Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Navaka Nipata

Sutta 19

Devata Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, PhD., D.D..

[390]


 

[1][pts][upal] Evam me sutam.|| ||

Ekam samayam Bhagava Savatthiyam viharati Jetavane Anathapindikassa arame,||
tatra kho Bhagava bhikkhu amantesi.|| ||

Iman ca Bhikkhave, rattim sambahula devata abhikkantaya rattiya abhikkantavanna kevalakappam Jetavanam obhasetva yenaham ten'upasankamimsu.|| ||

Upasankamitva mam abhivadetva eka-m-antam atthamsu.|| ||

Eka-m-antam thita kho bhikkhave,||
ta devata mam etad avocum:|| ||

'Upasankamimsu no bhante,||
pubbe manussabhutanam pabbajita agarani,||
ta mayam Bhante, paccutthimha,||
no ca kho abhivadimha.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

[391] 2. Aparapi mam bhikkhave,||
sambahula devata upasankamitva etad avocum:|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante paccutthimha,||
abhivadimha||
no ca kho asanam adamha.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

3. Aparapi mam bhikkhave,
sambahula devata upasankamitva etad avocum:|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante paccutthimha,||
abhivadimha||
asanan ca adamha||
no ca kho yathasatti yathabalam samvibhajimha.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

4. Aparapi mam bhikkhave,
sambahula devata upasankamitva etad avocum:|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante paccutthimha,||
abhivadimha||
asanan ca adamha||
[392] yathasatti yathabalam samvibhajimha,||
no ca kho upanisidmiha dhammasavanaya.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

Aparapi mam bhikkhave,
sambahula devata upasankamitva etad avocum|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante paccutthimha,||
abhivadimha||
asanan ca adamha||
yathasatti yathabalam samvibhajimha,||
upanisidmha dhammasavanaya||
no ca kho ohitasota dhammam sunimha.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

Aparapi mam bhikkhave,
sambahula devata upasankamitva etad avocum|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante paccutthimha,||
abhivadimha||
asanan ca adamha||
yathasatti yathabalam samvibhajimha,||
upanisidmha dhammasavanaya||
ohitasota dhammam sunimha,||
no ca kho sutva dhammam dharayimha.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

Aparapi mam bhikkhave,
sambahula devata upasankamitva etad avocum|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante paccutthimha,||
abhivadimha||
asanan ca adamha||
yathasatti yathabalam samvibhajimha,||
upanisidmha dhammasavanaya||
ohitasota dhammam sunimha,||
sutva dhammam dharayimha||
no ca kho dhatanam dhammanam attham upaparikkhimha.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

Aparapi mam bhikkhave,
sambahula devata upasankamitva etad avocum|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante paccutthimha,||
abhivadimha,||
asanan ca adamha,||
yathasatti yathabalam samvibhajimha,||
upanisidmha dhammasavanaya||
ohitasota dhammam sunimha,||
sutva dhammam dharayimha,||
dhatanam dhammanam attham upaparikkhimha,||
no ca kho attham annaya dhammam annaya dhammanudhammam patipajjimha.|| ||

Ta mayam bhante,||
aparipunnakammanta vippatisariniyo pacchanutapiniyo hinam kayam upapanna" ti.|| ||

Aparapi mam bhikkhave,||
sambihula devata upasankamitva etad avocum:|| ||

"Upasankamimsu no bhante,||
pubbe manussabhutanam pabbajita agarani,||
ta mayam bhante, paccutthimha,||
abhivadimha,||
asanam adamha,||
yathasatti yathabalam samvibhajimha,||
upanisidimha dhammasavanaya,||
ohitasota ca dhammam sunimha,||
sutva ca dhammam dharayimha,||
dhatanan ca dhammanam attham upaparikkhimha,||
attham annaya dhammam annaya dhammanudhammam patipajjimha.|| ||

Ta mayam bhante,||
paripunnakammanta avippatisariniyo apacchanutapiniyo panitam kayam upapanna" ti.|| ||

Etani bhikkhave,||
rukkhamulani etani sunnagarani jhayatha bhikkhave,||
ma pamadattha,||
ma paccha vippatisarino ahuvattha,||
seyyatha pi ta purimika devata ti.|| ||

 


Contact:
E-mail
Copyright Statement