m.|| ||

Dhammesu dhammaanupassii viharati aataapii sampajaano satimaa vineyya loke abhijjhaadomanassa.m.|| ||

Aya.m bhikkhave, bhikkhuno gocaro sako pettiko visayoti.|| ||

 


Contact:
E-mail
Copyright Statement