Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
X. Loṇaphala Vagga

Sutta 97

Potthaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[97.1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Navo pi bhikkhave potthako dubbaṇṇo ca hoti dukkhasamphasso ca appaggho ca.|| ||

Majjhimo pi bhikkhave potthako dubbaṇṇo ca hoti dukkhasamphasso ca appaggho ca.|| ||

Jiṇṇo pi bhikkhave potthako dubbaṇṇo ca hoti dukkhasamphasso ca appaggho ca.|| ||

Jiṇṇam pi bhikkhave potthakaɱ upakkhaliparimaddanaɱ vā karonti saŋkārakūṭe vā taɱ chaḍḍenti.|| ||

2. Evam eva ko bhikkhave navo ce pi bhikkhu hoti dussīlo pāpadhammo,||
idam assa dubbaṇṇatāya vadāmi.|| ||

[247] Seyyathā pi so bhikkhave potthako dubbaṇṇo,||
tathūpamāhaɱ bhikkhave imaɱ puggalaɱ vadāmi.|| ||

Ye kho pan'assa sevanti bhajanti payirupāsanti,||
diṭṭhānugatiɱ āpajjanti,||
tesaɱ taɱ hoti digharattaɱ ahitāya dukkhāya.|| ||

Idam assa dukkhasamphassatāya vadāmi.|| ||

Seyyathā pi so bhikkhave potthako dukkhasamphasso,||
tathūpamāhaɱ bhikkhave imaɱ puggalaɱ vadāmi.|| ||

Yesaɱ kho pana patigaṇhāti cīvara-pinḍapāta-senāsanagilāna-paccaya-bhesajja-parikkhāraɱ,||
tesaɱ taɱ na mahapphalaɱ hoti||
na mahānisaɱsaɱ.|| ||

Idam assa appagghatāya vadāmi.|| ||

Seyyathā pi so bhikkhave potthako appaggho,||
tathūpamāhaɱ bhikkhave imaɱ puggalaɱ vadāmi.|| ||

3. Majjhimo ce pi bhikkhave navo ce pi bhikkhu hoti dussīlo pāpadhammo,||
idam assa dubbaṇṇatāya vadāmi.|| ||

Seyyathā pi so bhikkhave potthako dubbaṇṇo,||
tathūpamāhaɱ bhikkhave imaɱ puggalaɱ vadāmi.|| ||

Ye kho pan'assa sevanti bhajanti payirupāsanti,||
diṭṭhānugatiɱ āpajjanti,||
tesaɱ taɱ hoti digharattaɱ ahitāya dukkhāya.|| ||

Idam assa dukkhasamphassatāya vadāmi.|| ||

Seyyathā pi so bhikkhave potthako dukkhasamphasso,||
tathūpamāhaɱ bhikkhave imaɱ puggalaɱ vadāmi.|| ||

Yesaɱ kho pana patigaṇhāti cīvara-pinḍapāta-senāsanagilāna-paccaya-bhesajja-parikkhāraɱ,||
tesaɱ taɱ na mahapphalaɱ hoti||
na mahānisaɱsaɱ.|| ||

Idam assa appagghatāya vadāmi.|| ||

Seyyathā pi so bhikkhave potthako appaggho,||
tathūpamāhaɱ bhikkhave imaɱ puggalaɱ vadāmi.|| ||

4. Thero ce pi bhikkhave bhikkhū hoti hoti dussīlo pāpadhammo,||
idam assa dubbaṇṇatāya vadāmi.|| ||

Seyyathā pi so bhikkhave potthako dubbaṇṇo,||
tathūpamāhaɱ bhikkhave imaɱ puggalaɱ vadāmi.|| ||

Ye kho pan'assa sevanti bhajanti payirupāsanti,||
diṭṭhānugatiɱ āpajjanti,||
tesaɱ taɱ hoti digharattaɱ ahitāya dukkhāya.|| ||

Idam assa dukkhasamphassatāya vadāmi.|| ||

Seyyathā pi so bhikkhave potthako dukkhasamphasso,||
tathūpamāhaɱ bhikkhave imaɱ puggalaɱ vadāmi.|| ||

Yesaɱ kho pana patigaṇhāti cīvara-pinḍapāta-senāsanagilāna-paccaya-bhesajja-parikkhāraɱ,||
tesaɱ taɱ na mahapphalaɱ hoti||
na mahānisaɱsaɱ.|| ||

Idam assa appagghatāya vadāmi.|| ||

Seyyathā pi so bhikkhave potthako appaggho,||
tathūpamāhaɱ bhikkhave imaɱ puggalaɱ vadāmi.|| ||

Evarūpo cāyaɱ bhikkhave thero bhikkhū saŋghamajjhe bhaṇati.|| ||

Tam enaɱ bhikkhū evam āhaɱsu:|| ||

Kiɱ kho tuyhaɱ bālassa avyattassa bhaṇitena,||
tvam pi nāma bhaṇitabbaɱ maññasī ti?|| ||

So kupito anattamano tathā-rūpiɱ vācaɱ nicchāreti yathārūpāya vācāya saŋgho taɱ ukkhipati saŋkārakuṭeva naɱ potthakaɱ.|| ||

 


 

Sutta 98

Kāsikaɱ Vatthaɱ Suttaɱ

[98.1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Navam pi bhikkhave Kāsikaɱ vatthaɱ vaṇṇavantañ c'eva hoti sukhasamphassañ ca mahagaghañ ca.|| ||

Majjhimam pi [248] bhikkhave Kāsikaɱ vatthaɱ vaṇṇavantañ c'eva hoti sukhasamphassañ ca mahagachañ ca.|| ||

