Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga
47. Satipa.t.thana Sa'nyutta
2. Naalandaavaggo

Sutta 20

Janapadakalyaa.nii Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][bodh] Evam me suta.m:|| ||

Eka.m samaya.m Bhagavaa Sumhesu viharati Sedaka.m naama Sumhaana.m nigamo.|| ||

[170] Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Seyyathaa pi bhikkhave,||
janapadakalyaa.nii janapadakalyaa.nii||
kho bhikkhave, mahaajanakaayo sannipateyya.|| ||

Saa kho pan'assa janapadakalyaa.nii paramapaasaavinii nacce,||
paramapaasaavinii giite.|| ||

'Janapadakalyaa.nii naccati gaayatii' ti kho bhikkhave, bhiyosomattaaya mahaa-janakaayo santipateyya.|| ||

Atha puriso aagaccheyya jiivitukaamo amaritukaamo sukhakaamo dukkhapa.tikkuulo||
tam ena.m eva.m vadeyyu.m:|| ||

'Aya.m te ambho purisa,||
samatittiko telapatto antarena ca mahaasamajja.m antarena ca janapadakalyaa.ni.m parihaatabbo,||
puriso ca te ukkhittaasiko||
pi.t.thito pi.t.thito||
anubandhi'ssati yatth'eva na.m thokam pi cha.d.dessati tatth'eva te siro paatessatii' ti.|| ||

Ta.m ki.m ma~n~natha bhikkhave?|| ||

Api nu so puriso amu.m telapatta.m amanasikaritvaa bahiddhaa pamaada.m aahareyyaa" ti?|| ||

"No h'eta.m bhante."|| ||

"Upamaa kho myaaya.m bhikkhave, kataa atthassa vi~n~naapanaaya.|| ||

Aya.m c'ev'ettha attho:|| ||

'Samatittiko telapatto' ti kho bhikkhave, kaayagataaya eta.m satiyaa adhivacana.m.|| ||

Tasmaat iha bhikkhave, eva.m sikkhitabba.m:|| ||

'Kaayagataa no sati bhaavitaa bhavissati bahuliikataa yaaniikataa vatthukataa anu.t.thitaa paricitaa susamaaraddhaa' ti.|| ||

Eva.m hi vo bhikkhave, sikkhitabban" ti.|| ||

 

Naalandavaggo dutiyo

 


Contact:
E-mail
Copyright Statement