Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VI. Brāhmaṇa Vagga

Sutta 60

Saŋgārava Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than][bodh] Evaɱ me sutaɱ.|| ||

Evaɱ me sutaɱ ekaɱ samayaɱ Bhagavā Sāvatthiyaɱ viharati.|| ||

Atha kho Saŋgāravo brāhmaṇo yena Bhagavā ten'upasaŋkami.

Upasaɱkamitvā Bhagavāta saddhiɱ sammodiɱsu.|| ||

Sammodanīyaɱ kathaɱ sārāṇiyaɱ vītisāretvā.|| ||

Eka-m-antaɱ nisinno kho Saŋgāravo brāhmano Bhagavantaɱ etad avoca:|| ||

Mayam assu bho Gotama brāhmaṇā nāma,||
yaññaɱ yajāma pi,||
yajāpema pi.|| ||

Tatra bho Gotama yo c'eva yajati,||
yo ca yajāpeti,||
sabbe te anekasārīrikaɱ puññapaṭipadaɱ paṭipannā honti yadidaɱ yaññādhikaraṇaɱ.|| ||

Yo panāyaɱ bho Gotama yassa vā tassa vā kulā agārasmā anagāriyaɱ pabbajito ekam attānaɱ dameti,||
ekam attānaɱ sameti,||
ekam attānaɱ parinibbāpeti.|| ||

Evam assāyaɱ ekasārīrikaɱ puññapaṭipadaɱ paṭipanno hoti yadidaɱ pabbajjādhikaraṇan ti.|| ||

Tena hi brāhmaṇa,||
taɱ yev'ettha paṭpucchissāmi,||
yathā te khameyya,||
tathā naɱ vyākareyyāsi.|| ||

Taɱ kiɱ maññasi brāhmaṇa?|| ||

Idha Tathāgato loke uppajjati arahaɱ Sammā-sambuddho vijjacaraṇasampanno sugato loka-vidū anuttaro purisadammasārathi satthā deva-manussānaɱ buddho Bhagavā.|| ||

Se evam āha:||
ethāyaɱ maggo,||
ayaɱ paṭipadā,||
yathā paṭipanno ahaɱ anuttaraɱ brahmacariyogadhaɱ sayaɱ abhiññā sacchikatvā pavedemi.|| ||

Etha tumhe pi tathā paṭipajjatha,||
yathā paṭipannā tumhe pi anuttaraɱ brahmacariyogadhaɱ sayaɱ abññā sacchikatvā upasampajja viharis'sathā ti.|| ||

Iti ayaɱ c'eva satthā dhammaɱ abhiññā sacchikatvā upasampajja viharis'sathā ti.|| ||

Iti ayaɱ c'eva satthā dhammaɱ deseti,||
pare ca [169] tathattāya paṭipassanti.|| ||

Tāni kho pana honti anekāni pi satāni anekāni pi sahassāni anekānipi satasahassāni.|| ||

Taɱ kiɱ maññasi brāhmaṇa?|| ||

Iccāyaɱ evaɱ sante ekasārīrikā vā puññapaṭipadā hoti anekasārīrikā vā,||
yadidaɱ pabbajjādhikaraṇan ti?|| ||

Iccāyam pi bho Gotama,||
evaɱ sante anekasārīrikā puññapaṭipadā hoti,||
yadidaɱ pabbajjādhikaraṇan ti.|| ||

2. Evaɱ vutte āyasmā Ānando Saŋgāravam brāhmaṇaɱ etad avoca:|| ||

Imāsaɱ te brāhmaṇa dvinnaɱ paṭipadānaɱ katamā paṭipadā khamati,||
appaṭṭhatarā ca appasamārambhatarā ca mahapphalatarā ca mahānisaɱsatarā cā ti?|| ||

Evaɱ vutte Saŋgāravo brāhmaṇo āyasmantaɱ Ānandaɱ etad avoca:|| ||

seyyathā pi bhavaɱ Gotamo bhavaɱ c'Ānando ete me pujjā,||
ete me pāsaɱsā ti.|| ||

