VP.3 Vinaya-Pitaka, Vol. 3: Suttavibhaṅga, Part I: Sri Lanka Buddha Jayanti Tripitaka Series Pali text

Vinaya-Piṭaka,
Vol. 3: Suttavibhaṅga, Part I.

The Sri Lanka Buddha Jayanti Tripitaka Series Pali text

Public Domain

Namo tassa Bhagavato arahato Sammāsambuddhassa

NOTICE: These files were reproduced from those originally located on the Journal of Buddhist Ethics website.

ALTERATIONS: Superficial re-formatting of headers, footers and page numbers adding 'ids,' and tag changes to make the file conform to HTML 5 standards. Otherwise the internal text of the files remains untouched.

Page numbers in green refer to the PTS hard copy. They can be found or linked-to by appending '#pg000' (three digits in all cases, i.e. '001') to the end of the url for this file.

[page 001]

Vinayapiṭake
Pārājikapāḷi
Bhikkhuvibhaṅgo
Verañjakaṇḍo
1.

1. Tena samayena buddho bhagavā verañjāyaṁ viharati naḷeru pucimandamūle mahatā bhikkhusaṅghena saddhiṁ pañcamattehi bhikkhu satehi. Assosi kho verañjo brāhmaṇo: "samaṇo khalu bho gotamo sakyaputto sakyakulā pabbajito verañjāyaṁ viharati naḷerupucimandamūle mahatā bhikkhusaṅghena saddhiṁ pañcamattehi bhikkhusatehi. Taṁ kho pana bhavantaṁ gotamaṁ evaṁ kalyāṇo kittisaddo abbhuggato: iti'pi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathī satthā devamanussānaṁ buddho bhagavā. So imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti. So dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāseti. Sādhu kho pana tathārūpānaṁ arahataṁ dassanaṁ hotī" ti.

[BJT Page 004]

2. Atha kho verañjo brāhmaṇo yena bhagavā tenupasaṅkami. Upasaṅkamitvā bhagavatā saddhiṁ sammodi. Sammodanīyaṁ kathaṁ sārāṇīyaṁ vītisāretvā ekamantaṁ [page 002] nisīdi. Ekamantaṁ nisinno kho verañjo brāhmaṇo bhagavantaṁ etadavoca: "sutaṁ metaṁ bho gotama, na samaṇo gotamo brāhmaṇe jiṇṇe vuddhe mahallake addhagate vayo anuppatte abhivādeti vā, paccuṭṭheti vā, āsanena vā nimantetīti. Tayidaṁ bho gotama tatheva. Na hi bhavaṁ gotamo brāhmaṇe jiṇṇe vuddhe mahallake addhagate vayo anuppatte abhivādeti vā, paccuṭṭheti vā āsanena vā nimanteti. Tayidaṁ bho gotama na sampannamevā" ti.

3. "Nāhaṁ taṁ brāhmaṇa, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yamahaṁ abhivādeyyaṁ vā, paccuṭṭheyyaṁ vā, āsanena vā nimanteyyaṁ. Yaṁ hi brāhmaṇa tathāgato abhivādeyya vā, paccuṭṭheyya vā, āsanena vā nimanteyya, muddhāpi tassa vipateyyā" ti.

4. "Arasarūpo bhavaṁ gotamo" ti. "Atthi khvesa brāhmaṇa pariyāyo yena maṁ pariyāyena sammā vadamāno vadeyya 'arasarūpo samaṇo gotamo' ti. Ye te brāhmaṇa, rūparasā saddarasā gandharasā rasarasā poṭṭhabbarasā, te tathāgatassa pahīṇā ucchinnamūlā tālāvatthukatā anabhāvakatā āyatiṁ anuppādadhammā ayaṁ kho brāhmaṇa, pariyāyo yena maṁ pariyāyena sammā vadamāno vadeyya 'arasarūpo samaṇo gotamo' ti. No ca kho yaṁ tvaṁ sandhāya vadesi."

5. "Nibbhogo bhavaṁ gotamo" ti. "Atthi khvesa brāhmaṇa, pariyāyo yena maṁ pariyāyena sammā vadamāno vadeyya 'nibbhogo samaṇo gotamo' ti. Ye te brāhmaṇa, rūpabhogā saddabhogā gandhabhogā rasabhogā phoṭṭhabbabhogā, te tathāgatassa pahīṇā ucchinnamūlā tālāvatthukatā anabhāvakatā āyatiṁ anuppādadhammā. Ayaṁ kho brāhmaṇa, pariyāyo yena maṁ pariyāyena sammā vadamāno vadeyya 'nibbhogo samaṇo gotamo' ti. No ca kho yaṁ tvaṁ sandhāya vadesi."

[BJT Page 006]

6. "Akiriyavādo bhavaṁ gotamo" ti. "Atthi khvesa brāhmaṇa, pariyāyo yena maṁ pariyāyena sammā vadamāno vadeyya 'akiriyavādo samaṇo gotamo' ti. Ahaṁ hi brāhmaṇa akiriyaṁ vadāmi. Kāyaduccaritassa vacīduccaritassa manoduccaritassa. Anekavihitānaṁ pāpakānaṁ akusalānaṁ dhammānaṁ akiriyaṁ vadāmi. Ayaṁ kho brāhmaṇa, pariyāyo yena maṁ pariyāyena sammā vadamāno vadeyya 'akiriyavādo samaṇo gotamo' ti. No ca kho yaṁ tvaṁ sandhāya vadesi."

7. "Ucchedavādo bhavaṁ gotamo" ti. "Atthi khvesa brāhmaṇa, pariyāyo yena maṁ pariyāyena sammā vadamāno vadeyya. 'Ucchedavādo samaṇo gotamo' ti. Ahaṁ hi brāhmaṇa, ucchedaṁ vadāmi rāgassa dosassa mohassa anekavihitānaṁ pāpakānaṁ akusalānaṁ dhammānaṁ ucchedaṁ vadāmi. Ayaṁ kho brāhmaṇa pariyāyo yena maṁ pariyāyena sammā vadamāno vadeyya 'ucchedavādo samaṇo gotamo' ti. [page 003] no ca kho yaṁ tvaṁ sandhāya vadesi.

8. "Jegucchi bhavaṁ gotamo" ti. "Atthi khvesa brāhmaṇa, pariyāyo yena maṁ pariyāyena sammāvadamāno vadeyya 'jegucchi samaṇo gotamo' ti. Ahaṁ hi brāhmaṇa, jigucchāmi kāyaduccaritena vacīduccaritena manoduccaritena. Anekavihitānaṁ pāpakānaṁ akusalānaṁ dhammānaṁ samāpattiyā jigucchāmi. Ayaṁ kho brāhmaṇa, pariyāyo yena maṁ pariyāyena sammā vadamāno vadeyya 'jegucchi samaṇo gotamo' ti. No ca kho yaṁ tvaṁ sandhāya vadesi.

9. "Venayiko bhavaṁ gotamo" ti. "Atthi khvesa brāhmaṇa, pariyāyo yena maṁ pariyāyena sammā vadamāno vadeyya 'venayiko samaṇo gotamo' ti. Ahaṁ hi brāhmaṇa, vinayāya dhammaṁ desemi rāgassa dosassa mohassa anekavihitānaṁ pāpakānaṁ akusalānaṁ dhammānaṁ vinayāya dhammaṁ desemi. Ayaṁ kho brāhmaṇa, pariyāyo yena maṁ pariyāyena sammā vadamāno vadeyya 'venayiko samaṇo gotamo' ti. No ca kho yaṁ tvaṁ sandhāya vadesi."

[BJT Page 008]
10. "Tapassī bhavaṁ gotamo" ti. "Atthi khvesa brāhmaṇa pariyāyo yena maṁ pariyāyena sammā vadamāno vadeyya 'tapassī samaṇo gotamo'ti. Tapanīyāhaṁ brāhmaṇa, pāpake akusale dhamme vadāmi kāyaduccaritaṁ vacīduccaritaṁ manoduccaritaṁ. Yassa kho brāhmaṇa, tapanīyā pāpakā akusalā dhammā pahīṇā ucchinnamūlā tālāvatthukatā anabhāvakatā āyatiṁ anuppādadhammā, tamahaṁ tapassīti vadāmi. Tathāgatassa kho brāhmaṇa, tapanīyā pāpakā akusalā dhammā pahīṇā ucchinnamūlā tālāvatthukatā anabhāvakatā āyatiṁ anuppādadhammā. Ayaṁ kho brāhmaṇa, pariyāyo yena maṁ pariyāyena sammā vadamāno vadeyya. 'Tapassī samaṇo gotamo' ti. No ca kho yaṁ tvaṁ sandhāya vadesi."

11. "Apagabbho bhavaṁ gotamo" ti. "Atthi khvesa brāhmaṇa, pariyāyo yena maṁ pariyāyena sammā vadamāno vadeyya 'apagabbho samaṇo gotamo' ti. Yassa kho brāhmaṇa, āyatiṁ gabbhaseyyā punabbhavābhinibbatti pahīṇā ucchinnamūlā tālāvatthukatā anabhāvakatā āyatiṁ anuppādadhammā, tamahaṁ apagabbho'ti vadāmi. Tathāgatassa kho brāhmaṇa, āyatiṁ gabbhaseyyā punabbhavābhinibbatti pahīṇā ucchinnamūlā tālāvatthukatā anabhāvakatā āyatiṁ anuppādadhammā. Ayaṁ kho brāhmaṇa pariyāyo yena maṁ pariyāyena sammā vadamāno vadeyya 'apagabbho samaṇo gotamo' ti. No ca kho yaṁ tvaṁ sandhāya vadesi"

12. "Seyyathāpi brāhmaṇa kukkuṭiyā aṇḍāni aṭṭha vā dasa vā dvādasa vā, tānassu kukkuṭiyā sammā adhisayitāni sammā pariseditāni sammā paribhāvitāni, yo nu kho tesaṁ kukkuṭacchāpakānaṁ paṭhamataraṁ pādanakhasīkhāya vā mukhatuṇḍakena vā aṇḍakosaṁ padāletvā sotthinā abhinibbhijjeyya kinti svāssa vacanīyo jeṭṭho vā kaniṭṭho vā' ti. 'Jeṭṭho'ti'ssa bho gotama vacanīyo, so hi nesaṁ jeṭṭho hotī'ti. Evameva kho ahaṁ brāhmaṇa avijjāgatāya pajāya aṇḍabhūtāya [page 004] pariyonaddhāya avijjaṇḍakosaṁ padāletvā eko'va loke anuttaraṁ sammāsambodhiṁ abhisambuddho. Svāhaṁ brāhmaṇa, jeṭṭho seṭṭho lokassa."

[BJT Page 010]

13. Āraddhaṁ kho pana me brāhmaṇa, viriyaṁ-1. Ahosi asallīnaṁ. Upaṭṭhitā sati asammuṭṭhā. Passaddho kāyo asāraddho. Samāhitaṁ cittaṁ ekaggaṁ. So kho ahaṁ brāhmaṇa, vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihāsiṁ. Vitakkavicārānaṁ vūpasamā ajjhattaṁ sampasādanaṁ cekaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja vihāsiṁ. Pītiyā ca virāgā upekkhako ca vihāsiṁ. Sato ca sampajāno sukhaṁ ca kāyena paṭisaṁvedesiṁ. Yaṁ taṁ ariyā ācikkhanti 'upekkhako satimā sukhavihārī'ti, taṁ tatiyaṁ jhānaṁ upasampajja vihāsiṁ. Sukhassa ca pahāṇā dukkhassa ca pahāṇā pubbeva somanassadomanassānaṁ atthaṅgamā adukkhamasukhaṁ upekkhāsati pārisuddhiṁ catutthaṁ jhānaṁ upasampajja vihāsiṁ.

14. So evaṁ samāhite citte parisuddhe pariyodāte anaṅgaṇe vigatupakkilese mūdubhūte kammaniye ṭhite āneñjappatte pubbenivāsānussatiñāṇāya cittaṁ abhininnāmesiṁ. So anekavihitaṁ pubbenivāsaṁ anussarāmi, seyyathīdaṁ: ekampi jātiṁ dve'pi jātiyo tisso'pi jātiyo catasso'pi jātiyo pañca'pi jātiyo dasa'pi jātiyo vīsampi jātiyo tiṁsampi jātiyo cattāḷīsampi jātiyo paññāsampi jātiyo jātisatampi jātisahassampi jātisatasahassampi, aneke'pi saṁvaṭṭakappe aneke'pi vivaṭṭakappe aneke'pi saṁvaṭṭavivaṭṭakappe, 'amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto. So tato cuto amutra udapādiṁ. Tatrāpāsiṁ evannāmo evaṁ gotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto. So tato cuto idhūppanno'ti. Iti sākāraṁ sauddesaṁ anekavihitaṁ pubbenivāsaṁ anussarāmi. Ayaṁ kho me brāhmaṇa, rattiyā paṭhame yāme paṭhamā vijjā adhigatā, avijjā vihatā, vijjā uppannā, tamo vihato, aloko uppanno, yathā taṁ appamattassa ātāpino pahitattassa viharato. Ayaṁ kho me brāhmaṇa, paṭhamābhinibbhidā ahosi kukkuṭacchāpakasseva aṇḍakosamhā.

--------------------------
1. Viriyaṁ, machasaṁ

[BJT Page 012]

15. So evaṁ samāhite citte parisuddhe pariyodāte anaṅgaṇe vigatupakkilese mūdubhūte kammaniye ṭhite āneñjappatte sattānaṁ cutūpapātañāṇāya cittaṁ abhininnāmesiṁ. [page 005] so dibbena cakkhunā visuddhena-1. Atikkantamānusakena satte passāmi cavamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajānāmi, "ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā. Te kāyassa bhedā parammaraṇā apāyaṁ duggatiṁ vinipātaṁ nirayaṁ uppannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā. Te kāyassa bhedā parammaraṇā sugatiṁ saggaṁ lokāṁ uppannā" ti. Iti dibbena cakkhunā visuddhena-1. Atikkantamānusakena satte passāmi vacamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajānāmi. Ayaṁ kho me brāhmaṇa, rattiyā majjhime yāme dutiyā vijjā adhigatā, avijjā vihatā, vijjā uppannā, tamo vihato, āloko uppanno, yathā taṁ appamattassa ātāpino pahitattassa viharato. Ayaṁ kho me brāhmaṇa, dutiyābhinibbhidā ahosi kukkuṭacchāpakasseva aṇḍakosamhā.

16. So evaṁ samāhite citte parisuddhe pariyodāte anaṅgaṇe vigatupakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhininnāmesiṁ. So idaṁ dukkhanti yathābhūtaṁ abbhaññāsiṁ, ayaṁ dukkhasamudayo'ti yathābhūtaṁ abbhaññāsiṁ. Ayaṁ dukkhanirodho'ti yathābhūtaṁ abbhaññāsiṁ, ayaṁ dukkhanirodhagāminī paṭipadā'ti yathābhūtaṁ abbhaññāsiṁ. Ime āsavā'ti yathābhūtaṁ abbhaññāsiṁ, ayaṁ āsavasamudayo'ti yathā bhūtaṁ abbhaññāsiṁ, ayaṁ āsavanirodho'ti yathābhūtaṁ abbhaññāsiṁ ayaṁ āsavanirodhagāminī paṭipadā'ti yathābhūtaṁ abbhaññāsiṁ. Tassa me evaṁ jānato evaṁ passato kāmāsavā'pi cittaṁ vimuccittha. Bhavāsavā'pi cittaṁ vimuccittha. Avijjāsavā'pi cittaṁ vimuccittha. Vimuttasmiṁ vimuttamiti ñāṇaṁ ahosi. Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti abbhaññāsiṁ. Ayaṁ kho me brāhmaṇa rattiyā pacchime yāme tatiyā vijjā adhigatā, avijjā vihatā, vijjā uppannā, tamo vihato, āloko uppanno, yathā taṁ appamattassa ātāpino pahitattassa viharato. Ayaṁ kho me brāhmaṇa [page 006] tatiyābhinibbhidā ahosi kukkuṭacchāpakasseva aṇḍakosamhā'ti.

-------------------------
1. Parisuddhena - katthaci.

[BJT Page 014]

17. Evaṁ vutte verañjo brāhmaṇo bhagavantaṁ etadavoca: "jeṭṭho bhavaṁ gotamo. Seṭṭho bhavaṁ gotamo. Abhikkantaṁ bho gotama, abhikkantaṁ bho gotama, seyyathāpi bho gotama nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya cakkhumanto rūpāni dakkhintīti, evamevaṁ bhotā gotamena anekapariyāyena dhammo pakāsito. Esāhaṁ bhagavantaṁ gotamaṁ saraṇaṁ gacchāmi dhammañca bhikkhusaṅghañca. Upāsakaṁ ma bhavaṁ gotamo dhāretu ajjatagge pāṇupetaṁ saraṇaṁ gataṁ. Adhivāsetu ca me bhavaṁ gotamo verañjāyaṁ vassāvāsaṁ saddhiṁ bhikkhusaṅghenā" ti.

18. Adhivāsesi bhagavā tuṇhībhāvena. Atha kho verañjo brāhmaṇo bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.

19. Tena kho pana samayena verañjā dubbhikkhā hoti dvīhītikā setaṭṭhikā salākāvuttā. Na sukarā uñchena paggahena yāpetuṁ. Tena kho pana samayena uttarāpathakā assavāṇijā pañcamattehi assasatehi verañjaṁ vassāvāsaṁ upagatā honti. Tehi assamaṇḍalikāsu bhikkhūnaṁ patthapatthapulakaṁ paññattaṁ hoti. Bhikkhū pubbaṇhasamayaṁ nivāsetvā pattacīvaramādāya verañjaṁ piṇḍāya pavisitvā piṇḍaṁ alabhamānā assamaṇḍalikāsu piṇḍāya caritvā patthapatthapulakaṁ āramaṁ haritvā udukkhale koṭṭetvā koṭṭetvā paribhuñjanti. Āyasmā panānando patthapulakaṁ silāyaṁ piṁsitvā bhagavato upanāmeti. Taṁ bhagavā paribhuñjati.

20. Assosi kho bhagavā udukkhalasaddaṁ. - Jānantāpi tathāgatā pucchanti, jānantāpi na pucchanti. Kālaṁ viditvā pucchanti, kālaṁ viditvā na pucchanti. Atthasaṁhitaṁ tathāgatā pucchanti, no anatthasaṁhitaṁ. Anatthasaṁhite setughāto tathāgatānaṁ. Dvīhākārehi buddhā bhagavanto bhikkhū paripucchanti: 'dhammaṁ vā desessāma. Sāvakānaṁ vā sikkhāpadaṁ paññāpessāmā'ti. -

Atha kho bhagavā āyasmantaṁ ānandaṁ āmantesi: "kiṁ nu kho so ānanda udukkhalasaddo" ti atha kho āyasmā ānando bhagavato etamatthaṁ [page 007] ārocesi. "Sādhu sādhu ānanda, tumhehi ānanda, sappurisehi vijitaṁ. Pacchimā janatā sālimaṁsodanaṁ atimaññissatīti.

[BJT Page 016]

21. Atha kho āyasmā mahāmoggallāno yena bhagavā tenupasaṅkami. Upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā mahāmoggallāno bhagavantaṁ etadavoca: "etarahi bhante verañjā dubbhikkhā dvihītikā setaṭṭhikā salākāvuttā. Na sukarā uñchena paggahena yāpetuṁ. Imissā bhante mahāpaṭhaviyā heṭṭhimaṁ talaṁ sampannaṁ. Seyyathāpi khuddamadhuṁ anīlakaṁ evamassādaṁ. Sādhāhaṁ bhante paṭhaviṁ parivatteyyaṁ, bhikkhū pappaṭakojaṁ paribhuñjissantī" ti.

"Ye pana te moggallāna, paṭhavinissitā pāṇā te kathaṁ karissasī?" Ti.

"Ekāhaṁ bhante pāṇiṁ abhinimminissāmi seyyathāpi mahāpaṭhavi. Ye paṭhavinissitā pāṇā te tattha saṅkāmessāmi. Ekena hatthena paṭhaviṁ parivattessāmī" ti.

"Alaṁ moggallāna, mā te rucci paṭhaviṁ parivattetuṁ. Vipallāsampi sattā paṭilabheyyu" nti.

"Sādhu bhante sabbo bhikkhusaṅgho uttarakuruṁ piṇḍāya gaccheyyā"ti.

"Alaṁ moggallāna, mā te rucci sabbassa bhikkhusaṅghassa uttarakuruṁ piṇḍāya gamana"nti.

22. Atha kho āyasmato sāriputtassa rahogatassa patisallīnassa evaṁ cetaso parivitakko udapādi: "katamesānaṁ kho buddhānaṁ bhagavantānaṁ brahmacariyaṁ na ciraṭṭhitikaṁ ahosi? Katamesānaṁ buddhānaṁ bhagavantānaṁ brahmacariyaṁ ciraṭṭhitikaṁ ahosī?" Ti.

23. Atha kho āyasmā sāriputto sāyaṇhasamayaṁ patisallānā vuṭṭhito yena bhagavā tenupasaṅkami upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā sāriputto bhagavantaṁ etadavoca: "idha mayhaṁ bhante rahogatassa patisallīnassa evaṁ cetaso parivitakko udapādi: "katamesānaṁ kho buddhānaṁ bhagavantānaṁ brahmacariyaṁ na ciraṭṭhitikaṁ ahosi? Katamesānaṁ buddhānaṁ bhagavantānaṁ brahmacariyaṁ ciraṭṭhitikaṁ ahosī?" Ti.

24. "Katamesānaṁ nu kho bhante buddhānaṁ bhagavantānaṁ brahmacariyaṁ na ciraṭṭhitikaṁ ahosi? Katamesānaṁ buddhānaṁ bhagavantānaṁ brahmacariyaṁ ciraṭṭhitikaṁ ahosi?" Ti.
"Bhagavato ca sāriputta vipassissa bhagavato ca sikhissa bhagavato ca vessabhussa brahmacariyaṁ na ciraṭṭhitikaṁ ahosi. Bhagavato ca sāriputta kakusandhassa bhagavato ca konāgamanassa bhagavato ca kassapassa brahmacariyaṁ [page 008] ciraṭṭhitikaṁ ahosī" ti.

[BJT Page 018]

25. "Ko nu kho bhante hetu ko paccayo yena bhagavato ca vipassissa bhagavato ca sikhissa bhagavato ca vessabhussa brahmacariyaṁ na ciraṭṭhitikaṁ ahosī?" Ti.

26. "Bhagavā ca sāriputta vipassī bhagavā ca sikhī bhagavā ca vessabhū kilāsuno ahesuṁ sāvakānaṁ vitthārena dhammaṁ desetuṁ. Appakaṁ ca nesaṁ ahosi suttaṁ geyyaṁ veyyākaraṇaṁ gāthā udānaṁ itivuttakaṁ jātakaṁ abbhutadhammaṁ vedallaṁ. Appaññattaṁ sāvakānaṁ sikkhāpadaṁ anuddiṭṭhaṁ pātimokkhaṁ.

27. Tesaṁ buddhānaṁ bhagavantānaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā, te taṁ brahmacariyaṁ khippaññeva antaradhāpesuṁ. Seyyathāpi sāriputta nānāpupphāni phalake nikkhittāni suttena asaṅgahītāni, tāni vāto vikirati vidhamati viddhaṁseti. Taṁ kissa hetu? Yathā taṁ suttena asaṅgahitattā. Evameva kho sāriputta tesaṁ buddhānaṁ bhagavantaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā, te taṁ brahmacariyaṁ khippaññeva antaradhāpesuṁ.

28. Akilāsuno1. Ca te bhagavanto ahesuṁ sāvake cetasā cetoparicca ovadituṁ. Bhūtapubbaṁ sāriputta vessabhū bhagavā arahaṁ sammā sambuddho aññatarasmiṁ bhiṁsanake vanasaṇḍe sahassaṁ bhikkhusaṅghaṁ cetasā ceto paricca ovadati anusāsati: "evaṁ vitakketha. Mā evaṁ vitakkayittha. Evaṁ manasi karotha. Mā evaṁ manasākattha. Idaṁ pajahatha. Idaṁ upasampajja viharathā" ti. Atha kho sāriputta tassa bhikkhusahassassa vessabhunā bhagavatā arahatā sammāsambuddhena evaṁ ovadiyamānānaṁ evaṁ anusāsiyamānānaṁ anupādāya āsavehi cittāni vimucciṁsu. - Tatra sudaṁ sāriputta bhiṁsanakassa vanasaṇḍassa bhiṁsanakatasmiṁ hoti: yo koci avītarāgo taṁ vanasaṇḍaṁ pavisati, yebhuyyena lomāni haṁsanti.
29. Ayaṁ kho sāriputta hetu ayaṁ paccayo, yena bhagavato ca vipassissa bhagavato ca sikhissa bhagavato ca vessabhussa brahmacariyaṁ na ciraṭṭhitikaṁ ahosī" ti.

-------------------------
1. Kilāsuno, syā.

[BJT Page 020]

30. "Ko pana bhante hetu ko paccayo yena bhagavato ca kakusandhassa bhagavato ca konāgamanassa bhagavato ca kassapassa brahmacariyaṁ ciraṭṭhitikaṁ ahosi?" Ti.

31. "Bhagavā [page 009] ca sāriputta kakusandho bhagavā ca konāgamano bhagavā ca kassapo akilāsuno ahesuṁ sāvakānaṁ vitthārena dhammaṁ desetuṁ. Bahuṁ ca nesaṁ ahosi suttaṁ geyyaṁ veyyākaraṇaṁ gāthā udānaṁ itivuttakaṁ jātakaṁ abbhutadhammaṁ vedallaṁ. Paññattaṁ sāvakānaṁ sikkhāpadaṁ. Uddiṭṭhaṁ pātimokkhaṁ.

32. Tesaṁ buddhānaṁ bhagavantānaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā, te taṁ brahmacariyaṁ ciraṁ dīghamaddhānaṁ ṭhapesuṁ. Seyyathāpi sāriputta nānāpupphāni phalake nikkhittāni suttena susaṅgahītāni, tāni vāto na vikirati na vidhamati na viddhaṁseti. Taṁ kissa hetu? Yathā taṁ suttena susaṅgahitattā. Evameva kho sāriputta, tesaṁ buddhānaṁ bhagavantaṁ antaradhānena buddhānubuddhānaṁ sāvakānaṁ antaradhānena ye te pacchimā sāvakā nānānāmā nānāgottā nānājaccā nānākulā pabbajitā, te taṁ brahmacariyaṁ ciraṁ dīghamaddhānaṁ ṭhapesuṁ.

33. Ayaṁ kho sāriputta hetu ayaṁ paccayo yena bhagavato ca kakusandhassa bhagavato ca konāgamanassa bhagavato ca kassapassa brahmacariyaṁ ciraṭṭhitikaṁ ahosī" ti.

[BJT Page 022]

34. Atha kho āyasmā sāriputto uṭṭhāyāsanā ekaṁsaṁ uttarāsaṅgaṁ karitvā yena bhagavā tenañjaliṁ paṇāmetvā bhagavantaṁ etadavoca: "etassa bhagavā kālo, etassa sugata kālo, yaṁ bhagavā sāvakānaṁ sikkhāpadaṁ paññāpeyya, uddiseyya pātimokkhaṁ, yathayidaṁ brahmacariyaṁ addhaniyaṁ assa ciraṭṭhitika" nti.

35. "Āgamehi tvaṁ sāriputta. Āgamehi tvaṁ sāriputta. Tathāgato'va tattha kālaṁ jānissati na tāva sāriputta satthā sāvakānaṁ sikkhāpadaṁ paññāpeti, na uddisati pātimokkhaṁ, yāva na idhekacce āsavaṭṭhānīyā dhammā saṅghe pātubhavanti. Yato ca kho sāriputta idhekacce āsavaṭṭhānīyā dhammā saṅghe pātubhavanti, atha satthā sāvakānaṁ sikkhāpadaṁ paññāpeti, uddisati pātimokkhaṁ tesaññeva āsavaṭṭhānīyānaṁ dhammānaṁ paṭighātāya.

36. Na tāva sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho rattaññumahattaṁ patto hoti. Yato ca kho sāriputta, saṅgho rattaññumahattaṁ patto hoti, atha idhekacce āsavaṭṭhānīyā dhammā saṅghe pātubhavanti. Atha satthā sāvakānaṁ sikkhāpadaṁ [page 010] paññāpeti, uddisati pātimokkhaṁ tesaññeva āsavaṭṭhānīyānaṁ dhammānaṁ paṭighātāya.

37. Na tāva sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho vepullamahattaṁ patto hoti. Yato ca kho sāriputta, saṅgho vepullamahattaṁ patto hoti, atha idhekacce āsavaṭṭhānīyā dhammā saṅghe pātubhavanti. Atha satthā sāvakānaṁ sikkhāpadaṁ paññāpeti, uddisati pātimokkhaṁ tesaññeva āsavaṭṭhānīyānaṁ dhammānaṁ paṭighātāya.

38. Na tāva sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho lābhaggamahattaṁ patto hoti. Yato ca kho sāriputta, saṅgho lābhaggamahattaṁ patto hoti, atha idhekacce āsavaṭṭhānīyā dhammā saṅghe pātubhavanti. Atha satthā sāvakānaṁ sikkhāpadaṁ paññāpeti, uddisati pātimokkhaṁ tesaññeva āsavaṭṭhānīyānaṁ dhammānaṁ paṭighātāya.

39. Na tāva sāriputta, idhekacce āsavaṭṭhānīyā dhammā saṅghe pātubhavanti, yāva na saṅgho bāhusaccamahattaṁ patto hoti. Yato ca kho sāriputta, saṅgho bāhusaccamahattaṁ patto hoti, atha idhekacce āsavaṭṭhānīyā dhammā saṅghe pātubhavanti. Atha satthā sāvakānaṁ sikkhāpadaṁ paññāpeti, uddisati pātimokkhaṁ tesaññeva āsavaṭṭhānīyānaṁ dhammānaṁ paṭighātāya."

40. Nirabbudo hi sāriputta, bhikkhusaṅgho nirādīnavo apagatakāḷako suddho sāre patiṭṭhito. Imesaṁ hi sāriputta pañcannaṁ bhikkhusatānaṁ yo pacchimako bhikkhu, so sotāpanno avinipātadhammo niyato sambodhiparāyaṇo" ti.

[BJT Page 024]

41. Atha kho bhagavā āyasmantaṁ ānandaṁ āmantesi: "āciṇṇaṁ kho panetaṁ ānanda tathāgatānaṁ yehi nimantitā vassaṁ vasanti, na te anapaloketvā janapadacārikaṁ pakkamanti. Āyāmānanda verañjaṁ brāhmaṇaṁ apalokessāmā" ti. "Evaṁ bhante" ti. Kho āyāsmā ānando bhagavato paccassosi.

42. Atha kho bhagavā nivāsetvā pattacīvaramādāya āyasmatā ānandena pacchāsamaṇena yena verañjassa brāhmaṇassa nivesanaṁ, tenupasaṅkami. Upasaṅkamitvā paññatte āsane nisīdi.

43. Atha kho verañjo brāhmaṇo yena bhagavā tenupasaṅkami. Upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho verañjaṁ brāhmaṇaṁ bhagavā etadavoca: "nimantitamha tayā [page 011] brāhmaṇa vassaṁ vutthā. Apalokema taṁ. Icchāma mayaṁ janapadacārikaṁ pakkamitu" nti.

44. "Saccaṁ bho gotama, nimantitattha mayā vassaṁ vutthā. Api ca yo deyyadhammo so na dinno. Tañca kho no asantaṁ no'pi adātukamyatā. Taṁ kutettha labbhā? Bahukiccā gharāvāsā bahukaraṇīyā. Adhivāsetu me bhavaṁ gotamo svātanāya bhattaṁ saddhiṁ bhikkhusaṅghenā" ti. Adhivāsesi bhagavā tuṇhībhāvena.

45. Atha kho bhagavā verañjaṁ brāhmaṇaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.

46. Atha kho verañjo brāhmaṇo tassā rattiyā accayena sake nivasane paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi: "kālo bho gotama. Niṭṭhitaṁ bhatta" nti.

[BJT Page 026]

47. Atha kho bhagavā pubbaṇhasamayaṁ nivāsetvā pattacīvaramādāya yena verañjassa brāhmaṇassa nivesanaṁ tenupasaṅkami. Upasaṅkamitvā paññatte āsane nisīdi saddhiṁ bhikkhusaṅghena. Atha kho verañjo brāhmaṇo buddhapamukhaṁ bhikkhusaṅghaṁ paṇītena khādanīyena bhojanīyena sahatthā santappetvā sampavāretvā bhagavantaṁ bhuttāviṁ onītapattapāṇiṁ ticīvarena acchādesi. Ekamekaṁ ca bhikkhuṁ ekamekena dussayugena acchādesi. Atha kho bhagavā verañjaṁ brāhmaṇaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmi.

48. Atha kho bhagavā verañjāyaṁ yathābhirantaṁ1. Viharitvā anupagamma soreyyaṁ saṅkassaṁ kannakujjaṁ, yena payāgapatiṭṭhānaṁ, tenupasaṅkami. Upasaṅkamitvā payāgapatiṭṭhāne gaṅgaṁ nadiṁ uttaritvā yena bārāṇasī tadavasari. Atha kho bhagavā bārāṇasiyaṁ yathābhirantaṁ viharitvā yena vesāli, tena cārikaṁ pakkāmi. Anupubbena cārikaṁ caramāno yena vesāli tadavasari. Tatra sudaṁ bhagavā vesāliyaṁ viharati mahāvane kūṭāgārasālāyaṁ.

Verañjabhāṇavāro niṭṭhito

---------------------
1. Yathābhirattaṁ. Katthaci, 2. Verañja bhāṇavāraṁ, sīmu.

[BJT Page 028]

Pārājikakaṇḍo

(Tatirame cattāro pārājikā dhammā uddesaṁ āgacchanti * )

Paṭhamapārājikaṁ

1. Tena kho pana samayena vesāliyā avidūre kalandagāmo nāma hoti. Tattha sudinno nāma kalandaputto seṭṭhiputto hoti. Atha kho sudinno kalandaputto sambahulehi sahāyakehi saddhiṁ vesāliṁ agamāsi kenacideva [page 012] karaṇiyena. Tena kho pana samayena bhagavā mahatiyā parisāya parivuto dhammaṁ desento nisinno hoti.

2. Addasā kho sudinno kalandaputto bhagavantaṁ mahatiyā parisāya parivutaṁ dhammaṁ desentaṁ nisinnaṁ. Disvānassa etadahosi "yannūnāhampi dhammaṁ suṇeyya" nti. Atha kho sudinno kalandaputto yena sā parisā tenupasaṅkami. Upasaṅkamitvā ekamantaṁ nisīdi. Ekamantaṁ nisinnassa kho sudinnassa kalandaputtassa etadahosi" yathā yathā kho ahaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ. Yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyya" nti.

3. Atha kho sā parisā bhagavatā dhammiyā kathāya sandassitā samādapitā samuttejitā sampahaṁsitā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.

4. Atha kho sudinno kalandaputto aciravuṭṭhitāya parisāya yena bhagavā tenupasaṅkami. Upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sudinno kalandaputto bhagavantaṁ etadavoca: "yathā yathā kho ahaṁ bhante bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ. Icchāmahaṁ bhante kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ. Pabbājetu maṁ bhagavā" ti.

"Anuññāto'si pana tvaṁ sudinna mātāpitūhi agārasmā anagāriyaṁ pabbajjāyā?" Ti.
"Na kho ahaṁ bhante anuññāto mātāpitūhi agārasmā anagāriyaṁ pabbajjāyā" ti.
"Na kho sudinna tathāgatā ananuññātaṁ mātāpitūhi puttaṁ pabbājentī" ti.

"So'haṁ bhante tathā karissāmi, yathā maṁ mātāpitaro anujānissanti, agārasmā anagāriyaṁ pabbajjāyā" ti.

-------------------------
Pāṭho'yaṁ potthakesu na dissate.

[BJT Page 030]

5. Atha kho sudinno kalandaputto vesāliyaṁ taṁ karaṇīyaṁ tīretvā yena kalandagāmo, yena mātāpitaro, tenupasaṅkami. Upasaṅkamitvā mātāpitaro etadavoca: "amma, tāta, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ. Icchāmahaṁ kesamassuṁ ohāretvā kāsāyāni vatthāni acchādetvā agārasmā [page 013] anagāriyaṁ pabbajituṁ. Anujānātha maṁ agārasmā anagāriyaṁ pabbajjāyā" ti. Evaṁ vutte sudinnassa kalandaputtassa mātāpitaro sudinnaṁ kalandaputtaṁ etadavocuṁ: "tvaṁ kho' si tāta sudinna, amhākaṁ ekaputtako piyo manāpo sukhedhito sukhaparibhaṭo-1. Na tvaṁ tāta sudinna, kiñci dukkhassa jānāsi. Maraṇena'pi mayaṁ te akāmakā vinā bhavissāma. Kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā" ti.

6. Dutiyampi kho sudinno kalandaputto mātāpitaro etadavoca: "amma, tāta, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ. Icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ. Anujānātha maṁ agārasmā anagāriyaṁ pabbajjāyā" ti. Dutiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ: "tvaṁ kho' si tāta sudinna, amhākaṁ ekaputtako piyo manāpo sukhedhito sukhaparibhaṭo-1. Na tvaṁ tāta sudinna, kiñci dukkhassa jānāsi. Maraṇena'pi mayaṁ te akāmakā vinā bhavissāma. Kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā?" Ti.

Tatiyampi kho sudinno kalandaputto mātāpitaro etadavoca: "amma, tāta, yathā yathāhaṁ bhagavatā dhammaṁ desitaṁ ājānāmi, nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ. Icchāmahaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajituṁ. Anujānātha maṁ agārasmā anagāriyaṁ pabbajjāyā" ti. Tatiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ: "tvaṁ kho' si tāta sudinna, amhākaṁ ekaputtako piyo manāpo sukhedhito sukhaparibhaṭo na tvaṁ tāta sudinna, kiñci dukkhassa jānāsi. Maraṇena'pi mayaṁ te akāmakā vinā bhavissāma. Kiṁ pana mayaṁ taṁ jīvantaṁ anujānissāma agārasmā anagāriyaṁ pabbajjāyā?" Ti.

7. Atha kho sudinno kalandaputto "na maṁ mātāpitaro anujānanti agārasmā anagāriyaṁ pabbajjāyā" ti. Tattheva anantarahitāya-2. Bhumiyā nipajji "idheva me maraṇaṁ bhavissati pabbajjā vā" ti. Atha kho sudinno kalandaputto ekampi bhattaṁ na bhuñji. Dve'pi bhattāni na bhuñji. Tīṇi'pi bhattāni na bhuñji. Cattāri'pi bhattāni na bhuñji. Pañca'pi bhattāni na bhuñji. Cha'pi bhattāni na bhuñji. Satta'pi bhattāni na bhuñji.

------------------------
1. Paribhato, katthaci. 2. Anattharitāya:

[BJT Page 032]

8. Atha kho sudinnassa kalandaputtassa mātāpitaro sudinnaṁ kalandaputtaṁ etadavocuṁ: "tvaṁ kho'si tāta sudinna, kiñci dukkhassa jānāsi, maraṇena'pi mayaṁ te akāmakā vinā bhavissāma. Kaṁ pana mayaṁ taṁ jīvantaṁ anujānissāma agārasmā anagāriyaṁ pabbajjāya. Uṭṭhehi tāta sudinna, bhuñja ca piva ca paricārehi ca. Bhuñjanto pivanto paricārento kāme paribhuñjanto puññāni karonto abhiramassu. Na taṁ mayaṁ anujānāma agārasmā anagāriyaṁ pabbajjāyā" ti.

Evaṁ vutte sudinno kalandaputto tuṇhī ahosi dutiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ: "tvaṁ kho'si tāta sudinna, amhākaṁ ekaputtako piyo manāpo sukhedhito sukhaparibhaṭo, na tvaṁ tāta sudinna, kiñci dukkhassa jānāsi, maraṇena'pi mayaṁ te akāmakā vinā bhavissāma. Kaṁ pana mayaṁ taṁ jīvantaṁ anujānissāma agārasmā anagāriyaṁ pabbajjāya. Uṭṭhehi tāta sudinna, bhuñja ca piva ca paricārehi ca. Bhuñjanto pivanto paricārento kāme paribhuñjanto puññāni karonto abhiramassu. Na taṁ mayaṁ anujānāma agārasmā anagāriyaṁ pabbajjāyā" ti. Dutiyampi kho sudinno kalandaputto tuṇhī ahosi.

Tatiyampi kho sudinnassa kalandaputtassa mātāpitaro sudinnaṁ kalandaputtaṁ etadavocuṁ: "tvaṁ kho'si tāta sudinna, amhākaṁ ekaputtako piyo manāpo sukhedhito sukhaparibhaṭo, na tvaṁ tāta sudinna, kiñci dukkhassa jānāsi, maraṇena'pi mayaṁ te akāmakā vinā bhavissāma. Kaṁ pana mayaṁ taṁ jīvantaṁ anujānissāma agārasmā anagāriyaṁ pabbajjāya. Uṭṭhehi tāta sudinna, bhuñja ca piva ca paricārehi ca. Bhuñjanto pivanto paricārento kāme paribhuñjanto puññāni karonto abhiramassu. Na taṁ mayaṁ anujānāma agārasmā anagāriyaṁ pabbajjāyā" ti. Tatiyampi kho sudinno kalandaputto tuṇhī ahosi.

9. Atha kho sudinnassa kalandaputtassa sahāyakā yena sudinno kalandaputto tenupasaṅkamiṁsu. Upasaṅkamitvā sudinnaṁ kalandaputtaṁ etadavocuṁ: "tvaṁ kho'si samma sudinna mātāpitunnaṁ [page 014] ekaputtako piyo manāpo sukhedhito sukhaparibhaṭo. Na tvaṁ samma sudinna, kiñci dukkhassa jānāsi. Maraṇena'pi te mātāpitaro akāmakā vinā bhavissanti. Kiṁ pana taṁ jīvantaṁ anujānissanti agārasmā anagāriyaṁ pabbajjāya. Uṭṭhehi samma sudinna, bhuñja ca piva ca paricārehi ca. Bhuñjanto pivanto paricārento kāme paribhuñjanto puññāni karonto abhiramassu. Na taṁ mātāpitaro anujānissanti agārasmā anagāriyaṁ pabbajjāyā"ti. Evaṁ vutte sudinno kalandaputto tuṇhī ahosi.

Dutiyampi kho sudinnassa kalandaputtassa sahāyakā sudinnaṁ kalandaputtaṁ etadavocuṁ: "tvaṁ kho'si samma sudinna mātāpitunnaṁ ekaputtako piyo manāpo sukhedhito sukhaparibhaṭo. Na tvaṁ samma sudinna, kiñci dukkhassa jānāsi. Maraṇena'pi te mātāpitaro akāmakā vinā bhavissanti. Kiṁ pana taṁ jīvantaṁ anujānissanti agārasmā anagāriyaṁ pabbajjāya. Uṭṭhehi samma sudinna, bhuñja ca piva ca paricārehi ca. Bhuñjanto pivanto paricārento kāme paribhuñjanto puññāni karonto abhiramassu. Na taṁ mātāpitaro anujānissanti agārasmā anagāriyaṁ pabbajjāyā"ti. Dutiyampi kho sudinno kalandaputto tuṇhī ahosi.
Tatiyampi kho sudinnassa kalandaputtassa sahāyakā sudinnaṁ kalandaputtaṁ etadavocuṁ: "tvaṁ kho'si samma sudinna mātāpitunnaṁ ekaputtako piyo manāpo sukhedhito sukhaparibhaṭo. Na tvaṁ samma sudinna, kiñci dukkhassa jānāsi. Maraṇena'pi te mātāpitaro akāmakā vinā bhavissanti. Kiṁ pana taṁ jīvantaṁ anujānissanti agārasmā anagāriyaṁ pabbajjāya. Uṭṭhehi samma sudinna, bhuñja ca piva ca paricārehi ca. Bhuñjanto pivanto paricārento kāme paribhuñjanto puññāni karonto abhiramassu. Na taṁ mātāpitaro anujānissanti agārasmā anagāriyaṁ pabbajjāyā"ti. Tatiyampi kho sudinno kalandaputto tuṇhī ahosi.

[BJT Page 034]

10. Atha kho sudinnassa kalandaputtassa sahāyakā yena sudinnassa kalandaputtassa mātāpitaro tenupasaṅkamiṁsu. Upasaṅkamitvā sudinnassa kalandaputtassa mātāpitaro etadavocuṁ: "amma, tāta, 1. Eso sudinno anantarahitāya bhumiyā nipanno 'idheva me maraṇaṁ bhavissati pabbajjā vā' ti. Sace tumhe sudinnaṁ nānujānissatha agārasmā anagāriyaṁ pabbajjāya, tattheva maraṇaṁ āgamissati. Sace pana tumhe sudinnaṁ anujānissatha agārasmā anagāriyaṁ pabbajjāya, pabbajitampi naṁ dakkhissatha. Sace sudinno nābhiramissati agārasmā anagāriyaṁ pabbajjāya, kā tassa aññā gati bhavissati? Idheva paccāgamissati. Anujānātha sudinnaṁ agārasmā anagāriyaṁ pabbajjāyā" ti. "Anujānāma, tātā, sudinnaṁ agārasmā anagāriyaṁ pabbajjāyā" ti. Atha kho sudinnassa kalandaputtassa sahāyakā yena sudinno kalandaputto tenupasaṅkamiṁsu. Upasaṅkamitvā sudinnaṁ kalandaputtaṁ etadavocuṁ: "uṭṭhehi samma sudinna, anuññāto' si mātāpitūhi agārasmā anagāriyaṁ pabbajjāyā"ti.

11. Atha kho sudinno kalandaputto "anuññāto'mhi kira mātāpitūhi agārasmā anagāriyaṁ pabbajjāyā" ti. Haṭṭho udaggo pāṇinā gattāni paripuñchanto uṭṭhāsi. Atha kho sudinno kalandaputto katipāhaṁ balaṁ gāhetvā yena bhagavā, tenupasaṅkami. Upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho sudinno kalandaputto bhagavantaṁ etadavoca: "anuññāto'mhi-2. Ahaṁ bhante mātāpitūhi agārasmā anagāriyaṁ pabbajjāya. Pabbājetu maṁ bhagavā" [page 015] ti. Alattha kho sudinno kalandaputto bhagavato santike pabbajjaṁ. Alattha upasampadaṁ acirūpasampanno ca panāyasmā sudinno evarūpe dhutaguṇe samādāya vattati: āraññiko hoti, piṇḍapātiko, paṁsukuliko, sapadānacāriko. Aññataraṁ vajjigāmaṁ upanissāya viharati.

12. Tena kho pana samayena vajjī dubbhikkhā hoti dvihītikā setaṭṭhikā salākāvuttā. Na sukarā uñjena paggahena yāpetuṁ. Atha kho āyasmato sudinnassa etadahosi: "etarahi kho vajjī dubbhikkhā dvihītikā setaṭṭhikā salākāvuttā. Na sukarā uñchena paggahena yāpetuṁ. Bahu kho pana me vesāliyaṁ ñātī aḍḍhā mahaddhanā mahābhogā pahūtajātarūparajatā pahūtavittupakaraṇā pahūtadhanadhaññā. Yannūnāhaṁ ñāti upanissāya vihareyyaṁ. Ñātī3. Maṁ nissāya dānāni dassanti. Puññāti karissanti bhikkhū ca lābhaṁ lacchanti. Ahañca piṇḍakena na kilamissāmī" ti.

-------------------------
1. Ammatātā, machasaṁ, 2. Anuññāto, machasaṁ; 3. Ñātakāpi, syā.

[BJT Page 036]

13. Atha kho āyasmā sudinno senāsanaṁ saṁsāmetvā pattacīvaramādāya yena vesāli, tena pakkāmi. Anupubbena yena vesāli tadavasari. Tatra sudaṁ āyasmā sudinno vesāliyaṁ viharati mahāvane-1. Assosuṁ kho āyasmato sudinnassa ñātakā "sudinno kira kalandaputto vesāliṁ anuppatto" ti. Te āyasmato sudinnassa saṭṭhimatte thālipāke bhattābhihāraṁ abhihariṁsu. Atha kho āyasmā sudinno te saṭṭhimatte thālipāke bhikkhūnaṁ vissajjetvā pubbaṇhasamayaṁ nivāsetvā pattacīvaramādāya kalandagāmaṁ piṇḍāya pāvisi. Kalandagāme sapadānaṁ piṇḍāya caramāno yena sakapitunivesanaṁ, tenupasaṅkami.

14. Tena kho pana samayena āyasmato sudinnassa ñātidāsī ābhidosikaṁ kummāsaṁ chaḍḍetukāmā hoti. Atha kho āyasmā sudinno taṁ ñātidāsiṁ etadavoca: "sace taṁ bhagini chaḍḍanīyadhammaṁ, idha me patte ākirā" ti. Atha kho āyasmato sudinnassa ñātidāsī taṁ ābhidosikaṁ kummāsaṁ āyasmato sudinnassa patte ākirantī hatthānañca pādānañca sarassa ca nimittaṁ aggahesi. Atha kho āyasmato sudinnassa ñātidāsī yenāyasmato sudinnassa mātā, tenupasaṅkami. Upasaṅkamitvā āyasmato sudinnassa mātaraṁ etadavoca: "yagghayye jāneyyāsi, ayyaputto sudinno anuppatto" ti. "Sace je saccaṁ bhaṇasi, adāsiṁ taṁ karomi" ti.

15. Tena kho pana samayena āyasmā sudinno taṁ ābhidosikaṁ kummāsaṁ aññataraṁ kuḍḍamūlaṁ nissāya paribhuñjati. Pitā'pi kho [page 016] āyasmato sudinnassa kammantā āgacchanto addasa āyasmantaṁ sudinnaṁ taṁ ābhidosikaṁ kummāsaṁ aññataraṁ kuḍḍamūlaṁ nissāya paribhuñjantaṁ. Disvāna yenāyasmā sudinno, tenupasaṅkami. Upasaṅkamitvā āyasmantaṁ sudinnaṁ etadavoca: "atthi nāma, tāta sudinna, ābhidosikaṁ kummāsaṁ paribhuñjissasi? Nanu nāma tāta sudinna, sakaṁ gehaṁ gantabba?"Nti. "Agamimha -2. Kho te gahapati gehaṁ. Tatāyaṁ ābhidosiko kummāso" ti. Atha kho āyasmato sudinnassa pitā āyasmato sudinnassa bāhāyaṁ gahetvā āyasmantaṁ sudinnaṁ etadavoca: "ehi tāta sudinna, gharaṁ gamissāmā" ti. Atha kho āyasmā sudinno yena sakapitunivesanaṁ, tenupasaṅkami, upasaṅkamitvā paññatte āsane nisīdi. Atha kho āyasmato sudinnassa pitā āyasmantaṁ sudinnaṁ etadavoca: "bhuñja tāta sudinnā" ti. "Alaṁ gahapati, kataṁ me ajja bhattakicca" nti. "Adhivāsehi tāta sudinna svātanāya bhatta" nti. Adhivāsesi kho āyasmā sudinno tuṇhībhāvena. Atha kho āyasmā sudinno uṭṭhāyāsanā pakkāmi.

--------------------------
1. Mahāvane kuṭāgārasālāyaṁ, machasaṁ; 2. Agamamhā itipi

[BJT Page 038]

16. Atha kho āyasmato sudinnassa mātā tassā rattiyā accayena haritena gomayena paṭhaviṁ opuñchāpetvā-1. Dve puñje kārāpesi: ekaṁ hiraññassa, ekaṁ suvaṇṇassa. Tāva mahantā puñjā ahesuṁ-orato ṭhito puriso pārato ṭhitaṁ purisaṁ na passati, pārato ṭhito puriso orato ṭhitaṁ purisaṁ na passati. Te puñje kilañjehi paṭicchādāpetvā majjhe āsanaṁ paññāpetvā tirokaraṇīyaṁ parikkhipitvā āyasmato sudinnassa purāṇadutiyikaṁ āmantesi: "tena hi tvaṁ vadhu, yena alaṅkārena alaṅkatā puttassa me sudinnassa piyā ahosi manāpā, tena alaṅkārena alaṅkarā" ti. 'Evaṁ ayye' ti kho āyasmato sudinnassa purāṇadutiyikā āyasmato sudinnassa mātuyā paccassosi.

17. Atha kho āyasmā sudinno pubbaṇhasamayaṁ nivāsetvā pattacivaramādāya yena sakapitunivesanaṁ, tenupasaṅkami. Upasaṅkamitvā paññatte āsane nisīdi. Atha kho āyasmato sudinnassa pitā yenāyasmā sudinno, tenupasaṅkami. Upasaṅkamitvā te puñje vivarāpetvā āyasmantaṁ sudinnaṁ etadavoca: "idaṁ te tāta sudinna, mātumattikā itthikāya itthidhanaṁ. Aññaṁ pettikaṁ. Aññaṁ pitāmahaṁ labbhā tāta sudinna, hīnāyāvattitvā bhogā ca bhuñjituṁ puññāni ca kātuṁ. Ehi tvaṁ tāta sudinna, hīnāyāvattitvā bhoge ca bhuñjassu. Puññāni ca [page 017] karohī" ti. "Tāta, na ussāhāmi. Na visahāmi. Abhirato ahaṁ brahmacariyaṁ carāmī" ti.

Dutiyampi kho āyasmato sudinnassa pitā āyasmantaṁ sudinnaṁ etadavoca: "idaṁ te tāta sudinna, mātumattikā itthikāya itthidhanaṁ. Aññaṁ pettikaṁ. Aññaṁ pitāmahaṁ. Labbhā tāta sudinna, hīnāyāvattitvā bhogā ca bhuñjituṁ puññāni ca kātuṁ. Ehi tvaṁ tāta sudinna, hīnāyāvattitvā bhoge ca bhuñjassu. Puññāni ca karohī" ti. "Tāta, na ussāhāmi. Na visahāmi. Abhirato ahaṁ brahmacariyaṁ carāmī" ti.

Tatiyampi kho āyasmato sudinnassa pitā āyasmantaṁ sudinnaṁ etadavoca: "idaṁ te tāta sudinna, mātumattikā itthikāya itthidhanaṁ. Aññaṁ pettikaṁ. Aññaṁ pitāmahaṁ. Labbhā tāta sudinna, hīnāyāvattitvā bhogā ca bhuñjituṁ puññāni ca kātuṁ. Ehi tvaṁ tāta sudinna, hīnāyāvattitvā bhoge ca bhuñjassu. Puññāni ca karohī" ti. "Vadeyyāma kho taṁ gahapati, sace tvaṁ nātikaḍḍheyyāsī" ti. "Vadehi tāta sudinnā" ti. "Tena hi tvaṁ gahapati, mahante mahante sāṇipasibbake kārāpetvā hiraññasuvaṇṇassa pūrāpetvā sakaṭehi nibbāhāpetvā majjhe gaṅgāya sote osādehi2. Taṁ kissa hetu? Yaṁ hi te gahapati bhavissati tato nidānaṁ bhayaṁ vā chambhitattaṁ vā lomahaṁso vā ārakkho vā, so te na bhavissatī" ti. Evaṁ vutte āyasmato sudinnassa pitā anattamano ahosi: "kataṁ hi nāma putto sudinno evaṁ vakkhatī" ti.

18. Atha kho āyasmato sudinnassa pitā āyasmato sudinnassa purāṇadutiyikaṁ āmantesi: "tena hi vadhu, tvampi yāca, appeva nāma putto sudinno tuyhampi vacanaṁ kareyyā" ti. Atha kho āyasmato sudinnassa purāṇadutiyikā āyasmato sudinnassa pādesu gahetvā āyasmantaṁ sudinnaṁ etadavoca: "kīdisā nāma tā ayyaputta accharāyo, yāsaṁ tvaṁ hetu brahmacariyaṁ carasī?" Ti. "Na kho ahaṁ bhagini, accharānaṁ hetu brahmacariyaṁ carāmī" ti.

-------------------------
1. Opuñjāpetvā, machasaṁ syā. 2. Opātehi, machasaṁ

[BJT Page 040]

19. Atha kho āyasmato sudinnassa purāṇadutiyikā "ajjatagge maṁ ayyaputto sudinno bhaginīvādena samudācaratī" ti. Tattheva mucchitā papatā. Atha kho āyasmā sudinno pitaraṁ etadavoca: "sace gahapati, bhojanaṁ dātabbaṁ, detha. Mā no viheṭhayitthā" ti. "Bhuñja tāta sudinnā" ti. Atha kho āyasmato sudinnassa mātā ca pitā ca āyasmantaṁ sudinnaṁ paṇitena khādanīyena bhojanīyena sahatthā santappesuṁ sampavāresuṁ. Atha kho āyasmato sudinnassa mātā āyasmantaṁ sudinnaṁ bhuttāviṁ onītapattapāṇiṁ etadavoca: "idaṁ tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ. Labbhā tāta sudinna, hīnāyāvattitvā bhogā ca bhuñjituṁ puññāni ca kātuṁ. Ehi tvaṁ tāta sudinna, hīnāyāvattitvā bhoge ca bhuñjassu. Puññāni ca karohī" ti. "Amma, na ussahāmi. Na [page 018] visahāmi. Abhirato ahaṁ brahmacariyaṁ carāmi" ti.
Dutiyampi kho āyasmato sudinnassa mātā āyasmantaṁ sudinnaṁ etadavoca: "idaṁ tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ. Labbhā tāta sudinna, hīnāyāvattitvā bhogā ca bhuñjituṁ. Puññāni ca kātuṁ. Ehi tvaṁ tāta
Sudinna, hīnāyāvattitvā bhoge ca bhuñjassu. Puññāni ca karohī"ti. "Amma, na ussahāmi. Na visahāmi. Abhirato ahaṁ brahmacariyaṁ carāmī"ti. Tatiyampi kho āyasmato sudinnassa mātā āyasmantaṁ sudinnaṁ etadavoca: "idaṁ tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ.
Tena hi tāta sudinna, bījakampi dehi, mā no aputtakaṁ sāpateyyaṁ licchavayo-1. Atiharāpesu"nti. "Etaṁ kho me amma, sakkā kātu"nti. "Kahaṁ pana tāta sudinna, etarahi viharasī" ti? "Mahāvane ammā" ti. Atha kho āyasmā sudinno uṭṭhāyāsanā pakkāmi.

20. Atha kho āyasmato sudinnassa mātā āyasmato sudinnassa purāṇadutiyikaṁ āmantesi: "tena hi vadhu, yadā utunī hosi, pupphaṁ te uppannaṁ hoti, atha me āroceyyāsī" ti. "Evaṁ ayye" ti. Kho āyasmato sudinnassa purāṇadutiyikā āyasmato sudinnassa mātuyā paccassosi. Atha kho āyasmato sudinnassa purāṇadutiyikā na cirasseva utunī ahosi. Pupphaṁsā uppajjī. Atha kho āyasmato sudinnassa purāṇadutiyikā āyasmato sudinnassa mātaraṁ etadavoca: "utunī'mhi ayye, pupphaṁ me uppanna"nti. "Tena hi vadhu, yena alaṅkārena alaṅkatā puttassa sudinnassa piyā ahosi manāpā, tena alaṅkārena alaṅkarā"ti. "Evaṁ ayye" ti. Kho āyasmato sudinnassa purāṇa dūtiyikā āyasmato sudinnassa mātaraṁ paccassosi. Atha kho āyasmato sudinnassa mātā āyasmato sudinnassa purāṇadutiyikaṁ ādāya yena mahāvanaṁ, yenāyasmā sudinno, tenupasaṅkami. Upasaṅkamitvā āyasmantaṁ sudinnaṁ etadavoca: "idaṁ tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ. Labbhā tāta sudinna hīnāyāvattitvā bhogā ca bhuñjituṁ. Puññāni ca kātuṁ. Ehi tvaṁ tāta sudinna, hīnāyāvattitvā bhoge ca bhuñjassu. Puññāni ca karohī" ti. "Amma, na ussahāmi. Na visahāmi abhirato ahaṁ brahmacariyaṁ carāmī" ti.

Dutiyampi kho āyasmato sudinnassa mātā āyasmantaṁ sudinnaṁ etadavoca: "idaṁ tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ. Labbhā tāta sudinna, hīnāyāvattitvā bhogā ca bhuñjituṁ puññāni ca kātuṁ. Ehi tvaṁ tāta sudinna, hīnāyāvattitvā bhoge ca bhuñjassu puññāni ca karohī"ti . " Amma na ussahāmi na visahāmi. Abhirato ahaṁ brahmacariyaṁ carāmī"ti. Tatiyampi kho āyasmato sudinnassa mātā āyasmantaṁ sudinnaṁ etadavoca: "idaṁ tāta sudinna, kulaṁ aḍḍhaṁ mahaddhanaṁ mahābhogaṁ pahūtajātarūparajataṁ pahūtavittūpakaraṇaṁ pahūtadhanadhaññaṁ. Tena hi tāta sudinna, bījakampi dehi, mā no aputtakaṁ sāpateyyaṁ licchavayo atiharāpesu" nti.

-------------------------
1. Licchaviyo, katthaci.

[BJT Page 042]

21. 'Etaṁ kho me amma, sakkā kātu" nti purāṇadutiyikaṁ1. Bāhāyaṁ gahetvā mahāvanaṁ ajjhogāhetvā appaññatte sikkhāpade anādīnavadasso purāṇadutiyikāya tikkhattuṁ methunaṁ dhammaṁ abhiviññāpesi. Sā tena gabbhaṁ gaṇhi.

Bhummā devā saddamanussāvesuṁ: "nirabbudo vata bho bhikkhusaṅgho nirādīnavo sudinnena kalandaputtena abbudaṁ uppāditaṁ, ādīnavo uppādito" ti. Bhummānaṁ devānaṁ saddaṁ sutvā cātummahārājikā devā saddamanussāvesuṁ:
"Nirabbudo vata bho bhikkhusaṅgho nirādīnavo. Sudinnena kalandaputtena abbudaṁ uppāditaṁ, ādīnavo uppādito" ti.
Cātummahārājākā devānaṁ saddaṁ sutvā tāvatiṁsā devāsaddamanussāvesuṁ: "nirabbudo vata bho bhikkhusaṅgho nirādīnavo. Sudinnena kalandaputtena abbudaṁ uppāditaṁ, ādīnavo uppādito" ti.
Tāvatiṁsānaṁ devānaṁ saddaṁ sutvā yāmā devā saddamanussāvesuṁ: "nirabbudo vata bho bhikkhusaṅgho nirādīnavo. Sudinnena kalandaputtena abbudaṁ uppāditaṁ, ādīnavo uppādito" ti.
Yāmānaṁ devānaṁ saddaṁ sutvā tusitā devā saddamanussāvesuṁ: "nirabbudo vata bho bhikkhusaṅgho nirādīnavo. Sudinnena kalandaputtena abbudaṁ uppāditaṁ, ādīnavo uppādito" ti.
Tusitānaṁ devānaṁ saddaṁ sutvā nimmānaratino devā saddamanussāvesuṁ: "nirabbudo vata bho bhikkhusaṅgho nirādīnavo. Sudinnena kalandaputtena abbudaṁ uppāditaṁ, ādīnavo uppādito" ti.
Nimmānaratīnaṁ devānaṁ saddaṁ sutvā [page 019] paranimmitavasavattino devā saddamanussāvesuṁ: "nirabbudo vata bho bhikkhusaṅgho nirādīnavo. Sudinnena kalandaputtena abbudaṁ uppāditaṁ, ādīnavo uppādito" ti. Paranimmitavasavattīnaṁ devānaṁ saddaṁ sutvā brahmakāyikā devā saddamanussāvesuṁ: "nirabbudo vata bho bhikkhusaṅgho nirādīnavo. Sudinnena kalandaputtena abbudaṁ uppāditaṁ, ādīnavo uppādito" ti. Itiha tena khaṇena tena muhuttena yāva brahmalokā saddo abbhuggañchi.

22. Atha kho āyasmato sudinnassa purāṇadutiyikā tassa gabbhassa paripākamanvāya puttaṁ vijāyi. Atha kho āyasmato sudinnassa sahāyakā tassa dārakassa bījako'ti nāmaṁ akaṁsu. Āyasmato sudinnassa purāṇadutiyikāya bījakamātā'ti nāmaṁ akaṁsu. Āyasmato sudinnassa bījakapitā'ti nāmaṁ akaṁsu. Te aparena samayena ubho agārasmā anagāriyaṁ pabbajitvā arahattaṁ sacchākaṁsu.

23. Atha kho āyasmato sudinnassa ahudeva kukkuccaṁ, ahu vippaṭisāro "alābhā vata me. Na vata me lābhā. Dulladdhaṁ vata me. Na vata me suladdhaṁ: yo'haṁ evaṁ svākkhāte dhamma vinaye pabbajitvā nāsakkhiṁ yāvajīvaṁ paripuṇṇaṁ parisuddhaṁ brahmacariyaṁ caritu"nti. So teneva kukkuccena tena vippaṭisārena kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. Antomano līnamano dukkhī dummano vippaṭisārī pajjhāyi.

24. Atha kho āyasmato sudinnassa sahāyakā bhikkhū āyasmantaṁ sudinnaṁ etadavocuṁ: "pubbe kho tvaṁ āvuso sudinna, vaṇṇavā ahosi pīnindriyo-2. Pasannamukhavaṇṇo vippasannachavivaṇṇo. So'dāni tvaṁ etarahi kiso lūkho dubbaṇṇo uppaṇḍuppaṇḍukajāto dhamanisanthatagatto, antomano līnamano dukkhī dummano vippaṭisāri pajjhāyasi. Kacci no tvaṁ āvuso sudinna, anabhirato brahmacariyaṁ carasi"? "Na kho ahaṁ āvuso anabhirato brahmacariyaṁ carāmi. Atthi me pāpaṁ kammaṁ kataṁ. Purāṇadutiyikāya methuno dhammo patisevito. Tassa mayhaṁ āvuso, ahudeva kukkuccaṁ, ahu vippaṭisāro: alābhā vata me. Na vata me lābhā. Dulladdhaṁ vata me. Na vata me suladdhaṁ: yo 'haṁ evaṁ svākkhāte dhammavinaye pabbajitvā nāsakkhiṁ yāvajīvaṁ paripuṇṇaṁ parisuddhaṁ brahmacariyaṁ caritu"nti.

-------------------------
1. Purāṇadutiyikāyā - machasaṁ 2. Pīṇindriṁyā - machasaṁ

[BJT Page 044]

25. "Alaṁ hi te āvuso sudinna kukkuccāya, alaṁ vippaṭisārāya, yaṁ tvaṁ evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ.

26. Nanu āvuso bhagavatā anekapariyāyena virāgāya dhammo desito no sarāgāya? Visaṁyogāya dhammo desito no saṁyogāya? Anupādānāya dhammo desito no saupādānāya?

27. Tattha nāma tvaṁ āvuso bhagavatā virāgāya dhamme desite sarāgāya cetessasi. Visaṁyogāya dhamme [page 020] desite saṁyogāya cetessasi. Anupādānāya dhamme desite saupādānāya cetessasi.

28. Nanu āvuso bhagavatā anekapariyāyena rāgavirāgāya dhammo desito? Madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbāṇāya dhammo desito?

29. Nanu āvuso bhagavatā aneka pariyāyena kāmānaṁ pahāṇaṁ akkhātaṁ, kāmasaññāṇaṁ pariññā akkhātā. Kāmapipāsānaṁ paṭivinayo akkhāto, kāmavitakkānaṁ samugghāto akkhāto, kāmaparilāhānaṁ vūpasamo akkhāto?

30. Netaṁ āvuso appasannānaṁ vā pasādāya pasannānaṁ vā bhiyyobhāvāya-1. Atha khvetaṁ āvuso appasannānañceva appasādāya pasannānañca ekaccānaṁ aññathattāyā"ti.

31. Atha kho te bhikkhū āyasmantaṁ sudinnaṁ anekapariyāyena vigarahitvā bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ sudinnaṁ paṭipucchi: "saccaṁ kira tvaṁ sudinna, purāṇa dutiyikāya methunaṁ dhammaṁ patisevī" ti. "Saccaṁ bhagavā. " Vigarahi buddho bhagavā:

-------------------------
1. Hiye, itipi.

[BJT Page 046]

32. "Ananucchaviyaṁ moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tvaṁ moghapurisa, evaṁ svākkhāte dhammavinaye pabbajitvā na sakkhissasi yāvajīvaṁ parisuddhaṁ paripuṇṇaṁ brahmacariyaṁ carituṁ.

33. Nanu mayā moghapurisa, anekapariyāyena virāgāya dhammo desito no sarāgāya? Visaṁyogāya dhammo desito no saṁyogāya? Anupādānāya dhammo desito no saupādānāya?

34. Tattha nāma tvaṁ moghapurisa, mayā virāgāya dhamme desite sarāgāya cetessasi. Visaṁyogāya dhamme desite saṁyogāya cetessasi. Anupādānāya dhamme desite saupādānāya cetessasi.

35. Nanu mayā moghapurisa, anekapariyāyena rāgavirāgāya dhammo desito? Madanimmadanāya pipāsavinayāya ālayasamugghatāya vaṭṭupacchedāya taṇhakkhayāya virāgāya nirodhāya nibbāṇāya dhammo desito?

36. Nanu mayā moghapurisa, anekapariyāyena kāmānaṁ pahāṇaṁ akkhātaṁ? Kāmasaññānaṁ pariññā akkhātā? Kāmapipāsānaṁ paṭivinayo akkhāto? Kāmavitakkānaṁ samugghāto akkhāto? Kāmapariḷāhānaṁ vūpasamo akkhāto?"

37. "Varaṁ te moghapurisa āsīvisassa ghoravisassa mukhe aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ. Varaṁ te moghapurisa kaṇhasappassa mukhe aṅgajātaṁ pakkhittaṁ, na tveva mātugāmassa aṅgajāte aṅgajātaṁ pakkhittaṁ. Varaṁ te moghapurisa aṅgārakāsuyā ādittāya sampajjalitāya sajotibhūtāya aṅgajātaṁ pakkhittaṁ. Na tveva mātugāmassa aṅgajāte aṅgajātaṁ pakkhittaṁ. Taṁ kissa hetu? Tato nidānaṁ hi moghapurisa maraṇaṁ vā nigaccheyya maraṇamattaṁ vā dukkhaṁ. Natveva tappaccayā kāyassa bhedā parammaraṇā apāyaṁ duggatiṁ vinipātaṁ nirayaṁ upapajjeyya. Itonidānañca kho moghapurisa kāyassa bhedā parammaraṇā apāyaṁ [page 021] duggatiṁ vinipātaṁ nirayaṁ upapajjeyya.

[BJT Page 048]

38. "Tattha nāma tvaṁ moghapurisa, yaṁ tvaṁ asaddhammaṁ gāmadhammaṁ vasaladhammaṁ duṭṭhullaṁ odakantikaṁ rāhassaṁ dvayaṁdvayasamāpattiṁ samāpajjissasi, bahunnaṁ kho tvaṁ moghapurisa akusalānaṁ dhammānaṁ ādikattā pubbaṅgamo. Netaṁ moghapurisa appasannānaṁ vā pasādāya pasannānaṁ vā bhīyyobhāvā ya. Atha khvetaṁ moghapurisa, appasannānañceva appasādāya, pasannānañca ekaccānaṁ aññathattāyā"ti.

39. Atha kho bhagavā āyasmantaṁ sudinnaṁ anekapariyāyena vigarahitvā dubharatāya dupposanāya mahicchatāya asantuṭṭhitāya-1. Saṅgaṇikāya kosajjassa avaṇṇaṁ bhāsitvā anekapariyāyena subharatāya supposatāya appicchassa santuṭṭhassa sallekhassa dhutassa pāsādikassa apacayassa viriyārambhassa vaṇṇaṁ bhāsitvā bhikkhunaṁ tadanucchavikaṁ tadanulomikaṁ dhammaṁ kathaṁ katvā bhikkhū āmantesi:

40. "Tena hi bhikkhave bhikkhūnaṁ sikkhāpadaṁ paññāpessāmi dasa atthavase paṭicca: saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya. Evañca pana bhikkhave imaṁ sikkhāpadaṁ uddiseyyātha:

"Yo pana bhikkhu methunaṁ dhammaṁ patiseveyya, pārājiko hoti asaṁvāso"ti.
Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti)
Sudinnabhāṇavāro niṭṭhito.

--------------------------
1. Asantuṭṭhatāya. Syā.

[BJT Page 050]

Makkaṭīvatthu

1. Tena kho pana samayena aññataro bhikkhu vesāliyaṁ mahāvane makkaṭiṁ āmisena upalāpetvā tassā methunaṁ dhammaṁ patisevati. Atha kho so bhikkhu pubbaṇhasamayaṁ nivāsetvā pattacīvaramādāya vesāliṁ piṇḍāya pāvisi.

2. Tena kho pana samayena sambahulā bhikkhū senāsanacārikaṁ āhiṇḍantā yena tassa bhikkhuno vihāro tenupasaṅkamiṁsu. Addasā kho sā makkaṭī te bhikkhū durato'va āgacchante disvāna yena te bhikkhū tenupasaṅkami. Upasaṅkamitvā tesaṁ bhikkhūnaṁ purato kaṭimpi cālesi, cheppampi cālesi, [page 022] kaṭimpi oḍḍi, nimittampi akāsi. Atha kho tesaṁ bhikkhūnaṁ etadahosi: "nissaṁsayaṁ kho so bhikkhu imissā makkaṭiyā methunaṁ dhammaṁ paṭisevatī" ti ekamantaṁ nilīyiṁsu. Atha kho so bhikkhu vesāliyaṁ piṇḍāya caritvā piṇḍapātaṁ ādāya paṭikkami.

3. Atha kho sā makkaṭī yena so bhikkhu tenupasaṅkami. Atha kho so bhikkhu taṁ piṇḍapātaṁ ekadesaṁ bhuñjitvā ekadesaṁ tassā makkaṭiyā adāsi. Atha kho sā makkaṭī bhuñjitvā tassa bhikkhuno kaṭiṁ oḍḍi. Atha kho so bhikkhu tassā makkaṭiyā methunaṁ dhammaṁ patisevati.

4. Atha kho te bhikkhū taṁ bhikkhuṁ etadavocuṁ: "nanu āvuso bhagavatā sikkhāpadaṁ paññattaṁ. Kissa tvaṁ āvuso makkaṭiyā methunaṁ dhammaṁ patisevasī" ti. "Saccaṁ āvuso bhagavatā sikkhāpadaṁ paññattaṁ. Tañca kho manussitthiyā, no tiracchānagatāyā" ti. "Saccaṁ āvuso bhagavatā sikkhāpadaṁ paññattaṁ. Tañca kho manussitthiyā, no tiracchānagatāyā" ti. "Nanu āvuso tatheva taṁ hoti. Ananucchaviyaṁ āvuso ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tvaṁ āvuso evaṁ svākkhāte dhammavinaye pabbajitvā na sakkhissasi yāvajīvaṁ paripuṇṇaṁ parisuddhaṁ brahmacariyaṁ carituṁ?
Nanu āvuso bhagavatā anekapariyāyena virāgāya dhammo desito no sarāgāya? Visaṁyogāya dhammo desito no saṁyogāya? Anupādānāya dhammo desito no saupādānāya?
Tattha nāma tvaṁ āvuso bhagavatā virāgāya dhamme desite sarāgāya cetessasi. Visaṁyogāya dhamme desite saṁyogāya cetessasi. Anupādānāya dhamme desite saupādānāya cetessasi.
Nanu āvuso bhagavatā anekapariyāyena rāgavirāgāya dhammo desito? Madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbāṇāya dhammo desito?
Nanu āvuso bhagavatā aneka pariyāyena kāmānaṁ pahāṇaṁ akkhātaṁ, kāmasaññāṇaṁ pariññā akkhātā. Kāmapipāsānaṁ paṭivinayo akkhāto, kāmavitakkānaṁ samugghāto akkhāto, kāmapariḷāhānaṁ vūpasamo akkhāto?
Netaṁ āvuso appasannānaṁ vā pasādāya pasannānaṁ vā bhiyyobhāvāya. Atha khvetaṁ āvuso appasannānañceva appasādāya pasannānañca ekaccānaṁ aññathattāyā"ti.
Atha kho te bhikkhū taṁ bhikkhuṁ anekapariyāyena vigarahitvā bhagavato etamatthaṁ ārocesuṁ.

[BJT Page 052]

5. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā taṁ bhikkhuṁ paṭipucchi: "saccaṁ kira tvaṁ bhikkhu, makkaṭiyā methunaṁ dhammaṁ patisevī" ti. "Saccaṁ bhagavā. " Vigarahi buddho bhagavā:

"Ananucchaviyaṁ moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tvaṁ moghapurisa, evaṁ svākkhāte dhammavinaye pabbajitvā na sakkhissasi yāvajīvaṁ parisuddhaṁ paripuṇṇaṁ brahmacariyaṁ carituṁ. Nanu mayā moghapurisa, anekapariyāyena virāgāya dhammo desito no sarāgāya? Visaṁyogāya dhammo desito no saṁyogāya? Anupādānāya dhammo desito no saupādānāya?
Tattha nāma tvaṁ moghapurisa, mayā virāgāya dhamme desite sarāgāya cetessasi. Visaṁyogāya dhamme desite saṁyogāya cetessasi. Anupādānāya dhamme desite saupādānāya cetessasi.

Nanu mayā moghapurisa, anekapariyāyena rāgavirāgāya dhammo desito? Madanimmadanāya pipāsavinayāya ālayasamugghatāya vaṭṭupacchedāya taṇhakkhayāya virāgāya nirodhāya nibbāṇāya dhammo desito?

Nanu mayā moghapurisa, anekapariyāyena kāmānaṁ pahāṇaṁ akkhātaṁ? Kāmasaññānaṁ pariññā akkhātā? Kāmapipāsānaṁ paṭivinayo akkhāto? Kāmavitakkānaṁ samugghāto akkhāto? Kāmapariḷāhānaṁ vūpasamo akkhāto?"

6. "Varaṁ te moghapurisa āsīvisassa ghoravisassa mukhe aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ. Varaṁ te moghapurisa kaṇhasappassa mukhe aṅgajātaṁ pakkhittaṁ, na tveva makkaṭiyā aṅgajāte aṅgajātaṁ pakkhittaṁ. Varaṁ te moghapurisa aṅgārakāsuyā ādittāya sampajjalitāya sajotibhūtāya aṅgajātaṁ pakkhittaṁ. Na tveva makkaṭiyā aṅgajāte aṅgajātaṁ pakkhittaṁ. Taṁ kissa hetu? Tato nidānaṁ hi moghapurisa, maraṇaṁ vā nigaccheyya maraṇamattaṁ vā dukkhaṁ. Na tveva tappaccayā kāyassa bhedā parammaraṇā apāyaṁ duggatiṁ vinipātaṁ nirayaṁ upapajjeyya. Ito nidānañca kho moghapurisa kāyassa bhedā parammaraṇā apāyaṁ duggatiṁ vinipātaṁ nirayaṁ upapajjeyya.

7. "Tattha nāma tvaṁ moghapurisa, yaṁ tvaṁ asaddhammaṁ gāmadhammaṁ vasaladhammaṁ duṭṭhullaṁ odakantikaṁ rāhassaṁ dvayaṁdvayasamāpattiṁ samāpajjissasi, netaṁ moghapurisa, appasannānaṁ vā pasādāya pasannānaṁ vā bhīyyobhāvāya. Atha khvetaṁ moghapurisa, appasannānañceva appasādāya, pasannānañca ekaccānaṁ aññathattāyā"ti.

8. Atha kho bhagavā taṁ bhikkhuṁ anekapariyāyena vigarahitvā dubharatāya dupposanāya mahicchatāya asantuṭṭhitāya saṅgaṇikāya kosajjassa avaṇṇaṁ bhāsitvā anekapariyāyena subharatāya supposatāya appicchassa santuṭṭhassa sallekhassa dhutassa pāsādikassa apacayassa viriyārambhassa vaṇṇaṁ bhāsitvā bhikkhūnaṁ tadanucchavikaṁ tadanulomikaṁ dhammikaṁ kathaṁ katvā bhikkhū āmantesi:

[BJT Page 054]

9. "Tena hi bhikkhave bhikkhūnaṁ sikkhāpadaṁ paññāpessāmi dasa atthavase paṭicca: saṅghasuṭṭhutāya, saṅghaphāsutāya, dummaṅkūnaṁ puggalānaṁ niggahāya, pesalānaṁ bhikkhūnaṁ phāsuvihārāya, diṭṭhadhammikānaṁ āsavānaṁ saṁvarāya, samparāyikānaṁ āsavānaṁ paṭighātāya, appasannānaṁ pasādāya, pasannānaṁ bhiyyobhāvāya, saddhammaṭṭhitiyā, vinayānuggahāya. Evañca pana bhikkhave imaṁ sikkhāpadaṁ uddiseyyātha:

"Yo pana bhikkhu methunaṁ dhammaṁ patiseveyya,antamaso tiracchānagatāyapi, pārājiko hoti asaṁvāso"ti.
Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Dutiyapaññapati)
Makkaṭīvatthu niṭṭhitaṁ.

Santhatabhāṇavāro

[page 023]
1. Tena kho pana samayena sambahulā vesālikā vajjiputtakā bhikkhū yāvadatthaṁ bhuñjiṁsu, yāvadatthaṁ supiṁsu, yāvadatthaṁ nahāyiṁsu. Yāvadatthaṁ bhuñjitvā, yāvadatthaṁ supitvā, yāvadatthaṁ nahāyitvā, ayoniso manasi karitvā, sikkhaṁ apaccakkhāya, dubbalyaṁ anāvīkatvā, methunaṁ dhammaṁ patiseviṁsu. Te aparena samayena ñātivyasanenapi phuṭṭhā, bhogavyasanenapi phuṭṭhā, rogavyasanenapi phuṭṭhā āyasmantaṁ ānandaṁ upasaṅkamitvā evaṁ vadanti: "na mayaṁ bhante ānanda, buddhagarahino na dhammagarahino na saṅghagarahino. Attagarahino mayaṁ bhante ānanda, anaññagarahino. Mayamevamhā alakkhikā mayaṁ appapuññā ye mayaṁ evaṁ svākkhāte dhammavinaye pabbajitvā nāsakkhimha yāvajīvaṁ paripuṇṇaṁ parisuddhaṁ brahmacariyaṁ carituṁ. Idāni ce'pi mayaṁ bhante ānanda, labheyyāma bhagavato santike pabbajjaṁ, labheyyāma upasampadaṁ. Idāni'pi mayaṁ vipassakā kusalānaṁ dhammānaṁ pubbarattāpararattaṁ bodhapakkhiyānaṁ dhammānaṁ bhāvanānuyogamanuyuttā vihareyyāma. Sādhu bhante ānanda, bhagavato etamattaṁ ārocehī" ti. "Evamāvuso" ti kho āyasmā ānando vesālikānaṁ vajjiputtakānaṁ paṭissutvā yena bhagavā tenupasaṅkami. Upasaṅkamitvā bhagavato etamatthaṁ ārocesi.

[BJT Page 056]

2. "Aṭṭhānametaṁ ānanda, anavakāso, yaṁ tathāgato vajjīnaṁ vā vajjiputtakānaṁ vā kāraṇā sāvakānaṁ pārājikaṁ sikkhāpadaṁ paññattaṁ samūhaneyyā" ti. Atha kho bhagavā etasmiṁ nidāne etasmiṁ pakaraṇe dhammaṁ kathaṁ katvā bhikkhū āmantesi: yo pana bhikkhave bhikkhu sikkhaṁ apaccakkhāya dubbalyaṁ anāvīkatvā methunaṁ dhammaṁ patisevati, so āgato na upasampādetabbo. Yo ca kho bhikkhave bhikkhu sikkhaṁ paccakkhāya dubbalyaṁ āvīkatvā methunaṁ dhammaṁ patisevati, so āgato upasampādetabbo. Evañca pana bhikkhave imaṁ sikkhāpadaṁ uddiseyyātha".

3. "Yo pana bhikkhu bhikkhūnaṁ sikkhāsājīvasamāpanto sikkhaṁ apaccakkhāya dubbalyaṁ anāvīkatvā methunaṁ dhammaṁ patiseveyya antamaso tiracchānagatāyapi, pārājiko hoti asaṁvāso" ti.

(Tatiya paññatti)

4. Yo panāti - yo yādiso yathāyutto yathājacco yathānāmo [page 024] yathāgotto yathāsīlo yathāvihārī yathāgocaro thero vā navo vā majjhimo vā eso vuccati 'yo panā' ti.

5. Bhikkhūti - bhikkhako'ti bhikkhu, bhikkhācariyaṁ ajjhupagato'ti bhikkhu, bhinnapaṭadharo'ti bhikkhu, samaññāya bhikkhu, paṭiññāya bhikkhu, ehi bhikkhū'ti bhikkhu, tīhi saraṇagamanehi upasampanno'ti bhikkhu, bhadro bhikkhu, sāro bhikkhu, sekho bhikkhu, asekho bhikkhu, samaggena saṅghena ñatticatutthena kammena akuppena ṭhānārahena upasampanno'ti. Bhikkhu. Tatrayvāyaṁ bhikkhu samaggena saṅghena ñatticatutthena kammena akuppena ṭhānārahena upasampanno, ayaṁ imasmiṁ atthe adhippeto 'bhikkhū'ti.

6. Sikkhāti - tisso sikkhā: adhisīlasikkhā adhicittasikkhā adhipaññāsikkhā. Tatra yāyaṁ adhisīlasikkhā ayaṁ imasmiṁ atthe adhippetā 'sikkhā'ti.

7. Sājīvaṁ nāma - yaṁ bhagavatā paññattaṁ sikkhāpadaṁ, etaṁ sājīvaṁ nāma. Tasmiṁ sikkhati tena vuccati sājīvasamāpanno'ti.

[BJT Page 058]

8. Sikkhaṁ apaccakkhāya dubbalyaṁ anāvīkatvā'ti - atthi bhikkhave dubbalyāvīkammañceva hoti sikkhā ca apaccakkhātā. Atthi bhikkhave dubbalyāvīkammañceva hoti sikkhā ca paccakkhātā.

9. Kathañca bhikkhave dubbalyāvīkammañceva hoti sikkhā ca apaccakkhātā? Idha bhikkhave bhikkhu ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmakabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ buddhaṁ paccakkheyya'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

10. Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmakabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ dhammaṁ paccakkheyya'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmakabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ saṅghaṁ paccakkheyya'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmakabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ vinayaṁ paccakkheyya'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmikabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ [page 025] upajjhāyaṁ paccakkheyya'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.
Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmikabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ ācariyaṁ paccakkheyya'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmikabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ gihī assa'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.
Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmikabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yannūnāhaṁ upāsako assa'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

[BJT Page 060]

11. Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamano jigucchamāno gihībhāvaṁ patthayamāno upāsakabhāvaṁ patthayamāno ārāmikabhāvaṁ patthayamāno samāṇerabhāvaṁ patthayamāno titthiyabhāvaṁ patthayamāno titthiyasāvakabhāvaṁ patthayamāno assamaṇabhāvaṁ patthayamāno asakyaputtiyabhāvaṁ patthayamāno 'yadi panāhaṁ buddhaṁ paccakkheyya'nti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

12. Atha vā pana -pe- 'apāhaṁ buddhaṁ paccakkheyya'nti vadati viññāpeti -pe- 'apāhaṁ asakyaputtiyo assa'nti vadati viññāpeti, evampi bhikkhave dubbalyāvīkammaṁ ceva hoti sikkhā ca appaccakkhātā.

13. Atha vā pana -pe- 'handāhaṁ buddhaṁ paccakkheyya'nti vadati viññāpeti -pe-'handāhaṁ asakyaputtiyo assa'nti, vadati viññāpeti, evampi bhikkhave dubbalyāvīkammaṁ ceva hoti sikkhā ca apaccakkhātā.

14. Atha vā pana -pe- 'hoti me buddhaṁ paccakkheyya'nti vadati viññāpeti -pe- -pe- 'hoti me asakyaputtiyo assa'nti vadati viññāpeti, evampi bhikkhave dubbalyāvīkammañceva hoti sikkhā ca appaccakkhātā.

15. Athavā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamāno jigucchamāno gihībhāvaṁ patthayamāno -pe- asakyaputtiyabhāvaṁ patthayamāno 'mātaraṁ sarāmī'ti vadati viññāpeti -pe- 'pitaraṁ sarāmī'ti vadati viññāpeti, 'bhātaraṁ sarāmī' ti vadati viññāpeti, -pe'bhaginiṁ sarāmī'ti vadati viññāpeti, -pe- puttaṁ sarāmī' ti vadati viññāpeti, 'dhītaraṁ sarāmī'ti vadati viññāpeti, 'pajāpatiṁ sarāmī'ti vadati viññāpeti, -pe- 'ñātake sarāmīti' vadati viññāpeti, 'mitte sarāmī'ti vadati viññāpeti, 'gāmaṁ sarāmī'ti vadati viññāpeti, -pe- 'nigamaṁ sarāmī'ti vadati viññāpeti, -pe- 'khettaṁ sarāmī'ti vadati viññāpeti, -pe'vatthuṁ sarāmī'ti vadati viññāpeti, 'hiraññaṁ sarāmī'ti vadati viññāpeti, -pe- suvaṇṇaṁ sarāmī'ti vadati viññāpeti, -pe'sippaṁ sarāmī'ti vadati viñāpeti, -pe'pubbe hasitaṁ lapitaṁ kīḷitaṁ samanussarāmī'ti vadati viññāpeti, -pe-evampi bhikkhave [page 026] dubbalyāvīkammañceva hoti sikkhā ca apaccakkhātā.

16. Athavā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamāno jigucchamāno gihībhāvaṁ patthayamāno -pe- asakyaputtiyabhāvaṁ patthayamāno 'mātā me atthi. Sā mayā posetabbā'ti vadati viññāpeti, -pe'pitā me atthi so mayā posetabbo'ti vadati viññāpeti, -pe'bhātā me atthi. So mayā posetabbo'ti vadati viññāpeti, -pe- 'bhaginī me atthi sā mayā posetabbā'ti vadati viññāpeti, -pe- putto me atthi. So mayā posetabbo'ti vadati viññāpeti, -pe- ṭhītā me atthi. Sā mayā posetabbā'ti vadati viññāpeti, -pe- pajāpatī me atthi. Sā mayā posetabbā'ti vadati viññāpeti, -peñātakā me atthi. Te mayā posetabbā'ti vadati viññāpeti, -pemittā me atthi. Te mayā posetabbā'ti vadati viññāpeti, -pe- evampi bhikkhave dubbalyāvīkammañceva hoti, sikkhā ca apaccakkhātā.

[BJT Page 062]

17. Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamāno jigucchamāno gihībhāvaṁ patthayamāno -pe- asakyaputtiyabhāvaṁ patthayamāno 'mātā me atthi sā maṁ posessatī'ti vadati viññāpeti, -pe- 'pitā me atthi so maṁ posessatī'ti vadati viññāpeti, -pe- 'bhātā me atthi so maṁ posessatī'ti vadati viññāpeti, -pe- bhaginī me atthi sā maṁ posessatī'ti vadati viññāpeti, -pe-putto me atthi so maṁ posessatī' vadati viññāpeti, -pe- ṭhītā me atthi sā maṁ posessatī'ti vadati viññāpeti, -pepajāpatī me atthi sā maṁ posessatī'ti vadati viññāpeti, -peñātakā me atthi te maṁ posessanti'ti vadati viññāpeti, -pemittā me atthi te maṁ posessantī' ti vadati viññāpeti, -pegāmo me atthi tenāhaṁ jīvissāmī'ti vadati viññāpeti, -pe'nigamo me atthi tenāhaṁ jīvissāmī'ti vadati viññāpeti, -pe- 'khettaṁ me atthi tenāhaṁ jīvissāmī'ti vadati viññāpeti, -pe- 'vatthu me atthi tenāhaṁ jīvissāmī'ti vadati viññāpeti, -pe-hiraññaṁ me atthi tenāhaṁ jīvissāmi'ti vadati viññāpeti, -pe- 'suvaṇṇaṁ me atthi tenāhaṁ jīvissāmī'ti vadati viññāpeti. -Pe- sippaṁ me atthi tenāhaṁ jīvissāmī'ti vadati viññāpeti, evampi bhikkhave dubbalyāvīkammañceva hoti sikkhā ca apaccakkhātā.

18. Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamāno jigucchamāno gihībhāvaṁ patthayamāno -pe- asakyaputtiyabhāvaṁ patthayamāno 'dukkara'nti vadati viññāpeti - 'na sukara'nti vadati viññāpeti, 'duccara'nti vadati viññāpeti, - 'na sucara'nti vadati viññāpeti, - 'na ussahāmī'ti vadati viññāpeti, - 'na visahāmī'ti vadati viññāpeti, -'na ramāmī'ti vadati viññāpeti, -pe- 'na abhiramāmī'ti vadati viññāpeti, evampi kho bhikkhave dubbalyāvīkammañceva hoti sikkhā ca apaccakkhātā.

19. Kathañca bhikkhave dubbalyāvīkammañceva hoti sikkhā ca paccakkhātā? Idha bhikkhave bhikkhu ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamāno jigucchamāno gihībhāvaṁ patthayamāno -pe- asakyaputtiyabhāvaṁ patthayamāno 'buddhaṁ paccakkhāmī'ti vadati viññāpeti, evampi bhikkhave dubbalyāvīkammañceva hoti sikkhā ca paccakkhātā.

[BJT Page 064]

20. Atha vā pana ukkaṇṭhito anabhirato sāmaññā cavitukāmo bhikkhubhāvaṁ aṭṭīyamāno harāyamāno jigucchamāno gihībhāvaṁ patthayamāno -pe-asakyaputtiyabhāvaṁ patthayamāno 'dhammaṁ paccakkhāmī'ti vadati viññāpeti, - [PTS Page 027 ']saṅghaṁ paccakkhāmī'ti vadati viññāpeti, 'sikkhaṁ paccakkhāmī'ti vadati viññāpeti, - 'vinayaṁ paccakkhāmī'ti vadati viññāpeti, 'pātimokkhaṁ paccakkhāmī'ti vadati viññāpeti, - 'uddesaṁ paccakkhāmī'ti vadati viññāpeti, - 'upajjhāyaṁ paccākkhāmī'ti vadati viññāpeti, - 'ācariyaṁ paccakkhāmī'ti vadati viññāpeti, -'saddhivihārikaṁ paccakkhāmī'ti vadati viññāpeti, 'antevāsikaṁ paccakkhāmī'ti vadati viññāpeti, - 'samānupajjhāyakaṁ paccakkhāmī'ti vadati viññāpeti, - 'samānācariyakaṁ paccakkhāmī' ti vadati viññāpeti, - 'sabrahmacāriṁ paccakkhāmī'ti vadati viññāpeti, - 'gihī ti maṁ dhārehī'ti vadati viññāpeti, - 'upāsako ti maṁ dhārehīti' vadati viññāpeti, - 'ārāmiko ti maṁ dhārehī'ti vadati viññāpeti, - 'sāmaṇero ti maṁ dhārehī' ti vadati viññāpeti, - 'titthiyo ti maṁ dhārehī'ti vadati viññāpeti, 'titthiyasāvako ti maṁ dhārehī'ti vadati viññāpeti, - 'assamaṇoti maṁ dhārehī'ti vadati viññāpeti, -pe- asakyaputtiyo ti maṁ dhārehī' ti vadati viññāpeti, evampi bhikkhave dubbalyāvīkammañceva hoti sikkhā ca paccakkhātā.

21. Atha vā pana ukkaṇaṭhito anabhirato sāmaññā cavitukāmo bhikkhubhāvaṁ aṭṭīyamāno harāyamāno jigucchamāno gihībhāvaṁ patthayamāno -pe-asakyaputtiyabhāvaṁ patthayamāno 'alaṁ me buddhenā'ti vadati viññāpeti, -pe- 'alaṁ me sabrahmacārīhī' ti vadati viññāpeti, evampi -pe- sikkhā ca paccakkhātā.

22. Atha vā pana -pe- 'kinnu me buddhenā'ti vadati viññāpeti, -pe- 'kinnu me sabrahmacārīhī'ti vadati viññāpeti, evampi -pe-sikkhā ca paccakkhātā.

23. Atha vā pana -pe- 'na mamattho buddhenā'ti vadati viññāpeti, -pe-namamattho sabrahmacārīhī'ti vadati viññāpeti, evampi -pe-sikkhā ca paccakkhātā.

24. Atha vā pana -pe- 'sumutto haṁ buddhenā'ti vadati viññāpeti, -pe-sumutto haṁ sabrahmacārīhī'ti vadati viññāpeti, evampi bhikkhave dubbalyāvīkammañceva hoti sikkhā ca paccakkhātā.

25. Yāni vā panaññāni'pi atthi buddhavevacanāni vā dhammavevacanāni vā saṅghavevacanāni vā sikkhāvevacanāni vā vinayavevacanāni vā pātimokkhavevacanāni vā uddesavevacanāni vā upajjhāyavevacanāni vā ācariyavevacanāni vā saddhivihārikavevacanāni vā antevāsikavevacanāni vā samānupajjhāyakavevacanāni vā samānācariyakavevacanāni vā sabrahmacārivevacanāni vā gihīvevacanāni vā upāsakavevacanāni vā ārāmikadavecanāni vā sāmaṇeravecanāni vā titthiyavecanāni vā titthiyasāvakavevacanāni vā assamaṇavecanāni vā asakyaputtiyavevacanāni vā tehi ākārehi tehi liṅgehi tehi nimittehi vadati viññāpeti, evaṁ kho bhikkhave dubbalyāvīkammañceva hoti sikkhā ca paccakkhātā.

[BJT Page 066]

26. Kathañca bhikkhave apaccakkhātā hoti sikkhā? Idha bhikkhave yehi ākārehi yehi liṅgehi yehi nimittehi sikkhā paccakkhātā hoti, tehi ākārehi tehi liṅgehi tehi nimittehi ummattako sikkhaṁ paccakkhāti. Apaccakkhātā hoti sikkhā. Ummattakassa santike sikkhaṁ paccakkhāti, apaccakkhātā hoti sikkhā.

Khittacitto sikkhaṁ paccakkhāti, apaccakkhātā hoti sikkhā. Khittacittassa santike sikkhaṁ paccakkhāti, apaccakkhātā hoti sikkhā.
Vedanaṭṭo sikkhaṁ paccakkhāti, apaccakkhātā hoti sikkhā. Vedanaṭṭassa santike sikkhaṁ paccakkhāti, apaccakkhātā hoti sikkhā.
Devatāya santiye sikkhaṁ paccakkhāti, apaccakkhātā hoti sikkhā. Tiracchānagatassa santike sikkhaṁ paccakkhāti, apaccakkhātā hoti sikkhā.
Ariyakena milakkhassa santike sikkhaṁ paccakkhāti, so ca na paṭivijānāti, apaccakkhātā hoti sikkhā. Milakkhakena ariyakassa santike sikkhaṁ paccakkhāti, so ca na paṭivijānāti, apaccakkhātā hoti sikkhā. Ariyakena ariyakassa santike sikkhaṁ paccakkhāti, so ca na paṭivijānāti, apaccakkhātā hoti sikkhā. Milakkhakena [page 028] milakkhakassa santike sikkhaṁ paccakkhāti, so ca na paṭivijānāti, apaccakkātā hoti sikkhā. Davāya sikkhaṁ paccakkhāti, apaccakkhātā hoti sikkhā. Ravāya sikkhaṁ paccakkhāti, apaccakkhātā hoti sikkhā. Asāvetukāmo sāveti, apaccakkhātā hoti sikkhā. Sāvetukāmo na sāveti, apaccakkhātā hoti sikkhā. Aviññussa sāveti, apaccakkhātā hoti sikkhā. Viññussa na sāveti, apaccakkhātā hoti sikkhā. Sabbaso vā pana na sāveti, apaccakkhātā hoti sikkhā. Evaṁ kho bhikkhave apaccākkhātā hoti sikkhā.

27. Methunadhammo nāma: yo so asaddhammo gāmadhammo vasaladhammo duṭṭhullaṁ odakantikaṁ rahassaṁ dvayaṁ dvayasamāpatti, eso methunadhammo nāma.

28. Patisevati nāma: yo nimittena nimittaṁ aṅgajātena aṅgajātaṁ antamaso tilaphalamattampi paveseti, eso patisevati nāma.

29. Antamaso tiracchānagatāyapī ti - tiracchānagatitthiyāpi methunaṁ dhammaṁ patisevitvā assamaṇo hoti asakyaputtiyo, pageva manussitthiyā. Tena vuccati 'antamaso tiracchānagatāyapī'ti.

[BJT Page 068]

30. Pārājiko hotī ti - seyyathāpi nāma puriso sīsacchinno abhabbo tena sarīrabandhanena jīvituṁ, evameva bhikkhu methunaṁ dhammaṁ patisevitvā assamaṇo hoti asakyaputtiyo. Tena vuccati pārājiko hotīti.

31. Asaṁvāso'ti - saṁvāso nāma ekaṁ kammaṁ ekuddeso samasikkhatā. Eso saṁvāso nāma. So tena saddhiṁ natthi. Tena vuccati asaṁvāso'ti.

