Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga
54 Aanaapaana Sa'nyutta

1. Ekadhammavaggo

Sutta 10

Kimbila Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Sa'nyutta-Nikaya Part V, edited by M. Leon Feer

 


[322]

[1-2][pts][wp][bd] Eva.m me suta.m eka.m samaya.m Bhagavaa Kimbilaaya.m viharati Veluvane.|| ||

[2] Tatra kho Bhagavaa aayasmanta.m Kimbila.m aamantesi:||
"Katha.m bhaavito nu kho Kimbila aanaapaanasati-samaadhi katha.m bahuliikato mahapphalo hoti mahaanisamso ti.|| ||

Eva.m vutte aayasmaa Kimbilo tu.nhii ahosi.|| ||

[3] Dutiyam pi kho Bhagavaa aayasmanta.m Kimbila.m aamantesi:||
"Katha.m bhaavito kho Kimbila aanaapaanasati-samaadhi katha.m bahuliikato mahapphalo hoti mahaanisamso" ti.|| ||

Dutiyam pi kho aayasmaa Kimbilo tu.nhii ahosi.|| ||

[4] Tatiyam pi kho Bhagavaa aayasmanta.m Kimbila.m aamantesi:||
"Katha.m bhaavito nu kho Kimbila, aanaapaanasati-samaadhi katha.m bahuliikato mahapphalo hoti mahaanisamso" ti.|| ||

Tatiyam pi kho aayasmaa Kimbilo tu.nhii ahosi.|| ||

[323] [5] Eva.m vutte aayasmaa Aanando Bhagavaanta.m etad avoca:|| ||

"Etassa Bhagavaa kaalo||
etassa Sugata kaalo ya.m Bhagavaa aanaapaanasati-samaadhi.m bhaaseyya.||
Bhagavato sutvaa bhikkhuu dhaaressantii" ti.|| ||

Tenah'Aananda su.naahi saadhuka.m manasi-karohi bhaasissaamii ti.|| ||

Eva.m bhante ti kho aayasmaa Aanando Bhagavaato paccassosi.|| ||

[6] Bhagavaa etad avoca:|| ||

"Katha.m bhaavito ca Aananda aanaapaanasati-samaadhi katha.m bahliikato mahapphalo hoti mahaanisamso:|| ||

[7] Idha, bhikkhave,, bhikkhuu ara~n~nagato vaa rukkhamuulagato vaa su~n~naaragato vaa nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa so sato va assasati sato va passasati.|| ||

[8] Diigha.m vaa assasanto diigha.m assasaamiiti pajaanaati.||
Diigha.m vaa passasanto diigha.m passasaamiiti pajaanaati.|| ||

Rassa.m vaa assasanto rassa.m assasaamiiti pajaanaati.||
Rassa.m vaa passasanto rassa.m passasaamiiti pajaanaati.|| ||

[9] Sabbakaayapa.tisa'nvedii assasissaamiiti sikkhati.||
Sabbakaayapa.tisa'nvedii passissaamiiti sikkhati.|| ||

Passam-bhaya.m kaayasankhaara.m assasissaamiiti sikkhati.||
Passam-bhaya.m kaayasankhaara.m passasissaamiiti sikkhati.|| ||

[10] Piitipa.tisa'nvedii assasissaamiiti sikkhati.||
Piitipa.tisa'nvedii passasissaamiiti sikkhati.|| ||

Sukhapa.tisa'nvedii assasissaamiiti sikkhati.||
Sukhapa.tisa'nvedii passasissaamiiti sikkhati.|| ||

Cittasankhaarapa.tisa'nvedii assasissaamiiti sikkhati.||
Cittasankhaarapa.tisa'nvedii passasissaamiiti sikkhati.|| ||

Passam-bhaya.m cittasankhaara.m assasissaamiiti sikkhati.||
Passam-bhaya.m cittasankhaara.m passasissaamiiti sikkhati.|| ||

[11] Cittasankhaarapa.tisa'nvedii assasissaamiiti sikkhati.||
Cittasankhaarapa.tisa'nvedii passasissaamiiti sikkhati.|| ||

Passam-bhaya.m cittasankhaara.m assasissaamiiti sikkhati.||
Passam-bhaya.m cittasankhaara.m passasissaamiiti sikkhati.|| ||

Cittapa.tisa'nvedii assasissaamiiti sikkhati.||
Cittapa.tisa'nvedii passasissaamiiti sikkhati.|| ||

[12] Abhippamodaya.m citta.m assasissaamiiti sikkhati.||
Abhippamodaya.m citta.m passasissaamiiti sikkhati.|| ||

Samaadaha.m citta.m assasissaamiiti sikkhati.||
Samaadaha.m citta.m passasissaamiiti sikkhati.|| ||

Vimocaya.m citta.m assasissaamiiti sikkhati.||
Vimocaya.m citta.m passasissaamiiti sikkhati.|| ||

[13] Aniccaanupassii assasissaamiiti sikkhati.||
Aniccaanupassii passasissaamiiti sikkhati.|| ||

Viraagaanupassii assasissaamiiti sikkhati.||
Viraagaanupassii passasissaamiiti sikkhati.|| ||

Nirodhaanupassii assasissaamiiti sikkhati.||
Nirodhaanupassii passasissaamiiti sikkhati.|| ||

Pa.tinissaggaanupassii passasissaamiiti sikkhati.||
Pa.tinissaggaanupassii passasissaamiiti sikkhati.|| ||