Dutiyam pi kho āyasmā Ānaṇdo Saŋgāravaɱ brāhmaṇaɱ etad avoca:|| ||

Na kho tyāhaɱ brāhmaṇa evaɱ pucchāmi:||
ke vā te pujjā ke vā te pāsaɱsā ti.|| ||

Evañ ca kho tyāhaɱ brāhmaṇa pucchāmi:||
imāsaɱ te brāhmaṇa dvinnaɱ paṭipadānaɱ katamā paṭipadā khamati,||
appaṭṭhatarā ca appasamārambhatarā ca mahapphalatarā ca mahānisaɱsatarā cā ti?|| ||

Evaɱ vutte Saŋgāravo brāhmaṇo āyasmantaɱ Ānandaɱ etad avoca:|| ||

seyyathā pi bhavaɱ Gotamo bhavaɱ c'Ānanda ete me pujjā,||
ete me pāsaɱsā ti.|| ||

Tatiyam pi kho āyasmā Ānaṇdo Saŋgāravaɱ brāhmaṇaɱ etad avoca:|| ||

Na kho tyāhaɱ brāhmaṇa evaɱ pucchāmi:||
ke vā te pujjā ke vā te pāsaɱsā ti.|| ||

Evañ ca kho tyāhaɱ brāhmaṇa pucchāmi:||
imāsaɱ te brāhmaṇa dvinnaɱ paṭipadānaɱ katamā paṭipadā khamati,||
appaṭṭhatarā ca appasamārambhatarā ca mahapphalatarā ca mahānisaɱsatarā cā ti?|| ||

Tatiyam pi kho Saŋgāravo brāhmaṇo āyasmantaɱ Ānandaɱ etad avoca:

seyyathā pi bhavaɱ Gotamo bhavaɱ c'Ānanda ete me pujjā,||
ete me pāsaɱsā ti.|| ||

[170] 3. Atha kho Bhagavato etad ahosi:|| ||

Yāva tatiyam pi kho Saŋgāravo brāhmaṇo Ānandena sahadhammikaɱ pañahaɱ puṭṭho saɱsādeti,||
no vussajjeti.|| ||

Yan nūnāhaɱ parimoceyyan ti.|| ||

Atha kho Bhagavā Saŋgāravaɱ brāhmaṇaɱ etad avoca:|| ||

Kā nu'jja brāhmaṇa,||
rāntepure rājarisāyaɱ sannisinnānaɱ sannipattānaɱ antarā kathā udapādī ti?|| ||

Ayaɱ khvajja bho Gotama,||
rājantepure rājaparisāyaɱ sannisinnānaɱ sannipatitānaɱ antarā kathā udapādi:|| ||

Pubba sudaɱ appatarā c'eva bhikkhū ahosuɱ,||
bahutarā ca uttarimanussadhammā iddhipāṭihāriyaɱ dassesuɱ.|| ||

Etarahi ko bahutarā c'eva bhikkhū appatarā ca uttarimanussadhammā iddhipāṭihāriyaɱ dassentī ti.|| ||

Ayaɱ khavajja bho Gotama,||
rājantepure rājaparisāyaɱ sannisinnānaɱ sannipatitānaɱ antarā kathā udapādī ti.|| ||

4. Tīṇi kho imāni brāhmaṇa paṭihāriyāni.|| ||

Katamāni tīni?|| ||

Iddhipaṭihāriyaɱ,||
ādesanipāṭihāriyaɱ,||
anusāsanīpāṭihāriyaɱ.|| ||

Katamañ ca brāhmaṇa iddhipāṭihāriyaɱ?|| ||

Idha brāhmaṇa ekacco aneka-vihitaɱ iddhividhaɱ paccanubhoti:||
eko pi hutvā bahudhā hoti,||
bahudhā pi hutvā eko hoti,||
āvībhāvaɱ tirobhāvaɱ,||
tirokuḍḍaɱ tiropākāraɱ tiropabbataɱ asajjamāno va gacchati,||
seyyathā pi ākāse.|| ||

Paṭhaviyā pi ummujja-nimmujjaɱ karoti seyyathā pi udake,||
udake pi abhijjamāno gacchati||
seyyathā pi paṭhaviyaɱ.|| ||