32. Tisso itthiyo: manussitthi, amanussitthi, tiracchānagatitthi. Tayo ubhatobyañjanakā: manussubhatobyañjanako, amanussubhatobyañjanako, tiracchānagatubhatobyañjanako. Tayo paṇḍakā: manussapaṇḍako amanussapaṇḍako, tiracchānagatapaṇḍako. Tayo purisā: manussapuriso amanussapuriso tiracchānagatapuriso.

33. Manussitthiyā tayo magge methunaṁ dhammaṁ patisevantassa 1. Āpatti pārājikassa: vaccamagge passāvamagge mukhe.
Amanussitthiyā tayo magge methunaṁ dhammaṁ patisevantassa āpatti pārājikassa: vaccamagge passāvamagge mukhe.
Tiracchānagatitthiyā tayo magge methunaṁ dhammaṁ patisevantassa-1. Āpatti pārājikassa: vaccamagge passāvamagge mukhe.
Manussubhatobyañjanakassa tayo magge methunaṁ dhammaṁ patisevantassa āpatti pārājikassa: vaccamagge passāvamagge mukhe.
Tiracchānagatubhatobyañjanakassa tayo magge methunaṁ dhammaṁ patisevantassa 1. Āpatti pārājikassa: vaccamagge passāvamagge mukhe.
Manussubhatobyañjanakassa tayo magge methunaṁ dhammaṁ patisevantassa āpatti pārājikassa: vaccamagge passāvamagge mukhe.

34. Manussapaṇḍakassa dve magge methunaṁ dhammaṁ patisevantassa 1. Āpatti pārājikassa: passāvamagge mukhe.
Amanussapaṇḍakassa dve magge methunaṁ dhammaṁ patisevantassa āpatti pārājikassa: passāvamagge mukhe.
Tiracchānagatapaṇḍakassa dve magge methunaṁ dhammaṁ patisevantassa āpatti pārājikassa: passāvamagge mukhe.
Manussapurisassa dve magge methunaṁ dhammaṁ patisevantassa āpatti pārājikassa: passāvamagge mukhe.
Amanussapurisassa dve magge methunaṁ dhammaṁ patisevantassa āpatti pārājikassa: passāvamagge mukhe.
Tiracchānagatapurisassa dve magge methunaṁ dhammaṁ patisevantassa 1. Āpatti pārājikassa: passāvamagge mukhe.
[page 029]
35. Bhikkhussa sevanacittaṁ upaṭṭhite manussitthiyā vaccamaggaṁ aṅgajātaṁ pavesentassa 2. Āpatti pārājikassa.
Bhikkhussa sevanacittaṁ upaṭṭhite manussitthiyā passāvamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite manussitthiyā mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussitthiyā vaccamaggaṁ aṅgajātaṁ pavesentassa-2. Āpatti pārājikassa.
Bhikkhussa sevanacittaṁ upaṭṭhite amanussitthiyā passāvamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussitthiyā mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatitthiyā vaccamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatitthiyā passāvamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatitthiyā mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite manussubhatobyañjanakassa vaccamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite manussabhatobyañjanakassa passāvamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite manussabhatobyañjanakassa mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussubhatobyañjanakassa vaccamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussabhatobyañjanakassa passāvamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussabhatobyañjanakassa mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatubhatobyañjanakassa vaccamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatubhatobyañjanakassa passāvamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatubhatobyañjanakassa mukhaṁ aṅgajātaṁ pavesentassa āpatti pārājikassa.

36. Bhikkhussa sevanacittaṁ upaṭṭhite manussapaṇḍakassa vaccamaggaṁ aṅgajātaṁ pavesentassa 2. Āpatti pārājikassa.
Bhikkhussa sevanacittaṁ upaṭṭhite manussapaṇḍakassa mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussapaṇḍakassa vaccamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussapaṇḍakassa mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatapaṇḍakassa vaccamaggaṁ aṅgajātaṁ pavesentassa āpatti pārājikassa.

Bhikkhussa sevanacittaṁ upaṭṭhite tiracchānagatapaṇḍakassa mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite manussapurisassa vaccamaggaṁ aṅgajātaṁ pavesentassa āpatti pārājikassa.

Bhikkhussa sevanacittaṁ upaṭṭhite manussapurisassa mukhaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussapurisassa vaccamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite amanussapurisassa mukhaṁ aṅgajātaṁ
Pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatapurisassa vaccamaggaṁ aṅgajātaṁ pavesentassa āpatti pārājikassa.
Bhikkhussa sevanacittaṁ upaṭṭhite tiracchānagatapurisassa mukhaṁ aṅgajātaṁ pavesentassa āpatti pārājikassa.

------------------------
1. Patiseventassa, sī, 2. Pavesantassa - machasaṁ.

[BJT Page 070]

37. Bhikkhupaccatthikā manussitthiṁ bhikkhussa santike-1. Ānetvā vaccamaggena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike-1. Ānetvā vaccamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā vaccamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā vaccamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharanaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike-1. Ānetvā vaccamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharaṇaṁ na sādiyati, anāpatti.

38. Bhikkhupaccatthikā manussitthiṁ bhikkhussa santike ānetvā passāvamaggena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā passāvamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā passāvamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā passāvamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharanaṁ sādiyati, āpatti pārājikassa. Bhikkhupaccatthikā manussitthaṁ bhikkhussa santike ānetvā passāvamaggena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharaṇaṁ na sādiyati, anāpatti.

Bhikkhupaccatthikā manussitthiṁ bhikkhussa santike ānetvā mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā mukhena aṅgajātaṁ abhinisīdenti. So ce pavesanaṁ na sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā mukhena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā manussitthiṁ bhikkhussa santike ānetvā mukhena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharanaṁ sādiyati, āpatti pārājikassa. Bhikkhupaccatthikā manussitthaṁ bhikkhussa santike ānetvā mukhena aṅgajātaṁ abhinisīdenti. So ce pavesanaṁ na sādiyati, paviṭṭhaṁ na sādiyati, ṭhitaṁ na sādiyati, uddharaṇaṁ na sādiyati, anāpatti.

39. Bhikkhupaccatthikā manussitthiṁ jāgarantiṁ -pe- suttaṁ -pe-mattaṁ -pe-ummattaṁ -pe- pamattaṁ -pe- mataṁ akkhayitaṁ -pe-mataṁ yebhuyyena akkhayitaṁ -pe-sādiyati, āpatti pārājikassa -pe- na sādiyati anāpatti.

40. Bhikkhupaccatthikā manussitthiṁ mataṁ yebhuyyena khayitaṁ bhikkhussa santike ānetvā vaccamaggena -pe- passāvamaggena -pe-mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa, bhikkhupaccatthikā -pe- na sādiyati, anāpatti.

41. Bhikkhupaccatthikā amanussitthiṁ -pe- tiracchānagatitthiṁ -pe-manussabhatobyañjanakaṁ -pe- amanussubhatobyañjanakaṁ -pe-tiracchānagatubhatobyañjanakaṁ bhikkhussa santike ānetvā vaccamaggena -pe-passāvamaggena -pe- mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharanaṁ sādiyati, āpatti pārājikassa. Bhikkhupaccatthikā -pe- na sādiyati, anāpatti.

42. Bhikkhupaccatthikā -pe- tiracchānagatubhatobyañjanakaṁ jāgarantaṁ -pe- suttaṁ -pe- mattaṁ -pe- ummattaṁ -pe-pamattaṁ -pe- mataṁ akkhayitaṁ -pe- mataṁ yebhuyyena akkhayitaṁ -pe- sādiyati, āpatti pārājikassa. -Pe- na sādiyati, anāpatti.

-------------------------
1. Santikaṁ, machasaṁ li.
[BJT Page 072]

43. Bhikkhupaccatthikā -pe- tiracchānagatubhatobyañjanakaṁ mataṁ yebhuyyena khayitaṁ bhikkhussa [page 031] santike ānetvā vaccamaggena -pe-passāvamaggena -pe- mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā -pe-na sādiyati, anāpatti.

44. Bhikkhupaccatthikā manussapaṇḍakaṁ -pe- amanussapaṇḍakaṁ -pe-tiracchānagatapaṇḍakaṁ bhikkhussa santike ānetvā vaccamaggena -pe- mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa bhikkhupaccatthikā -pe- na sādiyati, anāpatti.

45. Bhikkhupaccatthikā -pe- tiracchānagatapaṇḍakaṁ jāgarantaṁ -pe-suttaṁ -pe- mattaṁ -pe- ummattaṁ -pe- pamattaṁ -pe-mataṁ akkhayitaṁ -pe- mataṁ yebhuyyena akkhayitaṁ -pe-sādiyati, āpatti pārājikassa. -Pe- na sādiyati anāpatti.

46. Bhikkhupaccatthikā -pe- tiracchānagata paṇḍakaṁ mataṁ yebhuyyena khayitaṁ bhikkhussa santike ānetvā vaccamaggena -pe- mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā -pe- na sādiyati anāpatti.

47. Bhikkhupaccatthikā manussapurisaṁ -pe- amanussapurisaṁ -pe -tiracchānagatapurisaṁ bhikkhussa santike 1. Ānetvā vaccamaggena -pe- mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa bhikkhupaccatthikā -pe- na sādiyati anāpatti.

48. Bhikkhupaccatthikā -pe- tiracchānagatapurisaṁ jāgarantaṁ -pe-suttaṁ -pe- mattaṁ -pe- ummattaṁ -pe- pamattaṁ -pe-mataṁ akkhayitaṁ -pe- mataṁ yebhuyyena akkhayitaṁ -pe-sādiyati, āpatti pārājikassa -pe- na sādiyati, anāpatti.

49. Bhikkhupaccatthikā -pe- tiracchānagata purisaṁ mataṁ yebhuyyena khayitaṁ bhikkhussa santike ānetvā vaccamaggena -pe- mukhena aṅgajātaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā -pe- na sādiyati, anāpatti.

50. Bhikkhupaccatthikā manussitthiṁ bhikkhussa santike ānetvā vaccamaggena -pe-passāvamaggena -pe- mukhena aṅgajātaṁ abhinisīdenti. Santhatāya asanthatassa -pe-asanthatāya santhassa -pe-santhāya santhatassa -pe- asanthatāya asanthatassa. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā -pe- na sādiyati anāpatti.

1. Santikaṁ cha. Sa.

[BJT Page 074]

51. Bhikkhupaccatthikā manussitthiṁ jāgarantiṁ -pe- suttaṁ -pe-mattaṁ -pe- ummattaṁ -pe- pamattaṁ -pe- mataṁ akkhayitaṁ -pe- mataṁ yebhuyyena akkhayitaṁ -pe- sādiyati, āpatti pārājikassa -pe- na sādiyati, anāpatti.

52. Bhikkhupaccatthikā manussitthiṁ -pe- amanussitthiṁ -pe-tiracchānagatitthiṁ mataṁ yebhuyyena khayitaṁ bhikkhussa santike ānetvā vaccamaggena -pe- passāvamaggena -pe-mukhena aṅgajātaṁ abhinisīdenti, santhatāya asanthatassa -pe- asanthatāya santhatassa -pe-santhatāya santhatassa -pe- asanthatāya asanthatassa. -Pe- so ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā -pe- na sādiyati, anāpatti.

53. Bhikkhupaccatthikā manussubhatobyañjanakaṁ -pe-amanussubhatobyañjanakaṁ -pe-tiracchānagatubhatobyañjanakaṁ bhikkhussa santike ānetvā vaccamaggena -pe-passāvamaggena -pe- mukhena aṅgajātaṁ abhinisīdenti, santhatassa asanthatassa -pe-asanthatassa santhatassa -pe- santhatassa santhatassa -peasanthatassa asanthatassa -pe- so ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā -pe- na sādiyati anāpatti.

54. Bhikkhupaccatthikā -pe- tiracchānagatubhatobyañjanakaṁ jāgarantaṁ -pe- suttaṁ -pemattaṁ -pe- ummattaṁ -pe-pamattaṁ -pe- mataṁ akkhayitaṁ -pe- mataṁ yebhuyyena akkhayitaṁ -pe-āpatti pārājikassa.

55. Bhikkhupaccatthikā -pe- mataṁ yebhuyyena khayitaṁ bhikkhussa santike ānetvā vaccamaggena -pe- passāvamaggena -pe-mukhena aṅgajātaṁ abhinisīdenti, santhatassa asanthatassa -pe-asantatassa santhatassa, -pe-santhatassa santhatassa -pe- so ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā -pena sādiyati, anāpatti.

56. Bhikkhupaccatthikā manussapaṇḍakaṁ -pe- amanussapaṇḍakaṁ -pe-tiracchānagatapaṇḍakaṁ -pe- manussapurisaṁ -pe- amanussapurisaṁ -pe- tiracchānagatapurisaṁ bhikkhussa santike ānetvā vaccamaggena -pe- mukhena aṅgajātaṁ abhinisīdenti- santhatassa asanthatassa - asanthatassa santhatassa - santhatassa santhatassa- asanthatassa asanthatassa -pe- so ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhu paccatthikā -pe- na sādiyati, anāpatti.

57. Bhikkhupaccatthikā manussapaṇḍakaṁ -pe- tiracchānagatapurisaṁ jāgarantaṁ -pe- suttaṁ -pe- mattaṁ -pe- ummattaṁ -pe-pamattaṁ -pe- mataṁ akkhayitaṁ -pe- mataṁ yebhuyyena akkhayitaṁ -pe-sādiyati, āpatti pārājikassa. Bhikkhu paccatthikā -pe- na sādiyati, anāpatti.

[BJT Page 076]

58. Bhikkhupaccatthikā -pe- tiracchānagata purisaṁ mataṁ yebhuyyena khayitaṁ bhikkhussa santike ānetvā vaccamaggena -pe- mukhena aṅgajātaṁ abhinisīdenti, santhatassa asanthatassa, -pe- asanthatassa santhatassa, -pe- santhatassa santhatassa, -pe- asanthatassa asanthatassa. -Pe- so ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharanaṁ [page 032] sādiyati, āpatti thullaccayassa. Bhikkhupaccatthikā -pe- na sādiyati anāpatti.
59. Bhikkhupaccatthikā bhikkhuṁ manussitthiyā santike ānetvā aṅgajātena vaccamaggaṁ -pe- passāvamaggaṁ -pe- mukhaṁ abhinisīdenti, so ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā -pe- na sādiyati, anāpatti.

60. Bhikkhupaccatthikā bhikkhuṁ manussitthiyā jāgarantiyā -pe-suttāya -pe- mattāya -pe- ummattāya -pe- pamattāya -pe-matāya akkhayitāya, -pe- matāya yebhuyyena akkhayitāya -pe-sādiyati, āpatti pārājikassa, bhikkhu paccatthikā bhikkhuṁ -pe- na sādiyati, anāpatti.

61. Bhikkhupaccatthikā bhikkhuṁ -pe- manussitthiyā matāya yebhuyyena khayitāya santike ānetvā aṅgajātena vaccamaggaṁ -pe-passāvamaggaṁ -pe- mukhaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā bhikkhuṁ -pe- na sādiyati, anāpatti.

62. Bhikkhupaccatthikā bhikkhuṁ amanussitthiyā -pe-tiracchānagatitthiyā -pe-manussubhatobyañjanakassa -pe-amanussubhatobyañjanakassa -pe-tiracchānagatubhatobyañjanakassa -pe-manussapaṇḍakassa -pe-amanussapaṇḍakassa -pe-tiracchānagatapaṇḍakassa -pe-manussapurisassa -pe- amanussapurisassa -pe-tiracchānagatapurisassa santike ānetvā aṅgajātena vaccamaggaṁ -pe- mukhaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā bhikkhuṁ -pe- na sādiyati, anāpatti.
63. Bhikkhupaccatthikā bhikkhuṁ -pe- tiracchānagatapurisassa jāgarantassa -pe- suttassa -pe- mattassa -pe- ummattassa -pe- pamattassa -pe- matassa akkhayitassa -pe-matassa yebhuyyena akkhayitassa -pe-sādiyati, āpatti pārājikassa. Bhikkhu paccatthikā bhikkhuṁ -pe- na sādiyati, anāpatti.

64. Bhikkhupaccatthikā bhikkhuṁ -pe- tiracchānagatapurisassa matassa yebhuyyena khayitassa santike ānetvā aṅgajātena vaccamaggaṁ -pe-mukhaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā bhikkhuṁ -pe- na sādiyati, anāpatti.

65. Bhikkhupaccatthikā bhikkhuṁ manussitthiyā santike ānetvā aṅgajātena vaccamaggaṁ -pe- passāvamaggaṁ -pe- mukhaṁ abhinīsīdenti. Santhatassa asanthatāya -pe- asanthatassa santhatāya -pe-santhatassa santāya -pe- asanthatassa asanthatāya -pe-so ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā -pe-na sādiyati, anāpatti.

[BJT PAGE 078 66.] Bhikkhupaccatthikā bhikkhuṁ manussitthiyā jāgarantiyā -pe-suttāya -pe- mattāya -pe- ummattāya -pe-pamattāya -pe-matāya akkhayitāya, -pe- matāya yebhuyyena akkhayitāya -pe-sādiyati, āpatti pārājikassa, bhikkhu paccatthikā bhikkhuṁ -pe- na sādiyati, anāpatti.

67. Bhikkhupaccatthikā bhikkhuṁ -pe- manussitthiyā matāya yebhuyyena khayitāya santike ānetvā [page 033] aṅgajātena vaccamaggaṁ -pe-passāvamaggaṁ -pe- mukhaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā bhikkhuṁ -pe- na sādiyati, anāpatti.

68. Bhikkhupaccatthikā bhikkhuṁ amanussitthiyā -pe-tiracchānagatitthiyā -pe-manussubhatobyañjanakassa -pe-amanussubhatobyañjanakassa -pe-tiracchānagatubhatobyañjanakassa -pe-manussapaṇḍakassa -pe-amanussapaṇḍakassa -pe-tiracchānagatapaṇḍakassa -pe-manussapurisassa -pe- amanussapurisassa -pe-tiracchānagatapurisassa santike ānetvā aṅgajātena vaccamaggaṁ -pe- mukhaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti pārājikassa. Bhikkhupaccatthikā bhikkhuṁ -pe- na sādiyati, anāpatti.
69. Bhikkhupaccatthikā bhikkhuṁ -pe- tiracchānagatapurisassa jāgarantassa -pe- suttassa -pe- mattassa -pe- ummattassa -pe- pamattassa -pe- matassa akkhayitassa -pe-matassa yebhuyyena akkhayitassa -pe-sādiyati, āpatti pārājikassa. Bhikkhu paccatthikā bhikkhuṁ -pe- na sādiyati, anāpatti.

70. Bhikkhupaccatthikā bhikkhuṁ -pe- tiracchānagatapurisassa matassa yebhuyyena khayitassa santike ānetvā aṅgajātena vaccamaggaṁ -pe-mukhaṁ abhinisīdenti. So ce pavesanaṁ sādiyati, paviṭṭhaṁ sādiyati, ṭhitaṁ sādiyati, uddharaṇaṁ sādiyati, āpatti thullaccayassa. Bhikkhupaccatthikā bhikkhuṁ -pe- na sādiyati, anāpatti.

71. Rājapaccatthikā -pe- corapaccatthikā -pe-dhuttapaccatthikā -pe-uppalagandhapaccatthikā -pe- āpatti -pe-anāpatti (bhikkhu paccatthikesu viya vitthāretabbaṁ) (santhataṁ vaṇṇita meva. )

72. Maggena maggaṁ paveseti, āpatti pārājikassa. Maggena amaggaṁ paveseti, āpatti pārājikassa. Amaggena maggaṁ paveseti, āpatti pārājikassa. Amaggena amaggaṁ paveseti, āpatti thullaccayassa.
.
[BJT PAGE 080 73.] Bhikkhu suttabhikkhumhi vippaṭipajjati, paṭibuddho sādiyati, ubho nāsetabbā. Paṭibuddho na sādiyati, dūsako nāsetabbo.

74. Bhikkhu suttasāmaṇeramhi vippaṭipajjati, paṭibuddho sādiyati, ubho nāsetabbā. Paṭibuddho na sādiyati, dūsako nāsetabbo.

75. Sāmaṇero suttabhikkhumhi vippaṭipajjati, paṭibuddho sādiyati, ubho nāsetabbā. Paṭibuddho na sādiyati, dūsako nāsetabbo.

76. Sāmaṇero suttasāmaṇeramhi vippaṭipajjati, paṭibuddho sādiyati, ubho nāsetabbā. Paṭibuddho na sādiyati, dūsako nāsetabbo.

77. Anāpatti ajānantassa asādiyantassa ummattakassa khittacittassa vedanaṭṭhassa ādikammikassāti.

Santhata bhāṇavāro niṭṭhito.

Vinītavatthu

Uddānagāthā:

Makkaṭī vajjiputtā ca gihī naggo va titthiyā,
Dārikuppalavaṇṇā ca byañjanehi pare duve.

Mātā dhītā bhaginī ca chāyā ca mūdulambino,
[page 034] dve vaṇālepacittañca dārudhītalikāya ca.

Sundarena saha pañca pañca sīvathikaṭṭhikā,
Nāgī yakkhī ca petī ca paṇḍakopahato chupe.

Bhaddiye arahaṁ sutto sāvatthiyā caturo pare,
Vesāliyā tayo mallā supine bhārukacchako.

Supabbā saddhā bhikkhunī sikkhamānā sāmaṇerī ca,
Vesiyā paṇḍako gihī aññamaññaṁ buḍḍhapabbajito migo ti.

1. Tena kho pana samayena aññataro bhikkhu makkaṭiyā methunaṁ dhammaṁ patisevi. Tassa kukkuccaṁ ahosi. Bhagavatā sikkhāpadaṁ paññattaṁ. Kacci nu kho ahaṁ pārājikaṁ āpattiṁ āpanto'ti. Bhagavato etamatthaṁ ārocesi. -Pe- āpattiṁ tvaṁ bhikkhu āpanno pārājikanti. (1)

2. Tena kho pana samayena sambahulā vesālikā vajjiputtakā bhikkhu sikkhaṁ apaccakkhāya dubbalyaṁ anāvīkatvā methunaṁ dhammaṁ patiseviṁsu. Tesaṁ kukkuccaṁ ahosi: bhagavatā sikkhāpadaṁ paññattaṁ. Kacci nu kho mayaṁ pārājikaṁ āpattiṁ āpannā'ti. Bhagavato etamatthaṁ ārocesuṁ -pe- āpattiṁ tumhe bhikkhave āpannā pārājikanti. (2)
[BJT Page 082]

3. Tena kho pana samayena aññataro bhikkhu evaṁ me anāpatti bhavissatīti gihīliṅgena methunaṁ dhammaṁ patisevi. Tassa kukkuccaṁ ahosi. -Pe- "āpattiṁ tvaṁ bhikkhu āpanno pārājika"nti.

4. Tena kho pana samayena aññataro bhikkhu evaṁ me anāpatti bhavissatīti naggo hutvā methunaṁ dhammaṁ patisevi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (4)

5. Tena kho pana samayena aññataro bhikkhu evaṁ me anāpatti bhavissatīti kusacīraṁ nivāsetvā -pe- vākacīraṁ nivāsetvā -pe-phalakacīraṁ nivāsetvā -pe-kesakambalaṁ nivāsetvā -pe-vālakambalaṁ nivāsetvā -pe- ulūkapakkhaṁ nivāsetvā -pe-ajinakkhipaṁ nivāsetvā methunaṁ dhammaṁ patisevi. Tassa kukkuccaṁ ahosi. -Pe"āpattiṁ tvaṁ bhikkhu āpanno pārājika"nti. (5-11)

6. Tena kho pana samayena aññataro piṇḍacāriko bhikkhu pīṭhake nipannaṁ dārikaṁ passitvā sāratto aṅguṭṭhaṁ aṅgajātaṁ pavesesi. Sā kālamakāsi. Tassa kukkuccaṁ ahosi. -Pe"anāpatti bhikkhu pārājikassa. Āpatti saṅghādisesassā"ti. (12)
7. [page 035] tena kho pana samayena aññataro māṇavako uppalavaṇṇāya bhikkhuniyā paṭibaddhacitto hoti. Atha kho so māṇavako uppalavaṇṇāya bhikkhuniyā gāmaṁ piṇḍāya paviṭṭhāya kuṭikaṁ pavisitvā nilīno acchi. Uppalavaṇṇā bhikkhunī pacchābhattaṁ piṇḍapātapaṭikkantā pāde pakkhāletvā kuṭikaṁ pavisitvā mañcake nisīdi. Atha kho so māṇavako uppalavaṇṇaṁ bhikkhuniṁ uggahetvā dusesi. Uppalavaṇṇā bhikkhunī bhikkhunīnaṁ etamatthaṁ ārocesi. Bhikkhuniyo bhikkhūnaṁ ekamatthaṁ ārocesuṁ bhikkhu bhagavato etamatthaṁ ārocesuṁ. -Pe"anāpatti bhikkhave asādiyantiyā" ti. (13)

8. Tena kho pana samayena aññatarassa bhikkhuno itthiliṅgaṁ pātubhūtaṁ hoti. Bhagavato etamatthaṁ ārocesuṁ "anujānāmi bhikkhave taññeva upajjhaṁ, tameva upasampadaṁ, tāni vassāni, bhikkhunīhi saṅkamituṁ, yā āpattiyo bhikkhunaṁ bhikkhūnīhi sādhāraṇā, tā āpattiyo bhikkhunīnaṁ santike vuṭṭhātuṁ, yā āpattiyo bhikkhūnaṁ bhikkhūnīhi asādhāraṇā tāhi āpattīhi anāpattī" ti. (14)

9. Tena kho pana samayena aññatarassā bhikkhuniyā purisaliṅgaṁ pātubhūtaṁ hoti. Bhagavato etamattaṁ ārocesuṁ. "Anujānāmi bhikkhave taññeva upajjhaṁ, tameva upasampadaṁ, tāni vassāni, bhikkhūhi saṅkamituṁ, yā āpattiyo bhikkhunīnaṁ bhikkhūhi sādhāraṇā tā āpattiyo bhikkhūnaṁ santike vuṭṭhātuṁ, yā āpattiyo bhikkhūnīnaṁ bhikkhūhi asādhāraṇā, tāhi āpattīhi anāpattī" ti. (15)

[BJT Page 084]

10. Tena kho pana samayena aññataro bhikkhu evaṁ me anāpatti bhavissatīti mātuyā methunaṁ dhammaṁ patisevi -pe- dhītuyā methunaṁ dhammaṁ patisevi. Tassa kukkuccaṁ ahosi. Bhagavato etamatthaṁ ārocesi -pe- "āpattiṁ tvaṁ bhikkhu āpanno pārājika"nti. (16-18)

11. Tena kho pana samayena aññataro bhikkhu purāṇadutiyikāya methunaṁ dhammaṁ patisevi. Tassa kukkuccaṁ ahosi -pe"āpattiṁ tvaṁ bhikkhu āpanno pārājika"nti. (19)
12. Tena kho pana samayena aññataro bhikkhu mudupiṭṭhiko hoti. So anabhiratiyā pīḷito attano aṅgajātaṁ mukhena aggahesi. Tassa kukkuccaṁ ahosi -pe"āpattiṁ tvaṁ bhikkhu āpanno pārājika"nti. (20)

13. Tena kho pana samayena aññataro bhikkhu lambī hoti. So anabhiratiyā pīḷito attano aṅgajātaṁ attano vaccamaggaṁ pavesesi. Tassa kukkuccaṁ ahosi -pe"āpattiṁ tvaṁ bhikkhu āpanno pārājika"nti.

14. [page 036] tena kho pana samayena aññataro bhikkhu matasarīraṁ 1. Passi. Tasmiñca sarīre aṅgajātasāmantā vaṇo hoti. So evaṁ me anāpatti bhavissatīti aṅgajāte aṅgajātaṁ pavesetvā vaṇena nīhari. Tassa kukkuccaṁ ahosi -pe"āpattiṁ tvaṁ bhikkhu āpanno pārājika"nti. (22)

15. Tena kho pana samayena aññataro bhikkhu matasarīraṁ-1. Passi, tasmiñca sarīre aṅgajātasāmantā vaṇo hoti. So evaṁ me anāpatti bhavissatīti vaṇe aṅgajātaṁ pavesetvā aṅgajātena nīhari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (23)

16. Tena kho pana samayena aññataro bhikkhu sāratto lepacittassa nimittaṁ aṅgajātena chupi. Tassa kukkuccaṁ ahosi -pe- "anāpatti bhikkhu pārājikassa, āpatti dukkaṭassā"ti (24)

17. Tena kho pana samayena aññataro bhikkhu sāratto dārudhītalikāya nimittaṁ aṅgajātena chupi. Tassa kukkuccaṁ ahosi -pe- "anāpatti bhikkhu pārājikassa, āpatti dukkaṭassā"ti. (25)

18. Tena kho pana samayena sundaro nāma bhikkhu rājagahā pabbajito rathikāya gacchati. Aññatarā-2. Itthi "muhuttaṁ bhante āgamehi vandissāmī" ti. Sā vandantī antaravāsakaṁ ukkhipitvā mukhena aṅgajātaṁ aggahesi. Tassa kukkuccaṁ ahosi -pe-sādiyi tvaṁ bhikkhu?"Ti. -Pe- "sādiyi tvaṁ bhikkhu?"Ti. "Nāhaṁ bhagavā sādiyi"nti. "Anāpatti bhikkhu asādiyantassā" ti. (26)

19. Tena kho pana samayena aññatarā itthi bhikkhuṁ passitvā etadavoca: "ehi bhante methūnaṁ dhammaṁ patisevā"ti. "Alaṁ bhagini netaṁ kappatīti" 'ehi bhante ahaṁ vāyamissāmi, tvaṁ mā vāyami. Evaṁ te anāpatti bhavissatī"ti. So bhikkhu tathā akāsi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (27)

1. Sarīraṁ, sī. Mu. 2. Itthi taṁ passitvā etadavoca muhuttaṁ.

[BJT Page 086]

20. Tena kho pana samayena aññatarā itthi bhikkhuṁ passitvā etadavoca: "ehi bhante methunaṁ dhammaṁ patisevā"ti. Alaṁ bhagini netaṁ kappatīti. Ehi bhante tvaṁ vāyama, ahaṁ na vāyamissāmi, evaṁ te anāpatti bhavissatīti. So bhikkhu tathā akāsi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (28)

21. Tena kho pana samayena aññatarā itthi bhikkhuṁ passitvā etadavoca: "ehi bhante methunaṁ dhammaṁ patisevā" ti. Alaṁ bhagini netaṁ kappatīti. "Ehi bhante abbhantaraṁ ghaṭṭetvā bahi mocehi" -pe- "bahi ghaṭṭetvā abbhantaraṁ mocehi, evaṁ te anāpatti bhavissatī" ti. So bhikkhu tathā akāsi. Tassa kukkuccaṁ ahosi -pe-āpattiṁ tvaṁ bhikkhu āpanno pārājika"nti. (29, 30)

22. Tena kho pana samayena aññataro bhikkhu sivathikaṁ gantvā akkhayitaṁ sarīraṁ passitvā tasmiṁ methunaṁ [page 037] dhammaṁ patisevi. Tassa kukkuccaṁ ahosi -pe- āpattiṁ tvaṁ bhikkhu āpanno pārājika"nti. (31)

23. Tena kho pana samayena aññataro bhikkhu sīvathikaṁ gantvā yebhuyyena akkhayitaṁ-1. Sarīraṁ passitvā tasmiṁ methunaṁ dhammaṁ patisevi. Tassa kukkuccaṁ ahosi -pe- āpattiṁ tvaṁ bhikkhu āpanno pārājika"nti. (32)

24. Tena kho pana samayena aññataro bhikkhu sīvathikaṁ gantvā yebhuyyena khayitaṁ-2. Sarīraṁ passitvā tasmiṁ methunaṁ dhammaṁ patisevi. Tassa kukkuccaṁ ahosi -pe- "anāpattiṁ tvaṁ bhikkhu āpanno pārājika"nti. (33)

25. Tena kho pana samayena aññataro bhikkhu sīvathikaṁ gantvā chinnasīsaṁ passitvā vattakate-3. Mukhe chupantaṁ aṅgajātaṁ pavesesi. Tassa kukkuccaṁ ahosi -pe- āpattiṁ tvaṁ bhikkhu āpanno pārājika"nti. (34)

26. Tena kho pana samayena aññataro bhikkhu sīvathikaṁ gantvā chinnasīsaṁ passitvā vattakate mukhe acchupantaṁ aṅgajātaṁ pavesesi. Tassa kukkuccaṁ ahosi -pe- anāpatti bhikkhu pārājikassa, āpatti dukkaṭassā"ti. (35)

27. Tena kho pana samayena aññataro bhikkhu aññatarassā itthiyā paṭibaddhacitto hoti. Sā kālakatā susāne chaḍḍitā, aṭṭhikāni vippakiṇṇāni honti. Atha kho so bhikkhu sīvathikaṁ gantvā aṭṭhikāni saṅkaḍḍhaḍitvā nimittena aṅgajātaṁ paṭipādesi. Tassa kukkuccaṁ ahosi. -Pe- anāpatti bhikkhu pārājikassa, āpatti dukkaṭassā"ti. (36)
28. Tena kho pana samayena aññataro bhikkhu nāgiyā methunaṁ dhammaṁ patisevi -pe-yakkhiyā methunaṁ patisevi -pe- petiyā methunaṁ dhammaṁ patisevi. -Pe- paṇḍakassa methunaṁ dhammaṁ patisevi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (37-40)

1. Akkhayitaṁ - machasa. 2. Khāyitaṁ. Machasa. 3. Vaṭṭakate. Machasa.

[BJT Page 088]

29. Tena kho pana samayena aññataro bhikkhu upahatindriyo hoti. So 'nāhaṁ vediyāmi sukhaṁ vā dukkhaṁ vā, anāpatti me bhavissatī'ti. Methunaṁ dhammaṁ patisevi -pe- bhagavato etamatthaṁ ārocesuṁ. "Vediyi vā so bhikkhave moghapuriso na vā vediyi, āpatti pārājikassā"ti. (41)

30. Tena kho pana samayena aññataro bhikkhu itthiyā methunaṁ dhammaṁ patisevissāmiti chupitamatte vippaṭisārī ahosī. Tassa kukkuccaṁ ahosi. -Pe- "anāpatti bhikkhu pārājikassa, āpatti saṅghādisesassā"ti. (42)

31. Tena kho pana samayena aññataro bhikkhu bhaddiye jātiyāvane divāvihāragato nipanno hoti. Tassa aṅgamaṅgāni vātupatthaddhāni honti. Aññatarā itthi passitvā aṅgajāte abhinisīditvā yāvadatthaṁ katvā pakkāmi. Bhikkhu kilinnaṁ passitvā bhagavato etamatthaṁ ārocesuṁ.

[page 038] "pañcahi bhikkhave ākārehi aṅgajātaṁ kammaniyaṁ hoti: rāgena vaccena passāvena vātena uccāliṅgapāṇakadaṭṭhena. Imehi kho bhikkhave pañcahākārehi aṅgajātaṁ kammaniyaṁ hoti. Aṭṭhānametaṁ bhikkhave anavakāso yaṁ tassa bhikkhuno rāgena aṅgajātaṁ kammaniyaṁ assa. Arahaṁ so bhikkhave bhikkhu. Anāpatti bhikkhave tassa bhikkhuno"ti. (43)

32. Tena kho pana samayena aññataro bhikkhu sāvatthiyaṁ andhavane divāvihāragato nipanno hoti. Aññatarā gopālikā passitvā aṅgajāte abhinisīdi. So bhikkhu pavesanaṁ sādiyi, paviṭṭhaṁ sādiyi, ṭhitaṁ sādiyi, uddharaṇaṁ sādiyi. Tassa kukkuccaṁ ahosi -pe-"āpattiṁ tvaṁ bhikkhu āpanno pārājika"nti. (44)

33. Tena kho pana samayena aññataro bhikkhu sāvatthiyaṁ andhavane divāvihāragato nipanno hoti. Aññatarā ajapālikā passitvā -pe- aññatarā kaṭṭhahārikā passitvā -pe- aññatarā gomayahārikā passitvā aṅgajāte abhinisīdi. So bhikkhu pavesanaṁ sādiyi, paviṭṭhaṁ sādiyi, ṭhitaṁ sādiyi, uddharaṇaṁ sādiyi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti.

34. Tena kho pana samayena aññataro bhikkhu vesāliyaṁ mahāvane divāvihāragato nippanno hoti. Aññatarā itthi passitvā aṅgajāte abhinisīditvā yāvadatthaṁ katvā sāmantā hasamānā ṭhitā hoti. So bhikkhu paṭibujjhijitvā taṁ itthiṁ etadavoca: tuyhidaṁ kammanti. "Āma mayhaṁ kamma"nti. Tassa kukkuccaṁ ahosi -pe-"sādiyi tvaṁ bhikkhu"ti. "Nāhaṁ bhagavā jānāmi"ti. "Anāpatti bhikkhu ajānantassā" ti. (48)
35. Tena kho pana samayena aññataro bhikkhu vesāliyaṁ mahāvane divāvihāragato rukkhaṁ apassāya nipanno hoti. Aññatarā itthi passitvā aṅgajāte abhinisīdi. So bhikkhu sahasā vuṭṭhāsi. Tassa kukkuccaṁ ahosi -pe- "sādiyi tvaṁ bhikkhū"ti. "Nāhaṁ bhagavā sādiyi"nti. Anāpatti bhikkhu asādiyantassā"ti. (48)

[BJT Page 090]

36. Tena kho pana samayena aññataro bhikkhu vesāliyaṁ mahāvane divāvihāragato rukkhaṁ apassāya nipanno hoti. Aññatarā itthi passitvā aṅgajāte abhinisīdi. So bhikkhu akkamitvā pavaṭṭesi. -1. Tassa kukkuccaṁ ahosi -pe-"sādiyi tvaṁ bhikkhu?" Ti. "Nāhaṁ bhagavā sādiyi"nti. Anāpatti bhikkhu asādiyantassā"ti. (50)

37. Tena kho pana samayena aññataro bhikkhu vesāliyaṁ mahāvane kuṭāgārasālāyaṁ divāvihāragato dvāraṁ vivaritvā nipanno hoti. Tassa aṅgamaṅgāni vātupatthaddhāni honti. Tena kho pana samayena sambahulā itthiyo gandhañca [page 039] mālañca ādāya ārāmaṁ agamaṁsu vihārapekkhikāyo. Atha kho tā itthiyo taṁ bhikkhuṁ passitvā aṅgajāte abhinisīditvā yāvadatthaṁ katvā 'purisūsabho vatāya'nti vatvā gandhañca mālañca āropetvā pakkamiṁsu. Bhikkhu kilinnaṁ passitvā bhagavato etamatthaṁ ārocesuṁ.
"Pañcahi bhikkhave ākārehi aṅgajātaṁ kammanīyaṁ hoti: rāgena vaccena passāvena vātena uccāliṅgapāṇakadaṭṭhena. Imehi kho bhikkhave pañcahākārehi aṅgajātaṁ kammaniyaṁ hoti. Aṭṭhānametaṁ bhikkhave anavakāso, yaṁ tassa bhikkhuno rāgena aṅgajātaṁ kammaniyaṁ assa. Arahaṁ so bhikkhave bhikkhu. Anāpatti bhikkhave tassa bhikkhuno. Anujānāmi bhikkhave divā patisallīyantena dvāraṁ saṁvaritvā patisallīyitu"nti.

38. Tena kho pana samayena aññataro bhārukacchako bhikkhu supinantena-2. Purāṇadutiyikāya methunaṁ dhammaṁ patisevitvā 'assamaṇo ahaṁ vibbhamissāmī' ti bhārukacchaṁ gacchanto antarāmagge āyasmantaṁ upāliṁ passitvā etamatthaṁ ārocesi. Āyasmā upāli evamāha: "anāpatti, āvuso supinantenā"ti. (52)
39. Tena kho pana samayena rājagahe supabbā nāma upāsikā muddhappasannā-3. Hoti. Sā evaṁdiṭṭhikā hoti: "yā methunaṁ dhammaṁ deti, sā aggadānaṁ detī"ti. Sā bhikkhuṁ passitvā etadavoca: "ehi bhante methunaṁ dhammaṁ patisevā"ti. "Alaṁ bhagini, netaṁ kappatī" ti. "Ehi bhante ūrantarikāya-4. Ghaṭṭehi, evaṁ te anāpatti bhavissatī"ti. So bhikkhu tathā akāsi. Tassa kukkuccaṁ ahosi. "Anāpatti bhikkhu pārājikassa, āpatti saṅghādisesassā"ti. (53)

1. Pavatteyi. Machasaṁ
Pavaṭṭeyi. Syā 2. Supinante - machasaṁ
3. Mudhappasannā - machasaṁ
4. Ūruttarikāya - machasaṁ

[BJT Page 092]

40. Tena kho pana samayena rājagahe supabbā nāma upāsikā muddhappasannā hoti. Sā evaṁ diṭṭhikā hoti: 'yā methunaṁ dhammaṁ deti, sā aggadānaṁ detī'ti. Sā bhikkhuṁ passitvā etadavoca: "ehi bhante methunaṁ dhammaṁ patisevā"ti. "Alaṁ bhagini, netaṁ kappatī"ti. "Ehi bhante nābhiyaṁ ghaṭṭehi" -pe-'ehi bhante uddaravaṭṭiyaṁ ghaṭṭehi' -pe- 'ehi bhante upakacchake ghaṭṭehi' -pe- 'ehi bhante gīvāyaṁ ghaṭṭehi' -pe-'ehi bhante kaṇṇacchidde ghaṭṭehi' -pe- 'ehi bhante kesavaṭṭiyaṁ ghaṭṭehi' -pe- 'ehi bhante aṅgulantarikāya ghaṭṭehi' -pe- 'ehi bhante hatthena upakkamitvā mocessāmi, evaṁ te anāpatti bhavissatī"ti. So bhikkhu tathā akāsi. Tassa kukkuccaṁ ahosi. "Anāpatti bhikkhu pārājikassa, āpatti saṅghādisesassā" ti. (54-61)

41. Tena kho pana samayena sāvatthiyaṁ saddhā nāma upāsikā muddhappasannā hoti. Sā evaṁ diṭṭhikā hoti. 'Yā methunaṁ dhammaṁ deti, sā aggadānaṁ detī'ti. Sā bhikkhuṁ passitvā etadavoca: "ehi bhante methunaṁ dhammaṁ patisevā"ti. "Alaṁ bhagini, netaṁ kappati" ti. "Ehi bhante ūrantarikāya ghaṭṭehi" -pe- "ehi bhante hatthena upakkamitvā mocessāmi. Evaṁ te anāpatti bhavissatī" ti. So bhikkhu tathā akāsi. Tassa kukkuccaṁ ahosi". Anāpatti bhikkhu pārājikassa, āpatti saṅghādisesassā" ti. (62-70)

42. Tena kho pana samayena vesāliyaṁ licchavikumārakā bhikkhuṁ gahetvā bhikkhuniyā vippaṭipādesuṁ. [page 040] ubho sādiyiṁsu. "Ubho nāsetabbā" -pe- ubho na sādiyiṁsu. "Ubhinnaṁ anāpatti". (71)

43. Tena kho pana samayena vesāliyaṁ licchavikumārakā bhikkhuṁ gahetvā sikkhamānāya vippaṭipādesuṁ -pe- sāmaṇeriyā vippaṭipādesuṁ. Ubho sādiyiṁsu. "Ubho nāsetabbā" -pe-ubho na sādiyiṁsu. "Ubhinnaṁ anāpatti" (72-73)

44. Tena kho pana samayena vesāliyaṁ licchavikumārakā bhikkhuṁ gahetvā vesiyā vippaṭipādesuṁ -pe- paṇḍake vippaṭipādesuṁ -pe- gihiniyā vippaṭipādesuṁ -pe-bhikkhu sādiyi. "Bhikkhu nāsetabbo". -Pe- bhikkhu sādiyi. "Bhikkhussa anāpatti". (74-76)

45. Tena kho pana samayena vesāliyaṁ licchavikumārakā bhikkhu gahetvā aññamaññaṁ vippaṭipādesuṁ, ubho sādiyiṁsu. "Ubho nāsetabbā" -pe- ubho na sādiyiṁsu. "Ubhinnaṁ anāpatti". (77)

[BJT Page 094]

46. Tena kho pana samayena aññataro buḍḍhapabbajito bhikkhu purāṇadutiyikāya dassanaṁ agamāsi. Sā 'ehi bhante vibbhamā'ti aggahesi. So bhikkhu paṭikkamanto uttāno paripati. Sā ubbhujitvā -1. Aṅgajāte abhinisīdi. Tassa kukkuccaṁ ahosi -pe-"anāpatti bhikkhu asādiyantassā"ti. (78)

47. Tena kho pana samayena aññataro bhikkhu araññe viharati. Migapotako tassa passāvaṭṭhānaṁ āgantvā passāvaṁ pivanto mukhena aṅgajātaṁ aggahesi. So bhikkhu sādiyi. Tassa kukkuccaṁ ahosi bhagavato etamatthaṁ ārocesi. -Pe- "āpattiṁ tvaṁ bhikkhu āpanno pārājika"nti. (79)

Paṭhamapārājikaṁ samattaṁ.

[PTS Page 0041 [\q 41/] ] dutiyapārājikaṁ

1. Tena samayena buddho bhagavā rājagahe viharati gijjhakūṭe pabbate. Tena kho pana samayena sambahulā sandiṭṭhā sambhattā bhikkhū isigilipasse tiṇakuṭiyo karitvā vassaṁ upagacchiṁsu. Āyasmāpi dhaniyo kumbhakāraputto tiṇakuṭikaṁ karitvā vassaṁ upagacchi.
2. Atha kho te bhikkhū vassaṁ vutthā temāsaccayena tiṇakuṭiyo bhinditvā tiṇañca kaṭṭhañca paṭisāmetvā janapadacārikaṁ pakkamiṁsu. Āyasmā pana dhaniyo kumbhakāraputto tattheva vassaṁ vasi, tattha hemantaṁ, tattha gimhaṁ.

3. Atha kho āyasmato dhaniyassa kumbhakāraputtassa gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.

4. Dutiyampi kho āyasmā dhaniyo kumbhakāraputto tiṇañca kaṭṭhañca saṅkaḍḍhitvā tiṇakuṭikaṁ akāsi. Dutiyampi kho āyasmato dhaniyassa kumbhakāraputtassa gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.

5. Tatiyampi kho āyasmā dhaniyo kumbhakāraputto tiṇañca kaṭṭhañca saṅkaḍḍhitvā tiṇakuṭikaṁ akāsi. Dutiyampi kho āyasmato dhaniyassa kumbhakāraputtassa gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu.

1. Ubbhajitvā - machasaṁ.

[BJT Page 096]

6. Atha kho āyasmato dhaniyassa kumbhakāraputtassa etadahosi: 'yāva tatiyakaṁ kho me gāmaṁ piṇḍāya paviṭṭhassa tiṇahāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu ahaṁ kho pana susikkhito anavayo sake ācariyake kumbhakārakamme pariyodātasippo yannūnāhaṁ sāmaṁ cikkhallaṁ madditvā sabbamattikāmayaṁ kuṭikaṁ kareyya'nti.

7. Atha kho āyasmā dhaniyo kumbhakāraputto sāmaṁ cikkhallaṁ madditvā [page 042] sabbamattikāmayaṁ kuṭikaṁ karitvā tiṇañca kaṭṭhañca gomayañca saṅkaḍḍhitvā taṁ kuṭikaṁ paci. Sā ahosi kuṭikā abhirūpā dassanīyā pāsādikā lohitikā, seyyathāpi indagopako. Seyyathāpi nāma kiṅkiṇikasaddo evamevaṁ tassā kuṭikāya saddo ahosi.

8. Atha kho bhagavā sambahulehi bhikkhūhi saddhiṁ gijjhakūṭā pabbatā orohanto addasa taṁ kuṭikaṁ abhirūpaṁ dassanīyaṁ pāsādikaṁ lohitikaṁ. Disvāna bhikkhū āmantesi: kiṁ etaṁ bhikkhave abhirūpaṁ dassanīyaṁ pāsādikaṁ lohitikaṁ seyyathāpi indagopako?"Ti.

9. Atha kho te bhikkhū bhagavato etamatthaṁ ārocesuṁ. Vigarahi buddho bhagavā: "ananucchaviyaṁ bhikkhave tassa moghapurisassa ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma so bhikkhave moghapuriso sabbamattikāmayaṁ kuṭikaṁ karissati. Na hi nāma bhikkhave tassa moghapurisassa pāṇesu anuddayā anukampā avihesā bhavissati. Gacchathetaṁ bhikkhave kuṭikaṁ bhindatha. Mā pacchimā janatā pāṇesu pātabyataṁ āpajji. Na ca bhikkhave sabbamattikāmayā kuṭikā kātabbā. Yo kareyya āpatti dukkaṭassā"ti.

10. "Evaṁ bhante" ti kho te bhikkhū bhagavato paṭissutvā yena sā kuṭikā tenupasaṅkamiṁsu. Upasaṅkamitvā taṁ kuṭikaṁ bhindiṁsu. Atha kho āyasmā dhaniyo kumbhakāraputto te bhikkhū etadavoca: "kissa me tumhe āvuso kuṭikaṁ bhindathā"ti. "Bhagavā āvuso bhedāpetī" ti. "Bhindathāvuso sace dhammassāmī bhedāpetī"ti.

11. Atha kho āyasmato dhaniyassa kumbhakāraputtassa etadahosi: "yāvattiyakaṁ kho me gāmaṁ piṇḍāya paviṭṭhassa tiṇhāriyo kaṭṭhahāriyo tiṇakuṭikaṁ bhinditvā tiṇañca kaṭṭhañca ādāya agamaṁsu. Yāpi mayā sabbamattikāmayā kuṭikā katā, sāpi bhagavatā bhedāpitā. Atthi ca me dārugahe gaṇako sandiṭṭho. Yannūnāhaṁ dārugahe gaṇakaṁ dārūni yācitvā dārukuḍḍikaṁ-1. Kuṭikaṁ kareyya"nti.

1. Dārukuṭikaṁ. Ā.

[BJT Page 098]

12. Atha kho āyasmā dhaniyo kumbhakāraputto yena dārugahe gaṇako tenupasaṅkami. Upasaṅkamitvā dārugahe gaṇakaṁ etadavoca: "yāva tatiyakaṁ kho me āvuso gāmaṁ piṇḍāya paviṭṭhassa tiṇhāriyo kaṭṭhahāriyo tiṇakuṭikaṁ bhinditvā tiṇañca kaṭṭhaṁ ca ādāya agamaṁsu. Yāpi mayā sabbamattikāmayā kuṭikā katā, sāpi bhagavatā bhedāpitā. Dehi me āvuso dārūni, icchāmi dārukuḍḍikaṁ kuṭikaṁ kātunti. "Natthi bhante tādisāni dārūni, yānāhaṁ ayyassa dadeyyaṁ. [page 043] atthi bhante devagahadārūni nagarapaṭisaṅkhārikāni āpadatthāya nikkhittāni. Sace tāni rājā dāpeti, harāpetha bhante"ti. "Dinnāni āvuso raññā " ti.

13. Atha kho dārugahe gaṇako "ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā. Rājāpimesaṁ abhippasanno. Na arahati adinnaṁ dinnanti vattu"nti āyasmantaṁ dhaniyaṁ kumbhakāraputtaṁ etadavoca: 'harāpetha bhante'ti. Atha kho āyasmā dhaniyo kumbhakāraputto tāni dārūni khaṇḍākhaṇḍikaṁ chedāpetvā sakaṭehi nibbāhāpetvā dārukuḍḍikaṁ kuṭikaṁ akāsi.

14. Atha kho vassakāro brāhmaṇo magadhamahāmatto rājagahe kammante anusaññāyamāno yena dārūgahe gaṇako, tenupasaṅkami, upasaṅkamitvā dārugahe gaṇakaṁ etadavoca: "yāni tāni bhaṇe devagahadārūni nagarapaṭisaṅkhārikāni āpadatthāya nikkhittāni. Kahaṁ tāni dārunī?"Ti. Tāni sāmi, dārūni devena ayyassa dhaniyassa kumbhakāraputtassa dinnānī"ti.

15. Atha kho vassakāro brāhmaṇo magadhamahāmatto anattamano ahosi: "kathaṁ hi nāma devo devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dassatī"ti.

16. Atha kho vassakāro brāhmaṇo magadhamahāmatto yena rājā māgadho seniyo bimbisāro, tenupasaṅkami, upasaṅkamitvā rājānaṁ māgadhaṁ seniyaṁ bimbisāraṁ etadavoca: "saccaṁ kira deva devena devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dinnānī?" Ti "ko evamāhā?'Ti. "Dārūgahe gaṇako devā"ti. "Tena hi brāhmaṇa dārugahe gaṇakaṁ āṇāpehī"ti.

17. Atha kho vassakāro brāhmaṇo magadhamahāmatto dārūgahe gaṇakaṁ baddhaṁ āṇāpesi. Addasā kho āyasmā dhaniyo kumbhakāraputto dārugahe gaṇakaṁ baddhaṁ nīyamānaṁ. Disvāna dārugahe gaṇakaṁ etadavoca: "kissa tvaṁ āvuso baddho nīyyāsī?"Ti. "Tesaṁ bhante dārūnaṁ kiccā"ti. "Gacchāvuso ahampi āgacchāmī"ti. "Eyyāsi bhante purāhaṁ haññāmī"ti.

[BJT Page 100]

18. Atha kho āyasmā dhaniyo kumbhakāraputto yena rañño māgadhassa seniyassa bimbisārassa nivesanaṁ, tenupasaṅkami. Upasaṅkamitvā paññatte āsane nisīdi. Atha kho rājā māgadho seniyo bimbisāro yenāyasmā dhaniyo kumbhakāraputto, [page 044] tenupasaṅkami. Upasaṅkamitvā āyasmantaṁ dhaniyaṁ kumbhakāraputtaṁ abhivādetvā ekamantaṁ nisīdi, ekamantaṁ nisinno kho rājā māgadho seniyo bimbisāro āyasmantaṁ dhaniyaṁ kumbhakāraputtaṁ etadavoca:

19. "Saccaṁ kira mayā bhante devagahadārūnī nagarapaṭisaṅkhārikāni āpadatthāya nikkhittāni ayyassa dinnānī?"Ti. "Evaṁ mahārājā"ti. "Mayaṁ kho bhante rājāno nāma bahukiccā bahukaraṇīyā. Datvāpi nassareyyāma. Iṅgha bhante sarāpehī"ti. "Sarasi tvaṁ mahārāja, paṭhamābhisitto evarūpiṁ vācaṁbhāsitā: dinnaṁ yeva samaṇabrāhmaṇānaṁ tiṇakaṭṭhodakaṁ paribhuñjantu"ti. "Sarāmahaṁ bhante, santi bhante samaṇabrāhmaṇā lajjino kukkuccakā sikkhākāmā. Tesaṁ appamattake'pi kukkuccaṁ uppajjati. Tesaṁ mayā sandhāya bhāsitaṁ. Tañca kho araññe aparaggahitaṁ. So tvaṁ bhante tena lesena dārūni adinnaṁ harituṁ maññasi. Kathaṁ hi nāma mādiso samaṇaṁ vā brāhmaṇaṁ vā vijite vasantaṁ haneyya vā? Bandheyya vā? Pabbājeyya vā, gaccha bhante. Lomena tvaṁ muttosi. 1. Māssu punapi evarūpaṁ akāsi" ti.

20. Manussā ujjhāyanti khīyanti vipācenti: "alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brāhmacārino saccavādino sīlavanto kalyāṇadhammā paṭijānissanti. Natthi imesaṁ sāmaññaṁ. Natthi imesaṁ brahmaññaṁ. Naṭṭhaṁ imesaṁ sāmaññaṁ. Naṭṭhaṁ imesaṁ brahmaññaṁ. Kuto imesaṁ sāmaññaṁ? Kuto imesaṁ brahmaññaṁ? Apagatā ime sāmaññā. Apagatā ime brahmaññā. Rājānampime vañcenti. Kimpanaññe manusse"ti.

21. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā santuṭṭhā lajjino kukkuccakā sikkhākāmā, te ujjhāyanti khīyanti vipācenti: "kathaṁ hi nāma āyasmā dhaniyo kumbhakāraputto rañño dārūnī adinnaṁ ādiyissatī"ti. Atha kho te bhikkhū bhagavato etamatthaṁ ārocesuṁ.

1. Mukko, sīmu.

[BJT Page 102]

22. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dhaniyaṁ kumbhakāraputtaṁ paṭipucchi: "saccaṁ kira tvaṁ dhaniya rañño dārūnī adinnaṁ ādiyī?"Ti. "Saccaṁ bhagavā viharahi buddho bhagavā: "ananucchaviyaṁ moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tvaṁ moghapurisa, [page 045] rañño dārūni adinnaṁ ādiyissasi. Netaṁ moghapurisa appasannānaṁ vā pasādāya pasannānaṁ vā bhiyyobhāvāya. Atha khvetaṁ moghapurisa, appasannānañceva appasādāya pasannānañca ekaccānaṁ aññathattāyā"ti.

23. Tena kho pana samayena aññataro purāṇavohāriko mahāmatto bhikkhūsu pabbajito bhagavato avidūre. Nisinno hoti atha kho bhagavā taṁ bhikkhuṁ etadavoca: "kittakena kho bhikkhu, rājā māgadho seniyo bimbisāro coraṁ gahetvā hanti vā bandhati vā pabbājeti vā?"Ti. "Pādena vā bhagavā pādārahena vā"ti. Tena kho pana samayena rājagahe pañcamāsako pādo hoti. Atha kho bhagavā āyasmantaṁ dhaniyaṁ kumbhakāra puttaṁ anekapariyāyena vigarahitvā dubharatāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu adinnaṁ theyyasaṅkhātaṁ ādiyeyya, yathārūpe adinnādāne rājāno coraṁ gahetvā haneyyuṁ vā bandheyyuṁ vā pabbājeyyaṁ vā, coro'si bālo'si muḷho'si theno'sīti, tathārūpaṁ bhikkhu adinnaṁ ādiyamāno ayampi pārājiko hoti asaṁvāsoti".

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti)

1. Tena kho pana samayena chabbaggiyā bhikkhū rajakattharaṇaṁ gantvā rajakabhaṇḍikaṁ avaharitvā ārāmaṁ haritvā bhājesuṁ. Bhikkhū eva māhaṁsu: "mahāpuññattha tumhe āvuso, bahuṁ tumhākaṁ cīvaraṁ uppanna"nti. "Kuto āvuso amhākaṁ puññaṁ? Idāni mayaṁ rajakattharaṇaṁ gantvā rajakabhaṇḍikaṁ avaharimhā"ti.

"Nanu āvuso bhagavatā sikkhāpadaṁ paññattaṁ, kissa tumhe āvuso rajakabhaṇḍikaṁ avaharitthā"ti.

"Saccaṁ āvuso bhagavatā sikkhāpadaṁ paññattaṁ, tañca kho gāme no araññe"ti.
2. "Nanu āvuso tatheva taṁ hoti. Ananucchaviyaṁ āvuso ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tumhe āvuso rajakabhaṇḍikaṁ avaharissatha? Netaṁ āvuso appasannānaṁ vā pasādāya pasannānaṁ vā bhiyyobhāvāya, atha khvetaṁ āvuso appasannānañceva appasādāya pasannānañca ekaccānaṁ aññathattāyā"ti.

[BJT Page 104]

3. Atha kho te bhikkhu chabbaggiye bhikkhū anekapariyāyena vigarahitvā vigarahitvā [page 046] bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhu paṭipucchi "saccaṁ kira tumhe bhikkhave rajakattharaṇaṁ gantvā rajaka bhaṇḍikaṁ avaharitvā?"Ti. "Saccaṁ bhagavā. " Viharahi buddho bhagavā: "ananucchaviyaṁ moghapurisā, ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tumhe moghapurisā rajakattharaṇaṁ gantvā rajakabhaṇḍikaṁ avaharissatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu gāmā vā araññā vā adinnaṁ theyyasaṅkhātaṁ ādiyeyya, yathārūpe adinnādāne rājāno coraṁ gahetvā haneyyuṁ vā bandheyyuṁ vā pabbājeyyuṁ vā 'coro'si bālo'si mūḷho'si theno'sī' ti, tathārūpaṁ bhikkhu adinnaṁ ādiyamāno ayampi pārājiko hoti asaṁvāso"ti.

(Dutiyapaññatti)

4. Yo panāti - yo yādiso yathāyutto yathājacco yathānāmo yathāgotto yathāsīlo yathāvihārī yathāgocaro thero vā navo vā majjhimo vā eso vuccati 'yo panā'ti.

Bhikkhūti - bhikkhako'ti bhikkhu, bhikkhācariyaṁ ajjhupagato'ti bhikkhu, bhinnapaṭadharo'ti bhikkhu, samaññāya bhikkhu, paṭiññāya bhikkhu, ehi bhikkhu'ti bhikkhu, tīhi saraṇagamanehi upasampanno'ti bhikkhu, bhadro bhikkhu, sāro bhikkhu, sekho bhikkhu asekho bhikkhū, samaggena saṅghena ñatticatutthena kammena akuppena ṭhānārahena upasampanno'ti. Bhikkhu. Tatra yvāyaṁ bhikkhu samaggena saṅghena ñatticatutthena kammena akuppena ṭhānārahena upasampanno, ayaṁ imasmiṁ atthe adhippeto 'bhikkhū'ti.

Gāmo nāma - ekakuṭiko'pi gāmo dvikuṭiko'pi gāmo tikuṭiko'pi gāmo catukuṭiko'pi gāmo samanusso'pi gāmo amanusso'pi gāmo parikkhitto'pi gāmo aparikkhitto'pi gāmo gonisādiniviṭṭho'pi gāmo yo'pi sattho atirekacātumāsaniviṭṭho, so'pi vuccati gāmo.

Gāmupacāro nāma: parikkhittassa gāmassa indakhīle ṭhitassa majjhimassa purisassa leḍḍupāto. Aparikkhittassa gāmassa gharūpacāre ṭhitassa majjhimassa purisassa leḍḍupāto.

Araññaṁ nāma: ṭhapetvā gāmañca gāmupacārañca avasesaṁ araññaṁ nāma.

Adinnaṁ nāma: yaṁ adinnaṁ anissaṭṭhaṁ apariccattaṁ rakkhitaṁ gopitaṁ mamāyitaṁ parapariggahitaṁ, etaṁ adinnaṁ nāma.

Theyyasaṅkhātanti - theyyacitto avaharaṇacitto.

Ādiyeyyāti: ādiyeyya hareyya avahareyya iriyāpathaṁ vikopeyya ṭhānā cāveyya saṅketaṁ vitināmeyya.

Yathārūpaṁ nāma: pādaṁ vā pādārahaṁ vā atirekapādaṁ vā

[BJT Page 106]

[page 047]
Rājāno nāma: pathabyārājā, padesarājā, maṇḍalikā, antarabhogikā, akkhadassā, mahāmattā, ye vā pana chejjabhejjaṁ anusāsanti, ete rājāno nāma.
Coro nāma: yo pañcamāsakaṁ vā atirekapañcamāsakaṁ vā agghanakaṁ adinnaṁ theyyasaṅkhātaṁ ādiyati, eso coro nāma.

Haneyyuṁ vāti - hatthena vā pādena vā kasāya vā vettena vā addhadaṇḍakena vā chejjāya vā haneyyuṁ.

Bandheyyuṁ vāti - rajjubandhanena vā andubandhanena vā saṅkhalikabandhanena vā gharabandhanena vā nagarabandhanena vā gāmabandhanena vā nigamabandhanena vā bandheyyuṁ, purisaguttiṁ vā kareyyuṁ.

Pabbājeyyuṁ vāti - gāmā vā nigamā vā nagaraṁ vā janapadā vā janapadapadesā vā pabbājeyyuṁ.

Corosi bālosi muḷhosi thenosīti - paribhāso eso.

Tathārūpaṁ nāma: pādaṁ vā pādārahaṁ vā atirekapādaṁ vā.

Ādiyamānoti - ādiyamāno haramāno avaharamāno iriyāpathaṁ vikopayamāno ṭhānā cāvayamāno saṅketaṁ vitināmayamāno.

Ayampīti - purimaṁ upādāya vuccati.

Pārājiko hotīti - seyyathāpi nāma paṇḍupalāso bandhanā pavutto-1. Abhabbo haritattāya. Evameva bhikkhu pādaṁ vā pādārahaṁ vā atirekapādaṁ vā adinnaṁ theyyasaṅkhātaṁ ādiyitvā assamaṇo hoti asakyaputtiyo. Tena vuccati pārājiko hotīti.

Asaṁvāsoti - saṁvāso nāma ekaṁ kammaṁ ekuddeso samasikkhātā, eso saṁvāso nāma. So tena saddhiṁ natthīti tena vuccati asaṁvāsoti.

(Nayamātikā)

1. Bhummaṭṭhaṁ thalaṭṭhaṁ ākāsaṭṭhaṁ vehāsaṭṭhaṁ udakaṭṭhaṁ nāvaṭṭhaṁ yānaṭṭhaṁ bhāraṭṭhaṁ ārāmaṭṭhaṁ vihāraṭṭhaṁ khettaṭṭhaṁ vatthuṭṭhaṁ gāmaṭṭhaṁ araññaṭṭhaṁ udakaṁ dantaponaṁ vanaspati haraṇakaṁ upanidhi suṅkaghātaṁ pāṇo apadaṁ dipadaṁ catuppadaṁ bahuppadaṁ ocarako onirakkho saṁvidāvahāro saṅketakammaṁ nimittakammanti.

1. Pamutto, sabbattha. "Seyyathāpi nāma paṇḍupalāso bandhanā pavutto".
Dharmapradīpikā (315)

[BJT Page 108]

2. Bhummaṭṭhaṁ nāma bhaṇaḍṁ bhumiyaṁ nikkhittaṁ hoti nikhātaṁ paṭicchannaṁ. Bhummaṭṭhaṁ bhaṇḍaṁ 'avaharissāmī' ti theyyacitto dutiyaṁ vā pariyesati kuddālaṁ vā piṭakaṁ vā pariyesati gacchati vā, āpatti dukkaṭassa. Tattha [page 048] jātakaṁ kaṭṭhaṁ vā lataṁ vā jindati, āpatti dukkaṭassa. Paṁsuṁ khaṇati vā vyuhati vā uddharati vā, āpatti dukkaṭassa. Kumhiṁ āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Attano bhājanaṁ pavesetvā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṁ vā karoti muṭṭhiṁ vā jindati, āpatti pārājikassa. Suttārūḷhaṁ bhaṇḍaṁ vā pāmaṅgaṁ vā kaṇṭhasuttakaṁ vā kaṭisuttakaṁ vā sāṭakaṁ vā veṭhanaṁ vā theyyacitto āmasati, āpatti dukkaṭassa. Phandāpeti, āpatti thullaccayassa. Koṭiyaṁ gahetvā uccāreti, āpatti thullaccayassa. Ghaṁsanto nīharati, āpatti thullaccayassa. Antamaso kesaggamattampi kumbhimukhā moceti, āpatti pārājikassa. Sappīṁ vā telaṁ vā madhuṁ vā phāṇitaṁ vā pañcamāsakaṁ vā atirekapañcamāsakaṁ vā agghanakaṁ theyyacitto ekena payogena pivati, āpatti pārājikassa. Tattheva bhindati vā chaḍḍeti vā jhāpeti vā aparibhogaṁ vā karoti, āpatti dukkaṭassa.

3. Thalaṭṭhaṁ nāma bhaṇḍaṁ thale nikkhittaṁ hoti. Thalaṭṭhaṁ bhaṇḍaṁ 'avaharissāmī'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
4. Ākāsaṭṭhaṁ nāma bhaṇḍaṁ ākāsagataṁ hoti. Moro vā kapiñjaro vā tittiro vā vaṭṭako vā sāṭakaṁ vā veṭhanaṁ vā hiraññaṁ vā suvaṇṇaṁ vā chijjamānaṁ patati. Ākāsaṭṭhaṁ bhaṇḍaṁ 'avaharissāmī'ti. Theyyacitto dutiyaṁ vā pariyesati gacchati vā, āpatti dukkaṭassa. Gamanaṁ upacchindati, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

5. Vehāsaṭṭhaṁ nāma bhaṇḍaṁ vehāsagataṁ hoti mañce vā pīṭhe vā cīvaravaṁse vā cīvararajjuyā vā bhittikhīle vā nāgadante vā rukkhe vā laggitaṁ hoti, antamaso pattādhārake'pi. Vehāsaṭṭhaṁ bhaṇḍaṁ 'avaharissāmī'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

[BJT Page 110]

6. [page 049] udakaṭṭhaṁ nāma: bhaṇḍaṁ udake nikkhittaṁ hoti udakaṭṭhaṁ bhaṇḍaṁ 'avaharissāmī'ti theyyacitto dutiyaṁ vā pariyesati gacchati vā, āpatti dukkaṭassa nimujjati vā ummujjati vā, āpatti dukkaṭassa āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṁ uppalaṁ vā padumaṁ vā puṇḍarīkaṁ vā bhisaṁ vā macchaṁ vā kacchapaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

7. Nāvā nāma yāya tarati. Nāvaṭṭhaṁ nāma bhaṇḍaṁ nāvāya nikkhittaṁ hoti. Nāvaṭṭhaṁ bhaṇḍaṁ 'avaharissāmī'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Nāvaṁ 'avaharissāmī'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti āpatti thullaccayassa. Bandhanaṁ moceti, āpatti dukkaṭassa. Bandhanaṁ mocetvā āmasati, āpatti dukkaṭassa. Phandāpeti, āpatti thullaccayassa. Uddhaṁ vā adho vā tiriyaṁ vā antamaso kesaggamattampi saṅkāmeti, āpatti pārājikassa.

8. Yānaṁ nāma mayhaṁ ratho sakaṭaṁ sandamānikā. Yānaṭṭhaṁ nāma: bhaṇḍaṁ yāne nikkhittaṁ hoti. Yānaṭṭhaṁ bhaṇḍaṁ 'avaharissāmi'ti theyyacitto dutiyaṁ vā pariyesati gacchati vā, āpatti dukkaṭassa āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Yānaṁ 'avaharissāmi'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
9. Bhāro nāma sīsabhāro bandhabhāro kaṭībhāro olambako. Sīse bhāraṁ theyyacitto āmasati, āpatti dukkaṭassa. Phandāpeti, āpatti thullaccayassa. Khandhaṁ oropeti, āpatti pārājikassa. Khandhe bhāraṁ theyyacitto āmasati, āpatti dukkaṭassa. Phandāpeti, āpatti thullaccayassa. Kaṭiṁ oropeti, āpatti pārājikassa. Kaṭiyā bhāraṁ theyyacitto āmasati, āpatti dukkaṭassa. Phandāpeti, āpatti thullaccayassa. Hatthena gaṇhāti, āpatti pārājikassa. Hatthe bhāraṁ theyyacitto bhumiyaṁ nikkhipati, āpatti pārājikassa. Theyyacitto bhumito gaṇhāti, āpatti pārājikassa.

[BJT Page 112]

10. Ārāmo nāma pupphārāmo phalārāmo. Ārāmaṭṭhaṁ nāma bhaṇḍaṁ ārāme catūhi ṭhānehi nikkhittaṁ hoti: bhummaṭṭhaṁ phalaṭṭhaṁ ākāsaṭṭhaṁ vehāsaṭṭhaṁ. Ārāmaṭṭhaṁ bhaṇḍaṁ [PTS Page 050 ']avaharissāmī'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṁ mūlaṁ vā tacaṁ vā pattaṁ vā pupphaṁ vā phalaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa phandāpeti, āpatti thullaccayassa. Ṭhānā cāveti, āpatti pārājikassa. Ārāmaṁ abhiyuñjati, āpatti dukkaṭassa. Sāmikassa vimatiṁ uppādeti, āpatti thullaccayassa. Sāmiko 'na mayhaṁ bhavissatī'ti dhūraṁ nikkhipati, āpatti pārajikassa. Dhammaṁ caranto sāmikaṁ parājeti, āpatti pārājikassa. Dhammaṁ caranto parajjati, āpatti thullaccayassa.

11. Vihāraṭṭhaṁ nāma: bhaṇḍaṁ vihāre catūhi ṭhānehi nikkhittaṁ hoti: bhummaṭṭhaṁ thalaṭṭhaṁ ākāsaṭṭhaṁ vehāsaṭṭhaṁ. Vihāraṭṭhaṁ bhaṇḍaṁ 'avaharissāmi'ti theyyacitto dutiyaṁ vā pariyesati gacchati vā, āpatti dukkaṭassa āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vihāraṁ abhiyuñjati, āpatti dukkaṭassa sāmikassa vimatiṁ uppādeti, āpatti thullaccayassa. Sāmiko 'na mayhaṁ bhavissatī'ti dhuraṁ nikkhipati, āpatti pārājikassa dhammaṁ caranto sāmikaṁ parājeti, āpatti pārājikassa. Dhammaṁ caranto parajjati, āpatti thullaccayassa.
12. Khettaṁ nāma yattha pubbannaṁ vā aparannaṁ vā jāyati. Khettaṭṭhaṁ nāma: bhaṇḍaṁ khette catūhi ṭhānehi nikkhittaṁ hoti: bhummaṭṭaṁ thalaṭṭhaṁ ākāsaṭṭhaṁ vehāsaṭṭhaṁ. Khettaṭṭhaṁ bhaṇḍaṁ 'avaharissāmī' ti theyyacitto dutiyaṁ vā pariyesati gacchati vā, āpatti dukkaṭassa āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṁ pubbannaṁ vā aparannaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa. Phandāpeti āpatti thullaccayassa. Ṭhānā cāveti, āpatti pārājikassa khettaṁ abhiyuñjati, āpatti dukkaṭassa. Sāmikassa vimatiṁ uppādeti, āpatti thullaccayassa. Sāmiko 'na mayhaṁ bhavissatī'ti dhuraṁ nikkhipati, āpatti pārājikassa. Dhammaṁ caranto sāmikaṁ parājeti, āpatti pārājikassa. Dhammaṁ caranto parajjati, āpatti thullaccayassa. Khīlaṁ vā rajjuṁ vā vatiṁ vā mariyādaṁ vā saṅkāmeti, āpatti dukkaṭassa. Ekaṁ payogaṁ anāgate, āpatti thullaccayassa. Tasmiṁ payoge āgate, āpatti pārājikassa.
[BJT Page 114]

13. Vatthu nāma ārāmavatthu vihāravatthu. Vatthuṭṭhaṁ nāma bhaṇḍaṁ vatthusmiṁ catūhi ṭhānehi nikkhittaṁ hoti: bhummaṭṭhaṁ thalaṭṭhaṁ ākāsaṭṭhaṁ vehāsaṭṭhaṁ. Vatthuṭṭhaṁ bhaṇḍaṁ 'avaharissāmi'ti theyyacitto dutiyaṁ vā pariyesati gacchati vā, āpatti dukkaṭassa āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vatthuṁ abhiyuñjati, āpatti dukkaṭassa. Sāmikassa vimatiṁ uppādeti, āpatti thullaccayassa. Sāmiko 'na mayhaṁ bhavissatī'ti dhūraṁ nikkhipati, āpatti pārājikassa dhammaṁ caranto sāmikaṁ parājeti, āpatti pārājikassa. Dhammaṁ caranto sāmikaṁ parājeti, āpatti pārājikassa. Dhammaṁ caranto parajjati, āpatti thullaccayassa. Khīlaṁ vā rajjuṁ vā vatiṁ vā pākāraṁ vā saṅkāmeti, āpatti dukkaṭassa. Ekaṁ payogaṁ anāgate, āpatti thullaccayassa. Tasmiṁ payoge āgate, āpatti pārājikassa.

14. Gāmaṭṭhaṁ nāma: bhaṇḍaṁ gāme catūhi ṭhānehi nikkhittaṁ hoti: bhummaṭṭhaṁ thalaṭṭhaṁ ākāsaṭṭhaṁ vehāsaṭṭhaṁ. Gāmaṭṭhaṁ bhaṇḍaṁ 'avaharissāmi'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

15. [page 051] araññaṁ nāma yaṁ manussānaṁ pariggahitaṁ hoti, taṁ araññaṁ. Araññaṭṭhaṁ nāma: bhaṇḍaṁ araññe catūhi ṭhānehi nikkhittaṁ hoti: bhummaṭṭhaṁ thalaṭṭhaṁ ākāsaṭṭhaṁ vehāsaṭṭhaṁ. Araññaṭṭhaṁ bhaṇḍaṁ 'avaharissāmī'ti theyyacitto dutiyaṁ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṁ kaṭṭhaṁ vā lataṁ vā tiṇaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

16. Udakaṁ nāma bhājanagataṁ vā hoti pokkharaṇiyā vā taḷāke vā. Theyyacitto āmasati. Āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Attano bhājanaṁ pavesetvā pañcamāsakaṁ vā atirekapañcamāsakaṁ vā agghanakaṁ udakaṁ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṁ karoti, āpatti pārājikassa. Mariyādaṁ jindati, āpatti dukkaṭassa. Mariyādaṁ jinditvā pañcamāsakaṁ vā atirekapañcamāsakaṁ vā agghanakaṁ udakaṁ nikkhāmeti, āpatti pārājikassa. Atirekamāsakaṁ vā ūnapañcamāsakaṁ vā agghanakaṁ udakaṁ nikkhāmeti, āpatti thullaccayassa. Māsakaṁ vā ūnamāsakaṁ vā agghanakaṁ udakaṁ nikkhāmeti, āpatti dukkaṭassa.

[BJT Page 116]

17. Dantaponaṁ nāma chinnaṁ vā acchinnaṁ vā pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

18. Vanaspati-1. Nāma manussānaṁ pariggahito hoti rukkho paribhogo. Theyyacitto chindati, pahāre pahāre āpatti dukkaṭassa. Ekaṁ pahāraṁ anāgate āpatti thullaccayassa. Tasmiṁ pahāre āgate āpatti pārājikassa.

19. Haraṇakaṁ nāma aññassa haraṇakaṁ bhaṇḍaṁ. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti. Āpatti pārājikassa. 'Sahabhaṇḍahārakaṁ nessāmi'ti paṭhamaṁ pādaṁ saṅkāmeti, āpatti thullaccayassa. Dutiyaṁ pādaṁ saṅkāmeti, āpatti pārājikassa. 'Patitaṁ bhaṇḍaṁ gahessāmi'ti pātāpeti, āpatti dukkaṭassa. Patitaṁ bhaṇḍaṁ pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa phandāpeti, āpatti thullaccayassa. Ṭhānā cāveti. Āpatti pārājikassa.

20. Upanidhi nāma upanikkhittaṁ bhaṇḍaṁ. 'Dehi me bhaṇḍa'nti vuccamāno 'nāhaṁ gaṇhāmī'ti bhaṇati, āpatti dukkaṭassa. Sāmikassa vimatiṁ uppādeti, āpatti thullaccayassa. [page 052] sāmiko 'na mayhaṁ dassatī'ti dhuraṁ nikkhipati, āpatti pārājikassa. Dhammaṁ caranto sāmikaṁ parājeti, āpatti pārājikassa. Dhammaṁ caranto parajjati, āpatti thullaccayassa.

21. Suṅkaghātaṁ nāma raññā ṭhapitaṁ hoti pabbatakhaṇḍe vā nadītitthe vā gāmadvāre vā 'atra paviṭṭhassa suṅkaṁ gaṇhantu'ti. Tatra pavisitvā rājagghaṁ bhaṇḍaṁ pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭasa, phandāpeti, āpatti thullaccayassa. Paṭhamaṁ pādaṁ suṅkaghātaṁ atikkāmeti, āpatti thullaccayassa. Dutiyaṁ pādaṁ atikkāmeti. Āpatti pārājikassa. Anto suṅkaghāte ṭhino bahi suṅkaghātaṁ pāteti, āpatti pārājikassa. Suṅkaṁ pariharati, āpatti dukkaṭassa.

22. Pāṇo nāma manussapāṇo vuccati. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. 'Padasā nessāmi'ti paṭhamaṁ pādaṁ saṅkāmeti, āpatti thullaccayassa. Dutiyaṁ pādaṁ saṅkāmeti, āpatti pārājikassa.

23. Apadaṁ nāma ahimacchā. Pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

1. Vanappati, machasaṁ

[BJT Page 118]

24. Dvipadaṁ nāma manussā pakkhajātā theyyacitto āmasati, āpatti dukkaṭassa. Phandāpeti, āpatti thullaccayassa, ṭhānā cāveti, āpatti pārājikassa. 'Padasā nessāmī'ti paṭhamaṁ pādaṁ saṅkāmeti, āpatti thullaccayassa. Dutiyaṁ pādaṁ saṅkāmeti, āpatti pārājikassa.

25. Catuppadaṁ nāma hatthi assā oṭṭhā goṇā gadrabhā pasukā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. 'Padasā nessāmi'ti paṭhamaṁ pādaṁ saṅkāmeti, āpatti thullaccayassa. Dutiyaṁ pādaṁ saṅkāmeti, āpatti thullaccayassa. Tatiyaṁ pādaṁ saṅkāmeti, āpatti thullaccayassa. Catutthaṁ pādaṁ saṅkāmeti, āpatti pārājikassa.
26. Bahuppadaṁ nāma vicchikā - satapadi - uccāliṅgapāṇakā. Pañcamāsakaṁ vā atirekapañcamāsakaṁ vā agghanakaṁ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. 'Padasā nessāmī'ti saṅkāmeti, pade pade āpatti thullaccayassa. Pacchimaṁ pādaṁ saṅkāmeti, āpatti pārājikassa.

27. Ocarako nāma bhaṇḍaṁ ocaritvā ācikkhati "itthannāmaṁ bhaṇḍaṁ avaharāti" āpatti dukkaṭassa. So taṁ bhaṇḍaṁ avaharati, āpatti ubhinnaṁ pārājikassa.

28. [page 053] onirakkho nāma āhaṭaṁ bhaṇḍaṁ gopento pañcamāsakaṁ vā atirekapañcamāsakaṁ vā agghanakaṁ vā theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.

29. Saṁvidāvahāro nāma sambāhulā saṁvidahitvā eko bhaṇḍaṁ avaharati, āpatti sabbesaṁ pārājikassa.

30. Saṅketakammaṁ nāma saṅketaṁ karoti purebhattaṁ vā pacchābhattaṁ vā rattiṁ vā divā vā 'tena saṅketena taṁ bhaṇḍaṁ avaharā'ti āpatti dukkaṭassa. Tena saṅkatena taṁ bhaṇḍaṁ avaharati, āpatti ubhinnaṁ pārājikassa. Taṁ saṅketaṁ pure vā pacchā vā taṁ bhaṇḍaṁ avaharati, mūlaṭṭhaṭassa anāpatti. Avahārakassa āpatti pārājikassa.

31. Nimittakammaṁ nāma nimittaṁ karoti 'akkhiṁ vā nikhanissāmi bhamukaṁ vā ukkhipissāmi sīsaṁ vā ukkhipissāmi, tena nimittena taṁ bhaṇḍaṁ avaharā'ti, āpatti dukkaṭassa. Tena nimittena taṁ bhaṇḍaṁ avaharati, āpatti ubhinnaṁ pārājikassa. Taṁ nimittaṁ pure vā pacchā vā taṁ bhaṇḍaṁ avaharati, mūlaṭṭhassa anāpatti, avahārakassa āpatti pārājikassa.

[BJT Page 120]

32. Bhikkhu bhikkhuṁ āṇāpeti 'itthannāmaṁ bhaṇḍaṁ avaharā'ti, āpatti dukkaṭassa. So taṁ maññamāno taṁ avaharati, āpatti uhinnaṁ pārājikassa.

33. Bhikkhu bhikkhuṁ āṇāpeti 'itthannāmaṁ bhaṇḍaṁ avaharā'ti, āpatti dukkaṭassa. So taṁ maññamāno aññaṁ avaharati, mūlaṭṭhassa anāpatti. Avahārakassa āpatti pārājikassa.

34. Bhikkhu bhikkhuṁ 'itthannāmaṁ bhaṇḍaṁ avaharā'ti, āpatti dukkaṭassa. So aññaṁ maññamano taṁ avaharati, āpatti ubhinnaṁ pārājikassa.

35. Bhikkhu bhikkhuṁ āṇāpeti 'itthannāmaṁ bhaṇḍaṁ avaharā'ti, āpatti dukkaṭassa. So aññaṁ maññamāno aññaṁ avaharati, mūlaṭṭhassa anāpatti avahārakassa āpatti pārājikassa.

36. Bhikkhu bhikkhuṁ āṇāpeti, 'itthannāmassa pāvada: itthannāmo itthannāmassa pāvadatu: itthannāmo itthannāmaṁ bhaṇḍaṁ avaharatu' ti, āpatti dukkaṭassa. So itarassa āroceti, āpatti dukkaṭassa. Avahārako patigaṇhāti, laṭṭhassa āpatti thullaccayassa. So taṁ bhaṇḍaṁ avaharati, āpatti sabbesaṁ pārājikassa.

37. Bhikkhu bhikkhuṁ āṇāpeti, "itthannāmassa pāvada: itthannāmo itthannāmassa pāvadatu, itannāmo itthannāmaṁ bhaṇḍaṁ avaharatu" ti, āpatti dukkaṭassa. So aññaṁ ānāpeti, āpatti dukkaṭassa. Avahārako patigaṇhāti āpatti, dukkaṭassa. So taṁ bhaṇḍaṁ avaharati, mūlaṭṭhassa anāpatti. Āṇāpakassa ca avahārakassa ca āpatti pārājikassa.

38. Bhikkhu bhikkhuṁ āṇāpeti [PTS Page 054 ']itthannāmaṁ bhaṇḍaṁ avaharā'ti, āpatti dukkaṭassa. So gantvā puna paccāgacchati 'nāhaṁ sakkomi taṁ bhaṇḍaṁ avaharitu'nti. So puna āṇāpeti 'yadā sakkosi tadā taṁ bhaṇḍaṁ avaharā'ti, āpatti dukkaṭassa so taṁ bhaṇḍaṁ avaharati, āpatti ubhinnaṁ pārājikassa.

39. Bhikkhu bhikkhuṁ āṇāpeti 'itthannāmaṁ bhaṇḍaṁ avaharā'ti, āpatti dukkaṭassa. So āṇāpetvā vippaṭisārī na sāveti.'Mā avaharī'ti. So taṁ bhaṇḍaṁ avaharati, āpatti ubhinnaṁ pārājikassa.

40. Bhikkhu bhikkhuṁ āṇāpeti 'itthannāmaṁ bhaṇḍaṁ avaharā'ti, āpatti dukkaṭassa. So āṇāpetvā vippaṭisārī sāveti 'mā avaharī'ti. So 'āṇatto ahaṁ tayā'ti taṁ bhaṇḍaṁ avaharati, mūlaṭṭhassa anāpatti, avahārakassa āpatti pārājikassa.

[BJT Page 122]

41. Bhikkhu bhikkhuṁ āṇāpeti 'itthannāmaṁ bhaṇḍaṁ avaharā'ti, āpatti dukkaṭassa. So āṇāpetvā vippaṭisārī sāveti 'mā avaharī'ti. So 'suṭṭhu'ti oramati, ubhinnaṁ anāpatti.

42. Pañcahākārehi adinnaṁ ādiyantassa āpatti pārājikassa parapariggahitañca hoti, parapariggahitasaññi ca, garuko ca hoti parikkhāro pañcamāsako vā atirekapañcamāsako vā, theyyacittañca paccupaṭṭhitaṁ hoti. Āmasati, āpatti dukkaṭassa phandāpeti, āpatti thullaccayassa. Ṭhānā cāveti, āpatti pārājikassa.
43. Pañcahākārehi adinnaṁ ādiyantassa āpatti thullaccayassa: parapariggahitañca hoti, parapariggahitasaññi ca, lahuko ca hoti parikkhāro atirekamāsako vā ūnapañcamāsako vā, theyya cittañca paccupaṭṭhitaṁ hoti, āmasati, āpatti dukkaṭassa phandāpeti, āpatti dukkaṭassa ṭhānā cāveti, āpatti thullaccayassa.

44. Pañcahākārehi adinnaṁ ādiyantassa āpatti dukkaṭassa: parapariggahitañca hoti, parapariggahitasaññī ca, lahuko ca hoti parikkharo māsako vā ūnamāsako vā, theyyacittañca paccupaṭṭhitaṁ hoti, āmasati, āpatti dukkaṭassa phandāpeti, āpatti dukkaṭassa. Ṭhānā cāveti, āpatti dukkaṭassa.

45. Chahi ākārehi adinnaṁ ādiyantassa āpatti pārājikassa: na ca sakasaññi, na ca vissāsagāhī, na ca tāvakālikaṁ, garuko ca hoti parikkhāro pañcamāsako vā atirekapañcamāsako [page 055] vā, theyyacittañca paccupaṭṭhitaṁ hoti, āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
46. Chahi ākārehi adinnaṁ ādiyantassa āpatti thullaccayassa: na ca sakasaññi, na ca vissāsagāhī, na ca tāvakālikaṁ, lahuko ca hoti parikkhāro atirekamāsako vā ūnapañcamāsako vā, theyyacittañca paccupaṭṭhitaṁ hoti, āmasati, āpatti dukkaṭassa phandāpeti, āpatti dukkaṭassa. Ṭhānā cāveti, āpatti thullaccayassa.

47. Chahi ākārehi adinnaṁ ādiyantassa āpatti dukkaṭassa: - na ca sakasaññi, na ca vissāsagāhī, na ca tāvakālikaṁ, lahuko ca hoti parikkhāro māsako vā ūnamāsako vā, theyyacittañca paccupaṭṭhitaṁ hoti, āmasati, āpatti dukkaṭassa, phandāpeti, āpatti dukkaṭassa. Ṭhānā cāveti, āpatti dukkaṭassa.

[BJT Page 124]

48. Pañcahākārehi adinnaṁ ādiyantassa āpatti dukkaṭassa na ca parapariggahitaṁ hoti, parapariggahitasaññi vā garuko ca hoti parikkhāro pañcamāsako vā atireka pañcamāsako vā, theyyacittañca paccupaṭṭhitaṁ hoti, āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.

49. Pañcahākārehi adinnaṁ ādiyantassa āpatti dukkaṭassa na ca parapariggahitaṁ hoti, parapariggahitasaññi ca, lahuko ca hoti parikkhāro atirekamāsako vā ūnapañcamāsako vā, theyya cittañca paccupaṭṭhitaṁ hoti, āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.

50. Pañcahākārehi adinnaṁ ādiyantassa āpatti dukkaṭassa na ca parapariggahitaṁ hoti, parapariggahitasaññi ca, lahuko ca hoti parikkhāro māsako vā ūnamāsako vā, theyayacittañca paccupaṭṭhitaṁ hoti, āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.

51. Anāpatti sakasaññissa-1. Vissāsagāhe, tāvakālike, petapariggahe, tiricchānagatapariggahe, paṁsukūlasaññissa, ummattakassa, khittacittassa, vedanaṭṭassa, -2. Ādikammikassāti.

-Adinnādānamhi paṭhamabhāṇavāro niṭṭhito-

1. Sasaññissa. Sī. Mu. 2. Vedanāṭṭassa. Machasaṁ.

[BJT Page 126]

Vinītavatthu

Uddānagāthā

Rajakehi pañca akkhātā caturo attharaṇehi ca,
Andhakārena ce pañca pañcahāraṇakena cha.

Niruttiyā pañca akkhātā vātehi apare duve,
Asambhinne kusāpāto chantaggena-1. Sahā dasa.

Vighāsehi pañca akkhātā pañca ceva amūlakā
Dubbhikkhe kuramaṁsañca puvasakkhalimodakā.

Saparikkhārathavikaṁ-2. Bhisivaṁsā na nikkhame,
Khādanīyañca vissāsaṁ sasaññāya pare duve.

Satta nāvaharāmāti sattaceva avāharuṁ,
Saṅghassa avaharuṁ satta pupphehi apare duve.

Tayo ca vuttavādino maṇi tīṇi atikkame,
Sukarā ca migā macchā yānaṁ cāpi pavaṭṭhayī.

Duve pesī duve dāru paṁsukūlaṁ duve dakā,
[page 056] anupubbavidhānena tadañño na paripūrayi.

Sāvatthiyā caturo muṭṭhi dve vighāsā duve tiṇā,
Saṅghassa bhājayuṁ satta satta ceva asāmikā.

Dārudakaṁ-3. Mattikā dve tiṇāni saṅghassa satta avabhāsiseyyuṁ-4.
Sassāmikaṁ na cāpi nīhareyya hareyya sassāmikaṁ tāvakālikaṁ.

Campā rājagahe ceva vesāliyā ca ajjuko,
Bārāṇasī ca kosambī sāgalā daḷhikena cāti.

