Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga
47. Satipa.t.thana Sa'nyutta
2. Naalandaavaggo

Sutta 11

Mahaapurisa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds][bodh] Evam me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

2. Atha kho aayasmaa Saariputto yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Saariputto Bhagavanta.m etad avoca:|| ||

3. "Mahaapuriso mahaapurisoti bhante, vuccati.|| ||

Kittaavataa nu kho:||
bhante, mahaapuriso hotii" ti?|| ||

Vimuttacittattaa kho'ha.m Saariputta||
mahaapurisoti vadaami.|| ||

Avimuttacittattaa||
no mahaapurisoti vadaami.|| ||

Katha~n ca Saariputta,||
vimuttacitto hoti?|| ||

4. Idha Saariputta, bhikkhu kaaye kaayaanupassii viharati.|| ||

Aataapii sampajaano satimaa vineyya loke abhijjhaadomanassa.m.|| ||

Tassa kaaye kaayaanupassino viharato citta.m virajjati,||
vimuccati,||
anupaadaaya aasavehi.|| ||

Vedanaasu vedanaanupassii viharati.|| ||

Aataapii sampajaano satimaa vineyya loke abhijjhaadomanassa.m.|| ||

Tassa vedanaasu vedanaanupassino viharato citta.m virajjati,||
vimuccati,||
anupaadaaya aasavehi.|| ||

Citte cittaanupassii viharati.|| ||

Aataapii sampajaano satimaa vineyya loke abhijjhaadomanassa.m.|| ||

Tassa citte cittaanupassino viharato citta.m virajjati,||
vimuccati,||
anupaadaaya aasavehi.|| ||

Dhammesu dhammaanupassii viharati.|| ||

Aataapii sampajaano satimaa vineyya loke abhijjhaadomanassa.m.|| ||

Tassa dhammesu dhammaanupassino viharato citta.m virajjati,||
vimuccati,||
anupaadaaya aasavehi.|| ||

Eva.m kho Saariputta, vimuttacitto hoti,||
vimuttacittattaa kho'ha.m Saariputta,||
mahaapurisoti vadaami.|| ||

Avimuttacittattaa no mahaapurisoti vadaamii ti.|| ||

 


Contact:
E-mail
Copyright Statement