Akāse pi pallaŋkena kamati||
seyyathā pi pakkhīsakuṇo.|| ||

Ime pi candimasūriye evaɱ mahiddhike evaɱ mahānubhāve pāṇīnā parimasati,||
parimajjati.|| ||

Yāva brahmalokā pi kāyena vasaɱ vatteti.|| ||

Idaɱ vuccati brāhmaṇa iddhipāṭihāriyaɱ.|| ||

5. Katamañ ca brāhmaṇa ādesanāpāṭihāriyaɱ?|| ||

Idha brāhmaṇa ekacco nimittena ādisati:||
evam pi te mano||
ittham pi te mano.|| ||

Iti pi te cittan ti.|| ||

So bahuñ ce pi ādisati,||
tath'eva taɱ hoti,||
no aññathā.|| ||

Idha pana brāhmaṇa,||
ekacco na h'eva kho nimittena [171] ādisati,||
api ca kho manussānaɱ vā amanussānaɱ vā devatānaɱ vā saddaɱ sutvā ādisati:||
evam pi te mano,||
ittham pi te mano.|| ||

Iti pi te cittan ti.|| ||

So bahuñ ce pi ādisati,||
tath'eva taɱ hoti,||
no aññathā.|| ||

Idha pana brāhmaṇa,||
ekacco na h'eva kho nimittena ādisati,||
na pi manussānaɱ vā amanussānaɱ vā devatānaɱ vā saddaɱ sutvā ādisati,||
api ca kho vitakkayato vicārayato vitakkavipphārasaddaɱ sutvā ādisati:||
evam pi kho te mano,||
ittham pi te mano,||
iti pi te cittan ti.|| ||

So bahuñ ce pi ādisati,||
tath'eva taɱ hoti,||
no aññathā|| ||

Idha pana brāhmaṇa,||
ekacco na h'eva kho nimittena ādisati,||
na pi manussānaɱ vā amanussānaɱ vā devatānaɱ vā saddaɱ sutvā ādisati,||
na pi vitakkayato na pi vicārayato na vitakkavipphārasaddaɱ sutvā ādisati:||
api ca kho avitakkaɱ avicāraɱ samādhiɱ samāpananassa cetasā ceto paricca pajānāti.|| ||

Yathā imassa bhoto manosankhārā paṇīhitā,||
imassa cittassa anantarā amun nāma vitakkaɱ vitakkissatī ti.|| ||

So bahuñ ce pi ādisati||
tath'eva taɱ hoti,||
no aññathā.|| ||

Idaɱ vuccati brāhmaṇa ādesanāpāṭihāriyaɱ.|| ||

6. Katamañ ca brāhmaṇa,||
anusāsanīpāṭihāriyaɱ?|| ||

Idha brāhmaṇa, ekacco evam anusāsati:

Evaɱ vitakketha,||
mā evaɱ vitakkayittha,||
evaɱ manasikarotha,||
mā evaɱ manasākattha,||
idaɱ pajahatha,||
idaɱ upasampajja viharathā ti.|| ||

Idaɱ vuccati brāhmaṇa anusāsanīpāṭihāriyaɱ.|| ||

Imāni kho brāhmaṇa tīṇi pāṭihariyāni.|| ||

Imesan te brāhmaṇa,||
tiṇṇaɱ pāṭihāriyānaɱ katamaɱ pāṭihāriyaɱ khamati abhikkantatarañ ca paṇītatarañ cā ti?|| ||

Tatra bho Gotama yaɱ idaɱ pāṭhāriyaɱ,||
idh'ekacco aneka-vihitaɱ iddhividhaɱ paccanubhoti||
eko pi hutvā bahudhā hoti,||
bahudhā pi hutvā eko hoti,||
āvībhāvaɱ tīrobhāvaɱ,||
tirokuḍḍaɱ tiropākāraɱ tiropabbataɱ asajjamāno va gacchati,||
seyyathā pi ākāse.|| ||

Paṭhaviyā pi ummujja-nimmujjaɱ karoti seyyathā pi udake,||
udake pi abhijjamāno gacchati seyyathā pi paṭhaviyaɱ.|| ||

Akāse pi pallaŋkena kamati seyyathā pi pakkhīsakuṇo.|| ||

Ime pi candimasūriye evaɱ mahiddhike evaɱ mahānubhāve pāṇīnā parimasati,||
parimajjati.|| ||