1. Tena kho pana samayena jabbaggiyā bhikkhu rajakattharaṇaṁ gantvā rajakabhaṇḍikaṁ avahariṁsu. Tesaṁ kukkuccaṁ ahosi: bhagavatā sikkhāpadaṁ paññattaṁ. Kacci nu kho mayaṁ pārājikaṁ āpattiṁ āpannā'ti. Bhagavato etamatthaṁ ārocesuṁ -pe-āpattiṁ tumbhe bhikkhave āpannā pārājikanti. (1)

2. Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacittaṁ uppādesi. Tassa kukkuccaṁ ahosi: kacci nu kho ahaṁ pārājikaṁ āpattiṁ āpanno'ti. Bhagavato etamattaṁ ārocesi: anāpatti bhikkhu cittuppāde'ti. (2)

1. Jantāgharena. Syā. 2. Thavikā. Machasaṁ. 3. Dārudakā. Syā. 4. Avahāsiseyayaṁ, sīmu. 5. Assāmikā. Machasaṁ.

[BJT Page 128]

3. Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacitto āmasi. Tassa kukkuccaṁ ahosi. -Pe- anāpatti bhikkhu pārājikassa. Āpatti dukkaṭassāti. (3)

4. Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacitto phandāpesi. Tassa kukkuccaṁ ahosi, -pe- anāpatti bhikkhu pārājikassa. Āpatti thullaccayassāti. (4)

5. Tena kho pana samayena aññataro bhikkhu rajakattharaṇaṁ gantvā mahagghaṁ dussaṁ passitvā theyyacitto ṭhānā cāvesi. Tassa kukkuccaṁ ahosi: -pe- āpattiṁ tvaṁ bhikkhu āpanno pārājikanti. (5)

6. Tena kho pana samayena aññataro piṇḍacāriko bhikkhu mahagghaṁ uttarattharaṇaṁ passitvā theyyacittaṁ uppādesi. -Pe-theyyacitto āmasi. -Pe- theyyacitto phandāpesi. -Pe-theyyacitto ṭhānā cāvesi. Tassa kukkuccaṁ ahosi: -pe-āpattiṁ tvaṁ bhikkhu āpanno pārājikanti. (6 - 9)

7. Tena kho pana samayena aññataro bhikkhu divā bhaṇḍaṁ passitvā nimittaṁ akāsi 'rattiṁ avaharissāmī'ti. So taṁ maññamāno taṁ avahari. -Pe- taṁ maññamāno aññaṁ avahari, -pe- aññaṁ maññamāno taṁ avahari. -Pe- aññaṁ maññamāno aññaṁ avahari. Tassa kukkuccaṁ ahosi: -pe- āpattiṁ tvaṁ bhikkhu āpanno pārājikanti. (10 - 13)

8. [page 057] tena kho pana samayena aññataro bhikkhu divā bhaṇḍaṁ passitvā nimittaṁ akāsi 'rattiṁ avaharissāmī'ti. So taṁ maññamāno attano bhaṇḍaṁ avahari. Tassa kukkuccaṁ ahosi: -pe- anāpatti bhikkhu pārājikassa. Āpatti dukkaṭassāti (14)
9. Tena kho pana samayena aññataro bhikkhu aññassa bhaṇḍaṁ haranto sīse bhāraṁ theyyacitto āmasi. -Pe- theyyacitto phandāpesi. -Pe- theyyacitto khandhaṁ oropesi. -Pe-khandhe' bhāraṁ theyyacitto āmasi. -Pe- theyyacitto phandāpesi. -Pe-theyyacitto kaṭiṁ oropesi. -Pe- kaṭiyā bhāraṁ theyyacitto āmasi. -Pe- theyyacitto phandāpesi. -Pe-theyyacitto hatthena aggahesi. -Pe- hatthe bhāraṁ theyyacitto bhumiyaṁ nikkhiti. -Pe-theyyacitto bhumito aggahesi. Tassa kukkuccaṁ ahosi: -pe-āpattiṁ tvaṁ bhikkhu āpanno pārājikanti (15 - 25)

10. Tena kho pana samayena aññataro bhikkhu ajjhokāse cīvaraṁ pattharitvā vihāraṁ pāvisi. Aññataro bhikkhu 'māyi daṁ cīvaraṁ nassi'ti paṭisāmesi. So nikkhamitvā taṁ bhikkhuṁ pucchi: āvuso mayhaṁ cīvaraṁ kena avahaṭanti. So evamāha' mayā avahaṭanti. So taṁ ādiyi. 'Assamaṇosi tva'nti. Tassa kukkuccaṁ ahosi. -Pe-bhagavato etamatthaṁ ārocesi. Kiñcitto tvaṁ bhikkhu?Ti. 'Niruttipatho ahaṁ bhagavā'ti. Anāpatti bhikkhu niruttipathe'ti. (26)

[BJT Page 130]

11. Tena kho pana samayena aññataro bhikkhu pīṭhe cīvaraṁ nikkhipitvā -pe- pīṭhe nisīdanaṁ nikkhipitvā -pe- heṭṭhāpīṭhe pattaṁ nikkhipitvā vihāraṁ pāvisi. Aññataro bhikkhu 'māyaṁ patto nassī'ti. Paṭisāmesi. So nikkhamitvā taṁ bhikkhuṁ pucchi: 'āvuso mayhaṁ patto kena avahaṭo'ti. So evamāha: 'mayā avahaṭo'ti. So taṁ ādisi 'assamaṇo'si tva'nti. Tassa kukkuccaṁ ahosi. -Pe-"anāpatti bhikkhu niruttipathe" ti. (27-29)

12. Tena kho pana samayena aññatarā bhikkhunī vatiyā cīvaraṁ pattharitvā vihāraṁ pāvisi. Aññatarā bhikkhunī 'māyidaṁ cīvaraṁ tassī'ti pāṭisāmesi. Sā nikkhamitvā taṁ bhikkhuniṁ pucchi: 'ayye mayhaṁ cīvaraṁ kena avahaṭa'nti. Sā evamāha: 'mayā avahaṭa'nti. Sā taṁ ādisi 'assamaṇī'si tva'nti. Tassā kukkuccaṁ ahosi. Atha kho sā bhikkhunī bhikkhunīnaṁ etamatthaṁ ārocesi. Bhikkhuniyo bhikkhūnaṁ etamatthaṁ ārocesuṁ. Bhikkhu bhagavato etamatthaṁ ārocesuṁ. "Anāpatti bhikkhave niruttipathe" ti. (30)

13. [page 058] tena kho pana samayena aññataro bhikkhu vātamaṇḍalikāya ukkhittaṁ sāṭakaṁ passitvā 'sāmikānaṁ dassāmi'ti aggahesi. Sāmikā taṁ bhikkhuṁ codesuṁ: 'assamaṇo'si tva'nti. Tassa kukkuccaṁ ahosi -pe-kiñcitto tvaṁ bhikkhu'ti. 'Atheyyacitto ahaṁ bhagavā'ti. "Anāpatti bhikkhu atheyyacittassā"ti. (31)

14. Tena kho pana samayena aññataro bhikkhu vātamaṇḍalikāya ukkhittaṁ veṭhanaṁ 'pure sāmikā passantī'ti theyyacitto aggahesi. Sāmikā taṁ bhikkhuṁ codesuṁ: 'assamaṇo'si tva'nti. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (32)

15. Tena kho pana samayena aññataro bhikkhu susānaṁ gantvā abhinne sarīre paṁsukūlaṁ aggahesi. Tasmiṁ ca sarīre peto adhivattho hoti. Atha kho so peto taṁ bhikkhuṁ etadavoca: "mā bhante mayhaṁ sāṭakaṁ aggahesī"ti. So bhikkhu anādiyanto agamāsi. Atha kho taṁ sarīraṁ uṭṭhahitvā tassa bhikkhuno piṭṭhito piṭṭhito anubandhi. Atha kho so bhikkhu vihāraṁ pavisitvā dvāraṁ thakesi. Atha kho taṁ sarīraṁ tattheva paripati-1. Tassa kukkuccaṁ ahosi -pe-"anāpatti bhikkhu pārājikassa. Na ca bhikkhave abhinne sarīre paṁsukūlaṁ gahetabbaṁ. Yo gaṇheyya, āpatti dukkaṭassā"ti. (33)
16. Tena kho pana samayena aññataro bhikkhu saṅghassa cīvare bhājiyamāne theyyacitto kusaṁ saṅkāmetvā cīvaraṁ aggahesi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (34)

1. Paripaṭi, katthaci.

[BJT Page 132]

17. Tena kho pana samayena āyasmā ānando jantāghare aññatarassa bhikkhuno antaravāsakaṁ attano maññamāno nivāsesi. Atha kho so bhikkhu āyasmantaṁ ānandaṁ etadavoca: "kissa me tvaṁ āvuso ānanda, antaravāsakaṁ nivāsesī"ti. "Sakasaññī ahaṁ āvuso"ti. Bhagavato etamatthaṁ ārocesuṁ-pe- "anāpatti bhikkhave sakasaññissā"ti. (35)

18. Tena kho pana samayena sambahulā bhikkhu gijjhakūṭā pabbatā orohantā sīhavighāsaṁ passitvā pavāpetvā paribhuñjiṁsu. Tesaṁ kukkuccaṁ ahosi -pe- "anāpatti bhikkave sīhavighāse" ti. (36)

19. Tena kho pana samayena sambahulā bhikkhu gijjhakuṭā pabbatā orohantā vyagghavighāsaṁ passitvā -pe- dīpivighāsaṁ passitvā -pe- taracchavighāsaṁ passitvā -pe- kokavighāsaṁ passitvā pacāpetvā paribhuñjiṁsu. Tesaṁ kukkuccaṁ ahosi -pe-"anāpatti bhikkhave tiracchānagatapariggahe" ti. (37 - 40)

20. [page 059] tena kho pana samayena aññataro bhikkhu saṅghassa odane bhājiyamāne "aparassa bhāgaṁ dehī"ti amūlakaṁ aggahesi. Tassa kukkuccaṁ ahosi -pe- "anāpatti bhikkhu pārājikassa. Āpatti sampajānamusāvāde pācittiyassā"ti. (41)

21. Tena kho pana samayena aññataro bhikkhu saṅghassa khādaniye bhājiyamāne -pe-saṅghassa pūve bhājiyamāne -pe- saṅghassa ucchumhi bhājiyamāne -pe- saṅghassa timbarūsake bhājiyamāne "aparassa bhāgaṁ dehi"ti amūlakaṁ aggahesi. Tassa kukkaccaṁ ahosi -pe- "anāpatti bhikkhu pārājikassa, āpatti sampajānamusāvāde pācittiyassā"ti. (42-45)

22. Tena kho pana samayena aññataro bhikkhu dubbhikkhe odanīyagharaṁ pavisitvā pattapūraṁ odanaṁ theyyacitto avahari. Tassa kukkuccaṁ ahosi-pe- "āpattiṁ tvaṁ bhikkhu āpanno pārājika"nti. (46)

23. Tena kho pana samayena aññataro bhikkhu dubbhikkhe sūnāgharaṁ pavisitvā pattapūraṁ maṁsaṁ theyyacitto avahari. Tassa kukkuccaṁ ahosi. -Pe- "āpattiṁ tvaṁ bhikkhu āpanno pārājika"nti. (47)

24. Tena kho pana samayena aññataro bhikkhu dubbhikkhe pūvagharaṁ pavisitvā pattapūraṁ pūvaṁ theyyacitto avahari -pe- pattapūrā sakkhaliyo theyyacitto avahari -pe-pattapūre modake theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (48-50)

[BJT Page 134]

25. Tena kho pana samayena aññataro bhikkhu divā parikkhāraṁ passitvā nimittaṁ ākāsi: "rattiṁ avaharissāmī"ti. So taṁ maññamāno taṁ avahari -pe- taṁ maññamāno aññaṁ avahari -pe-aññaṁ maññamāno taṁ avahari -pe- aññaṁ maññamāno aññaṁ avahari -pe- tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (51-54)

26. Tena kho pana samayena aññataro bhikkhu divā parikkhāraṁ passitvā nimittaṁ akāsi. "Rattiṁ avaharissāmī"ti. So taṁ maññāmāno attano parikkhāraṁ avahari. Tassa kukkuccaṁ ahosi -pe- "anāpatti bhikkhu pārājikassa, āpatti dukkaṭassā"ti. (55)

27. Tena kho pana samayena aññataro bhikkhu pīṭhe thavikaṁ passitvā ito gaṇhanto pārājiko bhavissāmiti saha pīṭhakena saṅkāmetvā aggahesi. Tassa kukkuccaṁ ahosi -pe-"āpattiṁ tvaṁ bhikkhu āpanno pārājika"nti. (56)

28. Tena kho pana samayena aññataro bhikkhu saṅghassa bhisiṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (57)

29. Tena kho pana samayena aññataro bhikkhu cīvaravaṁse [page 060] cīvaraṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (58)

30. Tena kho pana samayena aññataro bhikkhu vihāre cīvaraṁ avaharitvā ito nikkhamanto pārājiko bhavissāmīti vihārā na nikkhami. Bhikkhū bhagavato etamattaṁ ārocesuṁ -pe-"nikkhameyya vā so bhikkhave moghapuriso na vā nikkhameyya āpatti pārājikassā"ti. (59)

31. Tena kho pana samayena dve bhikkhu sahāyakā honti, eko bhikkhu gāmaṁ piṇḍāya pāvisi. Dutiyo bhikkhu saṅghassa khādanīye bhājiyamāne sahāyakassa bhāgaṁ gahetvā tassa vissasanto paribhuñji. So jānitvā taṁ codesi: 'assamaṇo'si tva'nti. Tassa kukkuccaṁ ahosi. Bhagavato etamatthaṁ ārocesi -pe-"kiñcitto tvaṁ bhikkhū?"Ti. "Vissāsagāhī ahaṁ bhagavā"ti. "Anāpatti bhikkhu vissāsagāhe"ti. (60)

32. Tena kho samayena sambahulā bhikkhu cīvarakammaṁ karonti. Saṅghassa khādanīye bhājiyamāne sabbesaṁ paṭiviṁsā āharitvā upanikkhittā honti. Aññataro bhikkhu aññatarassa bhikkhuno paṭiviṁsaṁ attano maññamāno paribhuñji. So jānitvā taṁ codesi: 'assamaṇo'si tva'nti. Tassa kukkuccaṁ ahosi. Bhagavato etamatthaṁ ārocesi -pe- "kiñcitto tvaṁ bhikkhū'ti sakasaññi ahaṁ bhagavā"ti. "Anāpatti bhikkhu sakasaññissā"ti. (61)

[BJT Page 136]

33. Tena kho pana samayena sambahulā bhikkhu cīvarakammaṁ karonti. Saṅghassa khādanīye bhājiyamāne aññatarassa bhikkhuno pattena aññatarassa bhikkhuno paṭiviṁso āharitvā upanikkhitto hoti. Pattasāmiko bhikkhu attano maññamāno paribhuñji. So jānitvā taṁ codesi: 'assamaṇo'si tva'nti. Tassa kukkuccaṁ ahosi. Bhagavato etamatthaṁ ārocesi -pe- "kiñcitto tvaṁ bhikkhu?"Ti "sakasaññi ahaṁ bhagavā"ti. "Anāpatti bhikkhu sakasaññissā"ti. (62)

34. Tena kho pana samayena ambacorakā ambaṁ pātetvā bhaṇḍikaṁ ādāya agamaṁsu. Sāmikā te corake anubandhiṁsu. Corakā sāmike passitvā bhaṇḍikaṁ pātetvā palāyiṁsu. Bhikkhu paṁsukūlasaññino paṭiggāhāpetvā paribhuññiṁsu. Sāmikā te bhikkhū codesuṁ: "assamaṇattha tumhe"ti. Tesaṁ kukkuccaṁ ahosi. Bhagavato etamatthaṁ ārocesuṁ -pe- "kiñcittā tumhe bhikkhave?"Ti "paṁsukūlasaññino mayaṁ bhagavā"ti. "Anāpatti bhikkhave paṁsukūlasaññissā"ti. (63)

35. Tena kho pana samayena jambucorakā -pe- labujacorakā -pe- panasacorakā -pe- tālapakkacorakā -pe-ucchucorakā -pe- timbarūsakacorakā timbarūsake [page 061] ocinitvā bhaṇḍikaṁ ādāya agamaṁsu. Sāmikā te corake anubandhiṁsu. Corakā sāmiko passitvā bhaṇḍikaṁ pātetvā palāyiṁsu. Bhikkhū paṁsukūlasaññino paṭiggāhāpetvā paribhuñjiṁsu. Sāmikā te bhikkhu codesu: "assamaṇattha tumhe"ti. Tesaṁ kukkuccaṁ ahosi. -Pe-"anāpatti bhikkhave paṁsukūlasaññāssā"ti. (64-69)
36. Tena kho pana samayena ambacorakā ambaṁ pātetvā bhaṇḍikaṁ ādāya agamaṁsu. Sāmikā te corake anubandhiṁsu. Corakā sāmike passitvā bhaṇḍikaṁ pātetvā palāyiṁsu. Bhikkhu "pure sāmikā passanti"ti theyyacittā paribhuñjiṁsu. Sāmikā te bhikkhū codesuṁ "assamaṇattha tumhe"ti. Tesaṁ kukkuccaṁ ahosi -pe- "āpattiṁ tumhe bhikkhave āpannā pārājika"nti. (70)

37. Tena kho pana samayena jambucorakā -pe- labujacorakā -pe- panasacorakā -pe- tālapakkacorakā -pe-ucchucorakā -pe- timbarūsakacorakā timbarūsake ocinitvā bhaṇḍikaṁ ādāya agamaṁsu. Sāmikā te corake anubandhiṁsu. Corakā sāmike passitvā bhaṇḍikaṁ pātetvā palāyiṁsu. Bhikkhu "pure sāmikā passantī" theyyacittā paribhuñjiṁsu. Sāmikā te bhikkhu codesuṁ "assamaṇattha tumhe"ti. Tesaṁ kukkuccaṁ ahosi -pe-"āpattiṁ tumhe bhikkhave āpannā pārājika"nti. (71-76)
38. Tena kho pana samayena aññataro bhikkhu saṅghassa ambaṁ theyyacitto avahari -pe- saṅghassa jambuṁ -pe - saṅghassa labujaṁ -pe- saṅghassa panasaṁ -pe- saṅghassa tālapakkaṁ -pesaṅghassa ucchuṁ -pe- saṅghassa timbarūsakaṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (77-83)

[BJT Page 138]

39. Tena kho pana samayena aññataro bhikkhu pupphārāmaṁ gantvā ocitaṁ pupphaṁ pañcamāsagghanakaṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (84)

40. Tena kho pana samayena aññataro bhikkhu pupphārāmaṁ gantvā pupphāni ocinitvā pañcamāsagghanakaṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti (85)

41. Tena kho pana samayena aññataro bhikkhu gāmakaṁ gacchanto aññataraṁ bhikkhuṁ etadavoca: "āvuso tuyhaṁ upaṭṭhākakulaṁ vutto vajjemī"ti. So gantvā ekaṁ sāṭakaṁ āharāpetvā attanā paribhuñji. So jānitvā taṁ codesi: 'assamaṇo'si tva'nti. Tassa kukkuccaṁ ahosi. -Pe- anāpatti bhikkhu pārājikassa. "Na ca bhikkhave 'vutto vajjemi'ti vattabbo. Yo vadeyya āpatti dukkaṭassā"ti. (86)

42. Tena kho pana samayena aññataro bhikkhu gāmakaṁ gacchati. Aññataro bhikkhū taṁ bhikkhuṁ etadavoca: "āvuso mayhaṁ upaṭṭhākakulaṁ vutto vajjehī"ti. So gantvā yugasāṭakaṁ āharāpetvā ekaṁ attanā paribhuñji. Ekaṁ tassa bhikkhuno adāsi. So jānitvā taṁ codesi: "assamaṇo'si tva'nti. Tassa kukkuccaṁ ahosi. -Pe-anāpatti bhikkhu pārājikassa. "Na ca bhikkhave 'vutto vajjehī'ti vattabbo. Yo vadeyya āpatti dukkaṭassā"ti. (87)

43. Tena kho pana samayena aññataro bhikkhu gāmakaṁ [page 062] gacchanto aññataraṁ bhikkhuṁ etadavoca: "āvuso tuyhaṁ upaṭṭhākakulaṁ vutto vajjemī"ti. So'pi evamāha: "vutto vajjehī"ti. So gantvā āḷhakaṁ sappiṁ, tulaṁ guḷaṁ, doṇaṁ, taṇḍulaṁ, āharāpetvā attanā paribhuñji. So jānitvā taṁ codesi; "assamaṇo'si tvā'nti. Tassa kukkuccaṁ ahosi. -Pe-anāpatti bhikkhu pārājikassa. "Na ca bhikkhave 'vutto vajjemī'ti vattabbo. 'Na ca vutto vajjehī'ti vattabbo. Yo vadeyya āpatti dukkaṭassā"ti. (88)

44. Tena kho pana samayena aññataro puriso mahagghaṁ maṇiṁ ādāya aññatarena bhikkhunā saddhiṁ addhānamaggapaṭipanno hoti. Atha kho so puriso suṅkaṭṭhānaṁ passitvā tassa bhikkhuno ajānantassa thavikāya maṇiṁ pakkhipitvā suṅkaṭṭhānaṁ atikkamitvā aggahesi. Tassa kukkuccaṁ ahosi -pe- "kiñcitto tvaṁ bhikkhū?" Ti. "Nāhaṁ bhagavā jānāmī"ti. Anāpatti bhikkhu ajānantassāti. (89)

[BJT Page 140]

45. Tena kho pana samayena aññataro puriso mahagghaṁ maṇiṁ ādāya aññatarena bhikkhunā saddhiṁ addhānamaggapaṭipanno hoti. Atha kho so puriso suṅkaṭṭhānaṁ passitvā gilānālayaṁ karitvā attano bhaṇḍikaṁ tassa bhikkhuno adāsi. Atha kho so puriso suṅkaṭṭhānaṁ atikkamitvā taṁ bhikkhuṁ etadavoca: "āhara me bhante bhaṇḍikaṁ. Nāhaṁ akallako"ti. Kissa pana tvaṁ āvuso evarūpaṁ akāsīti. Atha kho so puriso tassa bhikkhuno etamatthaṁ ārocesi. Tassa kukkuccaṁ ahosi -pe-"anāpatti bhikkhu ajānantassā"ti. (90)

46. Tena kho pana samayena aññataro bhikkhu satthena saddhiṁ addhānamaggapaṭipanno hoti. Aññataro puriso taṁ bhikkhuṁ āmisena upalāpetvā suṅkaṭṭhānaṁ passitvā mahagghaṁ maṇiṁ tassa bhikkhuno adāsi. Imaṁ bhante maṇiṁ suṅkaṭṭhānaṁ atikkāmehīti. Atha kho so bhikkhu taṁ maṇiṁ suṅkaṭṭhānaṁ atikkāmesi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (91)

47. Tena kho pana samayena aññataro bhikkhu pāse baddhaṁ-1. Sūkaraṁ kāruññena muñci. Tassa kukkuccaṁ ahosi -pe-"kiñcitto tvaṁ bhikkhū?"Ti. "Kāruññādhippāyo ahaṁ bhagavā"ti. "Anāpatti bhikkhu kāruññādhippāyassā"ti. (92)

48. Tena kho pana samayena aññataro bhikkhu pāse baddhaṁ sūkaraṁ "pure sāmikā passantī" ti theyyacitto muñci. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (93)

49. Tena kho pana samayena aññataro bhikkhu pāse baddhaṁ migaṁ kāruññena muñci -pe- pāse baddhaṁ migaṁ 'pure sāmikā passāntī"ti theyyacitto muñci -pe- [page 063] kumine baddhe macche kāruññena muñci. -Pe- kumine baddhe macche 'pure sāmikā passantī'ti. Theyyacitto muñci, tassa kukkuccaṁ ahosi. -Pe-"āpattiṁ tvaṁ bhikkhū āpanno pārājika"nti. (94-97)

50. Tena kho pana samayena aññataro bhikkhu yāne bhaṇḍaṁ passitvā "ito gaṇhanto pārājiko bhavissāmī"ti atikkamitvā pavaṭṭetvā aggahesi. Tassa kukkuccaṁ ahosi -pe- "āpattiṁ tvaṁ bhikkhū āpanno pārājika"nti. (98)

51. Tena kho pana samayena aññataro bhikkhu kulalena ukkhittaṁ maṁsapesiṁ "sāmikānaṁ dassāmī" ti aggahesi. Sāmikā taṁ bhikkhū codesuṁ; "assamaṇo'si tva'nti. Tassa kukkuccaṁ ahosi -pe-"anāpatti bhikkhu atheyyacittassā"ti. (99)

52. Tena kho pana samayena aññataro bhikkhu kulalena ukkhittaṁ maṁsapesiṁ "pure sāmikā passantī"ti theyyacitto aggahesi. Sāmikā taṁ bhikkhuṁ codesuṁ: "assamaṇo'si tva'nti. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (100)

1. Khandhaṁ - machasaṁ
[BJT Page 142]

53. Tena kho pana samayena manussā uempaṁṁ bandhitvā aciravatiyā nadiyā osādenti. -1. "Bandhane chinne kaṭṭhāni vippakiṇṇāni agamaṁsu. Bhikkhū paṁsukūlasaññino uttāresuṁ. Sāmikā te bhikkhu codesuṁ "assamaṇattha tumhe'ti" tesaṁ kukkuccaṁ ahosi -pe- anāpatti bhikkhave paṁsukūlasaññissā'ti. (101)

54. Tena kho pana samayena manussāuempaṁtvā aciravatiyā nadiyā osādenti. Bandhane chinne kaṭṭhāni vippakiṇṇāni agamaṁsu. Bhikkhu "pure sāmikā passantī"ti theyyacittā uttāresuṁ. Sāmikā te bhikkhu codesuṁ: "assamaṇattha tumhe'-2. Ti" tesaṁ kukkuccaṁ ahosi -pe-"āpattiṁ tumhe bhikkhave āpannā pārājika"nti. (102)

55. Tena kho pana samayena aññataro gopālako rukkhe sāṭakaṁ ālaggetvā uccāraṁ agamāsi. Aññataro bhikkhu paṁsukūlasaññi aggahesi. Atha kho so gopālako taṁ bhikkhuṁ codesi: "assamaṇo'si tva,nti. Tassa kukkuccaṁ ahosi -pe-"anāpatti bhikkhu paṁsukūlasaññissā"ti. (103)

56. Tena kho pana samayena aññatarassa bhikkhuno nadiṁ tarantassa rajakānaṁ hatthato muttaṁ sāṭakaṁ pāde laggaṁ hoti. So bhikkhu sāmikānaṁ dassāmiti aggahesi. Sāmikā taṁ bhikkhuṁ codesuṁ: "assamaṇo'si tva'nti. Tassa kukkuccaṁ ahosi -pe-"anāpatti bhikkhu atheyyacittassā"ti. (104)

57. Tena kho pana samayena aññatarassa bhikkhuno nadiṁ tarantassa rajakānaṁ hatthato muttaṁ sāṭakaṁ pāde laggaṁ [page 064] hoti. So bhikkhu "pure sāmikā passantī" ti theyyacitto aggahesi. Sāmikā taṁ bhikkhuṁ codesuṁ: "assamaṇo'si tva'nti. Tassa kukkuccaṁ ahosi -pe-"āpattiṁ tvaṁ bhikkhu āpanno pārājika"nti. (105)
58. Tena kho pana samayena aññataro bhikkhu sappikumhiṁ passitvā thokaṁ thokaṁ-3. Paribhuñji. Tassa kukkuccaṁ ahosi -pe-"anāpatti bhikkhu pārājikassa, āpatti dukkaṭassā"ti. (106)

59. Tena kho pana samayena sambahulā bhikkhū saṁvidahitvā agamaṁsu. "Bhaṇḍaṁ avaharissamā"ti. Eko bhaṇḍaṁ avahari. Te evamāhaṁsu: "na mayaṁ pārājikā. Yo avahaṭo so pārājiko"ti. Bhagavato etamatthaṁ ārocesuṁ -pe-"āpattiṁ tumhe bhikkhave āpannā pārājika"nti. (107)

60. Tena kho pana samayena sambahulā bhikkhu saṁvidahitvā bhaṇḍaṁ avaharitvā bhājesuṁ. Tehi bhājiyamāne ekamekassa paṭiviṁso na pañcamāsako pūri. Te evamāhaṁsu. "Na mayaṁ pārājikā"ti. Bhagavato etamatthaṁ ārocesuṁ. -Pe- "āpattiṁ tumhe bhikkhave āpannā pārājika"nti. (108)

1. Osārenti, machasaṁ syā. 2. Assamaṇattha, machasaṁ syā. 3. Thokathokaṁ - machasaṁ

[BJT Page 144]

61. Tena kho pana samayena aññataro bhikkhu sāvatthiyaṁ dubbhikkhe āpaṇikassa taṇḍulamuṭṭhiṁ theyyacitto avahari. Tassa kukkuccaṁ ahosi. -Pe- "āpattiṁ tvaṁ bhikkhū āpanno pārājika"nti. (109)

62. Tena kho pana samayena aññataro bhikkhu sāvatthiyaṁ dubbhikkhe āpaṇikassa muggamuṭṭhiṁ -pe- māsamuṭṭhiṁ -pe-tilamuṭṭhiṁ theyyacitto avahari. Tassa kukkuccaṁ ahosi -pe-āpattiṁ tvaṁ bhikkhu āpanno pārājikanti. (110-112)

63. Tena kho pana samayena sāvatthiyā andhavane corakā gāviṁ hantvā maṁsaṁ khāditvā sesakaṁ paṭisāmetvā agamaṁsu. Bhikkhu paṁsukūlasaññino paṭiggāhāpetvā paribhuñjiṁsu. Corakā te bhikkhū codesuṁ: "assamaṇattha tumhe"ti. Tesaṁ kukkuccaṁ ahosi -pe-"anāpatti bhikkhave paṁsukūlasaññissā"ti. (113)

64. Tena kho pana samayena sāvatthiyā andhavane corakā sūkaraṁ hantvā maṁsaṁ khāditvā sesakaṁ paṭisāmetvā agamaṁsu. Bhikkhu paṁsukūlasaññino paṭiggāhāpetvā paribhuñjiṁsu. Corakā te bhikkhū codesuṁ: "assamaṇattha tumhe"ti. Tesaṁ kukkuccaṁ ahosi -pe-"anāpatti bhikkhave paṁsukūlasaññissā"ti. (114)

65. Tena kho pana samayena aññataro bhikkhu tiṇakkhettaṁ gantvā lūnaṁ-2. Tiṇaṁ pañcamāsagghanakaṁ theyyacitto avahari. Tassa kukkuccaṁ ahosi. -Pe- "āpattiṁ tvaṁ bhikkhu āpanno pārājika"nti. (115)

66. Tena kho pana samayena aññataro bhikkhu tiṇakkhettaṁ gantvā tiṇaṁ lāyitvā-3 pañcamāsagghanakaṁ theyyacitto avahari. Tassa kukkuccaṁ ahosi. -Pe- "āpattiṁ tvaṁ bhikkhu āpanno pārājika"nti. (116)

67. [page 065] tena kho pana samayena āgantukā bhikkhū saṅghassa ambaṁ bhājāpetvā paribhuñjiṁsu. Āvāsikā bhikkhu te bhikkhū codesuṁ: "assamaṇattha tumhe"ti. Tesaṁ kukkuccaṁ ahosi. Bhagavato etamatthaṁ ārocesuṁ. -Pe- "kiñcittā tumhe bhikkhave?Ti "paribhogatthā. -4. Mayaṁ bhagavā'ti. "Anāpatti bhikkhave paribhogatthāyā"ti. (117)
68. Tena kho pana samayena āgantukā bhikkhū saṅghassa jambuṁ -pe-saṅghassa labujaṁ -pe- saṅghassa panasaṁ -pe- saṅghassa tālapakkaṁ -pe- saṅghassa ucchuṁ -pe- saṅghassa timbarūsakaṁ bhājāpetvā paribhuñjiṁsu. Āvāsikā bhikkhū te bhikkhū codesuṁ: "assamaṇattha tumhe"ti. Tesaṁ kukkuccaṁ ahosi. -Pe-"anāpatti bhikkhave paribhogatthāyā"ti. (118-123)

69. Tena kho pana samayena ambapālakā bhikkhūnaṁ ambaphalaṁ denti. Bhikkhū 'gopetuṁ ime issarā, nayime dātu'nti kukkuccāyantā na patigaṇhanti. Bhagavato etamatthaṁ ārocesuṁ -pe- "anāpatti bhikkhave gopakassa dāne"ti. (124)

1. Pariggahāpetvā, 2. Lūnaṁ, machasaṁ. 3. Lāvitvā, sī. Mu. 4. Paribhogatthāya, - machasaṁ, syā.

[BJT Page 146]

70. Tena kho pana samayena jambupālakā -pe- labujapālakā -pe-panasapālakā -pe- tālapakkapālakā -pe- ucchupālakā -pe-timbarūsakapālakā bhikkhūnaṁ timbarūsake denti. Bhikkhū "gopetuṁ ime issarā, nayime dātu"nti kukkuccāyantā na patigaṇhanti. Bhagavato etamatthaṁ ārocesuṁ -pe- "anāpatti bhikkhave gopakassa dāne"ti. (125-130)

71. Tena kho pana samayena aññataro bhikkhu saṅghassa dāruṁ tāvakālikaṁ haritvā attano vihārassa kuḍḍaṁ upatthambhesi. Bhikkhu taṁ bhikkhuṁ codesuṁ: "assamaṇo'si tva"nti. Tassa kukkuccaṁ ahosi. Bhagavato ekamatthaṁ ārocesi -pe-"kiñcitto tvaṁ bhikkhu'ti. 'Tāvakāliko ahaṁ bhagavā'ti, "anāpatti bhikkhu tāvakālike"ti. (131)

72. Tena kho pana samayena aññataro bhikkhu saṅghassa udakaṁ theyyacitto avahari. -Pe- saṅghassa mattikaṁ theyyacitto avahari. -Pe- saṅghassa puñjakitaṁ tiṇaṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (132-134)

73. Tena kho pana samayena aññataro bhikkhu saṅghassa puñcajakitaṁ tiṇaṁ theyyacitto jhāpesi. Tassa kukkuccaṁ ahosi -pe-"anāpatti bhikkhu pārājikassa, āpatti dukkaṭassā"ti. (135)

74. Tena kho pana samayena aññataro bhikkhu saṅghassa mañcaṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (136)
75. Tena kho pana samayena aññataro bhikkhu saṅghassa pīṭhaṁ -pe-saṅghassa bhisiṁ -pe-saṅghassa bimbohanaṁ -pe- saṅghassa kavāṭaṁ -pe-saṅghassa alokasandhiṁ -pe-saṅghassa gopānasiṁ theyyacitto avahari. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (137-142)

76. Tena kho pana samayena bhikkhū aññatarassa upāsakassa [page 066] vihāraparibhogaṁ senāsanaṁ aññatra paribhuñjanti. Atha kho so upāsako ujjhāyati khīyati vipāceti: "kathaṁ hi nāma bhadantā aññatra paribhogaṁ aññatra paribhuñjassantī"ti. Bhagavato etamatthaṁ ārocesuṁ -pe- "na bhikkhave aññatra paribhogo aññatra paribhuñjitabbo, yo paribhuñjeyya āpatti dukkaṭassā"ti. (143)

77. Tena kho pana samayena bhikkhu uposathaggampi sannisajjampi harituṁ kukkuccāyantā chamāyaṁ nisīdanti. Gattāni'pi cīvarāni'pi paṁsukitāni honti. Bhagavato etamatthaṁ ārocesuṁ -pe"anujānāmi bhikkhave tāvakālikaṁ haritu"nti. (144)

[BJT Page 148]

78. Tena kho pana samayena campāyaṁ thullanandāya bhikkhuniyā antevāsikā-1. Bhikkhunī thullanandāya bhikkhunīyā upaṭṭhakakulaṁ gantvā "ayyā icchati tekaṭulayāguṁ pātu"nti pacāpetvā haritvā attanā paribhuñji. Sā jānitvā taṁ codesi: "assamaṇī'si tva"nti. Tassā kukkuccaṁ ahosi. Atha kho sā bhikkhunī bhikkhunīnaṁ etamatthaṁ ārocesi. Bhikkhuniyo bhikkhūnaṁ etamatthaṁ ārocesuṁ. Bhikkhu bhagavato etamatthaṁ ārocesuṁ. "Anāpatti bhikkhave pārājikassa, āpatti sampajānamusāvāde pācittiyassā"ti. (145)

79. Tena kho pana samayena rājagahe thullanandāya bhikkhuniyā antevāsikā bhikkhunī thullanandāya bhikkhunīyā upaṭṭhākakulaṁ gantvā "ayyā icchati madhugoḷakaṁ khāditu"nti pacāpetvā haritvā attanā paribhuñji. Sā jānitvā taṁ codesi: "assamaṇisi tva"nti. Tassā kukkuccaṁ ahosi -pe- "anāpatti bhikkhave pārājikassa, āpatti sampajānamusāvāde pācittiyassā"ti. (146)

80. Tena kho pana samayena vesāliyaṁ āyasmato ajjukassa upaṭṭhākassa gahapatino dve dārakā honti putto ca bhāgineyyo ca. Atha kho so gahapati āyasmantaṁ ajjukaṁ etadavoca: "imaṁ bhante okāsaṁ yo imesaṁ dvinnaṁ dārakānaṁ saddho hoti pasanno tassa ācikkheyyāsiti. -2. Tena kho pana samayena tassa gahapatino bhāgineyyo saddho hoti pasanno. Atha kho āyasmā ajjuko taṁ okāsaṁ tassa dārakassa ācikkhi. So tena sāpateyyena kuṭumbañca saṇṭhapesi, dānañca paṭṭhapesi. Atha kho tassa gahapatino putto āyasmantaṁ ānandaṁ etadavoca: "ko nu kho bhante ānanda pituno dāyajjo putto vā bhāgineyyo vā"ti. "Putto kho āvuso pituno dāyajjo"ti. Ayaṁ "ayyo ajjuko ambhākaṁ sāpateyyaṁ ambhākaṁ methunakassa ācikkhī"ti. "Assamaṇo āvuso āyasmā ajjuko"ti. Atha kho ajjuko āyasmantaṁ ānandaṁ etadavoca: "dehi me āvuso ānanda vinicchaya"nti. Tena [page 067] kho pana samayena āyasmā upāli āyasmato ajjukassa pakkho hoti. Atha kho āyasmā upāli āyasmantaṁ ānandaṁ etadavoca: "yo nu kho āvuso ānanda sāmikena 'imaṁ okāsaṁ itthannāmassa ācikkhā'ti-3. Vutto tassa ācikkhati" kiṁ so āpajjatī'ti. "Na bhante kiñci āpajjati, antamaso dukkaṭamattampī"ti. "Ayaṁ āvuso āyasmā ajjuko sāmikena 'imaṁ okāsaṁ itthannāmassa ācikkhā'ti vutto tassa ācikkhati. -4. Anāpatti āvuso āyasmato ajjukassā"ti. (147)

1. Antevāsinī. Machasaṁ. 2. Ācikkheyyāsī. Sokālamakāsini sya. 3. Ācikkhāhīti syā 4. Ācikkhi, sīmu.

[BJT Page 150]

81. Tena kho pana samayena bārāṇasiyaṁ āyasmato pilindivacchassa upaṭṭhākakulaṁ corehi upaddutaṁ hoti. Dve ca dārakā nītā honti. Atha kho āyasmā pilindivaccho te dārake iddhiyā ānetvā pāsāde ṭhapesi. Manussā te dārake passitvā "ayyassāyaṁ pilindivacchassa iddhānubhāvo"ti āyasmante pilindivacche abhippasīdiṁsu. Bhikkhū ujjhāyanti khiyanti vipācenti: "kathaṁ hi nāma āyasmā pilindivaccho corehi nīte dārake ānessatī"ti. Bhagavato etamatthaṁ ārocesuṁ. -Pe- "anāpatti bhikkhave iddhimato -1. Iddhivisayeti. (146)

82. Tena kho pana samayena dve bhikkhu sahāyakā honti paṇḍuko ca kapilo ca. Eko gāmake viharati eko kosombiyaṁ. Atha kho tassa bhikkhuno gāmakā kosambiṁ gacchantassa antarā magge nadiṁ tarantassa sūkarikānaṁ hatthato muttā medavaṭṭi pāde laggā hoti. So bhikkhu "sāmikānaṁ dassāmi"ti aggahesi. Sāmikā taṁ bhikkhu codesuṁ: "assamaṇo'si tva'nti. Taṁ uttiṇṇaṁ aññatarā -2. Gopālikā passitvā etadavoca: "ehi bhante methunaṁ dhammaṁ patisevā"ti. So 'pakatiyā pahaṁ assamaṇo'ti-3. ' Tassā methunaṁ dhammaṁ patisevitvā kosambiṁ gantāva bhikkhūnaṁ etamatthaṁ ārocesi. Bhikkhu bhagavato etamatthaṁ ārocesuṁ. . . Anāpatti bhikkhave adinnādāne pārājikassa, āpatti methunadhammasamāyoge pārājikassā" ti. (149)

83. Tena kho pana samayena sāgalāyaṁ āyasmato daḷhikassa saddhivihāriko bhikkhu anabhiratiyā pīḷito āpaṇikassa veṭhanaṁ avaharitvā āyasmantaṁ daḷhikaṁ etadavoca: "assamaṇo ahaṁ bhante vibbhamissāmī"ti. "Kiṁ tayā āvuso kata"nti? So tamatthaṁ ārocesi. Āharāpetvā agghāpesi. Taṁ agghāpente na pañcamāsako agghi-4. . . "Anāpatti āvuso pārājikassā"ti dhammakathaṁ akāsi. So bhikkhu abhiramīti. -5. (150)

-Dutiyapārājikaṁ samattaṁ-

1. Iddhimantassa. Machasaṁ. Iddhimassa. Syā 2. Ūnaṁ machasaṁ. 3. Assamaṇosmitī sīmu. 4. Agghāpentaṁ na pañcamāsake agghapeti. Machasaṁ. 5. Abhiramatīti. Machasaṁ
[BJT Page 152]

2. 3.
[page 068] tatiyapārājikaṁ

1. Tena samayena buddho bhagavā vesāliyaṁ viharati mahāvane kūṭāgārasālāyaṁ. Tena kho pana samayena bhagavā bhikkhūnaṁ anekapariyāyena asubhakathaṁ katheti. Asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁ bhāsati.
2. Atha kho bhagavā bhikkhu āmantesi: "icchāmahaṁ bhikkhave addhamāsaṁ patisallīyituṁ, nambhi kenaci upasaṅkamitabbo aññatra ekena piṇḍapāta nīhārakenā"ti. "Evaṁ bhante"ti kho te bhikkhū bhagavatā paṭissutvā-1. Nāssū'dha koci bhagavantaṁ upasaṅkamati aññatra ekena piṇḍapātanīhārakena.

3. Bhikkhu "bhagavā kho ānakapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁ bhāsatī"te anekākāravokāraṁ asubhabhāvanānuyogamanuyuttā viharanti.

4. Te sakena kāyena aṭṭīyanti harāyanti jigucchanti. Seyyathāpi nāma itthi vā puriso vā daharo yuvā maṇḍanakajātiko sīsaṁ nahāto abhikuṇapena vā kakkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya. Evameva te bhikkhū sakena kāyena aṭṭīyantā harāyantā jigucchantā attanāpi attānaṁ jīvitā voropenti, aññamaññampi jīvitā voropenti. Migalaṇḍikampi samaṇakuttakaṁ upasaṅkamitvā evaṁ vadenti: - "sādhu no āvuso jīvitā voropehi, idaṁ te pattacīvaraṁ bhavissatī"ti.

5. Atha kho migalaṇḍiko samaṇakuttako pattacīvarehi bhaṭo sambahule bhikkhu jīvitā voropetvā lohitakaṁ asiṁ ādāya yena vaggumudā nadī, tenupasaṅkami. Atha kho migalaṇḍikassa samaṇakuttakassa lohitakaṁ asiṁ-2. Dhovantassa ahudeva kukkuccaṁ ahu vippaṭisāro: "alābhā vata me, na vata me lābhā. Dulladdhaṁ vata me, na vata me [page 069] suladdhaṁ, bahuṁ vata mayā apuññaṁ pasutaṁ yo'haṁ bhikkhu sīlavante kalyāṇadhamme jīvitā voropesi"nti.

6. Atha kho aññatarā mārakāyikā devatā abhijjamāne udake āgantvā migalaṇḍikaṁ samaṇakuttakaṁ etadavoca: "sādhu sādhu sappurisa, lābhā te sappurisa, suladdhaṁ te sappurisa, bahuṁ tayā sappurisa, puññaṁ pasutaṁ, yaṁ tvaṁ atiṇṇe tāresī"ti.

1. Paṭissuṇitvā machasaṁ. 2. Taṁ asiṁ. Machasaṁ

[BJT Page 154]

7. Atha kho migalaṇḍiko samaṇakuttako: "lābhā kira me, suladdhaṁ kira me, bahuṁ kira mayā puññaṁ pasutaṁ, atiṇṇe kirāhaṁ tāremi" ti tiṇhaṁ asiṁ ādāya vihārena vihāraṁ pariveṇena pariveṇaṁ upasaṅkamitvā evaṁ vadeti: "ko atiṇṇo kaṁ tāremi"ti. Tattha ye te bhikkhu avītarāgā tesaṁ tasmiṁ samaye hotiyeva bhayaṁ. Hoti chambhitattaṁ. Hoti lomahaṁso. Ye pana te bhikkhu vītarāgā tesaṁ tasmiṁ samaye na hoti bhayaṁ. Na hoti chambhitattaṁ. Na hoti lomahaṁso.

8. Atha kho migalaṇḍiko samaṇakuttako ekampi bhikkhu ekāhena jīvitā voropesi, dve'pi bhikkhū ekāhena jīvitā voropesi, tayo'pi bhikkhū ekāhena jīvitā voropesi, cattāro'pi bhikkhu ekāhena jīvitā voropesi, pañca'pi bhikkhu ekāhena jīvitā voropesi, dasa'pi bhikkhu ekāhena jīvitā voropesi, vīsampi bhikkhu ekāhena jīvitā voropesi, tiṁsampi bhikkhu ekāhena jīvitā voropesi, cattārisampi bhikkhu ekāhena jīvitā voropesi, paññāsampi bhikkhu ekāhena jīvitā voropesi, saṭṭhimpi bhikkhu ekāhena jīvitā voropesi.

9. Atha kho bhagavā tassa addhamāsassa accayena paṭisallānā vuṭṭhito āyasmantaṁ ānandaṁ āmantesi: "kiṁ nu kho ānanda tanubhuto viya bhikkhusaṅgho"ti.

10. "Tathāhi pana bhante, bhagavā bhikkhūnaṁ anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁvaṇṇañca bhante bhikkhū bhagavā kho anekapariyāyena asubhakathaṁ katheti, asubhāya vaṇṇaṁ bhāsati, asubhabhāvanāya vaṇṇaṁ bhāsati, ādissa ādissa asubhasamāpattiyā vaṇṇaṁ bhāsatī"ti. Te anekākāravokāraṁ asubhabhāvanānuyogamanuyuttā viharanti. Te sakena kāyena aṭṭīyanti harāyanti jigucchanti. Seyyathāpi nāma itthi vā puriso vā daharo yuvā maṇḍanakajātiko sīsaṁ nahāto ahikuṇapena vā kukkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya, evameva te bhikkhu sakena kāyena [page 070] aṭṭīyantā harāyantā jigucchantā attanāpi attānaṁ jīvitā voropenti, aññamaññampi jīvitā voropenti. Migalaṇḍikampi samaṇakuttakaṁ upasaṅkamitvā evaṁ vadenti: "sādhu no āvuso jīvitā voropehi. Idaṁ te pattacīvaraṁ bhavissatī"ti. Atha kho bhante migalaṇḍiko samaṇakuttako pattacīvarehi bhaṭo ekampi bhikkhuṁ ekāhena jīvitā voropesi -pe- saṭṭhimpi bhikkhu ekāhena jīvitā voropesi. "Sādhu bhante bhagavā aññaṁ pariyāyaṁ ācikkhatu, yathāyaṁ bhikkhusaṅgho aññāyaṁ saṇṭhaheyyā"ti.

11. "Tenahānanda yāvatikā bhikkhū vesāliṁ upanissāya viharanti, te sabbe upaṭṭhānasālāyaṁ santipātehī"ti. "Evaṁ bhante"ti kho āyasmā ānando bhagavato paṭissutvā yāvatikā bhikkhū vesāliṁ upanissāya viharanti te sabbe upaṭṭhānasālāyaṁ santipātetvā yena bhagavā tenupasaṅkami. Upasaṅkamitvā bhagavantaṁ etadavoca: "sannipatito bhante bhikkhusaṅgho, yassa'dāni bhante bhagavā kālaṁ maññatī"ti.

[BJT Page 156]

12. Atha kho bhagavā yena upaṭṭhānasālā tenupasaṅkami. Upasaṅkamitvā paññatte āsane nisīdi. Nisajja kho bhagavā bhikkhu āmantesi: ayampi kho bhikkhave ānāpānasatisamādhi bhāvito bahulīkato santo ceva paṇīto ca āsevanako ca sukho ca vihāro uppannuppanne pāpake akusale dhamme ṭhānaso antaradhāpeti vūpasameti. Seyyathāpi bhikkhave gimbhānaṁ pacchime māse ūhataṁ rajojallaṁ, tamenaṁ mahā akālamegho ṭhānaso antaradhāpeti vūpasameti, evameva kho bhikkhave ānāpānasatisamādhi bhāvito bahulīkato santo ceva paṇīto ca āsevanako ca sukho ca vihāro uppannuppanne pāpake akusale dhamme ṭhānaso antaradhāpeti vūpasameti.

13. Kathaṁ bhāvito ca bhikkhave ānāpānasatisamādhi kathaṁ bahulīkato santo ceva paṇito ca asevanako ca sukho ca vihāro uppannuppanne pāpake akusale dhamme ṭhānaso antaradhāpeti vūpasameti?

14. "Idha bhikkhave bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā. So sato ca assasati, sato passasati: -

Dīghaṁ vā assasanto dīghaṁ assasāmīti pajānāti, dīghaṁ vā passasanto dīghaṁ passāmīti pajānāti, rassaṁ vā assasanto rassaṁ assasāmīti pajānāti, rassaṁ vā passasanto rassaṁ passasāmīti pajānāti, sabbakāyapaṭisaṁvedi assasissāmīti sikkhati, sabbakāyapaṭisaṁvedī [page 071] passasissāmīti sikkhati, passambhayaṁ kāyasaṅkhāraṁ assasissāmīti sikkhati, passambhayaṁ kāyasaṅkhāraṁ passasissāmīti sikkhati. Pītipaṭisaṁvedī assasissāmīti sikkhati, pīti paṭisaṁvedi passasissāmīti sikkhati, sukhapaṭisaṁvedī assasissāmīti sikkhati, sukhapaṭisaṁvedī passasissāmīti sikkhati, cittasaṅkhārapaṭisaṁvedī assasissāmīti sikkhati. Cittasaṅkhārapaṭisaṁvedī passasissāmiti sikkhati, passambhayaṁ cittasaṅkhāraṁ assasissāmīti sikkhati, passambhayaṁ cittasaṅkhāraṁ passasissāmīti sikkhati, cittapaṭisaṁvedī assasissāmīti sikkhati, cittapaṭisaṁvedī passasissāmīti sikkhati, abhippamodayaṁ cittaṁ -pe- samādahaṁ cittaṁ -pe-vimocayaṁ cittaṁ -pe-aniccānupassī -pe- virāgānupassī -pe-nirodhānupassi -pe-paṭinissaggānupassī assasissāmīti sikkhati, paṭinissaggānupassī passasissāmīti sikkhati. Evaṁ bhāvito kho bhikkhave ānāpānasatisamādhi evaṁ bahulīkato santo ceva paṇīto ca asecanako ca sukho ca vihāro uppannuppanne pāpake akusale dhamme ṭhānaso antaradhāpeti vūpasametī"ti.

[BJT Page 158]

15. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ santipātāpetvā bhikkhū paṭipucchi: "saccaṁ kira bhikkhave bhikkhū attanāpi attānaṁ jīvitā voropenti. Aññamaññampi jīvitā voropenti. Migalaṇḍakampi samaṇakuttakaṁ upasaṅkamitvā evaṁ vadenti: -1. Sādhu no āvuso jīvitā voropehi, idaṁ te pattacīvaraṁ bhavissatī"ti. "Saccaṁ bhagavā. " "Viharahi buddho bhagavā, ananucchaviyaṁ bhikkhave tesaṁ bhikkhūnaṁ ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma te bhikkhave bhikkhu attanāpi attānaṁ jīvitā voropessanti, aññamaññampi jīvitā voropessanti, migalaṇḍikampi samaṇakuttakaṁ upasaṅkamitvā evaṁ vakkhanti: "sādhu no āvuso jīvitā voropehi, idaṁ te pattacīvaraṁ bhavissatī"ti. Netaṁ bhikkhave appasannānaṁ vā pasādāya -pe-evañca pana bhikkhave imaṁ sikkhāpadaṁ uddiseyyātha:
"Yo pana bhikkhu sañcicca manussaviggahaṁ jīvitā voropeyya, satthahārakaṁ vāssa pariyeseyya, ayampi pārājiko hoti asaṁvāso"ti.

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti)

1. Tena kho pana samayena aññataro upāsako gilāno hoti, tassa pajāpati abhirūpā hoti dassanīyā pāsādikā. Jabbaggiyā bhikkhu tassā itthiyā paṭibaddhacittā honti. Atha kho chabbaggiyānaṁ bhikkhūnaṁ etadahosi: "sace kho so [page 072] āvuso upāsako jīvissati na mayaṁ taṁ itthiṁ labhissāma. Handa mayaṁ āvuso tassa upāsakassa maraṇavaṇṇaṁ saṁvaṇṇemā" ti.

2. Atha kho chabbaggiyā bhikkhū yena so upāsako tenupasaṅkamiṁsu. Upasaṅkamitvā taṁ upāsakaṁ etadavocuṁ: "tvaṁ kho'si upāsaka, katakalayyāṇo katakusalo katabhīruttāno akatapāpo akataluddo akatakibbiso. Kataṁ tayā kalyāṇaṁ, akataṁ tayā pāpaṁ. Kiṁ tuyhiminā pāpakena dujjīvitena, mataṁ te jīvitā seyyo. Ito tvaṁ kālakato kāyassa bhedā parammaraṇā sugatiṁ saggaṁ lokaṁ-2. Upapajjīssasi. Tattha dibbehi pañcahi kāmaguṇehi samappito samaṅgībhuto paricāressasī"ti.

3. Atha kho so upāsako "saccaṁ kho ayyā āhaṁsu. Ahaṁ hi katakalyāṇo katakusalo katabhīruttāno, akatapāpo akataluddo akatakibbiso. Kataṁ mayā kalyāṇaṁ, akataṁ mayā pāpaṁ. Kiṁ mayhaminā pāpakena dujjīvitena, mataṁ me jīvitā seyyo. Ito ahaṁ kālakato kāyassa bhedā parammaraṇā sugatiṁ saggaṁ lokaṁ uppajjissāmi. Tattha dibbehi pañcahi kāmaguṇehi samappito samaṅgībhuto paricāressāmī"ti. So asappāyāni ceva bhojanāni bhuñji, asappāyāni ca khādanīyāni khādi, asappāyāni sāyanīyāni sāyi, asappāyāni pānāni pivi. Tassa asappāyāni ceva bhojanāni bhuñjato asappāyāni ca khādanīyāni khādato asappāyāni sāyanīyāni sāyato asappāyāni pānāni pivato kharo ābādho uppajji. So teneva ābādhena kālamakāsi.

1. Vadanti. Machasaṁ. 2. Loke uppajjassati. Katthaci.

[BJT Page 160]

4. Tassa pajāpati ujjhāyati khīyati vipāceti: "alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti. Natthi imesaṁ sāmaññaṁ, natthi imesaṁ brahmaññaṁ. Naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ. Kuto imesaṁ sāmaññaṁ, kuto imesaṁ brahmaññaṁ. Apagatā ime sāmaññā, apagatā ime brahmaññā. Ime me sāmikassa maraṇavaṇṇaṁ saṁvaṇṇesuṁ. Imehi me sāmiko mārito"ti.

5. Aññepi manussā ujjhāyanti khīyanti vipācenti: "alacchino ime samaṇā sakyaputtiyā dussīlā musāvādino. Imehi nāma dhammacārino samacārino brahmacārino saccavādino sīlavanto kalyāṇadhammā paṭijānissanti. Natthi imesaṁ sāmaññaṁ, natthi imesaṁ brahmaññaṁ. Naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ. Kuto imesaṁ sāmaññaṁ, kuto imesaṁ brahmaññaṁ. Apagatā ime sāmaññā, apagatā ime brahmaññā. Ime upāsakassa maraṇavaṇṇaṁ saṁvaṇṇesuṁ. Imehi upāsako mārito"ti.

6. Assosuṁ kho bhikkhu tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhu appicchā te ujjhāyanti khīyanti vipācenti: kathaṁ hi nāma jabbaggiyā bhikkhu upāsakassa maraṇavaṇṇaṁ saṁvaṇṇissantī"ti.

7. Atha [page 073] kho te bhikkhū bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi: "saccaṁ kira tumhe bhikkhave upāsakassa maraṇavaṇṇaṁ saṁvaṇṇayitthā"ti. "Saccaṁ bhagavā. " Viharahi buddho bhagavā "ananucchaviyaṁ moghapurisā, ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tumhe moghapurisā upāsakassa maraṇavaṇṇaṁ saṁvaṇṇissatha. Netaṁ moghapurisā appasannānaṁ vā pasādāya" -pe- evañca pana bhikkhave imaṁ sikkhāpadaṁ uddiseyyātha: -

"Yo pana bhikkhu sañcicca manussaviggahaṁ jīvitā voropeyya, satthahārakaṁ vāssa pariyeseyya, maraṇavaṇṇaṁ vā saṁvaṇṇeyya, maraṇāya vā samādapeyya: "ambho purisa kiṁ tuyhaminā pāpakena dujjīvitena, matante jīvitā seyyo"ti iti cittamano cittasaṅkappo anekapariyāyena maraṇavaṇṇaṁ vā saṁvaṇṇeyya maraṇāya vā samādapeyya, ayampī pārājiko hoti asaṁvāso"ti.

(Dutiyapaññatti. )

8. Yo panāti - yo yādiso -pe- bhikkhuni -pe- ayaṁ imasmiṁ atthe adhippeto bhikkhūti.

Sañciccāti - jānanto sañjānanto cecca abhivitaritvā vītikkamo.

1. Sūlaṁ vā ladaḍaṁ vā - syā.

[BJT Page 162]

Manussaviggaho nāma: yaṁ mātukucchismiṁ paṭhamaṁ cittaṁ uppannaṁ paṭhamaṁ viññāṇaṁ pātubhūtaṁ yāva maraṇakālā etthantare eso manussaviggaho nāma.

Jīvitā voropeyyāti: jīvitindriyaṁ upacchindati uparodheti santatiṁ vikopeti.

Satthahārakaṁ vāssa pariyeseyyāti - asiṁ vā sattiṁ vā bheṇḍiṁ vā laguḷaṁ-1. Vā pāsāṇaṁ vā satthaṁ vā visaṁ vā rajjuṁ vā

Maraṇavaṇṇaṁ vā saṁvaṇṇeyyāti - jivite ādīnavaṁ dasseti, maraṇe vaṇṇaṁ bhaṇati.

Maraṇāya vā samādapeyyāti - satthaṁ vā āhara, visaṁ vā khāda, rajjuyā vā ubbandhitvā kālaṁ karohīti.

Ambho purisāti - ālapanādhivacanametaṁ ambho purisāti.

Kiṁ tuyhiminā pāpakena dujjivitenāti - pāpakaṁ nāma jīvitaṁ: aḍḍhānaṁ jīvitaṁ upādāya daḷiddānaṁ jīvitaṁ pāpakaṁ, sadhanānaṁ jīvitaṁ upādāya adhanānaṁ jīvitaṁ pāpakaṁ, devānaṁ jīvitaṁ upādāya manussānaṁ jīvitaṁ [page 074] pāpakaṁ. Dujjīvitaṁ nāma: hatthacchinnassa pādacchinnassa hatthapādacchinnassa kaṇṇacchinnassa nāsacchinnassa kaṇṇanāsacchinnassa. Iminā ca pāpakena iminā ca dujjivitena matante jīvitā seyyāti.
Iti cittamanoti - yañcittaṁ taṁ mano, yaṁ mano taṁ cittaṁ

Cittasaṅkappoti - maraṇasaññi maraṇacetano maraṇādhippāyo.

Anekapariyāyenāti - uccāvacehi ākārehi.

Maraṇavaṇṇaṁ vā saṁvaṇṇeyyāti - jivite ādīnavaṁ dasseti, maraṇe vaṇṇaṁ bhaṇati: 'ito tvaṁ kālakato kāyassa bhedā parammaraṇā sugatiṁ saggaṁ lokaṁ upapajjissasi. Tattha dibbehi paññahi kāmaguṇehi samappito samaṅgībhuto parivāressasī'ti. -2.

Maraṇāya vā samādapeyyāti - satthaṁ vā āhara, visaṁ vā khāda, rajjuyā vā ubbandhitvā kālaṁ karohi, sobbhe vā narake vā papāte vā papatā'ti.

Ayampīti - purime upādāya vuccati.

Pārājiko hotīti - seyyathāpi nāma puthusilā dvedhā bhinnā appaṭisandhikā hoti, evameva bhikkhu sañcicca manussaviggahaṁ jīvitā voropetvā assamaṇo hoti asakyaputtiyo. Tena vuccati pārājiko hotīti.

1. Lagulaṁ, sīhme. 2. Parivāressatīti. Sīmu.

[BJT Page 164]

Asaṁvāsoti - saṁvāso nāma: ekaṁ kammaṁ ekuddeso samasikkhatā, eso saṁvāso nāma. So tena saddhiṁ natthi tena vuccati asaṁvāso'ti.

(Nayamātikā)

1. Sāmaṁ adhiṭṭhāya, dutena, dutaparamparāya, visakkiyena dutena, gatapaccāgatena dutena, araho rahosaññi, raho arahosaññi, araho arahosaññi, raho rahosaññi, kāyena saṁvaṇṇeti, vācāya saṁvaṇṇeti, kāyena vācāya saṁvaṇṇeti, dutena saṁvaṇṇeti, lekhāya saṁvaṇṇeti, opātaṁ, apassenaṁ upanikkhipanaṁ, bhesajjaṁ, rūpūpahāro, saddūpahāro, gandhūpahāro, rasūpahāro, phoṭṭhabbūpahāro, dhammūpahāro, ācikkhanā, anusāsanī, saṅketakammaṁ, nimittakammanti.

2. Sāmanti - sayaṁ hanti kāyena vā kāyapaṭibaddhena vā nissaggiyena vā.

3. Adhiṭṭhāyāti - adhiṭṭhahitvā āṇāpeti: "evaṁ vijjha, evaṁ pahara, evaṁ ghātehī"ti.

4. [page 075] bhikkhu bhikkhuṁ āṇāpeti: "itthannāmaṁ jīvitā voropehi"ti, āpatti dukkaṭassa. So taṁ maññamāno taṁ jīvitā voropeti, āpatti ubhinnaṁ pārājikassa.

5. Bhikkhu bhikkhuṁ āṇāpeti: "itthannāmaṁ jīvitā voropehi"ti, āpatti dukkaṭassa, so taṁ maññamāno aññaṁ jīvitā voropeti, mūlaṭṭhassa anāpatti, vadhakassa āpatti pārājikassa.

6. Bhikkhu bhikkhuṁ āṇāpeti: "itthannāmaṁ jīvitā voropehī"ti, āpatti dukkaṭassa. So aññaṁ maññamāno taṁ jīvitā voropeti, āpatti ubhinnaṁ pārājikassa.

7. Bhikkhu bhikkhuṁ āṇāpeti: "itthannāmaṁ jīvitā voropehi"ti, āpatti dukkaṭassa, so aññaṁ maññamāno aññaṁ jīvitā voropeti, mūlaṭṭhassa anāpatti, vadhakassa āpatti pārājikassa.

8. Bhikkhu bhikkhuṁ āṇāpeti: "itthannāmassa pāvada: itthannāmo itthannāmassa pāvadatu: itthannāmo itthannāmaṁ jīvitā voropetu" ti, āpatti dukkaṭassa. So itarassa āroceti, āpatti dukkaṭassa. Vadhako patigaṇhāti, mūlaṭṭhassa āpatti thullaccayassa. So taṁ jīvitā voropeti, āpatti sabbesaṁ pārājikassa.

[BJT Page 166]

9. Bhikkhu bhikkhuṁ āṇāpeti: "itthannāmassa pāvada: itthannāmo itthannāmassa pāvadatu: itthannāmo itthannāmaṁ jīvitā voropetu"ti, āpatti dukkaṭassa. So aññaṁ āṇāpeti, āpatti dukkaṭassa. Vadhako patigaṇhāti, āpatti dukkaṭassa. So taṁ jīvitā voropeti, mūlaṭṭhassa anāpatti. Āṇāpakassa ca vadhakassa ca āpatti pārājikassa.

10. Bhikkhu bhikkhuṁ āṇāpeti: "itthannāmaṁ jīvitā voropehi"ti. Āpatti dukkaṭassa. So gantvā puna paccāgacchati 'nāhaṁ sakkomi taṁ jīvitaṁ voropetu'nti. So puna āṇāpeti: "yadā sakkosi tadā taṁ jīvitā voropehi"ti, āpatti dukkaṭassa. So taṁ jīvitā voropeti, āpatti ubhinnaṁ pārājikassa.

11. Bhikkhu bhikkhuṁ āṇāpeti: "itthannāmaṁ jīvitā voropehi"ti, āpatti dukkaṭassa so āṇāpetvā vippaṭisārī na sāveti 'mā ghātehi'ti. So taṁ jīvitā voropeti, āpatti ubhinnaṁ pārājikassa.

12. Bhikkhu bhikkhuṁ āṇāpeti: "itthannāmaṁ jīvitā voropehi"ti, āpatti dukkaṭassa; so 'āṇāpetvā vippaṭisārī sāveti 'mā ghātehī'ti, so 'āṇatto ahaṁ tayā'ti taṁ jīvitā voropeti, mūlaṭṭhassa anāpatti, vadhakassa āpatti pārājikassa.

13. Bhikkhu bhikkhuṁ āṇāpeti: "itthannāmaṁ jīvitā voropehi"ti, āpatti dukkaṭassa. So āṇāpetvā vippaṭisārī sāveti: 'mā ghātehi'ti, so 'suṭṭhu'ti oramati, ubhinnaṁ anāpatti.

14. Araho rahosaññi ullapati: "aho itthannāmo hato assā"ti, āpatti dukkaṭassa. Raho arahosaññi ullapati: "aho itthannāmo hato assā"ti, āpatti dukkaṭassa. Araho arahosaññi ullapati: [page 076] "aho itthannāmo hato assā"ti, āpatti dukkaṭassa, raho rahosaññi ullapati: "aho itthannāmo hato assā"ti, āpatti dukkaṭassa.

15. Kāyena saṁvaṇṇeti nāma: kāyena vikāraṁ karoti: "yo evaṁ marati so dhanaṁ vā labhati yasaṁ vā labhati saggaṁ vā gacchatī"ti, āpatti dukkaṭassa; tāya saṁvaṇṇanāya marissāmīti dukkhaṁ vedanaṁ uppādeti, āpatti thullaccayassa; marati, āpatti pārājikassa.

16. Vācāya saṁvaṇṇeti nāma: vācāya bhaṇati: "yo evaṁ marati so dhanaṁ vā labhati yasaṁ vā labhati saggaṁ vā gacchatī"ti, āpatti dukkaṭassa; tāya saṁvaṇṇanāya marissāmīti dukkhaṁ vedanaṁ uppādeti, āpatti thullaccayassa; marati, āpatti pārājikassa.

[BJT Page 168]

17. Kāyena vācāya saṁvaṇṇeti nāma: kāyena vikāraṁ karoti: vācāya ca bhaṇati, "yo evaṁ marati. So dhanaṁ vā labhati yasaṁ vā labhati saggaṁ vā gacchatī"ti, āpatti dukkaṭassa; tāya saṁvaṇṇanāya ' marissāmīti' dukkhaṁ vedanaṁ uppādeti, āpatti thullaccayassa; marati, āpatti pārājikassa.

18. Dūtena saṁvaṇṇeti nāma: dūtassa sāsanaṁ āroceti: "yo evaṁ marati so dhanaṁ vā labhati yasaṁ vā labhati saggaṁ vā gacchatī"ti, āpatti dukkaṭassa. Dūtassa sāsanaṁ sutvā 'marissāmi'ti, dukkhaṁ vedanaṁ uppādeti, āpatti thullaccayassa; marati, āpatti pārājikassa.

19. Lekhāya saṁvaṇṇeti nāma: lekhaṁ jindati "yo evaṁ marati so dhanaṁ vā labhati yasaṁ vā labhati saggaṁ vā gacchatī"ti; akkharakkharāya āpatti dukkaṭassa; lekhaṁ passitvā 'marissāmi' ti dukkhaṁ vedanaṁ uppādeti, āpatti thullaccayassa; marati, āpatti pārājikassa.

20. Opātaṁ nāma: manussaṁ uddissa opātaṁ khaṇati 'papatitvā marissatī'ti, āpatti dukkaṭassa; papatite dukkhā vedanā uppajjati, āpatti thullaccayassa; marati, āpatti pārājikassa. Anodissa opātaṁ khaṇati 'yo koci papatitvā marissatī'ti, āpatti dukkaṭassa. Manusso tasmiṁ papatati, āpatti dukkaṭassa; papatite dukkhā vedanā uppajati, āpatti thullaccayassa; marati, āpatti pārājikassa. Yakkho vā peto vā tiracchānagatamanussaviggaho vā tasmiṁ papatati, āpatti dukkaṭassa; papatite dukkhā vedanā uppajjati, āpatti dukkaṭassa, marati, āpatti thullaccayassa. Tiracchānagato tasmiṁ papata'ti, āpatti dukkaṭassa; papatite dukkhā vedanā uppajjati, āpatti dukkaṭassa; marati, āpatti pācittiyassa.

21. Apassenaṁ nāma: apassene satthaṁ vā ṭhapeti, visena vā makkheti, dubbalaṁ vā karoti, sobbhe vā narake vā papāte vā ṭhapeti 'papatitvā marissatī'ti, āpatti dukkaṭassa; satthena vā visena vā papatitena vā dukkhā vedanā uppajjati, āpatti thullaccayassa; [page 077] marati, āpatti pārājikassa.

22. Upanikkhipanaṁ nāma: asiṁ vā sattiṁ vā bheṇḍiṁ vā laguḷaṁ vā pāsāṇaṁ vā satthaṁ vā visaṁ vā rajjuṁ vā upanikkhipati 'iminā marissatī'ti, āpatti dukkaṭassa; tena marissāmīti dukkhaṁ vedanaṁ uppādeti, āpatti thullaccayassa; marati, āpatti pārājikassa.

23. Bhessajjaṁ nāma: sappīṁ vā navanītaṁ vā telaṁ vā madhuṁ vā phāṇitaṁ vā deti 'imaṁ sāyitvā marissatī'ti, āpatti dukkaṭassa; taṁ sāyite dukkhā vedanā uppajjati, āpatti thullaccayassa; marati, āpatti pārājikassa.

24. Rūpūpahāro nāma: amanāpikaṁ rūpaṁ upasaṁharati bhayānakaṁ bheravaṁ "imaṁ passitvā uttasitvā marissatī"ti, āpatti dukkaṭassa; taṁ passitvā uttasati, āpatti thullaccayassa; marati, āpatti pārājikassa. Manāpikaṁ rūpaṁ upasaṁharati-1. 'Imaṁ passitvā alābhakena sussitvā marissatī'ti, āpatti dukkaṭassa; taṁ passitvā alābhakena sussati, āpatti thullaccayassa; marati, āpatti pārājikassa.

1. Pemanīyaṁ hadayaṅgamaṁ. Syā.

[BJT Page 170]

25. Saddupahāro nāma: amanāpikaṁ saddaṁ upasaṁharati bhayānakaṁ bheravaṁ 'imaṁ sutvā uttasitvā marissati'ti, āpatti dukkaṭassa, taṁ sutvā uttasati, āpatti thullaccayassa; marati, āpatti pārājikassa. Manāpikaṁ saddaṁ upasaṁharati pemanīyaṁ hadayaṅgamaṁ 'imaṁ sutvā alābhakena sussitvā marissatī'ti, āpatti dukkaṭassa; taṁ sutvā alābhakena sussati, āpatti thullaccayassa; marati, āpatti pārājikassa.

26. Gandhūpahāro nāma: amanāpikaṁ gandhaṁ upasaṁharati jegucchaṁ pāṭikulyaṁ 'imaṁ ghāyitvā jegucchatā pāṭikulyatā marissatī'ti, āpatti dukkaṭassa; taṁ ghāyite jegucchatā pāṭikulyatā dukkhā vedanā uppajjati, āpatti thullaccayassa; marati, āpatti pārājikassa. Manāpikaṁ gandhaṁ upasaṁharati 'imaṁ ghāyitvā alābhakena sussitvā marissatī'ti. Āpatti dukkaṭassa; taṁ ghāyitvā alābhakena sussati, āpatti thullaccayassa; marati, āpatti pārājikassa.

27. Rasūpahāro nāma: amanāpikaṁ rasaṁ upasaṁharati jegucchaṁ pāṭikulyaṁ 'imaṁ sāyitvā jegucchatā pāṭikulyatā marissatī'ti, āpatti dukkaṭassa; taṁ sāyite jeguccatā pāṭikulyatā dukkhā vedanā uppajjati, āpatti thullaccayassa; marati, āpatti pārājikassa. Manāpikaṁ rasaṁ upasaṁharati, imaṁ sāyitvā alābhakena sussitvā marissatī'ti. Āpatti dukkaṭassa; taṁ sāyitvā alābhakena sussati, āpatti thullaccayassa; marati, āpatti pārājikassa.

28. Phoṭṭhabbūpahāro nāma: amanāpikaṁ [page 078] phoṭṭhabbaṁ upasaṁharati dukkhasamphassaṁ kharasamphassaṁ 'iminā phuṭṭho marissatī'ti āpatti dukkaṭassa; tena phuṭṭhassa dukkhā vedanā uppajjati, āpatti thullaccayassa; marati, āpatti pārājikassa. Manāpikaṁ phoṭṭhabbaṁ upasaṁharati, sukhasamphassaṁ mudusamphassaṁ "iminā phuṭṭho alābhakena sussitvā marissatī"ti, āpatti dukkaṭassa; tena phuṭṭho alābhakena sussati, āpatti thullaccayassa; marati, āpatti pārājikassa.
29. Dhammūpahāro nāma: nerayikassa nirayakathaṁ katheti "imaṁ sutvā uttasitvā marissatī"ti, āpatti dukkaṭassa; taṁ sutvā uttasati, āpatti thullaccayassa; marati, āpatti pārājikassa. Kalyāṇakammassa saggakathaṁ katheti "imaṁ sutvā adhimutto marissatī"ti. Āpatti dukkaṭassa; taṁ sutvā adhimutto "marissāmī"ti dukkhaṁ vedanaṁ uppādeti, āpatti thullaccayassa; āpatti pārājikassa.

30. Ācikkhanā nāma: puṭṭho bhaṇati evaṁ marassu"yo evaṁ marati, so dhanaṁ vā labhati, yasaṁ vā labhati, saggaṁ vā gacchatī"ti āpatti dukkaṭassa; tāya ācikkhanāya marissāmīti dukkhaṁ vedanaṁ uppādeti, āpatti thullaccayassa; marati, āpatti pārājikassa.

31. Anusāsanī nāma: apuṭṭho bhaṇati evaṁ marassu "yo evaṁ marati, so dhanaṁ vā labhati, yasaṁ vā labhati, saggaṁ vā gacchatī"ti, āpatti dukkaṭassa; tāya anusāsaniyā "marissāmī"ti dukkhaṁ vedanaṁ uppādeti, āpatti thullaccayassa; marati, āpatti pārājikassa.

[BJT Page 172]
32. Saṅketakammaṁ nāma: saṅketaṁ karoti: "purebhattaṁ vā pacchābhattaṁ vā rattiṁ vā divā vā tena saṅketena taṁ jīvitā voropehi"ti, āpatti dukkaṭassa; tena saṅketena taṁ jīvitā voropeti, āpatti ubhinnaṁ pārājikassa; taṁ saṅketaṁ pure vā pacchā vā taṁ jīvitā voropeti, mūlaṭṭhassa anāpatti; vadhakassa āpatti pārājikassa.

33. Nimittakammaṁ nāma: nimittaṁ karoti "akkhiṁ vā nikhaṇissāmi bhamukaṁ vā ukkhipssāmi sīsaṁ vā ukkhipissāmi tena nimittena taṁ jīvitā voropehī"ti, āpatti dukkaṭassa; tena nimittena taṁ jīvitā voropeti, āpatti ubhinnaṁ pārājikassa; taṁ nimittaṁ pure vā pacchā vā jīvitā voropeti, mūlaṭṭhassa anāpatti; vadhakassa āpatti pārājikassa.

34. Anāpatti asañcicca ajānantassa na maraṇādhippāyassa ummattakassa khittacittassa vedanaṭṭassa-1. Ādikammikassāti.

Manussaviggahapārājikamhi paṭhamabhāṇavāro niṭṭhito.

1. Khittacittassa, vedanaṭṭassa, sīhala potthakesu natthi.
[BJT Page 174]

Vinītavatthu.

Uddānagāthā.

[page 079] saṁvaṇṇanā nisīdanto mūsalodukkhalena ca,
Buḍḍhapabbajitā satta-1. Laggavīmaṁsanāvisaṁ.

Tayo ca vatthukammehi iṭṭhakāhi pare tayo
Vāsī gopānasī ceva aṭṭako tāraṇampati.

Sedaṁ natthu ca sambāho nahāpanabbhañjanena ca,
Uṭṭhāpento nipātento annapānena maraṇaṁ

Jāragabbho sapattī ca mātā puttaṁ ubho vadhi,
Ubho na mīyare maddā tāpaṁ vañjhā vijāyinī.

Patodaṁ niggaho yakkho vālayakkhañca pāhinī,
Taṁ maññamāno pahari saggañca nirayaṁ bhaṇe.

Ālaviyā tayo rukkhā dāyehi apare tayo,
Mā kilamesi na tuyhaṁ takkaṁ sovīrakena cāti.

1. Tena kho pana samayena aññataro bhikkhu gilāno hoti, tassa bhikkhū kāruññena maraṇavaṇṇaṁ saṁvaṇṇesuṁ, so bhikkhu kālamakāsi, tesaṁ kukkuccaṁ ahosi, "kacci nū kho mayaṁ pārājikaṁ āpattiṁ āpannā"ti. Atha kho te bhikkhu bhagavato etamatthaṁ ārocesuṁ -pe- "āpattiṁ tumhe bhikkhave āpannā pārājikanti. " (1)

2. Tena kho pana samayena aññataro piṇḍacāriko bhikkhu piṭhake piḷotikāya paṭicchannaṁ dārakaṁ nisīdanto ottharitvā māresi. Tassa kukkuccaṁ ahosi -pe-"anāpatti bhikkhu pārājikassa". "Na ca bhikkhave appaṭivekkhitvā āsane nisīditabbaṁ. Yo nisīdeyya, āpatti dukkaṭassā"ti. (2)

3. Tena kho pana samayena aññataro bhikkhu bhattagge antaraghare āsanaṁ paññāpento musale ussite ekaṁ mūsalaṁ aggahesi. Dutiyo musalo paripatitvā aññatarassa dārakassa matthake avatthāsi. So kālamakāsi. Tassa kukkuccaṁ ahosi -pe-"kiñcitto tvaṁ bhikkhūti?" Asañcicca ahaṁ bhagavā"ti. "Anāpatti bhikkhu asañciccā"ti. (3)

4. Tena kho pana samayena aññataro bhikkhu bhattagge antaraghare āsanaṁ paññāpento udukkhalabhaṇḍikaṁ akkamitvā pavaṭṭesi, aññataraṁ dārakaṁ ottharitvā māresi. Tassa kukkuccaṁ ahosi -pe-"anāpatti bhikkhu asañciccā"ti. (4)

1. Buḍḍhapabbajitābhisanno. Machasaṁ

[BJT Page 176]

5. Tena kho pana samayena pitāputtā bhikkhūsu pabbajitā honti. Kāle arocite putto pitaraṁ etadavoca: 'gaccha bhante saṅgho taṁ patimānetī'ti piṭṭhiyaṁ gahetvā panāmesi. So papatitvā kālamakāsi. Tassa kukkuccaṁ ahosi -pe-"kiñcitto [page 080] tvaṁ bhikkhū"?Ti "nāhaṁ bhagavā maraṇādhippāyo"ti. "Anāpatti bhikkhu na maraṇādhippāyassā"ti. (5)

6. Tena kho pana samayena pitāputtā bhikkhūsu pabbajitā honti. Kāle ārocite putto pitaraṁ etadavoca: 'gaccha bhante saṅgho taṁ patimānetī'ti maraṇādhippāyo piṭṭhiyaṁ gahetvā panāmesi. So papatitvā kālamakāsi. Tassa kukkuccaṁ ahosi-pe- "āpattiṁ tvaṁ bhikkhu āpanno pārājika"nti. (6)

7. Tena kho pana samayena pitāputtā bhikkhūsu pabbajitā honti. Kāle arocite putto pitaraṁ etadavoca: 'gaccha bhante saṅgho taṁ patimānetī'ti maraṇādhippāyo piṭṭhiyaṁ gahetvā panāmesi. So papatitvā na kālamakāsi. Tassa kukkuccaṁ ahosi -pe- "anāpatti bhikkhu pārājikassa, āpatti thullaccayassā"ti. (7)

8. Tena kho pana samayena aññatarassa bhikkhuno bhuñjantassa maṁsaṁ kaṇṭhe vilaggaṁ hoti. Aññataro bhikkhu tassa bhikkhuno gīvāyaṁ pahāraṁ adāsi. Salohitaṁ maṁsaṁ pati. So bhikkhu kālamakāsi. Tassa kukkuccaṁ ahosi -pe- "anāpatti bhikkhu na maraṇādhippāyassā"ti. (8)

9. Tena kho pana samayena aññatarassa bhikkhuno bhuñjantassa maṁsaṁ kaṇṭhe vilaggaṁ hoti. Aññataro bhikkhu maraṇādhippāyo tassa bhikkhuno gīvāyaṁ pahāraṁ adāsi. Salohitaṁ maṁsaṁ pati. So bhikkhu kālamakāsi. Tassa kukkuccaṁ ahosi -pe-"āpattiṁ tvaṁ bhikkhu āpanno pārājika"nti. (9)

10. Tena kho pana samayena aññatarassa bhikkhuno bhuñjantassa maṁsaṁ kaṇṭhe vilaggaṁ hoti. Aññataro bhikkhu maraṇādhippāyo tassa bhikkhuno gīvāyaṁ pahāraṁ adāsi. Salohitaṁ maṁsaṁ pati. So bhikkhu na kālamakāsi. Tassa kukkuccaṁ ahosi -pe-"anāpatti bhikkhu pārājikassa, āpatti thullaccayassā"ti. (10)

11. Tena kho pana samayena aññataro piṇḍacāriko bhikkhu visagataṁ piṇḍapātaṁ labhitvā paṭikkamanaṁ haritvā bhikkhūnaṁ aggakārikaṁ adāsi. Te bhikkhu kālamakaṁsu. Tassa kukkuccaṁ ahosi -pe- "kiñcitto tvaṁ bhikkhū"ti? "Nāhaṁ bhagavā jānāmī"ti. "Anāpatti bhikkhu ajānantassā"ti. (11)

12. Tena kho pana samayena aññataro bhikkhu vīmaṁsādhippāyo aññatarassa bhikkhuno visaṁ adāsi. So bhikkhu kālamakāsi. Tassa kukkuccaṁ ahosi -pe- "kiñcitto tvaṁ bhikkhū"ti? "Vīmaṁsādhippāyo ahaṁ bhagavā"ti. "Anāpatti bhikkhū pārājikassa, āpatti thullaccayassā"ti. (12)

[BJT Page 178]

13. Tena kho pana samayena ālavakā-1. Bhikkhu vihāravatthuṁ [page 081] karonti, aññataro bhikkhu heṭṭhā hutvā silaṁ uccāresi, uparimena bhikkhunā duggahitā silā heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṁ ahosi -pe-"anāpatti bhikkhu asañciccā"ti. (13)

14. Tena kho pana samayena ālavakā bhikkhu vihāravatthuṁ karonti. Aññataro bhikkhu heṭṭhā hutvā silaṁ uccāresi. Uparimo bhikkhu maraṇādhippāyo heṭṭhimassa bhikkhuno matthake silaṁ muñci. So bhikkhu kālamakāsi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (14)

15. Tena -pe- so bhikkhu na kālamakāsi tassa kukkuccaṁ ahosi -pe- "anāpatti bhikkhu pārājikassa, āpatti thullaccayassā"ti. (15)

16. Tena kho pana samayena ālavakā bhikkhu vihārassa kuḍḍaṁ uṭṭhāpenti. Aññataro bhikkhu heṭṭhā hutvā iṭṭhakaṁ uccāresi, uparimena bhikkhunā duggahitā iṭṭhakā heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṁ ahosi-pe-"anāpatti bhikkhu asañciccā"ti. (16)

17. Tena kho pana samayena ālavakā bhikkhū vihārassa kuḍḍaṁ uṭṭhāpenti. Aññataro bhikkhu heṭṭhā hutvā iṭṭhakaṁ uccāresi, uparimo bhikkhu maraṇādhippāyo heṭṭhimassa bhikkhuno matthake iṭṭhakaṁ muñci. So bhikkhu kālamakāsi -pe- (āpanno pārājikanti tena kho pana sampayena -pe-) so bhikkhu na kālamakāsi. Tassa kukkuccaṁ ahosi -pe- "anāpatti bhikkhu pārājikassa; āpatti thullaccayassā"ti. (17-18)

18. Tena kho pana samayena ālavakā bhikkhu navakammaṁ karonti. Aññataro bhikkhu heṭṭhā hutvā vāsiṁ uccāresi. Uparimena bhikkhunā duggahitā vāsi heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṁ ahosi -pe-"anāpatti bhikkhu asañciccā" ti. (19)

19. Tena kho pana samayena ālavakā bhikkhū navakammaṁ karonti. Aññataro bhikkhu heṭṭhā hutvā vāsiṁ uccāresi, uparimo bhikkhu maraṇādhippāyo heṭṭhimassa bhikkhuno matthake vāsiṁ muñci. So bhikkhu kālamakāsi (-pe- āpanno pārājikanti tena kho pana samayena -pe-) so bhikkhu na kālamakāsi. Tassa kukkuccaṁ ahosi -pe-"anāpatti -pe- bhikkhu pārājikassa, āpatti thullaccayassā"ti. (20-21)

20. Tena kho pana samayena ālavakā bhikkhū navakammaṁ karonti, aññataro bhikkhu heṭṭhā hutvā gopānasiṁ uccāresi, uparimena bhikkhunā duggahitā gopānasī heṭṭhimassa bhikkhuno matthake avatthāsi. So bhikkhu kālamakāsi. Tassa kukkuccaṁ ahosi -pe- "anāpatti bhikkhu asañciccā"ti. (22)

1. Ālavikā. Syā.

[BJT Page 180]

21. Tena kho pana samayena ālavakā bhikkhū navakammaṁ karonti. Aññataro bhikkhu heṭṭhao hutvā gopānasiṁ uccāresi, uparimo bhikkhu maraṇādhippāyo heṭṭhimassa bhikkhuno matthake gopānasiṁ muñci. So bhikkhu kālamakāsi -pe- (āpanno pārājikanti tena kho pana samayena -pe-) so bhikkhu na kālamakāsi. Tassa kukkuccaṁ ahosi -pe- "anāpatti bhikkhu pārājikassa, āpatti thullaccayassāti". (25-34)
22. Tena kho pana samayena ālavakā bhikkhū navakammaṁ karontā aṭṭakaṁ khandhanti. Aññataro bhikkhu aññataraṁ bhikkhuṁ etadavoca: "āvuso atraṭṭhito bandhāhī" ti. So tatraṭṭhito khandhanto paripatitvā kālamakāsi. [page 082] tassa kukkuccaṁ ahosi -pe-"kiñcitto tvaṁ bhikkhū?Ti" "nāhaṁ bhagavā maraṇādhippāyo"ti. "Anāpatti bhikkhu na maraṇādhippāyassā"ti. (25)

23. Tena kho pana samayena ālavakā bhikkhū navakammaṁ karontā aṭṭakaṁ khandhanti. Aññataro bhikkhu maraṇādhippāyo aññataraṁ bhikkhūṁ etadavoca: "āvuso atraṭṭhito khandhāhī"ti. So tatraṭṭhito khandhanto paripatitvā kālamakāsi -pe- (āpanno pārājikanti tena kho pana samayena -pe- tatraṭṭhito) paripatitvā na kālamakāsi. Tassa kukkuccaṁ ahosi -pe-"anāpatti bhikkhu pārājikassa, āpatti thullaccayassā"ti. (26-27)

24. Tena kho pana samayena aññataro bhikkhu vihāraṁ chādetvā otarati. Aññataro bhikkhu taṁ bhikkhuṁ etadavoca: "āvuso ito otarāhī" ti. So tena otaranto paripatitvā kālamakāsi. Tassa kukkuccaṁ ahosi -pe- "anāpatti bhikkhu na maraṇādhippāyassā" ti. (28)

25. Tena kho pana samayena aññataro bhikkhu vihāraṁ chādetvā otarati. Aññataro bhikkhu maraṇādhippāyo taṁ bhikkhuṁ etadavoca: "āvuso ito otarāhī" ti. So tena otaranto paripatitvā kālamakāsi. -Pe- (āpanno pārājikanti tena kho pana samayena -pe- ) paripatitvā na kālamakāsi. Tassa kukkuccaṁ ahosi -pe-"anāpatti bhikkhu pārājikassa, āpatti thullaccayassā"ti. (29-30)

26. Tena kho pana samayena aññataro bhikkhu anabhiratiyā pīḷito gijjhakūṭaṁ pabbataṁ abhiruhitvā papāte papatanto aññataraṁ vilīvakāraṁ ottharitvā māresi, tassa kukkuccaṁ ahosi -pe-anāpatti bhikkhu pārājikassa māresi, tassa kukkuccaṁ ahosi -pe- anāpatti bhikkhu pārājikassa. Na ca bhikkhave attānaṁ pātetabbaṁ. Yo pāteyya, āpatti dukkaṭassā"ti. (31)

27. Tena kho pana samayena chabbaggiyā bhikkhu gijjhakūṭaṁ pabbataṁ abhiruhitvā davāya sīlaṁ pavijjhiṁsu. Aññataraṁ gopālakaṁ ottharitvā māresi. Tesaṁ kukkuccaṁ ahosi -pe-"anāpatti bhikkhave pārājikassa, na ca bhikkhave davāya silā pavijjhitabbā, yo pavijjheyya āpatti dukkaṭassā"ti. (32)

28. Tena kho pana samayena aññataro bhikkhu gilāno hoti. Taṁ bhikkhū sedesuṁ. So bhikkhu kālamakāsi tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (33)

[BJT Page 182]

29. Tena kho pana samayena aññataro bhikkhu gilāno hoti. Taṁ bhikkhu maraṇādhippāyā sedesuṁ. So bhikkhu kālamakāsi -pe-(āpannā pārājikanti. Tena kho pana samayena. . . ) So bhikkhu na kālamakāsi. Tesaṁ kukkuccaṁ ahosi -pe-"anāpatti bhikkhave pārājikassa, āpatti thullaccayassā"ti. (34-35)

30. Tena kho pana [page 083] samayena aññatarassa bhikkhuno sīsābhitāpo hoti. Tassa bhikkhū natthuṁ adaṁsu. So bhikkhu kālamakāsi. Tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (36)

31. Tena kho pana samayena aññatarassa bhikkhuno sīsābhitāpo hoti. Tassa bhikkhu maraṇādhippāyā natthuṁ adaṁsu. So bhikkhu kālamakāsi. -Pe- (āpannā pārājikanti. Tena kho pana samayena -pe-) so bhikkhu na kālamakāsi. Tesaṁ kukkuccaṁ ahosi -pe-"anāpatti bhikkhave pārājikassa, āpatti thullaccayassā"ti. (37-38)

32. Tena kho pana samayena aññataro bhikkhu gilāno hoti. Taṁ bhikkhū sambāhesuṁ. So bhikkhu kālamakāsi. Tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (39)

33. Tena kho pana samayena aññataro bhikkhu gilāno hoti. Taṁ bhikkhū maraṇādhippāyā sambāhesuṁ. So bhikkhu kālamakāsi -pe-(āpannā pārājikanti. Tena kho pana samayena -pe- ) so bhikkhu na kālamakāsi. Tesaṁ kukkuccaṁ ahosi -pe-"anāpatti bhikkhave pārājikassa, āpatti thullaccayassā"ti. (40-41)

34. Tena kho pana samayena aññataro bhikkhu gilāno hoti. Taṁ bhikkhu nahāpesuṁ. So bhikkhu kālamakāsi. Tesaṁ kukkuccaṁ ahosi. -Pe- "anāpatti bhikkhave na maraṇādhippāyassā"ti. (42)

35. Tena kho pana samayena aññataro bhikkhu gilāno hoti. Taṁ bhikkhu maraṇādhippāyā nahāpesuṁ. So bhikkhu kālamakāsi -pe-(āpannā pārājikanti. Tena kho pana samayena -pe- ) so bhikkhu na kālamakāsi. Tesaṁ kukkuccaṁ ahosi-pe-anāpatti bhikkhave pārājikassa, āpatti thullaccayassāti. (43-44)
36. Tena kho pana samayena aññataro bhikkhu gilāno hoti. Taṁ bhikkhū telena abbhañjiṁsu. So bhikkhu kālamakāsi. Tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (45)

37. Tena kho pana samayena aññataro bhikkhu gilāno hoti. Taṁ bhikkhu maraṇādhippāyā telena abbhañjiṁsu. So bhikkhu kālamakāsi -pe- (āpannā pārājikanti. Tena kho pana samayena -pe- ) so bhikkhu na kālamakāsi. Tesaṁ kukkuccaṁ ahosi -pe- "anāpatti bhikkhave pārājikassa, āpatti thullaccayassā"ti. (46-47)

38. Tena kho pana samayena aññataro bhikkhu gilāno hoti. Taṁ bhikkhū uṭṭhāpesuṁ. So bhikkhu kālamakāsi. Tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (48)

39. Tena kho pana samayena aññataro bhikkhu gilāno hoti. Taṁ bhikkhu maraṇādhippāyā uṭṭhāpesuṁ, so bhikkhu kālamakāsi -pe-(āpannā pārājikanti. Tena kho pana samayena -pe-) so bhikkhu na kālamakāsi. Tesaṁ kukkuccaṁ ahosi -pe-"anāpatti bhikkhave pārājikassa, āpatti thullaccayassā"ti. (49-50)

[BJT Page 184]

40. Tena kho pana samayena aññataro bhikkhu gilāno hoti. Taṁ bhikkhū nipātesuṁ. So bhikkhu kālamakāsi. Tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (51)

41. Tena kho pana samayena aññataro bhikkhu gilāno hoti. Taṁ bhikkhu maraṇādhippāyā nipātesuṁ. So bhikkhu kālamakāsi. -Pe-(āpannā pārājikanti. Tena kho pana samayena -pe- ) so bhikkhu na kālamakāsi. Tesaṁ kukkuccaṁ ahosi -pe-"anāpatti bhikkhave pārājikassa, āpatti thullaccayassā"ti. (52-53)

42. Tena kho pana samayena aññataro bhikkhu gilāno hoti. Tassa bhikkhu annaṁ adaṁsu. So bhikkhu kālamakāsi. Tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (54)

43. Tena kho pana samayena aññataro bhikkhu gilāno hoti. Tassa bhikkhū maraṇādhippāyā annaṁ adaṁsu. So bhikkhu kālamakāsi -pe-(āpannā pārājikanti. Tena kho pana samayena -pe- ) so bhikkhu na kālamakāsi. Tesaṁ kukkuccaṁ ahosi -pe-"anāpatti bhikkhave pārājikassa, āpatti thullaccayassā"ti. (55-56)

44. Tena kho pana samayena aññataro bhikkhu gilāno hoti. Tassa bhikkhu pānaṁ adaṁsu. So bhikkhu kālamakāsi. Tesaṁ kukkuccaṁ ahosi -pe- "anāpatti bhikkhave na maraṇādhippāyassā"ti. (57)

45. Tena kho pana samayena aññataro bhikkhu gilāno hoti. Tassa bhikkhu maraṇādhippāyā pānaṁ adaṁsu. So bhikkhu kālamakāsi -pe-(āpannā pārājikanti. Tena kho pana samayena -pe- ) so bhikkhu na kālamakāsi. Tesaṁ kukkuccaṁ ahosi -pe-"anāpatti bhikkhave pārājikassa; āpatti thullaccayassā"ti. (58-59)

46. Tena kho pana samayena aññatarā itthi pavutthapatikā jārena gabbhinī hoti. Sā kulūpagaṁ bhikkhuṁ etadavoca: - "iṅghayya gabbhapātanaṁ jānāhī"ti "suṭṭhu bhaginī"ti tassā gabbhapātanaṁ adāsi. Dārako kālamakāsi. Tassa kukkuccaṁ ahosi -pe-"āpattiṁ tvaṁ bhikkhu āpanno pārājikana"nti. (60)

47. Tena kho pana samayena aññatarassa purisassa dve pajāpatiyo honti ekā vañjhā ekā vijāyinī. Vañjhā itthi kulūpagaṁ bhikkhuṁ etadavoca: - "sace sā bhante vijāyissati sabbassa kuṭumbassa issarā bhavissati. Iṅghayya tassā gabbhapātanaṁ jānāhī"ti. "Suṭṭhu bhaginī" ti tassā gabbhapātanaṁ adāsi. Dārako kālamakāsi. Mātā na kālamakāsi. Tassa kukkuccaṁ ahosi -pe- "āpattiṁ tvaṁ bhikkhu āpanno pārājika"nti. (61)
48. Tena kho pana samayena aññatarassa purisassa dve pajāpatiyo honti ekā vañjhā ekā vijāyinī. Vañjhā itthi kulūpagaṁ bhikkhuṁ etadavoca: - "sace sā bhante vijāyissati sabbassa kuṭumbassa issarā bhavissati. Iṅghayya tassā gabbhapātanaṁ jānāhī"ti. "Suṭṭhu bhaginī" ti tassā gabbhapātanaṁ adāsi. Mātā kālamakāsi. Dārako na kālamakāsi. Tassa kukkuccaṁ ahosi -pe- "anāpatti bhikkhu pārājikassa; [page 084] āpatti thullaccayassā"ti. (62)

[BJT Page 186]

49. Tena kho pana samayena aññatarassa purisassa dve pajāpatiyo honti ekā vañjhā ekā vijāyinī. Vañjhā itthi kulūpagaṁ bhikkhuṁ etadavoca: - "sace sā bhante vijāyissati sabbassa kuṭumbassa issarā bhavissati. Iṅghayya tassā gabbhapātanaṁ jānāhī"ti. "Suṭṭhu bhaginī" ti tassā gabbhapātanaṁ adāsi. Mātā kālamakaṁsu. -Pe- (āpanno pārājikanti. Tena kho pana samayena -pe- ) ubho na kālamakaṁsu. Tassa kukkuccaṁ ahosi -pe- "anāpatti bhikkhu pārājikassa, āpatti thullaccayassā"ti. (63-64)
50. Tena kho pana samayena aññatarā gabbhinī itthi kulupagaṁ bhikkhuṁ etadavoca: "iṅghayya gabbhapātanaṁ jānāhī"ti. "Tena hi bhagini maddassū"ti. Sā maddāpetvā gabbhaṁ pātesi. Tassa kukkuccaṁ ahosi. -Pe- "āpattiṁ tvaṁ bhikkhu āpanno pārājika"nti. (65)

51. Tena kho pana samayena aññatarā gabbhinī itthi kulupagaṁ bhikkhuṁ etadavoca: "iṅghayya gabbhapātanaṁ jānāhī"ti. "Tena hi bhagini tāpehī"ti. Sā tāpetvā gabbhaṁ pātesi. Tassa kukkuccaṁ ahosi. -Pe- "āpattiṁ tvaṁ bhikkhu āpanno pārājika"nti. (66)

52. Tena kho pana samayena aññatarā vañjhā itthi kulupagaṁ bhikkhuṁ etadavoca: "iṅghayya bhesajjaṁ jānāhi yenāhaṁ vijāyeyya"nti. "Suṭṭhu bhagini"ti tassā bhesajjaṁ adāsi. Sā kālamakāsi. Tassa kukkuccaṁ ahosi -pe- "anāpatti bhikkhuṁ pārājikassa; āpatti dukkhaṭassā"ti (67)

53. Tena kho pana samayena aññatarā vijāyinī itthi kulupagaṁ bhikkhuṁ etadavoca: "iṅghayya bhesajjaṁ jānāhi yenāhaṁ na vijāyeyya"nti. "Suṭṭhu bhagini"ti tassā bhesajjaṁ adāsi. Sā kālamakāsi. Tassa kukkuccaṁ ahosi -pe- "anāpatti bhikkhuṁ pārājikassa; āpatti dukkaṭassā"ti (68)

54. Tena kho pana samayena chabbaggiyā bhikkhū sattarasavaggiyaṁ bhikkhuṁ aṅgulipatodakena hāsesuṁ. So bhikkhu uttasanto anassāsako kālamakāsi. Tesaṁ kukkuccaṁ ahosi -pe-"anāpatti bhikkhave pārājikassā"ti. -1. (69)

55. Tena kho pana samayena chabbaggiyā bhikkhū sattarasavaggiyaṁ bhikkhuṁ kammaṁ karissāmāti ottharitvā māresuṁ. Tesaṁ kukkuccaṁ ahosi -pe- "anāpatti bhikkhave pārājikassā"ti. (70)

56. Tena kho pana samayena aññataro bhūtavejjako bhikkhu yakkhaṁ jīvitā voropesi. Tassa kukkuccaṁ ahosi -pe-"anāpatti bhikkhu pārājikassa; āpatti thullaccayassā"ti. (71)

57. Tena kho pana samayena aññataro bhikkhu aññataraṁ bhikkhuṁ vāḷayakkhavihāraṁ pāhesi. Taṁ yakkhā jīvitā voropesuṁ. Tassa kukkuccaṁ ahosi. -Pe-"anāpatti bhikkhu na maraṇādhippāyassā"ti. (72)

1. Anāpatti bhikkhave pārājikassa āpatti pācittiyassāti. Syā
(Imasmiṁ pana vatthusmiṁ yāya āpattiyā bhavitabbaṁ sā buddakesu niddhiṭhāti idha na vuttā aṭṭhakathā)

[BJT Page 188]

58. Tena kho pana samayena aññataro bhikkhu maraṇādhippāyo aññataraṁ bhikkhuṁ vāḷayakkhavihāraṁ pāhesi. Taṁ yakkhā jīvitā voropesuṁ -pe- (āpanno pārājikanti. Tena kho pana samayena -pe-) taṁ yakkhā jīvitā na voropeseṁ. Tassa kukkuccaṁ ahosi -pe- "anāpatti bhikkhu pārājikassa; āpatti thullaccayassā"ti. (73-74)

59. [page 085] tena kho pana samayena aññataro bhikkhu aññataraṁ bhikkhuṁ vāḷakantāraṁ pāhesi. Taṁ vāḷā jīvitā voropesuṁ. Tassa kukkuccaṁ ahosi -pe- "anāpatti bhikkhu namaraṇādhippāyassā"ti. (75)

60. Tena kho pana samayena aññataro bhikkhu maraṇādhippāyo aññataraṁ bhikkhuṁ vāḷakantāraṁ pāhesi. Taṁ vāḷā jīvitā voropesuṁ. -Pe- (āpanno pārājikanti. Tena kho pana samayena -pe- ) taṁ vāḷā jīvitā na voropesuṁ. Tassa kukkuccaṁ ahosi -pe- "anāpatti bhikkhū pārājikassa; āpatti thullaccayassā"ti. (76-77)

61. Tena kho pana samayena aññataro bhikkhu aññataraṁ bhikkhuṁ corakantāraṁ pāhesi. Taṁ corā jīvitā voropesuṁ. Tassa kukkuccaṁ ahosi -pe- "anāpatti bhikkhu namaraṇādhippāyassā"ti. (78)

62. Tena kho pana samayena aññataro bhikkhu maraṇādhippāyo aññataraṁ bhikkhuṁ corakantāraṁ pāhesi. Taṁ corā jīvitā voropesuṁ. -Pe- (āpanno pārājikanti. Tena kho pana samayena -pe-) taṁ corā jīvitā na voropesuṁ. Tassa kukkuccaṁ ahosi -pe- "anāpatti bhikkhu pārājikassa; āpatti thullaccayassā"ti. (79-80)

63. Tena kho pana samayena aññataro bhikkhu taṁ maññamāno taṁ jīvitā voropesi -pe- taṁ maññamāno aññaṁ jīvitā voropesi. -Pe- aññaṁ maññamāno taṁ jīvitā voropesi -pe- aññaṁ maññamāno aññaṁ jīvitā voropesi. Tassa kakkuccaṁ ahosi -pe- "āpattiṁ tvaṁ bhikkhu āpanno pārājika"nti. (81-84)
64. Tena kho pana samayena aññataro bhikkhu amanussena gahito hoti. Aññataro bhikkhu tassa bhikkhuno pahāraṁ adāsi so bhikkhu kālamakāsi. Tassa kukkuccaṁ ahosi -pe- "anāpatti bhikkhu na maraṇādhippāyassā"ti. (85)

65. Tena kho pana samayena aññataro bhikkhu amanussena gahito hoti. Aññataro bhikkhu maraṇādhippāyo tassa bhikkhuno pahāraṁ adāsi. So bhikkhu kālamakāsi -pe-(āpanno pārājikānti. Tena kho pana samayena -pe-) so bhikkhu na kālamakāsi. Tassa kukkuccaṁ ahosi -pe- "anāpatti bhikkhu pārājikassa; āpatti thullaccayassā"ti. (85-87

66. Tena kho pana samayena aññataro bhikkhu kalyāṇakammakassa saggakathaṁ kathesi. So adhimutto kālamakāsi. Tassa kukkuccaṁ ahosi -pe- "anāpatti bhikkhu namaraṇādhippāyassā"ti. (88)

67. Tena kho pana samayena aññataro bhikkhu maraṇādhippāyo kalyāṇakammakassa saggakathaṁ kathesi. So adhimutto kālamakāsi -pe-(āpanno pārājikanti. Tena kho pana samayena -pe-) so adhimutto na kālamakāsi. Tassa kukkuccaṁ ahosi -pe-"anāpatti bhikkhu pārājikassa āpatti thullaccayassā"ti. (89-90)

[BJT Page 190]

68. Tena kho pana samayena aññataro bhikkhu nerayikassa nirayakathaṁ kathesi. So uttasitvā kālamakāsi. Tassa kukkuccaṁ ahosi -pe-"anāpatti bhikkhu na maraṇādhippāyassā"ti. (91)

69. Tena kho pana samayena aññataro bhikkhu maraṇādhippāyo nerayikassa nirayakathaṁ kathesi. So uttasitvā kālamakāsi -pe-(āpanno pārājikanti. Tena kho pana samayena -pe-) so uttasitvā na kālamakāsi. Tassa kukkuccaṁ ahosi -pe-"tassa kukkuccaṁ ahosi -pe- "anāpatti bhikkhu pārājikassa, āpatti thullaccayassā"ti. (92-93)

70. Tena kho pana samayena ālavakā bhikkhū navakammaṁ karontā rukkhaṁ jindanti. Aññataro bhikkhu aññataraṁ bhikkhuṁ etadavoca: "āvuso atraṭṭhiko jindāhī"ti. Taṁ tatraṭṭhitaṁ jindantaṁ rukkho ottharitvā māresi. Tassa kukkuccaṁ ahosi -pe-"anāpatti bhikkhu namaraṇādhippāyassā" ti.

