Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Sanyutta Nikaya,
V: MahaVagga
54 Anapana Sanyutta

2. Ananda
or
Dutiyo vaggo

Sutta 17

sanyojana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Sanyutta-Nikaya Part V, edited by M. Leon Feer

 


 

[1-2][pts][wp][bd] Savatthi|| ||

Anapanasatisamadhi bhikkhave bhavito bahulikato sanyojanappahanaya sanvattati.|| ||

Katham bhavito ca bhikkhave anapanasati-samadhi katham bahulikato sanyojanappahanaya sanvattati?|| ||

Idha, bhikkhave,, bhikkhu arannagato va rukkhamulagato va sunnaragato va nisidati pallankam abhujitva ujum kayam panidhaya parimukham satim upatthapetva so sato va assasati sato va passasati.|| ||

Digham va assasanto digham assasamiti pajanati.||
Digham va passasanto digham passasamiti pajanati.|| ||

Rassam va assasanto rassam assasamiti pajanati.||
Rassam va passasanto rassam passasamiti pajanati.|| ||

Sabbakayapatisanvedi assasissamiti sikkhati.||
Sabbakayapatisanvedi passissamiti sikkhati.|| ||

Passam-bhayam kayasankharam assasissamiti sikkhati.||
Passam-bhayam kayasankharam passasissamiti sikkhati.|| ||

Pitipatisanvedi assasissamiti sikkhati.||
Pitipatisanvedi passasissamiti sikkhati.|| ||

Sukhapatisanvedi assasissamiti sikkhati.||
Sukhapatisanvedi passasissamiti sikkhati.|| ||

Cittasankharapatisanvedi assasissamiti sikkhati.||
Cittasankharapatisanvedi passasissamiti sikkhati.|| ||

Passam-bhayam cittasankharam assasissamiti sikkhati.||
Passam-bhayam cittasankharam passasissamiti sikkhati.|| ||

Cittapatisanvedi assasissamiti sikkhati.||
Cittapatisanvedi passasissamiti sikkhati.|| ||

Abhippamodayam cittam assasissamiti sikkhati.||
Abhippamodayam cittam passasissamiti sikkhati.|| ||

Samadaham cittam assasissamiti sikkhati.||
Samadaham cittam passasissamiti sikkhati.|| ||

Vimocayam cittam assasissamiti sikkhati.||
Vimocayam cittam passasissamiti sikkhati.|| ||

Aniccanupassi assasissamiti sikkhati.||
Aniccanupassi passasissamiti sikkhati.|| ||

Viraganupassi assasissamiti sikkhati.||
Viraganupassi passasissamiti sikkhati.|| ||

Nirodhanupassi assasissamiti sikkhati.||
Nirodhanupassi passasissamiti sikkhati.|| ||

Patinissagganupassi passasissamiti sikkhati.||
Patinissagganupassi passasissamiti sikkhati.|| ||

Evam bhavito kho bhikkhave, anapanasati-samadhi evam bahulikato sanyojanappahanaya samvattati ti.|| ||

 


Contact:
E-mail
Copyright Statement