Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIII: Bhaya Vagga

Sutta 128

Dutiya Tathagata Acchariya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Tathagatassa bhikkhave arahato sammasambuddhassa patubhava cattaro acchariya abbhuta dhamma patubhavanti.|| ||

Katame cattaro?|| ||

Alayarama bhikkhave paja alayarata alayasammudita.|| ||

Sa Tathagatena analaye dhamme desiyamane sussuyati,||
sotam odahati||
anna cittam upatthapeti.|| ||

Tathagatassa bhikkhave arahato sammasambuddhassa patubhava ayam pathamo acchariyo abbhuto dhammo patu-bhavati.|| ||

3. Manarama bhikkhave paja manarata manasammudita.|| ||

[132] Sa Tathagatena manavinaye dhamme desiyamane sussuyati,||
sotam odahati||
anna cittam upatthapeti.|| ||

Tathagatassa bhikkhave arahato sammasambuddhassa patubhava ayam dutiyo acchariyo abbhuto dhammo patu-bhavati.|| ||

4. Anupasamarama bhikkhave paja anupasamarata anupasamasammudita.|| ||

Sa Tathagatena opasamike dhamme desiyamane sussuyati,||
sotam odahati||
anna cittam upatthapeti.|| ||

Tathagatassa bhikkhave arahato sammasambuddhassa patubhava ayam tatiyo acchariyo abbhuto dhammo patu-bhavati.|| ||

5. Avijjagata bhikkhave paja andabhuta pariyonaddha.|| ||

Sa Tathagatena avijjavinaye dhamme desiyamane sussuyati,||
sotam odahati||
anna cittam upatthapeti.|| ||

Tathagatassa bhikkhave arahato sammasambuddhassa patubhava ayam catuttho acchariyo abbhuto dhammo patu-bhavati.|| ||

Tathagatassa bhikkhave arahato samma sambuddhassa patubhava ime cattaro acchariya abbhuta dhamma patu-bhavanti ti.|| ||

 


Contact:
E-mail
Copyright Statement