Yāva brahmalokā pi kāyena vasaɱ vatteti.|| ||

Idaɱ bho Gotama pāṭihāriyaɱ yo ca naɱ karoti,||
so ca naɱ paṭisaŋvedeti.|| ||

Yo ca naɱ karoti,||
tassa c'eva taɱ hoti.|| ||

Idaɱ eva bho Gotama pāṭihāriyaɱ māyāsahadhammarūpaɱ viya khāyati.|| ||

Yam pi idaɱ bho Gotama pāṭihāriyaɱ||
idh'ekacco nimittena ādisati:|| ||

Evam pi te mano,||
ittham pi te mano,||
iti pi te cittan ti.|| ||

So bahuñ ce pi ādisati,||
tath'eva taɱ hoti,||
no aññathā.|| ||

Idha pana bho Gotama,||
ekacco na h'eva kho nimittena ādisati,||
api ca kho manussānaɱ vā amanussānaɱ vā devatānaɱ vā saddaɱ sutvā ādisati:||
na pi vitakkayato na pi vicārayato na vitakkavipphārasaddaɱ sutvā ādisati:|| ||

Evam pi te mano,||
ittham pi te mano,||
iti pi te cittan ti.|| ||

So bahuñ ce pi ādisati,||
tath'eva taɱ hoti,||
no aññathā.|| ||

Idha pana brāhmaṇa,||
ekacco na heva kho nimittena ādisati,||
na pi manussānaɱ vā amanussānaɱ vā devatānaɱ vā saddaɱ sutvā ādisati:||
na pi vitakkayato na pi vicārayato na vitakkavipphārasaddaɱ sutvā ādisati:|| ||

Api ca kho avitakkaɱ avicāraɱ samādhiɱ samāpannassa cetasā ceto paricca pajānāti: [172] yathā imassa bhoto manosankhārā paṇihitā imassa cittassa anantarā amunnāma vitakkaɱ vitakkissatī ti.|| ||

So bahuñ ce pi ādisati,||
tath'eva taɱ hoti.|| ||

No aññathāpa idam pi bho Gotama pāṭihāriyaɱ yo ca naɱ karoti so ca naɱ paṭisaŋvedeti.|| ||

Yo ca naɱ karoti.|| ||

Tass c'eva taɱ hoti.|| ||

Idam pi bho Gotama pāṭihāriyaɱ māyāsahadhammarūpaɱ viya khāyati.|| ||

Yañ ca kho idaɱ bho Gotama pāṭihāriyaɱ||
idh'ekacco evaɱ anusāsati:||
evaɱ citakketha,||
mā evaɱ vitakkayittha,||
evaɱ manasi karotha,||
mā evaɱ manasākattha,||
idaɱ pajahatha,||
idaɱ upasampajja viharathā ti.|| ||

Idam eva bho Gotama pāṭihāriyaɱ khamati mesaɱ tinṇaɱ pāṭihāriyānaɱ abikkantatarañca paṇītatarañ ca.|| ||

Acchariyaɱ bo Gotama,||
abbhūtaɱ bho Gotama,||
abbhūtaɱ bho Gotama,||
yāva subhisitamidaɱbhotā Gotamena.|| ||

Imehi ca mayaɱ tīhi pāṭihāriyehi samannāgataɱ bhavantaɱ Gotamaɱ dhārema.|| ||

Bhavaɱ hi Gotamo anekaviritaɱ iddhividhaɱ paccanubhoti:||
ekopi hutvā bahudhā hoti,||
ācībhāvaɱ tīrobhāvaɱ tirokuɱ tiropākāraɱ tiropabbataɱ asajjamānoca cacchati,||
seyyathā pi ākāse.|| ||

Paṭhaviyā pi ummujjanimmujjaɱ karoti seyyathā pi udake,||
udakepi abhijjamāne cacchati seyyathā pi paṭhaviyaɱ.|| ||

Akāsepi pallaŋkena kamati seyyathā pi pakkhī sakuṇo.|| ||

Imepi candimasūriye evaɱ mahiddhike evaɱ mahānubhāve pāṇīnā parimasati,||
parimajjati.|| ||

