Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

Suttas 76-85

VIII. Nimittā Vaggo

 


 

Sutta 76

Sanimittā

[76][pts][bd] Sanimittā bhikkhave uppajjanti pāpakā akusalā dhammā,||
no animittā.|| ||

Tass'eva nimittassa pahānā evaɱ te pāpakā akusalā dhammā na hontī ti.|| ||

 

§

 

Sutta 77

Sanidānā

[77][pts][bd] Sanidānā bhikkhave uppajjanti pāpakā akusalā dhammā,||
no anidānā.|| ||

Tass'eva nidānassa pahānā evaɱ te pāpakā akusalā dhammā na hontī ti.|| ||

 

§

 

Sutta 78

Sahetukā

[78][pts][bd] Sahetukā bhikkhave uppajjanti pāpakā akusalā dhammā,||
no ahetukā.|| ||

Tass'eva hetussa pahānā evaɱ te pāpakā akusalā dhammā na hontī ti.|| ||

 

§

 

Sutta 79

Sasankhārā

[79][pts][bd] Sasankhārā bhikkhave uppajjanti pāpakā akusalā dhammā||
no asankhārā.|| ||

Tesaɱ yeva sankhārānaɱ pahānā evaɱ te pāpakā akusalā dhammā na hontī ti.|| ||

 

§

 

Sutta 80

Sappaccayā

[80][pts][bd] Sappaccayā bhikkhave uppajjanti pāpakā akusalā dhammā,||
no appaccayā.|| ||

Tass'eva paccayassa pahānā evaɱ te pāpakā akusalā dhammā na hontī ti.|| ||

 

§

 

Sutta 81

Sarūpā

[83] [81][pts][bd] Sarūpā bhikkhave uppajjanti pāpakā akusalā dhammā,||
no arūpā.|| ||

Tass'eva rūpassa pahānā evaɱ te pāpakā akusalā dhammā na hontī ti.|| ||

 

§

 

Sutta 82

Savedanā

[82][pts][bd] Savedanā bhikkhave uppajjanti pāpakā akusalā dhammā,||
no avedanā.|| ||

Tassā yeva vedanāya pahānā evaɱ te pāpakā akusalā dhammā na hontī ti.|| ||

 

§

 

Sutta 83

Sasaññā

[83][pts][bd] Sasaññā bhikkhave uppajjanti pāpakā akusalā dhammā,||
no asaññā.|| ||

Tassā yeva saññāya pahānā evaɱ te pāpakā akusalā dhammā na hontī ti.|| ||

 

§

 

Sutta 84

Saviññāṇā

[84][pts][bd] Saviññāṇā bhikkhave uppajjanti pāpakā akusalā dhammā,||
no aviññāṇā.|| ||

Tass'eva viññāṇassa pahānā evaɱ te pāpakā akusalā dhammā na hontī ti.|| ||

 

§

 

Sutta 85

Saŋkhatārammaṇā

[85][pts][bd] Saŋkhatārammaṇā bhikkhave uppajjanti pāpakā akusalā dhammā,||
no asaŋkhatārammaṇā.|| ||

Tass'eva saŋkhatassa pahānā evaɱ te pāpakā akusalā dhammā na hontī ti.|| ||

 

Nimitta-Vaggo aṭṭhamo

 


Contact:
E-mail
Copyright Statement   Webmaster's Page