Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa'nyutta Nikaaya,
V: MahaaVagga

10. (54) AanaapaanaSa'nyutta

2. Aananda
or
Dutiyo vaggo

Sutta 16

Dutiya Bhikkhuu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Sa'nyutta-Nikaya Part V, edited by M. Leon Feer

 


 

[1-2][pts][wp] Savatthi|| ||

Atha kho sambahulaa bhikkhuu yena Bhagavaa ten'upasa'nkami.msu.||
Upasa'nkamitvaa Bhagavta.m abhivaadetvaa eka-m-anta.m nisiidi.msu.|| ||

Bhikkhuu saddhi.m sammodi.|| ||

Eka-m-anta.m nisinnaa kho te bhikkhuu Bhagavaanta.m etad avocu.m:|| ||

"Atthi nu kho bhikkhave eko dhammaa bhaavito bahuliikato cattaaro dhamme paripuureti,||
cattaaro dhammaa bhaavitaa bahuliikataa satta dhamme paripuurenti,||
satta dhammaa bhaavitaa bahuliikataa dve dhamme paripuurentii" ti?|| ||

Bhagavammuulakaa no bhante dhammaa,||
dhammaa Bhagavaannettikaa,||
Bhagavaampa.tisara.naa.|| ||

Saadhu vata bhante,||
Bhagavaanta.myeva pa.tibhaatu etassa bhaasitassa attho,||
Bhagavaato sutvaa bhikkhuu dhaaressantii ti.|| ||

"Atthi bhikkhave eko dhammaa bhaavito bahuliikato cattaaro dhamme paripuureti,||
cattaaro dhammaa bhaavitaa bahuliikataa satta [335] dhamme paripuurenti,||
satta dhammaa bhaavitaa bahuliikataa dve dhamme paripuurentii" ti.|| ||

Katamo pana bhikkhave, eko dhammo bhaavito bahuliikato cattaaro dhamme paripuurenti,||
cattaaro dhammaa bhaavitaa bahuliikataa satta dhamme paripuurenti,||
satta dhammaa bhaavitaa bahuliikataa dve dhamme paripuurenti:|| ||

Aanaapaanasatisamaadhi kho bhikkhave eko dhammo bhaavito bahuliikato cattaaro satipa.t.thaane paripuureti,||
cattaaro satipa.t.thaanaa bhaavitaa bahuliikataa satta bojjha'nge paripuurenti,||
satta bojjha'ngaa bhaavitaa bahuliikataa vijajaavimutti.m paripuurenti.|| ||

 

i

 

Katha.m bhaavito ca bhikkhave, aanaapaanasati-samaadhi katha.m bahuliikato cattaaro satipa.t.thaane paripuureti:|| ||

Idha, bhikkhave,, bhikkhuu ara~n~nagato vaa rukkhamuulagato vaa su~n~naaragato vaa nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa so sato va assasati sato va passasati.|| ||

Diigha.m vaa assasanto diigha.m assasaamiiti pajaanaati.||
Diigha.m vaa passasanto diigha.m passasaamiiti pajaanaati.|| ||

Rassa.m vaa assasanto rassa.m assasaamiiti pajaanaati.||
Rassa.m vaa passasanto rassa.m passasaamiiti pajaanaati.|| ||

Sabbakaayapa.tisa'nvedii assasissaamiiti sikkhati.||
Sabbakaayapa.tisa'nvedii passissaamiiti sikkhati.|| ||

Passam-bhaya.m kaayasankhaara.m assasissaamiiti sikkhati.||
Passam-bhaya.m kaayasankhaara.m passasissaamiiti sikkhati.|| ||

Piitipa.tisa'nvedii assasissaamiiti sikkhati.||
Piitipa.tisa'nvedii passasissaamiiti sikkhati.|| ||

Sukhapa.tisa'nvedii assasissaamiiti sikkhati.||
Sukhapa.tisa'nvedii passasissaamiiti sikkhati.|| ||

Cittasankhaarapa.tisa'nvedii assasissaamiiti sikkhati.||
Cittasankhaarapa.tisa'nvedii passasissaamiiti sikkhati.|| ||