Yāva brahmalokā pi kāyena vasaɱ vatteti.|| ||

Bhavaɱ hi Gotamo avitakkaɱ avicāraɱ samādhiɱ samāpannassa cetasā ceto paricca pajānāti yathā imassa bhoto manosankhārā paṇihitā imassa cittassa anantarā amun nāma vitakkaɱ vitakkissatī ti.|| ||

Bhavañ hi Gotamo evaɱ anusāsati:||
evaɱ vitakketha,||
mā evaɱ vitakkayittha,||
evaɱ manasikarotha,||
mā evaɱ manasākattha.|| ||

Idaɱ pajahatha,||
idaɱ upasampajja viharathā ti.|| ||

7. Addhā ko tyāyaɱ brahmaṇa āsajja upanīya-vācā bhāsitā,||
api ca tyāhaɱ vyākarissāmi.|| ||

Ahaɱ hi brāhmaṇa anekavihitaɱ iddhividhaɱ paccanubhomi||
ekopi hutvā bahudhā hoti,||
ācībhāvaɱ tīrobhāvaɱ tirokuɱ tiropākāraɱ tiropabbataɱ asajjamānoca cacchati,||
seyyathā pi ākāse.|| ||

Paṭhaviyāpi ummujjanimmujjaɱ karoti seyyathā pi udake,||
udakepi abhijjamāne cacchati seyyathā pi paṭhaviyaɱ.|| ||

Akāsepi pallaŋkena kamati seyyathā pi pakkhī sakuṇo.|| ||

Imepi candimasūriye evaɱ mahiddhike evaɱ mahānubhāve pāṇīnā parimasati,||
parimajjati.|| ||

Yāva brahmalokā pi kāyena vasaɱ vatteti.|| ||

Ahaɱ hi brāhmaṇa avitakkaɱ avicāraɱ samādhiɱ samāpannassa cetasā ceto paricca pajānāmi,||
yathā imassa bhoto manosankhārā paṇihitā imassa cittassa anantarā amun nāma vitakkaɱ vitakkissatī ti.|| ||

Ahaɱ brāhmaṇa evam anussāmi:|| ||

Evaɱ vitakketha,||
mā evaɱ vitakkayittha.|| ||

Evaɱ manasikarotha,||
mā evaɱ manasākattha,||
idaɱ pajahatha,||
idaɱ upasampajja viharathā ti.|| ||

Atthi pana bho Gotama añño ekabhikkhu pi yo imehi tīhi pāṭihāriyehi samannāgato aññatra bhotā Gotamenā ti?|| ||

Na kho brāhmaṇa ekaɱ yeva sataɱ,||
na dve satāni,||
na tīṇi satāni,||
na cattāri satāni,||
na pañca-satāni.|| ||

Atha kho bhiyyo va ye bhikkhū imehi tīhi pāṭihāriyehi samannāgatā ti.|| ||

Kahaɱ pana bho Gotama etarahi te bhikkhū viharantī ti?|| ||

[173] Imasmiɱ yeva kho brāhmaṇa bhikkhusaŋghe ti.|| ||

Abhikkantaɱ bho Gotama,||
abhikkantaɱ bho Gotama.|| ||

seyyathā pi bho Gotama nikkujjitaɱ vā ukkujjiteɱ vā ukkujjeyya,||
paṭicchannaɱ vā vivareyya,||
mūḷhassa vā maggaɱ ācikkheyya,||
andhakāre vā telapajjotaɱ dhāreyya,||
cakkhumanto rūpāni dakkhintī ti.|| ||

Evam eva bhotā Gotamena anekapariyāyena dhammo pakāsito.|| ||

Esāhaɱ bhavantaɱ Gotamaɱ saraṇaɱ gacchāmi,||
dhammañ ca||
bhikkhu-saŋghañ ca.|| ||

Upāsakaɱ maɱ bhavaɱ Gotamo dhāretu ajjatagge pāṇupetaɱ saraṇaɱ gatan ti.|| ||

Brāhmaṇavaggo paṭhamo

 


Contact:
E-mail
Copyright Statement   Webmaster's Page