Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: Mahaa Vagga
52. Anuruddha Sa'nyutta
I. Rahogata Vagga

Sutta 10

Baa.lha-Gilaaya or Gihiinaya or Gilaana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evam me suta.m:|| ||

Eka.m samaya.m aayasmaa Anuruddho Saavatthiya.m viharati andhavanasmi.m aabaadhiko dukkhito baa'ahgilaano.|| ||

Atha kho sambahulaa bhikkhuu yenaayasmaa Anuruddho ten'upasa'nkami.msu.|| ||

Upasa'nkamitvaa aayasmanta.m Anuruddha.m etad avocu.m:|| ||

"Katamenaayasmato Anuruddhassa vihaarena viharato uppannaa saariirikaa dukkhaa vedanaa citta.m na pariyaadaaya ti.t.thantii" ti?|| ||

"Catusu kho me aavuso, satipa.t.thaanesu suupa.t.thitacittassa viharato uppannaa saariirikaa dukkhaa vedanaa citta.m na pariyaadaaya ti.t.thanti.|| ||

Katamesu catusu?|| ||

Idhaaha.m aavuso kaaye kaayaanupassii viharaami,||
aataapii sampajaano satimaa vineyya loke abhijjhaa domanassa'n,|| ||

vedanaasu vedanaanupassii viharaami,||
aataapii sampajaano satimaa vineyya loke abhijjhaa domanassa.m.|| ||

Citte cittaanupassii viharaami,||
aataapii sampajaano satimaa vineyya loke abhijjhaa domanassa.m.|| ||

Dhammesu dhammaanupassii viharaami,||
sampajaano satimaa vineyya loke abhijjhaadomanassa.m.|| ||

Imesu kho me aavuso, catusu satipa.t.thaanesu suupa.t.thitacittassa viharato uppannaa saariirikaa dukkhaa vedanaa citta.m na pariyaadaaya ti.t.thantii" ti.|| ||

 

Rahogatavaggo pa.thamo

 


Contact:
E-mail
Copyright Statement