Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
V. Mahaa Vagga
55. Sotaapatti Sa'nyutta
III. Sara.naani Vagga

Sutta 21

Pa.thama Mahaanaama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evam me suta.m:|| ||

[369] Eka.m samaya.m Bhagavaa Sakkesu viharati Kapilavatthusmi.m Nigrodhaaraame. Atha kho Mahaanaamo Sakko yena Bhagavaa ten'upasa'nkami. Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho Mahaanaamo Sakko Bhagavanta.m etad avoca: "ida.m bhante, Kapilavatthu iddha~nc'eva phiita~n ca baahuja~n~na.m aaki.n.namanussa.m sambaadhabyuha.m. So khvaaha.m bhante, Bhagavanta.m payirupaasitvaa manobhaavaniiya.m vaa bhikkhu.m, saaya.nhasamaya.m Kapilavatthu.m pavisanto bhantenapi hatthinaa samaagacchaami. Bhantenapi assena samaagacchaami. Bhantenapi purisena samaagacchaami. Tassa mayha.m bhante, tasmi.m samaye mussateva Bhagavanta.m aarabbha sati. Mussati dhamma.m aarabbha sati mussati sa'ngha.m aarabbha sati. Tassa mayha.m bhante, eva.m hoti: "imehi caaha.m samaye kaala.m kareyya.m kaa mam'assa gati, ko abhisamparaayo" ti.|| ||

Maa bhaayi Mahaanaama, maa bhaayi Mahaanaama apaapaka.m te mara.na.m bhavissati, apaapikaa kaalakiriyaa. Yassa kassaci Mahaanaama, diigha-ratta.m saddhaaparibhaavita.m citta.m, siilaparibhaavita.m citta.m, sutaparibhaavita.m citta.m, caagaparibhaavita.m citta.m, pa~n~naaparibhaavita.m citta.m, tassa yo hi khvaaya.m kaayo ruupii caatum-mahaa-bhuutiko maataa- [370] pettika-sambhavo odanakummaasuupacayo aniccucchaadana-parimaddana-bhedana-viddha.msanadhammo, ta.m idh'eva kaakaa vaa khaadanti, gijjhaa vaa khaadanti, kulalaa vaa khaadanti, supaanaa vaa khaadanti, sigaalaa vaa khaadanti, vividhaa vaa paa.nakajaataa khaadanti, ya~n ca khvassa citta.m diigha-ratta.m saddhaaparibhaavita.m, siilaparibhaavita.m, sutaparibhaavita.m, caagaparibhaavita.m, pa~n~naaparibhaavita.m, ta.m uddha.mgaamii hoti visesagaamii.|| ||

seyyathaa pi Mahaanaama, balavaa puriso sappikumbha.m vaa telakumbha.m vaa gambhiira.m udakarahada.m ogaahetvaa bhindeyya, tatra yaassa1 sakkharaa vaa ka.thalaa vaa saa adhogaamii assa. Ya.n ca khvassa tatra sappi vaa tela.m vaa ta.m uddha'ngaamii assa visesagaami. Evam eva kho Mahaanaama, yassa kassaci diigha-ratta.m saddhaaparibhaavita.m citta.m siilaparibhaavita.m citta.m, sutaparibhaavita.m citta.m, caagaparibhaavita.m citta.m, pa~n~naaparibhaavita.m citta.m, tassa yo hi khvaaya.m kaayo ruupii caatum-mahaa-bhuutiko mataapettikasambhavo odanakummaasuupacayo aniccucchaadana-parimaddana-bhedana-viddha.msanadhammo, ta.m idh'eva kaakaa vaa khaadanti, gijjhaa vaa khaadanti, kulalaa vaa khaadanti, supaanaa vaa khaadanti, sigaalaa vaa khaadanti, vividhaa vaa paa.nakajaataa khaadanti, ya~n ca khvassa citta.m saddhaaparibhaavita.m, siilaparibhaavita.m, sutaparibhaavita.m, caagaparibhaavita.m, pa~n~naaparibhaavita.m citta.m ta.m uddha'ngaamii hoti visesagaamii. Tuyha.m kho pana Mahaanaama, diigha-ratta.m saddhaaparibhaavita.m citta.m siilaparibhaavita.m, sutaparibhaavita.m, caagaparibhaavita.m, pa~n~naaparibhaavita.m. Maa bhaayi Mahaanaama, ma bhaayi Mahaanaama, apaapaka.m te mara.na.m bhavissati. Apaapikaa kaalakiriyaati.|| ||

 


Contact:
E-mail
Copyright Statement