Passam-bhaya.m cittasankhaara.m assasissaamiiti sikkhati.||
Passam-bhaya.m cittasankhaara.m passasissaamiiti sikkhati.|| ||

Cittapa.tisa'nvedii assasissaamiiti sikkhati.||
Cittapa.tisa'nvedii passasissaamiiti sikkhati.|| ||

Abhippamodaya.m citta.m assasissaamiiti sikkhati.||
Abhippamodaya.m citta.m passasissaamiiti sikkhati.|| ||

Samaadaha.m citta.m assasissaamiiti sikkhati.||
Samaadaha.m citta.m passasissaamiiti sikkhati.|| ||

Vimocaya.m citta.m assasissaamiiti sikkhati.||
Vimocaya.m citta.m passasissaamiiti sikkhati.|| ||

Aniccaanupassii assasissaamiiti sikkhati.||
Aniccaanupassii passasissaamiiti sikkhati.|| ||

Viraagaanupassii assasissaamiiti sikkhati.||
Viraagaanupassii passasissaamiiti sikkhati.|| ||

Nirodhaanupassii assasissaamiiti sikkhati.||
Nirodhaanupassii passasissaamiiti sikkhati.|| ||

Pa.tinissaggaanupassii passasissaamiiti sikkhati.||
Pa.tinissaggaanupassii passasissaamiiti sikkhati.|| ||

Yasmi.m samaye bhikkhave bhikkhuu diigha.m vaa assasanto diigha.m assasaamiiti pajaanaati,||
diigha.m vaa passasanto diigha.m passasaamii ti pajaanaati.||
Rassa.m vaa assasanto rassa.m assasaamiiti pajaanaati,||
rassa.m vaa passasanto rassa.m passasaamiiti pajaanaati.||
Sabbakaayapa.tisa'nvedii assasissaamiiti sikkhati,||
sabbakaayapa.tisa'nvedii passasissaamiiti sikkhati.||
Passam-bhaya.m kaayasankhaara.m assasissaamiiti sikkhati,||
passam-bhaya.m kaayasankhaara.m passasissaamiiti sikkhati.||
Kaaye kaayaanupassii bhikkhave, bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.||
Ta.m kissa hetu?|| ||

Kaaya~n~nataraaha.m bhikkhave eta.m vadaami, yad ida.m assaasapassaasa.m.||
Tasmaa ti h'bhikkhave, kaaye kaayaanupassii bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

Yasmi.m samaye bhikkhave, bhikkhuu piitipa.tisa'nvedii assasissaamiiti sikkhati,||
piitipa.tisa'nvedii passasissaamiti sikkhati.||
Sukhapa.tisa'nvedii assasissaamiiti sikkhati,||
sukhapa.ti.mvedii passasissaamiti sikkhati.||
Cittasankhaarapa.tisa'nvedii assasissaamiiti sikkhati,||
cittasankhaarapa.tisa'nvedii passasissaamiiti sikkhati.||
Passam-bhaya.m cittasankhaara.m assasissaamiiti sikkhati,||
passam-bhaya.m cittasankhaara.m passasissaamiiti sikkhati.||
Vedanaasu vedanaanupassii bhikkhave, bhikkhuu tasmi.m samaye viharati aataapii sampajaano satimaa vineyaya loke abhijjhaadomanassa.m.||
Ta.m kissa hetu?|| ||

Vedana~n~nataraaha.m bhikkhave, eta.m vadaami yad ida.m assaasapassaasaana.m saadhuka.m manasikaara.m.||
Tasmaa ti ha bhikkhave, vedanaasu vedanaanupassii bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