71. Tena kho pana samayena ālavakā bhikkhū navakammaṁ karontā rukkhaṁ jindanti. Aññataro bhikkhu maraṇādhippāyo aññataraṁ bhikkhuṁ etadavoca: "āvuso atraṭṭhito jindāhī"ti. Taṁ tatraṭṭhitaṁ jindantaṁ rukkho ottharitvā māresi -pe-(āpanno pārājikanti. Tena kho pana samayena -pe-) rukkho ottharitvā na māresi. Tassa kukkuccaṁ ahosi -pe-"anāpatti bhikkhu pārājikassa, āpatti thullaccayassā"ti. (95-96)

72. Tena kho pana samayena chabbaggiyā bhikkhū dāyaṁ ālimpesuṁ. Manussā daḍḍhā kālamakaṁsu. Tesaṁ kukkuccaṁ ahosi -pe-"ānāpātti bhikkhave namaraṇādhippāyassā"ti. (97)

73. Tena kho pana samayena chabaggiyā bhikkhū maraṇādhippāyā dāyaṁ ālimpesuṁ. Manussā daḍḍhā kālamakaṁsu -pe-(āpannā pārājikanti tena kho pana samayena -pe-) manussā daḍḍhā na kālama-kaṁsu. Tesaṁ kukkuccaṁ ahosi -pe"anāpatti bhikkhave pārājikassa, āpatti thullaccayassā"ti. (98-99)

74. [page 086] tena kho pana samayena aññataro bhikkhu āghātanaṁ gantvā coraghātaṁ etadavoca: - "āvuso māyimaṁ kilamesi, ekena pahārena jīvitā voropehīti. 'Suṭṭhu bhante'ti ekena pahārena jīvitā voropesi. Tassa kukkuccaṁ ahosi -pe-"āpattiṁ tvaṁ bhikkhu āpanno pārājikā"nti. (100)

75. Tena kho pana samayena aññataro bhikkhu āghātanaṁ gantvā coraghātaṁ etadavoca: - "āvuso māyimaṁ kilamesi, ekena pahārena jīvitā voropehī"ti. So "nāhaṁ tuyhaṁ vacanaṁ karissāmī"ti jīvitā voropesi. Tassa kukkuccaṁ ahosi -pe-anāpatti bhikkhu pārājikassa, āpatti dukkaṭassā"ti. (101)

76. Tena kho pana samayena aññataro puriso ñātighare hattha pādacchinno ñātakehi samparikiṇṇo hoti. Aññataro bhikkhu te manusse etadavoca: - "āvuso icchatha imassa maraṇa"nti. "Āma bhante icchāmā"ti. "Tena hi takkaṁ pāyethā"ti. Te taṁ takkaṁ pāyesuṁ. So kālamakāsi. Tassa kukkuccaṁ ahosi -pe-"āpattiṁ tvaṁ bhikkhu āpanno pārājikanti. (102)

[BJT Page 192]

77. Tena kho pana samayena aññataro puriso kulaghare hatthapādacchinno ñātakehi samparikiṇṇo hoti. Aññatarā bhikkhunī te manusse etadavoca: - "āvuso icchatha imassa maraṇa"nti. "Āmayye icchāmā"ti. Tena hi "loṇasovīrakaṁ pāyethā"ti. Te taṁ loṇasovīrakaṁ pāyesuṁ. So kālamakāsi. Tassā kukkuccaṁ ahosi. Atha kho sā bhikkhunī bhikkhunīnaṁ etamatthaṁ ārocesi. Bhikkhuniyo bhikkhūnaṁ etamatthaṁ ārocesuṁ. Bhikkhu bhagavato etamatthaṁ ārocesuṁ -pe-"āpattiṁ sā bhikkhave bhikkhunī āpannā pārājika"nti. (103)

- Tatiyapārājikaṁ [page 087] samattaṁ -

2. 4.
Catutthapārājikaṁ

1. Tena samayena buddho bhagavā vesāliyaṁ viharati mahāvane kūṭāgārasālāyaṁ. Tena kho pana samayena sambahulā sandiṭṭhā sambhattā bhikkhū vaggumudāya nadiyā tīre vassaṁ upagacchiṁsu. Tena kho pana samayena vajjī dubbhikkhā hoti dvīhitikā setaṭṭhikā-1. Salākā vuttā na sukarā uñchena paggahena yāpetuṁ.

2. Atha kho tesaṁ bhikkhūnaṁ etadahosi: - etarahi kho vajji dubbhikkhā dvīhitikā setaṭṭhikā salākā vuttā na sukarā uñchena paggahena yāpetuṁ. Kena nu kho mayaṁ upāyena samaggā sammodamānā avivadamānā phāsukaṁ vassaṁ vaseyyāma, na ca piṇḍakena kilameyyāmā'ti.

3. Ekacce evamāhaṁsu: - "handa mayaṁ āvuso gihīnaṁ kammantaṁ adhiṭṭhema, evaṁ te amhākaṁ dātuṁ maññissanti", evaṁ mayaṁ samaggā sammodamānā avivadamānā phāsukaṁ vassaṁ vasissāma, na ca piṇḍakena kilamissāmā"ki.

4. Ekacce evamāhaṁsu: - "alaṁ āvuso kiṁ gihīnaṁ kammantaṁ adhiṭṭhitena, handa mayaṁ āvuso gihīnaṁ dūteyyaṁ harāma, evaṁ te amhākaṁ dātuṁ maññissanti, evaṁ mayaṁ samaggā sammodamānā avivadamānā phāsukaṁ vassaṁ vasissāma, na ca piṇḍakena kilamissāmā"ti.

5. Ekacce evamāhaṁsu: "alaṁ āvuso kiṁ gihīnaṁ kammantaṁ adhiṭṭhitena, kiṁ gihīnaṁ duteyyaṁ haṭena, handa mayaṁ āvuso gihīnaṁ aññamaññassa uttarimanussadhammassa vaṇṇaṁ bhāsāma, -2. Asuko bhikkhu paṭhamassa jhānassa lābhī, asuko bhikkhu dutiyassa jhānassa lābhī, asuko bhikkhu tatiyassa jhānassa lābhi, asuko bhikkhu catutthassa jhānassa lābhī, asuko bhikkhu sotāpanno, asuko bhikkhu sakadāgāmī, asuko bhikkhu anāgāmī, asuko bhikkhu arahā, asuko bhikkhu tevijjo, asuko bhikkhu chaḷabhiñño'ti. Evaṁ te amhākaṁ dātaṁ maññissanti. Evaṁ mayaṁ samaggā [page 088] sammodamānā avivadamānā phāsukaṁ vassaṁ vasissāma na ca piṇḍakena kilamissāmā"ti. "Esoyeva kho āvuso seyyo yo ambhākaṁ gihīnaṁ aññamaññassa uttarimanussadhammassa vaṇṇo bhāsito"ti.

1. Setaṭṭikā, katthaci. 2. Bhāsissāma - machasaṁ

[BJT Page 194]

6. Atha kho te bhikkhū gihīnaṁ aññamaññassa uttarimanussadhammassa vaṇṇaṁ bhāsiṁsu: asuko bhikkhu paṭhamassa jhānassa lābhī -pe-asuko bhikkhu chaḷabhiñño"ti.

7. Atha kho te manussā "lābhā vata no, suladdhaṁ vata no, yesaṁ-1. No evarūpā bhikkhū vassaṁ upagatā, na vata no ito pubbe evarūpā bhikkhu vassaṁ upagatā, yathayime bhikkhu sīlavanto, kalyāṇadhammā"ti. Te na tādisāni bhojanāni attanā bhuñjanti, mātāpitunnaṁ denti, puttadārassa denti, dāsakammakaraporisassa denti, mittāmaccānaṁ denti, ñātisālohitānaṁ denti, yādisāni bhikkhūnaṁ denti. Na tādisāni khādaniyyāni -pe- sāyaniyyāni -pe-pānāni attanā pivanti, mātāpitunnaṁ denti, puttadārassa denti, dāsākāmmakaraporisassa denti, mittāmaccānaṁ denti, ñātisālohitānaṁ denti, yādisāni bhikkhūnaṁ denti. Atha kho te bhikkhū vaṇṇavā ahesuṁ pīṇindriyā pasannamukhavaṇṇā vippasannachavivaṇṇā.

8. Āciṇṇaṁ kho panetaṁ vassaṁ vutthānaṁ bhikkhūnaṁ bhagavantaṁ dassanāya upasaṅkamituṁ. Atha kho te bhikkhu vassaṁ vutthā temāsaccayena senāsanaṁ saṁsāmetvā pattacīvaraṁ ādāya yena vesālī tena pakkamiṁsu. Anupubbena yena vesālī mahāvanaṁ kuṭāgārasālā yena bhagavā tenupasaṅkamiṁsu. Upasaṅkamitvā bhagavantaṁ abhivādetvā ekamantaṁ nisīdiṁsu.

9. Tena kho pana samayena disāsu vassaṁ vutthā bhikkhū kisā honti lukhā dubbaṇṇā uppaṇḍuppaṇḍukajātā dhamanisanthatagattā. Vaggumudātīriyā pana-2. Bhikkhū vaṇṇavā honti piṇindriyā pasannamukhavaṇṇā vippasannachavivaṇṇā. Āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.

10. Atha kho bhagavā vaggumudātīriye bhikkhū etadavoca: "kacci bhikkhave khamanīyaṁ kacci yāpanīyaṁ kacci samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā"ti. "Khamanīyaṁ bhagavā, yāpanīyaṁ bhagavā, samaggā ca mayaṁ bhante sammodamānā avivadamānā phāsukaṁ vassaṁ vasimhā, na ca piṇḍakena kilamimbhā"ti. Jānantāpi tathāgatā pucchanti, [page 089] jānantāpi na pucchanti, kālaṁ viditvā puccanti kālaṁ viditvā na pucchanti, atthasaṁhitaṁ tathāgatā pucchanti no anatthasaṁhitaṁ, anatthasaṁhite setughāto tathāgatānaṁ.

1. Yesaṁ vata. - Machasaṁ. 2. 'Pana' iti potthakesu ūnaṁ.

[BJT Page 196]

11. Dvihākārehi buddhā bhagavanto bhikkhū paṭipucchanti "dhammaṁ vā desissāma, sāvakānaṁ vā sikkhāpadaṁ paññāpessāmā"ti. Atha kho bhagavā vaggumudātīriye bhikkhū etadavoca: "yathā kathaṁ pana tumhe bhikkhave samaggā sammodamānā avivadamānā phāsukaṁ vassaṁ vasittha, na ca piṇḍakena kilamitthā"ti. Atha kho te bhikkhū bhagavato etamatthaṁ ārocesuṁ. "Kacci pana vo bhikkhave bhūta"nti. "Abhūtaṁ bhagavā"ti. Vigarahi buddho bhagavā: "ananucchaviyaṁ moghapurisā ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tumhe moghapurisā udarassa kāraṇā gihīnaṁ aññamaññassa uttarimanussadhammassa vaṇṇaṁ bhāsissatha. Varaṁ tumhehi moghapurisā tiṇhena govikantanena-1. Kucchiparikanto, -2. Na tveva udarassa kāraṇā gihīnaṁ aññamaññassa uttarimanussadhammassa vaṇṇo bhāsito. Taṁ kissa hetu? Tato nidānaṁ hi moghapurisā maraṇaṁ vā nigaccheyya maraṇamattaṁ vā dukkhaṁ, na tveva tappaccayā kāyassa bhedā parammaraṇā apāyaṁ duggatiṁ vinipātaṁ nirayaṁ upapajjeyya. Ito nidānañca kho moghapurisā kāyassa bhedā parammaraṇā apāyaṁ duggatiṁ vinipātaṁ nirayaṁ upapajjeyya. Netaṁ moghapurisā appasannānaṁ vā pasādāya -pe- vigarahitvā dhammiṁ kathaṁ katvā bhikkhū āmantesi:

12. Pañcime bhikkhave mahācorā santo saṁvijjamānā lokasmiṁ. Katame pañca?
(1) Idha bhikkhave ekaccassa mahācorassa evaṁ hoti: "kudassu-3. Nāmāhaṁ satena vā sahassena vā parivuto gāmanigamarājadhānīsu āhiṇḍissāmi hananto ghātento jindanto chedāpento pacanto pācento"ti. So aparena samayena satena vā sahassena vā purivuto gāmanigamarājadhānīsu āhiṇḍati hananto ghātento jindanto chedāpento pacanto pācento. Evameva kho bhikkhave idh'ekaccassa pāpabhikkhuno evaṁ hoti: 'kudassu nāmāhaṁ satena vā sahassena vā parivuto gāmanigamarājadhānīsu cārikaṁ carissāmi sakkato garukato mānito pūjito [page 090] apacito gahaṭṭhānaṁ ceva pabbajitānañca, lābhī cīvarapiṇḍapātasenāsanagilānapaccayabhesajjaparikkhārāna"nti. So aparena samayena satena vā sahassena vā parivuto gāmanigamarājadhānīsu cārikaṁ carati sakkato garukato mānito pūjito apacito gahaṭṭhānañceva pabbajitānaṁ ca, lābhī cīvarapiṇḍapātasenāsanagilānapaccayabhesajjaparikkhārānaṁ. Ayaṁ bhikkhave paṭhamo mahācoro santo saṁvijjamāno lokasmiṁ.

(2) Puna ca paraṁ bhikkhave idhekacco pāpabhikkhu tathāgatappaveditaṁ dhammavinayaṁ pariyāpuṇitvā attano dahati. Ayaṁ bhikkhave dutiyo mahā coro santo saṁvijjamāno lokasmiṁ.

(3) Puna ca paraṁ bhikkhave idhekacco pāpabhikkhu suddhaṁ brahmacāriṁ parisuddhaṁ brahmacariyaṁ carantaṁ amūlakena abrahmacariyena anuddhaṁseti. Ayaṁ bhikkhave tatiyo mahācoro santo saṁvijjamāno lokasmiṁ.

1. Govikatthanena, katthaci, mu. 2. Kucchiṁ parikanto. Katthaci. 3. Kudāssu. Machasaṁ.

[BJT Page 198]

(4) Puna ca paraṁ bhikkhave idhe'kacco pāpabhikkhu yāni tāni saṅghassa garubhaṇḍāni garuparikkhārāni, seyyathīdaṁ: ārāmo ārāmavatthu vihāro vihāravatthu mañco pīṭhaṁ bhisi bimbohanaṁ-1. Lohakumbhi lohabhāṇako lohavārako lohakaṭāhaṁ vāsi pharasu kuṭhāri kuddālo nikhādanaṁ vallī vepha muñjaṁ babbajaṁ tiṇaṁ mattikā dārubhaṇḍaṁ mattikābhaṇḍaṁ, tehi gihī-2. Saṅgaṇhāti, upalāpeti. Ayaṁ bhikkhave catuttho mahācoro santo saṁvijjamāno lokasmiṁ.

(5) Sadevake bhikkhave loke samārake sabrahmake sassamaṇabrāhmaṇiyā pajāya sadevamanussāya ayaṁ aggo mahācoro yo asantaṁ abhūtaṁ uttarimanussadhammaṁ ullapati. Taṁ kissa hetu? Theyyāya vo bhikkhave raṭṭhapiṇḍo bhuttoti.

Aññathā santamattānaṁ aññathā yo pavedaye,
Nikacca kitavasseva bhuttaṁ theyyena tassa taṁ.

Kāsāvakaṇṭhā bahavo pāpadhammā asaññatā,
Pāpā pāpehi kammehi nirayaṁ te upapajjare.

Seyyo ayogulo bhutto tatto aggisikhūpamo,
Yañce bhuñjeyya dussīlo raṭṭhapiṇḍaṁ asaññatoti.

13. Atha kho bhagavā vaggumudātīriye bhikkhū anekapariyāyena vigarahitvā dubharatāya -pe-evañca pana bhikkhave imaṁ sikkhāpadaṁ uddiseyyātha:

"Yo pana bhikkhu anabhijānaṁ uttarimanussadhammaṁ attūpanāyikaṁ alamariyañāṇadassanaṁ samudācareyya 'iti jānāmi, iti passāmī'ti. Tato aparena samayena samanuggāhiyamāno vā asamanuggāhiyamāno vā āpanto visuddhāpekkho evaṁ vadeyya: 'ajānamevāhaṁ āvuso avacaṁ [page 091] jānāmi, apassaṁ passāmi, tucchaṁ musā vilapi'nti. Ayampi pārājiko hoti asaṁvāso"ti.

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti. )

1. Bimbohanaṁ. Machasaṁ. 2. Gihiṁ, katthavi.

[BJT Page 200]

14. Tena kho pana samayena sambahulā bhikkhū adiṭṭhe diṭṭhasaññino appatte pattasaññino anadhigate adhigatasaññino asacchikate sacchikatasaññino adhimānena aññaṁ vyākariṁsu. Tesaṁ aparena samayena rāgāyapi cittaṁ namati, dosāyapi cittaṁ namati, mohāyapi cittaṁ namati. Tesaṁ kukkuccaṁ ahosi: "bhagavatā sikkhāpadaṁ paññattaṁ. Mayañcamha adiṭṭhe diṭṭhasaññino appatte pattasaññino anadhigate adhigatasaññino asacchikate sacchikatasaññino, adhimānena aññaṁ vyākarimha, kacci nu kho mayaṁ pārājikaṁ āpattiṁ āpannā"ti. Āyasmato ānandassa etamatthaṁ ārocesuṁ. Āyasmā ānando bhagavato etamatthaṁ ārocesi.

15. Honti-1. Te ānanda bhikkhu adiṭṭhe diṭṭhasaññino appatte pattasaññino anadhigate adhigatasaññino asacchikate sacchikatasaññino adhimānena aññaṁ byākaronti, taṁ ca kho etaṁ abbohārikanti. Evañca pana bhikkhave imaṁ sikkhāpadaṁ uddiseyyātha:

"Yo pana bhikkhu anabhijānaṁ uttarimanussadhammaṁ attūpanāyikaṁ alamariyañāṇadassanaṁ samudācareyya 'iti jānāmi, iti passāmī'ti. Tato aparena samayena samanuggāhiyamāno vā asamanuggāhiyamāno vā āpanto visuddhāpekkhā evaṁ vadeyya: 'ajānamevāhaṁ āvuso avacaṁ jānāmi, apassaṁ passāmi, tucchaṁ musā vilapi'nti aññatra adhimānā. Ayampi pārājiko hoti asaṁvāso"ti.

(Dutiyapaññatti. )

16. Yo panāti - yo yādiso -pe-

Bhikkhūti -pe- (ñatticatutthena kammena -pe- upasampanno) ayaṁ imasmiṁ atthe adhippeto bhikkhūti.

Anabhijānanti asantaṁ abhūtaṁ asaṁvijjamānaṁ ajānanto apassanto attani kusalaṁ dhammaṁ atthi me kusalo dhammoti.

Uttarimanussadhammo nāma: jhānaṁ vimokkhaṁ samādhi samāpatti ñāṇadassanaṁ maggabhāvanā phalasacchikiriyā kilesappahānaṁ vinīvaraṇatā cittassa suññāgāre abhirati.

Attūpanāyikanti te vā kusale dhamme attani upaneti, attānaṁ vā tesu kusalesu dhammesu upaneti.

Ñāṇanti tisso vijjā.

Dassananti yaṁ ñaṇaṁ taṁ dassanaṁ. Yaṁ dassanaṁ taṁ ñāṇaṁ.

[page 092] samudācareyyāti āreceyya itthiyā vā purisassa vā gahaṭṭhassa vā pabbajitassa vā.
1. Honti yena te ānanda, machasaṁ. Honti yevānanda, syā.

[BJT Page 202]

Iti jānāmi iti passāmiti jānāmahaṁ ete dhamme, passāmahaṁ ete dhamme, atthi ca me ete dhammā, mayi ete dhammā sandissanti, ahañca etesu dhammesu sandissāmiti.
Tato aparena samayenāti yasmiṁ khaṇe samudāciṇṇaṁ hoti, taṁ khaṇaṁ taṁ layaṁ taṁ muhuttaṁ vītivatte.

Samanuggāhiyamānoti yaṁ vatthu paṭiññātaṁ hoti, tasmiṁ vatathusmiṁ samanuggāhiyamāno: 'kiṁ te adhigataṁ, kinti te adhigataṁ, kadā te adhigataṁ, kattha te adhigataṁ, katame te kilesā pahīnā, katamesaṁ tvaṁ dhammānaṁ vā lābhī'ti.

Asamanuggāhiyamānoti na kenaci vuccamāno.

Āpantoti pāpiccho icchāpakato asantaṁ abhūtaṁ uttarimanussadhammaṁ ullapitvā pārājikaṁ āpattiṁ āpanno hoti.

Visuddhāpekkhoti gihī vā hotukāmo upāsako vā hotukāmo ārāmiko vā hotukāmo sāmaṇero vā hotukāmo.

Ajānamevaṁ āvuso avacaṁ jānāmi apassaṁ passāmīti nāhaṁ ete dhamme jānāmi, nāhaṁ ete dhamme passāmi, natthi ca me ete dhammā, na mayi ete dhammā sandissanti, na cāhaṁ etesu dhammesu sandissāmīti.

Tucchā musā vilapinti tucchakaṁ mayā bhaṇitaṁ, musā mayā bhaṇitaṁ, abhūtaṁ mayā bhaṇitaṁ, ajānantena mayā bhaṇitaṁ.

Aññatra adhimānāti ṭhapetvā adhimānaṁ.

Ayampīti purime upādāya vuccati.

Pārājiko hotīti seyyathāpi nāma tālo matthakacchinno abhabbo puna virūḷhiyā, evameva bhikkhu pāpiccho icchāpakato asantaṁ abhūtaṁ uttarimanussadhammaṁ ullapitvā assamaṇo hoti asakyaputtiyo. Tena vuccati pārājiko hotīti.

Asaṁvāsoti saṁvāso nāma: eka-1. Kammaṁ ekuddeso samasikkhatā eso saṁvāso nāma. So tena saddhiṁ natthi, tena vuccati asaṁvāsoti.

Uttarimanussadhammo nāma: jhānaṁ vimokkhaṁ samādhi samāpatti ñāṇadassanaṁ maggabhāvanā phalasacchikiriyā kilesappahānaṁ vinīvaraṇatā cittassa suññāgāre abhirati.

Jhānanti paṭhamaṁ jhānaṁ dutiyaṁ jhānaṁ tatiyaṁ jhānaṁ catutthaṁ jhānaṁ.

1. Ekaṁ kammaṁ, katthaci.

[BJT Page 204]

Vimokkhoti suññato vimokkho animitto vimokkho appaṇihito vimokkho.
[page 093] samādhīti suññato samādhi animitto samādhi appaṇihito samādhi.

Samāpattīti suññatā samāpatti animittā samāpatti appaṇihitā samāpatti.

Ñāṇadassananti-1. Tisso vijjā.

Maggabhāvanāti cattāro satipaṭṭhānā cattāro sammappadhānā cattāro iddhipādo pañcindriyāni pañca balāni satta bojjhaṅgā ariyo aṭṭhaṅgiko maggo.

Phalasacchikiriyāti sotāpattiphalassa sacchikiriyā sakadāgāmiphalassa sacchikiriyā anāgāmiphalassa sacchikiriyā arahattassa sacchikiriyā.

Kilesappahānanti rāgassa pahānaṁ dosassa pahānaṁ mohassa pahānaṁ.

Vinīvaraṇatā cittassāti rāgā cittaṁ vinīvaraṇatā dosā cittaṁ vinīvaraṇatā mohā cittaṁ vinīvaraṇatā.

Suññāgāre abhiratīti paṭhamena jhānena suññāgāre abhirati, dutiyena jhānena suññāgāre abhirati, tatiyena jhānena suññāgāre abhirati, catutthena jhānena suññāgāre abhirati. )

1. Tīhākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa: pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti.

2. Catuhākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa: pubbevassa hoti musā bhaṇissanti, bhaṇantassa hoti musā bhaṇāmiti, bhaṇitassa hoti musā mayā bhaṇitanti, vinidhāya diṭṭhiṁ.

3. Pañcahākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa: pubbevassa hoti musā bhaṇissanti, bhaṇantassa hoti musā bhaṇāmiti, bhaṇitassa hoti musā mayā bhaṇitanti, vinidhāya khantiṁ.

4. Chahākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa: pubbevassa hoti musā bhaṇissanti, bhaṇantassa hoti musā bhaṇāmīti, bhaṇitassa hoti musā mayā bhaṇitanti, vinidhāya diṭṭhiṁ, vinidhāya khantiṁ, vinidhāya ruciṁ.
1. Ñāṇanti, sabbattha.

[BJT Page 206]

5. Sattahākārehi paṭhamaṁ jhānaṁ samāpajjinti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmī" ti, bhaṇitassa hoti "musā mayā bhaṇitanti", vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

6. Tīhākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti.

7. Catuhākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ,

8. Pañcahākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ.

9. Chahākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ,

10. Sattahākārehi paṭhamaṁ jhānaṁ samāpajjāmīti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

11. Tīhākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti.

12. Catuhākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ.

13. Pañcahākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ.

[BJT Page 208]

14. Chahākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ. Vinidhāya khantiṁ, vinidhāya ruciṁ.

15. Sattahākārehi paṭhamaṁ jhānaṁ samāpannoti sampajānamusā bhaṇantassa āpatti pārājikassa: pubbevassa hoti "musā bhaṇissa" nti. Bhaṇantassa hoti "musā bhaṇāmi" ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

16. Tīhākārehi paṭhamassa jhānassa lābhī'mhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti.

17. Catuhākārehi paṭhamassa jhānassa lābhī'mhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ.

18. Pañcahākārehi paṭhamassa jhānassa lābhī'mhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ.
19. Chahākārehi paṭhamassa jhānassa lābhī'mhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti. Vinidhāya diṭṭhiṁ, vinidhāya khantiṁ, vinidhāya ruciṁ.

20. Sattahākārehi paṭhamassa jhānassa lābhī'mhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

21. Tīhākārehi paṭhamassa jhānassa vasīmhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti.

22. Catuhākārehi paṭhamassa jhānassa vasī'mhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ.

[BJT Page 210]

23. Pañcahākārehi paṭhamassa jhānassa vasīmhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ.
24. Chahākārehi paṭhamassa jhānassa vasīmhīti sampajānamusā bhaṇantassa āpatti pārājikassa: pubbecassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti. Vinidhāya diṭṭhiṁ, vinidhāya khantiṁ, vinidhāya ruciṁ.

25. Sattahākārehi paṭhamassa jhānassa vasīmhīti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

26. [page 094] tīhākārehi "paṭhamaṁ jhānaṁ sacchikataṁ mayā" ti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmi"ti bhaṇitassa hoti "musā mayā bhaṇita"nti.

27. Catuhākārehi "paṭhamaṁ jhānaṁ sacchikataṁ mayā" ti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmi"ti bhaṇitassa hoti "musā mayā bhaṇita"nti, vinidhāya diṭṭhiṁ.

28. Pañcahākārehi "paṭhamaṁ jhānaṁ sacchikataṁ mayā" ti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmi"ti bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ.

29. Chahākārehi "paṭhamaṁ jhānaṁ sacchikataṁ mayā" ti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmi"ti bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ.
30. Sattahākārehi "paṭhamaṁ jhānaṁ sacchikataṁ mayā" ti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmi"ti bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

(Yathā idaṁ paṭhamaṁ jhānaṁ vitthāritaṁ, evaṁ sabbaṁ vitthāretabbaṁ. )

31. Tīhākārehi - dutiyaṁ jhānaṁ -pe- tatiyaṁ jhānaṁ -pe-catutthaṁ jhānaṁ -pe-samāpajjiṁ - pe- samāpajjāmi -pe-samāpanno -pe- catutthassa jhānassa lābhīmhi -pevasīmhi -pe- catutthaṁ jhānaṁ sacchikataṁ mayāti sampajānamusā bhaṇantassa āpatti pārājikassa; pubbevassa hoti "musā bhaṇissa"nti, bhaṇantassa hoti "musā bhaṇāmi"ti. Bhaṇitassa hoti "musā mayā bhaṇita"nti, -pe- vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ,

[BJT Page 212]
32. Tīhākārehi - suññataṁ vimokkhaṁ -pe- animittaṁ vimokkhaṁ -pe- appaṇihitaṁ vimokkhaṁ samāpajjiṁ -pe-samāpajjāmi -pe-samāpanno -pe- appaṇihitassa vimokkhassa lābhimhi -pe- vasīmhi -pe- 'appaṇihito vimokkho sacchikato mayā'ti sampajānamusā bhaṇantassa āpatti pārājikassa -pe-

33. Tīhākārehi - suññataṁ samādhiṁ -pe- animittaṁ samādhiṁ -pe-appaṇihitaṁ samādhiṁ samāpajjiṁ -pe- samāpajjāmi -pe-samāpanno -pe- appaṇihitassa samādhissa lābhimhi -pe-vasīmhi -pe-'appaṇihito samādhi sacchikato mayā'ti sampajānamusā bhaṇantassa āpatti pārājikassa -pe-

34. Tīhākārehi - suññataṁ samāpattiṁ -pe- animittaṁ samāpattiṁ -pe- appaṇihitaṁ samāpattiṁ samāpajjiṁ -pe-samāpajjāmi -pe-samāpanno -pe- appaṇihitassa samāpattiyā lābhimhi -pe- vasīmhi -pe- 'appaṇihitā samāpatti sacchikatā mayā'ti sampajānamusā bhaṇantassa āpatti pārājikassa -pe-

35. Tīhākārehi - tisso vijjā samāpajjiṁ, -pe-samāpajjāmi -pe-samāpanno -pe- tissannaṁ vijjānaṁ lābhimhi -pe- vasīmhi -pe- 'tisso vijjā sacchikatā mayā' ti sampajānamusā bhaṇantassa āpatti pārājikassa -pe-

36. Tīhākārehi - cattāro satipaṭṭhāne -pe- cattāro sammappadhāne -pe-cattāro iddhipāde samāpajjiṁ -pe-samāpajjāmi -pe- samāpanno -pe- catunnaṁ iḍaddhipādānaṁ lābhimhi -pe-vasīmhi -pe- 'cattāro iddhipādā sacchikatā mayā'ti sampajānamusā bhaṇantassa āpatti pārājikassa -pe-

37. Tīhākārehi - pañcindriyāni -pe- pañcabalāni samāpajjiṁ -pe- samāpajjāmi -pe- samāpanno -pe- pañcannaṁ balānaṁ lābhimhi -pe- vasīmhi -pe- 'pañca balāni sacchikatāni mayā'ti sampajānamusā bhaṇantassa āpatti pārājikassa -pe-

38. Tīhākārehi - sattabojjhaṅge samāpajjiṁ -pe-samāpajjāmi -pe-samāpanno -pe- sattannaṁ bojjhaṅgānaṁ lābhimhi -pe- vasīmhi -pe- 'satta bojjhaṅgā sacchikatā mayā'ti sampajānamusā bhaṇantassa āpatti pārājikassa -pe-

39. Tīhākārehi - ariyaṁ aṭṭhaṅgikaṁ maggaṁ samāpajjiṁ -pesamāpajjāmi -pe- samāpanno -pe- ariyassa aṭṭhaṅgikassa maggassa lābhīmhi -pe- vasīmhi -pe- 'ariyo aṭṭhaṅgiko maggo sacchikato mayā'ti sampajānamusā bhaṇantassa āpatti pārājikassa -pe-

40. Tīhākārehi - sotāpattiphalaṁ -pe- sakadāgāmiphalaṁ -pe- anāgāmiphalaṁ -pe- arahattaṁ samāpajjiṁ -pesamāpajjāmi -pe-samāpanno -pe- arahattassa lābhīmhi -pe-vasīmhi -pe-'arahattaṁ sacchikataṁ mayā'ti sampajānamusā bhaṇantassa āpatti [page 095] pārājikassa -pe-
41. Tīhākārehi 'rāgo me catto, vanto, mutto, pahīno, paṭinissaṭṭho, ukkheṭito, samukkheṭito'ti sampajānamusā bhaṇantassa āpatti pārājikassa -pe-

[BJT Page 214]

42. Tīhākārehi - doso me catto, vanto, mutto, pahīno, paṭinissaṭṭho, ukkheṭito, samukkheṭito'ti sampajānamusā bhaṇantassa āpatti pārājikassa -pe-

43. Tīhākārehi - moho me catto, vanto, mutto, pahīno, paṭinissaṭṭho, ukkheṭito, samukkheṭito'ti sampajānamusā bhaṇantassa āpatti pārājikassa -pe-

44. Tīhākārehi - rāgā me cittaṁ vinīvaraṇanti sampajānamusā bhaṇantassa āpatti pārājikassa -pe-

45. Tīhākārehi -dosā me cittaṁ vinīvaraṇanti sampajānamusā bhaṇantassa āpatti pārājikassa -pe-

46. Tīhākārehi -mohā me cittaṁ vinīvaraṇanti sampajānamusā bhaṇantassa āpatti pārājikassa: - pubbevassa hoti: "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti.

47. Catuhākārehi -pe- pañcahākārehi -pe- chahākārehi -pe-sattahākārehi mohā me cittaṁ vinīvaraṇanti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

Suddhikaṁ niṭṭhitaṁ

1. Tīhākārehi - paṭhamañca jhānaṁ dutiyañca jhānaṁ samāpajjiṁ -pe-samāpajjāmi -pe- samāpanno -pe- paṭhamassa ca jhānassa dutiyassa ca jhānassa lābhīmhi -pe-vasī'mhi -pe-'paṭhamañca jhānaṁ dutiyañca jhānaṁ sacchikataṁ mayā'ti sampajānamusā bhaṇantassa āpatti pārājikassa -pe-

2. Tīhākārehi - paṭhamaṁ ca jhānaṁ tatiyaṁ ca jhānaṁ samāpajjiṁ -pe-samāpajjāmi -pe- samāpanno -pe- paṭhamassa ca jhānassa tatiyassa ca jhānassa lābhīmhi -pe-vasīmhi -pe-'paṭhamañca jhānaṁ tatiyañca jhānaṁ sacchikataṁ mayā'ti sampajānamusā bhaṇantassa āpatti pārājikassa -pe-

3. Tīhākārehi - paṭhamañca jhānaṁ catutthañca jhānaṁ samāpajjiṁ -pe- samāpajjāmi -pe- samāpanno -pe- paṭhamassa ca jhānassa catutthassa ca jhānassa lābhīmhi -pe-vasī'mhi -pe-paṭhamañca jhānaṁ catutthañca jhānaṁ sacchikataṁ mayā'ti sampajānamusā bhaṇantassa āpatti pārājikassa -pe-

[BJT Page 216]
4. Tīhākārehi - paṭhamañca jhānaṁ suññatañca vimokkhaṁ, paṭhamañca jhānaṁ animittañca vimokkhaṁ, paṭhamañca jhānaṁ appaṇihitañca vimokkhaṁ samāpajjiṁ, samāpajjāmi, samāpanno, paṭhamassa ca jhānassa appaṇihitassa ca vimokkhassa lābhīmhi, vasīmhi, 'paṭhamañca jhānaṁ appaṇihito ca vimokkho sacchikato mayā'ti sampajānamusā bhaṇantassa āpatti pārājikassa -pe-
5. Tīhākārehi - paṭhamañca jhānaṁ suññatañca samādhiṁ, paṭhamañca jhānaṁ animittañca samādhiṁ, paṭhamañca jhānaṁ appaṇihitañca samādhiṁ samāpajjiṁ, samāpajjāmi, samāpanno, paṭhamassa ca jhānassa appaṇihitassa ca samādhissa lābhīmhi, vasīmhi, 'paṭhamañca jhānaṁ appaṇihito ca samādhi sacchikato mayā'ti sampajānamusā bhaṇantassa āpatti pārājikassa -pe-

6. Tīhākārehi - paṭhamañca jhānaṁ suññatañca samāpattiṁ, paṭhamañca jhānaṁ animittañca samāpattiṁ, paṭhamañca jhānaṁ appaṇihitañca samāpattiṁ samāpajjiṁ, samāpajjāmi, samāpanno, paṭhamassa ca jhānassa appaṇihitāya ca samāpattiyā lābhīmhi, vasīmhi, 'paṭhamaṁ ca jhānaṁ appaṇihitā ca samāpatti sacchikato mayā'ti sampajānamusā bhaṇantassa āpatti pārājikassa -pe- 1

7. Tīhākārehi - paṭhamaṁ ca jhānaṁ tisso ca vijjā samāpajjiṁ, samāpajjāmi, samāpanno, paṭhamassa ca jhānassa tissannaṁ ca vijjānaṁ lābhīmhi, vasīmhi, 'paṭhamaṁ ca jhānaṁ tisso ca vijjā sacchikatā mayā'ti sampajānamusā bhaṇantassa āpatti pārājikassa -pe-

8. Tīhākārehi paṭhamaṁ ca jhānaṁ cattāro ca satipaṭṭhāne, paṭhamaṁ ca jhānaṁ cattāro ca sammappadhāne, paṭhamaṁ ca jhānaṁ cattāro ca iddhipāde samāpajjiṁ, samāpajjāmi, samāpanno, paṭhamassa ca jhānassa catunnañca iddhipādānaṁ lābhīmhi, vasīmhi, 'paṭhamaṁ ca jhānaṁ cattāro ca iddhipādā sacchikatā mayā'ti sampajānamūsā bhaṇantassa āpatti pārājikassa -pe-

9. Tīhākārehi - paṭhamaṁ ca jhānaṁ pañca ca indriyāni, paṭhamaṁ ca jhānaṁ pañca ca [page 096] balāni samāpajjiṁ, samāpajjāmi, samāpanno, paṭhamassa ca jhānassa pañcannaṁ ca balānaṁ lābhīmhi, vasīmhi, 'paṭhamaṁ ca jhānaṁ pañca ca balāni sacchikatāni mayā' ti sampajānamusā bhaṇantassa āpatti pārājikassa -pe-

10. Tīhākārehi - paṭhamaṁ ca jhānaṁ satta ca bojjhaṅge samāpajjiṁ, samāpajjāmi, samāpanno, paṭhamassa ca jhānassa sattannaṁ ca bojjhaṅgānaṁ lābhīmhi, vasīmhi, 'paṭhamaṁ ca jhānaṁ satta ca bojjhaṅgā sacchikatā mayā'ti sampajānamusā bhaṇantassa āpatti pārājikassa -pe-

11. Tīhākārehi - paṭhamaṁ ca jhānaṁ ariyaṁ ca aṭṭhaṅgikaṁ maggaṁ samāpajjiṁ, samāpajjāmi, samāpanno, paṭhamassa ca jhānassa ariyassa ca aṭṭhaṅgikassa maggassa lābhīmhi, vasīmhi, 'paṭhamaṁ ca jhānaṁ ariyo ca aṭṭhaṅgiko maggo sacchikato mayā'ti sampajānamusā bhaṇantassa āpatti pārājikassa -pe-

11-2. Vinidhāya bhāvaṁ mu.

[BJT Page 218]

12. Tīhākārehi - paṭhamaṁ ca jhānaṁ sotāpattiphalaṁ ca, paṭhamaṁ ca jhānaṁ sakadāgāmiphalaṁ ca, paṭhamaṁ ca jhānaṁ anāgāmiphalaṁ ca, paṭhamaṁ ca jhānaṁ arahattaṁ ca samāpajjiṁ, samāpajjāmi, samāpanno, paṭhamassa ca jhānassa arahattassa ca lābhīmhi, vasīmhi, 'paṭhamaṁ ca jhānaṁ arahattaṁ ca sacchikataṁ mayā'ti sampajānamusā bhaṇantassa āpatti pārājikassa -pe-

13. Tīhākārehi - paṭhamaṁ ca jhānaṁ, samāpajjiṁ, samāpajjāmi, samāpanno, paṭhamassa ca jhānassa lābhīmhi, vasīmhi, paṭhamaṁ ca jhānaṁ sacchikataṁ mayā, rāgo ca me catto, doso ca me catto, moho ca me catto, vanto, mutto, pahīno, paṭinissaṭṭho, ukkheṭito, samukkheṭito, ti sampajānamusā bhaṇantassa āpatti pārājikassa -pe-

14. Tīhākārehi -pe- sattahākārehi - paṭhamaṁ ca jhānaṁ samāpajjiṁ, samāpajjāmi, samāpanno, paṭhamassa ca jhānassa lābhīmhi, vasīmhi, paṭhamaṁ ca jhānaṁ sacchikataṁ mayā, rāgā ca me cittaṁ vinīvaraṇaṁ, dosā ca me cittaṁ vinīvaraṇaṁ, mohā ca me cittaṁ vinīvaraṇanti sampajānamusā bhaṇantassa āpatti pārājikassa: pubbevassa hoti "musā bhaṇissa"nti, bhaṇantassa hoti "musā bhaṇāmi"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ,

-Khaṇḍacakkaṁ niṭṭhitaṁ-

1. Tīhākārehi dutiyaṁ ca jhānaṁ tatiyaṁ ca jhānaṁ samāpajjiṁ - samāpajjāmi - samāpanno - dutiyassa ca jhānassa tatiyassa ca jhānassa lābhīmhī - vasīmhi - dutiyaṁ ca jhānaṁ tatiyaṁ ca jhānaṁ sacchikataṁ mayā'ti sampajānamusā bhaṇantassa āpatti pārājikassa -pe-

2. Tīhākārehi dutiyaṁ ca jhānaṁ catutthaṁ ca jhānaṁ samāpajjiṁ - samāpajjāmi - samāpanno - dutiyassa ca jhānassa catutthassa ca jhānassa lābhīmhi - vasīmhi - dutiyaṁ ca jhānaṁ catutthaṁ ca jhānaṁ sacchikataṁ mayā'ti sampajānamusā bhaṇantassa āpatti pārājikassa -pe-

3. Tīhākārehi dutiyaṁ ca jhānaṁ suññataṁ ca vimokkhaṁ - animittaṁ ca vimokkhaṁ - appaṇihitaṁ ca vimokkhaṁ - suññataṁ ca samādhiṁ - animittaṁ ca samādhiṁ - appaṇihitaṁ ca samādhiṁ - suññataṁ ca samāpattiṁ - animittaṁ ca samāpattiṁ - appaṇihitaṁ ca samāpattiṁ - tisso ca vijjā - cattāro ca satipaṭṭhāne - cattāro ca sammappadhāne - cattāro ca iddhipāde - pañca ca indriyāni - pañca ca balāni - satta ca bojjhaṅge - ariyañca aṭṭhaṅgikaṁ maggaṁ - sotāpattiphalaṁ ca - sakadāgāmiphalaṁ ca - anāgāmiphalaṁ ca - arahattaṁ ca - samāpajjiṁ - samāpajjāmi - samāpanno - dutiyassa ca jhānassa arahattassa ca lābhimhi - vasīmhi - dutiyaṁ ca jhānaṁ arahattaṁ ca sacchikataṁ mayā'ti sampajānamusā bhaṇantassa āpatti pārājikassa -pe-

[BJT Page 220]

4. Tīhākārehi dutiyaṁ ca jhānaṁ samāpajjiṁ - samāpajjāmi - samāpanno dutiyassa ca jhānassa lābhīmhi - vasīmhi - dutiyaṁ ca jhānaṁ sacchikataṁ mayā - rāgo ca me catto - doso ca me catto - moho ca me catto - vanto mutto pahīno paṭinissaṭṭho ukkheṭito - samukkheṭito rāgā ca me cittaṁ vinīvaraṇaṁ - dosā ca me cittaṁ vinīvaraṇaṁ - mohā ca me cittaṁ vinīvaraṇanti sampajānamusā bhaṇantassa āpatti pārājikassa -pe-

5. Tīhākārehi -pe- sattahākārehi dutiyaṁ ca jhānaṁ paṭhamaṁ ca jhānaṁ samāpajjiṁ - samāpajjāmi - samāpanno - dutiyassa ca jhānassa paṭhamassa ca jhānassa lābhīmhi - vasīmhi - dutiyaṁ ca jhānaṁ paṭhamaṁ ca jhānaṁ sacchikataṁ mayā'ti sampajānāmusā bhaṇantassa āpatti pārājikassa.

- Baddhacakkaṁ. -
Evaṁ ekekaṁ mūlaṁ kātuna baddhacakkaṁ-1. Parivattakaṁ kattabbaṁ

1. Tīhākārehi tatiyañca jhānaṁ catutthañca jhānaṁ -pe-tatiyañca jhānaṁ arahattañca samāpajjiṁ - samāpajjāmi - samāpanno - tatiyassa ca jhānassa arahattassa ca lābhīmhi - vasīmhi - tatiyañca jhānaṁ arahattañca sacchikataṁ mayā'ti sampajānamusā bhaṇantassa āpatti pārājikassa -pe-

2. Tīhākārehi tatiyañca jhānaṁ samāpajjiṁ - samāpajjāmi - samāpanno- tatiyassa ca jhānassa lābhīmhi - vasīmhi - tatiyañca jhānaṁ sacchikataṁ mayā - rāgo ca me catto - doso ca me catto - moho ca me catto vanto mutto pahīno paṭinissaṭṭho ukkheṭito samukkheṭito. Rāgā ca me cittaṁ vinīvaraṇaṁ - dosā ca me cittaṁ vinīvaraṇaṁ - mohā ca me cittaṁ vinīvaraṇanti sampajānamusā bhaṇantassa āpatti pārājikassa. -Pe-

3. Tīhākārehi tatiyañca jhānaṁ paṭhamañca jhānaṁ -pe- tatiyañca jhānaṁ dutiyañca jhānaṁ samāpajjiṁ - samāpajjāmi - samāpanno - tatiyassa ca jhānassa dutiyassa ca jhānassa lābhīmhi - vasīmhi - tatiyañca jhānaṁ dutiyañca jhānaṁ sacchikataṁ mayā'ti sampajānamusā bhaṇantassa āpatti pārājikassa. -Pe-

4. Tīhākārehi mohā ca me cittaṁ vinīvaraṇaṁ paṭhamañca jhānaṁ -pe-dutiyañca jhānaṁ tatiyañca jhānaṁ samāpajjiṁ - samāpajjāmi - samāpanno - mohā ca me cittaṁ vinīvaraṇaṁ
Catutthassa ca jhānassa lābhīmhi - vasīmhi - mohā ca me cittaṁ vinīvaraṇaṁ catutthañca jhānaṁ sacchikataṁ mayā'ti sampajānamusā bhaṇantassa āpatti pārājikassa. -Pe-

1. Cakkaṁ - sīmu.

[BJT Page 222]

5. Tīhākārehi mohā ca me cittaṁ vinīvaraṇaṁ [page 097] suññatañca vimokkhaṁ animittañca vimokkhaṁ appaṇihitañca vimokkhaṁ samāpajjiṁ - samāpajjāmi - samāpanno - mohā ca me cittaṁ vinīvaraṇaṁ, appaṇihitassa ca vimokkhassa lābhīmhi - vasīmhi - mohā ca me cittaṁ vinīvaraṇaṁ appaṇihito ca vimokkho sacchikato mayā'ti sampajānamusā bhaṇantassa āpatti pārājikassa. -Pe-

6. Tīhākārehi mohā ca me cittaṁ vinīvaraṇaṁ suññatañca samādhiṁ animittañca samādhiṁ appaṇihitañca samādhiṁ samāpajjiṁ - samāpajjāmi - samāpanno - mohā ca me cittaṁ vinīvaraṇaṁ, appaṇihitassa ca samādhissa lābhīmhi - vasīmhi - mohā ca me cittaṁ vinīvaraṇaṁ appaṇihito ca samādhi sacchikato mayā'ti sampajānamusā bhaṇantassa āpatti pārājikassa. -Pe-

7. Tīhākārehi mohā ca me cittaṁ vinīvaraṇaṁ suññatañca samāpattiṁ animittañca samāpattiṁ appaṇihitañca samāpattiṁ samāpajjiṁ - samāpajjāmi - samāpanno - mohā ca me cittaṁ vinīvaraṇaṁ, appaṇihitāya ca samāpattiyā lābhīmhi - vasīmhi - mohā ca me cittaṁ vinīvaraṇaṁ appaṇihitā ca samāpatti sacchikatā mayā'ti sampajānamusā bhaṇantassa āpatti pārājikassa. -Pe-

8. Tīhākārehi mohā ca me cittaṁ vinīvaraṇaṁ tisso ca vijjā samāpajjiṁ - samāpajjāmi - samāpanno - mohā ca me cittaṁ vinīvaraṇaṁ tissannaṁ ca vijjānaṁ lābhīmhi - vasīmhi mohā ca me cittaṁ vinīvaraṇaṁ tisso ca vijjā sacchikatā mayā'ti sampajānamusā bhaṇantassa āpatti pārājikassa -pe-

9. Tīhākārehi mohā ca me cittaṁ vinīvaraṇaṁ cattāro ca satipaṭṭhāne cattāro ca sammappadhāne cattāro ca iddhipāde samāpajjiṁ - samāpajjāmi - samāpanno - mohā ca me cittaṁ vinīvaraṇaṁ catunnaṁ ca iddhipādānaṁ lābhīmhi - vasīmhi - mohā ca me cittaṁ vinīvaraṇaṁ cattāro ca iddhipādā sacchikatā mayā'ti sampajānamusā bhaṇantassa āpatti pārājikassa. Pe-

10. Tīhākārehi mohā ca me cittaṁ vinīvaraṇaṁ pañca ca indriyāni pañca ca balāni samāpajjiṁ - samāpajjāmi - samāpanno - mohā ca me cittaṁ vinīvaraṇaṁ pañcannañca balānaṁ lābhīmhi - vasīmhi - mohā ca me cittaṁ vinīvaraṇaṁ pañca ca balāni sacchikatāni mayā'ti sampajānamusā bhaṇantassa āpatti pārājikassa. -Pe-

11. Tīhākārehi mohā ca me cittaṁ vinīvaraṇaṁ satta ca bojjhaṅge samāpajjiṁ - samāpajjāmi - samāpanno - mohā ca me cittaṁ vinīvaraṇaṁ sattannañca bojjhaṅgānaṁ lābhīmhi - vasīmhi - mohā ca me cittaṁ vinīvaraṇaṁ satta ca bojjhaṅgā sacchikatā mayā'ti sampajānamusā bhaṇantassa āpatti pārājikassa. -Pe
[BJT PAGE 224 12.] Tīhākārehi mohā ca me cittaṁ vinīvaraṇaṁ ariyañca aṭṭhaṅgikaṁ maggaṁ samāpajjiṁ - samāpajjāmi - samāpanno - mohā ca me cittaṁ vinīvaraṇaṁ ariyassa ca aṭṭhaṅgikassa maggassa lābhīmhi - vasīmhi - mohā ca me cittaṁ vinīvaraṇaṁ ariyo ca aṭṭhaṅgiko maggo sacchikato mayā'ti sampajānamusā bhaṇantassa āpatti pārājikassa. -Pe-

13. Tīhākārehi mohā ca me cittaṁ vinīvaraṇaṁ sotāpattiphalaṁ ca sakadāgāmiphalaṁ ca anāgāmiphalaṁ ca arahattañca samāpajjiṁ - samāpajjāmi - samāpanno - mohā ca me cittaṁ vinīvaraṇaṁ arahattassa lābhīmhi - vasīmhi mohā ca me cittaṁ vinīvaraṇaṁ arahattañca sacchikataṁ mayā'ti sampajānamusā bhaṇantassa āpatti pārājikassa. -Pe-

14. Tīhākārehi mohā ca me cittaṁ vinīvaraṇaṁ paṭhamaṁ ca jhānaṁ samāpajjiṁ - samāpajjāmi - samāpanno - mohā ca me cittaṁ vinīvaraṇaṁ paṭhamassa ca jhānassa lābhīmhi - vasīmhi - mohā ca me cittaṁ vinīvaraṇaṁ paṭhamaṁ ca jhānaṁ sacchikataṁ mayā'ti sampajānamusā bhaṇantassa āpatti pārājikassa -pe-

15. Tīhākārehi -pe- sattahākārehi mohā ca me cittaṁ vinīvaraṇaṁ dutiyaṁ ca jhānaṁ -pe- tatiyaṁ ca jhānaṁ -pe-catutthaṁ ca jhānaṁ -pe- suññataṁ ca vimokkhaṁ -pedosā ca me cittaṁ vinīvaraṇanti sampajānāmusā bhaṇantassa āpatti pārājikassa -pe-pubbevassa hoti 'musā bhaṇissanti, bhaṇantassa hoti 'musā bhaṇāmī'ti, bhaṇitassa hoti 'musā mayā bhaṇita'nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

Ekamūlakaṁ niṭṭhitaṁ-1.

16. Dumūlakampi timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi dasamūlakampi kātabbaṁ. Yathā nikkhittāni padāni ekekamūlakaṁ vaḍḍhetabbaṁ. Yathā ekamūlakaṁ vitthāritaṁ evameva dumūlakādi'pi vitthāretabbaṁ.

1. Tīhākārehi -pe- sattāhākārehi paṭhamaṁ ca jhānaṁ dutiyaṁ ca jhānaṁ tatiyaṁ ca jhānaṁ catutthaṁ ca jhānaṁ suññataṁ ca vimokkhaṁ animittañca vimokkhaṁ appaṇihitaṁ ca vimokkhaṁ suññataṁ ca samādhiṁ animittaṁ ca samādhiṁ appaṇihitaṁ ca samādhiṁ suññataṁ ca samāpattiṁ animittaṁ ca samāpattiṁ appaṇihitaṁ ca samāpattiṁ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balānī satta ca bojjhaṅge ariyañca aṭṭhaṅgikaṁ maggaṁ sotāpattiphalañca sakadāgāmiphalañca anāgāmiphalañca arahattañca samāpajjiṁ - samāpajjāmi - samāpanno -pe- rāgo ca me catto doso ca me catto moho ca me catto vanto mutto pahīno paṭinissaṭṭho ukkheṭito samukkheṭito, rāgā ca me cittaṁ vinīvaraṇaṁ, dosā ca me cittaṁ vinīvaraṇaṁ, mohā ca me cittaṁ vinīvaraṇanti sampajānamusā bhaṇantassa āpatti pārājikassa -pe- pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

Sabbamūlakaṁ niṭṭhitaṁ
Suddhikavārakathā niṭṭhitā.

1. Ekamūlakaṁ saṅkhittaṁ niṭṭhitaṁ. Syā.

[BJT Page 226]

1. Tīhākārehi 'paṭhamaṁ jhānaṁ samāpajji'nti vattukāmo 'dutiyaṁ jhānaṁ samāpajji'nti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

2. Tīhākārehi 'paṭhamaṁ jhānaṁ samāpajji'nti vattukāmo 'tatiyaṁ jhānaṁ -pe-catutthaṁ jhānaṁ -pe- suññataṁ vimokkhaṁ -pe-animittaṁ vimokkhaṁ -pe- appaṇihitaṁ vimokkhaṁ -pe-suññataṁ samādhiṁ -pe- animittaṁ samādhiṁ -pe- appaṇihitaṁ samādhiṁ -pe-suññataṁ samāpattiṁ -pe- animittaṁ samāpattiṁ -pe- appaṇihitaṁ samāpattiṁ -pe- tisso vijjā -pe-cattāro satipaṭṭhāne -pe-cattāro sammappadhāne -pe-cattāro iddhipāde -pe-pañcindriyāni -pe- pañca balāni -pe- satta bojjhaṅge -pe-ariyaṁ aṭṭhaṅgikaṁ maggaṁ -pe-sotāpattiphalaṁ -pe-sakadāgāmiphalaṁ -pe- anāgāmiphalaṁ -pe-arahattaṁ samāpajjiṁ -pe- rāgo me catto -pe-doso me catto -pe- moho me catto, vanto, mutto pahīno, paṭinissaṭṭho, ukkheṭito, samūkkheṭito -pe-rāgā me cittaṁ vinīvaraṇaṁ -pe- dosā me cittaṁ vinīvaraṇaṁ -pe- mohā me cittaṁ vinīvaraṇa'nti sampajānamusā bhaṇantassa paṭivijānantassa āpatti pārājikassa, na paṭivijānantassa āpatti thullaccayassa: pubbevassa hoti "musā bhaṇissa" nti, bhaṇantassa hoti "musā bhaṇāmi"ti, bhaṇitassa hoti "musā mayā bhaṇita"nti, -pe- vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

Vattuvissārakassa-1. Ekamūlakassa [page 098] khaṇḍacakkaṁ.

1. Tīhākārehi 'dutiyaṁ jhānaṁ samāpajji'nti vattukāmo 'tatiyaṁ jhānaṁ samāpajji'nti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

2. Tīhākārehi 'dutiyaṁ jhānaṁ samāpajji'nti vattukāmo -pe-mohā me cittaṁ vinīvaraṇa'nti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

1. Vatthuvisārakassa. Sī. Machasaṁ syā. Cattuvisārakassa, sī. Mu.

[BJT Page 228]

3. Tīhākārehi -pe- sattahākārehi 'dutiya jhānaṁ samāpajji'nti vattukāmo 'paṭhamaṁ jhānaṁ samāpajji'nti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa -pe- vinidhāya bhāvaṁ.

Vattuvissārakassa ekamūlakassa baddhacakkaṁ

Mūlakaṁ saṅkhittaṁ

1. Tīhākārehi 'mohā me cittaṁ vinīvaraṇa'nti vattukāmo 'paṭhamaṁ jhānaṁ samāpajji'nti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

2. Tīhākārehi 'mohā me cittaṁ vinīvaraṇa'nti vattukāmo 'dosā me cittaṁ vinīvaraṇa'nti sampajānamusā bhaṇantassa paṭivijānantassa āpatti pārājikassa; na paṭivijānantassa āpatti thullaccayassa.

Vattuvissārakassa ekamūlakaṁ niṭṭhitaṁ.

3. Dumūlakampi timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi dasamūlakampi evameva kātabbaṁ.

Idaṁ sabbamūlakaṁ

1. Tīhākārehi -pe- sattahākārehi 'paṭhamañca jhānaṁ dutiyañca jhānaṁ tatiyañca jhānaṁ catutthañca jhānaṁ suññatañca vimokkhaṁ animittañca vimokkhaṁ appaṇihitañca vimokkhaṁ suññatañca samādhiṁ animittañca samādhiṁ appaṇihitañca samādhiṁ suññatañca samāpattiṁ animittañca samāpattiṁ appaṇihitañca samāpattiṁ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṁ maggaṁ sotāpattiphalañca sakadāgāmiphalañca anāgāmiphalañca arahattañca samāpajjiṁ -pe-rāgo ca me catto-pe- doso ca me catto-pe-moho ca me catto, vanto, mutto pahīno, paṭinissaṭṭho, ukkheṭito, samūkkheṭito rāgā ca me cittaṁ vinīvaraṇaṁ, dosā ca me cittaṁ vinīvaraṇaṁ, mohā ca me cittaṁ vinīvaraṇa'nti vattukāmo sampajānamusā bhaṇantassa paṭivijānantassa āpatti pārājikassa, na paṭivijānantassa āpatti thullaccayassa: -pe- vinidhāya bhāvaṁ.

[BJT Page 230]

2. Tīhākārehi 'dutiyañca jhānaṁ tatiyañca jhānaṁ catutthañca jhānaṁ suññatañca vimokkhaṁ animittañca vimokkhaṁ appaṇihitañca vimokkhaṁ suññatañca samādhiṁ animittañca samādhiṁ appaṇihitañca samādhiṁ suññatañca samāpattiṁ animittañca samāpattiṁ appaṇihitañca samāpattiṁ tisso ca vijjā cattāro ca satipaṭṭhāne cattāro ca sammappadhāne cattāro ca iddhipāde pañca ca indriyāni pañca ca balāni satta ca bojjhaṅge ariyañca aṭṭhaṅgikaṁ maggaṁ sotāpattiphalaṁ ca sakadāgāmiphalaṁ ca anāgāmiphalaṁ ca arahattaṁ ca samāpajjiṁ rāgo ca me catto, doso ca me catto, moho ca me catto, vanto, mutto pahīno, paṭinissaṭṭho, ukkheṭito, samūkkheṭito rāgā ca me cittaṁ vinīvaraṇaṁ, dosā ca me cittaṁ vinīvaraṇaṁ, mohā ca me cittaṁ vinīvaraṇa'nti vattukāmo 'paṭhamaṁ jhānaṁ samāpajji'nti sampajānamusā bhaṇantassa paṭivijānantassa āpatti pārājikassa, na paṭivijānantassa āpatti thullaccayassa:

3. Tīhākārehi 'tatiyañca jhānaṁ catutthaṁ ca jhānaṁ -pe-mohā ca me cittaṁ vinīvaraṇaṁ -pe- paṭhamañca jhānaṁ samāpajji'nti vattukāmo 'dutiyaṁ jhānaṁ samāpajji'nti sampajānamusā bhaṇantassa paṭivijānantassa āpatti pārājikassa, na paṭivijānantassa āpatti thullaccayassa.

4. Tīhākārehi 'mohā ca me cittaṁ vinīvaraṇaṁ paṭhamañca jhānaṁ dutiyañca jhānaṁ tatiyañca jhānaṁ catutthañca jhānaṁ -pe- rāgā ca me cittaṁ vinīvaraṇa'nti vattukāmo: 'dosā ca me cittaṁ vinīvaraṇa'nti sampajānamusā bhaṇantassa paṭivijānantassa āpatti pārājikassa, na paṭivijānantassa āpatti thullaccayassa: pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti "musā mayā bhaṇita"nti -pe- vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

Sabbamūlakaṁ.
Vattuvissārakassa cakkapeyyālaṁ [page 099] niṭṭhitaṁ.
Vattukāmavārakathā niṭṭhitā.

1. Tīhākārehi 'yo te vihāre vasī, so bhikkhu paṭhamaṁ jhānaṁ samāpajji, samāpajjati, samāpanno, so bhikkhu paṭhamassa jhānassa lābhī, vasī, tena bhikkhunā paṭhamaṁ jhānaṁ sacchikata'nti sampajānamusā bhaṇantassa paṭivijānantassa āpatti thullaccayassa; na paṭivijānantassa āpatti dukkaṭassa: pubbevassa-1. Hoti "musā bhaṇissa"nti, bhaṇantassa hoti "musābhaṇāmī"ti, bhaṇitassa hoti "musā mayā bhaṇita"nti.

1. Pubbecassādipāṭho machasaṁ. Natthi.

[BJT Page 232]

2. Catuhākārehi -pe- pañcahākārehi -pe- chahākārehi -pe- sattahākārehi yo te vihāre vasī, so bhikkhu 'paṭhamaṁ jhānaṁ samāpajjī samāpajjati, samāpanno, so bhikkhu paṭhamassa jhānassa lābhī, vasī, tena bhikkhunā paṭhamaṁ jhānaṁ sacchikata'nti sampajānamusā bhaṇantassa paṭivijānantassa āpatti thullaccayassa, na paṭivijānantassa āpatti, dukkaṭassa, pubbevassa hoti "musā bhaṇissa"nti, bhaṇattassa hoti "musā bhaṇāmī"ti, bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

3. Tīhākārehi 'yo te vihāre vasī so bhikkhu dutiyaṁ jhānaṁ - tatiyaṁ jhānaṁ - catutthaṁ jhānaṁ - suññataṁ vimokkhaṁ - animittaṁ vimokkhaṁ - appaṇihitaṁ vimokkhaṁ - suññataṁ samādhiṁ - animittaṁ samādhiṁ - appaṇihitaṁ samādhiṁ - suññataṁ samāpattiṁ - animittaṁ samāpattiṁ - appaṇihitaṁ samāpattiṁ - tisso vijjā - cattāro satipaṭṭhāne - cattāro sammappadhāne - cattāro iddhipāde - pañca indiyāni - pañca balāni - satta bojjhaṅge - ariyaṁ aṭṭhaṅgikaṁ maggaṁ -sotāpattiphalaṁ - sakadāgāmiphalaṁ - anāgāmiphalaṁ - arahattaṁ - samāpajji - samāpajjati - samāpanno - so bhikkhu arahattassa lābhī - vasī - tena bhikkhunā arahattaṁ sacachikata'nti sampajānamusā bhaṇantassa paṭivijānantassa āpatti thullaccayassa, na paṭivijānantassa āpatti dukkaṭassa.

4. Tīhākārehi 'tassa bhikkhuno rāgo catto -doso catto - moho catto vanto mutto pahīno paṭinissaṭṭho ukkheṭito samukkheṭito'ti sampajānamusā bhaṇantassa paṭivijānantassa āpatti thullaccayassa, na paṭivijānantassa āpatti dukkaṭassa.

5. Tīhākārehi -pe- sattahākārehi tassa bhikkhuno rāgā cittaṁ vinīvaraṇaṁ - dosā cittaṁ vinīvaraṇaṁ - mohā cittaṁ vinīvaraṇaṁ'nti sampajānamusā bhaṇantassa paṭivijānantassa āpatti thullaccayassa, na paṭivijānantassa āpatti dukkaṭassa, pubbevassa hoti "musā bhaṇissa"nti, bhaṇantassa hoti, "musā bhaṇāmī"ti, bhaṇitassa hoti, "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.
6. Tīhākārehi -pe- sattahākārehi 'yo te vihāre vasī, so bhikkhu suññāgāre paṭhamaṁ jhānaṁ - dutiyaṁ dhānaṁ- tatiyaṁ jhānaṁ - catutthaṁ jhānaṁ samāpajjī - samāpajjati - samāpanno -pe-so bhikkhu suññāgāre catutthassa jhānassa lābhī, vasī, tena bhikkhunā suññāgāre catutthaṁ jhānaṁ sacchikata'nti sampajānamusā bhaṇantassa paṭivijānantassa āpatti thullaccayassa, na paṭivijānantassa āpatti dukkaṭassa, pubbevassa hoti "musā bhaṇissa"nti bhaṇantassa hoti "musā bhaṇāmī"ti. Bhaṇitassa hoti "musā mayā bhaṇita"nti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya bhāvaṁ.

[BJT Page 234]

7. Tīhākārehi -pe- sattahākārehi 'yo te vihāraṁ paribhuñji, yo te cīvaraṁ paribhuñji, yo te piṇḍapātaṁ paribhuñji, yo te senāsanaṁ paribhuñji, yo te gilānapaccayabhesajjaparikkhāraṁ paribhuñji, so bhikkhu suññāgāre catutthaṁ jhānaṁ samāpajji - samāpajjati - samāpanno, so bhikkhu suññāgāre catutthassa jhānassa lābhī, vasī. Tena bhikkhunā suññāgāre catutthaṁ jhānaṁ sacchikata'nti sampajānamusā bhaṇantassa paṭivijānantassa āpatti thullaccayassa. Na paṭivijānantassa āpatti dukkaṭassa. -Pe
8. Tīhākārehi -pe- sattahākārehi 'yena te vihāro paribhutto, yena te cīvaraṁ paribhutto, yena te piṇḍapāto paribhutto, yena te senāsanaṁ paribhuttaṁ, yena te gilānapaccayabhesajjaparikkhāro paribhutto, so bhikkhu suññāgāre catutthaṁ jhānaṁ samāpajji - samāpajjati - samāpanno, so bhikkhu suññāgāre catutthassa jhānassa lābhī, vasī. Tena bhikkhunā suññāgāre catutthaṁ jhānaṁ sacchikatanti sampajānamusā bhaṇantassa paṭivijānantassa āpatti thullaccayassa. Na paṭivijānantassa āpatti dukkaṭassa. -Pe
9. Tihākārehi -pe- sattahākārehi 'yaṁ tvaṁ āgamma vihāraṁ adāsi, cīvaraṁ adāsi, piṇḍapātaṁ adāsi, senāsanaṁ adāsi, gilānapaccayabhesajjaparikkhāraṁ adāsi, so bhikkhu suññāgāre catutthaṁ jhānaṁ samāpajji- samāpajjati - samāpanno, so bhikkhu suññāgāre catutthassa jhānassa lābhī, vasī. Tena bhikkhunā suññāgāre catutthaṁ jhānaṁ sacchikata'nti sampajānamusā bhaṇantassa paṭivijānantassa āpatti thullaccayassa. Na paṭivijānantassa [page 100] āpatti dukkaṭassa. Pubbevassa hoti "musā bhaṇissa"nti, bhaṇantassa hoti "musā bhaṇāmī"ti, bhaṇitassa hoti musā mayā bhaṇita"nita vinidhāya diṭṭhiṁ. Vinidhāya khantiṁ, vinidhāya ruciṁ, vinidhāya bhāvaṁ.

Peyyālapaṇṇarasakaṁ niṭṭhitaṁ.

Paccayapaṭisaṁyuttavārakathā niṭṭhitā.

Uttarimanussadhammacakkapeyyālaṁ niṭṭhitaṁ.

Anāpatti adhimānena, anullapanādhippāyassa, ummattakassa, khittacittassa, vedanaṭṭassa, ādikammikassāti.

[BJT Page 236]

Vinītavatthu

Uddānagāthā.

Adhimānena-1. 'Raññamhi piṇḍopajjhāriyāpatho,
Saññojanā raho dhammā vihāre paccupaṭṭhito.

Na dukkaraṁ viriyamathopi maccuno yassāvuso vippaṭisāri sammā,
Viriyena yogena ārādhanāya atha vedanāya apare duve.

Brāhmaṇe pañcavatthūni aññabyākaraṇā tayo,
Agārāvaraṇā kāmā rati vāpi ca pakkamo.

Aṭṭhipesi ubho gāvo ghātakā piṇḍo sākuṇiko nicchavorabbhi
Asi ca sūkari satti māgavi usu ca kāraṇiko sūci sārathī.

Yo ca sibbīyati sūcako hi so aṇḍahārī ahu gāmakūṭako,
Kūpe nimuggo hi so pāradāriko guthakhādi ahu duṭṭhabrāhmaṇo.

Nicchavitthi aticārinī ahu maṅgulitthi ahu ikkhaṇitthikā,
Okilinī sapattaṅgārokiri sīsacchinno ahu coraghātako.

Bhikkhu bhikkhuṇī sikkhamānā sāmaṇero atha sāmaṇerikā,
Kassapassa vinayassa pabbajuṁ pāpakammamakariṁsu tāvade.

Tapodā rājagahe yuddhaṁ nāgānogāhanena ca,
Sobhito arahaṁ bhikkhu pañca kappasataṁ sareti.

1. Tena kho pana samayena aññataro bhikkhu adhimānena aññaṁ vyākāsi. Tassa kukkuccaṁ ahosi: 'bhagavatā sikkhāpadaṁ paññattaṁ, kacci nu kho ahaṁ pārājikaṁ āpattiṁ āpanno'ti. Atha kho so bhikkhu bhagavato etamatthaṁ ārocesi -pe-anāpatti bhikkhu adhimānenāti. (1)

2. Tena kho pana samayena aññataro bhikkhu paṇidhāya [page 101] araññe viharati "evaṁ maṁ jano sambhāvessatī"ti. Taṁ jano sambhāvesi. Tassa kukkuccaṁ ahosi. Bhagavato etamatthaṁ ārocesi -pe- anāpatti bhikkhu pārājikassa. Na ca bhikkhave paṇidhāya araññe vatthabbaṁ, yo vaseyya, āpatti dukkaṭassāti. (2)

1. Adhimāne. Machasaṁ

[BJT Page 238]

3. Tena kho pana samayena aññataro bhikkhu paṇidhāya piṇḍāya carati. "Evaṁ maṁ jano sambhāvessatī"ti. Taṁ jano sambhāvesi. Tassa kukkuccaṁ ahosi. Bhagavato etamatthaṁ ārocesi -pe- anāpatti bhikkhu pārājikassa. Na ca bhikkhave paṇidhāya piṇḍāya caritabbaṁ. Yo careyya āpatti dukkaṭassāti. (3)

4. Tena kho pana samayena aññataro bhikkhu aññataraṁ bhikkhuṁ etadavoca: "ye āvuso ambhākaṁ upajjhāyassa saddhivihārikā sabbeva arahanto"ti. Tassa kukkuccaṁ ahosi. Bhagavato etamatthaṁ ārocesi. -Pe- kiñcitto vaṁ bhikkhūti. Ullapanādhippāyo ahaṁ bhagavāti. Anāpatti bhikkhu pārājikassa, āpatti thullaccayassāti. (5)

5. Tena kho pana samayena aññataro bhikkhu aññataraṁ bhikkhuṁ etadavoca: "ye āvuso amhākaṁ upajjhāyassa antevāsikā sabbeva mahiddhikā mahānubhāvā"ti. Tassa kukkuccaṁ ahosi. Bhagavato etamatthaṁ ārocesi -pe- kiñcitto tvaṁ bhikkhūti. Ullapanādhippāyo ahaṁ bhagavāti. Anāpatti bhikkhu pārājikassa; āpatti thullaccayassāti. (5)

6. Tena kho pana samayena aññataro bhikkhu paṇidhāya caṅkamati - paṇidhāya tiṭṭhati - paṇidhāya nisīdati - paṇidhāya seyyaṁ kappeti "evaṁ maṁ jano sambhāvessatī"ti. Taṁ jano sambhāvesi. Tassa kukkuccaṁ ahosi. Bhagavato etamatthaṁ ārocesi -pe-anāpatti bhikkhu pārājikassa. Na ca bhikkhave paṇidhāya -peseyyā kappetabbā. Yo kappeyya, āpatti dukkaṭassāti. (6-9)

7. Tena kho pana samayena aññataro bhikkhu aññatarassa bhikkhuno uttarimanussadhammaṁ ullapati. Sopi evamāha: "mayhampi āvuso saññojanā pahīnā"ti. Tassa kukkuccaṁ ahosi. Bhagavato etamatthaṁ ārocesi. -Pe- āpattiṁ tvaṁ bhikkhu āpanno pārājikanti. (10)

8. Tena kho pana samayena aññataro bhikkhu rahogato uttarimanussadhammaṁ ullapati. Paracittavidū bhikkhu taṁ bhikkhuṁ apasādesi: "mā āvuso evarūpaṁ abhaṇi. Nattheso tuyha"nti. Tassa kukkuccaṁ ahosi. Bhagavato etamatthaṁ ārocesi -pe- anāpatti bhikkhu pārājikassa; āpatti dukkaṭassāti. (11)

9. Tena kho pana samayena [page 102] aññataro bhikkhu rahogato uttarimanussadhammaṁ ullapati. Devatā naṁ bhikkhuṁ apasādesi: "mā bhante evarūpaṁ abhaṇi. Nattheso tuyha"nti. Tassa kukkuccaṁ ahosi -pe- anāpatti bhikkhu pārājikassa; āpatti dukkaṭassāti. (12)

10. Tena kho pana samayena aññataro bhikkhu aññataraṁ upāsakaṁ etadavoca: yo āvuso tuyhaṁ vihāre vasati, so bhikkhu arahā'ti. So ca tassa vihāre vasati. Tassa kukkuccaṁ ahosi -pe- kiñcitto tvaṁ bhikkhūti? "Ullapanādhippāyo ahaṁ bhagavā"ti. Anāpatti bhikkhu pārājikassa; āpatti thullaccayassāti. (13)

[BJT Page 240]

11. Tena kho pana samayena aññataro bhikkhu aññataraṁ upāsakaṁ etadavoca: "yaṁ tvaṁ āvuso upaṭṭhesi cīvarapiṇḍapātasenāsanagilānapaccaya-1. Bhesajjaparikkhārena, so bhikkhu arahā'ti. So ca taṁ upaṭṭheti cīvarapiṇḍapātasenāsanagilānapaccaya-1. Bhesajjaparikkhārena. Tassa kukkuccaṁ ahosi -pe- kiñcitto tvaṁ bhikkhū?Ti. "Ullapanādhippāyo ahaṁ bhagavā"ti. Anāpatti bhikkhu pārājikassa; āpatti thullaccayassāti. (14)

12. Tena kho pana samayena aññataro bhikkhu gilāno hoti. Taṁ bhikkhū etadavocuṁ: "atthāyasmato uttarimanussadhammo"ti. "Na āvuso dukkaraṁ aññaṁ byākātu"nti tassa kukkuccaṁ ahosi. Ye kho te bhagavato sāvakā te evaṁ vadeyyuṁ: "ahañcamhi na bhagavato sāvako kacci nu kho ahaṁ pārājikaṁ āpattiṁ āpanno"ti. Bhagavato etamatthaṁ ārocesi -pekiñcitto tvaṁ bhikkhūti? "Anullapanādhippāyo ahaṁ bhagavā"ti. Anāpatti bhikkhu anullapanādhippāyassāti. (15)
13. Tena kho pana samayena aññataro bhikkhu gilāno hoti. Taṁ bhikkhū etadavocuṁ: "atthāyasmato uttarimanussadhammo"ti. "Ārādhanīyo kho āvuso dhammo āraddhaviriyenā"ti. Tassa kukkuccaṁ ahosi. Bhagavato etamatthaṁ ārocesi. -Pe-anāpatti bhikkhu anullapanādhippāyassāti. (16)

14. Tena kho pana samayena aññataro bhikkhu gilāno hoti. Taṁ bhikkhū etadavocuṁ: "mā kho āvuso bhāyī"ti. "Nāhaṁ āvuso maccuno bhāyāmī"ti. Tassa kukkuccaṁ ahosi -pe-anāpatti bhikkhu anullapanādhippāyassāti. (17)

15. Tena kho pana [page 103] samayena aññataro bhikkhu gilāno hoti. Taṁ bhikkhū etadavocuṁ: "mā kho āvuso bhāyī"ti. "Yo nūnāvuso vippaṭisāri assa, so bhāyeyyā"ti. Tassa kukkuccaṁ ahosi -pe-anāpatti bhikkhu anullapanādhippāyassāti. (18)

16. Tena kho pana samayena aññataro bhikkhu gilāno hoti. Taṁ bhikkhū etadavocuṁ: "atthāyasmato uttarimanussadhammo"ti. "Ārādhanīyo kho āvuso dhammo sammāpayuttenā"ti. Tassa kukkuccaṁ ahosi. Bhagavato etamatthaṁ ārocesi -pe-anāpatti bhikkhu anullapanādhippāyassāti. (19)
17. Tena kho pana samayena aññataro bhikkhu gilāno hoti. Taṁ bhikkhu etadavocuṁ: "atthāyasmato uttarimanussadhammo"ti. "Ārādhanīyo kho āvuso dhammo āraddhaviriyenā"ti. Tassa kukkuccaṁ ahosi. Bhagavato etamatthaṁ ārocesi -pe-anāpatti bhikkhu anullapanādhippāyassāti. (20)
1. Gilānappaccaya, machasaṁ.

[BJT Page 242]

18. Tena kho pana samayena aññataro bhikkhu gilāno hoti. Taṁ bhikkhu etadavocuṁ: "atthāyasmato uttarimanussadhammo"ti. "Ārādhanīyo kho āvuso dhammo yuttayogenā"ti. Tassa kukkuccaṁ ahosi. -Pe-anāpatti bhikkhu anullapanādhippāyassāti. (21)

19. Tena kho pana samayena aññataro bhikkhu gilāno hoti. Taṁ bhikkhu etadavocuṁ: "kaccāvuso khamanīyaṁ, kacci yāpanīya"nti. "Nāvuso sakkā yena vā tena vā adhivāsetu"nti. Tassa kukkuccaṁ ahosi. -Pe- anāpatti bhikkhu anullapanādhippāyassāti. (22)

20. Tena kho pana samayena aññataro bhikkhu gilāno hoti. Taṁ bhikkhū etadavocuṁ: "kaccāvuso khamanīyaṁ kacci yāpanīya"nti. "Nāvuso sakkā puthujjanena adhivāsetu"nti. Tassa kukkuccaṁ ahosi. -Pe- kiñcitto tvaṁ bhikkhūti? "Ullapanādhippāyo ahaṁ bhagavā"ti. Anāpatti bhikkhu pārājikassa; āpatti thullaccayassāti.

21. Tena kho pana samayena aññataro brāhmaṇo bhikkhū nimantetvā etadavoca: "āyantu bhonto arahanto"ti. Tesaṁ kukkuccaṁ ahosi, "mayañcamha anarahanto-1. Ayañca brāhmaṇo amhe arahantavādena samudācarati. Kathannukho amhehi paṭipajjitabba"nti. Bhagavato etamatthaṁ ārocesuṁ. -Pe- anāpatti bhikkhave pasādabhaññeti. (24)

22. Tena kho pana samayena aññataro brāhmaṇo bhikkhū nimantetvā etadavoca: "nisīdantu bhonto arahanto"ti. -Pe-"bhuñjantu bhonto arahanto"ti. -Pe-"tappantu-2. Bhonto arahanto"ti. -Pe- gacchantu bhonto arahanto"ti. Tesaṁ kukkuccaṁ ahosi: mayañcamha anarahanto. Ayañca brāhmaṇo amhe arahantavādena samudācaranti. Kathannukho amhehi paṭipajjitabbanti. Bhagavato etamatthaṁ ārocesuṁ. -Pe- anāpatti bhikkhave pasādabhaññeti. (25-28)

23. Tena kho pana samayena aññataro bhikkhu aññatarassa bhikkhuno uttarimanussadhammaṁ ullapati. Sopi evamāha: "mayhampi āvuso āsavā pahīnā"ti. Tassa kukkuccaṁ ahosi. -Pe-āpattiṁ tvaṁ bhikkhu āpanno pārājikanti. (29)

24. Tena [page 104] kho pana samayena aññataro bhikkhū aññatarassa bhikkhuno uttarimanussadhammaṁ ullapati. Sopi evamāha: "mayhampi āvuso ete dhammā saṁvijjantī"ti. Tassa kukkuccaṁ ahosi. -Pe- āpattiṁ tvaṁ bhikkhu āpanno pārājikanti. (30)

25. Tena kho pana samayena aññataro bhikkhū aññatarassa bhikkhuno uttarimanussadhammaṁ ullapati. Sopi evamāha: "ahampāvuso tesu dhammesu sandissāmī"ti. Tassa kukkuccaṁ ahosi. -Pe- āpattiṁ tvaṁ bhikkhu āpanno pārājikanti. (31)

1. Na arahanto. Sīmu. 2. Tappentu. Bahusu.

[BJT Page 244]
26. Tena kho pana samayena aññataraṁ bhikkhuṁ ñātakā etadavocuṁ: "ehi bhante, agāraṁ ajjhāvasāti. " "Abhabbo kho āvuso mādiso agāraṁ ajjhāvasitu"nti. Tassa kukkuccaṁ ahosi. -Pe-anāpatti bhikkhu anullapanādhippāyassāti. (32)

27. Tena kho pana samayena aññataraṁ bhikkhuṁ ñātakā etadavocuṁ: "ehi bhante, kāme paribhuñjā"ti "āvaṭā me āvuso kāmā"ti. Tassa kukkuccaṁ ahosi. -Pe- anāpatti bhikkhu anullapanādhippāyassāti. (33)

28. Tena kho pana samayena aññataraṁ bhikkhuṁ ñātakā etadavocuṁ: "abhiramasi bhante"ti. "Abhirato ahaṁ āvuso paramāya abhiratiyā"ti. Tassa kukkuccaṁ ahosi. 'Ye kho te bhagavato sāvakā te evaṁ vadeyyuṁ: ahañcamhi na bhagavato sāvako, kacci nu kho ahaṁ pārājikaṁ āpattiṁ āpanno"ti. Bhagavato etamatthaṁ ārocesi. "Kiñcitto tvaṁ bhikkhū?"Ti. "Anullapanādhippāyo ahaṁ bhagavā"ti. Anāpatti bhikkhu anullapanādhippāyassāti. (34)

29. Tena kho pana samayena sambahulā bhikkhū katikaṁ katvā aññatarasmiṁ āvāse vassaṁ upagacchiṁsu: "yo imamhā āvāsā paṭhamaṁ pakkamissati, taṁ mayaṁ arahāti jānissamā"ti. Aññataro bhikkhu maṁ arahāti jānantuti tamhā āvāsā paṭhamaṁ pakkami. Tassa kukkuccaṁ ahosi. -Pe- āpattiṁ tvaṁ bhikkhu āpanno pārājikanti. (35)

30. Tena samayena buddho bhagavā rājagahe viharati veḷuvane kalandakanivāpe. Tena kho pana samayena āyasmā ca lakkhaṇo āyasmā ca mahāmoggallāno gijjhakūṭe pabbate viharanti. Atha kho āyasmā mahāmoggallāno pubbaṇhasamayaṁ nivāsetvā pattacīvaramādāya yenāyasmā lakkhaṇo tenupasaṅkami, upasaṅkamitvā āyasmantaṁ lakkhaṇaṁ etadavoca: "āyāmāvuso lakkhaṇa, rājagahaṁ piṇḍāya pavisissāmā"ti. "Evamāvuso"ti kho āyasmā lakkhaṇo āyasmato mahāmoggallānassa paccassosi.

31. Atha kho āyasmā mahāmoggallāno gijjhakūṭā [page 105] pabbatā orohanto aññatarasmiṁ padese sitaṁ pātvakāsi. Atha kho āyasmā lakkhaṇo āyasmantaṁ mahāmoggallānaṁ etadavoca: "ko nu kho āvuso moggallāna, hetu ko paccayo sītassa pātukammāyā"ti. "Akālo kho āvuso lakkhaṇa, etassa pañhassa, -1. Bhagavato maṁ santike etaṁ pañhaṁ pucchā"ti.

1. Pañhassa byākaraṇāya syā.

[BJT Page 246]

32. Atha kho āyasmā ca lakkhaṇo āyasmā ca mahāmoggallāno rājagahe piṇḍāya caritvā pacchābhattaṁ piṇḍapātaṭikkantā yena bhagavā tenupasaṅkamiṁsu. Upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho āyasmā lakkhaṇo āyasmantaṁ mahāmoggallānaṁ etadavoca: "idhāyasmā mahāmoggallāno gijjhakūṭā pabbatā orohanto aññatarasmiṁ padese sītaṁ pātvakāsi. Ko nu kho āvuso moggallāna, hetu ko paccayo sītassa pātukammāyā"ti. Idāhaṁ-1. Āvuso gijjhakūṭā pabbatā orohanto addasaṁ aṭṭhikasaṅkhalikaṁ vehāsaṁ gacchantiṁ. Tamenaṁ gijjhāpi kākāpi kulalāpi anupatitvā anupatitvā phāsulantarikāhi vitudanti-2. Sā sudaṁ aṭṭassaraṁ karoti. Tassa mayhaṁ āvuso etadahosi: "acchariyaṁ vata bho abbhutaṁ vata bho, evarūpopi nāma satto bhavissati. Evarūpopi nāma yakkho bhavissati, evarūpopi nāma attabhāvapaṭilābho bhavissatī"ti. Bhikkhū ujjhāyanti, khīyanti, vipācenti: "uttarimanussadhammaṁ āyasmā mahāmoggallāno ullapatī"ti.

33. Atha kho bhagavā bhikkhū āmantesi: cakkhubhūtā vata bhikkhave sāvakā viharanti, ñāṇabhūtā vata bhikkhave sāvakā viharanti, yatra hi nāma sāvako evarūpaṁ ñassati vā, dakkhati vā, sakkhiṁ vā karissati. Pubbeva me so bhikkhave satto diṭṭho ahosi. Apivāhaṁ na vyākāsiṁ, ahañcetaṁ vyākareyyaṁ, pare ca me na saddaheyyuṁ. Ye me na saddaheyyuṁ, tesaṁ taṁ assa dīgharattaṁ ahitāya dukkhāya. Eso bhikkhave satto imasmiṁyeva rājagahe goghātako ahosi. So tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṁ attabhāvapaṭilābhaṁ paṭisaṁvedeti. Saccaṁ bhikkhave moggallāno āha. Anāpatti bhikkhave moggallānassāti. (36)
34. Idāhaṁ, āvuso gijjhakūṭā pabbatā orohanto addasaṁ maṁsapesiṁ vehāsaṁ gacchantiṁ, tamenaṁ gijjhāpi kākāpi kulalāpi anupatitvā anupatitvā vitacchenti virājenti-3. Sā sudaṁ aṭṭassaraṁ [page 106] karoti -pe- eso bhikkhave satto imasmiṁyeva rājagahe ghogātako ahosi. (37)

35. Idāhaṁ āvuso gijjhakūṭā pabbatā orohanto addasaṁ maṁsapiṇḍaṁ vehāsaṁ gacchantaṁ, tamenaṁ gijjhāpi kākāpi kulalāpi anupativā anupativā vitacchenti virājenti. So sudaṁ aṭṭassaraṁ karoti -pe- eso bhikkhave satto imasmiṁyeva rājagahe sākuṇiko ahosi. (38)

36. Idāhaṁ, āvuso gijjhakūṭā pabbatā orohanto addasaṁ nicchaviṁ purisaṁ vehāsaṁ gacchantaṁ, tamenaṁ gijjhāpi kākāpi kulalāpi anupatitvā anupatitvā vitacchenti virājenti-4. So sudaṁ aṭṭassaraṁ karoti -pe- eso bhikkhave satto imasmiṁyeva rājagahe orabbhiko ahosi. (39)

1. Idhāhaṁ. Sīmu. (Sabbatthāpi) 2. Vitudenti vitacchenti virājenti. Syā. 3. Vibhajjenti 4. Vibhajjenti. Machasaṁ. Upari ca evaṁ.
[BJT Page 248]

37. Idāhaṁ, āvuso gijjhakūṭā pabbatā orohanto addasaṁ asilomaṁ purisaṁ vehāsaṁ gacchantaṁ. Tassa te asī uppattitvā uppatitvā tasseva kāye nipatanti. So sudaṁ aṭṭassaraṁ karoti -pe- eso bhikkhave satto imasmiṁyeva rājagahe sūkariko ahosi (40)

38. Idāhaṁ, āvuso gijjhakūṭā pabbatā orohanto addasaṁ sattilomaṁ purisaṁ vehāsaṁ gacchantaṁ. Tassa tā sattiyo uppatitvā uppattitvā tasseva kāye nipatanti. So sudaṁ aṭṭassaraṁ karoti -pe- eso bhikkhave satto imasmiṁ yeva rājagahe māgaviko ahosi (41)

39. Idāhaṁ, āvuso gijjhakūṭā pabbatā orohanto addasaṁ usulomaṁ purisaṁ vehāsaṁ gacchantaṁ. Tassa te usū uppattitvā uppatitvā tasseva kāye nipatanti. So sudaṁ aṭṭassaraṁ karoti -pe- eso bhikkhave satto imasmiṁyeva rājagahe kāraṇiko ahosi (42)

40. Idāhaṁ, āvuso gijjhakūṭā pabbatā orohanto addasaṁ sūcilomaṁ purisaṁ vehāsaṁ gacchantaṁ. Tassa tā sūciyo uppattitvā uppatitvā tasseva kāye nipatanti. So sudaṁ aṭṭassaraṁ karoti -pe- eso bhikkhave satto imasmiṁyeva rājagahe sārathiko ahosi (43)

41. Idāhaṁ, āvuso gijjhakūṭā pabbatā orohanto addasaṁ sūcilomaṁ purisaṁ vehāsaṁ gacchantaṁ. Tassa tā sūciyo sīse pavisitvā mukhato nikkhamanti, mukhe pavisitvā urato nikkhamanti, ure pavisitvā udarato nikkhamanti, udare pavisitvā urahi nikkhamanti, ūrūsu pavisitvā jaṅghāhi nikkhamanti, jaṅghāsu pavisitvā pādehi nikkhamanti. So sudaṁ aṭṭassaraṁ karoti -pe- eso bhikkhave satto imasmiṁyeva rājagahe sūcako ahosi (44)

42. Idāhaṁ āvuso gijjhakūṭā pabbatā orohanto addasaṁ kumbhaṇḍaṁ purisaṁ vehāsaṁ gacchantaṁ. So gakacchantopi teva aṇḍe khandhe āropetvā gacchati, nisīdantopi tesveva aṇḍesu nisīdati. Tamenaṁ gijjhāpi kākāpi kulalāpi anupatitvā anupatitvā vitacchenti virājenti-1. So sudaṁ aṭṭassaraṁ karoti -pe-eso bhikkhave satto imasmiṁyeva rājagahe gāmakūṭako ahosi. (45)

43. Idāhaṁ āvuso gijjhakūṭā pabbatā erohanto addasaṁ purisaṁ guthakūpe sasīsakaṁ nimuggaṁ -pe- eso bhikkhave satto imasmiṁyeva rājagahe pāradāriko ahosi, (46)

44. Idāhaṁ āvuso gijjhakūṭā pabbatā orohanto [page 107] addasaṁ purisaṁ guthakūpe sasīsakaṁ nimuggaṁ ubhohi hatthehi bhuthaṁ khādantaṁ -pe- eso bhikkhave satto imasmiṁyeva rājagahe duṭṭhabrāhmaṇo ahosi. So kassapassa sammāsambuddhassa pāvacane bhikkhusaṅghaṁ bhattena nimantetvā doṇiyo-2. Guthassa pūrāpetvā kālaṁ ārocāpetvā etadavoca: ato-3. Bhonto yāvadatthaṁ bhuñjantu ceva harantu cā"ti. (47)

1. Vitudenti vibhajjenti virājenti. Syā.
2. Doṇiyā (itipi sīmu. )
3. Ito. Syā. Ato. (Itipi syā)

[BJT Page 250]

45. Idāhaṁ āvuso gijjhakūṭā pabbatā orohanto addasaṁ nicchaviṁ itthiṁ vehāsaṁ gacchantiṁ. Tamenaṁ gijjhāpi kākāpi kulalāpi anupatitvā anupatitvā vitacchenti virājenti. Sā sudaṁ aṭṭassaraṁ karoti -pe- esā bhikkhave itthi imasmiṁyeva rājagahe aticārinī ahosi. (48)

46. Idāhaṁ āvuso gijjhakūṭā pabbatā orohanto addasaṁ itthiṁ duggandhaṁ maṅguliṁ vehāsaṁ gacchantiṁ. Tamenaṁ gijjhāpi kākāpi kulalāpi anupatitvā anupatitvā vitacchenti virājenti. Sā sudaṁ aṭṭassaraṁ karoti -pe- esā bhikkhave itthi imasmiṁyeva rājagahe ikkhaṇikā ahosi. (49)

47. Idāhaṁ āvuso gijjhakūṭā pabbatā orohanto addasaṁ itthiṁ uppakkaṁ okiliniṁ okiriniṁ vehāsaṁ gacchantiṁ. Sā sudaṁ aṭṭassaraṁ karoti -pe- esā bhikkhave itthi kāliṅgassa rañño aggamahesi ahosi. Sā issāpakatā sapattiṁ aṅgārakaṭāhena okiri. (50)

48. Idāhaṁ āvuso gijjhakūṭā pabbatā orohanto addasaṁ asīsakaṁ kavandhaṁ vehāsaṁ gacchantaṁ. Tassa ure akkhinī ceva honti mukhañca. Tamenaṁ gijjhāpi kākāpi kulalāpi anupatitvā anupatitvā vitacchenti virājenti. So sudaṁ aṭṭassaraṁ karoti -pe- eso bhikkhave satto imasmiṁyeva rājagahe hāriko nāma voraghātako ahosi. (51)

49. Idāhaṁ āvuso gijjhakūṭā pabbatā orohanto addasaṁ bhikkhuṁ vehāsaṁ gacchantaṁ. Tassa saṅghāṭipi ādittā sampajjalitā sajotibhūtā, pattopi āditto sampajjalito sajotibhuto, kāyabandhanampi ādittaṁ sampajjalitaṁ sajotibhūtaṁ, kāyopi āditto sampajjalito sajotibhuto. So sudaṁ aṭṭassaraṁ karoti -pe-eso bhikkhave kassapassa sammāsambuddhassa pāvacane pāpabhikkhu ahosi. (52)

50. Idāhaṁ āvuso gijjhakūṭā pabbatā orohanto addasaṁ bhikkhuṇiṁ -pe- addasaṁ sikkhamānaṁ -pe- addasaṁ sāmaṇeraṁ -pe-addasaṁ sāmaṇeriṁ vehāsaṁ gacchantiṁ. Tassā saṅgāṭipi ādittā sampajjalitā sajotibhūtā, pattopi āditto sampajjalito sajotibhuto, kāyakhandhanampi ādittaṁ sampajjalitaṁ sajotibhūtaṁ, kāyopi āditto sampajjalito, sajotibhuto. Sā sudaṁ aṭṭassaraṁ karoti. Tassa mayhaṁ āvuso etadahosi. "Acchariyaṁ vata bho, abbhutaṁ vata bho, evarūpopi nāma satto bhavissati, evarūpopi nāma yakkho bhavissati, evarūpopi nāma attabhāvapaṭilābho bhavissatī"ti. Bhikkhū ujjhāyanti khīyanti vipācenti: uttarimanussadhammaṁ āyasmā mahāmoggallāno ullapatīti.

[BJT Page 252]

Atha kho bhagavā bhikkhū āmantesi. Cakkhubhūtā vata bhikkhave sāvakā viharanti, ñāṇabhūtā [page 108] vata bhikkhave sāvakā viharanti, yatra hi nāma sāvako evarūpaṁ ñassati vā dakkhati vā sakkhīṁ vā karissati. Pubbeva me sā bhikkhave sāmaṇerī diṭṭhā ahosi, apicāhaṁ na byākāsiṁ. Ahañcetaṁ byākareyyaṁ, pare ca me na saddaheyyuṁ, ye me na saddaheyyuṁ, tesaṁ taṁ assa dīgharattaṁ ahitāya dukkhāya. Esā bhikkhave sāmaṇerī kassapassa sammāsambuddhassa pāvacane pāpasāmaṇerī ahosi. Sā tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṁ attabhāvapaṭilābhaṁ paṭisaṁvedeti. Saccaṁ bhikkhave moggallāno āha. Anāpatti bhikkhave moggallānassāti. (53-56)

51. Atha kho āyasmā mahāmoggallāno bhikkhū āmantesi. Yatāyaṁ āvuso tapodā sandati, so daho acchodako sītodako sātodako setako suppatittho ramaṇīyo pahūtamacchakacchapo cakkamattāni ca padumāni pupphantī, ti. Bhikkhū ujhāyanti khīyanti vipācenti, kathaṁ hi nāma āyasmā mahāmoggallāno evaṁ vakkhati. "Yatāyaṁ āvuso tapodā sandati, so daho acchodako sītodako sātodako setako supatittho ramaṇīyo pahūtamacchakacchapo, cakkamattāni ca padumāni pupphantī"ti. "Atha ca panāyaṁ tapodā kuthitā-1. Sandati. Uttarimanussadhammaṁ āyasmā mahāmoggallāno ullapatī"ti. Bhagavato etamatthaṁ ārocesuṁ: "yatāyaṁ bhikkhave tapodā sandati, so daho acchodako sītodako sātodako setako supatittho ramaṇīyo pahūtamacchakacchapo, cakkamattāni ca padumāni pupphanti, apicāyaṁ bhikkhave tapodā dvinnaṁ mahānirayānaṁ antarikāya āgacchati, tenāyaṁ tapodā kuthitā sandati. Saccaṁ bhikkhave moggallāno āha. Anāpatti bhikkhave moggallānassā"ti. (57)

52. Tena kho pana samayena rājā māgadho seniyo bimbisāro licchavīhi saddhiṁ saṅgāmento pabhaggo hoti. -2. Atha rājā pacchā senaṁ saṅkaḍḍhitvā licchavayo parājesi, saṅgāme ca nandī carati "raññā licchavī pabhaggā"ti. Atha kho āyasmā mahāmoggallāno bhikkhū āmantesi. "Rājā āvuso licchavīhi pabhaggo"ti. Bhikkhū ujjhāyanti khīyanti vipācenti: "kathaṁ hi nāma āyasmā mahāmoggallāno evaṁ vakkhati". "Rājā āvuso licchavīhi pabhaggo"ti. Saṅgāme ca nandī carati raññā licchavī pabhaggā"ti. Uttarī- manussadhammaṁ āyasmā mahāmoggallāno ullapatīti. Bhagavato etamatthaṁ ārocesuṁ. Paṭhamaṁ bhikkhave rājā licchavīhi pabhaggo. [page 109] atha rājā pacchā senaṁ saṅkaḍḍhitvā licchavayo parājesi. Saccaṁ bhikkhave moggallāno āha. Anāpatti bhikkhave moggallānassāti. (58)

1. Kuṭṭhitā. Syā.
2. Ahosi. Machasaṁ.
3. Nandiṁ. Machasaṁ
[BJT Page 254]

54. Atha kho āyasmā mahāmoggallāno bhikkhū āmantesi. Idāhaṁ āvuso sappinikāya nadiyā tīre āneñjaṁ samādhiṁ samāpanno nāgānaṁ ogayha uttarantānaṁ koñcaṁ karontānaṁ saddaṁ assosinti. Bhikkhū ujjhāyānti khīyanti vipācenti: "kathaṁ hi nāma āyasmā mahāmoggallāno āneñjaṁ samādhiṁ samāpanno saddaṁ sossati. Uttarimanussadhammaṁ āyasmā mahāmoggallāno ullapatī"ti. Bhagavato etamatthaṁ ārocesuṁ. "Attheso bhikkhave samādhi, so ca kho aparisuddho. Saccaṁ bhikkhave moggallāno āha. Anāpatti bhikkhave moggallānassā"ti. (59)
55. Atha kho āyasmā sobhito bhikkhū āmantesi: "ahaṁ āvuso pañcakappasatāni anussarāmī"ti. Bhikkhū ujjhāyanti khīyanti vipācenti: "kathaṁ hi nāma āyasmā sobhito evaṁ vakkhati: ahaṁ āvuso pañcakappasatāni anussarāmī"ti. "Uttarimanussadhammaṁ āyasmā sobhito ullapatī"ti. Bhagavato etamatthaṁ ārocesuṁ: "atthesā bhikkhave sobhitassa, sā ca kho ekāyeva jāti. Saccaṁ bhikkhave sobhito āha. Anāpatti bhikkhave sobhitassāti. (60)

Catutthapārājikaṁ samattaṁ.

Uddiṭṭhā kho āyasmanto cattāro pārājikā dhammā, yesaṁ bhikkhu aññataraṁ vā aññataraṁ vā āpajjitvā na labhati bhikkhuhi saddhiṁ saṁvāsaṁ, yathā pure tathā pacchā pārājiko hoti asaṁvāso. Tatthāyasmante pucchāmi kaccīttha parisuddhā? Dutiyampi pucchāmi kaccittha parisuddhā? Tatiyampi pucchāmi kaccittha parisuddhā? Parisuddhetthāyasmanto, tasmā tuṇhi. Evametaṁ dhārayāmitī.

Pārājikaṁ niṭṭhitaṁ
Tassuddānaṁ:

Methunādinnadānañca manussaviggahuttari,
Pārājikāni cattāri chejjavatthu asaṁsayāti.

