Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga
47. Satipa.t.thana Sa'nyutta
5. Amata-Vagga

Sutta 42

Samudaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than][olds] Evam me suta.m:|| ||

2. Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Catunna.m bhikkhave, satipa.t.thaanaana.m samudaya~n ca atthagama~n ca desissaami.|| ||

Ta.m su.naatha.|| ||

Ko ca bhikkhave, kaayassa samudayo?|| ||

Aahaara-samudayaa kaayassa samudayo.|| ||

Aahaara-nirodhaa kaayassa atthagamo.|| ||

Ko ca bhikkhave, vedanaana.m samudayo?|| ||

Phassa-samudayaa vedanaana.m samudayo.|| ||

Phassa-nirodhaa vedanaana.m atthagamo.|| ||

Ko ca bhikkhave, cittassa samudayo?|| ||

Naamaruupa-samudayaa cittassa samudayo.|| ||

Naamaruupa-nirodhaa cittassa atthagamo.|| ||

Ko ca bhikkhave, dhammaana.m samudayo?|| ||

Manasikaara-samudayaa dhammaana.m samudayo.|| ||

Manasikaara-nirodhaa dhammaana.m atthagamo" ti.|| ||

 


Contact:
E-mail
Copyright Statement