Yasmi.m samaye bhikkhave, bhikkhuu cittapa.tisa'nvedii assasissaamiiti sikkhati,||
cittapa.tisa'nvedii passasissaamiiti sikkhati.||
Abhippamodaya.m citta.m assasissaamiiti sikkhati,||
abhippamodaya.m citta.m passasissaamiiti sikkhati.||
Samaadaha.m citta.m assasissaamiiti sikkhati,||
samaadaha.m citta.m passasissaamiiti sikkhati.||
Vimocaya.m citta.m assasissaamiiti sikkhati,||
vimocaya.m citta.m passasissaamiiti sikkhati.||
Citte cittaanupassii bhikkhave, bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.||
Ta.m kissa hetu?|| ||

Naaha.m bhikkhave, mu.t.thassatissa asampajaanassa aanaapaanasati-samaadhibhaavana.m vadaami.||
Tasmaa ti ha bhikkhave, citte cittaanupassii bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

Yasmi.m samaye bhikkhave, bhikkhuu aniccaanupassii||
assasissaamiiti sikkhati,||
aniccaanupassii passasissaamiiti sikkhati.||
Viraagaanupassii assasissaamiiti sikkhati,||
viraagaanupassi passasissaamiiti sikkhati.||
Nirodhaanupassii assasissaamiiti sikkhati,||
nirodhaanupassii passasissaamiiti sikkhati.||
Pa.tinissaggaanupassii assasissaamiiti sikkhati,||
pa.tinissaggaanupassii passasissaamiiti sikkhati.||
Dhammesu dhammaanupassii bhikkhave, bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

So ya.m ta.m hoti abhijjhaadomanassaana.m pahaana.m ta.m pa~n~naaya disvaa saadhuka.m ajjhupekkhitaa hoti.||
Tasmaa ti h'bhikkhave, dhammesu dhammaanupassii bhikkhuu tasmi.m samaye viharati aataapii sampajaano satimaa vineyya loke abhijjhaadomanassa.m.|| ||

Eva.m bhaavito kho bhikkhave aanaapaanasati-samaadhi eva.m bahuliikato cattaaro satipa.t.thaane paripuureti.|| ||

 

ii

 

Katha.m bhaavitaa ca bhikkhave cattaaro satipa.t.thaanaa katha.m bahuliikataa satta sambojjha'nge paripuurenti.|| ||

Yasmi.m samaye bhikkhave bhikkhuu kaaye kaayaanupassii viharati upa.t.thitaasati tasmi.m samaye bhikkhave bhikkhuno sati hoti asammu.t.thaa.||
Yasmi.m samaye bhikkhave bhikkhuuno upa.t.thitaa sati asammu.t.thaa satisambojjha'ngo tasmi.m samaye bhikkhuuno aaraddho hoti.||
Satisambojjha'nga.m tasmi.m samaye bhikkhave bhikkhuu bhaaveti.||
Satisambojjha'ngo tasmi.m samaye bhikkhuuno bhaavanaa-paaripuuri.m gacchati.||
So tathaa sato viharanto ta.m dhamma.m pa~n~naaya pavicinati pavicarati pariviima.msam aapajjati.|| ||

Yasmi.m samaye bhikkhave, bhikkhuu tathaa sato viharanto ta.m dhamma.m pa~n~naaya pavicinaati pariviima.msam aapajjati.||
Dhammavicayasambojjha'ngo tasmi.m samaye bhikkhuuno aaraddho hoti.||
Dhammavicayasambojjha'nga.m tasmi.m samaye bhikkhuu bhaaveti.||
Dhammavicayasambojjha'ngo tasmi.m samaye bhikkhuuno bhaavanaapaaripuuri.m gacchati.||
Tassa ta.m dhamma.m pa~n~naaya pavicanato pavicarato pariviima.msam aapajjato aaraddha.m hoti viriya.m asalliina.m.|| ||

Yasmi.m samaye bhikkhave, bhikkhuuno ta.m dhamma.m pa~n~naaya pavicinato pavicarato pariviima.msam aapajjato aaraddha.m hoti viriya.m asalliina.m,||
viriyasambojjha'ngo tasmi.m samaye bhikkhuuno aaraddho hoti.||
Viriyasambojjha'nga.m tasmi.m samaye bhikkhuu bhaaveti.||
Viriyasambojjha'ngo tasmi.m samaye bhikkhuuno bhaavanaapaaripuuri.m gacchati.||
Aaraddhaviriyassa uppajjati piiti niraamisaa.|| ||