Pārājikakaṇḍo [page 110] niṭṭhito.

[BJT Page 256]

Saṅghādisesakaṇḍo.
3.
Terasakaṁ.

Ime kho panāyasmanto terasa saṅghādisesā dhammā uddasaṁ āgacchanti.

3. 1.
Paṭhamasaṅghādiseso.

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṁ carati. So tena kiso hoti lukho dubbaṇṇo uppaṇḍuppaṇḍukajāto dhamanisanthatagatto.
2. Addasā kho āyasmā udāyī āyasmantaṁ seyyasakaṁ kisaṁ lukhaṁ dubbaṇṇaṁ uppaṇḍuppaṇḍukajātaṁ dhamanisanthatagattaṁ. Disvāna āyasmantaṁ seyyasakaṁ etadavoca: "kissa tvaṁ āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto. Kacci no tvaṁ āvuso seyyasaka, anabhirato brahmacariyaṁ carasī"ti. 'Evamāvuso'ti. 'Tena hi tvaṁ āvuso seyyasaka yāvadatthaṁ bhuñja, yāvadatthaṁ supa, yāvadatthaṁ nahāya, yāvadatthaṁ bhuñjitvā yāvadatthaṁ supitvā yāvadatthaṁ nāhāyitvā yadā te anabhirati uppajjati, rāgo cittaṁ anuddhaṁseti, tadā hatthena upakkamitvā asuciṁ mocehī'ti. "Kinnu kho āvuso kappati evarūpaṁ kātu"nti. 'Āma āvuso, ahampi evaṁ karomi'ti.

3. Atha kho āyasmā seyyasako yāvadatthaṁ bhuñji, yāvadatthaṁ supi, yāvadatthaṁ nahāyi. Yāvadatthaṁ bhuñjitvā yāvadatthaṁ supitvā yāvadatthaṁ nahāyitvā, yadā anabhirati uppajjati, rāgo cittaṁ anuddhaṁseti, tadā hatthena upakkamitvā asuciṁ moveti. Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo.

[BJT Page 258]

4. Atha kho āyasmato seyyasakassa sahāyakā bhikkhu āyasmantaṁ seyyasakaṁ etadavocuṁ: "pubbe kho tvaṁ āvuso seyyasakaṁ kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So 'dāni tvaṁ etarahi vaṇṇavā pīṇindriyo [page 111] pasannamukhavaṇṇo vippasannachavivaṇṇo. Kinnu kho tvaṁ āvuso seyyasaka bhesajjaṁ karosī" 'ti na kho ahaṁ āvuso bhesajjaṁ karomi. Api cāhaṁ yāvadatthaṁ bhuñjāmi, yāvadatthaṁ supāmi, yāvadatthaṁ nahāyāmi, yāvadatthaṁ bhuñjitvā yāvadatthaṁ supitvā yāvadatthaṁ nahāyitvā, yadā me anabhirati uppajjati, rāgo cittaṁ anuddhaṁseti, tadā hatthena uppakkamitvā asuciṁ mocemī'ti. 'Kiṁ pana tvaṁ āvuso seyyasaka yene'va hatthena saddhādeyyaṁ bhuñjasi, tene'va hatthena upakkamitvā asuciṁ mocesīti. 'Evamāvuso'ti. Ye te bhikkhū appicchā te ujjhāyanti khīyanti vipācenti: 'kathaṁ hi nāma āyasmā seyyasako hatthena upakkamitvā asuciṁ mocessatī'ti. Atha kho te bhikkhū āyasmantaṁ seyyasakaṁ anekapariyāyena vigarahitvā bhagavato etamatthaṁ ārocesuṁ.

5. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ seyyasakaṁ paṭipucchi: "saccaṁ kīra tvaṁ seyyasaka hatthena upakkamitvā asuciṁ mocesī" ti. 'Saccaṁ bhagavā' vigarahi buddho bhagavā "ananucchaviyaṁ moghapurisa ananulomikaṁ appatirūpaṁ assāmaṇakaṁ akappiyaṁ akaraṇīyaṁ, kathaṁ hi nāma tvaṁ moghapurisa hatthena upakkamitvā asuciṁ mocessasi. Nanu mayā moghapurisa anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya. Tattha nāma tvaṁ moghapurisa mayā virāgāya dhamme desite sarāgāya cetessasi. Visaññegāya dhamme desite saññogāya cetessasi. Anupādānāya dhamme desite saupādānāya cetessasi. Nanu mayā moghapurisa anekapariyāyena rāgavirāgāya dhammo desito, madanimmadanāya, pipāsavinayāya, ālayasamugghātāya, vaṭṭūpacchedāya, taṇhakkhayāya, virāgāya, nirodhāya, nibbāṇāya dhammo desito. Nanu mayā moghapurisa anekapariyāyena kāmānaṁ pahānaṁ akkhātaṁ, kāmasaññānaṁ pariññā akkhātā, kāmapipāsānaṁ paṭivinayo akkhāto, kāmavitakkānaṁ samugghāto akkhāto, kāmaparilāhānaṁ vūpasamo akkhāto. Netaṁ moghapurisa appasannānaṁ vā pasādāya pasannānaṁ vā bhiyyobhāvāya. Atha khvetaṁ moghapurisa appasannānañceva appasādāya pasannānañca ekaccānaṁ aññathattāyā"ti.

[BJT Page 260]

6. Atha kho bhagavā āyasmantaṁ [page 112] seyyasakaṁ anekapariyāyena vigarahitvā dubharatāya -pe- evañca pana bhikkhave imaṁ sikkhāpadaṁ uddiseyyātha:

"Sañcetanikā sukkavisaṭṭhi-1. Saṅghādiseso" ti.

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Paṭhamapaññatti. )

7. Tena kho pana samayena bhikkhū paṇitāni bhojanāni bhuñjitvā muṭṭhassatī asampajānā niddaṁ okkamanti. Tesaṁ muṭṭhassatīnaṁ asampajānānaṁ niddaṁ okkamantānaṁ supinantena asuci muccati. Tesaṁ kukkuccaṁ ahosi: "bhagavatā sikkhāpadaṁ paññattaṁ sañcetanikā sukkavisaṭṭhi saṅghādiseso"ti. 'Ambhākañca supinantena asuci muccati. Atthi cettha cetanā labbhā"ti. "Kacci nū kho mayaṁ saṅghādisesaṁ āpattiṁ āpannā"ti. Bhagavato etamatthaṁ ārocesuṁ. "Atthesā bhikkhave cetanā, sā ca kho abbohārikā"ti. Evañca pana bhikkhave imaṁ sikkhāpadaṁ uddiseyyātha:

"Sañcetanikā sukkavisaṭṭhi aññatra supinantā sṅghādiseso"ti.

(Dutiyapaññatti. )

8. Sañcetanikā'ti jānanto sañjānanto cecca abhivitaritvā vītikkamo.

Sukkanti dasasukkāni: nīlaṁ pītaṁ lohitakaṁ odātaṁ takkavaṇṇaṁ dakavaṇṇaṁ telavaṇṇaṁ khīravaṇṇaṁ dadhivaṇṇaṁ sappivaṇṇaṁ.

Visaṭṭhīti ṭhānato cāvanaṁ vuccati visaṭṭhiti.

Aññatra supinantā'ti ṭhapetvā supinantaṁ.

Saṅghādiseso'ti saṅgho'va tassā āpattiyā parivāsaṁ deti, mūlāya paṭikkassati, mānattaṁ deti, abbheti. Na sambahūlā na ekapuggalo. Tena vuccati saṅghādiseso'ti. Tasse'va āpattinikāyassa nāmakammaṁ adhivacanaṁ. Tena'pi vuccati saṅghādiseso'ti.

9. Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṁ kampento moceti, rāgupatthamhe moceti, vaccūpatthamhe moceti, passāvūpatthamhe moceti, vātupatthamhe moceti, uccāliṅgapāṇakadaṭṭhūpatthambhe moceti, ārogyatthāya moceti, sukhatthāya moceti, bhesajjatthāya moceti, dānatthāya moceti, [page 113] puññatthāya moceti, yaññatthāya moceti, saggatthāya moceti, bījatthāya moceti, vīmaṁsatthāya moceti, davatthāya moceti, nīlaṁ moceti, pītakaṁ moceti, lohitakaṁ moceti, odātaṁ moceti, takkavaṇṇaṁ moceti, dakavaṇṇaṁ moceti, telavaṇṇaṁ moceti, khīravaṇṇaṁ moceti, dadhivaṇṇaṁ moceti, sappivaṇṇaṁ moceti.

1. Sukkavissaṭṭhi; machasaṁ

[BJT Page 262]

10. Ajjhattarūpe'ti ajjhattaṁ upādinne rūpe.
Bahiddhārūpe'ti bahiddhā upādinne vā anupādinne vā.
Ajjhattabahiddhārūpe'ti tadubhaye
Ākāse kaṭiṁ kampenno'ti ākāse vāyamantassa aṅgajātaṁ kammanīyaṁ hoti.
Rāgupatthambhe'ti rāgena pīḷitassa aṅgajātaṁ kammanīyaṁ hoti.
Vaccūpatthambhe'ti vaccena pīḷitassa aṅgajātaṁ kammanīyaṁ hoti.
Passāvūpatthambhe'ti passāvena pīḷitassa aṅgajātaṁ kammanīyaṁ hoti.
Vātupatthambhe'ti vātena pīḷitassa aṅgajātaṁ kammanīyaṁ hoti.
Uccāliṅgapāṇakadaṭṭhūpatthambhe'ti uccāliṅgapāṇakadaṭṭhena aṅgajātaṁ kammanīyaṁ hoti. Ārogyatthāyā'ti ārogo bhavissāmi;
Sukhatthāyā'ti sukhaṁ vedanaṁ uppādessāmi;
Bhesajjatthāyā'ti bhesajjaṁ bhavissati;
Dānatthāyā'ti dānaṁ dassāmi;
Puññatthāyā'ti puññaṁ bhavissati;
Yaññatthāyā'ti yaññaṁ yajissāmi;
Saggatthāyā'ti saggaṁ gamissāmi;
Bījatthāyā'ti bījaṁ bhavissati;
Vīmaṁsatthāyā'ti nīlaṁ bhavissati -pe- sappivaṇṇaṁ bhavissati;
Davatthāyā'ti biḍḍādhippāyo.

11. Ajjhattarūpe ceteti upakkamati muccati, āpatti saṅghādi sesassa.
Bahiddhārūpe ceteti upakkamati muccati, āpatti saṅghādisesassa.
Ajjhattabahiddhārūpe ceteti upakkamati muccati, āpatti saṅghādisesassa.
Ākāse kaṭiṁ kampento ceteti upakkamati muccati, āpatti saṅghādisesassa.
Rāgupatthambhe ceteti upakkamati muccati, āpatti saṅghādisesassa.

[BJT Page 264]

Vaccūpatthambhe ceteti upakkamati muccati, āpatti saṅghādisesassa.
Passāvupatthambhe ceteti upakkamati muccati, āpatti saṅghādisesassa.
Vātupatthambhe ceteti upakkamati muccati, āpatti saṅghādisesassa.
Uccāliṅgapāṇakadaṭṭhupatthambhe ceteti upakkamati muccati, āpatti saṅghādisesassa.

12. Ārogyatthāya ceteti upakkamati muccati, āpatti saṅghādisesassa.
Sukhatthāya ceteti upakkamati muccati, āpatti saṅghādisesassa.
Bhesajjatthāya ceteti upakkamati muccati, āpatti saṅghādisesassa.
Dānatthāya ceteti upakkamati muccati, āpatti saṅghādisesassa.
Puññatthāya ceteti upakkamati muccati, āpatti saṅghādisesassa.
Yaññatthāya ceteti upakkamati muccati, āpatti saṅghādisesassa.
Saggatthāya ceteti upakkamati muccati, āpatti saṅghādisesassa.
Bījatthāya ceteti upakkamati muccati, āpatti saṅghādisesassa.
Vīmaṁsatthāya ceteti upakkamati muccati, āpatti saṅghādisesassa.
Davatthāya ceteti upakkamati muccati, āpatti saṅghādisesassa.

13. Nīlaṁ ceteti upakkamati muccati, āpatti saṅghādisesassa. Pītakaṁ -pe- lohitataṁ -pe- odātaṁ -pe- takkavaṇṇaṁ -pedakavaṇṇaṁ -pe- telavaṇṇaṁ -pe- khīravaṇṇaṁ -pedadhivaṇṇaṁ -pesappivaṇṇaṁ ceteti upakkamati muccati, āpatti saṅghādisesassa.

[page 114]
Suddhikaṁ niṭṭhitaṁ

14. Ārogyatthañca sukhatthañca ceteti upakkamati muccati, āpatti saṅghādisesassa. Ārogyatthañca bhesajjatthañca -pe-ārogatthañca dānatthañca -pe-ārogyatthañca puññatthañca -pe-ārogyatthañca yaññatthañca -pe- ārogyatthañca saggatthañca -pe- ārogyatthañca bījatthañca -pe-ārogyatthañca vīmaṁsatthañca -pe- ārogyatthañca davatthañca ceteti upakkamati muccati, āpatti saṅghādisesassa.
Ekamūlakassa khaṇḍacakkaṁ niṭṭhitaṁ

[BJT Page 266]

15. Sukhatthañca bhesajjatthañca ceteti upakkamati muccati, āpatti saṅghādisesassa. Sukhatthañca dānatthañca -pe- sukhatthañca puññatthañca -pe- sukhatthañca yaññatthañca -pe-sukhatthañca saggatthañca -pe-sukhatthañca bījatthañca -pe- sukhatthañca vīmaṁsatthañca -pe-sukhatthañca davatthañca ceteti upakkamati muccati, āpatti saṅghādisesassa. Sukhatthañca ārogyatthañca ceteti upakkamati muccati, āpatti saṅghādisesassa.

16. Bhesajjatthañca dānatthañca -pe- bhesajjatthañca puññatthañca -pe-bhesajjatthañca yaññatthañca -pe- bhesajjatthañca saggatthañca -pe-bhesajjatthañca bījatthañca -pe- bhesajjatthañca vīmaṁsatthañca -pe-bhesajjatthañca davatthañca ceteti upakkamati, muccati, āpatti saṅghādisesassa. Bhesajjatthañca ārogyatthañca -pe-bhesajjatthañca sukhatthañca ceteti, upakkamati, muccati āpatti saṅghādisesassa.

17. Dānatthañca puññatthañca -pe- dānatthañca yaññatthañca -pe-dānatthañca saggatthañca -pe- dānatthañca bījatthañca -pe-dānatthañca vīmaṁsatthañca -pe- dānatthañca davatthañca ceteti upakkamati muccati, āpatti saṅghādisesassa. Dānatthañca ārogyatthañca -pe-dānatthañca sukhatthañca -pe- dānatthañca bhesajjatthañca ceteti upakkamati muccati, āpatti saṅghādisesassa.

18. Puññatthañca yaññatthañca -pe- puññatthañca saggatthañca -pe-puññatthañca bījattañca -pe- puññatthañca vīmaṁsatthañca -pe-puññatthañca davatthañca ceteti upakkamati muccati, āpatti saṅghādisesassa. Puññatthañca ārogyatthañca -pe- puññatthañca sukhatthañca -pe- puññatthañca bhesajjatthañca -pe- puññatthañca dānatthañca ceteti upakkamati muccati, āpatti saṅghādisesassa.

19. Yaññatthañca saggatthañca -pe- yaññatthañca bījatthañca -pe-yaññatthañca vīmaṁsatthañca -pe- yaññatthañca davatthañca ceteti upakkamati muccati, āpatti saṅghādisesassa. Yaññatthañca ārogyatthañca -pe- yaññatthañca sukhatthañca -pe- yaññatthañca bhesajjatthañca -pe- yaññatthañca dānatthañca -pe- yaññatthañca puññatthañca ceteti upakkamati muccati, āpatti saṅghādisesassa.

20. Saggatthañca bījatthañca -pe- saggattha -pe- saggatthañca -pe- saggatthañca davatthañca ceteti upakkamati muccati, āpatti saṅghādisesassa. Saggatthañca -pe- ārogyatthañca -pe-saggatthañca sukhatthañca -pe- saggatthañca bhesajjatthañca -pesaggatthañca dānatthañca -pe-saggatthañca puññatthañca -pesaggatthañca yaññatthañca ceteti upakkamati muccati, āpatti saṅghādisesassa.

[BJT Page 268]

21. Bījatthañca vīmaṁsatthañca -pe- bījatthañca davatthañca ceteti upakkamati muccati, āpatti saṅghādisesassa. Bījatthañca ārogyatthañca -pe- bījatthañca sukhatthañca -pe-bījatthañca bhesajjatthañca -pe-bījatthañca dānatthañca -pe- bījatthañca puññatthañca -pe-bījatthañca yaññatthañca -pe- bījatthañca saggatthañca ceteti upakkamati, muccati, āpatti saṅghādisesassa.

22. Vīmaṁsatthañca davatthañca ceteti upakkamati muccati, āpatti saṅghādisesassa. Vīmaṁsatthañca ārogyatthañca -pe- vīmaṁsatthañca sukhatthañca -pe- vīmaṁsatthañca bhesajjatthañca -pe- vīmaṁsatthañca dānatthañca -pe- vīmaṁsatthañca puññatthañca -pe-vīmaṁsatthañca yaññatthañca -pe- vīmaṁsatthañca saggatthañca -pe- vīmaṁsatthañca bījatthañca ceteti upakkamati muccati, āpatti saṅghādisesassa.

23. Davatthañca ārogyatthañca ceteti upakkamati muccati, āpatti saṅghādisesassa. Dvatthañca sukhatthañca -pe- dvatthañca bhesajjatthañca, -pe- dvatthañca dānatthañca, -pe-dvatthañca puññatthañca, -pe-dvatthañca yaññatthañca, dvatthañca saggatthañca, -pe-dvatthañca bījatthañca, -pe- dvatthañca vīmaṁsatthañca ceteti upakkamati muccati, āpatti saṅghādisesassa.

Ekamūlakassa baddhacakkaṁ.

Saṅkhittaṁ

Ekamūlakassa cakkapeyyālaṁ niṭṭhitaṁ.

24. Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa. -Pe- ārogyatthañca sukhatthañca davatthañca ceteti upakkamati muccati, āpatti saṅghādisesassa.

Dumūlakassa khaṇḍacakkaṁ niṭṭhitaṁ.

25. Sukhatthañca bhesajjatthañca dānatthañca ceteti upakkamati muccati āpatti saṅghādisesassa. -Pe- sukhatthañca bhesajjatthañca davatthañca ceteti upakkamati muccati, āpatti saṅghādisesassa. Sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.

Dumūlakassa baddhacakkaṁ.

Saṅkhittaṁ.

[BJT Page 270]

26. Vīmaṁsatthañca davatthañca ārogyatthañca ceteti upakkamati muccati āpatti saṅghādisesassa. -Pe- vīmaṁsatthañca davatthañca sukhatthañca -pe- vīmaṁsatthañca davatthañca bījatthañca ceteti upakkamati muccati, āpatti saṅghādisesassa.

Dumūlakaṁ niṭṭhitaṁ.

27. Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṁ.

Idaṁ sabbamūlakaṁ:

28. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṁsatthañca davatthañca ceteti upakkamati muccati, āpatti saṅghādisesassa.

Sabbamūlakaṁ niṭṭhitaṁ.

Cakkapeyyālaṁ niṭṭhitaṁ.

29. Nīlañca pītakañca ceteti upakkamati muccati, āpatti saṅghādisesassa. Nīlañca lohitakañca -pe- nīlañca odātañca -pe-nīlañca takkavaṇṇañca -pe- nīlañca dakavaṇṇañca, -pe-nīlañca telavaṇṇañca, -pe- nīlañca khīravaṇṇañca, -pe- nīlañca dadhivaṇṇañca, -pe- nīlañca sappīvaṇṇañca ceteti upakkamati muccati, āpatti saṅghādisesassa.

Ekamūlakassa khaṇḍacakkaṁ.

30. Pītakañca lohitakañca ceteti upakkamati muccati, āpatti saṅghādisesassa. Pītakañca odātañca -pe- pītakañca takkavaṇṇañca -pe-pītakañca dakavaṇṇañca, -pe- pītakañca telavaṇṇañca, -pe-pītakañca khīravaṇṇañca, -pe- pītakañca dadhivaṇṇañca, -pe-pītakañca sappīvaṇṇañca pītakañca nīlañca ceteti upakkamati muccati, āpatti saṅghādisesassa.

Ekamūlakassa baddhacakkaṁ.

[BJT Page 272]

31. Lohitakañca odātañca ceteti upakkamati muccati, āpatti saṅghādisesassa. Lohitakañca takkavaṇṇañca -pe- lohitakañca dakavaṇṇañca, -pe- lohitakañca telavaṇṇañca, -pe- lohitakañca khīravaṇṇañca, -pe- lohitakañca dadhivaṇṇañca, -pe- lohitakañca sappīvaṇṇañca ceteti upakkamati muccati, āpatti saṅghādisesassa.

32. Odātañca takkavaṇṇañca -pe- odātañca dakavaṇṇañca, -pe-odātañca telavaṇṇañca, -pe- odātañca khīravaṇṇañca, -pe-odātañca dadhivaṇṇañca, -pe- odātañca sappīvaṇṇañca ceteti upakkamati muccati, āpatti saṅghādisesassa. Odātañca nīlañca -pe-odātañca pītakañca -pe-odātañca lohitakañca ceteti upakkamati muccati, āpatti saṅghādisesassa.

33. Takkavaṇṇañca dadhivaṇṇañca, -pe- takkavaṇṇañca telavaṇṇañca, -pe- takkavaṇṇañca khīravaṇṇañca, -pe- takkavaṇṇañca dadhivaṇṇañca, -pe-takkavaṇṇañca sappīvaṇṇañca ceteti upakkamati muccati, āpatti saṅghādisesassa. Takkavaṇṇañca nīlañca -pe- takkavaṇṇañca pītakañca -pe-takkavaṇṇañca lohitakañca -pe- takkavaṇṇañca odātañca ceteti upakkamati muccati, āpatti saṅghādisesassa.

34. Dakavaṇṇañca telavaṇṇañca, -pe- dakavaṇṇañca khīravaṇṇañca, -pe-dakavaṇṇañca dadhivaṇṇañca, -pe- dakavaṇṇañca sappīvaṇṇañca ceteti upakkamati muccati, āpatti saṅghādisesassa. Dakavaṇṇañca nīlañca -pe-dakavaṇṇañca pītakañca -pe-dakavaṇṇañca lohitakañca -pe-dakavaṇṇañca odātañca -pe-dakavaṇṇañca takkavaṇṇañca ceteti upakkamati muccati, āpatti saṅghādisesassa.

35. Telavaṇṇañca, khiravaṇṇañca, -pe-telavaṇṇañca dadhivaṇṇañca, -pe-telavaṇṇañca sappīvaṇṇañca ceteti upakkamati muccati, āpatti saṅghādisesassa. Telavaṇṇañca nīlañca -pe- telavaṇṇañca pītakañca -pe-telavaṇṇañca lohitakañca -pe- telavaṇṇañca odātañca -pe-telavaṇṇañca takkavaṇṇañca -pe- telavaṇṇañca dakavaṇṇañca ceteti upakkamati muccati, āpatti saṅghādisesassa.
36. Khiravaṇṇañca, dadhivaṇṇañca, -pe- khīravaṇṇañca sappīvaṇṇañca ceteti upakkamati muccati, āpatti saṅghādisesassa. Khīravaṇṇañca nīlakañca -pe-khīravaṇṇañca pītakañca -pe-khīravaṇṇañca lohitakañca -pe- khīravaṇṇañca odātañca -pe- khīravaṇṇañca takkavaṇṇañca -pe-khīravaṇṇañca dakavaṇṇañca khīravaṇṇañca telavaṇṇañca ceteti upakkamati muccati, āpatti saṅghādisesassa.

[BJT Page 274]

37. Dadhivaṇṇañca, sappīvaṇṇañca ceteti upakkamati muccati, āpatti saṅghādisesassa. Dadhivaṇṇañca nīlakañca -pe- dadhivaṇṇañca pītakañca -pe- dadhivaṇṇañca lohitakañca -pe- dadhivaṇṇañca odātañca -pe-dadhivaṇṇañca takkavaṇṇañca -pe- dadhivaṇṇañca takkavaṇṇañca dadhivaṇṇañca telavaṇṇañca dadhivaṇṇañca khīravaṇṇañca ceteti upakkamati muccati, āpatti saṅghādisesassa.

38. Sappīvaṇṇaṁ ca nīlaṁ ca ceteti upakkamati muccati, āpatti saṅghādisesassa. Sappivaṇṇañca pītakañca -pe- sappivaṇṇañca lohitakañca -pe- sappivaṇṇañca odātañca -pe-sappivaṇṇañca takkavaṇṇañca -pe- sappivaṇṇañca dakavaṇṇañca sappivaṇṇañca telavaṇṇañca sappivaṇṇañca khīravaṇṇañca sappivaṇṇañca dadhivaṇṇañca ceteti upakkamati muccati, āpatti saṅghādisesassa.

Ekamūlakassa baddhacakkaṁ niṭṭhitaṁ.

39. Nīlañca pītakañca lohitañca ceteti upakkamati muccati, āpatti saṅghādisesassa. Nīlañca pītakañca odātakañca -pe- nīlañca pītakañca sappivaṇṇañca ceteti upakkamati muccati, āpatti saṅghādisesassa.

Dumūlakassa khaṇḍacakkaṁ.

40. Pītakañca lohitañca odātañca ceteti upakkamati muccati, āpatti saṅghādisesassa. -Pe- pītakañca lohitakañca sappivaṇṇañca -pe-pītakañca lohitakañca nīlakañca ceteti upakkamati muccati, āpatti saṅghādisesassa.

Dumūlakassa baddhacakkaṁ. 41. Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa. -Pedadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.

Dumūlakaṁ niṭṭhitaṁ 42. Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṁ.
[BJT Page 276]

Idaṁ sabbamūlakaṁ:

43. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
Sabbamūlakaṁ niṭṭhitaṁ

44. Ārogyatthañca nīlañca ceteti upakkamati muccati, āpatti saṅghādisesassa. Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa. Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa. -Pe- sappivaṇṇaṁ ceteti upakkamati muccati, āpatti saṅghādisesassa.

Ubhatovaḍḍhakaṁ evameva [page 115] netabbaṁ-1.

45. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṁsatthañca davatthañca nīlañca pītakañca lohitakañca odātakañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.

Missakacakkaṁ niṭṭhitaṁ

46. Nīlaṁ mocessāmīti ceteti upakkamati, pītakaṁ muccati, āpatti saṅghādisesassa. Nīlaṁ mocessāmiti ceteti upakkamati lohitakaṁ -pe- odātaṁ -pe- takkavaṇṇaṁ -pe- dakavaṇṇaṁ -pe- telavaṇṇaṁ -pe- khīravaṇṇaṁ -pe- dadhivaṇṇaṁ -pe-sappivaṇṇaṁ muccati, āpatti saṅghādisesassa.

Khaṇḍacakkaṁ niṭṭhitaṁ

47. Pītakaṁ mocessāmīti ceteti upakkamati, lohitakaṁ muccati, āpatti saṅghādisesassa. Pītakaṁ mocessāmiti ceteti upakkamati odātaṁ -pe- takkavaṇṇaṁ -pe- dakavaṇṇaṁ -pe-telavaṇṇaṁ -pe-khīravaṇṇaṁ -pe- dadhivaṇṇaṁ -pe-sappivaṇṇaṁ -pe- nīlaṁ muccati, āpatti saṅghādisesassa.

Baddhacakkaṁ
Mūlaṁ saṅkhittaṁ

1. Vaḍḍhetabbaṁ. Machasa.

[BJT Page 278]

48. Sappivaṇṇaṁ mocessāmīti ceteti upakkamati, nīlaṁ muccati, āpatti saṅghādisesassa. Sappivaṇṇaṁ mocessāmiti ceteti upakkamati pītakaṁ -pe- lohitakaṁ -pe- odātaṁ -petakkavaṇṇaṁ -pe-dakavaṇṇaṁ -pe- telavaṇṇaṁ -pekhīravaṇṇaṁ -pe-dadhivaṇṇaṁ muccati, āpatti saṅghādisesassa.

Kucchicakkaṁ niṭṭhitaṁ

49. Pītakaṁ mocessāmīti ceteti upakkamati, nīlaṁ muccati, āpatti saṅghādisesassa. Lohitakaṁ -pe- odātaṁ -petakkavaṇṇaṁ -pe-dakavaṇṇaṁ -pe-telavaṇṇaṁ -pe-khīravaṇṇaṁ -pe-dadhivaṇṇaṁ -pe- sappivaṇṇaṁ mocessāmīti ceteti upakkamati nīlaṁ muccati, āpatti saṅghādisesassa.

Pīṭṭhicakkassa paṭhamaṁ gamanaṁ niṭṭhitaṁ

50. Lohitakaṁ mocessāmīti ceteti upakkamati, pītakaṁ muccati, āpatti saṅghādisesassa. Odātaṁ -pe- takkavaṇṇaṁ -pe- dakavaṇṇaṁ -pe-telavaṇṇaṁ -pe- khīravaṇṇaṁ-pe- dadhivaṇṇaṁ -pe- sappivaṇṇaṁ -pe- nīlaṁ mocessāmīti ceteti upakkamati pītakaṁ muccati, āpatti saṅghādisesassa.

Piṭṭhicakkassa dutiyaṁ gamanaṁ niṭṭhitaṁ

51. Odātaṁ mocessāmiti ceteti upakkamati lohitakaṁ muccati, āpatti saṅghādisesassa. Takkavaṇṇaṁ -pe- dakavaṇṇaṁ -pe- telavaṇṇaṁ -pe- khīravaṇṇaṁ -pe-dadhivaṇṇaṁ -pe-sappivaṇṇaṁ -pe- nīlaṁ -pe- pītakaṁ mocessāmiti ceteti upakkamati. Lohitakaṁ muccati, āpatti saṅghādisesassa.

Piṭṭhicakkassa tatiyaṁ gamanaṁ niṭṭhitaṁ

52. Takkavaṇṇaṁ mocessāmiti ceteti upakkamati odātaṁ muccati, āpatti saṅghādisesassa. Dakavaṇṇaṁ -pe- telavaṇṇaṁ -pe- khīravaṇṇaṁ -pe- dadhivannaṁ -pe-sappivaṇṇaṁ -pe- nīlaṁ -pe- pītakaṁ -pe-lohitakaṁ mocessāmīti ceteti upakkamati, odātaṁ muccati, āpatti saṅghādisesassa.

Piṭṭhicakkassa catutthaṁ gamanaṁ niṭṭhitaṁ

[BJT Page 280]

53. Dakavaṇṇaṁ mocessāmiti ceteti upakkamati, takkavaṇṇaṁ muccati, āpatti saṅghādisesassa. Telavaṇṇaṁ -pe- khīravaṇṇaṁ -pe- dadhivaṇṇaṁ -pe- sappivaṇṇaṁ -pe-nīlaṁ -pe- pītakaṁ -pe-lohitakaṁ -pe-odātaṁ mocessāmiti ceteti upakkamati, takkavaṇṇaṁ muccati, āpatti saṅghādisesassa.

Piṭṭhicakkassa pañcamaṁ gamanaṁ niṭṭhitaṁ.

54. Telavaṇṇaṁ mocessāmiti ceteti upakkamati, dakavaṇṇaṁ muccati, āpatti saṅghādisesassa. Khīravaṇṇaṁ -pe- dadhivaṇṇaṁ -pe- sappivaṇṇaṁ -pe- nīlaṁ -pe-pītakaṁ -pe- lohitakaṁ -pe- odātaṁ -pe-takkavaṇṇaṁ mocessāmīti ceteti upakkamati, dakavaṇṇaṁ muccati, āpatti saṅghādisesassa.

Piṭṭhicakkassa chaṭṭhaṁ gamanaṁ niṭṭhitaṁ

55. Khīravaṇṇaṁ mocessāmiti ceteti upakkamati, telavaṇṇaṁ muccati, āpatti saṅghādisesassa. Dadhivaṇṇaṁ -pe- sappivaṇṇaṁ -pe- nīlaṁ -pe- pītakaṁ -pe-lohitakaṁ -pe- odātaṁ -pe-takkavaṇṇaṁ -pe-dakavaṇṇaṁ mocessāmīti ceteti upakkamati telavaṇṇaṁ muccati, āpatti saṅghādisesassa.

Piṭṭhicakkassa sattamaṁ gamanaṁ niṭṭhitaṁ.

56. Dadhivaṇṇaṁ mocessāmīti ceteti upakkamati, khīravaṇṇaṁ muccati, āpatti saṅghādisesassa. Sappivaṇṇaṁ -pe- nīlaṁ -pe-pītakaṁ -pe-lohitakaṁ -pe-odātaṁ -pe- takkavaṇṇaṁ -pe-dakavaṇṇaṁ -pe-telavaṇṇaṁ mocessāmīti ceteti upakkamati, khīravaṇṇaṁ muccati, āpatti saṅghādisesassa.

Piṭṭhicakkassa aṭṭhamaṁ gamanaṁ niṭṭhitaṁ.

57. Sappivaṇṇaṁ mocessāmiti ceteti upakkamati dadhivaṇṇaṁ muccati, āpatti saṅghādisesassa. Nīlaṁ -pe- pītakaṁ -pe-lohitakaṁ -pe-odātaṁ -pe-takkavaṇṇaṁ -pe- dakavaṇṇaṁ -pe-telavaṇṇaṁ -pe-khīravaṇṇaṁ mocessāmīti ceteti upakkamati, dadhivaṇṇaṁ muccati, āpatti saṅghādisesassa.

Piṭṭhicakkassa navamaṁ gamanaṁ niṭṭhitaṁ

[BJT Page 282]

58. Nīlaṁ mocessāmīti ceteti upakkamati, sappivaṇṇaṁ muccati, āpatti saṅghādisesassa. Pītakaṁ -pe- lohitakaṁ -pe- odātaṁ -pe- takkavaṇṇaṁ -pe-dakavaṇṇaṁ -pe- telavaṇṇaṁ -pe-khīravaṇṇaṁ -pe- dadhivaṇṇaṁ mocessāmīti ceteti upakkamati, sappivaṇṇaṁ muccati, āpatti saṅghādisesassa.

Piṭṭhicakkassa dasamaṁ gamanaṁ niṭṭhitaṁ piṭṭhicakkaṁ niṭṭhitaṁ

59. [page 116] ceteti upakkamati muccati, āpatti saṅghādisesassa;
Ceteti upakkamati na muccati, āpatti thullaccayassa;
Ceteti na upakkamati na muccati, anāpatti;
Ceteti na upakkamati na muccati, anāpatti;
Na ceteti upakkamati muccati, anāpatti;
Na ceteti upakkamati na muccati, anāpatti;
Na ceteti na upakkamati muccati, anāpatti;
Na ceteti na upakkamati na muccati anāpatti.

60. Anāpatti supinantena, na mocanādhippāyassa, ummattakassa khittacittassa, vedanaṭṭassa, ādikammikassāti.

Vinītavatthu.

Uddānagāthā.

Supino uccārapassāvo vitakkuṇhodakena ca
Bhesajjaṁ kaṇḍuvaṁ maggo vatthijantāgharaṁ -1. Ūru.

Sāmaṇero ca sutto ca ūru muṭṭhinā pīḷayi
Ākāse thamhaṁ nijjhāyi jiddaṁ kaṭṭhena ghaṭṭayī.

Sote udañjalaṁ dhāvaṁ pupphāvaliyapokkharaṁ
Vālikā kaddamusseko sayanaṅguṭṭhakena cāti.

1. Tena kho pana samayena aññatarassa bhikkhuno supinantena asuci mucci. Tassa kukkuccaṁ ahosi: kacci nu kho ahaṁ saṅghādisesaṁ āpattiṁ āpanno'ti. Atha kho so bhikkhu bhagavato etamatthaṁ ārocesi -pe- "anāpatti bhikkhu supinantena"ti. (1)

1. Jantāgharūpakkamo - machasaṁ

[BJT Page 284]

2. Tena kho pana samayena aññatarassa bhikkhuno uccāraṁ karontassa asuci mucci. Tassa kukkuccaṁ ahosi -pe- bhagavato etamatthaṁ ārocesi. "Kiñcitto tvaṁ bhikkhū"ti. "Nāhaṁ bhagavā mocanādhippāyo"ti. "Anāpatti bhikkhu na mocanādhippāyassā"ti. (2)

3. Tena kho pana samayena aññatarassa bhikkhuno passāvaṁ karontassa asuci mucci. Tassa kukkuccaṁ ahosi -pe-"anāpatti bhikkhu na mocanādhippāyassā"ti. (3)

4. Tena kho pana samayena aññatarassa bhikkhuno passāvaṁ kāmavitakkaṁ vitakkentassa asuci mucci. Tassa kukkuccaṁ ahosi -pe-"anāpatti bhikkhu vitakkentassā"ti. (4)

5. Tena kho pana samayena aññatarassa bhikkhuno uṇhodakena nahāyantassa asuci mucci. Tassa kukkuccaṁ ahosi -pe-"kiñcitto tvaṁ bhikkhū"ti. "Nāhaṁ bhagavā mocanādhippāyo"ti. "Anāpatti bhikkhu na mocanādhippāyassā"ti. (5)

6. Tena kho pana samayena aññatarassa bhikkhuno mocanādhippāyassa uṇhodakena nahāyantassa asuci mucci. Tassa [page 117] kukkuccaṁ ahosi -pe-"āpattiṁ tvaṁ bhikkhu āpanno saṅghādisesa"nti. (6)

7. Tena kho pana samayena aññatarassa bhikkhuno mocanādhippāyassa uṇhodakena nahāyantassa asuci mucci. Tassa kukkuccaṁ ahosi -pe-"anāpatti bhikkhu saṅghādisesassa. Āpatti thullaccayassā"ti. (7)

8. Tena kho pana samayena aññatarassa bhikkhuno aṅgajāte vaṇo hoti, bhesajjena ālimpentassa asuci mucci. Tassa kukkuccaṁ ahosi -pe- "anāpatti bhikkhu na mocanādhippāyassā"ti. (8)

9. Tena kho pana samayena aññatarassa bhikkhuno aṅgajāte vaṇo hoti, -1. Mocanādhippāyassa bhesajjena ālimpentassa asuci mucci -pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassā"ti. (9-10)

10. Tena kho pana samayena aññatarassa bhikkhuno aṇḍaṁ kaṇḍūvantassa asuci mucci. Tassa kukkuccaṁ ahosi -pe-"anāpatti bhikkhu na mocanādhippāyassā"ti. (11)

11. Tena kho pana samayena aññatarassa bhikkhūno mocanādhippāyassa aṇḍaṁ kaṇḍūvantassa asuci mucci -pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassā"ti. (12-13)

12. Tena kho pana samayena aññatarassa bhikkhuno maggaṁ gacchantassa asuci mucci. Tassa kukkuccaṁ ahosi -pe- "anāpatti bhikkhu na mocanādhippāyassā"ti. (14)

1. Tassa mocanādhippāyassa - syā.

[BJT Page 286]

13. Tena kho pana samayena aññatarassa bhikkhuno mocanādhippāyassa maggaṁ gacchantassa asuci mucci -pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassā"ti. (15-16)

14. Tena kho pana samayena aññatarassa bhikkhuno vatthiṁ gahetvā passāvaṁ karontassa asuci mucci. Tassa kukkuccaṁ ahosi -pe-"anāpatti bhikkhu na mocanādhippāyassā"ti. (17)

15. Tena kho pana samayena aññatarassa bhikkhuno mocanādhippāyassa vatthiṁ gahetvā passāvaṁ karontassa asuci mucci -pe- asuci na mucci. Tassa kukkuccaṁ ahosi -pe-"anāpatti bhikkhu saṅghādisessa; āpatti thullaccayassā"ti. (18-19)

16. Tena kho pana samayena aññatarassa bhikkhuno jantāghare udaravaṭṭiṁ tāpentassa asuci mucci. Tassa kukkuccaṁ ahosi -pe-"anāpatti bhikkhu na mocanādhippāyassā"ti. (20)

17. Tena kho pana samayena aññatarassa bhikkhuno mocanādhippāyassa jantāghare udaravaṭṭiṁ tāpentassa asuci mucci -pe- asuci na mucci. Tassa kukkuccaṁ ahosi. -Pe- "anāpatti bhikkhu saṅghādisesassa; āpatti thullaccayassā"ti. (21-22)

18. Tena kho pana samayena aññatarassa bhikkhuno jantāghare upajjhāyassa piṭṭhiparikammaṁ karontassa asuci mucci. Tassa kukkuccaṁ ahosi -pe- "anāpatti bhikkhu na mocanādhippāyassā"ti. (23)

19. Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṁ karontassa asuci mucci -pe-asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassāti. (24-25)

20. Tena kho pana samayena aññatarassa bhikkhuno ūruṁ ghaṭṭāyassa pentassa asuci mucci. Tassa kukkuccaṁ ahosi -pe-"anāpatti bhikkhu na mocanādhippāyassā"ti. (26)

21. Tena kho pana samayena aññatarassa bhikkhuno mocanādhippāyassa ūruṁ ghaṭṭāpentassa asuci mucci -pe-asuci na mucci. Tassa kukkuccaṁ ahosi -pe-"anāpatti bhikkhu saṅghādisesassa, āpatti thullaccayassā"ti. (27-28)

22. Tena kho pana samayena aññataro bhikkhu mocanādhippāyo aññataraṁ sāmaṇeraṁ etadavoca: "ehi me tvaṁ āvuso sāmaṇera aṅgajātaṁ gaṇhāhī"ti so tassa aṅgajātaṁ aggahesi, tassa asuci mucci. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti. (29)

23. Tena kho pana samayena aññataro bhikkhu suttassa sāmaṇerassa aṅgajātaṁ aggahesi, tassa asuci mucci. Tassa kukkuccaṁ [page 118] ahosi -pe- "anāpatti bhikkhu saṅghādisesassa, āpatti dukkaṭassā"ti. (30)

[BJT Page 288]

24. Tena kho pana samayena aññatarassa bhikkhuno mocanādhippāyassa uruhi aṅgajātaṁ pīḷentassa asuci mucci. -Pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa, āpatti thullaccayassā"ti. (31-32)

25. Tena kho pana samayena aññatarassa bhikkhuno mocanādhippāyassa muṭṭhinā aṅgajātaṁ piḷentassa asuci mucci. -Pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa, āpatti thullaccayassā"ti. (33-34)

26. Tena kho pana samayena aññatarassa bhikkhuno mocanādhippāyassa ākāse kaṭiṁ kampentassa asuci mucci -pe-asuci na mucci. Tassa kukkuccaṁ ahosi -pe-"anāpatti bhikkhu saṅghādisesassa; āpatti thullaccayassā"ti. (35-36)

27. Tena kho pana samayena aññatarassa bhikkhuno kāyaṁ thambhentassa asuci mucci. Tassa kukkuccaṁ ahosi -pe-"anāpatti bhikkhu na mocanādhippāyassā"ti. (37)

28. Tena kho pana samayena aññatarassa bhikkhuno mocanādhippāyassa kāyaṁ thambhentassa asuci mucci. -Pe- asuci na mucci. Tassa kukkuccaṁ ahosi -pe-"anāpatti bhikkhu saṅghādisesassa; āpatti thullaccayassā"ti. (38-39)

29. Tena kho pana samayena aññataro bhikkhu sāratto mātugāmassa aṅgajātaṁ upanijjhāyi. Tassa asuci mucci. Tassa kukkuccaṁ ahosi -pe- "anāpatti bhikkhu saṅghādisesassa. Na ca bhikkhave sārattena mātugāmassa aṅgajātaṁ upanijjhāyitabbaṁ, yo upanijjhāyeyya, āpatti dukkaṭassā"ti. (40)

30. Tena kho pana samayena aññatarassa bhikkhuno mocanādhippāyassa tālacchiddaṁ aṅgajātaṁ pavesantassa asuci mucci. -Pe- asuci na mucci. Tassa kukkuccaṁ ahosi -pe-" anāpatti bhikkhu saṅghādisesassa; āpatti thullaccayassā"ti. (41-42)

31. Tena kho pana samayena aññatarassa bhikkhuno mocanādhippāyassa kaṭṭhena aṅgajātaṁ ghaṭṭentassa asuci mucci. -Pe- asuci na mucci. Tassa kukkuccaṁ ahosi -pe-" anāpatti bhikkhu saṅghādisesassa; āpatti thullaccayassā"ti. (43-44)

32. Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṁ ahosi -pe-"anāpatti bhikkhu na mocanādhippāyassā"ti. (45)

33. Te kho pana samayena aññatarassa bhikkhuno mocanādhippāyassa paṭisote nahāyantassa-1. Asuci mucci -pe-asuci na mucci. Tassa kukkuccaṁ ahosi -pe-"anāpatti bhikkhu saṅghādisesassa; āpatti thullaccayassā"ti. (46-47)

1. Nahāyantassa - sīmu.

[BJT Page 290]

34. Tena kho pana samayena aññatarassa bhikkhuno udañjalaṁ kīḷantassa asuci mucci. Tassa kukkuccaṁ ahosi -pe- "anāpatti bhikkhu na mocanādhippāyassā" (48)

35. Tena kho pana samayena aññatarassa bhikkhuno mocanādhipāyassa udañjalaṁ kīḷantassa asuci mucci -pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassā"ti. (49-50)

36. Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṁ ahosi -pe- "anāpatti bhikkhu na mocanādhippāyassā "ti. (51)

37. Tena kho pana samayena aññatarassa bhikkhuno mocanādhippāyassa udake dhāvantassa asuci mucci -pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassā"ti. (52-53)

38. Tena kho pana samayena aññatarassa bhikkhuno pupphāvaliyaṁ kīḷantassa asuci mucci. Tassa kukkuccaṁ ahosi -pe- "anāpatti bhikkhu na mocanādhippāyassā"ti. (54)

39. Tena kho pana samayena aññatarassa bhikkhuno mocanādhippāyassa pupphāvaliyaṁ kīḷantassa asuci mucci. -Pe-asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassā"ti. (55-56)

40. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṁ ahosi -pe- "anāpatti bhikkhu namocanādhippāyassā"ti. (57)
41. Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci. -Pe-asuci na mucci. Tassa kukkuccaṁ ahosi -pe-"anāpatti bhikkhu saṅghādisesassa; āpatti thullaccayassā"ti. (58-59)

42. Tena kho pana samayena aññatarassa bhikkhuno mocanādhipāyassa vālikaṁ aṅgajātaṁ pavesentassa-1. Asuci mucci. -Pe- asuci na mucci. Tassa kukkuccaṁ ahosi -pe-"anāpatti bhikkhu saṅghādisesassa; āpatti thullaccayassā"ti. (60-61)
43. Tena kho pana samayena aññatarassa bhikkhuno mocanādhippāyassa kaddamaṁ aṅgajātaṁ pavesentassa-1. Asuci mucci -pe- asuci na [page 119] mucci. Tassa kukkuccaṁ ahosi -pe-"anāpatti bhikkhu saṅghādisesassa; āpatti thullaccayassā"ti. (62-63)

44. Tena kho pana samayena aññatarassa bhikkhuno namocanādhippāyassa udakena aṅgajātaṁ osiñcantassa asuci mucci. Tassa kukkuccaṁ ahosi -pe- "anāpatti bhikkhu na mocanādhippāyassā"ti. (64)

1. Pavesantassa - sī mu.

[BJT Page 292]

45. Tena kho pana samayena aññatarassa bhikkhuno mocanādhippāyassa udakena aṅgajātaṁ osiñcantassa asuci mucci. -Pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa āpatti thullaccayassā"ti. (65-66)

46. Tena kho pana samayena aññatarassa bhikkhuno mocanādhippāyassa sayane aṅgajātaṁ ghaṭṭentassa asuci mucci -pe- asuci na mucci. Tassa kukkuccaṁ ahosi -pe- "anāpatti bhikkhu saṅghādisesassa; āpatti thullaccayassā"ti. (67-68)

47. Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṁ ghaṭṭentassa asuci mucci -pe- asuci na mucci. Tassa kukkuccaṁ ahosi: 'kacci nu kho ahaṁ saṅghādisesaṁ āpattiṁ āpanno'ti. Bhagavato etamatthaṁ ārocesi -pe- "anāpatti bhikkhu saṅghādisesassa. Āpatti thullaccayassā"ti. (69-70)

Sukkavisaṭṭhisikkhāpadaṁ niṭṭhitaṁ.

3. 2.

Kāyasaṁsaggasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā udāyi araññe viharati. Tassāyasmato vihāro abhirūpo hoti dassanīyo pāsādiko, majjhe gabbho samantā pariyāgāro. Supaññattaṁ mañcapīṭhaṁ bhisibimbohanaṁ, pānīyaṁ paribhojanīyaṁ sūpaṭṭhitaṁ, pariveṇaṁ susammaṭṭhaṁ. Bahū manussā āyasmato udāyissa vihārapekkhakā āgacchanti.

2. Aññataro'pi brāhmaṇo sapajāpatiko yenāyasmā udāyi, tenupasaṅkami. Upasaṅkamitvā āyasmantaṁ udāyiṁ etadavoca: "icchāmi mayaṁ bhoto udāyissa vihāraṁ pekkhitu"nti. "Tena hi brāhmaṇa pekkhassū"ti avāpuraṇaṁ ādāya ghaṭikaṁ ugghāṭetvā kavāṭaṁ panāmetvā vihāraṁ pāvisi. So'pi kho brāhmaṇo āyasmato udāyissa piṭṭhito pāvisi. Sāpi kho brāhmaṇi tassa brāhmaṇassa piṭṭhito pāvisi. Atha kho āyasmā udāyi ekacce vātapāne vivaranto ekacce vātapāne thakento gabbhaṁ anuparigantvā piṭṭhito āgantvā tassā brāhmaṇiyā aṅgamaṅgāni parāmasi. Atha kho so brāhmaṇo āyasmatā udāyinā saddhiṁ paṭisammoditvā āgamāsi.

3. Atha kho so brāhmaṇo attamano attamanavācaṁ nicchāresi; "uḷārā ime samaṇā sakyaputtiyā ye ime evarūpe araññe viharanti. Bhavampi udāyī uḷāro yo evarūpe araññe viharatī"ti. Evaṁ vutte sā brāhmaṇi taṁ brāhmaṇaṁ etadavoca: [page 120] "kuto tassa uḷāratā? Yatheva me tvaṁ aṅgamaṅgāni parāmasi. Evameva me samaṇo udāyi aṅgamaṅgāni parāmasī"ti.

[BJT Page 294]

4. Atha kho so brāhmaṇo ujjhāyati khīyati vipāceti: "alajjino ime samaṇā sakyaputtiyā dussīlā musāvādino. Imehi nāma dhammacārino samacārino brahmacārino saccavādino sīlavanto kalyāṇadhammā paṭijānissanti. Natthi imesaṁ sāmaññaṁ, natthi imesaṁ brahmaññaṁ, naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ, kuto imesaṁ sāmaññaṁ, kuto imesaṁ brahmaññaṁ, apagatā ime sāmaññā, apagatā ime brahmaññā kathaṁ hi nāma samaṇo udāyī mama bhariyāya aṅgamaṅgāni parāmasissati. Nahi sakkā kulitthihi kuladhitāhi kulakumārīhi kulasuṇahāhi kuladāsīhi ārāmaṁ vā vihāraṁ vā gantuṁ. Sace-1. Kīlitthiyo kuladhitaro-2 kulakumāriyo kulasuṇhāyo kuladāsiyo ārāmaṁ vā vihāraṁ vā gaccheyyuṁ, tāpi samaṇā sakyaputtiyā duseyyu"nti.

5. Assosuṁ kho bhikkhū tassa brāhmaṇassa ujjhāyantassa khīyantassa vipācentassa ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā udāyī mātugāmena saddhiṁ kāyasaṁsaggaṁ samāpajjissatī"ti.

6. Atha kho te bhikkhū bhagavato etamatthaṁ ārācesuṁ. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi: "saccaṁ kira tvaṁ udāyi mātugāmena saddhiṁ kāyasaṁsaggaṁ samāpajji"ti. "Saccaṁ bhagavā" ti. Viharahi buddho bhagavā: "ananucchaviyaṁ moghapurisa ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tvaṁ moghapurisa mātugāmena saddhiṁ kāyasaṁsaggaṁ samāpajjissasi. Nanu mayā moghapurisa anekapariyāyena virāgāya dhammo desito no sarāgāya -pe- kāmapariḷāhānaṁ vūpasamo akkhāto. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu otiṇṇo vipariṇatena cittena mātugāmena saddhiṁ kāyasaṁsaggaṁ samāpajjayya: hatthagāhaṁ vā veṇigāhaṁ vā aññatarassa vā aññatarassa vā aṅgassa parāmasanaṁ, saṅghādiseso"ti.

7. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

[page 121] otiṇṇo nāma: sāratto apekkhavā paṭibaddhacitto.

1. Sacehi: syā 2. Kuladhītaro. Machasaṁ. Kuladhītāyo sīmu.

[BJT Page 296]

Vipariṇatanti rattampi cittaṁ vipariṇataṁ, duṭṭhampi cittaṁ vipariṇataṁ, muḷhampi cittaṁ vipariṇataṁ. Api ca rattaṁ cittaṁ imasmiṁ atthe adhippetaṁ vipariṇatanti.

Mātugāmo nāma manussitthi, na yakkhī, na petī, na tiracchānagatā. Antamaso tadahujātāpi dārikā, pageva mahattarī.

Saddhinti ekato.

Kāyasaṁsaggaṁ samāpajjeyyāti ajjhācāro vuccati.

Hattho nāma kapparaṁ upādāya yāva agganakhā.

Veṇi nāma suddhakesā vā suttamissā vā mālamissā vā hiraññamissā vā suvaṇṇamissā vā muttāmissā vā maṇimissā vā.

Aṅgaṁ nāma hatthañca veṇiñca ṭhapetvā avasesaṁ aṅgaṁ nāma.

8. Āmasanā parāmasanā omasanā ummasanā olaṅghanā ullaṅghanā ākaḍḍhanā patikaḍḍhanā abhiniggaṇhanā abhinippīḷanā gahaṇaṁ jūpanaṁ.

Āmasanā nāma āmaṭṭhamattā.

Parāmasanā nāma itocito ca sañcopanā.

Dhamasanā nāma heṭṭhā oropanā.

Ummasanā nāma uddhaṁ uccāraṇā.

Olaṅghanā nāma heṭṭhā onamanā.

Ullaṅghanā nāma uddhaṁ uccāraṇā.

Ākaḍḍhanā nāma āviñjanā-1.

Patikaḍḍhanā nāma patipanāmanā.

Abhiniggaṇhanā nāma aṅgaṁ gahetvā nippīḷanā.

Abhinippīḷanā nāma kenaci saha nippīḷanā.

Gahaṇaṁ nāma gahitamattaṁ.

Jupanaṁ nāma phuṭṭhamattaṁ.

Saṅghādisesoti -pe- tenapi vuccati saṅghādiseso'ti.

1. Āviñjanaṁ. Machasaṁ. Syā.

[BJT Page 298]

1. Itthī ca hoti, itthisaññi sāratto ca, bhikkhu ca naṁ itthiyā kāyena kāyaṁ āmasati parāmasati omasati ummasati olaṅgheti ullaṅgheti ākaḍḍhati patikaḍḍhati abhiniggaṇhāti abhinippīḷeti gaṇhāti jupati, āpatti saṅghādisesassa.

2. Itthī ca hoti, vematiko sāratto ca, bhikkhu ca naṁ itthiyā kāyena kāyaṁ āmasati parāmasati -pe- gaṇhāti chupati, āpatti thullaccayassa. Itthi ca hoti, paṇḍakasaññi sāratto ca, bhikkhu ca naṁ itthiyā kāyena kāyaṁ āmasati parāmasati -pe-gaṇhāti chupati, āpatti thullaccayassa. Itthi ca hoti, purisasaññi sāratto ca, bhikkhu ca naṁ itthiyā kāyena kāyaṁ āmasati parāmasati -pe- gaṇhāti chupati. Āpatti thullaccayassa. Itthi ca hoti, tiracchānagatasaññi sāratto ca, bhikkhu ca naṁ itthiyā kāyena kāyaṁ āmasati parāmasati -pe-gaṇhāti chupati, āpatti thullaccayassa.

3. Paṇḍako ca hoti, paṇḍakasaññi sāratto ca, bhikkhu ca naṁ [page 122] paṇḍakassa kāyena kāyaṁ āmasati parāmasati -pe- gaṇhāti chupati, āpatti thullaccayassa.
Paṇḍako ca hoti, vematiko sāratto ca, bhikkhu ca naṁ paṇḍakassa kāyena kāyaṁ āmasati parāmasati -pe- gaṇhāti chupati, āpatti dukkaṭassa.
Paṇḍako ca hoti, purisasaññi sāratto ca, bhikkhu ca naṁ paṇḍakassa kāyena kāyaṁ āmasati parāmasati -pe- gaṇhāti chupati, āpatti dukkaṭassa.
Paṇḍako ca hoti, tiracchānagatasaññi sāratto ca, bhikkhu ca naṁ paṇḍakassa kāyena kāyaṁ āmasati parāmasati -pe- gaṇhāti chupati, āpatti dukkaṭassa.
Paṇḍako ca hoti, itthisaññi sāratto ca, bhikkhu ca naṁ paṇḍakassa kāyena kāyaṁ āmasati parāmasati -pe- gaṇhāti chupati, āpatti dukkaṭassa.

4. Puriso ca hoti, purisasaññi sāratto ca, bhikkhu ca naṁ purisassa kāyena kāyaṁ āmasati parāmasati -pe- gaṇhāti chupati, āpatti dukkaṭassa; puriso ca hoti, vematiko -pe- puriso ca hoti, tiracchānagatasaññi -pe- puriso ca hoti, itthisaññi -pe- puriso ca hoti, paṇḍakasaññi sāratto ca, bhikkhu ca naṁ purisassa kāyena kāyaṁ āmasati parāmasati -pe- gaṇhāti chupati, āpatti dukkaṭassa.

[BJT Page 300]

5. Tiracchānagato ca hoti tiracchānagatasaññi sāratto ca, bhikkhu ca naṁ tiracchānagatassa kāyena kāyaṁ āmasati parāmasati -pe- gaṇhāti chupati, āpatti dukkaṭassa. Tiracchānagato ca hoti, vematiko -pe- tiracchānagato ca hoti, itthisaññi -pe- tiracchānagato ca hoti paṇḍakasaññi -pe- tiracchānagato ca hoti, purisasaññi sāratto ca, bhikkhu ca naṁ tiracchānagatassa kāyena kāyaṁ āmasati parāmasati -pe- gaṇhāti chupati, āpatti dukkaṭassa.

Ekamūlakaṁ

1. Dve itthiyo, dvinnaṁ itthīnaṁ itthisaññi sāratto ca, bhikkhu ca naṁ dvinnaṁ itthīnaṁ kāyena kāyaṁ āmasati parāmasati -pe-gaṇhāti chupati āpatti dvinnaṁ saṅghādisesānaṁ.

2. Dve itthiyo, dvinnaṁ itthīnaṁ vematiko sāratto ca, bhikkhu ca naṁ dvinnaṁ itthīnaṁ kāyena kāyaṁ āmasati parāmasati -pe-gaṇhāti chupati āpatti dvinnaṁ thullaccayānaṁ.

3. Dve itthiyo dvinnaṁ itthīnaṁ paṇḍakasaññi -pe- purisasaññi -pe-tiracchānagatasaññī sāratto ca, bhikkhu ca naṁ dvinnaṁ itthīnaṁ kāyena kāyaṁ āmasati parāmasati -pe- gaṇhāti chupati, āpatti dvinnaṁ thullaccayānaṁ.

4. Dve paṇḍakā, dvinnaṁ paṇḍakānaṁ paṇḍakasaññi sāratto ca, bhikkhu ca naṁ dvinnaṁ paṇḍakānaṁ kāyena kāyaṁ āmasati parāmasati -pe- gaṇhāti chupati, āpatti dvinnaṁ thullaccayānaṁ.

5. Dve paṇḍakā, dvinnaṁ paṇḍakānaṁ vematiko -pe-purisasaññī -pe- tiracchānagatasaññī -pe- itthisaññī sāratto ca, bhikkhu ca naṁ dvinnaṁ paṇḍakānaṁ kāyena kāyaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ.
[BJT Page 302]

6. Dve purisā, dvinnaṁ purisānaṁ purisasaññi sāratto ca, bhikkhu ca, naṁ dvinnaṁ purisānaṁ kāyena kāyaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ.

7. Dve purisā, dvinnaṁ purisānaṁ vematiko -pe-tiracchānagatasaññi -pe-itthisaññi -pe- paṇḍakasaññi sāratto ca bhikkhu ca, naṁ dvinnaṁ purisānaṁ kāyena kāyaṁ āmasati parāmasati -pe- gaṇhāti chupati, āpatti dvinnaṁ dukkaṭānaṁ.

8. Dve tiracchānagatā, dvinnaṁ tiracchānagatānaṁ tiracchānagatasaññi sāratto ca, bhikkhu ca naṁ dvinnaṁ tiracchānagatānaṁ kāyena kāyaṁ āmasati parāmasati -pe- gaṇhāti chupati, āpatti dvinnaṁ dukkaṭānaṁ.

9. Dve tiracchānagatā, dvinnaṁ tiracchānagatānaṁ vematiko -pe-itthisaññi -pe-paṇḍakasaññi -pe- purisasaññi sāratto ca, bhikkhu ca naṁ dvinnaṁ tiracchānagatānaṁ kāyena kāyaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ.

10. Itthi ca paṇḍako ca, ubhinnaṁ itthisaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti saṅghādisesena dukkaṭassa.

11. Itthi ca paṇḍako ca, ubhinnaṁ vematiko sāratto ca, bhikkhu [page 123] ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti thullaccayena dukkaṭassa.
12. Itthī ca paṇḍako ca, ubhinnaṁ paṇḍakasaññī sāratto ca, bhikkhu ca naṁ ubhinnaṁ kāyena kāyaṁ āmasati parāmati chupati -pe-gaṇhāti, āpatti dvinnaṁ thullaccayānaṁ.

13. Itthī ca paṇḍako ca, ubhinnaṁ purisasaññi sāratto ca, bhikkhu naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti thullaccayena dukkaṭassa.

14. Itthī ca paṇḍako ca, ubhinnaṁ tiracchānagatasaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti thullaccayena dukkaṭassa.

[BJT Page 304]

15. Itthī ca puriso ca, ubhinnaṁ itthisaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti saṅghādisesena dukkaṭassa.

16. Itthī ca puriso ca, ubhinnaṁ vematiko -pe- paṇḍakasaññī -pe- purisasaññi -pe- tiracchānagatasaññī sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe- gaṇhāti chupati, āpatti thullaccayena dukkaṭassa.

17. Itthī ca tiracchānagato ca, ubhinnaṁ itthisaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti saṅghādisesena dukkaṭassa.

18. Itthī ca tiracchānagato ca, ubhinnaṁ vematiko -pe-paṇḍakasaññi -pe-purisasaññī -pe- tiracchānagatasaññī sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti thullaccayena dukkaṭassa.

19. Paṇḍako ca puriso ca, ubhinnaṁ paṇḍakasaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti thullaccayena dukkaṭassa.

20. Paṇḍako ca puriso ca, ubhinnaṁ vematiko -pe-purisasaññī -pe-tiracchānagatasaññī -pe- itthisaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ.

21. Paṇḍako ca tiracchānagato ca, ubhinnaṁ paṇḍakasaññī sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti thullaccayena dukkaṭassa.

22. Paṇḍako ca tiracchānagato ca, ubhinnaṁ vematiko -pe-purisasaññī -pe-tiracchānagatasaññī -pe- itthisaññī sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ

[BJT Page 306]

23. Puriso ca tiracchānagato ca, ubhinnaṁ purisasaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ.

24. Puriso ca tiracchānagato ca, ubhinnaṁ vematiko -pe-tiracchānagatasaññī -pe-itthisaññi -pe- paṇḍakasaññi sāratto ca, bhikkhu ca naṁ ubhinnaṁ kāyena kāyaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ.

Dumūlakaṁ niṭṭhitaṁ

1. Itthī ca hoti, itthisaññī sāratto ca, bhikkhu ca naṁ itthiyā kāyena kāyapaṭibaddhaṁ āmasati parāmasati -pe- gaṇhāti chupati, āpatti thullaccayassa. -Pe-

2. Dve itithiyo, dvinnaṁ itthinaṁ itthisaññi sāratto ca, bhikkhu ca naṁ dvinnaṁ itthinaṁ kāyena kāyapaṭibaddhaṁ āmasati parāmasati -pe- gaṇhāti chupati, āpatti dvinnaṁ thullaccayānaṁ. -Pe-

3. [page 124] itthī ca paṇḍako ca, ubhinnaṁ itthisaññi sāratto ca, bhikkhu ca naṁ ubhinnaṁ kāyena kāyapaṭibaddhaṁ āmasati parāmasati -pe-gaṇhāti chupati, āpatti thullaccayena dukkaṭassa -pe-

4. Itthī ca hoti, itthisaññī sāratto ca, bhikkhu ca naṁ itthiyā kāyapaṭibaddhena kāyaṁ āmasati parāmasati -pe- gaṇhāti chupati, āpatti thullaccayassa. -Pe-

5. Dve itthiyo, dvinnaṁ itthinaṁ itthisaññi sāratto ca, bhikkhu ca naṁ dvinnaṁ itthinaṁ kāyapaṭibaddhena kāyaṁ āmasati parāmasati -pe- gaṇhāti chupati, āpatti dvinnaṁ thullaccayānaṁ. -Pe-

6. Itthī ca paṇḍako ca, ubhinnaṁ itthisaññi sāratto ca, bhikkhu ca naṁ ubhinnaṁ kāyapaṭibaddhena kāyaṁ āmasati parāmasati -pe-gaṇhāti chupati, āpatti thullaccayena dukkaṭassa -pe-

7. Itthī ca hoti, itthisaññī sāratto ca, bhikkhu ca naṁ itthiyā kāyapaṭibaddhena kāyapaṭibaddhaṁ āmasati parāmasati -pe-gaṇhāti chupati, āpatti dukkaṭassa. -Pe-

[BJT Page 308]

8. Dve itthiyo, dvinnaṁ itthīnaṁ itthisaññi sāratto ca, bhikkhu ca naṁ dvinnaṁ itthinaṁ kāyapaṭibaddhena kāyapaṭibaddhaṁ āmasati parāmasati -pe- gaṇhāti chupati, āpatti dvinnaṁ dukkaṭānaṁ. -Pe-

9. Itthī ca paṇḍako ca, ubhinnaṁ itthisaññi sāratto ca, bhikkhu ca naṁ ubhinnaṁ kāyapaṭibaddhena kāyapaṭibaddhaṁ āmasati parāmasati -pe-gaṇhāti chupati, āpatti dvinnaṁ dukkaṭānaṁ -pe-

10. Itthī ca hoti, itthisaññī sāratto ca, bhikkhu ca naṁ itthiyā nissaggiyena kāyaṁ āmasati āpatti dukkaṭassa. -Pe-

11. Dve itthiyo, dvinnaṁ itthinaṁ itthisaññi sāratto ca, bhikkhu ca naṁ dvinnaṁ itthinaṁ nissaggiyena kāyaṁ āmasati, āpatti dvinnaṁ dukkaṭānaṁ. -Pe-itthinaṁ
12. Itthī ca paṇḍako ca, ubhinnaṁ itthisaññi sāratto ca, bhikkhu ca naṁ ubhinnaṁ nissaggiyena kāyaṁ āmasati āpatti dvinnaṁ dukkaṭānaṁ -pe-

13. Itthī ca hoti, itthisaññī sāratto ca, bhikkhu ca naṁ itthiyā nissaggiyena kāyapaṭibaddhaṁ āmasati, āpatti dukkaṭassa. -Pe-

14. Dve itithiyo, dvinnaṁ itthinaṁ itthisaññī sāratto ca, bhikkhu ca naṁ dvinnaṁ itthinaṁ nissaggiyena kāyapaṭibaddhaṁ āmasati āpatti dvinnaṁ dukkaṭānaṁ -pe-

15. Itthī ca paṇḍako ca, ubhinnaṁ itthisaññī sāratto ca, bhikkhu ca naṁ ubhinnaṁ nissaggiyena kāyapaṭibaddhaṁ āmasati āpatti dvinnaṁ dukkaṭānaṁ -pe-

16. Itthī ca hoti, itthisaññī sāratto ca, bhikkhu ca naṁ itthiyā nissaggiyena nissaggiyaṁ āmasati āpatti dukkaṭassa. -Pe-

17. Dve itthiyo, dvinnaṁ itthinaṁ itthisaññī sāratto ca, bhikkhu ca naṁ dvinnaṁ itthinaṁ nissaggiyena nissaggiyaṁ āmasati, āpatti dvinnaṁ dukkaṭānaṁ -pe-

18. Itthī ca paṇḍako ca, ubhinnaṁ itthisaññī sāratto ca, bhikkhu ca naṁ ubhinnaṁ nissaggiyena nissaggiyaṁ āmasati, āpatti dvinnaṁ dukkaṭānaṁ.

Bhikkhupeyyālaṁ niṭṭhitaṁ

[BJT Page 310]

1. Itthī ca hoti, itthisaññi sāratto ca, itthi ca naṁ bhikkhussa kāyena kāyaṁ āmasati parāmasati omasati ummasati olaṅgheti ullaṅgheti ākaḍḍhati patikaḍḍhati abhiniggaṇhāti abhinippīḷeti gaṇhāti chupati, sevanādhippāyo kāyena vāyamati phassaṁ paṭivijānāti, āpatti saṅghādisesassa. -Pe-

2. Dve itthiyo, dvinnaṁ itthinaṁ itthisaññi sāratto ca, itthiyo ca naṁ bhikkhussa kāyena kāyaṁ āmasanti parāmasanti omasanti ummasanti olaṅghenti ullaṅghenti ākaḍḍhanti patikaḍḍhanti abhiniggaṇhanti abhinippīḷenti gaṇhanti chupanti, sevanādhippāyo kāyena vāyamati, phassaṁ paṭivijānāti, āpatti dvinnaṁ saṅghādisesānaṁ -pe-

3. [page 125] itthī ca paṇḍako ca, ubhinnaṁ itthisaññi sāratto ca, ubho ca naṁ bhikkhussa kāyena kāyaṁ āmasanti parāmasanti -pe-gaṇhanti chupanti, sevanādhippāyo kāyena vāyamati phassaṁ paṭivijānāti, āpatti saṅghādisesena dukkaṭassa -pe-

4. Itthī ca hoti, itthisaññi sāratto ca, itthi ca naṁ bhikkhussa kāyena kāyapaṭibaddhaṁ āmasati parāmasati omasati ummasati olaṅgheti ullaṅgheti ākaḍḍhati patikaḍḍhati abhiniggaṇhāti abhinippīḷeti gaṇhāti chupati, sevanādhippāyo kāyena vāyamati phassaṁ paṭivijānāti, āpatti thullaccayassa. -Pe-

5. Dve itthiyo, dvinnaṁ itthinaṁ itthisaññi sāratto ca, itthiyo ca naṁ bhikkhussa kāyena kāyapaṭibaddhaṁ āmasanti parāmasanti omasati ummasati olaṅgheti ullaṅgheti ākaḍḍhanti patikaḍḍhanti abhiniggaṇhanti abhinippīḷenti gaṇhanti chupanti, sevanādhippāyo kāyena vāyamati, phassaṁ paṭivijānāti, āpatti dvinnaṁ thullaccayānaṁ -pe-
6. Itthī ca paṇḍako ca, ubhinnaṁ itthisaññi sāratto ca, ubho ca naṁ bhikkhussa kāyena kāyapaṭibaddhaṁ āmasanti parāmasanti -pe-gaṇhanti chupanti, sevanādhippāyo kāyena vāyamati phassaṁ paṭivijānāti, āpatti thullaccayena dukkaṭassa -pe-

7. Itthī ca hoti, itthisaññi sāratto ca, itthi ca naṁ bhikkhussa kāyapaṭibaddhena kāyaṁ āmasati parāmasati-pe- gaṇhāti chupati, sevanādhippāyo kāyena vāyamati phassaṁ paṭivijānāti, āpatti thullaccayassa -pe-

8. Dve itthiyo, dvinnaṁ itthinaṁ itthisaññi sāratto ca, itthiyo ca naṁ bhikkhussa kāyapaṭibaddhena kāyaṁ āmasanti parāmasanti -pe- gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ thullaccayānaṁ -pe-

[BJT Page 312]

9. Itthī ca paṇḍako ca, ubhinnaṁ itthisaññī sāratto ca, ubho ca naṁ bhikkhussa kāyapaṭibaddhena kāyaṁ āmasanti parāmasanti -pe-gaṇhanti chupanti, sevanādhippāyo kāyena vāyamati phassaṁ paṭivijānāti, āpatti thullaccayena dukkaṭassa -pe-

10. Itthī ca hoti, itthisaññi sāratto ca, itthī ca naṁ bhikkhussa kāyapaṭibaddhena kāyapaṭibaddhaṁ āmasati parāmasati-pe-gaṇhāti chupati, sevanādhippāyo kāyena vāyamati phassaṁ paṭivijānāti, āpatti dukkaṭassa -pe-

11. Dve itthiyo, dvinnaṁ itthīnaṁ itthisaññi sāratto ca, itthiyo ca naṁ bhikkhussa kāyapaṭibaddhena kāyapaṭibaddhaṁ āmasanti parāmasanti -pe- gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ -pe-
12. Itthī ca paṇḍako ca, ubhinnaṁ itthisaññī sāratto ca, ubho ca naṁ bhikkhussa kāyapaṭibaddhena kāyapaṭibaddhaṁ āmasanti parāmasanti -pe-gaṇhanti chupanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ -pe-

13. Itthī ca hoti, itthisaññi sāratto ca, itthi ca naṁ bhikkhussa nissaggiyena kāyaṁ āmasati, sevanādhippāyo kāyena vāyamati phassaṁ paṭivijānāti, āpatti dukkaṭassa -pe-

14. Dve itthiyo, dvinnaṁ itthīnaṁ itthisaññī sāratto ca, itthiyo ca naṁ bhikkhussa nissaggiyena kāyaṁ āmasanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ -pe-

15. Itthī ca paṇḍako ca, ubhinnaṁ itthisaññi sāratto ca, ubho ca naṁ bhikkhussa nissaggiyena kāyaṁ āmasanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ -pe-

16. Itthī ca hoti, itthisaññī sāratto ca, itthi ca naṁ bhikkhussa nissaggiyena kāyapaṭibaddhaṁ āmasati, sevanādhippāyo kāyena vāyamati phassaṁ paṭivijānāti, āpatti dukkaṭassa -pe-

[BJT Page 314]

17. Dve itthiyo, dvinnaṁ itthīnaṁ itthisaññi sāratto ca, itthiyo ca naṁ bhikkhussa nissaggiyena kāyapaṭibaddhaṁ āmasanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ -pe-

18. Itthī ca paṇḍako ca, ubhinnaṁ itthisaññi sāratto ca, ubho ca naṁ bhikkhussa nissaggiyena kāyapaṭibaddhaṁ āmasanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ -pe-

19. Itthī ca hoti, itthisaññi sāratto ca, itthi ca naṁ bhikkhussa nissaggiyena nissaggiyaṁ āmasati, sevanādhippāyo kāyena vāyamati na ca phassaṁ paṭivijānāti, āpatti dukkaṭassa -pe-

20. Dve itthiyo, dvinnaṁ itthīnaṁ itthisaññi sāratto ca, itthiyo ca naṁ bhikkhussa nissaggiyena nissaggiyaṁ āmasanti sevanādhippāyo kāyena vāyamati, na ca phassaṁ paṭivijānāti, āpatti dvinnaṁ dukkaṭānaṁ -pe-

21. Itthī ca paṇḍako ca, ubhinnaṁ itthisaññī sāratto ca, ubho ca naṁ bhikkhussa nissaggiyena nissaggiyaṁ āmasanti, sevanādhippāyo kāyena vāyamati phassaṁ paṭivijānāti, āpatti dvinnaṁ dukkaṭānaṁ -pe-

22. Sevanādhippāyo kāyena vāyamati phassaṁ paṭivijānāti āpatti saṅghādisesassa. Sevanādhippāyo kāyena vāyamati na ca phassaṁ paṭivijānāti, āpatti dukkaṭassa. Sevanādhippāyo na ca kāyena vāyamati phassaṁ paṭivijānāti, anāpatti. Sevanādhippāyo na ca kāyena vāyamati na ca phassaṁ [page 126] paṭivijānāti, anāpatti, mokkhādhippāyo na ca kāyena vāyamati phassaṁ paṭivijānāti, anāpatti. Mokkhādhippāyo na ca kāyena vāyamati phassaṁ paṭivijānāti, anāpatti. Mokkhādhippāyo na ca kāyena vāyamati phassaṁ paṭivijānāti, anāpatti. Mokkhādhippāyo na ca kāyena vāyamati na ca phassaṁ paṭivijānāti anāpatti.

23. Anāpatti asañcicca, asatiyā, ajānantassa; asādiyantassa, ummattakassa, khittacittassa, vedanaṭṭassa-1. Ādikammikassāti.

1. Vedanāṭṭassa. Machasaṁ
[BJT Page 316]

Vinītavatthu

Uddānagāthā:

Mātā dhītā ca bhaginī ca chāyā yakkhī ca paṇḍako,
Suttā matā tiracchānā dārudhītalikāya ca.

Sampiḷe saṅkamo maggo rukkho nāvā ca rajju ca,
Daṇḍo pattaṁ panāmesi vande vāyāmi nacchupeti.

1. Tena kho pana samayena aññataro bhikkhu mātuyā mātupemena āmasi. Tassa kukkuccaṁ ahosi -pe- kacci nu kho ahaṁ saṅghādisesaṁ āpattiṁ āpanno, ti. Bhagavato etamatthaṁ ārocesi -pe- "anāpatti bhikkhu saṅghādisesassa. Āpatti dukkaṭassā"ti (1)

2. Tena kho pana samayena aññataro bhikkhu dhītuyā dhītupemena āmasi -pe- bhaginiyā bhaginipemena āmasi. Tassa kukkuccaṁ ahosi -pe-"anāpatti bhikkhu saṅghādisesassa. Āpatti dukkaṭassā"ti. (2-3)

3. Tena kho pana samayena aññataro bhikkhu purāṇadutiyikāya kāyasaṁsaggaṁ samāpajji. Tassa kukkuccaṁ ahosi -pe-"āpattiṁ tvaṁ bhikkhu āpanno saṅghādisesa"nti. (4)
4. Tena kho pana samayena aññataro bhikkhu yakkhiyā kāyasaṁsaggaṁ samāpajji. Tassa kukkuccaṁ ahosi -pe-"anāpatti bhikkhu saṅghādisesassa; āpatti thullaccayassā"ti. (5)

5. Tena kho pana samayena aññataro bhikkhu paṇḍakassa kāyasaṁsaggaṁ samāpajji. Tassa kukkuccaṁ ahosi -pe-"anāpatti bhikkhu saṅghādisesassa. Āpatti thullaccayassā"ti. (6)

6. Tena kho pana samayena aññataro bhikkhu suttitthiyā kāyasaṁsaggaṁ samāpajji. Tassa kukkuccaṁ ahosi -pe-"āpattiṁ tvaṁ bhikkhu āpanno saṅghādisesa"nti. (7)
7. Tena kho pana samayena aññataro bhikkhu matitthiyā kāyasaṁsaggaṁ samāpajji. Tassa kukkuccaṁ ahosi -pe-"anāpatti bhikkhu saṅghādisesassa. Āpatti thullaccayassā"ti. (8)

8. Tena kho pana samayena aññataro bhikkhu tiracchānagatitthiyā kāyasaṁsaggaṁ samāpajji. Tassa kukkuccaṁ ahosi -pe-"anāpatti bhikkhu saṅghādisesassa. Āpatti dukkaṭassā"ti. (9)

9. Tena kho pana samayena aññataro bhikkhu dārudhītalikāya kāyasaṁsaggaṁ samāpajji. Tassa kukkuccaṁ ahosi -pe-"anāpatti bhikkhu saṅghādisesassa. Āpatti dukkaṭassā"ti. (10)

[BJT Page 318]

10. Tena kho pana samayena sambahulā itthiyo aññataraṁ bhikkhuṁ sampiḷetvā bāhāparamparāya -1 neseṁ. Tassa kukkuccaṁ ahosi. "Sādiyi tvaṁ bhikkhū"ti. "Nāhaṁ bhagavā sādiyi"nti "anāpatti bhikkhu asādiyantassā"ti. (11)

11. [page 127] tena kho pana samayena aññataro bhikkhu itthiyā abhiruḷhaṁ saṅkamaṁ sāratto sañcālesi. Tassa kukkuccaṁ ahosi -pe-"anāpatti bhikkhu saṅghādisesassa. Āpatti dukkaṭassā"ti. (12)

12. Tena kho pana samayena aññataro bhikkhu itthiṁ paṭipathe passitvā sāratto aṁsakūṭena pahāraṁ adāsi. Tassa kukkuccaṁ ahosi -pe- "āpattiṁ tvaṁ bhikkhū āpanno saṅghādisesa"nti. (13)

13. Tena kho pana samayena aññataro bhikkhu itthiyā abhiruḷhaṁ rukkhaṁ sāratto sañcālesi. Tassa kukkuccaṁ ahosi -pe-"anāpatti bhikkhu saṅghādisesassa. Āpatti dukkaṭassā"ti. (14)

14. Tena kho pana samayena aññataro bhikkhu itthiyā abhiruḷhaṁ nāvaṁ sāratto sañcālesi. Tassa kukkuccaṁ ahosi -pe-"anāpatti bhikkhu saṅghādisesassa. Āpatti dukkaṭassā"ti. (15)

15. Tena kho pana samayena aññataro bhikkhu itthiyā gahitaṁ rajjuṁ sāratto āviñji. Tassa kukkuccaṁ ahosi -pe-"anāpatti bhikkhu saṅghādisesassa. Āpatti thullaccayassā"ti. (16)

16. Tena kho pana samayena aññataro bhikkhu itthiyā gahitaṁ daṇḍaṁ sāratto āviñji. Tassa kukkuccaṁ ahosi -pe-"anāpatti bhikkhu saṅghādisesassa. Āpatti thullaccayassā"ti. (17)

17. Tena kho pana samayena aññataro bhikkhu sāratto itthiṁ pattena panāmesi. Tassa kukkuccaṁ ahosi -pe- "anāpatti bhikkhu saṅghādisesassa. Āpatti thullaccayassā"ti. (18)

18. Tena kho pana samayena aññataro bhikkhu ittiyā vandantiyā sāratto pādaṁ uccāresi. Tassa kukkuccaṁ ahosi -pe-"āpattiṁ tvaṁ bhikkhu āpanno saṅghādisesa"nti. (19)

19. Tena kho pana samayena aññataro bhikkhu itthiṁ gahessāmīti vāyamitvā na chupi. Tassa kukkuccaṁ ahosi -pe- "anāpatti bhikkhu saṅghādisesassa. Āpatti dukkaṭassā"ti. (20)

Kāya saṁsaggasikkhāpadaṁ niṭṭhitaṁ. -2

1. Ānesuṁ. Machasaṁ 2. Kāyasaṁsaggasikkhāpadaṁ niṭṭhitaṁ dutiyaṁ machasaṁ.
[BJT Page 320]

3. 3.
Duṭṭhullavācāsikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā udāyī araññe viharati. Tassāyasmato vihāro abhirūpo hoti dassanīyo pāsādiko. Tena kho pana samayena sambahulā itthiyo ārāmaṁ agamaṁsu vihārapekkhikāyo. Atha kho tā itthiyo yenāyasmā udāyī, tenupasaṅkamiṁsu. Upasaṅkamitvā āyasmantaṁ udāyiṁ etadavocuṁ: "icchāma mayaṁ bhante ayyassa vihāraṁ pekkhitu"nti. Atha kho āyasmaṁ udāyī tā itthiyo vihāraṁ pekkhāpetvā tāsaṁ itthīnaṁ vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati. Yācati'pi āyācati'pi, pucchati'pi paṭipucchati'pi, ācikkhati'pi, anusāsati'pi, akkosati'pi. Yā tā [page 128] itthiyo chinnakā dhuttikā ahirikāyo tā āyasmatā udāyinā saddhiṁ ūhasanti'pi ullapanti'pi ujjhagghanti'pi uppaṇḍenti'pi. Yā pana tā itthiyo hirimanā tā nikkhamitvā bhikkhū ujjhāpenti: "idaṁ bhante nacchannaṁ nappatirūpaṁ, sāmikenapi mayaṁ evaṁ vuttā na iccheyyāma, kimpanayyena udāyinā"ti. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā udāyī mātugāmaṁ duṭṭhullāhi vācāhi ohāsissatī"ti. Atha kho te bhikkhū bhagavato etamatthaṁ ārocesuṁ.

2. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi: "saccaṁ kira tvaṁ udāyī mātugāmaṁ duṭṭhullāhi vācāhi obhāsī"ti. "Saccaṁ bhagavā. Vigarahi buddho bhagavā: "ananucchaviyaṁ moghapurisa ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tvaṁ moghapurisa mātugāmaṁ duṭṭhullāhi vācāhi obhāsissasi. Nanu mayā moghapurisa anekapariyāyena virāgāya dhammo desito, no sarāgāya -pe- kāmapariḷāhānaṁ vūpasamo akkhāto netaṁ moghapurisa appasannānaṁ vā pasādāya -pe- evaṁ ca pana bhikkhave imaṁ sikkhāpadaṁ uddiseyyātha:

"Yo pana bhikkhū otiṇṇo vipariṇatena cittena mātugāmaṁ duṭṭhullāhi vācāhi obhāseyya yathā taṁ yuvā yuvatiṁ methunūpasaṁhitāhi, saṅghādiseso'ti.

3. Yo panā'ti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Otiṇṇo nāma sāratto apekkhavā paṭibaddhacitto.

[BJT Page 322]

Vipariṇatanti rattampi cittaṁ vipariṇataṁ, duṭṭhampi cittaṁ vipariṇataṁ, mūḷahampi cittaṁ vipariṇataṁ. Api ca rattaṁ cittaṁ imasmiṁ atthe adhippetaṁ vipariṇatanti.

Mātugāmo nāma: manussitthi, na yakkhī na petī na tiracchānagatā, viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.

Duṭṭhullā vācā nāma: vaccamaggapassāvamaggamethunadhammapaṭisaṁyuttā vācā.

Obhāseyyāti ajjhācāro vuccati.

Yathā taṁ yuvā yuvatinti daharo dahariṁ taruṇo taruṇiṁ kāmabhogī kāmabhoginiṁ.
[page 129] methunūpasaṁhitāhīti methunadhammapaṭisaṁyuttāhi.

Saṅghādiseso'ti -pe- tenapi vuccati saṅghādiseso'ti.

4. Dve magge ādissa vaṇṇampi bhaṇati, avaṇṇampi bhaṇati, yācati'pi, āyācati'pi, pucchati'pi, paṭipucchati'pi, ācikkhati'pi, anusāsati'pi, akkosati'pi.

Vaṇṇaṁ bhaṇati nāma: dve magge thometi vaṇṇeti pasaṁsati.

Avaṇṇaṁ bhaṇati nāma: dve magge khuṁseti vamheti garahati.

Yācati nāma: dehi me arahasi me dātunti.

Āyācati nāma: kadā te mātā pasīdissati, kadā te pitā pasīdissati, kadā te devatāyo pasīdissanti, kadā-1 sukhaṇo sulayo sumuhutto bhavissati, kadā te methunaṁ dhammaṁ labhissāmī-2. Ti.

Pucchati nāma: kathaṁ tvaṁ sāmikassa desi-3 kathaṁ jārassa desī-3 ti.

Paṭipucchati nāma: evaṁ kira tvaṁ sāmikassa desi-3 evaṁ jārassa desī-3 ti.

Ācikkhati nāma: puṭṭho bhaṇati "evaṁ dehi, evaṁ dentī-4 sāmikassa piyā bhavissasi manāpā cā"ti.

Anusāsati nāma: apuṭṭho bhaṇati, "evaṁ dentī-1. Sāmikassa piyā bhavissati manāpā cā"ti.

Akkosati nāma: animittā'si nimittamattā'si alohitā'si dhuvalohitā'si dhuvavolā'si paggharantī'si sikhariṇi'si itthipaṇḍakā'si vepurisikā'si sambhinnā'si ubhatobyañjanāsīti.

1. Kadā te. Syā. 2. Labhissasīti. Sī. Mu. 3. Dehi, dehīti. Sī. Mu. 4. Dentā, machasaṁ

[BJT Page 324]

1. Itthī ca hoti, itthisaññī, sāratto ca bhikkhū ca naṁ itthiyā vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati, yācati'pi āyācati'pi pucchati'pi paṭipucchati'pi, ācikkhati'pi, anusāsati'pi, akkosati'pi, āpatti saṅghādisesassa -pe-*
2. Dve itthiyo, dvinnaṁ itthīnaṁ itthisaññi, sāratto ca bhikkhu ca naṁ dvinnaṁ itthīnaṁ vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati -pe-akkosati'pi āpatti dvinnaṁ saṅghādissonaṁ -pe-
3. Itthī ca paṇḍako ca, ubhinnaṁ itthisaññī, sāratto ca bhikkhu ca naṁ ubhinnaṁ vaccamaggaṁ passāvamaggaṁ ādissa vaṇṇampi bhaṇati avaṇṇampi bhaṇati -pe-akkosati'pi āpatti dvinnaṁ saṅghādissesena dukkaṭassa -pe-
4. Itthī ca hoti, itthisaññī, sāratto ca. Bhikkhu ca naṁ itthiyā vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati avaṇṇampi bhaṇati [PTS Page 130 -@]pa-akkosati'pi, āpatti thullaccayassa-pe-

5. Dve itthiyo, dvinnaṁ itthīnaṁ itthisaññi, sāratto ca bhikkhu ca naṁ dvinnaṁ itthīnaṁ vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati -pe-akkosati'pi āpatti dvinnaṁ thullaccayānaṁ -pe-

6. Itthī ca paṇḍako ca, ubhinnaṁ itthisaññī, sāratto ca bhikkhu ca naṁ ubhinnaṁ vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇampi bhaṇati avaṇṇampi bhaṇati -pe-akkosati'pi āpatti thullaccayena dukkaṭassa -pe. 7. Itthī ca hoti, itthisaññī, sāratto ca. Bhikkhu ca naṁ itthiyā ubbhakkhakaṁ adhojāṇumaṇḍalaṁ ādissa vaṇṇampi bhaṇati avaṇṇampi bhaṇati -pe- akkosati'pi, āpatti dukkaṭassa -pe-
8. Dve itthiyo, dvinnaṁ itthīnaṁ itthisaññī, sāratto ca. Bhikkhu ca naṁ dvinnaṁ itthīnaṁ ubbhakkhakaṁ adhojāṇumaṇḍalaṁ ādissa vaṇṇampi bhaṇati avaṇṇampi bhaṇati -pe- akkosati'pi, āpatti dvinnaṁ dukkaṭānaṁ -pe-

9. Itthī ca paṇḍako ca, ubhinnaṁ itthisaññī, sāratto ca bhikkhu ca naṁ ubhinnaṁ ubbhakkhakaṁ adhojāṇumaṇḍalaṁ ādissa vaṇṇampi bhaṇati avaṇṇampi bhaṇati -pe-akkosati'pi āpatti dvinnaṁ dukkaṭānaṁ -pe-

10. Itthī ca hoti, itthisaññī, sāratto ca. Bhikkhu ca naṁ itthiyā kāyapaṭibaddhaṁ ādissa vaṇṇampi bhaṇati avaṇṇampi bhaṇati -pe-akkosati'pi, āpatti dukkaṭassa -pe
* Peyyālamukhena kāyasaṁsagge vuttanayova veditabbo.

[BJT Page 326]

11. Dve itthiyo, dvinnaṁ itthīnaṁ itthisaññi, sāratto ca. Bhikkhu ca naṁ divinnaṁ itthinaṁ kāyapaṭibaddhaṁ ādissa vaṇṇampi bhaṇati avaṇṇampi bhaṇati -pe- akkosati'pi, āpatti dvinnaṁ dukkaṭānaṁ -pe-

12. Itthī ca paṇḍako ca, ubhinnaṁ itthisaññī, sāratto ca, bhikkhu ca naṁ ubhinnaṁ kāyapaṭibaddhaṁ ādissa vaṇṇampi bhaṇati avaṇṇampi bhaṇati -pe- akkosati'pi, āpatti dvinnaṁ dukkaṭānaṁ -pe-

13. Anāpatti atthapurekkhārassa, dhammapurekkhārassa, anusāsanīpurekkhārassa, ummattakassa, ādikammikassāti.

Vinītavatthu

Uddānagāthā:

Lohitaṁ kakkasākiṇṇaṁ kharaṁ dīghañca vāpitaṁ kacci saṁsīdati-1 maggo saddhā dānena kammunā'ti.

1. Tena kho pana samayena aññatarā itthī navarattaṁ kambalaṁ pārutā hoti. Aññataro bhikkhu sāratto taṁ itthiṁ etadavoca: "lohitaṁ kho te bhaginī"ti. Sā na paṭivijāni. "Āmayya, navaratto kambalo"ti. Tassa kukkuccaṁ ahosi. "Kacci nu kho ahaṁ saṅghādisesaṁ āpattiṁ āpanno"ti. Bhagavato etamatthaṁ ārocesi -pe- "anāpatti bhikkhu saṅghādisesassa. Āpatti dukkaṭassā"ti. (1)

2. Tena kho pana samayena aññatarā itthī kharakambalaṁ pārutā hoti. Aññataro bhikkhu sāratto taṁ itthiṁ etadavoca: "kakkasalomaṁ kho te bhaginī"ti. Sā na paṭivijāni. "Āmayya, kharakambalako"ti. Tassa kukkuccaṁ ahosi -pe- "anāpatti bhikkhu saṅghādisesassa. Āpatti dukkaṭassā"ti. (2)

3. Tena kho pana samayena aññatarā itthī navāvutaṁ kambalaṁ pārutā hoti. Aññataro bhikkhu sāratto taṁ itthiṁ etadavoca: "ākiṇṇalomaṁ kho te bhaginī"ti. Sā na paṭivijāni. "Āmayya, navāvuto kambalo"ti. Tassa kukkuccaṁ ahosi -pe-"anāpatti bhikkhu saṅghādisesassa, āpatti dukkaṭassā"ti. (3)

4. Tena kho pana samayena aññatarā itthi kharakambalakaṁ pārutā hoti. Aññataro bhikkhu sāratto taṁ itthiṁ etadavoca: "kharalomaṁ kho te bhaginī"ti. Sā na paṭivijāni, "āmayya, kharakambalako"ti. Tassa kukkuccaṁ ahosi -pe- "anāpatti bhikkhu saṅghādisesassa; āpatti dukkaṭassā"ti. (4)

1. Saṁsīrati. Sī. Mu. Syā.

[BJT Page 328]

5. Tena kho pana samayena aññatarā itthī pāvāraṁ-1 pārutā hoti. Aññataro bhikkhu sāratto taṁ itthiṁ etadavoca: "dīghalomaṁ kho te bhaginī"ti. Sā na paṭivijāni, "āmayya, pāvāro"-2. Ti. Tassa kukkuccaṁ ahosi -pe-"anāpatti bhikkhu saṅghādisesassa, āpatti dukkaṭassā"ti. (5)

6. [page 131] tena kho pana samayena aññatarā itthī khettaṁ vapāpetvā āgacchati. Aññataro bhikkhu sāratto taṁ itthiṁ etadavoca: "vāpitaṁ kho te bhaginī"ti. Sā na paṭivijāni "āmayya, no ca kho paṭivutta"nti. Tassa kukkuccaṁ ahosi -pe- "anāpatti bhikkhu saṅghādisesassa, āpatti dukkaṭassā"ti. (6)

7. Tena kho pana samayena aññataro bhikkhu paribbājikaṁ paṭipathe passitvā sāratto taṁ paribbājikaṁ etadavoca: "kacci te bhagini maggo saṁsīdatī". Sā na paṭivijāni. "Āma bhikkhu, paṭipajjissasī"ti. Tassa kukkuccaṁ ahosi -pe- "anāpatti bhikkhu saṅghādisesassa. Āpatti thullaccayassā"ti. (7)

8. Tena kho pana samayena aññataro bhikkhu sāratto aññataraṁ itthiṁ etadavoca: "saddhā'si tvaṁ bhagini api ca yaṁ tvaṁ sāmikassa desi taṁ nāmbhākaṁ desī"ti. "Kiṁ bhante"ti. "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti. (8)

9. Tena kho pana samayena aññataro bhikkhu sāratto aññataraṁ itthiṁ etadavoca: "saddhā'si tvaṁ bhagini. Api ca yaṁ aggadānaṁ taṁ nāmbhākaṁ desī"ti. "Kiṁ bhante aggadāna"nti. "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti. (9)

10. Tena kho pana samayena aññatarā itthī kammaṁ karoti. Aññataro bhikkhu sāratto taṁ itthiṁ etadavoca: "tiṭṭha bhagini ahaṁ karissāmī"ti. -Pe- "nisīda bhagini ahaṁ karissāmī"ti -pe-"nipajja bhagini, ahaṁ karissāmī"ti. Sā na paṭivijāni. Tassa kukkuccaṁ ahosi -pe- "anāpatti bhikkhu saṅghādisesassa. Āpatti dukkaṭassā"ti. (10-11-12)

Duṭṭhullavācāsikkhāpadaṁ niṭṭhitaṁ

1. Dīghapāvāraṁ. Syā. 2. Dīghapāvāro. Syā. 3. Saṁsīratīti. Sī. Mu.

[BJT Page 330]

3. 4.

Attakāmapāricariyasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā udāyī sāvatthiyaṁ kulupago hoti. Bahukāni kulāni upasaṅkamati. Tena kho pana samayena aññatarā itthī matapatikā abhirūpaṁ hoti dassanīyā pāsādikā. Atha kho āyasmā udāyī pubbaṇhasamayaṁ nivāsetvā pattacīvaramādāya yena tassā itthiyā nivesanaṁ tenupasaṅkami. [page 132] upasaṅkamitvā paññatte āsane nisīdi.

2. Atha kho sā itthī yenāyasmā udāyī, tenupasaṅkami. Upasaṅkamitvā āyasmantaṁ udāyiṁ abhivādetvā ekamantaṁ nisīdi. Ekamantaṁ nisinno kho taṁ itthiṁ āyasmā udāyī dhammiyā kathāya sandassesi samādapesi samuttejesi sampahaṁsesi.
3. Atha kho sā itthī āyasmatā udāyinā dhammiyā kathāya sandassitā samādapitā samuttejitā sampahaṁsitā āyasmantaṁ udāyiṁ etadavoca: "vadeyyātha bhante yena attho. Paṭibalā mayaṁ ayyassa dātuṁ yadidaṁ cīvarapiṇḍapātasenāsanagilānapaccayabhesajjaparikkhāra"nti. "Na kho te bhagini ambhākaṁ dullabhā yadidaṁ cīvarapiṇḍapātasenāsanagilānapaccayabhesajjaparikkhārā. Api ca yo ambhākaṁ dullabho taṁ dehī"ti. "Kiṁ bhante"ti "methunaṁ dhamma"nti. "Attho bhante"ti "attho bhaginī"ti. "Ehi bhante"ti ovarakaṁ pavisitvā sāṭakaṁ nikkhipitvā mañcake uttānā nipajji. Atha kho āyasmā udāyī yena sā itthī tenupasaṅkami. Upasaṅkamitvā "ko imaṁ vasalaṁ duggandhaṁ āmasissatī"ti niṭṭhubhitvā pakkāmi.

4. Atha kho sā itthī ujjhāyati khīyati vipāceti: "alajjino ime samaṇā sakyaputtiyā dussīlā musāvādino. Imehi nāma dhammacārino samacārino brahmacārino saccavādino sīlavanto kalyāṇadhammā paṭijānissanti. Natthi imesaṁ sāmaññaṁ. Natthi imesaṁ brahmaññaṁ. Naṭṭhaṁ imesaṁ sāmaññaṁ. Naṭṭhaṁ imesaṁ brahmaññaṁ. Kuto imesaṁ sāmaññaṁ? Kuto imesaṁ brahmaññaṁ? Apagatā ime sāmaññā. Apagatā ime brahmaññā. Kathaṁ hi nāma samaṇo udāyī maṁ sāmaṁ methunaṁ dhammaṁ yācitvā, 'ko imaṁ vasalaṁ duggandhaṁ āmasissatī'ti niṭṭhubhitvā pakkamissati? Kiṁ me pāpakaṁ? Kiṁ me duggandhaṁ? Kassāhaṁ? Kena hāyāmī?"Ti.

5. Aññāpi itthiyo ujjhāyanti khīyanti vipācenti: "alajjino ime samaṇā sakyaputtīyā -pe- kathaṁ hi nāma samaṇo udāyī imissā sāmaṁ methunaṁ dhammaṁ yācitvā ko imaṁ vasalaṁ duggandhaṁ āmasissatīti niṭṭhubhitvā pakkamissati? Kiṁ imissā pāpakaṁ? Kiṁ imissā duggandhaṁ? Kassāyaṁ? Kena hāyatī?"Ti.