Jiṇṇam pi bhikkhave Kāsikaɱ vatthaɱ vaṇṇavantaɱ c'eva hoti sukhasamphassañ ca mahagaghañ ca.|| ||

Jiṇṇam pi bhikkhave Kāsikaɱ vatthaɱ ratanapaliveṭhanaɱ vā karonti,||
gandhakaraṇḍake vā naɱ nikkhipanti.|| ||

2. Evam eva kho bhikkhave navo ce pi bhikkhu hoti sīlavā kalyāṇadhammo,||
idam assa suvanṇatāya vadāmi.|| ||

Seyyathā pi, bhikkhave, Kāsikaɱ vatthaɱ vaṇṇavantaɱ||
tathūpamāhaɱ bhikkhave imaɱ puggalaɱ vadāmi.|| ||

Ye kho pan'assa sevanti bhajanti payirupāsanti diṭṭhānugatiɱ āpajjanti,||
tesaɱ taɱ hoti dīgha-rattaɱ hitāya sukhāya.|| ||

Idam assa sukhasamphassatāya vadāmi.|| ||

Seyyathā pi taɱ bhikkhave Kāsikaɱ vatthaɱ sukhasamphassaɱ,||
tathūpamāhaɱ bhikkhave imaɱ puggalaɱ vadāmi.|| ||

Yesaɱ kho pana so paṭigaṇhāti cīvara-piṇḍapāta-senāsanagilāna-paccaya-bhesajja-parikkhāraɱ,||
tesaɱ taɱ mahapphalaɱ hoti mahānisaɱsaɱ.|| ||

Idam assa mahagghatāya vadāmi.|| ||

Seyyathā pi taɱ bhikkhave Kāsikaɱ vatthaɱ mahagghaɱ,||
tathūpamāhaɱ bhikkhave imaɱ puggalaɱ vadimi.|| ||

3. Majjhimo ce pi bhikkhave bhikkhu hoti sīlavā kalyāṇadhammo,||
idam assa suvanṇatāya vadāmi.|| ||

Seyyathā pi, bhikkhave, Kāsikaɱ vatthaɱ vaṇṇavantaɱ||
tathūpamāhaɱ bhikkhave imaɱ puggalaɱ vadāmi.|| ||

Ye kho pan'assa sevanti bhajanti payirupāsanti diṭṭhānugatiɱ āpajjanti,||
tesaɱ taɱ hoti dīgha-rattaɱ hitāya sukhāya.|| ||

Idam assa sukhasamphassatāya vadāmi.|| ||

Seyyathā pi taɱ bhikkhave Kāsikaɱ vatthaɱ sukhasamphassaɱ,||
tathūpamāhaɱ bhikkhave imaɱ puggalaɱ vadāmi.|| ||

Yesaɱ kho pana so paṭigaṇhāti cīvara-piṇḍapāta-senāsanagilāna-paccaya-bhesajja-parikkhāraɱ,||
tesaɱ taɱ mahapphalaɱ hoti mahānisaɱsaɱ.|| ||

Idam assa mahagghatāya vadāmi.|| ||

Seyyathā pi taɱ bhikkhave Kāsikaɱ vatthaɱ mahagghaɱ,||
tathūpamāhaɱ bhikkhave imaɱ puggalaɱ vadimi.|| ||

4. Thero ce pi bhikkhave bhikkhu hoti sīlavā kalyāṇadhammo,||
idam assa suvanṇatāya vadāmi.|| ||

Seyyathā pi, bhikkhave, Kāsikaɱ vatthaɱ vaṇṇavantaɱ||
tathūpamāhaɱ bhikkhave imaɱ puggalaɱ vadāmi.|| ||

Ye kho pan'assa sevanti bhajanti payirupāsanti diṭṭhānugatiɱ āpajjanti,||
tesaɱ taɱ hoti dīgha-rattaɱ hitāya sukhāya.|| ||

Idam assa sukhasamphassatāya vadāmi.|| ||

Seyyathā pi taɱ bhikkhave Kāsikaɱ vatthaɱ sukhasamphassaɱ,||
tathūpamāhaɱ bhikkhave imaɱ puggalaɱ vadāmi.|| ||

Yesaɱ kho pana so paṭigaṇhāti cīvara-piṇḍapāta-senāsanagilāna-paccaya-bhesajja-parikkhāraɱ,||
tesaɱ taɱ mahapphalaɱ hoti mahānisaɱsaɱ.|| ||

Idam assa mahagghatāya vadāmi.|| ||

Seyyathā pi taɱ bhikkhave Kāsikaɱ vatthaɱ mahagghaɱ,||
tathūpamāhaɱ bhikkhave imaɱ puggalaɱ vadimi.|| ||

5. Evarūpo cāyaɱ bhikkhave thero bhikkhu saŋghamajjhe [249] bhaṇati,||
tam enaɱ bhikkhū evam āhaɱsu: —||
appasaddā āyasmanto hotha,||
thero bhikkhū dhammañ ca vinayañ ca bhaṇatī ti.|| ||

[Tassa taɱ vacanaɱ ādheyyaɱ gacchati gandha-karaṇḍake va naɱ Kāsikavatthaɱ nikkhipanti.|| ||]

Tasmāt iha bhikkhave evaɱ sikkhitabbaɱ:||
'Kāsikavatthūpamā bhavissāma na pothakūpamā' ti.|| ||

Evaɱ hi vo bhikkhave sikkhitabban ti.|| ||

 


Contact:
E-mail
Copyright Statement   Webmaster's Page