Yasmi.m samaye bhikkhave, bhikkhuuno aaraddhaviriyassa uppajjati piiti niraamisaa,||
piitisambojjha'ngo tasmi.m samaye bhikkhuuno aaraddho hoti.||
Piitisambojjha'nga.m tasmi.m samaye bhikkhuu bhaaveti.||
Piitisambojjha'ngo tasmi.m samaye bhikkhuuno bhaavanaapaaripuuri.m gacchati.||
Piitimanassa kaayopi passambhati. Cittampi passambhati.|| ||

Yasmi.m samaye bhikkhave bhikkhuuno piitimanassa kaayo pi passambhati,||
cittam pi passambhati,||
passaddhisambojjha'ngo tasmi.m samaye bhikkhuuno aaraddho hoti.||
Passaddhisambojjha'nga.m tasmi.m samaye bhikkhuu bhaaveti.||
Passaddhisambojjha'ngo tasmi.m samaye bhikkhuuno bhaavanaapaaripuuri.m gacchati.||
Passaddhakaayassa sukhino citta.m samaadhiyati.|| ||

Yasmi.m samaye bhikkhave bhikkhuuno passaddhakaayassa sukhino citta.m samaadhiyati,||
samaadhisambojjha'ngo tasmi.m samaye bhikkhuuno aaraddho hoti.||
Samaadhisambojjha'nga.m tasmi.m samayo bhikkhuu bhaaveti.||
Samaadhisambojjha'ngo tasmi.m samaye bhikkhuuno bhaavanaapaaripuuri.m gacchati.||
So tathaa samaahita.m citta.m saadhuka.m ajjhupekkhitaa hoti.|| ||

Yasmi.m samaye bhikkhave bhikkhuu tathaa samaahita.m citta.m saadhuka.m ajjhupekkhitaa hoti,||
upekhaasambojjha'ngo tasmi.m samaye bhikkhuuno aaraddho hoti.||
Upekhaasambojjha'nga.m tasmi.m samaye bhikkhuu bhaaveti.||
Upekhaasambojjha'ngo tasmi.m samaye bhikkhuuno bhaavanaapaaripuuri.m gacchati.|| ||

Yasmi.m samaye bhikkhave bhikkhuu vedanaasu vedanaanupassii...||
Citte cittaanupassii...||
Dhammesu dhammaanupassii viharati upa.t.thitaasati tasmi.m samaye bhikkhave bhikkhuno sati hoti asammu.t.thaa.|| ||

Yasmi.m samaye bhikkhave bhikkhuuno upa.t.thitaa sati hoti asammu.t.thaa,||
satisambojjha'ngo tasmi.m samaye bhikkhuuno aaraddho hoti.||
Satisbojjha'nga.m tasmi.m samaye bhikkhuu bhaaveti.||
Satisambojjha'ngo tasmi.m samaye bhikkhuuno bhaavanaa-paaripuuri.m gacchati.|| ||

Yathaa pathama.m satipa.t.thaanam eva.m vitthaaretabba.m|| ||

So tathaa sato viharanto ta.m dhamma.m pa~n~naaya pavicanati pavicarati pariviima.msamaapajjati.|| ||

Yasmi.m samaye bhikkhave bhikkhuu tathaa sato viharanto ta.m dhamma.m pa~n~naaya pavicanaati.|| ||

Pavicarati pariviima.msamaapajjati.|| ||

Dhammavicayasambojjha'ngo tasmi.m samaye bhikkhuuno aaraddho hoti.|| ||

Dhammavicayasambojjha'nga.m tasmi.m samaye bhikkhuuno bhaaveti.|| ||

Dhammavicayasambojjha'ngo tasmi.m samaye bhikkhuuno bhaavanaapaaripuuri.m gacchati.|| ||

Tassa ta.m dhamma.m pa~n~naaya pavicanato pavicarato pariviima.msamaapajjato aaraddha.m hoti viriya.m asalliina.m.|| ||