6. Assosuṁ kho bhikkhū tāsaṁ itthīnaṁ ujjhāyantīnaṁ khīyantīnaṁ vipācentīnaṁ. Ye te bhikkhu appicchā, te ujjhāyanti khīyanti vipācenti: "kathaṁ hi nāma āyasmā udāyī mātugāmassa santike attakāmapāricariyāya vaṇṇaṁ bhāsissatī"ti.

[BJT Page 332]

7. Atha kho te bhikkhū-1 bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ [page 133] sannipātāpetvā āyasmantaṁ udāyiṁ paṭipucchi: "saccaṁ kira tvaṁ udāyī mātugāmassa santike attakāmapāricariyāya vaṇṇaṁ bhāsasī"ti. "Saccaṁ bhagavā. " Viharahi buddho bhagavā: "ananucchaviyaṁ moghapurisa ananulomikaṁ appatirūpaṁ assāmaṇakaṁ akappiyaṁ akaraṇīyaṁ. Kathaṁ hi nāma tvaṁ moghapurisa mātugāmassa santike attakāmapāricariyāya vaṇṇaṁ bhāsissasi? Nanu mayā moghapurisa anekapariyāyena virāgāya dhammo desito no sarāgāya -pe-kāmapariḷāhānaṁ vūpasamo akkhāto. Netaṁ moghapurisa appasannānaṁ vā pasādāya -pe-evañca pana bhikkhave imaṁ sikkhāpadaṁ uddiseyyātha:

"Yo pana bhikkhu otiṇṇo vipariṇatena cittena mātugāmassa santike attakāmapāricariyāya vaṇṇaṁ bhāseyya: etadaggaṁ bhagini, pāricariyānaṁ yā mādisaṁ sīlavantaṁ kalyāṇadhammaṁ brahmacāriṁ etena dhammena paricareyyāti methunūpasaṁhitena, saṅghādiseso"ti.

8. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhū'ti.

Otiṇṇo nāma: sāratto apekkhavā paṭibaddhacitto.

Vipariṇatanti rattampi cittaṁ vipariṇataṁ. Duṭṭhampi cittaṁ vipariṇataṁ mūḷhampi cittaṁ vipariṇataṁ. Api ca rattaṁ cittaṁ imasmiṁ atthe adhippetaṁ vipariṇatanti.

Mātugāmo nāma: manussitthī. Na yakkhī, na petī, na tiracchānagatā, viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.

Mātugāmassa santike'ti mātugāmassa sāmantā, mātugāmassa avidūre.

Attakāmanti attano kāmaṁ, attano hetuṁ, attano adhippāyaṁ, attano pāricariyaṁ,

Etadagganti etaṁ aggaṁ etaṁ seṭṭhaṁ etaṁ mokkhaṁ etaṁ uttamaṁ etaṁ pavaraṁ -

Yā'ti khattiyā -2 vā brāhmaṇivā vessī vā suddī vā.

Mādisanti khattiyaṁ vā brāhmaṇaṁ vā vessaṁ vā suddaṁ vā.

1. Atha kho te bhikkhu āyasmantaṁ udāyiṁ anekapariyāyena vigarahitvā bhagavato, machasaṁ.
2. Khatti. Sī. Mu.
[BJT Page 334]

Sīlavattanti pāṇātipātā paṭivirataṁ, adinnādānā paṭivirataṁ, musāvādā paṭivirataṁ.
Brahmacārinti methunadhammā paṭivirataṁ.

Kalyāṇadhammo nāma: tena ca sīlena tena ca brahmacariyena kalyāṇadhammo hoti.
Etena dhammenāti methunadhammena.

Paricareyyāti abhirameyya.

Methunūpasaṁhitenāti methunadhammapaṭisaṁyuttena.

Saṅghādiseso'ti -pe- tenapi vuccati saṅghādiseso'ti.

1. [page 134] itthī ca hoti, itthisaññi, sāratto ca. Bhikkhu ca naṁ itthiyā santike attakāmapāricariyāya vaṇṇaṁ bhāsati, āpatti saṅghādisesassa.

2. ( Itthī ca hoti, vematiko -pe- paṇḍakasaññi -pe-purisasaññi -pe-tiracchānagatasaññi, sāratto ca. Bhikkhu ca naṁ itthiyā santike attakāmapāricariyāya vaṇṇaṁ bhāsati, āpatti dukkaṭassa.

3. Paṇḍako ca hoti, paṇḍakasaññi, sāratto ca. Bhikkhu ca naṁ paṇḍakassa santike attakāmapāricariyāya vaṇṇaṁ bhāsati, āpatti thullaccayassa.

4. Paṇḍako ca hoti vematiko -pe- purisasaññi. -Pe-tiracchānagatasaññī. Itthisaññī, sāratto ca. Bhikkhu ca naṁ paṇḍakassa santike attakāmapāricariyāya vaṇṇaṁ bhāsati āpatti dukkaṭassa.

5. Puriso ca hoti -pe- tiracchānagato ca hoti, tiracchānagatasaññī -pe-vematiko. -Pe- itthisaññī. -Pe-paṇḍakasaññī. -Pe- purisasaññī sāratto ca. Bhikkhu ca naṁ tiracchānagatassa santike attakāmapāricariyāya vaṇṇaṁ bhāsati āpatti dukkaṭassa. ) *

6. Dve itthiyo, dvinnaṁ itthīnaṁ itthisaññī, sāratto ca, bhikkhu ca naṁ dvinnaṁ itthīnaṁ santike attakāmapāricariyāya vaṇṇaṁ bhāsati, āpatti dvinnaṁ saṅghādisesānaṁ -pe-

7. Itthī ca paṇḍako ca, ubhinnaṁ itthisaññī, sāratto ca, bhikkhū ca naṁ ubhinnaṁ santike attakāmapāricariyāya vaṇṇaṁ bhāsati, āpatti saṅghādisesena dukkaṭassa -pe
* Imehi antaritapāṭhā sīmu. Potthake na dissanti.

[BJT Page 336]

8. Anāpatti cīvarapiṇḍapātasenāsanagilānapaccayabhesajjaparikkhārena upaṭṭhahāti bhaṇati, ummattakassa, ādikammikassāti.

Vinītavatthu

Uddānagāthā.

Kathaṁ vañjhā labhe puttaṁ piyā ca subhagā siyā,
Kiṁ dajjaṁ kenupaṭṭheyyaṁ kathaṁ gaccheyyaṁ suggatinti.
1. Tena kho pana samayena aññatarā vañjhā itthī kulūpagaṁ bhikkhuṁ etadavoca: "kathāhaṁ bhante vijāyeyya"nti. "Tena hi bhagini aggadānaṁ dehī"ti. "Kiṁ bhante aggadāna"nti? "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti (1)
2. Tena kho pana samayena aññatarā vijāyinī itthī kulūpagaṁ bhikkhuṁ etadavoca: "kathāhaṁ bhante puttaṁ labheyya"nti. "Tena hi bhagini aggadānaṁ dehī"ti. "Kiṁ bhante aggadāna"nti? "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti (2)

3. Tena kho pana samayena aññatarā vañjhā itthī kulūpagaṁ bhikkhuṁ etadavoca: "kathāhaṁ bhante sāmikassa piyā assa"nti. "Tena hi bhagini aggadānaṁ dehī"ti. "Kiṁ bhante aggadāna"nti? "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti (3)

4. Tena kho pana samayena aññatarā vañjhā itthī kulūpagaṁ bhikkhuṁ etadavoca: "kathāhaṁ bhante subhagā assa?"Nti. "Tena hi bhagini aggadānaṁ dehī"ti. "Kiṁ bhante aggadāna"nti? "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti (4)

5. Tena kho pana samayena aññatarā vañjhā itthī kulūpagaṁ bhikkhuṁ etadavoca: "kyāhaṁ bhante ayyassa dajjāmī?"Ti. ,Aggadānaṁ bhaginī"ti. "Kiṁ bhante aggadāna"nti? "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti (5)

6. Tena kho pana samayena aññatarā vañjhā itthī kulūpagaṁ bhikkhuṁ etadavoca: "kenāhaṁ bhante ayyaṁ upaṭṭhemī?"Ti. "Aggadānena bhaginī" ti. "Kiṁ bhante aggadāna"nti? "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti (6)

[BJT Page 338]

7. Tena kho pana samayena aññatarā vañjhā itthī kulūpagaṁ bhikkhuṁ etadavoca: "kathāhaṁ bhante sugatiṁ gaccheyya"nti. "Tena hi bhagini aggadānaṁ dehī"ti. "Kiṁ bhante aggadāna"nti? "Methunaṁ dhamma"nti. Tassa kukkuccaṁ ahosi -pe- "āpattiṁ tvaṁ bhikkhu āpanno saṅghādisesa"nti (7)

Attakāmapāricariyasikkhāpadaṁ [page 135] niṭṭhitaṁ

3. 5.

Sañcarittasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā udāyī sāvatthiyaṁ kulupago hoti, bahukāni kulāni upasaṅkamati, yattha passati kumārakaṁ vā apajāpatikaṁ, kumārikaṁ vā apatikaṁ, kumārakassa mātāpitunnaṁ santike kumārikāya vaṇṇaṁ bhaṇati: "amukassa kulassa kumārikā abhirūpā dassanīyā pāsādikā paṇḍitā byattā medhāvinī dakkhā analasā. Channā sā kumārikā imassa kumārakassā"ti. Te evaṁ vadenti: "ete kho bhante ambhe na jānanti "ke vā ime kassa vā"ti. Sace bhante ayyo dāpeyya āneyyāma mayaṁ taṁ kumārikaṁ imassa kumārakassā"ti. Kumārikāya mātāpitunnaṁ santike kumārakassa vaṇṇaṁ bhaṇati: "amukassa kulassa kumārako abhirūpo dassanīyo pāsādiko paṇḍito byatto medhāvī dakkho analaso. Channāyaṁ-1. Kumārikā tassa kumārakassā"ti. Te evaṁ vadenti: ete kho bhante amhe na jānanti: 'ke vā ime kassavā'ti. Kismiṁ viya kumārikāya vattuṁ. Sace bhante ayyo yācāpeyya dadeyyāma mayaṁ imaṁ kumārikaṁ tassa kumārakassā"ti. Eteneva upāyena āvāhāni'pi kārāpeti. Vivāhāni'pi kārāpeti. Vāreyyāni'pi vattāpeti.

2. Tena kho pana samayena aññatarassā, purāṇagaṇakiyā dhītā abhirūpā hoti dassanīyā pāsādikā. Tirogāmakā ājīvakasāvakā āgantvā taṁ gaṇakiṁ etadavocuṁ: "dehayye imaṁ kumārikaṁ amhākaṁ kumārakassā"ti. Sā evamāha: "ahaṁ khvayyā-2. Tumhe na jānāmi "ke vā ime kassa vā"ti. "Ayañca me ekadhītikā. Tirogāmo ca gantabbo, "nāhaṁ dassāmī"ti. Manussā te ājīvakasāvake etadavocuṁ: "kissa tumhe ayyā āgatatthā"ti. "Idha mayaṁ ayyā amukaṁ nāma gaṇakiṁ dhītaraṁ yācimha amhākaṁ kumārakassa, sā evamāha: "ahaṁ khvayyā tumhe na jānāmi "ke vā ime kassa vā"ti. Ayañca me ekadhītikā tirogāmo ca gantabbo, nāhaṁ dassāmī"ti. "Kissa tumhe ayyā taṁ gaṇakiṁ dhītaraṁ yācittha? Nanu ayyo udāyī vattabbo? Ayyo udāyī dāpessatī"ti. Atha kho te [page 136] ājīvakasāvakā yenāyasmā udāyī, tenupasaṅkamiṁsu. Upasaṅkamitvā āyasmantaṁ udāyiṁ etadavocuṁ: "idha mayaṁ bhante amukaṁ nāma gaṇakiṁ dhītaraṁ yācimha amhākaṁ kumārakassa. Sā evamāha: ahaṁ khvayyā tumhe na jānāmi ke vā ime kassa vā'ti. Ayañca me ekadhītikā tirogāmo ca gantabbo, nāhaṁ dassāmī'ti. Sādhu bhante ayyo taṁ gaṇakiṁ dhītaraṁ dāpetu amhākaṁ kumārakassā"ti.

1. Chanto so kumārako imissā kumārikāyāti, syā.
2. Khvayyo, sīmu, machasaṁ.

[BJT Page 340]

3. Atha kho āyasmā udāyī yena sā gaṇaki,tenupasaṅkami tenupasaṅkamitvā taṁ gaṇakiṁ etadavoca: "kissimesaṁ dhītaraṁ na desī?"Ti. "Ahaṁ khvayya ime na jānāmi 'ke vā ime kassa vā' ti. Ayañca me ekadhītikā, tirogāmo ca gantabbo, nāhaṁ dassāmī"ti. "Dehimesaṁ, ahaṁ ime jānāmī"ti "sace bhante ayyo jānāti, dassāmī"ti. Atha kho sā gaṇaki tesaṁ ājīvakasāvakānaṁ dhītaraṁ adāsi. Atha kho te ājīvakasāvakā taṁ kumārikaṁ netvā māsaṁyeva suṇisābhogena bhuñjiṁsu. Tato aparena dāsibhogena bhuñjanti. Atha kho sā kumārikā mātuyā santike dūtaṁ pāhesi: "ahaṁ hi duggatā dukkhitā na sukhaṁ labhāmi. Māsaṁ yeva maṁ suṇisābhogena bhuñjiṁsu. Tato aparena dāsībhogena bhuñjanti. Āgacchatu me mātā maṁ nessatu"ti.

4. Atha kho sā gaṇakī yena te ājīvakasāvakā tenupasaṅkami. Upasaṅkamitvā te ājīvakasāvake etadavoca: "māyyā imaṁ kumārikaṁ dāsibhogena bhuñjittha, suṇisābhogena imaṁ kumārikaṁ bhuñjathā"ti. Te evamāhaṁsu "natthamhākaṁ tayā saddhiṁ āhārūpahāro, samaṇena saddhiṁ amhākaṁ āhārūpahāro, gaccha tvaṁ, na mayaṁ taṁ jānāmā"ti. Atha kho sā gaṇakī tehi ājīvakasāvakehi apasāditā punadeva sāvatthiṁ paccāgañji. Dutiyampi kho sā kumārikā mātuyā santike dūtaṁ pāhesi: "ahaṁ hi duggatā dukkhitā, na sukhaṁ labhāmi. Māsaṁyeva maṁ suṇisābhogena bhuñjiṁsu. Tato aparena dāsībhogena bhuñjanti. Āgacchatu me mātā. Maṁ nessatu"ti.

5. Atha kho sā gaṇakī yenāyasmā udāyī tenupasaṅkami. Upasaṅkamitvā āyasmantaṁ udāyiṁ etadavoca: "sā kira bhante kumārikā duggatā dukkhitā na sukhaṁ labhati. Māsaṁyeva naṁ suṇisābhogena bhuñjiṁsu. Tato aparena dāsībhogena bhuñjanti. Vadeyyātha bhante: "māyyā imaṁ kumārikaṁ dāsibhogena bhuñjittha. Suṇisābhogena imaṁ kumārikaṁ bhuñjathā"ti. Atha kho āyasmā udāyī yena te ājīvakasāvakā tenupasaṅkami. Upasaṅkamitvā te ājīvakasāvake etadavoca: māyyā imaṁ kumārikaṁ dāsībhogena bhuñjittha suṇisābhogena imaṁ kumārikaṁ bhuñjathā"ti. Te evamāhaṁsu: "natthamhākaṁ tayā saddhiṁ āhārūpahāro, gaṇakiyā saddhiṁ amhākaṁ āhārūpahāro. Samaṇena bhavitabbaṁ abyāvaṭena. [page 137] samaṇo assa susamaṇo. Gaccha tvaṁ. Na mayaṁ taṁ jānāmā"ti. Atha kho āyasmā udāyī tehi ājīvakasāvakehi apasādito punadeva sāvatthiṁ paccāgañchi. Tatiyampi kho sā kumārikā mātuyā santike dūtaṁ pāhesi: "ahaṁ hi duggatā dukkhitā, na sukhaṁ labhāmi. Māsaṁyeva maṁ suṇisābhogena bhuñjiṁsu. Tato aparena dāsībhogena bhuñjanti. Āgacchatu me mātā maṁ nessatu"ti.

6. Dutiyampi kho sā gaṇakī yenāyasmā udāyī tenupasaṅkami. Upasaṅkamitvā āyasmantaṁ udāyiṁ etadavoca: sā kira bhante kumārikā duggatā dukkhitā. Na sukhaṁ labhati. Māsaṁyeva naṁ suṇisābhogena bhuñjiṁsu. Tato aparena dāsībhogena bhuñjanti. Vadeyyātha bhante: "māyyā imaṁ kumārikaṁ dāsībhogena bhuñjittha. Suṇisābhogena imaṁ kumārikaṁ bhuñjathā"tī. Paṭhamaṁ pāhaṁ tehi ājīvakasāvakehi apasādito. Tvaṁ gaccha nāhaṁ gamissāmīti.

[BJT Page 342]

7. Atha kho sā gaṇakī ujjhāyati khīyati vipāceti: evaṁ duggato hotu ayyo udāyī, evaṁ dukkhito hotu ayyo udāyī, evaṁ mā sukhaṁ labhatu ayyo udāyī, yathā me kumārikā duggatā dukkhitā na sukhaṁ labhati, pāpikāya sassuyā pāpakena sasurena pāpakena sāmikenā"ti. Sā'pi kho kumārikā ujjhāyati khīyati vipāceti: "evaṁ duggato hotu ayyo udāyī, evaṁ dukkhito hotu ayyo udāyī, evaṁ mā sukhaṁ labhatu ayyo udāyī, yathāhaṁ duggatā dukkhitā na sukhaṁ labhāmi pāpikāya sassuyā pāpakena sasurena pāpakena sāmikenā"ti. Aññāpi itthiyo asantuṭṭhā sassūhi vā sasurehi vā sāmikehi vā, tā evaṁ āyācanti: "evaṁ duggato hotu ayyo udāyī, evaṁ dukkhito hotu ayyo udāyī, evaṁ mā sukhaṁ labhatu ayyo udāyī, yathā mayaṁ duggatā dukkhitā na sukhaṁ labhāma, pāpikāhi sassūhi pāpakehi sasurehi pāpakehi sāmikehī"ti.

8. Yā pana tā itthiyo santuṭṭhā sassūhi vā sasurehi vā sāmikehi vā tā evaṁ āyācanti: "evaṁ sukhito hotu ayyo udāyī, evaṁ sajjito hotu ayyo udāyī, evaṁ sukhamedhatu ayyo udāyī, yathā mayaṁ sukhitā sajjitā sukhamedhāma bhaddikāhi sassūhi bhaddakehi sasurehi, bhaddakehi sāmikehī"ti.

9. Assosuṁ kho bhikkhū ekaccānaṁ itthīnaṁ oyācantīnaṁ ekaccānaṁ itthinaṁ āyācantīnaṁ. Ye te bhikkhu appicchā te ujjhāyanti khīyanti vipācenti: kathaṁ hi nāma āyasmā udāyī sañcarittaṁ samāpajjissatī"ti. Atha kho te bhikkhū bhagavato etamatthaṁ ārocesuṁ.

10. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi: "sacchaṁ kira tvaṁ udāyī sañcarittaṁ samāpajjī"ti. "Saccaṁ bhagavā". Vigarahi buddho bhagavā: "kathaṁhi nāma tvaṁ moghapurisa sañcarittaṁ samāpajjissasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

[page 138] "yo pana bhikkhu sañcarittaṁ samāpajjeyya itthiyā vā purisamatiṁ purisassa vā itthimatiṁ jāyattane vā jārattane vā, saṅghādisesoti.

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

Mūlapaññatati
[BJT Page 344]

11. Tena kho pana samayena sambahulā dhuttaṁ uyyāne paricārentā aññatarassā-1. Vesiyā santike dūtaṁ pāhesuṁ: "āgacchatu uyyāne paricāressāmā"ti. Sā evamāha: "apuriso-2. Tumhe na jānāmi 'ke vā ime kassa vā'ti. Ahañcamhi bahubhaṇḍā, bahuparikkhārā, bahinagarañca gantabbaṁ, nāhaṁ gamissāmī"ti. Atha kho so dūto tesaṁ dhuttānaṁ etamatthaṁ ārocesi, evaṁ vutte aññataro puriso te dhutte etadavoca: "kissa tumhe ayyā taṁ vesiṁ yācittha? Nanu ayyo udāyī vattabbo? Ayyo udāyī uyyojessatī"ti. Evaṁ vutte aññataro upāsako taṁ purisaṁ etadavoca: "māyyo evaṁ avaca, na kappati samaṇānaṁ sakyaputtiyānaṁ evarūpaṁ kātuṁ. Nāyyo udāyī evaṁ karissatī"ti. Evaṁ vutte 'karissati na karissatī'ti abbhutaṁ akaṁsu. Atha kho te dhuttā yenāyasmā 'karissati na karissatī'ti abbhutaṁ akaṁsu. Atha kho te dhuttā yenāyasmā udāyī tenupasaṅkamiṁsu. Upasaṅkamitvā āyasmantaṁ udāyiṁ etadavocuṁ.Idha mayaṁ bhante uyyāne paricārentā asukāya nāma vesiyā santike dūtaṁ pahiṇimha: "āgacchatu uyyāne paricāressāmā"ti sā evamāha: " "ahaṁ khvayyā tumhe na jānāmi 'ke vā ime kassa vā'ti, ahañcamhi bahubhaṇḍā, bahuparikkhārā, bahinagarañca gantabbaṁ, nāhaṁ gamissāmī"ti. "Sādhu bhante ayyo taṁ vesiṁ uyyojetu"ti.

12. Atha kho āyasmā udāyī yena sā vesī, tenupasaṅkami.Upasaṅkamitvā taṁ vesiṁ etadavoca: "kissa mesaṁ na gacchasī"ti. "Ahaṁ khvayya ime na jānāmi 'ke vā ime kassa vā'ti. Ahañcamhi bahubhaṇḍā' bahuparikkhārā bahinagarañca gantabbaṁ. Nāhaṁ gamissāmī"ti. "Gacchimesaṁ ahaṁ ime jānāmī" sace bhante ayyo jānāti, gamissāmī"ti. Atha kho te dhuttā taṁ vesiṁ ādāya uyyānaṁ agamaṁsu. Atha kho so upāsako ujjhāyati khīyati vipāceti: "kathaṁ hi nāma ayeyā udāyī taṅkhaṇikaṁ sañcarittaṁ samāpajjissatī"ti. Assosuṁ kho bhikkhū tassa upāsakassa ujjhāyantassa khīyantassa vipācentassa. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā udāyī taṁ khaṇikaṁ sañcarittaṁ samāpajjissatī"ti, atha kho te bhikkhū bhagavato [page 139] etamatthaṁ ārocesuṁ -pe- "saccaṁ tvaṁ udāyī taṁ khaṇikaṁ sañcarittaṁ samāpajjī,ti. "Saccaṁ bhagavā. " Vigarahi buddho bhagavā -pe-kathaṁ hi nāma tvaṁ moghapurisa taṅkhaṇikaṁ sañcarittaṁ samāpajjissasi. Netaṁ moghapurisa appasannānaṁ vā pasādāya -pe- evaṁ ca pana bhikkhave imaṁ sikkhāpadaṁ uddiseyyātha:

"Yo pana bhikkhu sañcarittaṁ samāpajjeyya itthiyā vā purisamatiṁ purisassa vā itthimatiṁ, jāyattane vā jārattane vā, antamaso taṅkhaṇikāyapi, saṅghādiseso"ti.
(Dutiyapaññatti. )

1. Aññatarissā. Machasaṁ 2. Khvayyo. Sīmu. Machasaṁ
[BJT Page 346]

12. Yo panāti yo yādiso -pe-

Bhikkhū'ti -pe- ayaṁ imasmiṁ atthe adhippeto 'bhikkhū'ti.

Sañcarittaṁ samāpajjeyyāti itthiyā vā pahito purisassa santike gacchati. Purisena vā pahito itthiyā santike gacchati.

Itthiyā vā purisamatinti purisassa matiṁ itthiyā vā āroceti.

Purisassa vā itthīmatinti itthiyā matiṁ purisassa vā āroceti.

Chāyattane vā'ti jāyā bhavissasi.

Jārattane vā'ti jārī bhavissasi.

Antamaso taṁ khaṇikāyapīti muhuttikā bhavissasi.

Saṅghādisesoti -pe- tenapi vuccati saṅghādisesoti.

14. Dasa itthiyo: māturakkhitā,piturakkhitā, mātāpiturakkhitā, bhāturakkhitā,bhaginirakkhitā, ñātirakkhitā, gottarakkhitā, dhammarakkhitā, sārakkhā, saparidaṇḍā.

Dasa bhariyāyo: dhanakkītā, chandavāsinī, bhogavāsinī, paṭavāsinī, odapattakinī, obhatacumbaṭā, dāsī ca bhariyā ca, kammakārī ca bhariyā ca, dhajābhaṭā, muhuttikā,

Māturakkhitā nāma: mātā rakkhati gopeti issariyaṁ karoti vasaṁ vatteti.

Piturakkhitā nāma: pitā rakkhati gopeti issariyaṁ kāreti vasaṁ vatteti.

Mātāpiturakkhitā nāma: mātāpitaro rakkhanti gopentī issariyaṁ kārenti vasaṁ vattenti.

Bhāturakkhitā nāma: bhātā rakkhati gopeti issariyaṁ kāreti vasaṁ vatteti.

Bhaginirakkhitā nāma: bhagini rakkhati gopeti issariyaṁ karoti vasaṁ vatteti.

Ñātirakkhikā nāma: ñātakā rakkhanti gopenti issariyaṁ kārenti vasaṁ vattenti.
Gottarakkhitā nāma: sagottā rakkhanti gopenti issariyaṁ kārenti vasaṁ vattenti.

[BJT Page 348]

Dhammarakkhitā nāma: sahadhammikā rakkhanti gopenti issariyaṁ kārenti vasaṁ vattenti.
Sārakkhā nāma: gabbhepi pariggahītā hoti 'mayhaṁ esā'ti, antamaso mālāguṇaparikkhittāpi.

Saparidaṇḍā nāma: kehici daṇḍo ṭhapito hoti 'yo itthannāmaṁ itthi gacchati ettako daṇḍo'ti.

[page 140] dhanakkītā nāma: dhanena kiṇitvā vāseti. Vāseti.

Chandavāsinī nāma: piyo piyaṁ vāseti.

Bhogavāsinī nāma: bhogaṁ datvā vāseti.

Paṭavāsinī nāma: paṭaṁ datvā vāseti.

Odapattakinī nāma: udapattaṁ āmasitvā vāseti.

Obhatacumbaṭā-1. Nāma: cumbaṭaṁ oropetvā vāseti.

Dāsī nāma: dāsī ceva hoti bhariyā ca.

Kammakārī nāma: kammakārī ceva hoti bhariyā ca.

Dhajābhaṭā nāma: karamarānītā vuccati.

Muhuttikā nāma: taṅkhaṇikā vuccati.

Nikkhepapadāni.

1. Puriso bhikkhu pahiṇātiṁ2. "Gaccha bhante itthannāmaṁ mātapiturakkhitaṁ brūhi: hohi kira itthannāmassa bhariyā dhanakkītā''ti. Patigaṇhāti. Vīmaṁsati paccāharati,āpatti saṅghādisesassa.

2. Puriso so bhikkhuṁ pahiṇātiṁ: "gaccha bhante itthannāmaṁ piturakkhitaṁ brūhi -pe-mātāpiturakkhitaṁ brūhi -pebhāturakkhitaṁ brūhi -pe-bhaginirakkhitaṁ brūhi -pe-ñātirakkhitaṁ brūhi -pe-gottarakkhitaṁ brūhi -pe- dhammarakkhitaṁ brūhi -pe-sārakkhaṁ brūhi -pe- saparidaṇḍaṁ brūhi -pe- hohi kira itthannāmassa bhariyā dhanakkītā"ti. Patigaṇhāti vīmaṁsati paccāharati, āpatti saṅghādisesassa.
Ohaṭa machasaṁ, 2. Pahiṇati. Machasaṁ,
[BJT Page 350]

3. Puriso bhikkhuṁ pahiṇāti: - "gaccha bhante itthannāmaṁ māturakkhitañca piturakkhitañca brūhi: "hotha kira itthannāmassa bhariyāyo dhanakkītā''ti. Patigaṇhāti vimaṁsati paccāharati,āpatti saṅghādisesassa.
4.Puriso bhikkhuṁ pahiṇāti: "gaccha bhante itthannāmaṁ [PTS Page 1] māturakkhitañca mātāpiturakkhitañca -pe- māturakkhitañca bhāturakkhitañca -pe-māturakkhitañca bhaginirakkhitañca -pe-māturakkhitaṁ ca ñātirakkhitañca -pe-māturakkhitañca gottarakkhitañca -pe-māturakkhitañca dhammarakkhitañca -pe-māturakkhitañca sārakkhañca -pe- māturakkhitañca saparidaṇḍañca brūhi: hotha kira itthannāmassa bhariyāyo dhanakkitā"ti. Patigaṇhāti vīmaṁsati paccāharati, āpatti saṅghādisesassa.

Khaṇḍacakkaṁ.

5. Puriso bhikkhuṁ pahiṇāti: -"gaccha bhante itthannāmaṁ piturakkhitañca mātāpiturakkhitañca brūhi: "hotha kira itthannāmassa bhariyāyo dhanakkītā"ti. Patigaṇhāti vimaṁsati paccāharati, āpatti saṅghadisessasa. 6.Puriso bhikkhuṁ pahiṇāti: ,gaccha bhante itthannāmaṁ piturakkhitañca bhāturakkhitañca -pe- piturakkhitañca bhaginirakkhitañca -pe- piturakkhitañca ñātirakkhitañca -pepiturakkhitañca gottarakkhitañca -pe-piturakkhitañca dhammarakkhitañca -pepiturakkhitañca sārakkhañca -pe- piturakkhitañca saparidaṇḍañca brūhi: "hotha kira itthannāmassa bhariyāyo dhanakkītā"ti. Patigaṇhāti vīmaṁsati paccāharati, āpatti saṅghādisesassa.

7. Puriso bhikkhuṁ pahiṇāti: - "gaccha bhante itthannāmaṁ piturakkhitañca māturakkhitañca brūhi: hotha kira ittannāmassa bhariyāyo dhanakkītā"ti. Patigaṇhāti vīmaṁsati paccāharati, āpatti saṅghādisesassa.
Baddhacakkaṁ

Mūlaṁ saṅkhittaṁ.

8. Puriso bhikkhuṁ pahiṇāti: "gaccha bhante itthannāmaṁ saparidaṇḍañca māturakkhitañca brūhi: hotha kira itthannāmassa bhariyāyo dhanakkītā"ti, patigaṇhāti vīmaṁsati paccāharati, āpatti saṅghādisesassa.

9. Puriso bhikkhuṁ pahiṇāti: "gaccha bhante itthannāmaṁ saparidaṇḍañca, piturakkhitañca -pe- saparidaṇḍañca mātāpiturakkhitañca -pe- saparidaṇḍañca bhāturakkhitañca -pe- saparidaṇḍañca bhaginirakkhitañca -pe- saparidaṇḍañca ñātirakkhitañca -pesaparidaṇḍañca gottarakkhitañca -pe- saparidaṇḍañca dhammarakkhitañca -pesaparidaṇḍañca sārakkhañca brūhi: hotha kira itthannāmassa bhariyāyo dhanakkītā"ti. Patigaṇhāti vīmaṁsati paccāharati, āpatti saṅghādisesassa.

Ekamūlakaṁ niṭṭhitaṁ

[BJT Page 352]

10. Evaṁ dumūlakampi timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi kātabbaṁ. *

Idaṁ dasamūlakaṁ:

11. Puriso bhikkhuṁ pahiṇāti: "gaccha bhante itthannāmaṁ māturakkhitañca pīturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi: hotha kira itthannāmassa bhariyāyo dhanakkītā"ti. Patigaṇhāti vīmaṁsati paccāharati,āpatti saṅghādisesassa. Dhanakkītācakkaṁ-1. Niṭṭhitaṁ

12. Puriso bhikkhuṁ pahiṇāti: "gaccha bhante itthannāmaṁ māturakkhitaṁ brahi. Hohi kira itthannāmassa bhariyā chandavāsinī -pe-bhogavāsinī -pe- paṭavāsinī -pe-odapattakinī -pe-obhatacumbaṭā -pe- dāsī ca bhariyā ca -pe- kammakārī ca bhariyā ca -pe-dhajāhaṭā -pe- muhuttikā"ti. Patigaṇhāti vīmaṁsati paccāharati.Āpatti saṅghādisesassa.

13. Puriso bhikkhuṁ pahiṇāti: "gaccha bhante itthannāmaṁ piturakkhitaṁ brūhi -pe- mātāpiturakkhitaṁ brūhi -pebhāturakkhitaṁ brūhi -pe-bhaginirakkhitaṁ brūhi -pe-ñātirakkhitaṁ brūhi -pe-gottarakkhitaṁ brūhi -pe- dhammarakkhitaṁ brūhi -pe-sārakkhaṁ brūhi -pe- saparidaṇḍaṁ brūhi: hoti kira itthannāmassa bhariyā muhuttikā"ti. Patigaṇhāti vīmaṁsati paccāharati, āpatti saṅghādisesassa.

Nikkhepapadāni.

14. Puriso bhikkhuṁ pahiṇāti: "gaccha bhante itthannāmaṁ māturakkhitañca piturakkhitañca brūhi: hotha kira itthannāmassa bhariyāyo muhuttikā" ti. Patigaṇhāti vīmaṁsati paccāharati, āpatti saṅghādisesassa.

15. Puriso bhikkhuṁ pahiṇāti: "gaccha bhante itthanānāmaṁ māturakkhitañca mātāpiturakkhitañca -pe- māturakkhitañca saparidaṇḍañca brūhi: hotha kira itthannāmassa bhariyāyo muhuttikā"ti. Patigaṇhāti vīmaṁsati paccāharati, āpatti saṅghādisesassa.

Khaṇḍacakkaṁ niṭṭhitaṁ

16. Puriso bhikkhuṁ pahiṇāti: gaccha bhante itthannāmaṁ piturakkhitañca mātāpiturakkhitañca brūhi: "hotha kira itthannāmassa bhariyāyo muhuttikā"ti. Patigaṇhāti vīmaṁsati paccāharati, āpatti saṅghādisesassa.

* Evaṁ dumūlakampi timūlakampi yāva navamūlakaṁ kātabbaṁ ma. Cha. Saṁ.
1. Dhanakkītāitthicakkaṁ sīmu.

[BJT Page 354]

17. Puriso bhikkhuṁ pahiṇāti: "gaccha bhante itthannāmaṁ piturakkhitañca bhāturakkhitañca -pe- piturakkhitañca saparidaṇḍañca brūhi: "hotha kira itthannāmassa bhariyāyo muhuttikā"ti. Patigaṇhāti vīmaṁsati paccāharati, āpatti saṅghādisesassa.

18. Puriso bhikkhuṁ pahiṇāti, "gaccha bhante itthannāmaṁ piturakkhitañca māturakkhitañca brūhi: hotha kira itthannāmassa bhariyāyo muhuttikā"ti. Patigaṇhāti vīmaṁsati paccāharati. Āpatti saṅghādisesassa.

Baddhacakkaṁ.

Mūlaṁ saṅkhittaṁ.

19. Puriso bhikkhuṁ pahiṇāti: "gaccha bhante itthannāmaṁ saparidaṇḍañca māturakkhitañca brūhi: hotha kira itthannāmassa bhariyāyo muhuttikā"ti. Patigaṇhāti vīmaṁsati paccāharati, āpatti saṅghādisesassa.

20. Puriso bhikkhuṁ pahiṇāti: "gaccha bhante itthannāmaṁ saparidaṇḍañca piturakkhitañca -pe- saparidaṇḍañca sārakkhañca brūhi: hotha kira itthannāmassa bhariyāyo muhuttikā"ti. Patigaṇhāti, vīmaṁsati paccāharati āpatti saṅghādisesassa.

Ekamūlakaṁ niṭṭhitaṁ.

21. Evaṁ dumūlakampi, timūlakampi, catumūlakampi, pañcamūlakampi, chamūlakampi, sattamūlakampi, aṭṭhamūlakampi, navamūlakampi kātabbaṁ. *

Idaṁ dasamūlakaṁ:

22. Puriso bhikkhuṁ pahiṇāti: "gaccha bhante itthannāmaṁ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi: hotha kira itthannāmassa bhariyāyo muhuttikā"ti. Patigaṇhāti vīmaṁsati paccāharati, āpatti saṅghādisesassa.

Muhuttikācakkaṁ niṭṭhitaṁ.

*Evaṁ dumūlakampi timūlakampi yāva navamūlakaṁ kātabbaṁ machasaṁ:
Dumūlakādīnipi evameva kātabbāni, sīmu.
1. Muhuttikā itthicakkaṁ. Sīmu.

[BJT Page 356]

23. Puriso bhikkhuṁ pahiṇāti: "gaccha bhante itthannāmaṁ māturakkhitaṁ brūhi: hohi kira itthannāmassa bhariyā dhanakkītā"ti patigaṇhāti vīmaṁsati paccāharati, āpatti saṅghādisesassa.

24. Puriso bhikkhuṁ pahiṇāti: "gaccha bhante itthannāmaṁ māturakkhitaṁ brūhi: hohi kira itthannāmassa bhariyā chandavāsinī -pe- bhogavāsinī, paṭavāsinī, odapattakinī, obhaṭacumbaṭā, -1. Dāsī ca bhariyā ca, kammakārī ca bhariyā ca, dhajāhaṭā, muhuttikā"ti, patigaṇhāti vīmaṁsati paccāharati, āpatti saṅghādisesassa.

Nikkhepapadāni.

25. Puriso bhikkhuṁ pahiṇāti: "gaccha bhante itthannāmaṁ māturakkhitaṁ brūhi: hohi kira itthannāmassa bhariyā dhanakkītā ca chandavāsinī cā"ti. Patigaṇhāti vīmaṁsati paccāharati, āpatti saṅghādisesassa.

26. Puriso bhikkhuṁ pahiṇāti: "gaccha bhante itthannāmaṁ māturakkhitaṁ buhi. Hohi kira itthannāmassa bhariyā dhanakkītā ca bhogavāsinī ca -pe- dhanakkītā ca paṭavāsinī ca -pe-dhanakkītā ca odapattakinī ca -pe-dhanakkītā ca obhaṭacumbaṭā ca -pe-dhanakkītā ca dāsī ca bhariyā ca -pe-dhanakkītā ca kammakārī ca bhariyā ca -pedhanakkītā ca dhajāhaṭā ca -pe-dhanakkītā ca muhuttikā cā"ti, patigaṇhāti vīmaṁsati paccāharati, āpatti saṅghādisesassa.
Khaṇḍacakkaṁ. 27. Puriso bhikkhuṁ pahiṇāti: "gaccha bhante itthannāmaṁ māturakkhitaṁ brūhi: hohi kira itthannāmassa bhariyā chandavāsinī ca bhogavāsinī ca -pe- chandavāsinī ca muhuttikā ca, chandavāsinī ca dhanakkītācā"ti, patigaṇhāti vīmaṁsati paccāharati, āpatti saṅghādisesassa.

Baddhacakkaṁ. Mūlaṁ saṅkhittaṁ

28. Puriso bhikkhuṁ pahiṇāti: "gaccha bhante itthannāmaṁ māturakkhitaṁ brūhi: "hohi kira itthannāmassa bhariyā muhuttikā ca dhanakkītā ca -pe- muhuttikā ca chandavāsinī ca, -pemuhuttikā ca dhajāhaṭā cā"ti, patigaṇhāti vīmaṁsati paccāharati, āpatti saṅghādisesassa.

Ekamūlakaṁ niṭṭhitaṁ.

Evaṁ dumūlakampi yāva navamūlakaṁ kātabbaṁ.

1. Obhatavumbaṭā. Sīmu.
[BJT PAGE 358]

Dasamūlakaṁ:

29. Puriso bhikkhuṁ pahiṇāti: "gaccha bhante, itthannāmaṁ māturakkhitaṁ brūhi: "hoti kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā,ti, patigaṇhāti vīmaṁsati paccāharati,āpatti saṅghādisesassa. Māturakkhitacakkaṁ niṭṭhitaṁ.

30. Puriso bhikkhuṁ pahiṇāti: - "gaccha bhante, itthannāmaṁ piturakkhitaṁ -pe- mātāpiturakkhitaṁ -pe- bhāturakkhitaṁ -pebhaginirakkhitaṁ -pe- ñātirakkhitaṁ -pe-gottarakkhitaṁ -pe-dhammarakkhitaṁ -pe-sārakkhaṁ -pe- saparidaṇḍaṁ brūhi: "hohi kira itthannāmassa bhariyā dhanakkītā" ti, patigaṇhāti vīmaṁsati paccāharati,āpatti saṅghādisesassa.

31. Puriso bhikkhuṁ pahiṇāti: "gaccha bhante itthannāmaṁ saparidaṇḍaṁ brūhi: "hohi kira itthannāmassa bhariyā chandavāsinī -pe- bhogavāsinī -pe- paṭavāsinī -pe-odapattakinī -pe-obhaṭacumbaṭā -pe-dāsī ca bhariyā ca -pe- kammakārī ca bhariyā ca -pe-dhajāhaṭā -pe- muhuttikā"ti, patigaṇhāti vīmaṁsati paccāharati, āpatti saṅghādisesassa.

Nikkhepapadāni.

32. Puriso bhikkhuṁ pahiṇāti: - "gaccha bhante, itthannāmaṁ saparidaṇḍaṁ brūhi: "hohi kira itthannāmassa bhariyā dhanakkītā ca chandavāsinī cā"ti. Patigaṇhāti vīmaṁsati paccāharati, āpatti saṅghādisesassa.

33. Puriso bhikkhuṁ pahiṇāti: - "gaccha bhante, itthannāmaṁ saparidaṇḍaṁ brūhi: "hohi kira itthannāmassa bhariyā dhanakkītā ca bhogavāsinī ca -pe- dhanakkītā ca muhuttikā cā"ti, patigaṇhāti vīmaṁsati paccāharati, āpatti saṅghādisesassa.

Khaṇḍacakkaṁ.
34. Puriso bhikkhuṁ pahiṇāti: "gaccha bhante, itthannāmaṁ saparidaṇḍaṁ brūhi: "hohi kira itthannāmassa bhariyā chandavāsinī ca bhogavāsinī ca -pe- chandavāsinī ca muhuttikā ca -pechandavāsinī ca dhanakkītā cā"ti. Patigaṇhāti vīmaṁsati paccāharati, āpatti saṅghādisesassa.

Baddhacakkaṁ

Mūlaṁ saṅkhittaṁ.

[BJT Page 360]

35. Puriso bhikkhuṁ pahiṇāti: - gaccha bhante, itthannāmaṁ saparidaṇḍaṁ brūhi: "hohi kira itthannāmassa bhariyā muhuttikā ca dhanakkitā ca -pe- muhuttikā ca chandavāsinī ca -pe- muhuttikā ca dhajāhaṭā cā"ti, patigaṇhāti vīmaṁsati paccāharati, āpatti saṅghādisesassa.

Ekamūlakaṁ niṭṭhitaṁ.
Dumūlakampi yāva navamūlakaṁ evameva kātabbaṁ.

Idaṁ dasamūlakaṁ:

36. Puriso bhikkhuṁ pahiṇāti: - "gaccha bhante, itthannāmaṁ saparidaṇḍaṁ brūhi: "hohi kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā"ti, patigaṇhāti vīmaṁsati paccāharati, āpatti saṅghādisesassa.

Saparidaṇḍācakkaṁ niṭṭhitaṁ.

37. Puriso bhikkhuṁ pahiṇāti: "gaccha bhante, itthannāmaṁ māturakkhitaṁ brūhi: "hohi kira itthannāmassa bhariyā dhanakkītā"ti, patigaṇhāti vīmaṁsati paccāharati, āpatti saṅghādisesassa.

38. Puriso bhikkhuṁ pahiṇāti: "gaccha bhante, itthannāmaṁ māturakkhitañca piturakkhitañca brūhi: "hotha kira itthannāmassa bhariyāyo dhanakkitā ca chandavāsinī cā"ti, patigaṇhāti vīmaṁsati paccāharati, āpatti saṅghādisesassa.

39. Puriso bhikkhuṁ pahiṇāti: "gaccha bhante, itthannāmaṁ māturakkhitañca piturakkhitañca mātāpiturakkhitañca brūhi: "hotha kira itthannāmassa bhariyāyo dhanakkitā ca chandavāsinī ca bhogavāsinī cā"ti, patigaṇhāti vīmaṁsati paccāharati, āpatti saṅghādisesassa.

Evaṁ ubhato vaḍḍhamānaṁ-1 kātabbaṁ. 40. Puriso bhikkhuṁ pahiṇāti: "gaccha bhante, itthannāmaṁ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi: "hotha kira itthannāmassa bhariyāyo dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā"ti, patigaṇhāti vīmaṁsati paccāharati, āpatti saṅghādisesassa.

Ubhatovaḍḍhakaṁ niṭṭhitaṁ.
1.Caḍḍhakaṁ machasaṁ sī.Mu.
[BJT PAGE 362. 41.] Purisassa mātā bhikkhuṁ pahiṇāti -pepurisassa pitā bhikkhuṁ pahiṇāti -pe- purisassa mātāpitaro bhikkhuṁ pahiṇanti -pe- purisassa bhātā bhikkhuṁ pahiṇāti -pepurisassa bhaginī bhikkhuṁ pahiṇāti -pe- purisassa ñātakā bhikkhuṁ pahiṇanti, purisassa gottā [page 142] bhikkhuṁ pahiṇanti -pepurisassa sahadhammikā bhikkhuṁ pahiṇanti -pe-

Purisassa peyyālo vitthāretabbo.

Ubhato vaḍḍhakaṁ yathā purimanayo tatheva vitthāretabbaṁ.

42. Mātu rakkhitāya mātā bhikkhuṁ pahiṇāti: - "gaccha bhante, itthannāmaṁ brūhi: "hotu itthannāmassa bhariyā dhanakkītā"ti, patigaṇhāti vīmaṁsati paccāharati, āpatti saṅghādisesassa.

43. Māturakkhitāya mātā bhikkhuṁ pahiṇāti: "gaccha bhante itthannāmaṁ bahi: "hotu itthannāmassa bhariyā chandavāsinī -pebhogavāsinī -pe- paṭavāsinī -pe- odapattakinī -peobhaṭacumbaṭā, . . . Dāsī ca bhariyā ca -pe- kammakārī ca bhariyā ca -pe-dhajāhaṭā -pe- muhuttikā'ti, patigaṇhāti vīmaṁsati paccāharati, āpatti saṅghādisesassa.

Nikkhepapadāni.

44. Māturakkhitāya mātā bhikkhuṁ pahiṇāti: "gaccha bhante, itthannāmaṁ brūhi: "hotu itthannāmassa bhariyā dhanakkītā ca chandavāsinī ca" -pe- dhanakkītā ca bhogavāsinī ca -pedhanakkītā ca muhuttikā cā"ti, patigaṇhāti vīmaṁsati paccāharati, āpatti saṅghadisesassa.

Khaṇḍacakkaṁ

45. Māturakkhitāya mātā bhikkhuṁ pahiṇāti: - "gaccha bhante, itthannāmaṁ brūhi: "hoti itthannāmassa bhariyā chandavāsinī ca bhogavāsinī ca -pe- chandavāsinī ca muhuttikā ca -pechandavāsinī ca dhanakkītā cā"ti, patigaṇhāti vīmaṁsati paccāharati, āpatti saṅghādisesassa. Baddhacakkaṁ.

Mūlaṁ saṅkhittaṁ

46. Māturakkhitāya mātā bhikkhuṁ pahiṇāti: "gaccha bhante itthannāmaṁ brūhi: "hotu itthannāmassa bhariyā muhuttikā ca dhanakkītā ca -pe- muhuttikā ca chandavāsinī ca -pe- muhuttikā ca dhajāhaṭā cā"ti, patigaṇhāti vīmaṁsati paccāharati, āpatti saṅghādisesassa.
Ekamūlakaṁ niṭṭhitaṁ.
Evaṁ dumūlakampi yāva navamūlakaṁ kātabbaṁ.

[BJT Page 364]

Idaṁ dasamūlakaṁ 47. Māturakkhitāya mātā bhikkhuṁ pahiṇāti: ''gaccha bhante, itthannāmaṁ brūhi: "hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā"ti patigaṇhāti vīmaṁsati paccāharati, āpatti saṅghādisesassa.
Mātucakkaṁ niṭṭhitaṁ.

48. Piturakkhitāya pitā bhikkhuṁ pahiṇāti -pe- mātāpiturakkhitāya mātāpitaro bhikkhuṁ pahiṇanti -pe- bhāturakkhitāya bhātā bhikkhuṁ pahiṇāti -pe- bhaginirakkhitāya bhaginī bhikkhuṁ pahiṇāti -peñātirakkhitāya ñātakā bhikkhuṁ pahiṇanti -pe- gottarakkhitāya gottā bhikkhūṁ pahiṇanti -pe- dhammarakkhitāya sahadhammikā bhikkhuṁ pahiṇanti -pe- sārakkhāya yena pariggahitā hoti so bhikkhuṁ pahiṇāti -pe- saparidaṇḍāya yena daṇḍo ṭhapito hoti so bhikkhuṁ pahiṇāti: "gaccha bhante itthannāmaṁ brūhi: "hotu itthannāmassa bhariyā dhanakkītā'ti.Patigaṇhāti vīmaṁsati paccāharati, āpatti saṅghādisesassa; saparidaṇḍāya yena daṇḍo ṭhapito hoti so bhikkhu pahiṇāti, "gaccha bhante. Itthannāmaṁ brūhi: "hoti itthannāmassa bhariyā chandavāsinī -pe- bhogavāsinī -pe- paṭavāsinī -pe- odapattakinī -pe- obhaṭacumbaṭā, dāsī ca bhariyā ca -pe- kammakārī ca bhariyā ca -pe- dhajāhaṭā -pemuhuttikā" ti. Patigaṇhāti vīmaṁsati paccāharati, āpatti saṅghādisesassa.

Nikkhepapadāni.

49. Saparidaṇḍāya yena daṇḍo ṭhapito hoti, so bhikkhuṁ pahiṇāti: "gaccha bhante itthannāmaṁ brūhi: "hotu itthannāmassa bhariyā dhanakkītā ca chandavāsinī ca -pe- dhanakkītā ca bhogavāsinī ca -pe- dhanakkītā ca muhuttikā cā"ti. Patigaṇhāti vīmaṁsati paccāharati,āpatti saṅghādisesassa.

50. Saparidaṇḍāya yena daṇḍo ṭhapito hoti so bhikkhuṁ pahiṇāti: "gaccha bhante itthannāmaṁ brūhi: "hotu itthannāmassa bhariyā chandavāsinī ca bhogavāsinī ca -pechandavāsinī ca muhuttikā ca -pe- chandavāsinī ca dhanakkītā cā"ti. Patigaṇhāti vīmaṁsati paccāharati, āpatti saṅghādisesassa.
Baddhacakkaṁ. Mūlaṁ saṅkhittaṁ. [BJT Page 366]

51. Saparidaṇḍāya yena daṇḍo ṭhapito hoti so bhikkhuṁ pahiṇāti: "gaccha bhante itthannāmaṁ brūhi: "hotu itthannāmassa bhariyā muhuttikā ca dhanakkītā ca -pe-muhuttikā ca chandavāsinī ca -pe- muhuttikā ca dhajāhaṭā cā"ti. Patigaṇhāti vīmaṁsati paccāharati, āpatti saṅghādisesassa.

Ekamūlakaṁ niṭṭhitaṁ.

Dumūlakampi timūlakampi yāva navamūlakaṁ evameva kātabbaṁ.

Idaṁ dasamūlakaṁ:

52. Saparidaṇḍāya yena daṇḍo ṭhapito hoti so bhikkhuṁ pahiṇāti: "gaccha bhante itthannāmaṁ brūhi: "hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca, obhaṭacumbaṭā ca, dāsī ca bhariyā ca, kammakārī ca bhariyā ca, dhajāhaṭā ca, muhuttikā cā"ti. Patigaṇhāti vīmaṁsati paccāharati, āpatti saṅghādisesassa.

Daṇḍaṭhapitacakkaṁ niṭṭhitaṁ.

53. Māturakkhitā bhikkhuṁ pahiṇāti: "gaccha bhante itthannāmaṁ brūhi: "homi itthannāmassa bhariyā dhanakkītā'ti. Patigaṇhāti vīmaṁsati paccāharati, āpatti saṅghādisesassa.

54. Māturakkhitā bhikkhuṁ pahiṇāti: "gaccha bhante itthannāmaṁ brūhi: "homi itthannāmassa bhariyā chandavāsinī -pebhogavāsinī -pe- paṭavāsinī -pe- odapattakinī -peobhaṭacumbaṭā -pe- dāsī ca bhariyā ca -pe- kammakārī ca bhariyā ca dhajāhaṭā -pemuhuttikā"ti. Patigaṇhāti vīmaṁsati paccāharati, āpatti saṅghādisesassa.

Nikkheppadānī.

55. Māturakkhitā bhikkhuṁ pahiṇāti: "gaccha bhante itthannāmaṁ brūhi: "homi itthannāmassa bhariyā dhanakkītātā ca chandavāsinī cā"ti. Patigaṇhāti vīmaṁsati paccāharati, āpatti saṅghādisesassa. Māturakkhitā bhikkhuṁ pahiṇāti: "gaccha bhante itthannāmaṁ brūhi: "homi itthannāmassa bhariyā dhanakkītā ca bhogavāsinī ca -pedhanakkītā ca muhuttikā'ti. Patigaṇhāti vimaṁsatī paccāharati, āpatti saṅghādisesassa.

Khaṇḍacakkaṁ

56. Māturakkhitā bhikkhuṁ pahiṇāti: "gaccha bhante itthannāmaṁ brūhi: "homi itthannāmassa bhariyā chandavāsinī ca bhogavāsinī ca -pe- chandavāsinī ca muhuttikā ca -pe- chandavāsinī ca dhanakkītā cā"ti. Patigaṇhāti vīmaṁsati paccāharati, āpatti saṅghādisesassa.

Baddhacakkaṁ.
Mūlaṁ saṅkhittaṁ.

[BJT Page 368]

57. Māturakkhitā bhikkhuṁ pahiṇāti: "gaccha bhante itthannāmaṁ brūhi: "homi itthannāmassa bhariyā muhuttikā ca dhanakkītā ca -pe- muhuttikā ca chandavāsinī ca -pe- muhuttikā ca dhajāhaṭā cā"ti. Patigaṇhāti vīmaṁsati paccāharati, āpatti saṅghādisesassa.

Ekamūlakaṁ niṭṭhitaṁ.

Dumūlakādinipi evameva kātabbāni.

Idaṁ dasamūlakaṁ:

58. Māturakkhitā bhikkhuṁ pahiṇāti: - "gaccha bhante itthannāmaṁ brūhi: "homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca -pe-bhāturakkhitā ca muhuttikā cā"ti. Patigaṇhāti vīmaṁsati paccāharati, āpatti saṅghādisesassa.

Aparaṁ māturakkhitācakkaṁ niṭṭhitaṁ.
59. Piturakkhitā bhikkhuṁ pahiṇāti -pe- mātāpiturakkhitā bhikkhuṁ pahiṇāti -pe- bhāturakkhitā bhikkhuṁ pahiṇāti -pe- bhaginirakkhitā bhikkhuṁ pahiṇāti -pe- ñātirakkhitā bhikkhuṁ pahiṇāti -pegottarakkhitā bhikkhuṁ pahiṇāti -pe- dhammarakkhitā bhikkhuṁ pahiṇāti -pe- sārakkhā bhikkhuṁ pahiṇāti, -pe- saparidaṇḍā bhikkhuṁ pahiṇāti "gaccha bhante ittannāmaṁ brūhi: "homi itthannāmassa bhariyā dhanakkītā"ti. Patigaṇhāti vīmaṁsati paccāharati, āpatti saṅghādisesassa.

60. Saparidaṇḍā bhikkhuṁ pahiṇāti, "gaccha bhante itthannāmaṁ brūhi: "homi itthannāmassa bhariyā chandavāsinī, bhogavāsinī, paṭavāsinī, odapattakinī, obhaṭacumbaṭā, dāsī ca bhariyā ca, kammakārī ca bhariyā ca, ojāhaṭā, muhuttikā'ti.Patigaṇhāti vīmaṁsati paccāharati, āpatti saṅghādisesassa.

Nikkhepapadāni.

61. Saparidaṇḍā bhikkhuṁ pahiṇāti: - "gaccha bhante itthannāmaṁ brūhi: "homi itthannāmassa bhariyā dhanakkītā ca chandavāsinī ca -pe- dhanakkītā muhuttikā cā'ti. Patigaṇhāti vīmaṁsati paccāharati, āpatti saṅghādisesassa.

Khaṇḍakacakkaṁ.

62. Saparidaṇḍā bhikkhuṁ pahiṇāti: 'gaccha bhante itthannāmaṁ brūhi: "homī itthannāmassa bhariyā chandavāsinī ca bhogavāsinī ca -pe- chandavāsinī ca muhuttikā ca -pe- chandavāsinī ca dhanakkītā cā'ti. Patigaṇhāti vīmaṁsati paccāharati,āpatti saṅghādisesassa. Baddhacakkaṁ. Mūlaṁ saṅkhittaṁ.
[BJT Page 370]

63. Saparidaṇḍā bhikkhuṁ pahiṇāti: "gaccha bhante itthannāmaṁ brūhi: "homi itthannāmassa bhariyā muhuttikā ca dhanakkītā ca -pe- muhuttikā ca chandavāsinī ca -pe- muhuttikā ca dhajāhaṭā cā"ti. Patigaṇhāti vīmaṁsati paccāharati, āpatti saṅghādisesassa.
Ekamūlakaṁ niṭṭhitaṁ
Dumūlakādīnipi evameva kātabbāni.

Idaṁ dasamūlakaṁ:

64. Saparidaṇḍā bhikkhuṁ pahiṇāti: - "gaccha bhante itthannāmaṁ brūhi: "homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca obhaṭavumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā"ti. Patigaṇhāti vīmaṁsati paccāharati, āpatti saṅghādisesassa.

Saparidaṇḍācakkaṁ.

Sabbaṁ cakkapeyyālaṁ niṭṭhitaṁ.

65. Patigaṇhāti vīmaṁsati paccāharati, āpatti saṅghādisesassa.

Patigaṇhāti vīmaṁsati na paccāharati, āpatti thullaccayassa.

[page 143] patigaṇhāti na vīmaṁsati paccāharati, āpatti thullaccayassa.

Patigaṇhāti na vīmaṁsati, na paccāharati, āpatti dukkaṭassa.

Na patigaṇhāti vīmaṁsati paccāharati, āpatti thullaccayassa.

Na patigaṇhāti vīmaṁsati na paccāharati, āpatti dukkaṭassa.

Na patigaṇhāti na vīmaṁsati paccāharati, āpatti dukkaṭassa.

Na patigaṇhāti na vīmaṁsati na paccāharati, anāpatti.

66. Puriso sambahule bhikkhū āṇāpeti: - "gacchatha bhante itthannāmaṁ itthiṁ vīmaṁsathā"ti. Sabbe patigaṇhanti sabbe vīmaṁsanti sabbe paccāharanti, āpatti sabbesaṁ saṅghādisesassa.

67. Puriso sambahule bhikkhū āṇāpeti: - "gacchatha bhante itthannāmaṁ itthiṁ vīmaṁsathāti. " Sabbe patigaṇhanti sabbe vīmaṁsanti ekaṁ paccāharāpenti, āpatti sabbesaṁ saṅghādisesassa.
68. Puriso sambahule bhikkhū āṇāpeti: - "gacchatha bhante itthannāmaṁ itthiṁ vīmaṁsathā"ti. Sabbe patigaṇhanti ekaṁ vīmaṁsāpetvā sabbe paccāharanti, āpatti sabbesaṁ saṅghādisesassa.
[BJT Page 372]

69. Puriso sambahule bhikkhū āṇāpeti: - "gacchatha bhante itthannāmaṁ itthiṁ vīmaṁsathā"ti. Sabbe patigaṇhanti ekaṁ vīmaṁsāpetvā ekaṁ paccāharāpenti, āpatti sabbesaṁ saṅghādisesassa.

70. Puriso bhikkhuṁ āṇāpeti: - "gaccha bhante itthannāmaṁ itthiṁ vīmaṁsā"ti. Patigaṇhāti vīmaṁsati paccāharati, āpatti saṅghādisesassa.

71. Puriso bhikkhūṁ āṇāpeti: - "gaccha bhante itthannāmaṁ itthiṁ vīmaṁsā"ti. Patigaṇhāti vīmaṁsati antevāsiṁ paccāharāpeti. Āpatti saṅghādisesassa.

72. Puriso bhikkhūṁ āṇāpeti: - "gaccha bhante itthannāmaṁ itthiṁ vīmaṁsā'ti. Patigaṇhāti, antevāsiṁ vīmaṁsāpetvā attanā paccāharati, āpatti saṅghādisesassa.

73. Puriso bhikkhuṁ āṇāpeti: - "gaccha bhante itthannāmaṁ itthiṁ vīmaṁsā"ti. Patigaṇhāti antevāsiṁ vīmaṁsāpeti, antevāsī vīmaṁsitvā bahiddhā paccāharati, āpatti ubhinnaṁ thullaccayassa.

74. Gacchanto sampādeti, āgacchanto vīsaṁvādeti, āpatti thullaccayassa. Gacchanto vīsaṁvādeti, āgacchanto sampādeti. Āpatti thullaccayassa. Gacchanto sampādeti, āgacchanto sampādeti, āpatti saṅghādisesassa. Gacchanto vīsaṁvādeti, āgacchanto vīsaṁvādeti, anāpatti.

75. Anāpatti saṅghassa vā cetiyassa vā gilānassa vā karaṇiyena gacchati, ummattakassa, ādikammikassāti.

Vinītavatthu

Uddānagāthā:

Suttā matā ca nikkhantā anitthi itthipaṇḍakā,
Kalahaṁ katvāna sammodi sañcarittañca paṇḍaketi.

1. Tena kho pana samayena aññataro puriso aññataraṁ bhikkhuṁ [page 144] āṇāpesi: - "gaccha bhante itthannāmaṁ itthiṁ vīmaṁsā"ti. So gantvā manusse pucchi: - "kahaṁ itthannāmā"ti "suttā bhante"ti tassa kukkuccaṁ ahosi. "Kacci nu kho ahaṁ saṅghādisesaṁ āpattiṁ āpanno"ti. Bhagavato etamatthaṁ ārocesi -pe- "anāpatti bhikkhu saṅghādisesassa; āpatti dukkaṭassā'ti [BJT Page 374]

2. Tena kho pana samayena aññataro puriso aññataraṁ bhikkhuṁ āṇāpesi: "gaccha bhante itthannāmaṁ itthiṁ vīmaṁsā"ti. So gantvā manusse pucchi: "kahaṁ itthannāmā"ti "matā bhante"ti -pe- "nikkhantā bhante"ti, "itthipaṇḍakā bhante"ti. Tassa kukkuccaṁ ahosi -pe- anāpatti bhikkhu saṅghādisesassa; āpatti dukkaṭassāti. (2. 5)

3. Tena kho pana samayena aññatarā itthī sāmikena saha bhaṇḍitvā mātugharaṁ agamāsi. Kulupago bhikkhu sammodanīyaṁ akāsi. Tassa kukkuccaṁ ahosi -pe- "alaṁvacanīyā bhikkhu"ti? "Nālaṁvacanīyā bhagavā"ti anāpatti bhikkhu nālaṁvacanīyāyā"ti. (6)

4. Tena kho pana samayena aññataro bhikkhu paṇḍake sañcarittaṁ samāpajji. Tassa kukkuccaṁ ahosi:
Kacci nu kho ahaṁ saṅghādisesaṁ āpattiṁ āpannoti. Bhagavato etamatthaṁ ārocesi -pe- "anāpatti bhikkhu saṅghādisesassa; āpatti thullaccayassā"ti. (7)

Sañcaritta sikkhāpadaṁ niṭṭhitaṁ

3. 6.
Kuṭikārasikkhāpadaṁ

11. Tena samayena buddho bhagavā rājagahe viharati veḷuvane kalandakanivāpe. Tena kho pana samayena āḷavakā bhikkhū saññācikāyo kuṭiyo kārāpenti assāmikāyo attuddesikāyo appamāṇikāyo, tāyo na niṭṭhānaṁ gacchanti. Te yācanabahulā viññattibahulā viharanti: "purisaṁ detha, purisatthakaraṁ detha, goṇaṁ detha, sakaṭaṁ detha, vāsiṁ detha, pharasuṁ detha, kuṭhāriṁ detha, kuddālaṁ detha, nikhādanaṁ detha, valliṁ detha, vephaṁ detha, muñjaṁ detha, babbajaṁ detha, tiṇaṁ detha, mattikaṁ dethā"ti. Manussā upaddutā yācanāya, upaddutā viññattiyā bhikkhū disvā ubbijjantipi uttasantipi palāyantipi aññenapi gacchanti aññenapi mukhaṁ karonti dvārampi thakenti, gāvimpi disvā palāyanti, [page 145] bhikkhū maññamānā.

12. Atha kho āyasmā mahākassapo rājagahe vassaṁ vuttho yena āḷavi tena pakkāmi. Anupubbena yena āḷavi tadavasari. Tatra sudaṁ āyasmā mahākassapo āḷaviyaṁ viharati aggālave cetiye. Atha kho āyasmā mahākassapo pubbaṇhasamayaṁ nivāsetvā pattacīvaramādāya āḷaviṁ piṇḍāya pāvisi. Manussā āyasmantaṁ mahākassapaṁ passitvā ubbijjantipi uttasantipi palāyantipi aññenapi gacchanti aññenapi mukhaṁ karonti dvārampi thakenti. Atha kho āyasmā mahākassapo āḷaviyaṁ piṇḍāya caritvā pacchābhattaṁ piṇḍapātapaṭikkanto bhikkhū āmantesi:

[BJT Page 376]

"Pubbāyaṁ āvuso āḷavi subhikkhā ahosi sulabhapiṇḍā sukarā uñchena paggahena yāpetuṁ. Etarahi panāyaṁ āḷavi dubbhikkhā dullabhapiṇḍā na sukarā uñchena paggahena yāpetuṁ. Ko nu kho āvuso hetu ko paccayo yenāyaṁ āḷavi dubbhikkhā dullabhapiṇḍā na sukarā uñchena paggahena yāpetu"nti. Atha kho te bhikkhū āyasmato mahākassapassa etamatthaṁ ārocesuṁ.

3. Atha kho bhagavā rājagahe yathābhirantaṁ viharitvā yena āḷavi tena cārikaṁ pakkāmi. Anupubbena cārikaṁ caramāno yena āḷavi tadavasari. Tatra sudaṁ bhagavā āḷaviyaṁ viharati aggālave cetiye. Atha kho āyasmā mahākassapo yena bhagavā, tenupasaṅkami. Upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahākassapo bhagavato etamatthaṁ ārocesi.

4. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āḷavake bhikkhū paṭipucchi: "saccaṁ kira tumhe bhikkhave saññācikāyo kuṭiyo kārāpetha assāmikāyo attuddesikāyo appamāṇikāyo, tāyo na niṭṭhānaṁ gacchanti. Te tumhe yācanabahulā viññattibahulā viharatha, purisaṁ detha, purisatthakaraṁ detha, -pe- tiṇaṁ detha, mattikaṁ dethā"ti. Manussā upaddutā yācanāya, upaddutā viññattiyā bhikkhū disvā ubbijjantipi uttasantipi palāyantipi aññenapi gacchanti aññenapi mukhaṁ karonti dvārampi thakenti, gāvimpi disvā palāyanti bhikkhū maññamānā"ti. "Saccaṁ bhagavā".

5. Vigarahi buddho bhagavā: "kathaṁ hi nāma tumhe moghapurisā saññācikāyo kuṭiyo kārāpessatha assāmikāyo attuddesikāyo appamāṇikāyo, tāyo na niṭṭhānaṁ gacchanti. Te tumhe yācanabahulā viññattibahulā viharissatha: purisaṁ detha purisatthakaraṁ detha -pe- tiṇaṁ detha mattikaṁ dethā"ti. Netaṁ moghapurisā appasannānaṁ vā pasādāya -pe- vigarahitvā dhammiṁ kathaṁ katvā bhikkhū āmantesi:

[BJT Page 378]

6. Bhūtapubbaṁ bhikkhave dve bhātaro isayo gaṅgaṁ nadiṁ upanissāya vihariṁsu. Atha kho bhikkhave maṇikaṇṭho [page 146] nāgarājā gaṅgaṁ nadiṁ uttaritvā yena kaṇiṭṭho isi tenupasaṅkami upasaṅkamitvā kaṇiṭṭhaṁ isiṁ sattakkhattuṁ bhogehi parikkhipitvā upari muddhani mahantaṁ phaṇaṁ karitvā aṭṭhāsi. Atha kho bhikkhave kaṇiṭṭho isi tassa nāgassa bhayā kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. Addasā kho bhikkhave jeṭṭho isi kaṇiṭṭhaṁ isiṁ kisaṁ lūkhaṁ dubbaṇṇaṁ uppaṇḍuppaṇḍukajātaṁ dhamanisanthatagattaṁ, disvāna kaṇiṭṭhaṁ isiṁ etadavoca: "kissa tvaṁ bho kiso lūkho dubbaṇṇo uppaṇḍuppaṇḍukajāto dhamanisatthatagatto"ti. Idha bho maṇikaṇṭho nāgarājā gaṅgaṁ nadiṁ uttaritvā yenāhaṁ tenupasaṅkami. Upasaṅkamitvā maṁ sattakkhattuṁ bhogehi parikkhipitvā upari muddhani mahantaṁ phaṇaṁ karitvā aṭṭhāsi. Tassāhaṁ bho nāgassa bhayā'mhi kiso lūkho dubbaṇṇo uppaṇḍuppaṇḍukajāto dhamanisanthatagatto"ti. "Icchasi pana tvaṁ bho tassa nāgassa anāgamananti. " "Icchāmahaṁ bho tassa nāgassa anāgamananti. " "Api pana tvaṁ bho tassa nāgassa kiñci passasī"ti. "Passāmahaṁ bho maṇissa kaṇṭhe pilandhana"nti. "Tena hi tvaṁ bho taṁ nāgaṁ maṇiṁ yāca, maṇiṁ me bho dehi, maṇinā me attho"ti.

7. Atha kho bhikkhave maṇikaṇṭho nāgarājā gaṅgaṁ nadiṁ uttaritvā yena kaṇiṭṭho isi tenupasaṅkami. Upasaṅkamitvā ekamantaṁ aṭṭhāsi. Ekamantaṁ ṭhitaṁ kho bhikkhave maṇikaṇṭhaṁ nāgarājānaṁ kaṇiṭṭho isi etadavoca: "maṇiṁ me bho dehi, maṇinā me attho"ti. Atha kho bhikkhave maṇikaṇṭho nāgarājā "bhikkhu maṇiṁ yācati, bhikkhussa maṇinā attho"ti khippaññeva agamāsi. Dutiyampi kho bhikkhave maṇikaṇṭho nāgarājā gaṅgaṁ nadiṁ uttaritvā yena kaṇiṭṭho isi tenupasaṅkami. Addasā kho bhikkhave kaṇiṭṭho isi maṇikaṇṭhaṁ nāgarājānaṁ dūratova āgacchantaṁ disvāna maṇikaṇṭhaṁ nāgarājānaṁ etadavoca: "maṇiṁ me bho dehi, maṇinā me attho"ti. Atha kho bhikkhave maṇikaṇṭho nāgarājā "bhikkhu maṇiṁ yācati, bhikkhussa maṇinā attho"ti tatova paṭinivatti. Tatiyampi kho bhikkhave maṇikaṇṭho nāgarājā gaṅgaṁ nadiṁ uttarati. Addasā kho bhikkhave kaṇiṭṭho isi maṇikaṇṭhaṁ nāgarājānaṁ gaṅgaṁ nadiṁ uttarantaṁ. Disvāna maṇikaṇṭhaṁ nāgarājānaṁ etadavoca: "maṇiṁ me bho dehi, maṇinā me attho"ti. Atha kho bhikkhave maṇikaṇṭho nāgarājā kaṇiṭṭhaṁ isiṁ gāthāhi ajjhabhāsi:

[page 147] "mamannapānaṁ vipulaṁ uḷāraṁ uppajjatīmassa maṇissa hetu,
Taṁ te na dassaṁ atiyācako'si na cāpi te assamamāgamissaṁ.

Sūsū yathā sakkharadhotapāṇi tāsesi maṁ selaṁ yācamāno,
Taṁ te na dassaṁ atiyācako'si na cāpi te assamamāgamissa"nti.

[BJT Page 380]

8. Atha kho bhikkhave maṇikaṇṭho nāgarājā "bhikkhu maṇiṁ yācati bhikkhussa maṇinā attho"ti pakkāmi. Tadā pakkanto pakkantova-1 ahosi, na puna paccāgañchi. Atha kho bhikkhave kaṇiṭṭho isi tassa nāgassa dassanīyassa adassanena bhiyyosomattāya kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. Addasā kho bhikkhave jeṭṭho isi kaṇiṭṭhaṁ isiṁ bhīyyosomattāya kisaṁ lukhaṁ dubbaṇṇaṁ uppaṇḍuppaṇḍukajātaṁ dhamanisanthatagattaṁ. Disvāna kaṇiṭṭhaṁ isiṁ etadavoca: "kissa tvaṁ bho bhiyyosomattāya kiso lukho dubbaṇṇo uppaṇḍuppaṇḍukajāto dhamanisanthatagatto"ti. Tassāhaṁ bho nāgakassa dassanīyassa adassanena. Bhiyyosomattāya kiso lukho dubbaṇṇo uppaṇḍuppaṇḍukajāto dhamanisanthatagatto"ti. Atha kho bhikkhave jeṭṭho isi kaṇiṭṭhaṁ isiṁ gāthāya ajjhabhāsi: -

"Na taṁ yāce yassa piyaṁ jigiṁse-2 desso-3 hoti atiyācanāya,
Nāgo maṇiṁ yācito brāhmaṇena adassanaññeva tadajjhagamāti.

Tesaṁ hi nāma bhikkhave tiracchānagatānaṁ pāṇānaṁ amanāpā bhavissati yācanā amanāpā viññatti. Kimaṅga-4 pana manussabhūtānaṁ.
9. Bhūtapubbaṁ bhikkhave aññataro bhikkhu himavantapasse viharati aññatarasmiṁ vanasaṇḍe. Tassa kho pana bhikkhave vanasaṇḍassa avidūre mahantaṁ ninnaṁ pallalaṁ. Atha kho bhikkhave mahāsakuṇasaṅgho tasmiṁ pallale divasaṁ gocaraṁ caritvā sāyaṁ taṁ vanasaṇḍaṁ vāsāya upagacchati. Atha kho bhikkhave so bhikkhu tassa sakuṇasaṅghassa saddena ubbāḷehā yenāhaṁ tenupasaṅkami. Upasaṅkamitvā maṁ abhivādetvā ekamantaṁ nisīdi. Ekamantaṁ nisinnaṁ kho ahaṁ bhikkhave taṁ bhikkhuṁ etadavoca [page 148] "kacci bhikkhu khamanīyaṁ, kacci yāpanīyaṁ, kaccisi appakilamathena addhānaṁ āgato, kuto ca tvaṁ bhikkhu āgacchasī"ti. "Khamanīyaṁ bhagavā, yāpanīyaṁ bhagavā, appakilamathena cāhaṁ bhante addhānaṁ āgato. Atthi bhante himavantapasse mahāvanasaṇḍo. Tassa kho pana bhante vanasaṇḍassa avidūre mahantaṁ ninnaṁ pallalaṁ. Atha kho bhante mahāsakuṇasaṅgho tasmiṁ pallale divasaṁ gocaraṁ caritvā sāyaṁ taṁ vanasaṇḍaṁ vāsāya upagacchati. Tato ahaṁ bhagavā āgacchāmi tassa sakuṇasaṅghassa saddena ubbāḷehā"ti. "Icchasi pana tvaṁ bhikkhu tassa sakuṇasaṅghassa anāgamana"nti. "Icchāmahaṁ bhagavā tassa sakuṇasaṅghassa anāgamana"nti. "Tena hi tvaṁ bhikkhu tattha gantvā taṁ vanasaṇḍaṁ ajjhogahetvā rattiyā paṭhamaṁ yāmaṁ tikkhattuṁ saddamanussāvehi: "suṇantu me bhonto sakuṇā, yāvatikā imasmiṁ vanasaṇḍe vāsaṁ upagatā pattena me attho, ekekaṁ me bhonto pattaṁ dadantu"ti. Rattiyā majjhimaṁ yāmaṁ -perattiyā pacchimaṁ yāmaṁ tikkhattuṁ saddamanussāvehi; "suṇantu me bhonto sakuṇā yāvatikā imasmiṁ vanasaṇḍe vāsaṁ upagatā, pattena me attho, ekekaṁ me bhonto pattaṁ dadantu"ti.

1. Tathā pakkantova, machasa. Tadā pakkannoca sīmu.
2. Jigīse, machasaṁ
3. Videsso, machasaṁ. Desso ca, syā.
4. Kimaṅgaṁ, machasaṁ.

[BJT Page 382]

10. Atha kho bhikkhave so bhikkhu tattha gantvā taṁ vanasaṇḍaṁ ajjhogahetvā rattiyā paṭhamaṁ yāmaṁ tikkhattuṁ saddamanussāvesi: "suṇantu me bhonto sakuṇā yāvatikā imasmiṁ vanasaṇḍe vāsaṁ upagatā, pattena me attho, ekekaṁ me bhonto pattaṁ dadantu"ti. Rattiyā majjhimaṁ yāmaṁ -perattiyā pacchimaṁ yāmaṁ tikkhattuṁ saddamanussāvesi: "suṇantu me bhonto sakuṇā yāvatikā imasmiṁ vanasaṇḍe vāsaṁ upagatā, pattena me attho, ekekaṁ me bhonto pattaṁ dadantu"ti. Atha kho bhikkhave so sakuṇasaṅgho bhikkhu pattaṁ yācati. Bhikkhussa pattena attho"ti. Tambhā vanasaṇḍā pakkāmi. Tadā pakkanto pakkantova ahosi. Na puna paccāgañji. Tesaṁ hi nāma bhikkhave tiracchānagatānaṁ pāṇānaṁ amanāpā bhavissati yācanā amanāpā viññatti, kimaṅga pana manussabhūtānaṁ.

11. Bhūtapubbaṁ bhikkhave raṭṭhapālassa kulaputtassa pitā raṭṭhapālaṁ kulaputtaṁ gāthāya ajjhabhāsi:

"Apāhaṁ te na jānāmi raṭṭhapāla bahujjanā,
Te maṁ saṅgamma yācanti kasmā maṁ tvaṁ na yācasīti.

Yācako appiyo hoti yācaṁ addamappiyo,
Tasmāhaṁ taṁ na yācāmi mā me viddesanā-1 ahū"ti.

12. So hi nāma bhikkhave raṭṭhapālo kulaputto sakaṁ pitaraṁ evaṁ vakkhati kimaṅga pana jano janaṁ. Gihīnaṁ hi bhikkhave dussaṁharāni bhogāni saṁbhatāni'pi-2 [page 149] duranurakkhiyāni. Tattha nāma tumhe moghapurisā evaṁ dussaṁharesu bhogesu saṁbhatesupi-3 duranurakkhiyesu yācanabahulā viññattibahulā viharissatha: "purisaṁ detha, purisatthakaraṁ detha, goṇaṁ detha, sakaṭaṁ detha, vāsiṁ detha: pharasuṁ-4 detha, kuṭhāriṁ detha, kuddālaṁ detha, nikhādanaṁ detha, valliṁ detha. Vephaṁ detha muñjaṁ detha, babbajaṁ detha, tiṇaṁ detha, mattikaṁ dethā"ti. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

"Saññācikāya pana bhikkhunā kuṭiṁ kārayamānena assāmikaṁ attuddesaṁ pamāṇikā kāretabbā. Tatiradaṁ pamāṇaṁ: dīghaso dvādasavidatthiyo sugatavidatthiyā tiriyaṁ sattantarā, bhikkhū abhinetabbā vatthudesanāya. Tehi bhikkhūhi vatthuṁ desetabbaṁ anārambhaṁ saparikkamanaṁ. Sārambhe ce bhikkhu vatthusmiṁ aparikkamane saññācikāya kuṭiṁ kāreyya bhikkhū vā anabhineyya vatthudesanāya pamāṇaṁ vā atikkāmeyya saṅghādiseso"ti.

13. Saññācikā nāma: sayaṁ yācitvā purisampi purisatthakarampi goṇampi sakaṭampi vāsimpi pharasumpi kuṭhārimpi kuddālampi nikhādanampi vallimpi vephampi muñjampi babbajampi tiṇampi mattikampi.

Kuṭināma: ullittā vā hoti avalittā vā ullittāvallittā vā.

Kārayamānenāti karontena vā kārāpentena vā.

1. Videssanā. Machasaṁ. Sī. Mu. 2. Saṁhatānipi. Sī. Mu. 3. Saṁhatesupi. Sīmu. 4. Parasuṁ machasaṁ. Sī. Mu.

[BJT Page 384]

Assāmikanti na añño koci sāmiko hoti itthī vā puriso vā gahaṭṭho vā pabbajito vā

Attuddesanti attano atthāya.

Pamāṇikā kāretabbā tatiradaṁ pamāṇaṁ: dighaso dvādasa vidatthiyo sugatavidatthiyā ti bāhirimena mānena.

Tiriyaṁ sattantarā ti abbhantarimena mānena.

Bhikkhu abhinetabbā vatthu desanāyāti - tena kuṭikārakena bhikkhunā kuṭivatthuṁ sodhetvā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ahaṁ bhante saññācikāya kuṭiṁ kattukāmo assāmikaṁ attuddesaṁ. Sohaṁ bhante saṅghaṁ kuṭivatthu olokanaṁ yācāmi"ti. Dutiyampi yācitabbo. Tatiyampi [page 150] yācitabbo. Sace sabbo saṅgho ussahati kuṭivatthuṁ oloketuṁ, sabbena saṅghena oloketabbaṁ. No ce sabbo saṅgho ussahati kuṭivatthuṁ oloketuṁ, ye tattha honti bhikkhū vyattā paṭibalā sārambhaṁ anārambhaṁ saparikkamanaṁ aparikkamanaṁ jānituṁ, te yācitvā sammannitabbā. Evañca pana bhikkhave sammantitabbā vyattena bhikkhunā paṭibalena saṅgho ñāpetabbo:
"Suṇātu me bhante saṅgho ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ, so saṅghaṁ kuṭivatthu olokanaṁ yācati. Yadi saṅghassa pattakallaṁ, saṅgho itthannāmañca itthannāmañca bhikkhū sammanneyya itthannāmassa bhikkhuno kuṭivatthuṁ oloketuṁ. Esā ñatti.

Suṇātu me bhante saṅgho. Ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ, so saṅghaṁ kuṭivatthuolokanaṁ yācati, saṅgho itthannāmañca itthannāmañca bhikkhū sammannati itthannāmassa bhikkhuno kuṭivatthuṁ oloketuṁ, yassāyasmato khamati itthannāmassa ca itthannāmassa ca bhikkhūnaṁ sammati-1. Itthannāmassa bhikkhuno kuṭivatthuṁ oloketuṁ. So tuṇhassa. Yassa nakkhamati, so bhāseyya.
Sammatā saṅghena itthannāmo ca itthannāmo ca bhikkhu itthannāmassa bhikkhuno kuṭivatthuṁ oloketuṁ. Khamati saṅghassa. Tasmā tuṇhī. Evametaṁ dhārayāmī"ti.

1. Sammuti. Machasaṁ
[BJT Page 386]

Tehi sammatehi bhikkhūhi tattha gantvā kuṭivatthu oloketabbaṁ sārambhaṁ anārambhaṁ, saparikkamanaṁ aparikkamanaṁ jānitabbaṁ. Sace sārambhaṁ hoti aparikkamanaṁ, mā idha karīti vattabbo. Sace anārambhaṁ hoti saparikkamanaṁ saṅghassa ārocetabbaṁ anārambhaṁ saparikkamananti. Tena kuṭikārakena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ahaṁ bhante saññacikāya kuṭiṁ kattukāmo assāmikaṁ attuddesaṁ, sohaṁ bhante saṅghaṁ kuṭivatthudesanaṁ yācāmī"ti. Dutiyampi yācitabbo. Tatiyampi yācitabbo. Vyattena bhikkhunā paṭibalena saṅgho ñāpetabbo:

"Suṇātu me bhante saṅgho ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ, so saṅghaṁ kuṭivatthudesanaṁ yācati. Yadi saṅghassa pattakallaṁ saṅgho itthannāmassa bhikkhuno kuṭivatthuṁ deseyya. Esā ñatti.

Suṇātu me bhante saṅgho ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ, so saṅghaṁ kuṭivatthudesanaṁ yācati, [page 151] saṅgho itthannāmassa bhikkhuno kuṭivatthuṁ deseti, yassāyasmato khamati itthannāmassa bhikkhuno kuṭivatthussa desanā so tuṇhassa, yassa nakkhamati so bhāseyya.

Desitaṁ saṅghena itthannāmassa bhikkhuno kuṭivatthu. Khamati saṅghassa, tasmā tuṇhī. Evametaṁ dhārayāmī"ti.

Sārambhaṁ nāma: kipillikānaṁ vā āsayo hoti. Upacikānaṁ vā āsayo hoti. Undurānaṁ vā āsayo hoti. Ahīnaṁ vā āsayo hoti. Vicchikānaṁ vā āsayo hoti. Satapadīnaṁ vā āsayo hoti. Hatthinaṁ vā āsayo hoti. Sīhānaṁ vā āsayo hoti. Vyagghānaṁ vā āsayo hoti. Dīpīnaṁ vā āsayo hoti. Acchānaṁ vā āsayo hoti. Taracchānaṁ vā āsayo hoti. Yesaṁ kesañci tiracchānagatānaṁ pāṇānaṁ āsayo hoti. Pubbannanissitaṁ vā hoti. Aparannanissitaṁ vā hoti. Abbhāghātanissitaṁ vā hoti. Āghātanissitaṁ vā hoti susānanissitaṁ vā hoti. Uyyānanissitaṁ vā hoti. Rājavatthunissitaṁ vā hoti. Hatthisālānissītaṁ vā hoti. Assasālānissitaṁ vā hoti. Bandhanāgāranissitaṁ vā hoti. Pānāgāranissitaṁ vā hoti. Sūnānissitaṁ vā hoti. Racchānissitaṁ vā hoti. Caccaranissitaṁ vā hoti. Sabhānissitaṁ vā hoti. Saṁsaraṇa-1 nissitaṁ vā hoti. Etaṁ sārambhaṁ nāma:

Aparikkamanaṁ nāma: na sakkā hoti yathāyuttena sakaṭena anuparigantuṁ, samantā nisseniyā anuparigantuṁ. Etaṁ aparikkamanaṁ nāma.

1. Sañcaraṇa, aṭṭhakathā.

[BJT Page 388]

Anārambhaṁ nāma: na kipillikānaṁ vā āsayo hoti -pe- na saṁsaraṇanissitaṁ vā hoti. Etaṁ anārambhaṁ nāma.

Saparikkamanaṁ nāma: sakkā hoti yathā yuttena sakaṭena anuparigantuṁ, samantā nisseniyā anuparigantuṁ, etaṁ saparikkamanaṁ nāma.

Saññācikā nāma: sayaṁ yācitvā purisampi purisatthakarampi -pemattikampi.

Kuṭi nāma: ullittā vā hoti avalittā vā ullittāvalittā vā. Kareyyāti karoti vā kārāpeti vā.

Bhikkhū vā anabhineyya vatthudesanāya pamāṇaṁ vā atikkāmeyyāti: ñattidutiyena kammena kuṭivatthuṁ na desāpetvā āyāmato vā vitthārato vā antamaso kesaggamattampi atikkāmetvā karoti vā kārāpeti vā payoge payoge dukkaṭaṁ, ekaṁ piṇḍaṁ anāgate āpatti thullaccayassa; tasmiṁ piṇḍe āgate āpatti saṅghādisesassa.

Saṅghādisesoti -pe- tenapi vuccati saṅghādisesoti.
1. [page 152] bhikkhu kuṭiṁ karoti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ,
Bhikkhu kuṭiṁ karoti adesitavatthukaṁ sārambhaṁ saparikkamanaṁ, āpatti saṅghādisesena dukkaṭassa.

Bhikkhu kuṭiṁ karoti adesitavatthukaṁ anārambhaṁ aparikkamanaṁ, āpatti saṅghādisesena dukkaṭassa.

Bhikkhu kuṭiṁ karoti adesitavatthukaṁ anārambhaṁ saparikkamanaṁ, āpatti saṅghādisesassa.

Bhikkhu kuṭiṁ karoti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ,
Bhikkhu kuṭiṁ karoti desitavatthukaṁ sārambhaṁ saparikkamanaṁ, āpatti dukkaṭassa.

Bhikkhu kuṭiṁ karoti desitavatthukaṁ anārambhaṁ aparikkamanaṁ, āpatti dukkaṭassa.
Bhikkhu kuṭiṁ karoti desitavatthukaṁ anārambhaṁ saparikkamanaṁ, anāpatti.

Bhikkhu kuṭiṁ karoti pamāṇātikkantaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ.

[BJT Page 390]

Bhikkhu kuṭiṁ karoti pamāṇātikkantaṁ sārambhaṁ saparikkamanaṁ, āpatti saṅghādisesena dukkaṭassa.

Bhikkhu kuṭiṁ karoti pamāṇātikkantaṁ anārambhaṁ aparikkamanaṁ, āpatti saṅghādisesena dukkaṭassa.

Bhikkhu kuṭiṁ karoti pamāṇātikkantaṁ anārambhaṁ saparikkamanaṁ, āpatti saṅghādisesassa

Bhikkhu kuṭiṁ karoti pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ.
Bhikkhu kuṭiṁ karoti pamāṇikaṁ sārambhaṁ saparikkamanaṁ, āpatti dukkaṭassa.

Bhikkhu kuṭiṁ karoti pamāṇikaṁ anārambhaṁ aparikkamanaṁ, āpatti dukkaṭassa.

Bhikkhu kuṭiṁ karoti pamāṇikaṁ anārambhaṁ saparikkamanaṁ, anāpatti.

Bhikkhu kuṭiṁ karoti adesitavatthukaṁ pamāṇātikkantaṁ sārambhaṁ aparikkamanaṁ, āpatti dvinnaṁ saṅghādisesena dvinnaṁ dukkaṭānaṁ

Bhikkhu kuṭiṁ karoti adesitavatthukaṁ pamāṇātikkantaṁ sārambhaṁ saparikkamanaṁ, āpatti dvinnaṁ saṅghādisesena dukkaṭassa.

Bhikkhu kuṭiṁ karoti adesitavatthukaṁ pamāṇātikkantaṁ anārambhaṁ aparikkamanaṁ, āpatti dvinnaṁ saṅghādisesena dukkaṭassa.

Bhikkhu kuṭiṁ karoti adesitavatthukaṁ pamāṇātikkantaṁ anārambhaṁ saparikkamanaṁ, āpatti dvinnaṁ saṅghādisesānaṁ.

[page 153] bhikkhu kuṭiṁ karoti desitavatthukaṁ pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ.

Bhikkhu kuṭiṁ karoti desitavatthukaṁ pamāṇikaṁ sārambhaṁ saparikkamanaṁ, āpatti dukkaṭassa.
Bhikkhu kuṭiṁ karoti desitavatthukaṁ pamāṇikaṁ anārambhaṁ aparikkamanaṁ, āpatti dukkaṭassa.
Bhikkhu kuṭiṁ karoti desitavatthukaṁ pamāṇikaṁ anārambhaṁ saparikkamanaṁ, anāpatti.
[BJT Page 392]

2. Bhikkhu samādisati kuṭiṁ me karothāti, tassa kuṭiṁ karontī adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti saṅghādisesena dukkaṭassa -pe- anārambhaṁ aparikkamanaṁ, āpatti saṅghādisesena dukkaṭassa. -Pe- anārambhaṁ saparikkamanaṁ, āpatti saṅghādisesassa.
3. Bhikkhu samādisati kuṭiṁ me karothāti, tassa kuṭiṁ karonti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -peanārambhaṁ aparikkamanaṁ, āpatti dukkaṭassa -pe- anārambhaṁ saparikkamanaṁ, anāpatti.

4. Bhikkhu samādisati kuṭiṁ me karothāti, tassa kuṭiṁ karontī pamāṇātikkantaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti saṅghādisesena dukkaṭassa -pe- anārambhaṁ aparikkamanaṁ, āpatti saṅghādisesena dukkaṭassa. -Pe- anārambhaṁ saparikkamanaṁ, āpatti saṅghādisesassa.
5. Bhikkhu samādisati kuṭiṁ me karothāti, tassa kuṭiṁ karontī pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -peanārambhaṁ aparikkamanaṁ, āpatti dukkaṭassa -pe- anārambhaṁ saparikkamanaṁ, anāpatti.

6. Bhikkhu samādisati kuṭiṁ me karothāti. Tassa kuṭiṁ karontī adesitavatthukaṁ pamāṇātikkantaṁ sārambhaṁ aparikkamanaṁ, āpatti dvinnaṁ saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti dvinnaṁ saṅghādisesena dukkaṭassa. -Peanārambhaṁ aparikkamanaṁ, āpatti dvinnaṁ saṅghādisesena dukkaṭassa. -Pe- anārambhaṁ saparikkamanaṁ, āpatti dvinnaṁ saṅghādisesānaṁ.

7. Bhikkhu samādisati kuṭiṁ me karothāti tassa kuṭiṁ karontī desitavatthukaṁ pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -pe- anārambhaṁ aparikkamanaṁ, āpatti dukkaṭassa -peanārambhaṁ saparikkamanaṁ, anāpatti.

8. Bhikkhu samādisitvā pakkamati. Kuṭiṁ me karothāti na ca samādisati. Desitavatthukā ca hotu anārambhā ca saparikkamanā cāti tassa kuṭiṁ karontī adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti saṅghādisesena dukkaṭassa. -Peanārambhaṁ aparikkamanaṁ, āpatti saṅghādisesena dukkaṭassa. -Peanārambhaṁ saparikkamanaṁ, āpatti saṅghādisesassa.

[BJT Page 394]

9. Bhikkhu samādisitvā pakkamati. "Kuṭiṁ me karothāti na ca samādisati. Desitavatthukā ca hotu anārambhā ca saparikkamanā cā"ti tassa kuṭiṁ karonti. Desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -pe- anārambhaṁ aparikkamanaṁ, āpatti dukkaṭassa -pe- anārambhaṁ saparikkamanaṁ, anāpatti.

10. Bhikkhu samādisitvā pakkamati "kuṭiṁ me karothā'ti na ca samādisati, pamāṇikā ca hotu anārambhā ca saparikkamanā cā'ti tassa kuṭiṁ karontī pamāṇātikkantaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti saṅghādisesena dukkaṭassa -pe- anārambhaṁ aparikkamanaṁ, āpatti saṅghādisesena dukkaṭassa -pe- anārambhaṁ saparikkamanaṁ, āpatti saṅghādisesassa.

11. Bhikkhu samādisitvā pakkamati "kuṭiṁ me karothāti na ca samādisati' pamāṇikā ca hotu anārambhā ca saparikkamanā cā'ti, tassa kuṭiṁ karontī pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -pe- anārambhaṁ aparikkamanaṁ, āpatti dukkaṭassa -pe- anārambhaṁ saparikkamanaṁ, anāpatti.

12. Bhikkhu samādisitvā pakkamati "kuṭiṁ me karothāti na ca samādisati 'desitavatthukā ca hotu pamāṇikā ca anārambhā ca saparikkamanā cā'ti. Tassa kuṭiṁ karontī adesitavatthukaṁ pamāṇātikkantaṁ sārambhaṁ aparikkamanaṁ, āpatti dvinnaṁ saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti dvinnaṁ saṅghādisesena dukkaṭassa. -Pe- anārambhaṁ aparikkamanaṁ, āpatti dvinnaṁ saṅghādisesena dukkaṭassa -peanārambhaṁ saparikkamanaṁ, āpatti dvinnaṁ saṅghādisesānaṁ.

13. Bhikkhu samādisitvā pakkamati 'kuṭiṁ me karothā'ti na ca samādisati 'desitavatthukā ca hotu pamāṇikā ca anārambhā ca saparikkamanā cā'ti tassa kuṭiṁ karontī desitavatthukā pamāṇikaṁ sārambhaṁ aparikkamanaṁ, āpatti dvinnaṁ dukkaṭānaṁ, -pesārambhaṁ saparikkamanaṁ, āpatti dukkaṭassa. -Pe- anārambhaṁ aparikkamanaṁ, āpatti dukkaṭassa -pe- anārambhaṁ saparikkamanaṁ anāpatti.

14. Bhikkhu samādisitvā pakkamati 'kuṭiṁ me karothā'ti samādisati ca 'desitavatthukā ca hotu anārambhā ca saparikkamanā cā'ti tassa kuṭiṁ karontī adesitavatthukaṁ sārambhaṁ aparikkamanaṁ, so suṇāti "kuṭi kira me kayirati adesitavatthukā sārambhā aparikkamanā"ti. Tena bhikkhunā sāmaṁ vā gantabbaṁ dūto vā pāhetabbo. 'Desītavatthukā ca [page 154] hotu anārambhā ca saparikkamanā cā'ti no ce sāmaṁ vā gaccheyya. Dūtaṁ vā pahiṇeyya āpatti dukkaṭassa.

[BJT Page 396]

15. Bhikkhu samādisitvā pakkamati 'kuṭiṁ me karothā'ti samādisati ca 'desitavatthukā ca hotu anārambhā ca saparikkamanā cā'ti tassa kuṭiṁ karontī adesitavatthukaṁ sārambhā saparikkamanaṁ so suṇāti kuṭi kira me kayirati adesitavatthukā sārambhā saparikkamanā'ti tena bhikkhunā sāmaṁ vā gantabbaṁ duto vā pāhetabbo "desitavatthukā ca hotu anārambhā cā"ti no ce sāmaṁ vā gaccheyya dūtaṁ vā pahiṇeyya, āpatti dukkaṭassa.

16. Bhikkhu samādisitvā pakkamati 'kuṭiṁ me karothā'ti samādisati ca desitavatthukā ca hotu anārambhā ca saparikkamanā cā'ti. Tassa kuṭiṁ karontī adesitavatthukaṁ anārambhaṁ aparikkamanaṁ so suṇāti 'kuṭi kira me kayirati adesitavatthukā anārambhā aparikkamanā'ti, tena bhikkhunā sāmaṁ vā gantabbaṁ dūto vā pāhetabbo. 'Desitavatthukā ca hotu saparikkamanā cā"ti, no ce sāmaṁ vā gaccheyya dūtaṁ vā pahiṇeyya āpatti dukkaṭassa.

17. Bhikkhu samādisitvā pakkamati "kuṭiṁ me karothā'ti samādisati ca desitavatthukā ca hotu anārambhā ca saparikkamanā cā'ti tassa kuṭiṁ karontī adesitavatthukaṁ anārambhaṁ saparikkamanaṁ. So suṇāti "kuṭi kira me kayirati adesitavatthukā anārambhā saparikkamanā'ti. Tena bhikkhunā sāmaṁ vā gantabbaṁ dūto vā pahetabbo desītavatthukā hotu'ti no ce sāmaṁ vā gaccheyya dūtaṁ vā pahiṇeyya, āpatti dukkaṭassa.

18. Bhikkhu samādisitvā pakkamati "kuṭiṁ me karothā'ti samādisati ca desitavatthukā ca hotu anārambhā ca saparikkamanā cā'ti tassa kuṭiṁ karontī desitavatthukaṁ sārambhaṁ aparikkamanaṁ. So suṇāti "kuṭi kira me kayirati desitavatthukā sārambhā aparikkamanā'ti. Tena bhikkhunā sāmaṁ vā gantabbaṁ, dūto vā pahetabbo. 'Anārambhā ca hotu saparikkamanā cā'ti. No ce sāmaṁ vā gaccheyya dūtaṁ vā pahiṇeyya, āpatti dukkaṭassa.

19. Bhikkhū samādisitvā pakkamati kuṭiṁ me karothā'ti samādisati ca 'desitavatthukā ca hotu anārambhā ca saparikkamanā cā'ti. Tassa kuṭiṁ karontī desitavatthukaṁ sārambhaṁ saparikkamanaṁ. So suṇāti "kuṭi kira me kayirati desitavatthukā sārambhā saparikkamanā'ti. Tena bhikkhunā sāmaṁ vā gantabbaṁ, dūto vā pāhetabbo. 'Anārambhā hotu'ti. No ce sāmaṁ vā gaccheyya dūtaṁ vā pahiṇeyya. Āpatti dukkaṭassa.