[14] Eva.m bhaavito kho Aananda, aanaapaanasati-samaadhi eva.m bahuliikato mahapphalo hoti mahaanisamso.|| ||

[15] Yasmi.m samaye Aananda bhikkhuu||
diigha.m vaa assasanto diigha.m assasaamiiti pajaanaati,||
diigha.m vaa passasanto diigha.m passasaamiiti pajaanaa ti,||
rassa.m vaa assasanto rassa.m assasaamiiti pajaanaati.||
rassa.m vaa passasanto rassa.m passasaamiiti pajaanaa ti.||
sabbakaayapa.tisa'nvedii assasissaamii ti sikkhati,||
sabbakaayapa.tisa'nvedii passasissaamiiti sikkhati,||
passam-bhaya.m kaayasankhaara.m assasissaamiiti sikkhati,||
passam-bhaya.m kaayasankhaara.m passasissaamiiti sikkhati,||
Kaaye kaayaanupassii Aananda bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

Ta.m kissa hetu?|| ||

[16] Kaaya~n~nataraaha.m Aananda eta.m vadaami yad ida.m assaasapassaasa.m.||
Tasmaa ti h'Aananda, kaaye kaayaanupassii bhikkhuu tasmi.m samaye viharati||
aataapii sampajaano satimaa vineyya loke abhijjhaadomanassa.m.|| ||

[17] Tasmi.m samaye Aananda, bhikkhuu piitipa.tisa'nvedii assasissaamiiti sikkhati,||
piitipa.tisa'nvedii passasissaamiiti sikkhati,||
sukhapa.tisa.mvidii assasissaamiiti sikkhati,||
sukhapa.tisa'nvedii passasissaamiiti sikkhati,||
cittasankhaarapa.tisa.m- [324] vedii assasissaamiiti sikkhati.||
Cittasankhaarapa.tisa'nvedii passasissaamiiti sikkhati.||
Passam-bhaya.m cittasankhaara.m assasissaamiiti sikkhati,||
passam-bhaya.m cittasankhaara.m passasissaamiiti sikkhati,||
Vedanaasu vedanaanupassii Aananda bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

Ta.m kissa hetu?|| ||

[18] Vedana~n~nataraaha.m Aananda eta.m vadaami yad ida.m assaasapassaasaana.m saadhuka.m manasikaara.m.||
Tasmaa ti h'Aananda vedanaasu vedanaanupassii bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

[19] Yasmi.m samaye Aananda, bhikkhuu cittapa.tisa'nvedii assasissaamiiti sikkhati,||
cittapa.tisa'nvedii passasissaamiiti sikkhati,||
abhippamodaya.m citta.m assasissaamiiti sikkhati,||
abhippamodaya.m citta.m passasissaamiiti sikkhati,||
samaadaha.m citta.m assasissaamiiti sikkhati,||
samaadaha.m citta.m passasissaamiiti sikkhati,||
vimocaya.m citta.m assasissaamiiti sikkhati,||
vimocaya.m citta.m passasissaamiiti sikkhati,||
Citte cittaanupassii Aananda, bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

Ta.m kissa hetu?|| ||

[20] Naaha.m Aananda, mu.t.thassatissa asampajaanassa aanaapaanasati-samaadhi-bhaavana.m vadaami.||
Tasmaa ti h'Aananda, citte cittaanupassii bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

[21] Yasmi.m samaye Aananda, bhikkhuu aniccaanupassii assasissaamiiti sikkhati,||
aniccaanupassii passasissaamiiti sikkhati,||
viraagaanupassii assasissaamiiti sikkhati,||
viraagaanupassii passasissaamiiti sikkhati,||
nirodhaanupassii assasissaamiiti sikkhati,||
nirodhaanupassii passasissaamiiti sikkhati,||
pa.tinissaggaanupassii assasissaamiiti sikkhati,||
pa.tinissagaggaanupassii passasissaamiiti sikkhati,||
Dhammesu dhammaanupassii Aananda, bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

So ya.m ta.m hoti abhijjhaadomanassaana.m pahaana.m,||
ta.m pa~n~naaya disvaa disvaa saadhuka.m ajjhupekkhitaa hoti.||
Tasmaa ti h'Aananda, dhammesu dhammaanupassii bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

[325] [22] seyyathaa pi Aananda caatummahaapathe mahaapa.msupu~njo puratthimaaya ce pi disaaya aagaccheyya saka.ta.m vaa ratho vaa upahanateva ta.m pa.msupu~nja.m.||
Pacchimaaya ce pi disaaya aagaccheyya saka.ta.m vaa ratho vaa upahanateva ta.m pa.msupu~nja.m.||
Uttaraaya ce pi disaaya aagaccheyya saka.ta.m vaa ratho vaa upahanateva ta.m pa.msupu~nja.m.||
Dakkhi.naaya ce pi disaaya aagaccheyya saka.ta.m vaa ratho vaa upahanateva ta.m pa.msupu~nja.m.|| ||

Evam eva kho Aananda, bhikkhuu kaaye kaayaanupassii viharanto pi upahanateva paapake akusale dhamme.||
Vedanaasu vedanaanupassii viharanto pi upahanateva paapake akusale dhamme.||
Citte cittaanupassii viharanto pi upahanateva paapake akusale dhamme.||
Dhammesu dhammaanupassii viharanto pi upahanateva paapake akusale dhammeti.|| ||

Ekadhammavaggo pa.thamo.|| ||

 


Contact:
E-mail
Copyright Statement