Yasmi.m samaye bhikkhave bhikkhuuno ta.m dhamma.m pa~n~naaya pavicanato pavicarato pariviima.msamaapajjato aaraddha.m hoti viriya.m asalliina.m,||
viriyasambojjha'ngo tasmi.m samaye bhikkhuuno aaraddho hoti.|| ||

Viriyasambojjha'nga.m tasmi.m samaye bhikkhuu bhaaveti.|| ||

Viriyasambojjha'ngo tasmi.m samaye bhikkhuuno bhaavanaapaaripuuri.m gacchati.|| ||

Aaraddhaviriyassa uppajjati piiti niraamisaa.|| ||

Yasmi.m samaye bhikkhave bhikkhuuno aaraddhaviriyassa uppajjati piiti niraamisaa,||
piitisambojjha'ngo tasmi.m samaye bhikkhuuno aaraddho hoti.|| ||

Pitisambojjha'ngo tasmi.m samaye bhikkhuuno bhaavanaapaaripuuri.m gacchati.|| ||

Piitimanassa kaayopi passambhati.|| ||

Cittampi passambhati.|| ||

Yasmi.m samaye bhikkhave bhikkhuuno piitimanassa kaayo pi passambhati,||
cittampi passambhati,||
passaddhisambojjha'ngo tasmi.m samaye bhikkhuuno aaraddho hoti.|| ||

Passaddhisambojjha'nga.m tasmi.m samaye bhikkhuu bhaaveti.|| ||

Passaddhisambijjhe'ngo tasmi.m samaye bhikkhuuno bhaavanaapaaripuuri.m gacchati.|| ||

Passaddhakaayassa sukhino citta.m samaadhiyati.|| ||

Yasmi.m samaye bhikkhave, bhikkhuuno passaddhakaayassa sukhino citta.m samaadhiyati,||
samaadhisambojjha'ngo tasmi.m samaye bhikkhuuno aaraddho hoti.|| ||

Samaadhisambojjha'nga.m tasmi.m samaye bhikkhuu bhaaveti.|| ||

Samaadhisambojjha'ngo tasmi.m samaye bhikkhuuno bhaavanaapaaripuuri.m gacchati.|| ||

So tathaa samaahita.m citta.m saadhuka.m ajjhupekkhitaa hoti.|| ||

Yasmi.m samaye bhikkhave, bhikkhuu tathaa samaahita.m citta.m saadhuka.m ajjhupekkhitaa hoti,||
upekhaasambojjha'ngo tasmi.m samaye bhikkhuuno aaraddho hoti.|| ||

Upekhaasambojjha'nga.m tasmi.m samaye bhikkhuu bhaaveti.|| ||

Upekhaasambojjha'ngo tasmi.m samaye bhikkhuuno bhaavanaapaaripuuri.m gacchati.|| ||

Eva.m bhaavitaa kho bhikkhave cattaaro satipa.t.thaanaa eva.m bahuliikataa satta bojjha'nge paripuurenti.|| ||

 

iii

 

Katha.m bhaavitaa ca bhikkhave satta bojjha'ngaa katha.m bahuliikataa vijjaavimutti.m paripuurenti:|| ||

Idh'bhikkhave, bhikkhuu satisambojjha'nga.m bhaaveti vivekanissita.m||
viraaganissita.m nirodhanissita.m vossaggapari.naami.|| ||

Dhammavicayasambojjha'nga.m bhaaveti vivekanisissita.m viraaganissita.m nirodhanissita.m vossaggapari.naami.m.|| ||

Viriyasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Piitisambojjhaga.m bhaaveti vivekanissita.m viraaganissita.m nirodhanissita.m vossaggapari.naami.|| ||

Passaddhisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Samaadhisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Upekkhaasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Eva.m bhaavitaa kho bhikkhave, satta bojjha'ngaa eva.m bahuliikataa vijjaavimutti.m paripuurentii ti.|| ||

Yathaa purimasuttanto evam vitthaaretabba.m|| ||

 


Contact:
E-mail
Copyright Statement