20. Bhikkhu samādisitvā pakkamati kuṭiṁ me karotha'ti. Samādisati ca desitavatthukā ca hotu anārambhā ca saparikkamanā cā'ti tassa kuṭiṁ karonti desitavatthukaṁ anārambhaṁ aparikkamanaṁ. So suṇāti 'kuṭi kira me kayirati desitavatthukā anārambhā aparikkamanā'ti tena bhikkhunā sāmaṁ vā gantabbaṁ, dūto vā pāhetabbo. 'Saparikkamanā ca hotu'ti. No ce sāmaṁ vā gaccheyya dūtaṁ vā pahiṇeyya āpatti dukkaṭassa.

21. Bhikkhu samādisitvā pakkamati 'kuṭiṁ me karothā'ti. Samādisati ca 'desitavatthukā ca hotu anārambhā ca saparikkamanā cā'ti tassa kuṭiṁ karontī desitavatthukaṁ anārambhaṁ saparikkamanaṁ, anāpatti.

[BJT Page 398]

22. Bhikkhu samādisitvā pakkamati 'kuṭiṁ me karothā'ti. Samādisati ca 'pamāṇikā ca hotu anārambhā ca saparikkamanā cā'ti. Tassa kuṭiṁ karontī pamāṇātikkantaṁ sārambhaṁ aparikkamanaṁ. So suṇāti 'kuṭi kira me kayirati pamāṇātikkantā sārambhā aparikkamanā'ti. Tena bhikkhunā sāmaṁ vā gantabbaṁ dūto vā pāhetabbo pamāṇikā-1 ca hotu anārambhā ca saparikkamanā cāti -pe- pamāṇikā ca hotu anārambhā cāti -pe- pamāṇikā ca hotu saparikkamanā cāti -pe- pamāṇikā hotu'ti. No ce sāmaṁ vā gaccheyya dūtaṁ vā pahiṇeyya, āpatti dukkaṭassa.

23. Bhikkhu samādisitvā pakkamati 'kuṭiṁ me karothā'ti. Samādisati ca 'pamāṇikā ca hotu anārambhā ca saparikkamanā cā'ti. Tassa kuṭiṁ karonti pamāṇikaṁ sārambhaṁ aparikkamanaṁ. So suṇāti 'kuṭi kira me kayirati pamāṇikā sārambhā aparikkamanā'ti. Tena bhikkhunā sāmaṁ vā gantabbaṁ dūto vā pāhetabbo 'anārambhā ca hotu saparikkamanā cā'ti -peanārambhā hotu'ti -pe- saparikkamanā hotu'ti -peanāpatti.

24. Bhikkhu samādisitvā pakkamati 'kuṭiṁ me karothā'ti samādisati ca 'desitavatthukā ca hotu pamāṇikā ca anārambhā ca saparikkamanā cā'ti. Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ. So suṇāti 'kuṭi kira me kayirati adesitavatthukā pamāṇātikkantā sārambhā aparikkamanā'ti tena bhikkhunā sāmaṁ vā gantabbaṁ, dūto vā pāhetabbo desitavatthukā ca hotu pamāṇikā ca anārambhā ca saparikkamanā cā'ti -pe- 'desitavatthukā ca hotu pamāṇikā ca anārambhā cā'ti -pe- 'desitavatthukā ca hotu pamāṇikā ca saparikkamanā cā'ti -pe- desitavatthukā ca hotu pamāṇikā cā'ti. No ce sāmaṁ vā gaccheyya dūtaṁ vā pahiṇeyya, āpatti dukkaṭassa.

25. Bhikkhu samādisitvā pakkamati 'kuṭiṁ me karothā'ti. Samādisati ca 'desitavatthukā ca hotu pamāṇikā ca anārambhā ca saparikkamanā cā'ti. Tassa kuṭiṁ karonti desitavatthukaṁ pamāṇikaṁ sārambhaṁ aparikkamanaṁ. So suṇāti 'kuṭi kira me kayirati desitavatthukā pamāṇikā sārambhā aparikkamanā'ti tena bhikkhunā sāmaṁ vā gantabbaṁ, dūto vā pāhetabbo anārambhā ca hotu saparikkamanā cā'ti -pe- anārambhā hotu'ti -pesaparikkamanā hotu"ti -pe- anāpatti.

26. Bhikkhu samādisitvā pakkamati 'kuṭiṁ me karothā'ti. Samādisati ca "desitavatthukā ca hotu anārambhā ca saparikkamanā cā'ti. Tassa kuṭiṁ karonti adesitavatthukaṁ sārambhaṁ aparikkamanaṁ, āpatti kārakānaṁ-2 tiṇṇaṁ dukkaṭānaṁ -pesārambhaṁ saparikkamanaṁ, āpatti kārakānaṁ dvinnaṁ dukkaṭānaṁ -pe- anārambhaṁ aparikkamanaṁ, āpatti kārakānaṁ dvinnaṁ dukkaṭānaṁ -pe- anārambhaṁ saparikkamanaṁ, āpatti kārakānaṁ dukkaṭassa.

1. Desitavatthukā machasaṁ. 2. Kārakānaṁ - syā.

[BJT Page 400]

27. Bhikkhu samādisitvā pakkamati 'kuṭiṁ me karothā'ti. Samādisati ca 'desitavatthukā ca hotu anārambhā ca saparikkamanā cā'ti. Tassa kuṭiṁ karonti desitavatthukaṁ sārambhaṁ aparikkamanaṁ, āpatti kārakānaṁ dvinnaṁ dukkaṭānaṁ -pesārambhaṁ saparikkamanaṁ, āpatti kārakānaṁ dukkaṭassa -peanārambhaṁ [page 155] aparikkamanaṁ, āpatti kārakānaṁ dukkaṭassa -pe- anārambhaṁ saparikkamanaṁ, anāpatti.

28. Bhikkhu samādisitvā pakkamati 'kuṭiṁ me karothā'ti samādisati ca 'pamāṇikā ca hotu anārambhā ca saparikkamanā cā'ti. Tassa kuṭiṁ karonti pamāṇātikkantaṁ sārambhaṁ aparikkamanaṁ, āpatti kārakānaṁ tiṇṇaṁ dukkaṭānaṁ -pe- sārambhaṁ saparikkamanaṁ, āpatti kārakānaṁ dvinnaṁ dukkaṭānaṁ -pe- anārambhaṁ aparikkamanaṁ, āpatti kārakānaṁ dvinnaṁ dukkaṭānaṁ -peanārambhaṁ saparikkamanaṁ, āpatti kārakānaṁ dukkaṭassa.

29. Bhikkhu samādisitvā pakkamati 'kuṭiṁ me karothā'ti. Samādisati ca 'pamāṇikā ca hotu anārambhā ca saparikkamanā cā'ti. Tassa kuṭiṁ karonti pamāṇikaṁ sārambhaṁ aparikkamanaṁ, āpatti kārakānaṁ dvinnaṁ dukkaṭānaṁ -pe- sārambhaṁ saparikkamanaṁ, āpatti kārakānaṁ dukkaṭassa -pe- anārambhaṁ aparikkamanaṁ, āpatti kārakānaṁ dukkaṭassa -pe- anārambhaṁ saparikkamanaṁ, anāpatti.

30. Bhikkhu samādisitvā pakkamati 'kuṭiṁ me karothā'ti. Samādisati ca desitavatthukā ca hotu pamāṇikā ca anārambhā ca saparikkamanā cā"ti. Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ, āpatti kārakānaṁ catunnaṁ dukkaṭānaṁ -pe- sārambhaṁ saparikkamanaṁ, āpatti kārakānaṁ tiṇṇaṁ dukkaṭānaṁ -pe- anārambhaṁ aparikkamanaṁ, āpatti kārakānaṁ tiṇṇaṁ dukkaṭānaṁ -pe- anārambhaṁ saparikkamanaṁ, āpatti kārakānaṁ dvinnaṁ dukkaṭānaṁ.

31. Bhikkhu samādisitvā pakkamati 'kuṭiṁ me karothā'ti. Samādisati ca 'desitavatthukā ca hotu pamāṇikā ca anārambhā ca saparikkamanā cā'ti. Tassa kuṭiṁ karonti desitavatthukaṁ pamāṇikaṁ sārambhaṁ aparikkamanaṁ, āpatti kārakānaṁ dvinnaṁ dukkaṭānaṁ -pe- sārambhaṁ saparikkamanaṁ, āpatti kārakānaṁ dukkaṭassa. -Pe- anārambhaṁ aparikkamanaṁ, āpatti kārakānaṁ dukkaṭassa -pe- anārambhaṁ saparikkamanaṁ, anāpatti.
[BJT Page 402]

32. Bhikkhu samādisitvā pakkamati 'kuṭiṁ me karothā'ti. Tassa kuṭiṁ karonti adesitavatthukaṁ sārambhaṁ aparikkamanaṁ, so ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ca aññassa vā dadeyya bhinditvā vā puna kāreyya, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, -pe- āpatti saṅghādisesena dukkaṭassa -pe- anārambhaṁ aparikkamanaṁ, -peāpatti saṅghādisesena dukkaṭassa -pe- anārambhaṁ saparikkamanaṁ, -pe- āpatti saṅghādisesassa.

33. Bhikkhu samādisitvā pakkamati 'kuṭiṁ me karothā'ti. Tassa kuṭiṁ karonti desitavatthukaṁ sārambhaṁ aparikkamanaṁ, so ce vippakate āgacchati. Tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ -pesārambhaṁ saparikkamanaṁ, -pe- āpatti dukkaṭassa -peanārambhaṁ aparikkamanaṁ, -pe- āpatti dukkaṭassa -peanārambhaṁ saparikkamanaṁ, -pe- anāpatti.

34. Bhikkhu samādisitvā pakkamati 'kuṭiṁ me karothā'ti. Tassa kuṭiṁ karonti pamāṇātikkantaṁ sārambhaṁ aparikkamanaṁ, so ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, -pe- āpatti saṅghādisesena dukkaṭassa -pe- anārambhaṁ aparikkamanaṁ, -peāpatti saṅghādisesena dukkaṭassa -pe- anārambhaṁ saparikkamanaṁ, -pe- āpatti saṅghādisesassa.

35. Bhikkhu samādisitvā pakkamati 'kuṭiṁ me karothā'ti. Tassa kuṭiṁ karonti pamāṇikaṁ sārambhaṁ aparikkamanaṁ, so ce vippakate āgacchati. Tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ -pesārambhaṁ saparikkamanaṁ, -pe- āpatti dukkaṭassa -peanārambhaṁ aparikkamanaṁ, -pe- āpatti dukkaṭassa -peanārambhaṁ saparikkamanaṁ, -pe- anāpatti.

36. Bhikkhu samādisitvā pakkamati 'kuṭiṁ me karothā'ti. Tassa kuṭiṁ karonti adesitavatthukaṁ pamāṇātikkantaṁ sārambhaṁ aparikkamanaṁ, so ce vippakate āgacchati, tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti dvinnaṁ saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, -pe- āpatti dvinnaṁ saṅghādisesena dukkaṭassa -pe- anārambhaṁ aparikkamanaṁ, -pe- āpatti dvinnaṁ saṅghādisesena dukkaṭassa -pe- anārambhaṁ saparikkamanaṁ, -peāpatti dvinnaṁ saṅghādisesassa.

[BJT Page 404]

37. Bhikkhu samādisitvā pakkamati 'kuṭiṁ me karothā'ti. Tassa kuṭiṁ karonti desitavatthukaṁ sārambhaṁ aparikkamanaṁ, so ce vippakate āgacchati. Tena bhikkhunā sā kuṭi aññassa vā dātabbā bhinditvā vā puna kātabbā. No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ -pesārambhaṁ saparikkamanaṁ, -pe- āpatti dukkaṭassa -peanārambhaṁ aparikkamanaṁ, -pe- āpatti dukkaṭassa bhikkhu samādisitvā pakkamati 'kuṭiṁ me karothā'ti. Tassa kuṭiṁ karonti desitavatthukaṁ pamāṇikaṁ anārambhaṁ saparikkamanaṁ, anāpatti.

38. Attanā vippakataṁ attanā pariyosāpeti, āpatti saṅghādisesassa. Attanā vippakataṁ parehi pariyosāpeti, āpatti saṅghādisesassa. Parehi vippakataṁ attanā pariyosāpeti, āpatti saṅghādisesassa. Parehi vippakataṁ attanā pariyosāpeti, āpatti saṅghādisesassa. Parehi vippakataṁ parehi pariyosāpeti, āpatti saṅghādisesassa.

39. Anāpatti lene guhāya tiṇakuṭikāya aññassatthāya, vāsāgāraṁ ṭhapetvā sabbattha, anāpatti ummattakassa ādikammikassāti.

Kuṭikārasikkhāpadaṁ niṭṭhitaṁ.

3. 7.
Vihārakārasikkhāpadaṁ

1. Tena samayena buddho bhagavā kosambiyaṁ viharati ghositārāme. Tena kho pana samayena āyasmato channassa upaṭṭhāko gahapati āyasmantaṁ channaṁ etadavoca: 'vihāravatthuṁ bhante jānāhi, ayyassa vihāraṁ kārāpessāmī'ti. Atha kho āyasmā channo vihāravatthuṁ sodhento aññataraṁ cetiyarukkhaṁ chedāpesi gāmapūjitaṁ nigamapūjitaṁ nagarapūjitaṁ janapadapūjitaṁ raṭṭhapūjitaṁ. Manussā ujjhāyanti khīyanti vipācenti: 'kathaṁ hi nāma samaṇā sakyaputtiyā cetiyarukkhaṁ chedāpessanti [page 156] gāmapūjitaṁ nigamapūjitaṁ janapadapūjitaṁ raṭṭhapūjitaṁ, ekindriyaṁ samaṇā sakyaputtiyā jīvaṁ viheṭṭhentī'ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ, ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā channo cetiyarukkhaṁ chedāpessati, gāmapūjitaṁ -pe- raṭṭhapūjita"nti.

[BJT Page 406]

2. Atha kho te bhikkhū āyasmantaṁ channaṁ anekapariyāyena vigarahitvā bhagavato etamatthaṁ ārocesuṁ -pe- "saccaṁ kira tvaṁ channa, cetiyarukkhaṁ chedāpesi gāmapūjitaṁ -peraṭṭhapūjita"nti "saccaṁ bhagavā"ti. Viharahi buddho bhagavā -pe"kathaṁ hi nāma tvaṁ moghapurisa, cetiyarukkhaṁ chedāpessasi gāmapūjitaṁ nigamapūjitaṁ nagarapūjitaṁ raṭṭhapūjitaṁ. Jivasaññino hi moghapurisa, manussā rukkhasmiṁ, netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha."

"Mahallakaṁ pana bhikkhunā vihāraṁ kārayamānena sassāmikaṁ attuddesaṁ, bhikkhū abhinetabbā vatthudesanāya. Tehi bhikkhuhi vatthuṁ desetabbaṁ anārambhaṁ saparikkamanaṁ, sārambhe ce bhikkhu vatthusmiṁ aparikkamane mahallakaṁ vihāraṁ kāreyya, bhikkhū vā anabhineyya vatthudesanāya, saṅghādiseso"ti.

Mahallako nāma: vihāro sassāmiko vuccati.

Vihāro nāma: ullitto vā hoti avalitto vā ullittāvalitto vā.

Kārayamānenāti: karento vā kārāpento vā.

Sassāmikanti: añño koci sāmiko hoti itthi vā puriso vā gahaṭṭho vā pabbajito vā.

Attuddesanti attano atthāya.

Bhikkhu abhinetabbā vatthudesanāyāti tena vihārakārakena bhikkhunā vihāravatthuṁ sodhetvā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ahaṁ bhante mahallakaṁ vihāraṁ kattukāmo sassāmikaṁ attuddesaṁ. Sohaṁ bhante saṅghaṁ vihāravatthu olokanaṁ yācāmi"ti. Dutiyampi yācitabbo, tatiyampi yācitabbo. Sace sabbo saṅgho ussahati vihāravatthuṁ oloketuṁ, sabbena saṅghena oloketabbaṁ. No ce sabbo saṅgho ussahati vihāravatthuṁ oloketuṁ, ye tattha honti bhikkhū vyattā paṭibalā sārambhaṁ anārambhaṁ saparikkamanaṁ aparikkamanaṁ jānituṁ, te yācitvā sammannitabbā. Evañca pana bhikkhave sammannitabbā. Vyattena bhikkhunā paṭibalena saṅgho ñāpetabbo:
"Suṇātu me bhante saṅgho. Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ. So saṅghaṁ vihāravatthu olokanaṁ yācati. Yadi saṅghassa pattakallaṁ, saṅgho itthannāmañca itthannāmañca bhikkhū sammanneyya, itthannāmassa bhikkhuno vihāravatthuṁ oloketuṁ. Esā ñatti.
[BJT Page 408]

"Suṇātu me bhante saṅgho. Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ. So saṅghaṁ vihāravatthuolokanaṁ yācati. Saṅgho itthannāmañca itthannāmañca bhikkhū sammannati, itthannāmassa bhikkhuno vihāravatthuṁ oloketuṁ. Yassāyasmato khamati itthannāmassa ca itthannāmassa ca bhikkhūnaṁ sammati itthannāmassa bhikkhuno vihāravatthuṁ oloketuṁ, so tuṇhassa. Yassa nakkhamati, so bhāseyya.

Sammatā saṅghena itthannāmo ca itthannāmo ca bhikkhū itthannāmassa bhikkhuno vihāravatthuṁ oloketuṁ. Khamati saṅghassa, tasmā tuṇhi, evametaṁ dhārayāmī"ti.

Tehi sammatehi bhikkhūhi tattha gantvā vihāravatthu oloketabbaṁ sārambhaṁ anārambhaṁ saparikkamanaṁ aparikkamanaṁ jānitabbaṁ. Sace sārambhaṁ hoti aparikkamanaṁ, māyidha karīti vattabbo. Sace anārambhaṁ hoti saparikkamanaṁ, saṅghassa ārocetabbaṁ anārambhaṁ saparikkamananti. Tena vihārakārakena bhikkhunā saṅghaṁ upasaṅkamitvā ekaṁsaṁ uttarāsaṅghaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ahaṁ bhante mahallakaṁ vihāraṁ kattukāmo sassāmikaṁ attuddesaṁ so'haṁ bhante saṅghaṁ vihāraṁ kattukāmo sassāmikaṁ attuddesaṁ so'haṁ bhante saṅghaṁ vihāravatthudesanaṁ yācāmi"ti. Dutiyampi yācitabbo, tatiyampi yācitabbo. Vyattena bhikkhunā paṭibalena saṅgho ñāpetabbo:
"Suṇātu me bhante saṅgho. Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ. So saṅghaṁ vihāravatthudesanaṁ yācati. Yadi saṅghassa pattakallaṁ. Saṅgho itthannāmassa bhikkhuno vihāravatthuṁ deseyya. Esā ñatti.

Suṇātu me bhante saṅgho. Ayaṁ itthannāmo bhikkhu mahallakaṁ vihāraṁ kattukāmo sassāmikaṁ attuddesaṁ. So saṅghaṁ vihāravatthudesanaṁ yācati. Saṅgho itthannāmassa bhikkhuno vihāravatthuṁ deseti. Yassāyasmato khamati itthannāmassa bhikkhuno vihāravatthussa desanā, so tuṇhassa. Yassa nakkhamati, so bhāseyya.

Desitaṁ saṅghena itthannāmassa bhikkhuno vihāravatthu. Khamati saṅghassa tasmā tuṇhī, evametaṁ dhārayāmī"ti.

Sārambhaṁ nāma: kipillikānaṁ vā āsayo hoti -pesaṁsaraṇanissitaṁ vā hoti, etaṁ sārambhaṁ nāma.

Aparikkamanaṁ nāma: na sakkā hoti yathāyuttena sakaṭena anuparigantuṁ, samantā nisseniyā anuparigantuṁ. Etaṁ aparikkamanaṁ nāma.

[BJT Page 410]

Anārambhaṁ nāma: na kipillikānaṁ vā āsayo hoti -pe- na saṁsaraṇanissitaṁ vā hoti. Etaṁ anārambhaṁ nāma.

Saparikkamanaṁ nāma: sakkā hoti yathāyuttena sakaṭena anuparigantuṁ, samantā nisseniyā anuparigantuṁ. Etaṁ saparikkamanaṁ nāma.

Mahallako nāma: vihāro sassāmiko vuccati.

Vihāro nāma: ullitto vā hoti avalitto vā ullittāvalitto vā.

Kāreyyāti karoti vā kārāpeti vā.

Bhikkhū vā anabhineyya vatthudesanāyāti ñattidutiyena kammena vihāravatthuṁ na desāpetvā karoti vā kārāpeti vā, [page 157] payoge vā payoge dukkaṭaṁ. Ekaṁ piṇḍaṁ anāgate āpatti thullaccayassa. Tasmaṁ piṇḍe āgate āpatti saṅghādisesassa.

Saṅghādisesoti -pe- tenapi vuccati saṅghādisesoti.

3. Bhikkhu vihāraṁ karoti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukakaṭānaṁ.

Bhikkhu vihāraṁ karoti adesitavatthukaṁ sārambhaṁ saparikkamanaṁ, āpatti saṅghādisesena dukkaṭassa.

Bhikkhu vihāraṁ karoti adesitavatthukaṁ anārambhaṁ aparikkamanaṁ, āpatti saṅghādisesena dukkaṭassa.

Bhikkhu vihāraṁ karoti adesitavatthukaṁ anārambhaṁ saparikkamanaṁ, āpatti saṅghādisesassa.
Bhikkhu vihāraṁ karoti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ.

Bhikkhu vihāraṁ karoti desitavatthukaṁ sārambhaṁ saparikkamanaṁ, āpatti dukkaṭassa.

Bhikkhu vihāraṁ karoti desitavatthukaṁ anārambhaṁ aparikkamanaṁ, āpatti dukkaṭassa.

Bhikkhu vihāraṁ karoti desitavatthukaṁ anārambhaṁ saparikkamanaṁ, anāpatti.

Bhikkhu samādisati 'vihāraṁ me karothā'ti. Tassa vihāraṁ karonti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti saṅghādisesena dukkaṭassa -pe- anārambhaṁ aparikkamanaṁ, āpatti saṅghādisesena dukkaṭassa -pe- anārambhaṁ saparikkamanaṁ, āpatti saṅghādisesassa.

[BJT Page 412]

4. Bhikkhu samādisati 'vihāraṁ me karothā'ti. Tassa vihāraṁ karonti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -pe- anārambhaṁ aparikkamanaṁ, āpatti dukkaṭassa -peanārambhaṁ saparikkamanaṁ, anāpatti.

5. Bhikkhu samādisitvā pakkamati 'vihāraṁ me karothā'ti. Na ca samādisati 'desitavatthuko ca hotu anārambho ca saparikkamano cā'ti. Tassa vihāraṁ karonti adesitavatthukaṁ sārambhaṁ aparikkamanaṁ, āpatti saṅghādisesena dvinnaṁ dukkaṭānaṁ -pesārambhaṁ saparikkamanaṁ, āpatti saṅghādisesena dukkaṭassa -peanārambhaṁ aparikkamanaṁ, āpatti saṅghādisesena dukkaṭassa -peanārambhaṁ saparikkamanaṁ, āpatti saṅghādisesassa.

6. Bhikkhu samādisitvā pakkamati 'vihāraṁ me karothā'ti. Na ca samādisati desitavatthuko ca hotu anārambho ca saparikkamano cāti. Tassa vihāraṁ karonti desitavatthukaṁ sārambhaṁ aparikkamanaṁ, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -pe- anārambhaṁ aparikkamanaṁ, āpatti dukkaṭassa -pe- anārambhaṁ saparikkamanaṁ, anāpatti.

7. Bhikkhu samādisitvā pakkamati 'vihāraṁ me karothā'ti. Samādisati ca 'desitavatthuko ca hotu anārambho ca saparikkamano cā'ti. Tassa vihāraṁ karonti, adesitavatthukaṁ sārambhaṁ aparikkamanaṁ, so suṇāti: 'vihāro kira me kayirati adesitavatthuko sārambho aparikkamano'ti. Tena bhikkhunā sāmaṁ vā gantabbaṁ dūto vā pāhetabbo, 'desitavatthuko ca hotu anārambho ca saparikkamano cā'ti. No ce sāmaṁ vā gaccheyya dūtaṁ vā pahiṇeyya āpatti dukkaṭassa -pedesitavatthuko ca hotu anārambho cāti -pedesitavatthuko ca hotu saparikkamano cāti -pedesitavatthuko hotu'ti. No ce sāmaṁ vā gaccheyya dūtaṁ vā pahiṇeyya, āpatti dukkaṭassa.

8. Bhikkhu samādisitvā pakkamati 'vihāraṁ me karothā'ti. Samādisati ca 'desitavatthuko ca hotu anārambhā ca saparikkamano cā'ti. Tassa vihāraṁ karonti desitavatthukaṁ sārambhaṁ aparikkamanaṁ, so suṇāti: "vihāro kira me kayirati desitavatthuko sārambho aparikkamano"ti. Tena bhikkhunā sāmaṁ vā gantabbaṁ, dūto vā pāhetabbo, anārambho ca hotu saparikkamano cā'ti -pe- anārambho hotu" ti -pesaparikkamano hotu"ti -pe- anārambhaṁ saparikkamanaṁ-1 anāpatti.

1. Anārambhaṁ saparikkamanaṁ ma. Cha. Sa: nadissati.

[BJT Page 414]

9. Bhikkhu samādisitvā pakkamati 'vihāraṁ me karothā'ti samādisati ca 'desitavatthuko ca hotu anārambho ca saparikkamano cā'ti. Tassa vihāraṁ karonti adesitavatthukaṁ sārambhaṁ aparikkamanaṁ, āpatti kārakānaṁ tiṇṇaṁ dukkaṭānaṁ -pe- sārambhaṁ saparikkamanaṁ, āpatti kārakānaṁ dvinnaṁ dukkaṭānaṁ - pe- anārambhaṁ aparikkamanaṁ, āpatti kārakānaṁ dvinnaṁ dukkaṭānaṁ -pe- anārambhaṁ saparikkamanaṁ, āpatti kārakānaṁ dukkaṭassa.

10. Bhikkhu samādisitvā pakkamati 'vihāraṁ me karothā'ti. Samādisati ca 'desitavatthuko ca hotu anārambho ca saparikkamano cā'ti. Tassa vihāraṁ karonti desitavatthukaṁ sārambhaṁ aparikkamanaṁ, āpatti kārakānaṁ dvinnaṁ dukkaṭānaṁ -pe- sārambhaṁ saparikkamanaṁ, āpatti kārakānaṁ dukkaṭassa -pe- anārambhaṁ aparikkamanaṁ, āpatti kārakānaṁ dukkaṭassa -pe- anārambhaṁ saparikkamanaṁ, anāpatti.

11. Bhikkhu samādisitvā pakkamati 'vihāraṁ me karothā' ti. Tassa vihāraṁ karonti adesitavatthukaṁ sārambhaṁ aparikkamanaṁ. So ce vippakate āgacchati. Tena bhikkhunā so vihāro aññassa vā dātabbo, bhinditvā vā puna kātabbo. No ce aññassa vā dadeyya, bhinditvā vā puna kāreyya, āpatti saṅghādisesena dvinnaṁ dukkaṭānaṁ -pe- sārambhaṁ saparikkamanaṁ, āpatti saṅghādisesena dukkaṭassa -pe- anārambhaṁ aparikkamanaṁ, āpatti saṅghādisesena dukkaṭassa -pe- anārambhaṁ saparikkamanaṁ, āpatti saṅghādisesassa.

12. Bhikkhu samādisitvā pakkamati 'vihāraṁ me karothā'ti. Tassa vihāraṁ karonti desitavatthukaṁ sārambhaṁ aparikkamanaṁ, so ce vippakate āgacchati. Tena bhikkhunā so vihāro aññassa vā dātabbo bhinditvā vā puna kātabbo. No ce aññassa vā dadeyya bhinditvā vā puna kāreyya, āpatti dvinnaṁ dukkaṭānaṁ -pe- sārambhaṁ saparikkamanaṁ, āpatti dukkaṭassa -peanārambhaṁ aparikkamanaṁ, āpatti dukkaṭassa -pe- anārambhaṁ saparikkamanaṁ, anāpatti.

13. Attanā vippakataṁ attanā pariyosāpeti, āpatti saṅghādisesassa. Attanā vippakataṁ parehi pariyosāpeti, āpatti saṅghādisesassa. Parehi vippakataṁ attanā pariyosāpeti, āpatti saṅghādisesassa. Parehi vippakataṁ attanā pariyosāpeti, āpatti saṅghādisesassa.

14. Anāpatti lene guhāya tiṇakuṭikāya aññassatthāya, vāsāgāraṁ ṭhapetvā sabbattha, anāpatti ummattakassa, ādikammikassāti.

Vihārakārasikkhāpadaṁ [page 158] niṭṭhitaṁ.

[BJT Page 416]

3. 8.

Paṭhama-duṭṭhadosasikkhāpadaṁ

1. Tena samayena buddho bhagavā rājagahe viharati veḷuvane kalandakanivāpe. Tena kho pana samayena āyasmatā dabbena mallaputtena jātiyā sattavassena arahattaṁ sacchikataṁ hoti, yaṁ-1 kiñci sāvakena pattabbaṁ, sabbaṁ tena anuppattaṁ hoti, natthi cassa kiñci uttariṁ karaṇīyaṁ, katassa vā paticayo. Atha kho āyasmato dabbassa mallaputtassa rahogatassa patisallīnassa evaṁ cetaso parivitakko udapādi: "mayā kho jātiyā sattavassena arahattaṁ sacchikataṁ. Yaṁ kiñci sāvakena pattabbaṁ sabbaṁ mayā anuppattaṁ, natthi ca me kiñci uttariṁ karaṇīyaṁ, katassa vā paticayo. Kinnu kho ahaṁ saṅghassa veyyāvaccaṁ kareyya'nti. Atha kho āyasmato dabbassa mallaputtassa etadahosi: "yannūnāhaṁ saṅghassa senāsanañca paññāpeyyaṁ, bhattāni ca uddiseyya"nti.

2. Atha kho āyasmā dabbo mallaputto sāyanhasamayaṁ patisallānā vuṭṭhito yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā dabbo mallaputto bhagavantaṁ etadavoca: "idha mayhaṁ bhante rahogatassa patisallīnassa evaṁ cetaso parivitakko udapādi: mayā kho jātiyā sattavassena arahattaṁ sacchikataṁ. Yaṁ kiñci sāvakena pattabbaṁ sabbaṁ mayā anuppattaṁ, natthi ca me kiñci uttariṁ karaṇīyaṁ. Katassa vā paticayo, kinnu kho ahaṁ saṅghassa veyyāvaccaṁ kareyya"nti. Tassa mayhaṁ bhante etadahosi: "yannūnāhaṁ saṅghassa senāsanañca paññāpeyyaṁ, bhattāni ca uddiseyya"nti. "Icchāmahaṁ bhante saṅghassa senāsanañca paññāpetuṁ, bhattāni ca uddisitu"nti. "Sādhu sādhu dabba tena hi tvaṁ dabba saṅghassa senāsanañca paññāpehi, bhattāni ca uddisā"ti. "Evaṁ bhante"ti kho āyasmā dabbo mallaputto bhagavato paccassosi.

3. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "tena hi bhikkhave saṅgho dabbaṁ mallaputtaṁ senāsanapaññāpakañca bhattuddesakañca sammannatu. Evañca pana bhikkhave sammannitabbo: paṭhamaṁ dabbo mallaputto yācitabbo. Yācitvā vyattena bhikkhunā paṭibalena saṅgho ñāpetabbo:
"Suṇātu me bhante saṅgho. Yadi saṅghassa pattakallaṁ, saṅgho āyasmantaṁ dabbaṁ mallaputtaṁ senāsanapaññāpakañca bhattuddesakañca [page 159] sammanneyya, esā ñatti:

1. Yañca kiñci, mu.

[BJT Page 418]

Suṇātu me bhante saṅgho, saṅgho āyasmantaṁ dabbaṁ mallaputtaṁ senāsanapaññāpakañca bhattuddesakañca sammannati, yassāyasmato khamati āyasmato dabbassa mallaputtassa senāsanapaññāpakassa ca bhattudadesakassa ca sammuti. So tuṇhassa. Yassa nakkhamati, so bhāseyya:

Sammato saṅghena āyasmā dabbo mallaputto senāsanapaññāpako ca bhattuddesako ca khamati saṅghassa. Tasmā tuṇhī, evametaṁ dhārayā mī"ti.

5. Sammato ca panāyasmā dabbo mallaputto sabhāgānaṁ sabhāgānaṁ bhikkhūnaṁ ekajjhaṁ senāsanaṁ paññāpeti. Ye te bhikkhū suttantikā tesaṁ ekajjhaṁ senāsanaṁ paññāpeti, "te aññamaññaṁ suttantaṁ saṅgāyissanti" ti. Ye te bhikkhū vinayadharā tesaṁ ekajjhaṁ senāsanaṁ paññāpeti, "te aññamaññaṁ vinayaṁ vinicchinissantī"ti. -1 Ye te bhikkhū dhammakathikā tesaṁ ekajjhaṁ senāsanaṁ paññāpeti. "Te aññamaññaṁ dhammaṁ sākacchissantī"ti. Ye te bhikkhū jhāyino tesaṁ ekajjhaṁ senāsanaṁ paññāpeti, "te aññamaññaṁ na vyābādhissanti"ti. -2 Ye te bhikkhū tiracchānakathikā kāyadaḍḍhibahulā-3 viharanti, tesampi ekajjhaṁ senāsanaṁ paññāpeti, "imāyapime āyasmanto ratiyā acchissantī"ti. Ye te bhikkhū vikāle āgacchanti, tesampi tejodhātuṁ samāpajjitvā teneva ālokena senāsanaṁ paññāpeti. Apissu bhikkhū sañcicca vikāle āgacchanti "mayaṁ āyasmato dabbassa mallaputtassa iddhipāṭihāriyaṁ passissāmā"ti. Te āyasmantaṁ dabbaṁ mallaputtaṁ upasaṅkamitvā evaṁ vadenti: "amhākaṁ āvuso dabba, senāsanaṁ paññāpehī"ti. Te āyasmā dabbo mallaputto evaṁ vadeti: "katthāyasmantā icchanti, kattha paññāpemī"ti. Te sañcicca dūre apadisanti, "amhākaṁ āvuso dabba, gijjhakūṭe pabbate senāsanaṁ paññāpehi, amhākaṁ āvuso corapapāte senāsanaṁ paññāpehi, amhākaṁ āvuso isigilipasse kāḷasilāyaṁ senāsanaṁ paññāpehi, amhākaṁ āvuso vebhārapasse sattapaṇṇiguhāyaṁ senāsanaṁ paññāpehi, amhākaṁ āvuso sītavane sappasoṇḍikapabbhāre senāsanaṁ paññāpehi, amhākaṁ āvuso gotamakandarāyaṁ senāsanaṁ paññāpehi, amhākaṁ āvuso tindukakandarāyaṁ senāsanaṁ paññāpehi, amhākaṁ āvuso tapodakandarāyaṁ senāsanaṁ paññāpehi, amhākaṁ āvuso tapodārāme senāsanaṁ paññāpehi, amhākaṁ āvuso jīvakambavane [page 160] senāsanaṁ paññāpehi, amhākaṁ āvuso maddakucchismiṁ migadāye senāsanaṁ paññāpehī"ti. Tesaṁ āyasmā dabbo mallaputto tejodhātuṁ samāpajjitvā aṅguliyā jalamānāya purato purato gacchati. Tepi teneva ālokena āyasmato dabbassa mallaputtassa piṭṭhito piṭṭhito gacchanti. Tesaṁ āyasmā dabbo mallaputto evaṁ senāsanaṁ paññāpeti: ayaṁ mañco, idaṁ pīṭhaṁ, ayaṁ bhisi, idaṁ bimbohanaṁ, idaṁ vaccaṭṭhānaṁ, idaṁ passāvaṭṭhānaṁ, idaṁ pānīyaṁ, idaṁ paribhojanīyaṁ, ayaṁ kattaradaṇḍo, idaṁ saṅghassa katikasaṇṭhānaṁ, imaṁ kālaṁ pavisitabbaṁ, imaṁ kālaṁ nikkhamitabba"nti. Tesaṁ āyasmā dabbo mallaputto senāsanaṁ paññāpetvā punadeva vephavanaṁ paccāgacchati.

1. Vinicchissantīti, katthaci.
2. Vyābāhissantī"ti.
3. Kāyadaḷhibahulā machasaṁ.
[BJT Page 420]

6. Tena kho pana samayena mettiyabhummajakā bhikkhū navakā ceva honti appapuññā ca, yāni saṅghassa lāmakāni senāsanāni, tāni tesaṁ pāpuṇanti lāmakāni ca bhattāni, tena kho pana samayena rājagahe manussā icchanti therānaṁ bhikkhūnaṁ abhisaṅkhārikaṁ piṇḍapātaṁ dātuṁ sappimpi telampi uttaribhaṅgampi. Mettiyabhummajakānaṁ pana bhikkhūnaṁ pākatikaṁ denti yathārandhaṁ kaṇājakaṁ bilaṅgadutiyaṁ, te pacchābhattaṁ piṇḍapātapaṭikkantā there bhikkhu pucchanti: tumhākaṁ āvuso bhattagge kiṁ ahosi, tumhākaṁ kiṁ ahosī"ti. Ekacce therā evaṁ vadenti: "amhākaṁ āvuso sappi ahosi telaṁ ahosi uttaribhaṅgaṁ ahosī"ti. Mettiyabhummajakā pana bhikkhū evaṁ vadenti: "amhākaṁ āvuso na kiñci ahosi pākatikaṁ yathārandhaṁ kaṇājakaṁ bilaṅgadutiya"nti.

7. Tena kho pana samayena kalyāṇabhattiko gahapati saṅghassa vatukkabhattaṁ deti niccabhattaṁ. So bhattagge saputtadāro upatiṭṭhitvā parivisati, aññe odanena pucchanti, aññe sūpena pucchanti, aññe telena pucchanti, aññe uttaribhaṅgena pucchanti. Tena kho pana samayena kalyāṇabhattikassa gahapatino bhattaṁ svātanāya mettiyabhummajakānaṁ bhikkhūnaṁ uddiṭṭhaṁ hoti. Atha kho kalayāṇabhattiko gahapati ārāmaṁ agamāsi kenacideva karaṇīyena. So yenāyasmā dabbo mallaputto tenupasaṅkami, upasaṅkamitvā āyasmantaṁ dabbaṁ mallaputtaṁ abhivādetvā ekamantaṁ nisīdi. Ekamantaṁ nisinnaṁ kho kalyāṇabhattikaṁ [page 161] gahapatiṁ āyasmā dabbo mallaputto dhammiyā kathāya sandassesi samādapesi samuttejesi sampahaṁsesi. Atha kho kalyāṇabhattiko gahapati āyasmatā dabbena mallaputtena dhammiyā kathāya sandassito samādapito samuttejito sampahaṁsito āyasmantaṁ dabbaṁ mallaputtaṁ etadavoca: "kassa bhante amhākaṁ ghare svātanāya bhattaṁ uddiṭṭha"nti? "Mettiyabhummajakānaṁ kho gahapati bhikkhūnaṁ tumhākaṁ ghare svātanāya bhattaṁ uddiṭṭha"nti.

8. Atha kho kalyāṇabhattiko gahapati anattamano ahosi: "kathaṁ hi nāma pāpabhikkhū amhākaṁ ghare svātanāya bhattaṁ bhuñjissantī"ti gharaṁ gantvā dāsiṁ āṇāpesi: "ye je sve bhattikā āgacchanti, te koṭṭhake āsanaṁ paññāpetvā kaṇājakena bilaṅgadutiyena parivisā"ti "evaṁ ayyā"ti kho sā dāsī kalyāṇabhattikassa gahapatino paccassosi.

9. Atha kho mettiyabhummajakā bhikkhū "hiyyo kho āvuso amhākaṁ kalyāṇabhattikassa gahapatino bhattaṁ uddiṭṭhaṁ, sve amhe kalyāṇabhattiko gahapati saputtadāro upatiṭṭhitvā parivisissati. Aññe odanena pucchissanti, aññe sūpena pucchissanti, aññe telena pucchissanti, aññe uttaribhaṅgena pucchissantī"ti. Te teneva somanassena na cittarūpaṁ rattiyā supiṁsu.

[BJT Page 422]

10. Atha kho mettiyabhummajakā bhikkhu pubbaṇhasamayaṁ nivāsetvā pattacīvaramādāya yena kalyāṇabhattikassa gahapatino nivesanaṁ tenupasaṅkamiṁsu. Addasā kho sā dāsī mettiyabhummajake bhikkhū dūratova āgacchante, disvāna koṭṭhake āsanaṁ paññāpetvā mettiyabhummajake bhikkhū etadavoca: "nisīdatha bhante"ti. Atha kho mettiyabhummajakānaṁ bhikkhūnaṁ etadahosi: "nissaṁsayaṁ kho na tāva bhattaṁ siddhaṁ bhavissati yāva-1 mayaṁ koṭṭhake nisīdāpiyeyyāmā"-2 ti. Atha kho sā dāsi kaṇājakena bilaṅgadutiyena upagañji: "bhuñjatha bhante"ti mayaṁ kho bhagini niccabhattikā"ti "jānāmayyā niccabhattikattha, apicāhaṁ hiyyova āṇattā: 'ye je sve bhattikā āgacchanti, te koṭṭhake āsanaṁ paññāpetvā kaṇājakena bilaṅgadutiyena parivisā'ti. Bhuñjatha bhante"ti.

11. Atha kho mettiyabhummajakā bhikkhū "hiyyo kho āvuso kalyāṇabhattiko gahapati ārāmaṁ agamāsi, dabbassa mallaputtassa santike nissaṁsayaṁ kho mayaṁ dabbena mallaputtena gahapatino santike paribhinnā"ti. Te teneva domanassena na cittarūpaṁ bhuñjiṁsu. Atha kho mettiyabhummajakā bhikkhū pacchābhattaṁ [page 162] piṇḍapātapaṭikkantā ārāmaṁ gantvā pattacīvaraṁ paṭisāmetvā bahārāmakoṭṭhake saṅghāṭipallatthikāya nisīdiṁsu tuṇhībhūtā maṅkubhūtā pattakkhandhā adhomukhā pajjhāyantā appaṭibhānā.

12. Atha kho mettiyā bhikkhunī yena mettiyabhummajakā bhikkhū tenupasaṅkami, upasaṅkamitvā mettiyabhummajake bhikkhū etadavoca: "vandāmi ayyā"ti. -3 Evaṁ vutte mettiyabhummajakā bhikkhū nālapiṁsu. Dutiyampi kho -pe- tatiyampi kho mettiyā bhikkhūnī mettiyabhummajake bhikkhū etadavoca: "vandāmi ayyā"ti. Tatiyampi kho mettiyabhummajakā bhikkhū nālapiṁsu. "Kyāhaṁ ayyānaṁ aparajjhāmi, kissa maṁ ayyā nālapantī"ti. Tathā hi pana tvaṁ bhagini, ambhe dabbena mallaputtena viheṭhiyamāne ajjhupekkhasī'ti. 'Kyāhaṁ ayyā karomī'ti 'sace kho tvaṁ bhagini iccheyyāsi ajjeva bhagavā dabbaṁ mallaputtaṁ nāsāpeyyā'ti. Kyāhaṁ ayyā karomi. Kiṁ mayā sakkā kātunti. Ehi tvaṁ bhagini, yena bhagavā tenupasaṅkama, upasaṅkamitvā bhagavantaṁ evaṁ vadehi: 'idaṁ bhante nacchannaṁ nappatirūpaṁ, yāyaṁ bhante disā abhayā anītikā anupaddavā, sāyaṁ disā sabhayā saītikā saupaddavā, yato nivātaṁ tato pavātaṁ, -4 udakaṁ maññe ādittaṁ, ayyenamhi dabbena mallaputtena dūsitā'ti. Evaṁ ayyāti kho mettiyā bhikkhunī mettiyabhummajakānaṁ bhikkhūnaṁ paṭissutvā yena bhagavā tenupasaṅkami. Upasaṅkamitvā bhagavantaṁ abhivādetvā ekamantaṁ aṭṭhāsi, ekamantaṁ ṭhitā kho mettiyā bhikkhunī bhagavantaṁ etadavoca: 'idaṁ bhante nacchannaṁ nappatirūpaṁ, yāyaṁ bhante disā abhayā anītikā anupaddavā, sāyaṁ disā sabhayā saītikā saupaddavā, yato nivātaṁ tato pavātaṁ, udakaṁ maññe ādittaṁ, ayyenamhi dabbena mallaputtena dusitā'ti.

1. Yathā. Mu. 2. Nisīdeyyāmāti, sīmu. Nisīdāpīyāmāti syā. 3. Ayyeti -sīmu 4. Savātaṁ - machasaṁ,

[BJT Page 424]

13. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dabbaṁ mallaputtaṁ paṭipucchi: 'sarasi tvaṁ dabba evarūpaṁ kattā yathāyaṁ bhikkhunī āhā, ti "yathā maṁ bhante bhagavā jānātī"ti. Dutiyampi kho bhagavā -pe- tatiyampi kho bhagavā āyasmantaṁ dabbaṁ mallaputtaṁ etadavoca: "sarasi tvaṁ dabba evarūpaṁ kattā yathāyaṁ bhikkhunī āhā"ti "yathā maṁ bhante bhagavā jānātī"ti. 'Na kho dabba dabbā evaṁ nibbeṭhenti. Sace tayā kataṁ katanti vadehi, sace akataṁ akatanti vadehī'ti. "Yato ahaṁ bhante jāto nābhījānāmi supinantenāpi methunaṁ dhammaṁ patisevitā, pageva jāgaro"ti. Atha kho bhagavā bhikkhu āmantesi: "tenahi bhikkhave mettiyaṁ bhikkhuniṁ [page 163] nāsetha, ime ca bhikkhū anuyuñjathā"ti. Idaṁ vatvā bhagavā uṭṭhāyāsanā vihāraṁ pāvisi.

14. Atha kho te bhikkhū mettiyaṁ bhikkhuniṁ nāsesuṁ. Atha kho mettayabhummajakā bhikkhū te bhikkhu etadavocuṁ: "mā āvuso mettiyaṁ bhikkhuniṁ nāsetha, na sā kiñci aparajjhati, amhehi sā ussāhitā kupitehi anattamanehi vācanādhippāyehī"ti. Kiṁ pana tumhe āvuso āyasmantaṁ dabbaṁ mallaputtaṁ amūlakena pārājikena dhammena anuddhaṁsethā'ti. Evamāvuso'ti. Ye te bhikkhū appicchā te ujjhāyanti khīyanti vipācenti "kathaṁ hi nāma mettiyabhummajakā bhikkhū āyasmantaṁ dabbaṁ mallaputtaṁ amūlakena pārājikena dhammena anuddhaṁsessantī"ti. Atha kho te bhikkhū bhagavato etamatthaṁ ārocesuṁ -pe- "saccaṁ kira tumhe bhikkhave dabbaṁ mallaputtaṁ amūlakena pārājikena dhammena anuddhaṁ sethā"ti. "Saccaṁ bhagavā". Vigarahi buddho bhagavā -pe- "kataṁ hi nāma tumhe moghapurisā dabbaṁ mallaputtaṁ amūlakena pārājikena dhammena anuddhaṁsessatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu bhikkhuṁ duṭṭho doso appatīto amūlakena pārājikena dhammena anuddhaṁseyya appevanāma naṁ imamhā brahmacariyā cāveyyanti. Tato aparena samayena samanuggāhiyamāno vā asamanuggāhiyamāno vā amūlakañceva taṁ adhikaraṇaṁ hoti bhikkhu ca dosaṁ patiṭṭhāti, saṅghādiseso"ti.

15. Yo panāti yo yādiso -pe- bhikkhūti -pe- ayaṁ imasmiṁ atthe adhippeto bhikkhūti.

Bhikkhunti aññaṁ bhikkhūṁ

Duṭṭho dosoti kupito anattamano anabhiraddho āhatacitto khilajāto.

[BJT Page 426]

Appatītoti tena ca kopena tena ca dosena tāya ca anattamanatāya tāya ca anabhiraddhiyā appatīto hoti.

Amūlakaṁ nāma adiṭṭhaṁ asutaṁ aparisaṅkitaṁ.

Pārājikena dhammenāti catunnaṁ aññatarena.

Anuddhaṁseyyāti codeti vā codāpeti vā.

Appevanāma naṁ imamhā brahmacariyā cāveyyanti [page 164] bhikkhubhāvā cāveyyaṁ samaṇadhammā cāveyyaṁ sīlakkhandhā cāveyyaṁ tapoguṇā cāveyyaṁ.

Tato aparena samayenāti yasmiṁ khaṇe anuddhaṁsito hoti taṁ khaṇaṁ taṁ layaṁ taṁ muhuttaṁ vītivatte.

Samanuggāhiyamānoti yena vatthunā anuddhaṁsito hoti tasmiṁ vatthusmiṁ samanuggāhiyamāno.

Asamanuggāhiyamānoti na kenaci vuccamāno.

Adhikaraṇaṁ nāma: cattāri adhikaraṇāni vivādādhikaraṇaṁ anuvādādhikaraṇaṁ āpattādhikaraṇaṁ kiccādhikaraṇaṁ.

Bhikkhu ca dosaṁ patiṭṭhātīti tucchakaṁ mayā bhaṇitaṁ, musā mayā bhaṇitaṁ, abhūtaṁ mayā bhaṇitaṁ, ajānantena mayā bhaṇitaṁ.

Saṅghādisesoti -pe- tenapi vuccati saṅghādisesoti.

16. Adiṭṭhassa hoti pārājikaṁ dhammaṁ ajjhāpajjanto, tañce codeti: "diṭṭho mayā pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā"ti, āpatti vācāya vācāya saṅghādisesassa.

17. Asutassa hoti pārājikaṁ dhammaṁ ajjhāpannoti, tañce codeti: "suto mayā pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā"ti, āpatti vācāya vācāya saṅghādisesassa.

18. Aparisaṅkitassa hoti pārājikaṁ dhammaṁ ajjhāpannoti, taṁ ce codeti: "parisaṅkito mayā pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā"ti, āpatti vācāya vācāya saṅghādisesassa.

[BJT Page 428]

19. Adiṭṭhassa hoti pārājikaṁ dhammaṁ ajjhāpajjanto, tañce codeti: "diṭṭho mayā suto ca pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā"ti, āpatti vācāya vācāya saṅghādisesassa.

20. Adiṭṭhassa hoti pārājikaṁ dhammaṁ ajjhāpajjanto, tañce codeti: "diṭṭho mayā parisaṅkito ca pārājikaṁ dhammaṁ ajjhāpannosi, assamaṇosi, asakyaputtiyosi, -peāpatti vācāya vācāya saṅghādisesassa.

21. Adiṭṭhassa hoti pārājikaṁ dhammaṁ ajjhāpajjanto, tañce codeti: "diṭṭho mayā suto ca parisaṅkito ca pārājikaṁ dhammaṁ ajjhāpannosi -pe- " āpatti vācāya vācāya saṅghādisesassa.

22. Asutassa hoti pārājikaṁ dhammaṁ ajjhāpannoti, tañce codeti: "suto mayā parisaṅkito ca -pe- suto mayā diṭṭho ca -pe- suto mayā parisaṅkito ca diṭṭho ca pārājikaṁ dhammaṁ ajjhāpannosi, " -pe- āpatti vācāya vācāya saṅghādisesassa.

23. Aparisaṅkitassa hoti pārājikaṁ dhammaṁ ajjhāpannoti, tañce codeti: "parisaṅkito mayā diṭṭho ca -peparisaṅkito mayā suto ca -pe- parisaṅkito mayā diṭṭho ca suto ca pārājikaṁ dhammaṁ ajjhāpannosi -pe- āpatti vācāya vācāya saṅghādisesassa.

24. Diṭṭhassa hoti pārājikaṁ dhammaṁ ajjhāpajjanto, tañce codeti: suto mayā pārājikaṁ dhammaṁ ajjhāpannosi -peāpatti vācāyā vācāya saṅghādisesassa.

25. [page 165] diṭṭhassa hoti pārājikaṁ dhammaṁ ajjhāpajjanto, tañce codeti: parisaṅkito mayā pārājikaṁ dhammaṁ ajjhāpannoti -pe- tañce codeti: suto mayā parisaṅkito ca pārājikaṁ dhammaṁ ajjhāpannosi -pe- āpatti vācāya saṅghādisesassa.

26. Sutassa hoti pārājikaṁ dhammaṁ ajjhāpannoti, tañce codeti: parisaṅkito mayā -pe- diṭṭho mayā -peparisaṅkito mayā diṭṭho ca pārājikaṁ dhammaṁ ajjhāpannosi -pe- āpatti vācāya vācāya saṅghādisesassa.

27. Parisaṅkitassa hoti pārājikaṁ dhammaṁ ajjhāpannoti, taṁ ce codeti: diṭṭho mayā pārājikaṁ dhammaṁ ajjhāpannosi -pe- suto mayā pārājikaṁ dhammaṁ ajjhāpannosi -pediṭṭho mayā suto ca pārājikā dhammaṁ ajjhāpannosi -peāpatti vācāya vācāya saṅghādisesassa.

[BJT Page 430]

28. Diṭṭhassa hoti pārājikaṁ dhammaṁ ajjhāpajjanto, diṭṭhe vematiko diṭṭhaṁ no kappeti, diṭṭhaṁ nassarati, diṭṭhaṁ pammuṭṭho-1 hoti, -pe- sute vematiko sutaṁ no kappeti, sutaṁ nassarati, sutaṁ pammuṭṭho hoti, -peparisaṅkite vematiko parisaṅkitaṁ no kappeti: parisaṅkitaṁ nassarati, parisaṅkitaṁ pammuṭṭho hoti, tañce codeti, parisaṅkito mayā diṭṭho ca -pe- parisaṅkito mayā suto ca -peparisaṅkito mayā diṭṭho ca suto ca pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā"ti, āpatti vācāya vācāya saṅghādisesassa.

29. Adiṭṭhassa hoti pārājikaṁ dhammaṁ ajjhāpajjanto, tañce codāpeti: "diṭṭhosi pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā"ti, āpatti vācāya vācāya saṅghādisesassa.

30. Asutassa hoti parājikaṁ dhammaṁ ajjhāpannoti, -peaparisaṅkitassa hoti pārājikaṁ dhammaṁ ajjhāpannoti, tañce codāpeti: "parisaṅkitosi, pārājikaṁ dhammaṁ ajjhāpannosi, assamaṇosi -pe- āpatti vācāya vācāya saṅghādisesassa.
31. Adiṭṭhassa hoti pārājikaṁ dhammaṁ ajjhāpajjanto, tañce codāpeti: diṭṭhosi sutosi -pe- diṭṭhosi parisaṅkitosi -pe- diṭṭhosi sutosi parisaṅkitosi, pārājikaṁ dhammaṁ ajjhāpannosi, -pe- asutassa hoti pārājikaṁ dhammaṁ ajjhāpannoti, tañce codāpeti: sutosi parisaṅkitosi -pe- sutosi diṭṭhosi -pe- sutosi parisaṅkitosi diṭṭhosi -pe- aparisaṅkitassa hoti pārājikaṁ dhammaṁ ajjhāpannoti, tañce codāpeti: parisaṅkitosi diṭṭhosi -pe- parisaṅkitosi sutosi -pe- parisaṅkitosi diṭṭhosi sutosi pārājikaṁ dhammaṁ ajjhāpannosi, assamaṇosi, -pe- āpatti vācāya vācāya saṅghādisesassa.

32. Diṭṭhassa hoti pārājikaṁ dhammaṁ ajjhāpajjanto, tañce codāpeti: sutosi -pe- tañce codāpeti: parisaṅkitosi -pe- tañce codāpeti: sutosi parisaṅkitosi, pārājikaṁ dhammaṁ ajjhāpannosi, assamaṇosi -pe- āpatti vācāya vācāya saṅghādisesassa.

33. Sutassa hoti 'pārājikaṁ dhammaṁ ajjhāpanno'ti -peparisaṅkitassa hoti pārājikassa hoti pārājikaṁ dhammaṁ ajjhāpannoti, tañce codāpeti: diṭṭhosi -pe- tañce codāpeti: sutosi -pe- tañce codāpeti: diṭṭhosi sutosi pārājikaṁ dhammaṁ ajjhāpannosi, assamaṇosi -peāpatti vācāya vācāya saṅghādisesassa.

1. Pamuṭho. Machasaṁ

[BJT Page 432]

34. Diṭṭhassa hoti pārājikaṁ dhammaṁ ajjhāpajjanto, diṭṭhe vematiko diṭṭhaṁ no kappeti, diṭṭhaṁ nassarati, diṭṭhaṁ pammuṭṭho hoti -pe- sute vematiko sutaṁ no kappeti sutaṁ nassarati sutaṁ pammuṭṭho hoti -pe- parisaṅkite vematiko parisaṅkitaṁ no kappeti, parisaṅkitaṁ nassarati, parisaṅkitaṁ pammuṭṭho hoti, tañce codāpeti: parisaṅkitosi diṭṭhosi -pe- parisaṅkitosi sutosi -pe- parisaṅkitosi diṭṭhosi sutosi pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ cāti āpatti vācāya vācāya saṅghādisesassa.

35. [page 166] asuddhe suddhadiṭṭhi, suddhe asuddhadiṭṭhi, asuddhe asuddhadiṭṭhi, suddhe suddhadiṭṭhi.
36. Asuddho hoti puggalo aññataraṁ pārājikaṁ dhammaṁ ajjhāpanno, tañce suddhadiṭṭhisamāno anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa.

37. Asuddho hoti puggalo aññataraṁ pārājikaṁ dhammaṁ ajjhāpanno, tañce suddhadiṭṭhisamāno okāsaṁ kārāpetvā cāvanādhippāyo vadeti, āpatti saṅghādisesassa.

38. Asuddho hoti puggalo aññataraṁ pārājikaṁ dhammaṁ ajjhāpanno, tañce suddhadiṭṭhisamāno anokāsaṁ kārāpetvā akkosādhippāyo vadeti, āpatti omasavādena dukkaṭassa.

39. Asuddho hoti puggalo aññataraṁ pārājikaṁ dhammaṁ ajjhāpanno, tañce suddhadiṭṭhisamāno okāsaṁ kārāpetvā akkosādhippāyo vadeti, āpatti omasavādassa.

40. Suddho hoti puggalo aññataraṁ pārājikaṁ dhammaṁ anajjhāpanno, tañce asuddhadiṭṭhisamāno anokāsaṁ kārāpetvā vācanādhippāyo vadeti, āpatti dukkaṭassa.

41. Suddho hoti puggalo aññataraṁ pārājikaṁ dhammaṁ anajjhāpanno, tañce asuddhadiṭṭhisamāno okāsaṁ kārāpetvā cāvanādhippāyo vadeti, anāpatti.
42. Suddho hoti puggalo aññataraṁ pārājikaṁ dhammaṁ anajjhāpanno, tañce asuddhadiṭṭhisamāno anokāsaṁ kārāpetvā akkosādhippāyo vadeti, āpatti omasavādena dukkaṭassa.

43. Suddho hoti puggalo aññataraṁ pārājikaṁ dhammaṁ anajjhāpanno, tañce asuddhadiṭṭhisamāno okāsaṁ kārāpetvā akkosādhippāyo vadeti, āpatti omasavādassa.

[BJT Page 434]

44. Asuddho hoti puggalo aññataraṁ pārājikaṁ dhammaṁ ajjhāpanno, tañce asuddhadiṭṭhisamāno anokāsaṁ kārāpetvā cāvanādhippāyo vadeti, āpatti dukkaṭassa -peokāsaṁ kārāpetvā cāvanādhippāyo vadeti, anāpatti -peanokāsaṁ kārāpetvā akkosādhippāyo vadeti, āpatti omasavādena dukkaṭassa -pe- okāsaṁ kārāpetvā akkosādhippāyo vadeti, āpatti omasavādassa.

45. Suddho hoti puggalo aññataraṁ pārājikaṁ dhammaṁ anajjhāpanno, tañce suddhadiṭṭhisamāno anokāsaṁ kārāpetvā cāvanādhippāyo vadeti, āpatti saṅghādisesena dukkaṭassa -pe- okāsaṁ kārāpetvā cāvanādhippāyo vadeti, āpatti saṅghādisesassa -pe- anokāsaṁ kārāpetvā akkosādhippāyo vadeti, āpatti omasavādena dukkaṭassa -pe- okāsaṁ kārāpetvā akkosādhippāyo vadeti, āpatti omasavādassa.

46. Anāpatti: suddhe asuddhadiṭṭhissa, asuddhe asuddhadiṭṭhissa, ummattakassa, ādikammikassāti.

Paṭhama duṭṭhadosa sikkhāpadaṁ niṭṭhitaṁ.

3. 9.
Dutiya duṭṭhadosa sikkhāpadaṁ

1. Tena samayena buddho bhagavā rājagahe viharati veḷuvane kalandakanivāpe. Tena kho pana samayena mettiyabhummajakā bhikkhū gijjhakūṭā pabbatā orohantā addasaṁsu chagalakaṁ-1 ajikāya vippaṭipajjantaṁ, [page 167] disvāna evamāhaṁsu: "handa mayaṁ āvuso imaṁ chagalakaṁ dabbaṁ mallaputtaṁ nāma karoma, imaṁ ajikaṁ mettiyaṁ nāma bhikkhuniṁ karoma. Evaṁ mayaṁ voharissāma. Pubbe mayaṁ āvuso dabbaṁ mallaputtaṁ sutena avocumha, idāni pana amhehi sāmaṁ diṭṭho mettiyāya bhikkhuniyā vippaṭipajjanto"ti. Te taṁ chagalakaṁ dabbaṁ mallaputtaṁ nāma akaṁsu, taṁ ajikaṁ mettiyaṁ nāma bhikkhuniṁ akaṁsu. Te bhikkhūnaṁ ārocesuṁ: 'pubbe mayaṁ āvuso dabbaṁ mallaputtaṁ sutena avocumha idāni pana amhehi sāmaṁ diṭṭho mettiyāya bhikkhuniyā vippaṭipajjanto'ti. Bhikkhū evamāhaṁsu: "mā āvuso evaṁ avacuttha, nāyasmā dabbo mallaputto evaṁ karissatī"ti.

1. Chakalakaṁ. Syā. Sī.

[BJT Page 436]

2. Atha kho te bhikkhu bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dabbaṁ mallaputtaṁ paṭipucchi: "sarasi tvaṁ dabba evarūpa kattā, yathayime bhikkhu āhaṁsū"ti. "Yathā maṁ bhante bhagavā jānātī"ti. Dutiyampi kho bhagavā -pe- tatiyampi kho bhagavā āyasmantaṁ dabbaṁ mallaputtaṁ etadavoca: "sarasi tvaṁ dabba evarūpaṁ kattā, yathayime bhikkhū āhaṁsū"ti. "Yathā maṁ bhante bhagavā jānātī"ti. "Na kho dabba dabbā evaṁ nibbeṭhenti. Sace tayā kataṁ katanti vadehi, sace akataṁ akatanti vadehī"ti. "Yato ahaṁ bhante jāto nābhijānāmi supinantenāpi methunaṁ dhammaṁ patisevitā, pageva jāgaro"ti. Atha kho bhagavā bhikkhū āmantesi: "tena hi bhikkhave ime bhikkhū anuyuñjathā"ti. Idaṁ vatvā bhagavā uṭṭhāyāsanā vihāraṁ pāvisi.

3. Atha kho te bhikkhū mettiyabhummajake bhikkhū anuyuñjiṁsu: "kiṁ pana tumhe āvuso āyasmantaṁ dabbaṁ mallaputtaṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsethā'ti. 'Evamāvuso'ti. Ye te bhikkhū appicchā, te ujjhāyanti khīyanti vipācenti: "kathaṁ hi nāma mettiyabhummajakā bhikkhū āyasmantaṁ dabbaṁ mallaputtaṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsessantī"ti atha kho te bhikkhū bhagavato etamatthaṁ ārocesuṁ -pe- "saccaṁ kira tumhe bhikkhave dabbaṁ mallaputtaṁ aññabhāgiyassa adhikaraṇassa kiñcidesaṁ lesamattaṁ upādāya pārājikena dhammena anuddhaṁsethā"ti. "Saccaṁ bhagavā" vigarahi buddho bhagavā: "kathaṁ hi nāma tumhe moghapurisā dabbaṁ mallaputtaṁ aññabhāgiyassa adhikaraṇassa kiñci desaṁ lesamattaṁ upādāya pārājikena dhammena anuddhaṁsessatha netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

"Yo pana bhikkhu bhikkhuṁ duṭṭho deso appatīto aññabhāgiyassa [page 168] adhikaraṇassa kiñcidesaṁ lesamattaṁ upādāya pārājikena dhammena anuddhaṁseyya, appevanāma naṁ imamhā brahmacariyā cāveyyanti. Tato aparena samayena samanuggāhiyamāno vā asamanuggāhiyamāno vā aññabhāgiyaṁ ceva taṁ adhikaraṇaṁ hoti, koci deso lesamanto upādinno, bhikkhu ca dosaṁ patiṭṭhāti, saṅghādiseso"ti.

4. Yo panāti yo yādiso -pe- bhikkhūti -pe- ayaṁ imasmiṁ atthe adhippeto bhikkhūti.

Bhikkhunti aññaṁ bhikkhuṁ.

Duṭṭho dosoti kupito anattamano anabhiraddho āhatacitto khilajāto.

"Te bhikkhuhi anuyuñjiyamānā bhikkhunaṁ etamatthaṁ ārocesuṁ" ayampi pāṭho potthakesu dissate.

[BJT Page 438]

Appatītoti tena ca kopena tena ca dosena tāya ca anattamanatāya tāya ca anabhiraddhiyā appatīto hoti.

Aññabhāgiyassa adhikaraṇassāti āpattaññabhāgiyaṁ vā hoti adhikaraṇaññabhāgiyaṁ vā. Kathaṁ adhikaraṇaṁ adhikaraṇassa aññabhāgiyaṁ. Vivādādhikaraṇaṁ anuvādādhikaraṇassa āpattādhikaraṇassa kiccādhikaraṇassa aññabhāgiyaṁ, anuvādādhikaraṇaṁ āpattādhikaraṇassa kiccādhikaraṇassa vivādādhikaraṇassa aññabhāgiyaṁ, āpattādhikaraṇaṁ kiccādhikaraṇassa vivādādhikaraṇassa anuvādādhikaraṇassa āpattādhikaraṇassa aññabhāgiyaṁ evaṁ adhikaraṇaṁ adhikaraṇassa aññabhāgiyaṁ.

Kathaṁ adhikaraṇaṁ adhikaraṇassa tabbhāgiyaṁ? Vivādādhikaraṇaṁ vivādādhikaraṇassa tabbhāgiyaṁ. Anuvādādhikaraṇaṁ anuvādādhikaraṇassa tabbhāgiyaṁ. Āpattādhikaraṇaṁ āpattādhikaraṇassa siyā tabbhāgiyaṁ siyā aññabhāgiyaṁ.

Kathaṁ āpattādhikaraṇaṁ āpattādhikaraṇassa aññabhāgiyaṁ? Methunadhammapārājikāpatti adinnādānapārājikāpattiyā manussaviggahapārājikāpattiyā uttarimanussadhammapārājākāpattiyā aññabhāgiyā. Adinnādānapārājikāpatti manussaviggahapārājikāpattiyā uttarimanussadhammapārājikāpattiyā methunadhamma pārājikāpattiyā aññabhāgiyā. Manussaviggahapārājikāpatti uttarimanussadhammapārājikāpattiyā methunadhammapārājikāpattiyā adinnādānapārājikāpattiyā aññabhāgiyā. Uttarimanussadhammapārājikāpatti methunadhammapārājikāpattiyā adinnādānapārājikāpattiyā manussaviggahapārājikāpattiyā aññabhāgiyā. Evaṁ āpattādhikaraṇaṁ āpattādhikaraṇassa aññabhāgiyaṁ.

Kathañca āpattādhikaraṇaṁ āpattādhikaraṇassa tabbhāgiyaṁ? Methunadhammapārājikāpatti methunadhammapārājikāpattiyā tabbhāgiyā. Adinnādānapārājikāpatti adinnādānapārājikāpattiyā tabbhāgiyā. Manussaviggahapārājikāpatti manussaviggahapārājikāpattiyā tabbhāgiyā. Uttarimanussadhammapārājikāpatti uttarimanussadhammapārājikāpattiyā tabbhāgiyā evaṁ āpattādhikaraṇaṁ āpattādhikaraṇassa tabbhāgiyaṁ.

Kiccādhikaraṇaṁ kiccādhikaraṇassa tabbhāgiyaṁ. Evaṁ adhikaraṇaṁ adhikaraṇassa tabbhāgiyaṁ.

Kiñci desaṁ lesamattaṁ upādāyāti leso nāma: dasalesā: [page 169] jātileso nāmaleso gottaleso liṅgaleso āpattileso pattaleso cīvaraleso upajjhāyaleso ācariyaleso senāsanaleso.

[BJT Page 440]

Jātileso nāma: khattiyo diṭṭho hoti pārājikaṁ dhammaṁ ajjhāpajjanto, aññaṁ khattiyaṁ passitvā codeti: "khattiyo mayā diṭṭho pārājikaṁ dhammaṁ ajjhāpannosi, assamaṇosi, asakyaputtiyosi, natthi tayā saddhiṁ uposatho vā pavāraṇā vāsaṅghakammaṁ vāti, āpatti vācāya vācāya saṅghādisesassa. Brāhmaṇo diṭṭho hoti -pe- vesso diṭṭho hoti -pe- suddo diṭṭho hoti pārājikaṁ dhammaṁ ajjhāpajjanto, aññaṁ suddaṁ passitvā codeti: suddo mayā diṭṭho pārājikaṁ dhammaṁ ajjhāpannosi, assamaṇosi, asakyaputtiyosi -pe- āpatti vācāya vācāya saṅghādisesassa.

Nāmaleso nāma: buddharakkhito diṭṭho hoti -pedhammarakkhito diṭṭho hoti -pe- saṅgharakkhito diṭṭho hoti pārājikaṁ dhammaṁ ajjhāpajjanto, aññaṁ saṅgharakkhitaṁ passitvā codeti: saṅgharakkhito mayā diṭṭho pārājikaṁ dhammaṁ ajjhāpannosi, assamaṇosi, asakyaputtiyosi -peāpatti vācāya vācāya saṅghādisesassa.

Gottaleso nāma: gotamo diṭṭho hoti -pemoggallāno diṭṭho hoti -pe- kaccāyano diṭṭho hoti -pe- vāsiṭṭho diṭṭho hoti pārājikaṁ dhammaṁ ajjhāpajjanto, aññaṁ vāsiṭṭhaṁ passitvā codeti: vāsiṭṭho mayā diṭṭho pārājikaṁ dhammaṁ ajjhāpannosi, assamaṇosi, asakyaputtiyosi -pe- āpatti vācāya saṅghādisesassa.

Liṅgaleso nāma: dīgho diṭṭho hoti -pe- rasso diṭṭho hoti -pe- kaṇho diṭṭho hoti -pe- odāto diṭṭho hoti pārājikaṁ dhammaṁ ajjhāpajjanto, aññaṁ odātaṁ passitvā codeti: odāto mayā diṭṭho, pārājikaṁ dhammaṁ ajjhāpannosi, assamaṇosi, asakyaputtiyosi -pe- āpatti vācāya vācāya saṅghādisesassa.

Āpattileso nāma: lahukaṁ āpattiṁ āpajjanto diṭṭho hoti, tañce pārājikena codeti: assamaṇosi, asakyaputtiyosi -pe- āpatti vācāya vācāya saṅghādisesassa.

Pattaleso nāma: lohapattadharo diṭṭho hoti -pesāṭakapattadharo diṭṭho hoti -pe- sumbhakapattadharo diṭṭho hoti pārājikaṁ dhammaṁ ajjhāpajjanto, aññaṁ sumbhakapattadharaṁ passitvā codeti: sumbhakapattadharo mayā diṭṭho pārājikaṁ dhammaṁ ajjhāpannosi, assamaṇosi, asakyaputtiyosi -pe- āpatti vācāya vācāya saṅghādisesassa.

[BJT Page 442]

Cīvaraleso nāma: paṁsukuliko diṭṭho hoti -pe- gahapati civaradharo diṭṭho hoti pārājikaṁ dhammaṁ ajjhāpajjanto, aññaṁ gahapaticīvaradharaṁ passitvā codeti: gahapaticīvaradharo mayā diṭṭho, pārājikaṁ dhammaṁ ajjhāpannosi, assamaṇosi, asakyaputtiyosi -pe- āpatti vācāya vācāya saṅghādisesassa.

Upajjhāyaleso nāma: itthannāmassa saddhivihāriko diṭṭho hoti pārājikaṁ dhammaṁ ajjhāpajjanto, aññaṁ itthannāmassa saddhivihāriko mayā diṭṭho, pārājikaṁ dhammaṁ ajjhāpannosi, assamaṇosi, asakyaputtiyosi, -pe- āpatti vācāya saṅghādisesassa.

Ācariyaleso nāma: itthannāmassa antevāsiko diṭṭho hoti pārājikaṁ dhammaṁ ajjhāpajjanto. Aññaṁ itthannāmassa antevāsikaṁ passitvā codeti: itthannāmassa antavāsiko mayā diṭṭho, pārājikaṁ dhammaṁ ajjhāpanno'si, assamaṇo'si, asakyaputtiyo'si -pe- āpatti vācāya vācāya saṅghādisesassa.

Senāsanaleso nāma: itthannāmassa senāsanavāsiko diṭṭho hoti [page 170] pārājikaṁ dhammaṁ ajjhāpajjanto, aññaṁ itthannāmassa senāsanavāsikaṁ passitvā codeti: itthannāmassa senāsanavāsiko mayā diṭṭho pārājikaṁ dhammaṁ ajjhāpanno'si, assamaṇo'si, asakyaputtiyo'si natthi tayā saddhiṁ uposatho vā pavāraṇā vā saṅghakammaṁ cā'ti. Āpatti vācāya vācāya saṅghādisesassa.

Pārājikena dhammenāti catunnaṁ aññatarena.

Anuddhaṁseyyāti codeti vā codāpeti vā.

Appevanāma naṁ imamhā brahmacariyā cāveyyanti bhikkhubhāvā cāveyyaṁ samaṇadhammā cāveyyaṁ, sīlakkhandhā cāveyyaṁ, tapoguṇā cāveyyaṁ.

Tato aparena samayenāti yasmiṁ khaṇe anuddhaṁsito hoti taṁ khaṇaṁ taṁ layaṁ taṁ muhuttaṁ vītivatte.

Samanuggāhiyamānoti yena vatthunā anuddhaṁsito hoti, tasmiṁ vatthusmiṁ samanuggāhiyamāno.

Asamanuggāhiyamānoti na kenaci vuccamāno.

Adhikaraṇaṁ nāma cattāri adhikaraṇāni vivādādhikaraṇaṁ, anuvādādhikaraṇaṁ, āpattādhikaraṇaṁ, kiccādhikaraṇaṁ.

Koci deso lesamatto upādinnoti tesaṁ lesānaṁ aññataro leso upādinno hoti.

[BJT Page 444]

Bhikkhu ca dosaṁ patiṭṭhātīti tucchakaṁ mayā bhaṇitaṁ, musā mayā bhaṇitaṁ, abhūtaṁ mayā bhaṇitaṁ, ajānantena mayā bhaṇitaṁ,

Saṅghādisesoti -pe- tenapi vuccati saṅghādisesoti.

5. Bhikkhu saṅghādisesaṁ ajjhāpajjanto diṭṭho hoti, saṅghādisese saṅghādisesadiṭṭhi hoti, tañce pārājikena codeti: assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vāti, evampi āpattiññabhāgiyaṁ hoti, leso ca upādinno, āpatti vācāya vācāya saṅghādisesassa.

6. Bhikkhu saṅghādisesaṁ ajjhāpajjanto diṭṭho hoti, saṅghādisese thullaccayadiṭṭhi hoti -pe- pācittiyadiṭṭhi hoti -pe- pāṭidesanīyadiṭṭhi hoti -pe- dukkaṭadiṭṭhi hoti -pedubbhāsitadiṭṭhi hoti tañce pārājikena codeti: assamaṇosi, asakyaputtiyosi -pe- evampi āpattaññabhāgiyaṁ hoti, leso ca upādinno, āpatti vācāya vācāya saṅghādisesassa.

7. Bhikkhu thullaccayaṁ -pe- pācittiyaṁ -pe- pāṭidesanīyaṁ -pe- dukkaṭaṁ -pe- dubbhāsitaṁ ajjhāpajjanto diṭṭho hoti, dubbhāsite dubbhāsitadiṭṭhi hoti, tañce pārājikena codeti: assamaṇosi, asakyaputtiyosi -pe- evampi āpattaññabhāgiyaṁ hoti, leso ca upādinno, āpatti vācāya vācāya saṅghādisesassa.

8. Bhikkhu dubbhāsitaṁ ajjhāpajjanto diṭṭho hoti. Dubbhāsite saṅghādisesadiṭṭhi hoti -pe- dubbhāsite tullaccayapācittiyapāṭidesanīyadukkaṭa diṭṭhi hoti. Tañce pārājikena codeti: assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vāti, evampi āpattaññabhāgiyaṁ hoti. Leso ca upādinno, āpatti vācāya vācāya saṅghādisesassa.

Ekekaṁ mūlaṁ kātuna cakkaṁ bandhitabbaṁ

9. Bhikkhu saṅghādisesaṁ ajjhāpajjanto diṭṭho hoti, saṅghādisese saṅghādisesadiṭṭhi hoti. Tañce pārājikena codāpeti: "assamaṇosi, asakyaputtiyosi, natthi tayā saddhiṁ uposatho vā pavāraṇā vā saṅghakammaṁ vā"ti. Evampi āpattaññabhāgiyaṁ hoti, leso ca upādinno, āpatti vācāya vācāya saṅghādisesassa.

[BJT Page 446]

10. Bhikkhu saṅghādisesaṁ ajjhāpajjanto diṭṭho hoti, saṅghādisese thullaccayadiṭṭhi hoti -pe- pācittiyadiṭṭhi hoti -pe- pāṭidesanīyadiṭṭhi hoti -pe- dukkaṭadiṭṭhi hoti -pedubbhāsitadiṭṭhi hoti -pe- tañce pārājikena codāpeti: "assamaṇosi, asakyaputtiyosi -pe- " evampi āpattaññabhāgiyaṁ hoti, leso ca upādinno, āpatti vācāya vācāya saṅghādisesassa.

11. Bhikkhu thullaccayaṁ ajjhāpajjanto diṭṭho hoti, thullaccaye thullaccayadiṭṭhi hoti -pe- thullaccaye pācittiyadiṭṭhi hoti -pe- pāṭidesanīyadiṭṭhi hoti -pe- dukkaṭadiṭṭhi hoti -pe- dubbhāsitadiṭṭhi hoti, saṅghādisesadiṭṭhi hoti. Tañce pārājikena codāpeti: "assamaṇosi, asakyaputtiyosi" -pe- evampi āpattaññabhāgiyaṁ hoti, leso ca upādinno, āpatti vācāya vācāya saṅghādisesassa.

12. Bhikkhu pācittiyaṁ -pe- pāṭidesanīyaṁ -pe- dukkaṭaṁ -pedubbhāsitaṁ ajjhāpajjanto diṭṭho hoti dubbhāsite dubbhāsitadiṭṭhi hoti -pe- dubbhāsite saṅghādisesadiṭṭhi hoti -pe- thullaccayadiṭṭhi hoti -pe- pācittiyadiṭṭhi hoti -pepāṭidesanīyadiṭṭhi hoti -pe- dukkaṭadiṭṭhi hoti, tañce pārājikena codāpeti: "assamaṇo'si, asakyaputtiyo'si, natthi tayā saddhiṁ uposatho vā pavāraṇā vā saṅghakammaṁ vā'ti. Evampi āpattaññabhāgiyaṁ hoti, leso ca upādinno, āpatti vācāya vācāya saṅghādisesassa.

13. Anāpatti tathāsaññī codeti vā codāpeti vā ummattakassa, ādikammikassāti.

Dutiyaduṭṭhadosasikkhāpadaṁ [page 171] niṭṭhitaṁ.

[BJT Page 448]

3. 10

Paṭhamasaṅghabhedasikkhāpadaṁ

1. Tena samayena buddho bhagavā rājagahe viharati veḷuvane kalandakanivāpe. Atha kho devadatto yena kokāliko kaṭamorakatissako khaṇḍadeviyā putto samuddadatto tenupasaṅkami, upasaṅkamitvā kokālikaṁ kaṭamorakatissakaṁ khaṇḍadeviyā puttaṁ samuddadattaṁ etadavoca: "etha mayaṁ āvuso samaṇassa gotamassa saṅghabhedaṁ karissāmi cakkabhedanti". Evaṁ vutte kokāliko devadattaṁ etadavoca: "samaṇo kho āvuso gotamo mahiddhiko mahānubhāvo. Kathaṁ mayaṁ samaṇassa gotamassa saṅghabhedaṁ karissāma cakkabhedanti". Etha mayaṁ āvuso samaṇaṁ gotamaṁ upasaṅkamitvā pañca vatthūni yācissāma: "bhagavā bhante anekapariyāyena appicchassa santuṭṭhassa sallekhassa dhutassa pāsādikassa apacayassa viriyārambhassa vaṇṇavādī". Imāni bhante pañca vatthūni aneka pariyāyena appicchatāya santuṭṭhiyā sallekhāya dhutāya pāsādikāya apacayāya viriyārambhāya saṁvattanti:

"Sādhu bhante bhikkhū yāvajīvaṁ āraññakā assu, yo gāmantaṁ osareyya vajjaṁ naṁ phuseyya.

Yāvajīvaṁ piṇḍapātikā assu, yo nimantanaṁ sādiyeyya vajjaṁ naṁ phuseyya.

Yāvajīvaṁ paṁsukulikā assu, yo gahapaticīvaraṁ sādiseyya vajjaṁ naṁ phuseyya.

Yāvajīvaṁ rukkhamūlikā assu, yo channaṁ upagaccheyya vajjaṁ naṁ phuseyya.

Yāvajīvaṁ macchamaṁsaṁ na khādeyyuṁ, yo macchamaṁsaṁ khādeyya vajjaṁ naṁ phuseyyā"ti.
Imāni samaṇo gotamo nānujānissati. Te mayaṁ imehi pañcahi vatthūhi janaṁ saññāpessāmāti. Sakkā kho āvuso imehi pañcahi vatthūhi samaṇassa gotamassa saṅghabhedo kātuṁ cakkabhedo lukhappasannā hi āvuso manussā"ti.

2. Atha kho devadatto sapariso yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho devadatto bhagavantaṁ etadavoca: "bhagavā bhante anekapariyāyena appicchassa santuṭṭhassa sallekhassa dhutassa pāsādikassa apacayassa viriyārambhassa vaṇṇavādī. Imāni bhante pañca vatthūni anekapariyāyena appicchatāya santuṭṭhiyā sallekhāya dhūtāya pāsādikāya apacayāya viriyārambhāya saṁvattanti.

[BJT Page 450]

"Sādhu bhante bhikkhū yāvajīvaṁ āraññakā assu, yo gāmantaṁ osareyya vajjaṁ naṁ phuseyya.
Yāvajīvaṁ piṇḍapātikā assu, yo nimantanaṁ sādiyeyya vajjaṁ naṁ phuseyya.
Yāvajīvaṁ paṁsukulikā assu, yo gahapaticīvaraṁ sādiseyya vajjaṁ naṁ phuseyya.
Yāvajīvaṁ rukkhamūlikā assu, yo channaṁ upagaccheyya vajjaṁ naṁ phuseyya.
Yāvajīvaṁ macchamaṁsaṁ na khādeyyuṁ, yo macchamaṁsaṁ khādeyya vajjaṁ naṁ phuseyyā"ti. "Alaṁ devadatta, yo icchati āraññako hotu, yo icchati gāmante viharatu, yo icchati [page 172] piṇḍapātiko hotu, yo icchati nimantanaṁ sādiyatu, yo icchati paṁsukūliko hotu, yo icchati gahapaticīvaraṁ sādiyatu. Aṭṭhamāse kho mayā devadatta, rukkhamūlasenāsanaṁ anuññātaṁ, tikoṭiparisuddhaṁ macchamaṁsaṁ adiṭṭhaṁ asutaṁ aparisaṅkitanti. Atha kho devadatto na bhagavā imāni pañca vatthūni anujānātīti haṭṭho udaggo sapariso uṭṭhāyāsanā bhagavantaṁ abhivādetvā padakkhiṇaṁ katvā pakkāmi.

3. Atha kho devadatto rājagahaṁ pavisitvā pañcahi vatthūhi janaṁ saññāpesi: "mayaṁ āvuso samaṇaṁ gotamaṁ upasaṅkamitvā pañcavatthūni yācimha: bhagavā bhante anekapariyāyena appicchassa -pe- yāvajīvaṁ macchamaṁsaṁ na khādeyyuṁ, yo macchamaṁsaṁ khādeyya vajjaṁ naṁ phuseyyā"ti. Imāni samaṇo gotamo nānujānāti. Te mayaṁ imehi pañcahi vatthūhi -1. Samādāya vattāmā"ti. Tattha ye te manussā assaddhā appasannā dubbuddhino, te evamāhaṁsu: "ime kho samaṇā sakyaputtiyā dhutā sallekhavuttino, samaṇo pana gotamo bāhuliko bāhullāya ceteti"ti. Ye pana te manussā saddhā pasannā paṇḍitā buddhimanto te ujjhāyanti khiyanti vipācenti: "kathaṁ hi nāma devadatto bhagavato saṅghabhedāya parakkamissati cakkabhedāyā"ti.

4. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma devadatto bhagavato saṅghabhedāya parakkamissati cakkabhedāyā"ti. Atha kho te bhikkhu bhagavato etamatthaṁ ārocesuṁ -pe- "saccaṁ kira tvaṁ devadatta saṅghabhedāya parakkamasi cakkabhedāyā"ti. "Saccaṁ bhagavā" vigarahi buddho bhagavā: kathaṁ hi nāma tvaṁ moghapurisa saṅghabhedāya parakkamissasi cakkabhedāya. Netaṁ moghapurisa, appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:
1. "Pañcavatthunīti" vattabbepi "te maṁ imehi pañcahi vatthuhi" janaṁ saññāpessāmāti abhiṇhaparivitakkavasena vuttanti. Sa. Pāsādikā.

[BJT Page 452]

"Yo pana bhikkhu samaggassa saṅghassa bhedāya parakkameyya, bhedanasaṁvattanikaṁ vā adhikaraṇaṁ samādāya paggayha tiṭṭheyya, so bhikkhu bhikkhūhi evamassa vacanīyo: 'mā āyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi, sametāyasmā saṅghena samaggo hi saṅgho sammodamāno avivadamāno ekuddeso phāsu viharatī'ti. Evañca so bhikkhu bhikkhūhi vuccamāno tatheva [page 173] paggaṇheyya, so bhikkhu bhikkhūhi yāva tatiyaṁ samanubhāsitabbo tassa paṭinissaggāya, yāva tatiyañceva samanubhāsiyamāno taṁ paṭinissajeyya, -1 iccetaṁ kusalaṁ. No ce paṭinissajeyya, saṅghādiseso"ti.

5. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Samaggo nāma saṅgho: samānasaṁvāsako samānasīmāyaṁ ṭhito.

Bhedāya parakkameyyāti 'kathaṁ ime nānā assu vinā assu vaggā assū'ti pakkhaṁ pariyesati, gaṇaṁ bandhati.

Bhedanasaṁvattanikaṁ vā adhikaraṇanti aṭṭhārasabhedakaravatthūni.

Samādāyāti ādāya.

Paggayhāti dīpeyya.

Tiṭṭheyyāti na paṭinissajeyya.

So bhikkhūti yo so saṅghabhedako bhikkhu.

Bhikkhūhīti aññehi bhikkhūhi.

Ye passanti ye suṇanti tehi vattabbo: "mā āyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya vaggayha aṭṭhāsi, sametāyasmā saṅghena, samaggo hi saṅgho sammodamāno avivadamāno ekuddeso phāsu viharatī"ti. Dutiyampi vattabbo. Tatiyampi vattabbo sace paṭinissajati, iccetaṁ kusalaṁ no ve paṭinissajati, āpatti dukkaṭassa. Sutvā na vadanti, āpatti dukkaṭassa.

1. Paṭinissajjeyya machasaṁ.

[BJT Page 454]

So bhikkhu saṅghamajjhampi ākaḍḍhitvā vattabbo: "mā āyasmā samaggassa saṅghassa bhedāya parakkami, bhedanavattanikaṁ vā adhikaraṇaṁ samādāya paggayha aṭṭhāsi, sametāyasmā saṅghena, samaggo hi saṅgho sammodamāno avivadamāno ekuddeso phāsu viharatī" ti. Dutiyampi vattabbo tatiyampi vattabbo. Sace paṭinissajati, iccetaṁ kusalaṁ. No ce paṭinissajati, āpatti dukkaṭassa, so bhikkhu bhikkhūhi-1 samanubhāsitabbo. Evañca pana bhikkhave samanubhāsitabbo, vyattena bhikkhunā paṭibalena saṅgho ñāpetabbo:

"Suṇātu me bhante saṅgho. Ayaṁ itthannāmo bhikkhu samaggassa saṅghassa bhedāya parakkamati. So taṁ vatthuṁ na paṭinissajati, yadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya, esā ñatti.

Suṇātu me bhante saṅgho. Ayaṁ itthannāmo bhikkhu samaggassa saṅghassa bhedāya parakkamati. So taṁ vatthuṁ na paṭinissajati, saṅgho [page 174] itthannāmaṁ bhikkhūṁ samanubhāsati tassa vatthussa paṭinissaggāya, yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa. Yassa nakkhamati, so bhāseyya.

Dutiyampi etamatthaṁ vadāmi -pe-

Tatiyampi etamatthaṁ vadāmi: suṇātu me bhante saṅgho. Ayaṁ itthannāmo bhikkhu samaggassa saṅghassa bhedāya parakkamati. So taṁ vatthuṁ na paṭinissajati, saṅgho itthannāmaṁ bhikkhūṁ samanubhāsati tassa vatthussa paṭinissaggāya, yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa. Yassa nakkhamati, so bhāseyya.

Samanubhaṭṭho saṅghena itthannāmo bhikkhu tassa vatthussa paṭinissaggāya, khamati saṅghassa. Tasmā tuṇhī, evametaṁ dhārayāmī"ti.

Ñattiyā dukkaṭaṁ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassamhanti.

Saṅghādisesoti -pe- tenapi vuccati saṅghādisesoti.

6. Dhammakamme dhammakammasaññī na paṭinissajati. Āpatti saṅghādisesassa. Dhammakamme vematiko na paṭinissajati, āpatti saṅghādisesassa. Dhammakamme adhammakammasaññī na paṭinissajati, āpatti saṅghādisesassa. Adhammakamme dhammakammasaññī āpatti dukkaṭassa. Adhammakamme vematiko āpatti dukkaṭassa. Adhammakamme adhammakammasaññī āpatti dukkaṭassa.

7. Anāpatti asamanubhāsantassa, paṭinissajantassa, ummattakassa, ādikadammikassāti.
Paṭhamasaṅghabhedasikkhāpadaṁ niṭṭhitaṁ.

Machasaṁ. Nadissate.

[BJT Page 456]

3. 11
Dutiyasaṅghabhedasikkhāpadaṁ

1. Tena samayena buddho bhagavā rājagahe viharati veḷuvane kalandakanivāpe. Tena kho pana samayena devadatto saṅghabhedāya parakkamati cakkabhedāya. Bhikkhū evamāhaṁsu: adhammavādī devadatto, avinayavādī devadatto. Kathaṁ hi nāma devadatto saṅghabhedāya parakkamissati cakkabhedāyāti. Evaṁ vutte kokāliko ca-1 kaṭamorakatissako khaṇḍadeviyā putto samuddadatto ca-1 te bhikkhū-2 etadavocuṁ. Mā āyasmanto evaṁ avacuttha: [page 175] dhammavādī devadatto vinayavādī devadatto, ambhākañca devadatto chandañca ruciñca ādāya voharati, jānāti. No bhāsati, ambhākampetaṁ khamatīti. Ye te bhikkhū appicchā te ujjhāyanti khiyanti vipācenti: "kathaṁ hi nāma bhikkhū devadattassa saṅghabhedāya parakkamantassa anuvattakā bhavissanti vaggavādakā"ti. Atha kho te bhikkhū bhagavato etamatthaṁ ārocesuṁ -pe- "saccaṁ kira bhikkhave bhikkhū devadattassa saṅghabhedāya parakkamantassa anuvattakā bhavissanti vaggavādakā"ti. "Saccaṁ bhagavā. " Vigarahi buddho bhagavā -pe-"kathaṁ hi nāma te bhikkhave moghapurisā devadattassa saṅghabhedāya parakkamantassa anuvattakā bhavissanti vaggavādakā. Netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Tasseva kho pana bhikkhussa bhikkhū honti anuvattakā vaggavādakā eko vā dve vā tayo vā, te evaṁ vadeyyuṁ: "mā āyasmanto etaṁ bhikkhuṁ kiñci avacuttha, dhammavādī ceso bhikkhū vinayavādī ceso bhikkhu amhākaṁ ceso bhikkhu chandañca ruciñca ādāya voharati, jānāti no bhāsati, amhākampetaṁ khamatī"ti. Te bhikkhu bhikkhūhi evamassu vacanīyā: "mā āyasmanto evaṁ avacuttha, na ceso bhikkhu dhammavādī, na ce so bhikkhu vinayavādī, mā āyasmantānampi saṅghabhedo ruccittha. Sametāyasmantānaṁ saṅghena, samaggo hi saṅgho sammodamāno avivadamāno ekuddeso phāsu viharatī"ti. Evañca te bhikkhu bhikkhūhi vuccamānā tatheva paggaṇheyyuṁ, te bhikkhu bhikkhūhi yāva tatiyaṁ samanubhāsitabbā tassa paṭinissaggāya. Yāva tatiyañce samanubhāsiyamānā naṁ paṭinissajeyyuṁ, iccetaṁ kusalaṁ, no ce paṭinissajeyyuṁ, saṅghādiseso"ti.

2. Tasseva kho panāti tassa saṅghabhedakassa bhikkhuno.

Bhikkhū hontīti aññe bhikkhū honti.

1. Casaddo katthacipi na dissate. 2. Etadavoca. Sīmu.

[BJT Page 458]

Anuvattakāti yaṁdiṭṭhiko hoti yaṅkhantiko yaṁruciko, tepi taṁdiṭṭhikā honti taṅkhantikā taṁrucikā.

Vaggavādakāti tassa vaṇṇāya pakkhāya ṭhitā honti.

Eko vā dve vā tayo vāti eko vā hoti dve vā tayo vā. Te evaṁ vadeyyuṁ: "mā āyasmanto etaṁ bhikkhuṁ kiñci avacuttha, dhammavādī ceso bhikkhu vinayavādī ceso bhikkhu amhākañceso bhikkhu chandañca ruciñca ādāya [page 176] voharati, jānāti no bhāsati, amhākampetaṁ khamati"ti.

Te bhikkhūti ye te anuvattakā bhikkhū.

Bhikkhūhīti aññehi bhikkhūhi, ye passanti, ye suṇanti, tehi vattabbā: "mā āyasmanto evaṁ avacuttha, na ceso bhikkhu dhammavādī, na ceso bhikkhu vinayavādī, mā āyasmantānampi saṅghabhedo ruccittha sametāyasmantānaṁ saṅghena, samaggo hi saṅgho sammodamāno avivadamāno ekuddeso phāsu viharatī"ti. Dutiyampi vattabbā. Tatiyampi vattabbā. Sace paṭinissajanti, iccetaṁ kusalaṁ, no ce paṭinissajanti, āpatti dukkaṭassa. Sutvā na vadanti, āpatti dukkaṭassa. Te bhikkhū saṅghamajjhampi ākaḍḍhitvā vattabbā: - "mā āyasmanto evaṁ avacuttha, na ceso bhikkhu dhammavādī, na ceso bhikkhu vinayavādī, mā āyasmantānampi saṅghabhedo ruccittha, sametāyasmantānaṁ saṅghena. Samaggo hi saṅgho sammodamāno avivadamāno ekuddeso phāsu viharatī"ti. Dutiyampi vattabbā. Tatiyampi vattabbā. Sace paṭinissajanti, iccetaṁ kusalaṁ. No ce paṭinissajanti, āpatti dukkaṭassa. Te bhikkhū bhikkhūhi samanubhāsitabbā, evañca pana bhikkhave samanubhāsitabbā. Vyattena bhikkhunā paṭibalena saṅgho ñāpetabbo:

"Suṇātu me bhante saṅgho. Itthannāmo ca itthannāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā. Te taṁ vatthuṁ na paṭinissajanti. Yadi saṅghassa pattakallaṁ, saṅgho itthannāmañca itthannāmañca bhikkhu samanubhāseyya tassa vatthussa paṭinissaggāya: esā ñatti.

Suṇātu me bhante saṅgho. Itthannāmo ca itthannāmo ca bhikkhu itthannāmassa bhikkhuno saṅghabhedāya parakkamantassa anuvattakā vaggavādakā. Te taṁ vatthuṁ na paṭinissajanti. Saṅgho itthannāmañca itthannāmañca bhikkhū samanubhāsati tassa vatthussa paṭinissaggāya. Yassāyasmato khamati itthannāmassa ca itthannāmassa ca bhikkhūnaṁ samanubhāsanā tassa vatthussa paṭinissaggāya. So tuṇhassa, yassa nakkhamati, so bhāseyya: dutiyampi etamatthaṁ vadāmi -pe- tatiyampi etamatthaṁ vadāmi. -Pe-

[BJT Page 460]

Samanubhaṭṭhā saṅghena itthannāmo ca itthannāmo ca bhikkhu tassa vatthussa paṭinissaggāya. Khamati saṅghassa. Tasmā tuṇhī, evametaṁ dhārayāmī"ti.

Ñattiyā dukkaṭaṁ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṁ ajjhāpajjantānaṁ ñattiyā dukkaṭaṁ dvīhi kammavācāhi thullaccayā paṭippassambhanti. Dve tayo ekato samanubhāsitabbā. Taduttari na samanubhāsitabbā.

Saṅghādisesoti -pe- tenapi vuccati saṅghādisesoti.

3. [page 177] dhammakamme dhammakammasaññī-1 na paṭinissajanti, āpatti saṅghādisesassa. Dhammakamme vematikā na paṭinissajanti, āpatti saṅghādisesassa. Dhammakamme adhammakammasaññī na paṭinissajanti. Āpatti saṅghādisesassa. Adhammakamme dhammakammasaññī āpatti dukkaṭassa. Adhammakamme vematikā āpatti dukkaṭassa. Adhammakamme adhammakammasaññī āpatti dukkaṭassa.

4. Anāpatti asamanubhāsantānaṁ, paṭinissajantānaṁ, ummattakānaṁ, khittacittānaṁ, vedanaṭṭānaṁ ādikammikānanti.

Dutiyasaṅghabheda sikkhāpadaṁ niṭṭhitaṁ.

1. Dhammakammasaññino. Sī. Mu. Sabbattha.

[BJT Page 462]

3. 12

Dubbacasikkhāpadaṁ tena samayena buddho bhagavā kosambiyaṁ viharati ghositārāme. Tena kho pana samayena āyasmā channo anācāraṁ ācarati. Bhikkhū evamāhaṁsu: "mā āvuso channa, evarūpaṁ akāsi. Netaṁ kappatī" ti. So evaṁ vadeti: "kinnu kho nāma tumhe āvuso, maṁ vattabbaṁ maññatha. Ahaṁ kho nāma tumhe vadeyyaṁ. Ambhākaṁ buddho ambhākaṁ dhammo ambhākaṁ ayyaputtena dhamme abhisamito. Seyyathāpi nāma mahāvāto vāyanto tiṇakaṭṭhapaṇṇasaṭaṁ-1 ekato ussādeyya-2 , seyyathāpi vā pana nadī pabbateyyā saṅkhasevālapaṇakaṁ ekato ussādeyya, evameva tumhe nānānāmā nānāgottā nānājaccā nānākulā pabbajitā ekato ussāditā. Kinnu kho nāma tumhe āvuso, maṁ vattabbaṁ maññatha. Ahaṁ kho nāma tumhe vadeyyaṁ. Ambhākaṁ buddho ambhākaṁ dhammo ambhākaṁ ayyaputtena dhammo abhisamito"ti. Ye te bhikkhu appicchā te ujjhāyanti khīyanti vipācenti: "kathaṁ hi nāma āyasmā channo bhikkhūhi sahadhammikaṁ vuccamāno attānaṁ avacanīyaṁ karissatī"ti. Atha kho te bhikkhū bhagavato etamatthaṁ ārocesuṁ -pe- "saccaṁ kira tvaṁ channa, bhikkhūhi sahadhammikaṁ vuccamāno attānaṁ avacanīyaṁ karosi"ti? "Saccaṁ bhagavā. " Vigarahi buddho bhagavā: "kathaṁ hi nāma tvaṁ moghapurisa bhikkhūhi sahadhammikaṁ vuccamāno attānaṁ avacanīyaṁ karissasi -pe- netaṁ moghapurisa [page 178] appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

Bhikkhu paneva dubbacajātiko hoti, uddesapariyāpannesu sikkhāpadesu bhikkhūhi sahadhammikaṁ vuccamāno attānaṁ avacaniyaṁ karoti, 'mā maṁ āyasmanto kiñci avacuttha, kalyāṇaṁ vā pāpakaṁ vā, ahampāyasmante na kiñci vakkhāmi kalyāṇaṁ vā pāpakaṁ vā, viramathāyasmanto mama vacanāyā'ti. So bhikkhu bhikkhūhi evamassa vacanīyo: 'mā āyasmā attānaṁ avacanīyaṁ akāsi. Vacanīyamevāyasmā attānaṁ karotu. Āyasmāpi bhikkhu vadetu sahadhammena. Bhikkhūpi āyasmantaṁ vakkhanti sahadhammena. Evaṁ saṁvaddhā hi tassa bhagavato parisā, yadidaṁ aññamaññavacanena aññamaññavuṭṭhāpanenā'ti. Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāva tatiyaṁ samanubhāsitabbo tassa paṭinissaggāya. Yāva tatiyañce samanubhāsiyamāno taṁ paṭinissajeyya, iccetaṁ kusalaṁ noce paṭinissajeyya, saṅghādiseso"ti.

1. Paṇṇakasaṭaṁ. Machasaṁ. 2. Ussāreyya. Machasaṁ.

[BJT Page 464]

2. Bhikkhu paneva dubbacajātiko hotīti dubbaco hoti dovacassakaraṇehi dhammehi samannāgato akkhamo appadakkhiṇaggāhī anusāsaniṁ.

Uddesapariyāpantesu sikkhāpadesūti pātimokkhapariyāpantesu sikkhāpadesu.

Bhikkhūhīti aññehi bhikkhūhi.

Sahadhammikaṁ nāma: yaṁ bhagavatā paññattaṁ sikkhāpadaṁ etaṁ sahadhammikaṁ nāma. Tena vuccamāno attānaṁ avacanīyaṁ karoti, "mā maṁ āyasmanto kiñci avacuttha kalyāṇaṁ vā pāpakaṁ vā, ahampāyasmante na kiñci vakkhāmi kalyāṇaṁ vā pāpakaṁ vā, viramathāyasmanto mama vacanāyā"ti.

So bhikkhūti yo so dubbacajātiko bhikkhu.

Bhikkhūhīti aññehi bhikkhūhi, ye passanti ye suṇanti tehi vattabbo: "mā āyasmā attānaṁ avacanīyaṁ akāsi. Vacanīyamevāyasmā attānaṁ karotu. Āyasmāpi bhikkhu vadetu sahadhammena. Bhikkhūpi āyasmantaṁ vakkhanti sahadhammena. Evaṁ saṁvaddhā hi tassa bhagavato parisā yadidaṁ aññamaññavacanena aññamaññavuṭṭhāpanenā"ti. Dutiyampi vattabbo. Tatiyampi vattabbo. Sace [page 179] paṭinissajati, iccetaṁ kusalaṁ. No ce paṭinissajati, āpatti dukkaṭassa. Sutvā na vadanti, āpatti dukkaṭassa. So bhikkhu saṅghamajjhampi ākaḍḍhitvā vattabbo: "mā āyasmā attānaṁ avacanīyaṁ akāsi. Vacanīyamevāyasmā attānaṁ karotu. Āyasmāpi bhikkhu vadetu sahadhammena. Bhikkhūpi āyasmantaṁ vakkhanti sahadhammena. Evaṁ saṁvaddhā hi tassa bhagavato parisā yadidaṁ aññamaññavacanena aññamaññavuṭṭhāpanenā"ti. Dutiyampi vattabbo. Tatiyampi vattabbo. Sace paṭinissajati, iccetaṁ kusalaṁ. No ce paṭinissajati, āpatti dukkaṭassa. So bhikkhu samanubhāsitabbo. Evañca pana bhikkhave samanubhāsitabbo: vyattena bhikkhunā paṭibalena saṅgho ñāpetabbo:

"Suṇātu me bhante saṅgho. Ayaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti, so taṁ vatthuṁ na paṭinissajati, yadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya. Esā ñatti.
Suṇātu me bhante saṅgho. Ayaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti, so taṁ vatthuṁ na paṭinissajati, saṅgho itthannāmaṁ bhikkhuṁ samanubhāsati tassa vatthussa paṭinissaggāya, yassāyasmato khamati, itthannāmassa bhikkhuno samanubhāsanā tassa vatthussa paṭinissaggāya. So tuṇhassa, yassa nakkhamati, so bhāseyya.

[BJT Page 466]

Dutiyampi etamatthaṁ vadāmi -pe- tatiyampi etamatthaṁ vadāmi -pesamanubhaṭṭho saṅghena itthannāmo bhikkhu tassa vatthussa paṭinissaggāya. Khamati saṅghassa, tasmā tuṇhī, evametaṁ dhārayāmī"ti.

Ñattiyā dukkaṭaṁ, dvīhi kammavācāhi thullaccayā, kammavācāpariyosāne āpatti saṅghādisesassa, saṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.

Saṅghādisesoti -pe- tenapi vuccati saṅghādisesoti.

3. Dhammakamme dhammakammasaññī na paṭinissajati, āpatti saṅghādisesassa. Dhammakamme vematiko na paṭinissajati, āpatti saṅghādisesassa. Dhammakamme adhammakammasaññī na paṭinissajati āpatti saṅghādisesassa. Adhammakamme dhammakammasaññī -pe- āpatti dukkaṭassa. Adhammakamme vematiko -pe- āpatti dukkaṭassa. Adhammakamme adhammakammasaññī -pe- āpatti dukkaṭassa.

4. Anāpatti asamanubhāsantassa, paṭinissajantassa, ummattakassa, ādikammikassāti.
Dubbacasikkhāpadaṁ niṭṭhitaṁ

3. 13.

Kuladūsakasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme tena kho pana samayena assajipunabbasukā-1 nāma kīṭāgirismiṁ āvāsikā honti alajjino pāpabhikkhū. Te evarūpaṁ anācāraṁ ācaranti: mālāvacchaṁ ropentipi ropāpentipi. Siñcantipi [page 180] siñcāpentipi. Ocinantipi ocināpentipi. Ganthentipi ganthāpentipi. Ekatovaṇṭikamālaṁ karontipi kārāpentipi. Ubhatovaṇṭikamālaṁ karontipi kārāpentipi. Mañjarikaṁ karontipi kārāpentipi. Vidhūtikaṁ karontipi kārāpentipi. Vaṭaṁsakaṁ karontipi kārāpentipi. Āvelaṁ karontipi kārāpentipi. Uracchadaṁ karontipi kārāpentipi. Te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harantipi harāpentipi. Ubhato vaṇṭikamālaṁ harantipi harāpentipi. Mañjarikaṁ harantipi harāpentipi, vidhūtikaṁ harantipi harāpentipi, vaṭaṁsakaṁ harantipi harāpentipi. Āvelaṁ harantipi harāpentipi. Uracchadaṁ harantipi harāpentipi. Te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhajānepi bhuñjanti-

1. Nāma bhikkhū. Itipi sīmu.

[BJT Page 468]

Ekathālakepi pivanti, ekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāpuraṇāpi tuvaṭṭenti, ekattharaṇapāpuraṇāpi tuvaṭṭenti, vikālepi bhuñjanti, majjampi pivanti, mālāgandhavilepanampi dhārenti, naccantipi gāyantipi vādentipi lāsentipi, naccantiyāpi naccanti, naccantiyāpi vādenti, naccantiyāpi lāsenti, gāyantiyāpi naccanti, gāyantiyāpi gāyanti, gāyantiyāpi vādenti, gāyantiyāpi lāsenti, vādentiyāpi naccanti, vādentiyāpi gāyanti, vādentiyāpi vādenti, vādentiyāpi lāsenti, lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti, aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi khīḷanti, salākahatthenapi kīḷanti, akkhenapi kīḷanti, paṅgacīrenapi kīḷanti, vaṅkakenapi kīḷanti, mokkhacikāyapi kīḷanti, viṅgulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti, hatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti, tharusmimpi sikkhanti, hatthissapi purato dhāvanti, assassapi purato dhāvanti, rathassapi-1 purato dhāvanti, dhāvantipi ādhāvantipi, usseḷentipi-2 appoṭhentipi nibbujjhantipi, muṭṭhihipi yujjhanti, raṅgamajjhepi saṅghāṭiṁ pattharitvā naccantiṁ-3 evaṁ vadenti: 'idha bhagini naccassū'ti, nalāṭikampi denti, vividhampi anācāraṁ ācaranti.

2. Tena kho pana samayena aññataro bhikkhu kāsīsu vassaṁ vuttho sāvatthiṁ gacchanto bhagavantaṁ dassanāya yena kīṭāgiri [page 181] tadavasari. Atha kho so bhikkhu pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisi pāsādikena abhikkantena paṭikkantena ālokitena vilokitena sammiñjitena pasāritena okkhitta cakkhu iriyāpathasampanno. Manussā taṁ bhikkhuṁ passitvā evamāhaṁsu: "kvāyaṁ abalabalo viya mandamando viya bhākuṭikabhākuṭiko viya, ko imassa upagatassa piṇḍakampi dassati. Ambhākaṁ pana ayyā assajipunabbasukā saṇhā sakhilā sukhasambhāsā mihitapubbaṅgamā, ehi svāgatavādino abbhākuṭikā uttānamukhā pubbabhāsino, tesaṁ nāma piṇḍo dātābbo"ti. Addasā kho aññataro upāsako taṁ bhikkhuṁ kīṭāgirismiṁ piṇḍāya carantaṁ, disvāna yena so bhikkhu tenupasaṅkami, upasaṅkamitvā taṁ bhikkhuṁ abhivādetvā etadavoca: "api bhante piṇḍo labbhatī" ti "na kho āvuso piṇḍo labbhatī"ti. "Ehi bhante gharaṁ gamissāmā"ti.

1. Rathassa purato dhāvantipi ādhāvantipi. Machasaṁ.
2. Ussoḷhentipi. Pāṭho
3. Naccakiṁ machasaṁ.

[BJT Page 470]

3. Atha kho so upāsako taṁ bhikkhuṁ gharaṁ netvā bhojetvā etadavoca: "kahaṁ bhante ayyo gamissatī"ti. "Sāvatthiṁ kho ahaṁ āvuso gamissāmi bhagavantaṁ dassanāyā"ti. "Tena hi bhante mama vacanena bhagavato pāde sirasā vandāhi, evañca vadehi: " duṭṭho bhante kīṭāgirismiṁ āvāso, assajipunabbasukā nāma kīṭāgirismiṁ āvāsikā alajjino pāpabhikkhū. Te evarūpaṁ anācāraṁ ācaranti: mālāvacchaṁ ropentīpi ropāpentipi -pe- vividhampi anācāraṁ ācaranti yepi te bhante manussā pubbe saddhā ahesuṁ pasannā, tepi etarahi assaddhā appasannā. Yānipi tāni saṅghassa pubbe dānapathāni, tānipi etarahi upacchinnāni. Riñcanti pesalā bhikkhū. Nivasanti pāpabhikkhū. Sādhu bhante bhagavā kīṭāgiriṁ bhikkhū pahiṇeyya yathāyaṁ kīṭāgirismiṁ āvāso saṇṭhaheyyā"ti.

4. "Evamāvuso" ti kho so bhikkhu tassa upāsakassa paṭissutvā yena sāvatthi tena pakkāmi. Anupubbena yena sāvatthi jetavanaṁ anāthapiṇḍikassa ārāmo, yena bhagavā tenupasaṅkami. Upasaṅkamitvā bhagavantaṁ abhivādetvā ekamantaṁ nisīdi āciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ. Atha kho bhagavā taṁ bhikkhuṁ etadavoca: "kacci bhikkhu khamanīyaṁ, kacci yāpanīyaṁ, kaccisi appakilamathena addhānaṁ āgato, kuto ca tvaṁ bhikkhu āgacchasī"ti. "Khamanīyaṁ bhagavā, yāpanīyaṁ bhagavā, appakilamathena cāhaṁ bhante addhānaṁ [page 182] āgato.

5. Idāhaṁ bhante kāsīsu vassaṁ vuttho sāvatthiṁ āgacchanto bhagavantaṁ dassanāya yena kīṭāgiri tadavasariṁ, atha khvāhaṁ bhante pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisiṁ. Addasā kho maṁ bhante aññataro upāsako kīṭāgirismiṁ piṇḍāya carantaṁ, disvāna yenāhaṁ tenupasaṅkami, upasaṅkamitvā maṁ abhivādetvā etadavoca: "api bhante piṇḍo labbhatī"ti. "Na kho āvuso piṇḍo labbhatī"ti. "Ehi bhante gharaṁ gamissāmā"ti. Atha kho bhante so upāsako maṁ gharaṁ netvā bhojetvā etadavoca: "kahaṁ bhante ayyo gamissatī"ti. "Sāvatthiṁ kho ahaṁ āvuso gamissāmi bhagavantaṁ dassanāyā"ti. "Tena hi bhante mama vacanena bhagavato pāde sirasā vandāhi, evañca vadehi: 'duṭṭho bhante kīṭāgirismiṁ āvāso, assajipunabbasukā nāma kīṭāgirismiṁ āvāsikā alajjino pāpabhikkhu. Te evarūpaṁ anācāraṁ ācaranti: mālāvacchaṁ ropentipi ropāpentipi -pe- vividhampi anācāraṁ ācaranti. Yepi te bhante manussā pubbe saddhā ahesuṁ pasannā, tepi etarahi assaddhā appasannā. Yānipi tāni saṅghassa pubbe dānapathāni, tānipi etarahi upacchinnāni. Riñcanti pesālā bhikkhū. Nivasanti pāpabhikkhū'ti. Sādhu bhante bhagavā kīṭāgiriṁ bhikkhū pahiṇeyya yathāyaṁ kīṭāgirismiṁ āvāso saṇṭhaheyyā"ti. "Tato ahaṁ bhagavā āgacchāmī"ti.

[BJT Page 472]

6. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ santipātāpetvā bhikkhū paṭipucchi: "saccaṁ kira bhikkhave assajipunabbasukā nāma kīṭāgirismiṁ āvāsikā alajjino pāpabhikkhū, te evarūpaṁ anācāraṁ ācaranti: mālāvacchaṁ ropentipi ropāpentipi -pe- vividhampi anācāraṁ ācaranti, yepi te bhikkhave manussā pubbe saddhā ahesuṁ pasannā, tepi etarahi assaddhā appasannā. Yānipi tāni saṅghassa pubbe dānapathāni, tānipi etarahi upacchinnāni. Riñcanti pesalā bhikkhū nivasanti pāpabhikkhū"ti? "Saccaṁ bhagavā". Vigarahi buddho bhagavā:

7. "Kathaṁ hi nāma te bhikkhave moghapurisā evarūpaṁ anācāraṁ ācarissanti: mālāvacchaṁ ropessantipi ropāpessantipi, siñcissantipi siñcāpessantipi, ocinissantipi ocināpessantipi, ganthissantipi ganthāpessantipi, ekato vaṇṭikamālaṁ karissantipi kārāpessantipi, ubhatovaṇṭikamālaṁ karissantipi kārāpessantipi, mañjarikaṁ karissantipi kārāpessantipi, vidhūtikaṁ karissantīpi kārāpessantipi, vaṭaṁsakaṁ karissantipi kārāpessantipi, āvelaṁ karissantipi kārāpessantipi, uracchadaṁ karissantipi kārāpessantipi, te kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekato vaṇṭikamālaṁ harissantipi harāpessantipi, ubhato vaṇṭikamālaṁ harissantipi harāpessantipi, mañjarikaṁ harissantipi harāpessantipi, vidhūtikaṁ harissantipi harāpessantipi, vaṭaṁsakaṁ harissantipi harāpessantipi, āvelaṁ harissantipi harāpessantipi, uracchadaṁ harissantipi harāpessantipi, te kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjissanti, ekathālakepi pivissanti, ekāsanepi nisīdissanti, ekamañcepi tuvaṭṭissanti, ekattharaṇāpi tuvaṭṭissanti, ekapāpuraṇāpi tuvaṭṭissanti, ekattharaṇapāpuraṇāpi tuvaṭṭissanti, vikālepi bhuñjissanti, majjampi pivissanti, mālāgandhavilepanampi dhārissanti, naccissantipi, gāyissantipi, vādissantipi, lāsessantipi, naccantiyāpi naccissanti, naccantiyāpi gāyissanti, naccantiyāpi vādissanti, naccantīyāpi lāsessanti, gāyantiyāpi naccissanti, gāyantiyāpi gāyissanti, gāyantiyāpi vādissanti, gāyantiyāpi lāsessanti, vādentiyāpi naccissanti, vādentiyāpi gāyissanti, vādentiyāpi vādissanti, vādentiyāpi lāsessanti, lāsentiyāpi naccissanti, lāsentiyāpi gāyissanti, lāsentiyāpi vādissanti, lāsentiyāpi lāsessanti, aṭṭhapadepi kīḷissanti, dasapadepi kīḷissanti, ākāsepi kīḷissanti, parihārapathepi kīḷissanti, santikāyapi kīḷissanti, khalikāyapi kīḷissanti, ghaṭikāyapi kīḷissanti, salākahatthenapi kīḷissanti, akkhenapi kīḷissantī, paṅgacīrenapi kīḷissanti, vaṅkakenapi kīḷissanti, mokkhacikāyapi kīḷissanti, ciṅgulakenapi kīḷissanti, pattāḷahakenapi kīḷissanti, rathakenapi kīḷissanti, dhanukenapi kīḷissanti, akkharikāyapi kīḷissanti, manesikāyapi kīḷissanti, yathāvajjenapi kīḷissanti, hatthismimpi sikkhissanti, assasmimpi sikkhissanti, rathasmimpi sikkhissanti, dhanusmimpi sikkhissanti, tharusmimpi sikkhissanti, hatthissapi purato dhāvissanti, assassapi purato dhāvissanti, rathassapi purato dhāvissanti, dhāvissantipi ādhāvissantipi, usseḷissantipi-1 appoṭhessantipi, nibbujjhissantipi, muṭṭhihipi yujjhissanti, raṅgamajjhepi saṅghāṭiṁ pattharitvā naccantiṁ evaṁ vakkhanti: "idha bhagini naccassū"ti, nalāṭikampi dassanti, vividhampi anācāraṁ ācarissanti.

1. Ussoḷhissantīpi. Sī. Mu.

[BJT Page 474]

8. Netaṁ bhikkhave appasannānaṁ vā pasādāya -pe"vigarahitvā dhammiṁ kathaṁ katvā sāriputtamoggallāne āmantesi: "gacchatha tumhe sāriputtā kīṭāgiriṁ, gantvā assajipunabbasukānaṁ bhikkhūnaṁ kīṭāgirismā pabbājaniyakammaṁ karotha, tumhākaṁ ete saddhivihārikā"ti. "Kathaṁ mayaṁ bhante assajipunabbasukānaṁ bhikkhūnaṁ [page 183] kīṭāgirismā pabbājaniyakammaṁ karoma. Caṇḍā te bhikkhū pharusā"ti "tena hi tumhe sāriputtā bahukehi bhikkhūhi saddhiṁ gacchathā" ti. "Evaṁ bhante"ti kho sāriputtamoggallānā bhagavato paccassosuṁ.

9. Evañca pana bhikkhave kātabbaṁ: paṭhamaṁ assajipunabbasukā bhikkhū codetabbā. Codotvā sāretabbā, sāretvā āpatti-1 ropetabbā, āpattiṁ ropetvā, byattena bhikkhunā paṭibalena saṅgho ñāpetabbo:

"Suṇātu me bhante saṅgho. Ime assajipunabbasukā bhikkhū kuladūsakā pāpasamācārā, imesaṁ pāpakā samācārā dissanti ceva suyyanti ca, kulāni ca imehi duṭṭhāni dissanti ceva suyyanti ca, yadi saṅghassa pattakallaṁ, saṅgho assajipunabbasukānaṁ bhikkhūnaṁ kīṭāgirismā pabbājaniyakammaṁ kareyya, na assajipunabbasukehi bhikkhūhi kīṭāgirismiṁ vatthabba"nti. Esā ñatti.

Suṇātu me bhante saṅgho. Ime assajipunabbasukā bhikkhū kuladūsakā pāpasamācārā, imesaṁ pāpakā samācārā dissanti ceva suyyanti ca, kulāni ca imehi duṭṭhāni dissanti ceva suyyanti ca. Saṅgho assajipunabbasukānaṁ bhikkhūnaṁ kīṭāgirismā pabbājaniyakammaṁ karoti, na assajipunabbasukehi bhikkhūhi kīṭāgirismiṁ vatthabbanti yassāyasmato khamati assajipunabbasukānaṁ bhikkhūnaṁ kīṭāgirismā pabbājaniyakammassa karaṇaṁ; na assajipunabbasukehi bhikkhūhi kīṭāgirismiṁ vatthabbanti so tuṇhassa, yassa nakkhamati. So bhāseyya.

Dutiyampi etamatthaṁ vadāmi -pe- tatiyampi etamatthaṁ vadāmi -pekataṁ saṅghena assajipunabbasukānaṁ bhikkhūnaṁ kīṭāgirismā pabbājaniyakammaṁ, na assajipunabbasukehi bhikkhūhi kīṭāgirismiṁ vatthabbanti, khamati saṅghassa, tasmā tuṇhī, evametaṁ dhārayāmī"ti.

1. Āpattiṁ. Sī. Mu.

[BJT Page 476]

10. Atha kho sāriputtamoggallānapamukho bhikkhusaṅgho kīṭāgiriṁ gantvā assajipunabbasukānaṁ bhikkhūnaṁ kīṭāgirismiṁ-1 pabbājaniyakammaṁ akāsi: "na assajipunabbasukehi bhikkhūhi kīṭāgirismiṁ vatthabba"nti. Te saṅghena pabbājaniyakammakatā na sammā vattanti, na lomaṁ pātenti, na netthāraṁ vattanti, bhikkhū na khamāpenti. Akkosanti, paribhāsanti chandagāmitā dosagāmitā mohagāmitā bhayagāmitā pāpenti. Pakkamannipi. Vibbhamantipi. Ye te bhikkhū appicchā te ujjhāyanti khīyanti vipācenti: "kathaṁ hi nāma assajipunabbasukā bhikkhū saṅghena pabbājaniyakammakatā na sammā vattīssanti na lomaṁ pātessanti, na netthāraṁ vattissanti, bhikkhū na [page 184] khamāpessanti, akkosissanti, paribhāsissanti, chandagāmitā dosagāmitā mohagāmitā bhayagāmitā pāpessanti, pakkamissantipi vibbhamissantipi"ti.

11. Atha kho te bhikkhū bhagavato etamatthaṁ ārocesu. -Pe"saccaṁ kira bhikkhave assajipunabbasukā bhikkhu saṅghena pabbājaniyakammakatā na sammā vattanti -pe- vibbhamantipi"ti? "Saccaṁ bhagavā. " Vigarahi buddho bhagavā -pe- kathaṁ hi nāma te bhikkhave moghapurisā saṅghena pabbājaniyakammakatā na sammā vattissanti, na lomaṁ pātessanti, na netthāraṁ vattissanti bhikkhū na khamāpessanti. Akkosissanti, paribhāsissanti, chandagāmitā dosagāmitā mohagāmitā bhayagāmitā pāpessanti, pakkamissantipi vibbhamissanti'pi. Netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Bhikkhu paneva aññataraṁ gāmaṁ vā nigamaṁ vā upanissāya viharati kuladūsako pāpasamācāro, tassa kho pāpakā samācārā dissanti ceva suyyanti ca, kulāni ca tena duṭṭhāni dissanti ceva suyyanti ca, so bhikkhu bhikkhūhi evamassa vacanīyo: "āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca, pakkamatāyasmā imamhā āvāsā, alaṁ te idha vāsenā"ti, evañca so bhikkhu bhikkhūhi vuccamāno te bhikkhū evaṁ vadeyya: "chandagāmino ca bhikkhū dosagāmino ca bhikkhū mohagāmino ca bhikkhū bhayagāmino ca bhikkhū, tādisikāya āpattiyā ekaccaṁ pabbāchenti: ekaccaṁ na pabbāchentī"ti. So bhikkhu bhikkhūhi evamassa vacanīyo "mā āyasmā evaṁ avaca, na ca bhikkhū chandagāmino na ca bhikkhū dosagāmino na ca bhikkhū mohagāmino na ca bhikkhū bhayagāmino, āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca' kulāni cāyasmatā duṭṭhāni dissanti ceva suyyantī ca pakkamatāyasmā imamhā āvāsā, alaṁ te idha vāsenā"ti. Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāva tatiyaṁ samanubhāsitabbo tassa paṭinissaggāya, yāva tatiyañceva samanubhāsiyamāno taṁ paṭinissajeyya, iccetaṁ kusalaṁ, no ce paṭinissajeyya saṅghādiseso"ti.

1. Hirismi mu. Si.

[BJT Page 478]

12. Bhikkhu paneva aññataraṁ gāmaṁ vā nigamaṁ vāti gāmopi nigamopi nagarampi gāmo ceva nigamo ca.

Upanissāya viharatīti tattha paṭibaddhā honti cīvarapiṇḍapātasenāsanagilānapaccayabhesajjaparikkhārā.

Kulaṁ nāma: cattāri kulāni: khattiyakulaṁ brāhmaṇakulaṁ [page 185] vessakulaṁ suddakulaṁ.

Kuladūsakoti kulāni dūseti pupphena vā phalena vā cuṇṇena vā mattikāya vā dantakaṭṭhena vā vephanā vā-1. Vejjikāya vā jaṅghapesanikena vā.

Pāpasamācāroti mālāvacchaṁ ropetipi ropāpetipi, siñcatipi siñcāpetipi, ocinātipi ocināpetipi, ganthetipi ganthāpetipi. -Pe-

Dissanti ceva suyyayanti cāti ye sammukhā te passanti. Ye tirokkhā te suṇanti.
Kulāni ca tena duṭṭhānīti pubbe saddhā hutvā taṁ āgamma assaddhā honti. Pasannā hutvā appasannā honti.

Dissanti ceva suyyanti cāti ye sammukhā te passanti, ye tirokkhā te suṇanti.

So bhikkhūti yo so kuladūsako bhikkhu.

Bhikkhūhīti aññehi bhikkhūhi. Ye passanti ye suṇanti, tehi vattabbo: "āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca, pakkamatāyasmā imamhā āvāsā, alaṁ te idha vāsenā"ti. Evañca so bhikkhu bhikkhūhi vuccamāno te bhikkhū evaṁ vadeyya: "chandagāmino ca bhikkhū dosagāmino ca bhikkhū mohagāmīno ca bhikkhū bhayagāmino ca bhikkhū tādisikāya āpattiyā ekaccaṁ pabbājenti ekaccaṁ na pabbājentī"ti.

So bhikkhūti so kammakato bhikkhu.

1. Vephayā.

[BJT Page 480]

Bhikkhūhīti aññehi bhikkhūhi. Ye passanti. Suṇanti, tehi vattabbo: "mā āyasmā evaṁ avaca, na ca bhikkhū chandagāmino na ca bhikkhū dosagāmino na ca bhikkhū mohagāmino na ca bhikkhū bhayagāmino; āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca, pakkamatāyasmā imamhā āvāsā alaṁ te idha vāsenā"ti. Dutiyampi vattabbo tatiyampi vattabbo sace paṭinissajjati, iccetaṁ kusalaṁ, no ce paṭinissajati, āpatti dukkaṭassa. Sutvā na vadanti, āpatti dukkaṭassa. So bhikkhu saṅghamajjhampi ākaḍḍhitvā vattabbo: "mā āyasmā evaṁ avaca, na ca bhikkhū chandagāmino na ca bhikkhū dosagāmino na ca bhikkhū mohagāmino na ca bhikkhū bhayagāmino, āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti, ca kulāni cāyasmatā duṭṭhāni dissanti ceva suyyanti ca, pakkamatāyasmā imamhā āvāsā, alaṁ te idha vāsenā"ti.

Dutiyampi vattabbo. Tatiyampi vattabbo sace paṭinissajati, iccetaṁ kusalaṁ, no ce paṭinissajati, āpatti dukkaṭassa. So bhikkhu samanubhāsitabbo. Evañca pana bhikkhave samanubhāsitabbo: vyattena bhikkhunā paṭibalena saṅgho ñāpetabbo.

"Suṇātu me bhante saṅgho. Ayaṁ itthannāmo bhikkhu saṅghena pabbājaniyakammakato bhikkhū chandagāmitā dosagāmitā mohagāmitā bhayagāmitā pāpeti, so taṁ vatthuṁ na paṭinissajati. Yadi saṅghassa pattakallaṁ, saṅgho itthannāmaṁ bhikkhuṁ samanubhāsati tassa vatthussa paṭinissaggāya, esā ñatti:

Suṇātu me bhante saṅgho, ayaṁ itthannāmo bhikkhu saṅghena pabbājaniyakammakato bhikkhū chandagāmitā dosagāmitā mohagāmitā bhayagāmitā pāpeti, so taṁ vatthuṁ na paṭinissajati, saṅgho itthannāmaṁ bhikkhuṁ samanubhāsati tassa vatthussa paṭinissaggāya, yassāyasmato khamati itthannāmassa bhikkhuno samanubhāsanā, tassa vatthussa paṭinissaggāya. So tuṇhassa, yassa nakkhamati, so bhāseyya:

13. Ñattiyā dukkaṭaṁ. Dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.

[BJT Page 482]

Saṅghādisesoti saṅghova tassā āpattiyā parivāsaṁ deti mūlāya paṭikassati mānattaṁ deti abbheti, na sambahulā, na [page 186] ekapuggalo. Tena vuccati saṅghādisesoti. Tasseva āpattinikāyassa nāmakammaṁ adhivacanaṁ tenapi vuccati saṅghādisesoti.

15. Dhammakamme dhammakammasaññī na paṭinissajati, āpatti saṅghādisesassa. Dhammakamme vematiko na paṭinissajati, āpatti saṅghādisesassa. Dhammakamme adhammakammasaññī na paṭinissajati, āpatti saṅghādisesassa. Adhammakamme dhammakammasaññī, āpatti dukkaṭassa. Adhammakamme vematiko āpatti dukkaṭassa. Adhammakamme adhammakammasaññī, āpatti dukkaṭassa.

16. Anāpatti asamanubhāsantassa, paṭinissajantassa, ummattakassa, ādikammikassāti.
Kuladūsakasikkhāpadaṁ niṭṭhitaṁ.

17. Uddiṭṭhā kho āyasmanto terasa saṅghādisesā dhammā, nava paṭhamāpattikā, cattāro yāvatatiyakā, yesaṁ bhikkhu aññataraṁ vā aññataraṁ vā āpajjitvā yāvatihaṁ jānaṁ paṭicchādeti tāvatihaṁ tena bhikkhunā akāmā parivatthabbaṁ. Parivutthaparivāsena bhikkhunā uttari chārattaṁ bhikkhu mānattāya paṭipajjitabbaṁ. Ciṇṇamānatto bhikkhu yattha siyā vīsatigaṇo bhikkhusaṅgho, tattha so bhikkhu abbhetabbo. Ekenapi ce ūno vīsatigaṇo bhikkhusaṅgho taṁ bhikkhuṁ abbheyya, so ca bhikkhu anabbhito. Te ca bhikkhu gārayhā. Ayaṁ tattha sāmīci. Tatthāyasmante pucchāmi kaccittha parisuddhā dutiyampi pucchāmi kaccittha parisuddhā. Tatiyampi pucchāmi kaccittha parisuddhā. Parisuddhetthāyasmanto. Tasmā tuṇhī. Evametaṁ dhārayāmīti.

Terasakaṁ niṭṭhitaṁ

Tassuddānaṁ

Vissaṭṭhi kāyasaṁsaggo duṭṭhullaṁ attakāmataṁ,
Sañcarittaṁ kuṭī ceva vihāro ca amūlakaṁ.

Kiñci desañca bhedo ca tasseva anuvattakā,
Dubbacaṁ kuladusañca saṅghādisesā terasāti.

Saṅghādisesakaṇḍo [page 187] niṭṭhito.

[BJT Page 484]

4.
Aniyatakaṇḍo.

Ime kho panāyasmanto dve aniyatā dhammā uddesaṁ āgacchanti:
4. 1.
Paṭhamaaniyatasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā udāyī sāvatthiyaṁ kulupago hoti. Bahukāni kulāni upasaṅkamati. Tena kho pana samayena āyasmato udāyissa upaṭṭhākakulassa kumārikā aññatarassa kulassa kumārakassa dinnā hoti. Atha kho āyasmā udāyī pubbaṇhasamayaṁ nivāsetvā pattacīvaramādāya yena taṁ kulaṁ tenupasaṅkami. Upasaṅkamitvā manusse pucchi: "kahaṁ itthannāmā"ti. "Dinnā bhante amukassa kulassa kumārakassā"ti.

2. Tampi kho kulaṁ āyasmato udāyissa upaṭṭhākaṁ hoti. Atha kho āyasmā udāyī yena taṁ kulaṁ tenupasaṅkami. Upasaṅkamitvā manusse pucchi: "kahaṁ itthannāmā"ti. "Esāyya ovarake nisinnā"ti. Atha kho āyasmā udāyī yena sā kumārikā tenupasaṅkami. Upasaṅkamitvā tassā kumārikāya saddhiṁ eko ekāya raho paṭicchanne āsane alaṅkammaniye nisajjaṁ kappesi kālayuttaṁ samullapanto kālayuttaṁ dhammaṁ bhaṇanto.

3. Tena kho pana samayena visākhā migāramātā bahuputtā hoti. Bahunattā arogaputtā aroganattā abhimaṅgalasammatā. Manussā yaññesu chanesu ussavesu visākhaṁ migāramātaraṁ paṭhamaṁ bhojenti. Atha kho visākhā migāramātā nimantitā taṁ kulaṁ agamāsi. Addasā kho visākhā migāramātā āyasmantaṁ udāyiṁ tassā kumārikāya saddhiṁ ekaṁ ekāya raho paṭicchanne āsane alaṅkammaniye nisinnaṁ. Disvāna āyasmantaṁ udāyiṁ etadavoca:

"Idaṁ bhante nacchannaṁ nappatirūpaṁ, yaṁ ayyo mātugāmena saddhiṁ eko ekāya raho paṭicchanne āsane alaṅkammaniye [page 188] nisajjaṁ kappeti. Kiñcāpi bhante ayyo anatthiko tena dhammena, api ca dussaddhāpayā appasannā manussā"ti.

4. Evampi kho āyasmā udāyī visākhāya migāramātuyā vuccamāno nādiyi. Atha kho visākhā migāramātā nikkhamitvā bhikkhūnaṁ etamatthaṁ ārocesi, ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā udāyī mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappessatī"ti.

Te evamāhaṁsu. Machasaṁ.

[BJT Page 486]

5. Atha kho te bhikkhū bhagavato etamatthaṁ ārocesuṁ: "saccaṁ kira tvaṁ udāyī mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappesi"?Ti "saccaṁ bhagavā. " Vigarahi buddho bhagavā: "kathaṁ hi nāma tvaṁ moghapurisa mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappessasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappeyya, tamenaṁ saddheyyavacasā upāsikā disvā tiṇṇaṁ dhammānaṁ aññatarena vadeyya, pārājikena vā saṅghādisesena vā pācittiyena vā, nisajjaṁ bhikkhu paṭijānamāno tiṇṇaṁ dhammānaṁ aññatarena kāretabbo pārājikena vā saṅghādisesena vā pācittiyena vā. Yena vā sā saddheyyavacasā upāsikā vadeyya, tena so bhikkhu kāretabbo. Ayaṁ dhammo aniyato"ti.

6. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Mātugāmo nāma: manussitthi. Na yakkhī. Na petī. Na tiracchānagatā. Antamaso tadahujātāpi dārikā. Pageva mahattarī.

Saddhinti ekato.

Eko ekāyāti bhikkhu ceva hoti mātugāmo ca.

Raho nāma: cakkhussa raho sotassa raho. Cakkhussa raho nāma: na sakkā hoti akkhiṁ vā nikhaṇiyamāne bhamukaṁ vā ukkhipiyamāne sīsaṁ vā, ukkhipiyamāne passituṁ. Sotassa raho nāma na sakkā hoti pakatikathā sotuṁ.

Paṭicchannaṁ nāma: āsanaṁ kuḍḍena vā kavāṭena vā [page 189] kilañjena vā sāṇipākārena vā rukkhena vā thambhena vā kotthaliyā vā yena kenaci paṭicchannaṁ hoti.

Alaṅkammaniyeti sakkā hoti methunaṁ dhammaṁ patisevituṁ.

Nisajjaṁ kappeyyāti mātugāme nisinne bhikkhu upanisinno vā hoti upanipanno vā. Bhikkhu nisinne mātugāmo upanisinno vā hoti upanipanno vā. Ubho vā nisinnā honti ubho vā nipannā.

Saddheyyavacasā nāma: āgataphalā abhisametāvinī viññātasāsanā.

[BJT Page 488]

Upāsikā nāma: buddhaṁ saraṇaṁ gatā dhammaṁ saraṇaṁ gatā saṅghaṁ saraṇaṁ gatā.

Disvāti passitvā.

Tiṇṇaṁ dhammānaṁ aññatarena vadeyya, pārājikena vā saṅghādisesena vā pācittiyena vā. Nisajjaṁ bhikkhu paṭijānamāno tiṇṇaṁ dhammānaṁ aññatarena kāretabbo pārājikena vā saṅghādisesena vā pācittiyena vā. Yena vā sā saddheyyavacasā upāsikā vadeyya, tena so bhikkhu kāretabbo.

Sā ce evaṁ vadeyya: "ayyo mayā diṭṭho nisinno mātugāmassa methunaṁ dhammaṁ patisevanto"ti. So ca taṁ paṭijānāti, āpattiyā kāretabbo.

Sā ce evaṁ vadeyya: "ayyo mayā diṭṭho nisinno mātugāmassa methunaṁ dhammaṁ patisevanto"ti. So ce evaṁ vadeyya: "saccāhaṁ nisinno no ca kho methunaṁ dhammaṁ patisevi"nti. Nisajjāya kāretabbo.

Sā ce evaṁ vadeyya: "ayyo mayā diṭṭho nisinno mātugāmassa methunaṁ dhammaṁ patisevanto"ti. So ce evaṁ vadeyya: "nāhaṁ nisinno api ca kho nipanno"ti, nipajjāya kāretabbo. Sā ce evaṁ vadeyya: "ayyo mayā diṭṭho nisinno mātugāmassa methunaṁ dhammaṁ patisevantoti. So ce evaṁ vadeyya: "nāhaṁ nisinno, api ca kho ṭhito"ti. Na kāretabbā.

Sā ce evaṁ vadeyya: "ayyo mayā diṭṭho nipanno mātugāmassa methunaṁ dhammaṁ patisevanto"ti. So ca taṁ paṭijānāti, āpattiyā kāretabbo. Sā ce evaṁ vadeyya: "ayyo mayā diṭṭho nipanno mātugāmassa methunaṁ dhammaṁ patisevanto"ti. So ce evaṁ vadeyya: "saccāhaṁ nipanno. No ca kho methunaṁ dhammaṁ patisevi"nti. Nipajjāya kāretabbo -pe- "nāhaṁ nipanno. Api ca kho nisinno"ti. Nisajjāya kāretabbo -pe- [page 190] "nāhaṁ nipanno. Api ca kho ṭhito"ti. Na kāretabbo.

Sā ce evaṁ vadeyya: "ayyo mayā diṭṭho nisinno mātugāmena saddhiṁ kāyasaṁsaggaṁ samāpajjanto"ti. So ca taṁ paṭijānāti, āpattiyā kāretabbo -pe- "saccāhaṁ nisinno, no ca kho kāyasaṁsaggaṁ samāpajji"nti. Nisajjāya kāretabbo -pe- "nāhaṁ nisinno, api ca kho nipanno"ti. Nipajjāya kāretabbo -pe- "nāhaṁ nisinno api ca kho ṭhito"ti. Na kāretabbo. Sā ce evaṁ vadeyya: "ayyo mayā diṭṭho nipanno mātugāmena saddhiṁ kāyasaṁsaggaṁ samāpajjanto"ti. So ca taṁ paṭijānāti, āpattiyā kāretabbo -pe- "saccāhaṁ nipanno, no ca kho kāyasaṁsaggaṁ samāpajji"nti. Nipajjāya kāretabbo -pe"nāhaṁ nipanno. Api ca kho nisinno"ti. Nisajjāya kāretabbo -pe- "nāhaṁ nipanno, api ca kho ṭhito"ti. Na kāretabbo. [BJT Page 490]

Sā ce evaṁ vadeyya: "ayyo mayā diṭṭho mātugāmena saddhiṁ eko ekāya raho paṭicchanne āsane alaṅkammaniye nisinno"ti. So ca taṁ paṭijānāti, nisajjāya kāretabbo -pe- "nāhaṁ nisinno, api ca kho nipanno"ti. Nipajjāya kāretabbo -pe- "nāhaṁ nisinno api ca kho ṭhito"ti. Na kāretabbo.

Sā ce evaṁ vadeyya: "ayyo mayā diṭṭho mātugāmena saddhiṁ eko ekāya raho paṭicchanne āsane alaṅkammaniye nipanno"ti. So ca taṁ paṭijānāti, nipajjāya kāretabbo -pe- "nāhaṁ nipanno api ca kho nisinno"ti. Nisajjāya kāretabbo -pe- "nāhaṁ nipanno api ca kho ṭhito"ti. Na kāretabbo.

Aniyatoti na niyato pārājikaṁ vā saṅghādiseso vā pācittiyaṁ vā.

7. Gamanaṁ paṭijānāti nisajjaṁ paṭijānāti āpattiṁ paṭijānāti, āpattiyā kāretabbo. Gamanaṁ paṭijānāti nisajjaṁ na paṭijānāti āpattiṁ paṭijānāti, āpattiyā kāretabbo. Gamanaṁ paṭijānāti nisajjaṁ paṭijānāti āpattiṁ na paṭijānāti, nisajjāya kāretabbo. Gamanaṁ paṭijānāti nisajjaṁ na paṭijānāti āpattiṁ na paṭijānāti, na kāretabbo.

Gamanaṁ na paṭijānāti nisajjaṁ paṭijānāti [page 191] āpattiṁ paṭijānāti, āpattiyā kāretabbo. Gamanaṁ na paṭijānāti nisajjaṁ na paṭijānāti, āpattiṁ paṭijānāti, āpattiyā kāretabbo. Gamanaṁ na paṭijānāti nisajjaṁ paṭijānāti āpattiṁ na paṭijānāti, nisajjāya kāretabbo. Gamanaṁ na paṭijānāti nisajjaṁ na paṭijānāti āpattiṁ na paṭijānāti, na kāretabboti.

Paṭhamaaniyatasikkhāpadaṁ niṭṭhitaṁ.

4. 2.
Dutiyaaniyatasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā udāyī bhagavatā paṭikkhittaṁ mātugāmena saddhiṁ eko ekāya raho paṭicchanne āsane alaṅkammaniye nisajjaṁ kappetunti tassāyeva kumārikāya saddhiṁ eko ekāya raho nisajjaṁ kappesi. Kālayuttaṁ samullapanto kālayuttaṁ dhammaṁ bhaṇanto. Dutiyampi kho visākhā migāramātā nimantitā taṁ kulaṁ agamāsi. Addasā kho visākhā migāramātā āyasmantaṁ udāyiṁ tassā yeva kumārikāya saddhiṁ ekaṁ ekāya raho nisinnaṁ, disvāna āyasmantaṁ udāyiṁ etadavoca: "idaṁ bhante nacchannaṁ nappatirūpaṁ, yaṁ ayyo mātugāmena saddhiṁ eko ekāya raho nisajjaṁ kappeti. Kiñcāpi bhante ayyo anatthiko tena dhammena, api ca dussaddhāpayā appasannā manussā"ti. Evampi kho āyasmā udāyī visākhāya migāramātuyā vuccamāno nādiyi.

[BJT Page 492]

2. Atha kho visākhā migāramātā nikkhamitvā bhikkhūnaṁ etamatthaṁ ārocesi. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā udāyī mātugāmena saddhiṁ eko ekāya raho nisajjaṁ kappessatī'ti. Atha kho te bhikkhū bhagavato etamatthaṁ ārocesuṁ "saccaṁ kira tvaṁ udāyī mātugāmena saddhiṁ eko ekāya raho nisajjaṁ kappesi"?Ti. "Saccaṁ bhagavā". Vigarahi buddho bhagavā: "kathaṁ hi nāma tvaṁ moghapurisa mātugāmena saddhiṁ eko ekāya raho nisajjaṁ kappessasi, netaṁ moghapurisa appasannānaṁ vā pasādāya -peevañca pana bhikkhave imaṁ sikkhāpadaṁ uddiseyyātha"

"Naheva kho pana paṭicchantaṁ āsanaṁ hoti nālaṅkammaniyaṁ, alañca kho hoti mātugāmaṁ duṭṭhullāhi vācāhi obhāsituṁ. Yo pana bhikkhu tathārūpe āsane mātugāmena saddhiṁ eko ekāya raho nisajjaṁ kappeyya, tamenaṁ saddheyyavacasā upāsikā disvā dvinnaṁ dhammānaṁ aññatarena vadeyya saṅghādisesena vā pācittiyena vā, nisajjaṁ bhikkhu paṭijānamāno dvinnaṁ dhammānaṁ aññatarena kāretabbo saṅghādisesena vā pācittiyena vā, yena vā sā [page 192] saddheyyavacasā upāsikā vadeyya tena so bhikkhu kāretabbo. Ayampi dhammo aniyato"ti.

3. Naheva kho pana paṭicchannaṁ āsanaṁ hotīti apaṭicchannaṁ hoti, kuḍḍena vā kavāṭena vā kilañjena vā sāṇipākārena vā rukkhena vā thambhena vā kotthaliyā vā yena kenaci apaṭicchannaṁ hoti.

Nālaṅkammaniyanti na sakkā hoti methunaṁ dhammaṁ paṭisevituṁ.

Alañca kho hoti mātugāmaṁ duṭṭhullāhi vācāhi obhāsitunti sakkā hoti mātugāmaṁ duṭṭhullāhi vācāhi obhāsituṁ.

Yo panāti yo yādiso -pe- bhikkhūti -pe- ayaṁ imasmiṁ atthe adhippeto bhikkhūti.

Tathārūpe āsaneti evarūpe āsane

Mātugāmo nāma: manussitthī, na yakkhī na petī na tiracchānagatā.

Viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.

Saddhinti ekato.

Eko ekāyāti bhikkhu ceva hoti mātugāmo ca.

Raho nāma: cakkhussa raho sotassa raho. Cakkhussa raho nāma na sakkā hoti akkhiṁ vā nikhaṇiyamāne bhamukaṁ vā ukkhipiyamāne sīsaṁ vā ukkhipiyamāne passituṁ. Sotassa raho nāma na sakkā hoti pakatikathā sotuṁ.

[BJT Page 494]

Nisajjaṁ kappeyyāti mātugāme nisinne bhikkhu upanisinno vā hoti upanipanno vā, bhikkhu nisinne mātugāmo upanisinno vā hoti upanipanno vā, ubho vā nisinnā honti ubho vā nipannā.

Saddheyyavacasā nāma: āgataphalā abhisametāvinī viññātasāsanā.

Upāsikā nāma: buddhaṁ saraṇaṁ gatā dhammaṁ saraṇaṁ gatā saṅghaṁ saraṇaṁ gatā.

Disvāti passitvā.

Dvinnaṁ dhammānaṁ aññatarena vadeyya saṅghādisesena vā pācittiyena vā nipajjaṁ bhikkhu paṭijānamāno dvinnaṁ dhammānaṁ aññatarena kāretabbo saṅghādisesena vā pācittiyena vā, yena vā sā saddheyyavacasā upāsikā vadeyya, tena so bhikkhu kāretabbo.

Sā ce evaṁ vadeyya: "ayyo mayā diṭṭho nisinno mātugāmena saddhiṁ kāyasaṁsaggaṁ samāpajjanto"ti. So ca taṁ paṭijānāti, āpattiyā kāretabbo. Sā ce evaṁ vadeyya: "ayyo mayā diṭṭho nisinno mātugāmena saddhiṁ kāyasaṁsaggaṁ samāpajjanto"ti. So ce evaṁ vadeyya: "saccāhaṁ nisinno no ca kho kāyasaṁsaggaṁ samāpajji"nti. Nisajjāya kāretabbo -pe- "nāhaṁ nisinno api ca kho nipanno" ti. Nipajjāya kāretabbo -pe- "nāhaṁ nisinno api ca kho ṭhito"ti. Na kāretabbo.

Sā ce evaṁ vadeyya: "ayyo mayā diṭṭho nipanno mātugāmena saddhiṁ kāyasaṁsaggaṁ samāpajjanto"ti. So ca taṁ paṭijānāti, āpattiyā kāretabbo -pe- "saccāhaṁ nipanno no ca kho kāyasaṁsaggaṁ samāpajjinti". Nipajjāya kāretabbo -pe- "nāhaṁ nipanno api ca kho nisinno"ti. Nisajjāya [page 193] kāretabbo -pe- "nāhaṁ nipanno api ca kho ṭhito"ti. Na kāretabbo.

Sā ce evaṁ vadeyya: "ayyassa mayā sutaṁ nisinnassa mātugāmaṁ duṭṭhullāhi vācāhi obhāsantassā" ti. So ca taṁ paṭijānāti, āpattiyā kāretabbo -pe- "saccāhaṁ nisinno no ca kho duṭṭhullāhi vācāhi obhāsi"nti. Nisajjāya kāretabbo -pe- "nāhaṁ nisinno api ca kho nipanno"ti. Nipajjāya kāretabbo -pe- "nāhaṁ nisinno api ca kho ṭhito"ti. Na kāretabbo.

[BJT Page 496]

Sā ce evaṁ vadeyya: "ayyassa mayā sutaṁ nipannassa mātugāmaṁ duṭṭhullāhi vācāhi obhāsantassā"ti. So ca taṁ paṭijānāti, āpattiyā kāretabbo -pe- "saccāhaṁ nipanno no ca kho duṭṭhullāhi vācāhi obhāsi"nti. Nipajjāya kāretabbo -pe- "nāhaṁ nipanno api ca kho nisinno"ti. Nisajjāya kāretabbo -pe- "nāhaṁ nipanno api ca kho ṭhito"ti. Na kāretabbo.

Sā ce evaṁ vadeyya: "ayyo mayā diṭṭho mātugāmena saddhiṁ eko ekāya raho nisinno"ti. So ca taṁ paṭijānāti, nisajjāya kāretabbo -pe- "nāhaṁ nisinno api ca kho nipanno"ti. Nipajjāya kāretabbo: -pe- "nāhaṁ nisinno api ca kho ṭhito"ti, na kāretabbo.

Sā ce evaṁ vadeyya: "ayyo mayā diṭṭho mātugāmena saddhiṁ eko ekāya raho nipanno"ti. So ca taṁ paṭijānāti. Nipajjāya kāretabbo -pe- "nāhaṁ nipanno api ca kho nisinno" ti. Nisajjāya kāretabbo -pe- "nāhaṁ nipanno api ca kho ṭhito" ti, na kāretabbo.

Ayampīti purimaṁ upādāya vuccati.

Aniyatoti na niyato saṅghādiseso vā pācittiyaṁ vā.

4. Gamanaṁ paṭijānāti nisajjaṁ paṭijānāti āpattiṁ paṭijānāti, āpattiyā kāretabbo. Gamanaṁ paṭijānāti nisajjaṁ na paṭijānāti āpattiṁ paṭijānāti, āpattiyā kāretabbo. Gamanaṁ paṭijānāti nisajjaṁ paṭijānāti āpattiṁ na paṭijānāti, nisajjāya kāretabbo. Gamanaṁ paṭijānāti nisajjaṁ na paṭijānāti āpattiṁ na paṭijānāti, na kāretabbo. Gamanaṁ na paṭijānāti nisajjaṁ paṭijānāti, āpattiṁ paṭijānāti, āpattiyā kāretabbo. Gamanaṁ na paṭijānāti nisajjaṁ na paṭijānāti āpattiṁ paṭijānāti, āpattiyā kāretabbo. Gamanaṁ na paṭijānāti, nisajjaṁ paṭijānāti, āpattiṁ na paṭijānāti, nisajjāya kāretabbo. Gamanaṁ na paṭijānāti, nisajjaṁ na paṭijānāti, āpattiṁ na paṭijānāti, na kāretabboti.

Dutiyaaniyatasikkhāpadaṁ niṭṭhitaṁ

5. [page 194] uddiṭṭhā kho āyasmanto dve aniyatā dhammā. Tatthāyasmante pucchāmi, kaccittha parisuddhā. Dutiyampi pucchāmi, kaccittha parisuddhā, tatiyampi pucchāmi, kaccittha parisuddhā. Parisuddhetthāyasmanto tasmā tuṇhī, evametaṁ dhārayāmīti.

Tassuddānaṁ

Alaṅkammaniyañceva tatheva ca naheva kho,
Aniyatā supaññattā buddhaseṭṭhena tādināti.

Aniyatakaṇḍo [page 195] niṭṭhito.

[BJT Page 498]

5.
Nissaggiyakaṇḍo.

Ime kho panāyasmanto tiṁsa nissaggiyā pācittiyā dhammā uddesaṁ āgacchanti.
Cīvaravaggo
5. 1. 1.
Paṭhamakaṭhinasikkhāpadaṁ

1. Tena samayena buddho bhagavā vesāliyaṁ viharati gotamake cetiye. Tena kho pana samayena bhagavatā bhikkhūnaṁ ticīvaraṁ anuññātaṁ hoti. Jabbaggiyā bhikkhū bhagavatā ticīvaraṁ anuññātanti aññeneva ticīvarena gāmaṁ pavisanti, aññena ticīvarena ārāme acchanti, aññena ticīvarena nahānaṁ otaranti. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū atirekacīvaraṁ dhāressantī"ti. Atha kho te bhikkhū bhagavato etamatthaṁ ārocesuṁ -pe- "saccaṁ kira tumhe bhikkhave atirekacīvaraṁ dhārethā?"Ti. "Saccaṁ bhagavā. " Vigarahi buddho bhagavā: "kathaṁ hi nāma tumhe moghapurisā atirekacīvaraṁ dhāressatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:
"Yo pana bhikkhu atirekacīvaraṁ dhāreyya nissaggiyaṁ pācittiya"nti.

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti. )

2. Tena kho pana samayena āyasmato ānandassa atirekacīvaraṁ uppannaṁ hoti. Āyasmā ca ānando taṁ cīvaraṁ āyasmato sāriputtassa dātukāmo hoti. Āyasmā ca sāriputto sākete viharati. Atha kho āyasmato ānandassa etadahosi: "bhagavatā sikkhāpadaṁ paññattaṁ na atirekacīvaraṁ dhāretabba"nti. Idañca me atirekacīvaraṁ uppannaṁ, ahañcimaṁ cīvaraṁ āyasmato sāriputtassa dātukāmo, āyasmā ca [page 196] sāriputto sākete viharati, kathannukho mayā paṭipajjitabba"nti. Atha kho āyasmā ānando bhagavato etamatthaṁ ārocesi. "Kīva ciraṁ panānanda sāriputto āgacchissatī"?Ti. "Navamaṁ vā bhagavā divasaṁ dasamaṁ cā"ti. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave dasāhaparamaṁ atirekacīvaraṁ dhāretuṁ evañca pana bhikkhave imaṁ sikkhāpadaṁ uddiseyyātha:

Jabbaggiye bhikkhū anekapariyāyena vigarahitvā" machasaṁ. Adhikaṁ.

[BJT Page 500]

"Niṭṭhitacīvarasmiṁ bhikkhunā ubbhatasmiṁ kaṭhine dasāhaparamaṁ atirekacīvaraṁ dhāretabbaṁ. Taṁ atikkāmayato nissaggiyaṁ pācittiya"nti.

(Dutiyapaññatti. )

3. Niṭṭhitacīvarasminti bhikkhuno cīvaraṁ kataṁ vā hoti naṭṭhaṁ vā vinaṭṭhaṁ vā daḍḍhaṁ vā cīvarāsā vā upacchinnā.

Ubbhatasmiṁ kaṭhineti aṭṭhannaṁ mātikānaṁ aññatarāya mātikāya ubbhataṁ hoti, saṅghena vā antarā ubbhataṁ hoti.

Dasāhaparamanti dasāhaparamatā-1 dhāretabbaṁ

Atirekacīvaraṁ nāma: anadhiṭṭhitaṁ avikappitaṁ.

Cīvaraṁ nāma: channaṁ cīvarānaṁ aññataraṁ cīvaraṁ vikappanūpagapacchimaṁ.

Taṁ atikkāmayato nissaggiyaṁ hotīti-2 ekādase aruṇuggamane nissaggiyaṁ hoti nissajjitabbaṁ saṅghassa vā gaṇassa vā puggalassa vā. Evañca pana bhikkhave nissajjitabbaṁ: tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "idaṁ me bhante cīvaraṁ dasāhātikkantaṁ nissaggiyaṁ. Imāhaṁ saṅghassa nissajāmī"ti. Nissajitvā āpatti desetabbā. Byattena bhikkhunā paṭibalena āpatti paṭiggahetabbā. Nissaṭṭhacīvaraṁ dātabbaṁ:

"Suṇātu me bhante saṅgho. Idaṁ cīvaraṁ itthannāmassa bhikkhuno nissaggiyaṁ saṅghassa nissaṭṭhaṁ. Yadi saṅghassa pattakallaṁ, saṅgho imaṁ cīvaraṁ itthannāmassa bhikkhuno dadeyyā"ti.

4. Tena bhikkhunā sambahule bhikkhū upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassu vacanīyā: "idamme bhante cīvaraṁ dasāhātikkantaṁ [page 197] nissaggiyaṁ. Imāhaṁ āyasmantānaṁ nissajāmī"ti. Nissajitvā āpatti desetabbā. Byattena bhikkhunā paṭibalena āpatti paṭiggahetabbā. Nissaṭṭhacīvaraṁ dātabbaṁ.

"Suṇantu me āyasmantā. Idaṁ cīvaraṁ itthannāmassa bhikkhuno nissaggiyaṁ. Āyasmantānaṁ nissaṭṭhaṁ. Yadāyasmantānaṁ pattakallaṁ, āyasmantā imaṁ cīvaraṁ itthannāmassa bhikkhuno dadeyyu"nti.

5. Tena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅghaṁ karitvā ukkuṭikaṁ nisīditvā añjaliṁ paggahetvā evamassa vacanīyo: "idaṁ me āvuso cīvaraṁ dasāhātikkantaṁ nissaggiyaṁ. Imāhaṁ āyasmato nissajāmī" ti. Nissajitvā āpatti desetabbā. Tena bhikkhunā āpatti paṭiggahetabbā. Nissaṭṭhacīvaraṁ dātabbaṁ: "imaṁ cīvaraṁ āyasmato dammi"ti.

1. Dasāhaparamatāya. Sī. Likhita. 2. 'Hotīti' idaṁ padaṁ potthakesu atthi. Sikkhāpade pana natthi.

[BJT Page 502]

6. Dasāhātikkante atikkantasaññī, nissaggiyaṁ pācittiyaṁ dasāhātikkante vematiko, nissaggiyaṁ pācittiyaṁ. Dasāhātikkante anatikkantasaññī, nissaggiyaṁ pācittiyaṁ. Anadhiṭṭhite adhiṭṭhitasaññī, nissaggiyaṁ pācittiyaṁ. Avikappite vikappitasaññī, nissaggiyaṁ pācittiyaṁ. Avissajjite vissajjitasaññī, nissaggiyaṁ pācittiyaṁ. Anaṭṭhe naṭṭhasaññī, nissaggiyaṁ pācittiyaṁ. Avinaṭṭhe vinaṭṭhasaññī, nissaggiyaṁ pācittiyaṁ. Adaḍḍhe daḍḍhasaññī, nissaggiyaṁ pācittiyaṁ. Avilutte viluttasaññī, nissaggiyaṁ pācittiyaṁ. Nissaggiyaṁ cīvaraṁ anissajitvā paribhuñjati, āpatti dukkaṭassa. Dasāhānatikkante atikkantasaññī, āpatti dukkaṭassa. Dasāhānatikkante vematiko, āpatti dukkaṭassa. Dasāhānatikkante anatikkantasaññī, anāpatti.

7. Anāpatti antodasāhaṁ adhiṭṭheti vikappeti vissajjeti nassati vinassati ḍayhati acchinditvā gaṇhanti, vissāsaṁ gaṇhanti, ummattakassa, ādikammikassāti.

8. Tena kho pana samayena jabbaggiyā bhikkhū nissaṭṭhacīvaraṁ na denti. Bhagavato etamatthaṁ ārocesuṁ. "Na bhikkhave nissaṭṭhacīvaraṁ na dātabbaṁ. Yo na dadeyya, āpatti dukkaṭassā"ti.

Paṭhamakaṭhinasikkhāpadaṁ [page 198] niṭṭhitaṁ

5. 1. 2.

Dutiyakaṭhina sikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamanti. Tāni cīvarāni ciraṁ nikkhittāni kaṇṇakitāni honti. Tāni bhikkhū otāpenti. Addasā kho āyasmā ānando senāsanacārikaṁ āhiṇḍanto te bhikkhū tāni cīvarāni otāpente. Disvāna yena te bhikkhū tenupasaṅkami. Upasaṅkamitvā te bhikkhū etadavoca: "kassimāni āvuso cīvarāni kaṇṇakitānī"ti. Atha kho te bhikkhū āyasmato ānandassa etamatthaṁ ārocesuṁ. Āyasmā ānando ujjhāyati khīyati vipāceti: "kathaṁ hi nāma bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamissantī"ti. Atha kho āyasmā ānando bhagavato etamatthaṁ ārocesi, "saccaṁ kira bhikkhave bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamantī"ti? "Saccaṁ bhagavā". Vigarahi buddho bhagavā. "Kathaṁ hi nāma te bhikkhave moghapurisā bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamissanti. Netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

Uddosita sikkhāpadaṁ, sīmu. Udosīta sikkhāpadaṁ, machasaṁ.

[BJT Page 504]

"Niṭṭhitacīvarasmiṁ bhikkhunā ubbhatasmiṁ kaṭhine ekarattampi ce bhikkhu ticīvarena vippavaseyya, nissaggiyaṁ pācittiya"nti.

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūla paññatti. )

2. Tena kho pana samayena aññataro bhikkhu kosambiyaṁ gilāno hoti. Ñātakā tassa bhikkhuno santike dutaṁ pāhesuṁ: "āgacchatu bhadanto mayaṁ upaṭṭhahissāmā"ti. Bhikkhūpi evamāhaṁsu. "Gacchāvuso ñātakā taṁ upaṭṭhahissantī"ti. So evamāha: "bhagavatāvuso sikkhāpadaṁ paññattaṁ na ticīvarena vippavasitabba"nti. "Ahañcamhi gilāno, na sakkomi ticīvaraṁ ādāya pakkamituṁ, nāhaṁ [page 199] gamissāmī"ti. Bhagavato etamatthaṁ ārocesuṁ.

3. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave gilānassa bhikkhuno ticīvarena avippavāsasammutiṁ dātuṁ. Evañca pana bhikkhave dātabbā: tena gilānena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ahaṁ bhante gilāno na sakkomi ticīvaraṁ ādāya pakkamituṁ, sohaṁ bhante saṅghaṁ ticīvarena avippavāsasammutiṁ yācāmi"ti. Dutiyampi yācitabbo. Tatiyampi yācitabbo. Vyattena bhikkhunā paṭibalena saṅgho ñāpetabbo:

"Suṇātu me bhante saṅgho. Ayaṁ itthannāmo bhikkhu gilāno na sakkoti ticīvaraṁ ādāya pakkamituṁ. So saṅghaṁ ticīvarena avippavāsasammutiṁ yācati. Yadi saṅghassa pattakallaṁ, saṅgho itthannāmassa bhikkhuno ticīvarena avippavāsasammutiṁ dadeyya: esā ñatti.

"Suṇātu me bhante saṅgho. Ayaṁ itthannāmo bhikkhu gilāno na sakkoti ticīvaraṁ ādāya pakkamitūṁ. So saṅghaṁ ticīvarena avippavāsasammutiṁ yācati. Saṅgho itthannāmassa bhikkhuno ticīvarena avippavāsasammutiṁ deti. Yassāyasmato khamati itthannāmassa bhikkhuno ticīvarena avippavāsasammutiyā dānaṁ, so tuṇhassa. Yassa nakkhamati, so bhāseyya.

Dinnā saṅghena itthannāmassa bhikkhuno ticīvarena avippavāsasammuti, khamati saṅghassa, tasmā tuṇhī, evametaṁ dhārayāmī"ti.

Evañca pana bhikkhave imaṁ sikkhāpadaṁ uddiseyyātha:

"Niṭṭhitacīvarasmiṁ bhikkhunā ubbhatasmiṁ kaṭhine ekarattampi ce bhikkhu ticīvarena vippavaseyya aññatra bhikkhusammutiyā, nissaggiyaṁ pācittiya"nti.

(Dutiyapaññatti)

4. Niṭṭhitacīvarasminti bhikkhuno cīvaraṁ kataṁ vā hoti naṭṭhaṁ vā vinaṭṭhaṁ vā daḍḍhaṁ vā cīvarāsā vā upacchinnā.
[BJT Page 506]

Ubbhatasmiṁ kaṭhineti aṭṭhannaṁ mātikānaṁ aññatarāya mātikāya ubbhataṁ hoti. Saṅghena vā antarā ubbhataṁ hoti.

Ekarattampi ce bhikkhu ticīvarena vippavaseyyāti saṅghāṭiyā vā uttarāsaṅgena vā antaravāsakena vā.

Aññatra bhikkhusammutiyāti ṭhapetvā bhikkhusammutiṁ.

Nissaggiyaṁ hotīti saha aruṇuggamanena-1 nissaggiyaṁ hoti. Nissajjitabbaṁ saṅghassa vā gaṇassa vā puggalassa vā. Evañca pana bhikkhave nissajjitabbaṁ -pe- "idamme [page 200] bhante cīvaraṁ rattiṁ vippavutthaṁ-2 aññatra bhikkhusammutiyā nissaggiyaṁ, imāhaṁ saṅghassa nissajāmi"ti -pe- dadeyyāti -pe- dadeyyunti -pe-āyasmato dammī"ti.

5. Gāmo ekūpacāro nānūpacāro, nivesanaṁ ekūpacāraṁ nānūpacāraṁ, uddosito-3 ekūpacāro nānūpacāro, aṭṭo ekūpacāro nānūpacāro, mālo ekūpacāro nānūpacāro, pāsādo ekūpacāro nānūpacāro, hammiyaṁ ekūpacāraṁ nānūpacāraṁ, nāvā ekūpacārā nānūpacārā, sattho ekūpacāro nānūpacāro, khettaṁ ekūpacāraṁ nānūpacāraṁ, dhaññakaraṇaṁ ekūpacāraṁ nānūpacāraṁ, ārāmo ekūpacāro nānūpacāro, vihāro ekūpacāro nānūpacāro, rukkhamūlaṁ ekūpacāraṁ nānūpacāraṁ, ajjhokāso ekūpacāro nānūpacāro.

6. Gāmo ekūpacāro nāma: ekakulassa gāmo hoti parikkhitto ca, antogāme cīvaraṁ nikkhipitvā antogāme vatthabbaṁ. Aparikkhitto hoti, yasmiṁ ghare cīvaraṁ nikkhittaṁ hoti tasmiṁ ghare vatthabbaṁ hatthapāsā vā na vijahitabbaṁ.

7. Nānākulassa gāmo hoti parikkhitto ca, yasmiṁ ghare cīvaraṁ nikkhittaṁ hoti. Tasmiṁ ghare vatthabbaṁ sabhāye vā dvāramūle vā hatthapāsā vā na vijahitabbaṁ. Sabhāyaṁ gacchantena hatthapāse cīvaraṁ nikkhipitvā sabhāye vā vatthabbaṁ dvāramūle vā. Hatthapāsā vā na vijahitabbaṁ. Sabhāye cīvaraṁ nikkhipitvā sabhāye vā vatthabbaṁ dvāramūle vā. Hatthapāsā vā na vijahitabbaṁ. Aparikkhitto hoti, yasmiṁ ghare cīvaraṁ nikkhittaṁ hoti, tasmiṁ ghare vatthabbaṁ. Hatthapāsā vā na vijahitabbaṁ.

8. Ekakulassa nivesanaṁ hoti parikkhittañca nānāgabbhā nānāovarakā, antonivesane cīvaraṁ nikkhipitvā antonivesane vatthabbaṁ. Aparikkhittaṁ hoti, yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ. Hatthapāsā vā na vijahitabbaṁ.

9. Nānākulassa nivesanaṁ hoti parikkhittañca nānāgabbhā nānāovarakā, yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ dvāramūle vā. Hatthapāsā vā na vijahitabbaṁ. Aparikkhittaṁ hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ. Hatthapāsā vā na vijahitabbaṁ.

1. Saha aruṇuggamanā. Machasaṁ.
2. Rattivippavutthaṁ machasaṁ. Syā.
3. Udosito machasaṁ.

[BJT Page 508]

10. Ekakulassa uddosito hoti parikkhitto ca nānāgabbho nānāovarakā, [page 201] antouddosite cīvaraṁ nikkhipitvā antouddosite vatthabbaṁ. Aparikkhitto hoti, yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ. Hatthapāsā vā na vijahitabbaṁ.

11. Nānākulassa uddosito hoti parikkhitto ca nānāgabbhā nānāovarakā, yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ dvāramūle vā. Hatthapāsā vā na vijahitabbaṁ. Aparikkhitto hoti. Yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ. Hatthapāsā vā na vijahitabbaṁ.

12. Ekakulassa aṭṭo hoti, antoaṭṭe cīvaraṁ nikkhipitvā antoaṭṭe vatthabbaṁ nānākulassa aṭṭo hoti nānāgabbhā nānāovarakā, yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ dvāramūle vā. Hatthapāsā vā na vijahitabbaṁ.

13. Ekakulassa mālo hoti, antomāle cīvaraṁ nikkhipitvā antomāle vatthabbaṁ. Nānākulassa mālo hoti nānāgabbhā nānāovarakā, yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ dvāramūle vā. Hatthapāsā vā na vijahitabbaṁ.

14. Ekakulassa pāsādo hoti, antopāsāde cīvaraṁ nikkhipitvā antopāsāde vatthabbaṁ. Nānākulassa pāsādo hoti nānāgabbhā nānāovarakā, yasmiṁ gabbhe cīvaraṁ nikkhittaṁ hoti, tasmiṁ gabbhe vatthabbaṁ dvāramūle vā. Hatthapāsā vā na vijahitabbaṁ.

15. Ekakulassa hammiyaṁ hoti, antohammiye cīvaraṁ nikkhipitvā antohammiye vatthabbaṁ. Nānākulassa hammiyaṁ hoti nānāgabbhā nānāovarakā, yasmiṁ gabbhe cīvaraṁ nikkhittaṁ hoti, tasmiṁ gabbhe vattabbaṁ dvāramūle vā. Hatthapāsā vā na vijahitabbaṁ.

16. Ekakulassa nāvā hoti antonāvāya cīvaraṁ nikkhipitvā antonāvāya vatthabbaṁ. Nānākulassa nāvā hoti nānāgabbhā nānāovarakā, yasmiṁ ovarake cīvaraṁ nikkhittaṁ hoti, tasmiṁ ovarake vatthabbaṁ. Hatthapāsā vā na vijahitabbaṁ.
17. Ekakulassa sattho hoti, satthe cīvaraṁ nikkhipitvā purato vā pacchato vā sattabbhantarā na vijahitabbā. Passato abbhantaraṁ na vijahitabbaṁ. Nānākulassa sattho hoti, satthe cīvaraṁ nikkhipitvā hatthapāsā na vijahitabbaṁ.

18. Ekakulassa khettaṁ hoti parikkhittañca, antokhette cīvaraṁ nikkhipitvā antokhette vatthabbaṁ. Aparikkhittaṁ hoti, hatthapāsā na vijahitabbaṁ. Nānākulassa khettaṁ hoti parikkhittañca, antokhette cīvaraṁ nikkhipitvā dvāramūle vā vatthabbaṁ. Hatthapāsā vā na vijahitabbaṁ. Aparikkhittaṁ hoti, hatthapāsā na vijahitabbaṁ.

[BJT Page 510]

19. Ekakulassa dhaññakaraṇaṁ hoti parikkhittañca, antodhaññakaraṇe cīvaraṁ nikkhipitvā antodhaññakaraṇe vatthabbaṁ. Aparikkhittaṁ hoti, hatthapāsā na vijahitabbaṁ. Nānākulassa dhaññakaraṇaṁ hoti parikkhittañca, antodhaññakaraṇe cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ. Aparikkhittaṁ hoti, hatthāpāsā na vijahitabbaṁ.

20. Ekakulassa ārāmo hoti parikkhitto ca, antoārāme cīvaraṁ nikkhipitvā antoārāme vatthabbaṁ. Aparikkhitto hoti, hatthapāsā na vijahitabbaṁ. Nānākulassa ārāmo hoti parikkhitto ca, antoārāme cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ. Aparikkhitto hoti, hatthāpāsā na vijahitabbaṁ.

21. [page 202] ekakulassa vihāro hoti parikkhitto ca, antovihāre cīvaraṁ nikkhipitvā antovihāre vatthabbaṁ. Aparikkhitto hoti, yasmaṁ vihāre cīvaraṁ nikkhittaṁ hoti, tasmiṁ vihāre vatthabbaṁ, hatthapāsā vā na vijahitabbaṁ. Nānākulassa vihāro hoti parikkhitto ca, yasmiṁ vihāre cīvaraṁ nikkhittaṁ hoti, tasmiṁ vihāre vatthabbaṁ dvāramūle vā, hatthapāsā vā na vijahitabbaṁ. Aparikkhitto hoti, yasmiṁ vihāre cīvaraṁ nikkhittaṁ hoti, tasmiṁ vihāre vatthabbaṁ. Hatthapāsā vā na vijahitabbaṁ.

22. Ekakulassa rukkhamūlaṁ hoti yaṁ majjhantike kāle samantā chāyā pharati, antochāyāya cīvaraṁ nikkhipitvā anto chāyāya vatthabbaṁ. Nānākulassa rukkhamūlaṁ hoti, hatthapāsā na vijahitabbaṁ.

23. Ajjhokāso ekūpacāro nāma: agāmake araññe samantā sattabbhantarā ekūpacāro, tato paraṁ nānūpacāro.

24. Vippavutthe vippavutthasaññī aññatra bhikkhusammutiyā, nissaggiyaṁ pācittiyaṁ. Vippavutthe vematiko aññatra bhikkhusammutiyā nissaggiyaṁ pācittiyaṁ. Vippavutthe avippavutthasaññi aññatra bhikkhusammutiyā, nissaggiyaṁ pācittiyaṁ. Apaccuddhaṭe paccūddhaṭasaññī -pe- avissajjite vissajjitasaññī -pe- anaṭṭhe naṭṭhasaññī -peavinaṭṭhe vinaṭṭhasaññī -pe- adaḍḍhe daḍḍhasaññī -peavilutte viluttasaññī aññatra bhikkhusammutiyā nissaggiyaṁ pācittiyaṁ. Nissaggiyaṁ cīvaraṁ anissajitvā paribhuñjati, āpatti dukkaṭassa. Avippavutthe vippavutthasaññī āpatti dukkaṭassa. Avippavutthe vematiko, āpatti dukkaṭassa. Avippavutthe avippavutthasaññī, anāpatti.

25. Anāpatti anto aruṇe paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti, bhikkhusammutiyā, ummattakassa, ādikammikassāti.

Dutiyakaṭhinasikkhāpadaṁ niṭṭhitaṁ.

[BJT Page 512]

5. 1. 3.
Tatiyakaṭhinasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena aññatarassa bhikkhuno akālacīvaraṁ uppannaṁ hoti. Tassa taṁ cīvaraṁ kayiramānaṁ nappahoti. Atha [page 203] kho so bhikkhu taṁ cīvaraṁ ussāpetvā punappunaṁ vimajjati. Addasā kho bhagavā senāsanacārikaṁ āhiṇḍanto taṁ bhikkhuṁ taṁ cīvaraṁ ussāpetvā punappunaṁ vimajjantaṁ. Disvāna yena so bhikkhu tenupasaṅkami. Upasaṅkamitvā taṁ bhikkhuṁ etadavoca: "kissa tvaṁ bhikkhu imaṁ cīvaraṁ ussāpetvā punappunaṁ vimajjasī"ti? "Idamme bhante akālacīvaraṁ uppannaṁ kayiramānaṁ nappahoti. Tenāhaṁ imaṁ cīvaraṁ ussāpetvā punappunaṁ vimajjāmī"ti. "Atthi pana te bhikkhu cīvarapaccāsā"ti? "Atthi bhagavā"ti. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: - "anujānāmi bhikkhave akālacīvaraṁ paṭiggahetvā cīvarapaccāsā nikkhipitu"nti.

2. Tena kho pana samayena bhikkhū bhagavatā anuññātaṁ akālacīvaraṁ paṭiggahetvā cīvarapaccāsā nikkhipitunti akālacīvarāni paṭiggahetvā atirekamāsaṁ nikkhipanti tāni cīvarāni cīvaravaṁse bhaṇḍikābaddhāni tiṭṭhanti. Addasā kho āyasmā ānando senāsanacārikaṁ āhiṇḍanto tāni cīvarāni cīvaravaṁse bhaṇḍikābaddhāni tiṭṭhante. Disvāna bhikkhū āmantesi: "kassimāni āvuso cīvarāni cīvaravaṁse bhaṇḍikābaddhāni tiṭṭhantī"ti. Amhākaṁ āvuso akālacīvarāni cīvarapaccāsā nikkhittānī"ti. "Kīva cīraṁ panāvuso imāni cīvarāni nikkhittānī"ti. "Atirekamāsaṁ āvuso"ti. Āyasmā ānando ujjhāyati khīyati vipāceti: "kathaṁ hi nāma bhikkhū akālacīvaraṁ paṭiggahetvā atirekamāsaṁ nikkhipissantī"ti. Atha kho āyasmā ānando bhagavato etamatthaṁ ārocesi. -Pe- "saccaṁ kīra bhikkhave bhikkhū akālacīvaraṁ paṭiggahetvā atirekamāsaṁ nikkhipantī"ti? "Saccaṁ bhagavā". Vigarahi buddho bhagavā. "Kathaṁ hi nāma te bhikkhave moghapurisā akālacīvaraṁ paṭiggahetvā atirekamāsaṁ nikkhipissantī"ti. Netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:
"Niṭṭhitacīvarasmiṁ bhikkhunā ubbhatasmiṁ kaṭhine bhikkhuno paneva akālacīvaraṁ uppajjeyya, ākaṅkhamānena bhikkhunā paṭiggahetabbaṁ, paṭiggahetvā khippameva kāretabbaṁ. Nocassa pāripūri, māsaparamaṁ tena bhikkhunā taṁ cīvaraṁ nikkhipitabbaṁ ūnassa pāripūriyā satiyā paccāsāya, tato ce uttariṁ nikkhipeyya satiyāpi paccāsāya, nissaggiyaṁ pācittiya"nti.

3. [page 204] niṭṭhitacīvarasminti bhikkhuno cīvaraṁ kataṁ vā hoti naṭṭhaṁ vā vinaṭṭhaṁ vā daḍḍhaṁ cā cīvarāsā vā upacchinnā.

[BJT Page 514]

Ubbhatasmiṁ kaṭhineti aṭṭhannaṁ mātikānaṁ aññatarāya mātikāya ubbhataṁ hoti, saṅghena vā antarā ubbhataṁ hoti.

Akālacīvaraṁ nāma: anatthate kaṭhine ekādasamāse uppannaṁ, atthate kaṭhine sattamāse uppannaṁ, kālepi ādissa dinnaṁ, etaṁ akālacīvaraṁ nāma.

Uppajjeyyāti uppajjeyya saṅghato vā gaṇato vā ñātito vā mittato vā paṁsukūlaṁ vā attano vā dhanena.

Ākaṅkhamānenāti icchamānena paṭiggahetabbaṁ.

Paṭiggahetvā khippameva kāretabbanti dasāhā kāretabbaṁ.

No cassa pāripūrīti kayiramānaṁ nappahoti.

Māsaparamaṁ tena bhikkhunā taṁ cīvaraṁ nikkhipitabbanti māsaparamatā nikkhipitabbaṁ.

Ūnassa pāripūriyāti ūnassa pāripūratthāya.

Satiyā paccāsāyāti paccāsā hoti saṅghato vā gaṇato vā ñātito vā mittato vā paṁsukūlaṁ vā attano vā dhanena.

Tato ce uttariṁ nikkhipeyya satiyāpi paccāsāyāti tadahuppanne mūlacīvare paccāsācīvaraṁ uppajjati, dasāhā kāretabbaṁ. Dvihuppanne mūlacīvare paccāsācīvaraṁ uppajjati, dasāhā kāretabbaṁ. Tīhuppanne -pe- catuhuppanne, -pepañcāhuppanne -pe- chāhuppanne, -pe- sattāhuppanne, -peaṭṭhāhuppanne, -pe- navāhuppanne, -pe- dasāhuppanne mūlacīvare paccāsācīvaraṁ uppajjati, dasāhā kāretabbaṁ. Ekādase uppanne -pe- dvādase uppanne -pe- terase uppanne -pe- cuddase uppanne -pepaṇṇarase uppanne -pesoḷase uppanne -pe- sattarase uppanne -peaṭṭhārase uppanne -pe- ekūnavīse uppanne -pe- vīse uppanne mūlacīvare paccāsācīvaraṁ uppajjati, dasāhā kāretabbaṁ. Ekavīse uppanne mūlacīvare paccāsācīvaraṁ uppajjati, navāhā kāretabbaṁ. Dvāvīse uppanne -petevīse uppanne -pecatuvīse uppanne -pe- pañcavīse uppanne -pe- chabbīse uppanne -pe- sattavīse uppanne -pe- aṭṭhavīse uppanne -pe- ekunatiṁse uppanne mūlacīvare paccāsācīvaraṁ uppajjati, ekāhā kāretabbaṁ. Tiṁse uppanne mūlacīvare paccāsācīvaraṁ uppajjati, tadaheva adhiṭṭhātabbaṁ. Vikappetabbaṁ. Vissajjetabbaṁ. No ce adhiṭṭheyya vā vikappeyya vā vissajjeyya vā-

[BJT Page 516]

Ekatiṁse aruṇuggamane nissaggiyaṁ hoti, nissajitabbaṁ [page 205] saṅghassa vā gaṇassa vā puggalassa vā evañca pana bhikkhave nissajitabbaṁ -pe- "idamme bhante akālacīvaraṁ māsātikkantaṁ nissaggiyaṁ, imāhaṁ saṅghassa nissajāmī"ti -pedadeyyā"ti -pe- dadeyyu"nti -pe- āyasmato dammī"ti.

4. Visabhāge uppanne mūlacīvare paccāsācīvaraṁ uppajjati rattiyo ca sesā honti, na akāmā kāretabbaṁ.

5. Māsātikkante atikkantasaññī, nissaggiyaṁ pācittiyaṁ. Māsātikkante vematiko -pe- māsātikkante anatikkantasaññī -pe- anadhiṭṭhite adhiṭṭhitasaññī -pe- avikappite vikappitasaññī -pe- avissajjite vissajjitasaññī -pe- anaṭṭhe naṭṭhasaññī -peavinaṭṭhe vinaṭṭhasaññī -pe- adaḍḍhe daḍḍhasaññī -peavilutte viluttasaññī nissaggiyaṁ pācittiyaṁ.

6. Nissaggiyaṁ cīvaraṁ anissajitvā paribhuñjati āpatti dukkaṭassa. Māsānatikkante atikkantasaññī, āpatti dukkaṭassa. Māsānatikkante vematiko, āpatti dukkaṭassa. Māsānatikkante anatikkantasaññī, anāpatti.

7. Anāpatti antomāsaṁ adhiṭṭheti, vikappeti, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti, ummattakassa, ādikammikassāti.
Tatiyakaṭhinasikkhāpadaṁ niṭṭhitaṁ

5. 1. 4.
Purāṇacīvarasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmato udāyissa purāṇa dutiyikā bhikkhunīsu pabbajitā hoti, sā āyasmato udāyissa santike abhikkhaṇaṁ āgacchati, āyasmāpi udāyī tassā bhikkhuniyā santike abhikkhaṇaṁ gacchati. Tena kho pana samayena āyasmā udāyī tassā bhikkhuniyā santike bhattavissaggaṁ karoti. Atha kho āyasmā udāyī pubbaṇhasamayaṁ nivāsetvā pattacīvaramādāya yena sā bhikkhunī tenupasaṅkami, upasaṅkamitvā tassā bhikkhuniyā purato aṅgajātaṁ vivaritvā āsane nisīdi, sāpi kho bhikkhunī āyasmato udāyissa purato aṅgajātaṁ vivaritvā nisīdi. Atha kho āyasmā udāyī sāratto tassā bhikkhuniyā aṅgajātaṁ upanijjhāyi. Tassa asuci mucci.

[BJT Page 518]

2. Atha kho āyasmā udāyī taṁ bhikkhuniṁ etadavoca: "gaccha bhagini udakaṁ āhara, antaravāsakaṁ dhovissāmī"ti. "Āharayya, [page 206] ahameva dhovissāmī"ti. Taṁ asuciṁ ekadesaṁ mukhena aggahesi, ekadesaṁ aṅgajāte pakkhipi. Sā tena gabbhaṁ gaṇhi. Bhikkhuniyo evamāhaṁsu: "abrahmacārinī ayaṁ bhikkhunī gabbhinī"ti. "Nāhaṁ ayyā abrahmacārinī"ti bhikkhunīnaṁ etamatthaṁ ārocesi. Bhikkhuniyo ujjhāyanti khīyanti vipācenti: "kathaṁ hi nāma ayyo udāyī bhikkhuniyā purāṇacīvaraṁ dhovāpessatī"ti. Atha kho tā bhikkhuniyo bhikkhūnaṁ etamatthaṁ ārocesuṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā udāyī bhikkhuniyā purāṇacīvaraṁ dhovāpessatī"ti. Atha kho te bhikkhū bhagavato etamatthaṁ ārocesuṁ. "Saccaṁ kira tvaṁ udāyī bhikkhuniyā purāṇacīvaraṁ dhovāpesī"ti? "Saccaṁ bhagavā". "Ñātikā te udāyī aññātikā"ti. "Aññātikā bhagavā"ti. "Aññātako moghapurisa aññātikāya na jānāti patirūpaṁ vā appatirūpaṁ vā pāsādikaṁ vā apāsādikaṁ vā. Tattha nāma tvaṁ moghapurisa aññātikāya bhikkhuniyā purāṇacīvaraṁ dhovāpessasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha."
"Yo pana bhikkhu aññātikāya bhikkhuniyā purāṇacīvaraṁ dhovāpeyya vā rajāpeyya vā ākoṭāpeyya vā nissaggiyaṁ pācīttiya"nti.

3. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Aññātikā nāma: mātito vā pitito vā yāva sattamā pitāmahayugā asambaddhā.
Bhikkhunī nāma: ubhato saṅghe upasampannā.

Purāṇacīvaraṁ nāma: sakiṁ nivatthampi sakiṁ pārutampi.

Dhovāti āṇāpeti, āpatti dukkaṭassa. Dhotaṁ nissaggiyaṁ hoti. Rajāti āṇāpeti, āpatti dukkaṭassa, rattaṁ nissaggiyaṁ hoti. Ākoṭehīti āṇāpeti, āpatti dukkaṭassa, sakiṁ pāṇippahāraṁ vā muggarappahāraṁ vā dinne nissaggiyaṁ hoti. Nissajitabbaṁ saṅghassa vā gaṇassa vā puggalassa vā.

4. Evaṁ ca pana bhikkhave nissajitabbaṁ: "idaṁ me bhante purāṇacīvaraṁ aññātikāya bhikkhuniyā dhovāpitaṁ nissaggiyaṁ, imāhaṁ saṅghassa nissajāmī"ti -pe- dadeyyāti -pe- dadeyyunti -pe- āyasmato dammī"ti. -Pe-

[BJT Page 520]

5. [page 207] aññātikāya aññātikasaññī purāṇacīvaraṁ dhovāpeti, nissaggiyaṁ pācittiyaṁ. Aññātikāya aññātikasaññī purāṇacīvaraṁ dhovāpeti rajāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṁ dhovāpeti ākoṭāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṁ dhovāpeti rajāpeti ākoṭāpeti, nissaggiyena āpatti dvinnaṁ dukkaṭānaṁ.

6. Aññātikāya aññātikasaññī purāṇacīvaraṁ rajāpeti, nissaggiyaṁ pācittiyaṁ -pe- rajāpeti ākoṭāpeti, nissaggiyena āpatti dukkaṭassa. Rajāpeti dhovāpeti, nissaggiyena āpatti dukkaṭassa. Rajāpeti ākoṭāpeti dhovāpeti, nissaggiyena āpatti dvinnaṁ dukkaṭānaṁ.

7. Aññātikāya aññātikasaññī purāṇacīvaraṁ ākoṭāpeti, nissaggiyaṁ pācittiyaṁ. Aññātikāya aññātikasaññī purāṇacīvaraṁ ākoṭāpeti dhovāpeti -pe- ākoṭāpeti rajāpeti -pe- ākoṭāpeti dhovāpeti rajāpeti, nissaggiyena āpatti dvinnaṁ dukkaṭānaṁ.

8. Aññātikāya vematiko -pe- aññātikāya ñātikasaññī -peaññassa purāṇacīvaraṁ dhovāpeti, āpatti dukkaṭassa. Nisīdanapaccattharaṇaṁ dhovāpeti, āpatti dukkaṭassa. Ekato upasampannāya dhovāpeti, āpatti dukkaṭassa. Ñātikāya aññātikasaññī -pe- āpatti dukkaṭassa. Ñātikāya vematiko -pe- āpatti dukkaṭassa. Ñātikāya ñātikasaññī -pe- anāpatti.

9. Anāpatti ñātikāya dhovantiyā aññātikā dutiyā hoti, avuttā dhovati, aparibhuttaṁ dhovāpeti, cīvaraṁ ṭhapetvā aññaṁ parikkhāraṁ dhovāpeti, sikkhamānāya, sāmaṇeriyā, ummattakassa, ādikammikassāti.

Purāṇacīvarasikkhāpadaṁ niṭṭhitaṁ.

[BJT Page 522]

5. 1. 5
Cīvarapaṭiggahaṇasikkhāpadaṁ

1. Tena samayena buddho bhagavā rājagahe viharati veḷuvane kalandakanivāpe. Tena kho pana samayena uppalavaṇṇā bhikkhunī sāvatthiyaṁ viharati. Atha kho uppalavaṇṇā bhikkhunī pubbaṇhasamayaṁ nivāsetvā [page 208] pattacīvaramādāya sāvatthiṁ-1 piṇḍāya pāvisi. Sāvatthiyaṁ piṇḍāya caritvā pacchābhattaṁ piṇḍapātapaṭikkantā yena andhavanaṁ tenupasaṅkami, upasaṅkamitvā divāvihārāya andhavanaṁ ajjhogahetvā aññatarasmiṁ rukkhamūle divāvihāraṁ nisīdi. Tena kho pana samayena corā katakammā gāviṁ vadhitvā maṁsaṁ gahetvā andhavanaṁ pavisiṁsu. Addasā kho coragāmaṇiko uppalavaṇṇaṁ bhikkhuniṁ aññatarasmiṁ rukkhamūle divāvihāraṁ nisinnaṁ, disvā sace me puttabhātukā passissanti viheṭhayissanti imaṁ bhikkhūninti aññena maggena agamāsi. Atha kho so coragāmaṇiko maṁse pakkevaramaṁsāni gahetvā paṇṇapuṭaṁ -2 bandhitvā uppalavaṇṇāya bhikkhuniyā avidūre rukkhe ālaggetvā "yo passati samaṇo vā brāhmaṇo vā dinnaṁ yeva haratuti" vatvā pakkāmi. Assosi kho uppalavaṇṇā bhikkhunī samādhimhā vuṭṭhahitvā tassa coragāmaṇikassa imaṁ vācaṁ bhāsamānassa. Atha kho uppalavaṇṇā bhikkhunī taṁ maṁsaṁ gahetvā upassayaṁ agamāsi. Atha kho uppalavaṇṇā bhikkhunī tassā rattiyā accayena taṁ maṁsaṁ sampādetvā uttarāsaṅge bhaṇḍikaṁ bandhitvā vehāsaṁ ababhuggantvā veḷuvane paccuṭṭhāsi.

2. Tena kho pana samayena bhagavā gāmaṁ piṇḍāya paviṭṭho hoti. Āyasmā udāyī ohiyyako hoti vihārapālo. Atha kho uppalavaṇṇā bhikkhunī yenāyasmā udāyī tenupasaṅkami. Upasaṅkamitvā āyasmantaṁ udāyiṁ etadavoca: - "kahaṁ bhante bhagavā"ti. "Paviṭṭho bhagini bhagavā gāmaṁ piṇḍāyā"ti. "Imaṁ bhante maṁsaṁ bhagavato dehī"ti. "Santappito tayā bhagini bhagavā maṁsena. Sace me tvaṁ antaravāsakaṁ dadeyyāsi, evaṁ ahampi santappito bhaveyyaṁ antaravāsakenā"ti. "Mayaṁ kho bhante mātugāmā nāma kicchalābhā, idañca me antimaṁ pañcamaṁ cīvaraṁ, nāhaṁ dassāmī"ti. "Seyyathāpi bhagini puriso hatthiṁ datvā kacche sajjeyya, -3 evameva kho tvaṁ bhagini bhagavato maṁsaṁ datvā mayi antaravāsake-1 sajjasī"ti. Atha kho uppalavaṇṇā bhikkhunī āyasmatā udāyinā nippīḷiyamānā antaravāsakaṁ datvā upassayaṁ agamāsi. Bhikkhuniyo uppalavaṇṇāya bhikkhuniyā pattacīvaraṁ paṭiggaṇhantiyo uppalavaṇṇaṁ bhikkhuniṁ etadavocuṁ: "kahaṁ te ayye antaravāsako"ti. Uppalavaṇṇā bhikkhunī bhikkhunīnaṁ etamatthaṁ ārocesi. Bhikkhuniyo ujjhāyanti khīyanti [page 209] vipācenti: "kathaṁ hi nāma ayyo udāyī bhikkhuniyā cīvaraṁ paṭiggahessati, kicchalābho mātugāmo"ti. Atha kho tā bhikkhuniyo bhikkhunaṁ etamatthaṁ ārocesuṁ.

1. Sāvattiyaṁ, katthavi 2. Paṇṇepuṭaṁ. Syā. 3. Vissajjeyya syā. 4. Antaravāsakaṁ na sajjasīti. Sī. Mu. Mayhaṁ antaravāsakaṁ vissajjehīti. Syā.
[BJT Page 524]

3. Ye te bhikkhu appicchā te ujjhāyanti khīyanti vipācenti: "kathaṁ hi nāma āyasmā udāyī bhikkhuniyā cīvaraṁ paṭiggahessati"ti. Atha kho te bhikkhū bhagavato etamatthaṁ ārocesuṁ. "Saccaṁ kira tvaṁ udāyī bhikkhuniyā cīvaraṁ paṭiggahesīti? "Saccaṁ bhagavā. " "Ñātikā te udāyī aññātikā"ti. "Aññātikā bhagavā"ti. "Aññātako moghapurisa aññātikāya na jānāti patirūpaṁ vā appatirūpaṁ vā santaṁ vā. Asantaṁ vā tattha nāma tvaṁ moghapurisa aññātikāya bhikkhuniyā hatthato cīvaraṁ paṭiggahessasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha."

"Yo pana bhikkhu aññātikāya bhikkhuniyā hatthato cīvaraṁ paṭiggaṇheyya, nissaggiyaṁ pācittiyanti."

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti. )

4. Tena kho pana samayena bhikkhū kukkuccāyantā bhikkhunīnaṁ pārivaṭṭakacīvaraṁ na paṭiggaṇhanti. Bhikkhuniyo ujjhāyanti khīyanti vipācenti: "kathaṁ hi nāma ayyā ambhākaṁ pārivaṭṭakacīvaraṁ nappaṭiggahessantī"ti. Assosuṁ kho bhikkhū tāsaṁ bhikkhūnīnaṁ ujjhāyantīnaṁ khīyantīnaṁ vipācentīnaṁ. Atha kho te bhikkhū bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave pañcannaṁ pārivaṭṭakaṁ paṭiggahetuṁ, bhikkhussa bhikkhuniyā sikkhamānāya sāmaṇerassa sāmaṇeriyā. Anujānāmi bhikkhave imesaṁ pañcannaṁ pārivaṭṭakaṁ paṭiggahetuṁ. Evañca pana bhikkhave imaṁ sikkhāpadaṁ uddiseyyātha: "

"Yo pana bhikkhu aññātikāya bhikkhuniyā hatthato cīvaraṁ paṭiggaṇheyya aññatra pārivaṭṭakā, nissaggiyaṁ pācittiyanti".

(Dutiyapaññatti. )

5. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Aññātikā nāma: mātito vā pitito vā yāva sattamā pitāmahayugā asambaddhā.
Bhikkhūnī nāma: ubhato saṅghe upasampannā.

[page 210] cīvaraṁ nāma: channaṁ cīvarānaṁ aññataraṁ cīvaraṁ vikappanūpagapacchimaṁ.

Aññatra pārivaṭṭakāti ṭhapetvā pārivaṭṭakaṁ paṭiggaṇhāti.

[BJT Page 526]

6. Pāyoge dukkaṭaṁ, paṭilābhena nissaggiyaṁ hoti nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idamme bhante cīvaraṁ aññātikāya bhikkhuniyā hatthato paṭiggahitaṁ aññatra pārivaṭṭakā nissaggiyaṁ, imāhaṁ saṅghassa nissajāmī"ti -pe- dadeyyāti -pe- dadeyyunti -pe- āyasmato dammī"ti.
7. Aññātikāya aññātikasaññī cīvaraṁ paṭiggaṇhāti aññatra pārivaṭṭakā, nissaggiyaṁ pācittiyaṁ. Aññātikāya vematiko cīvaraṁ paṭiggaṇhāti aññatra pārivaṭṭakā, nissaggiyaṁ pācittiyaṁ. Aññātikāya ñātikasaññī cīvaraṁ paṭiggaṇhāti aññatra pārivaṭṭakā, nissaggiyaṁ pācittiyaṁ. Ekato upasampannāya hatthato cīvaraṁ paṭiggaṇhāti aññatra pārivaṭṭakā, āpatti dukkaṭassa. Ñātikāya aññātikasaññī -pe- āpatti dukkaṭassa. Ñātikāya vematiko -pe- āpatti dukkaṭassa. Ñātikāya ñātikasaññī -pe- anāpatti.

8. Anāpatti ñātikāya, pārivaṭṭakaṁ, parittena vā vipulaṁ, vipulena vā parittaṁ, bhikkhuvissāsaṁ gaṇhāti, tāvakālikaṁ gaṇhāti, cīvaraṁ ṭhapetvā aññaṁ parikkhāraṁ ghaṇhāti, sikkhamānāya, sāmaṇeriyā, ummattakassa, ādikammikassāti.

Cīvarapaṭiggahaṇasikkhāpadaṁ niṭṭhitaṁ.

5. 1. 6.
Aññātakaviññattisikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā upanando sakyaputto paṭṭo hoti dhammakathaṁ kātuṁ. Atha kho aññataro seṭṭhiputto yenāyasmā upanando sakyaputto tenupasaṅkami, upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi. Ekamantaṁ nisinnaṁ kho taṁ seṭṭhiputtaṁ āyasmā upanando sakyaputto dhammiyā kathāya sandassesi samādapesi samuttejesi sampahaṁsesi. Atha kho so seṭṭhiputto āyasmatā upanandena sakyaputtena dhammiyā kathāya sandassito samādapito samuttejito sampahaṁsito āyasmantaṁ upanandaṁ sakyaputtaṁ etadavoca: "vadeyyātha bhante yena attho, paṭibalā mayaṁ [page 211] ayyassa dātuṁ yadidaṁ cīvarapiṇḍapātasenāsanagilānapaccayabhesajjaparikkhāra"nti. "Sace me tvaṁ āvuso dātukāmo'si ito ekaṁ sāṭakaṁ dehī"ti.

[BJT Page 528]

2. "Amhākaṁ kho bhante kulaputtānaṁ kismiṁ viya ekasāṭakaṁ gantuṁ, āgamehi bhante yāva gharaṁ gacchāmi, gharaṁ gato ito vā ekaṁ pahiṇissāmi, ito vā sundaratara"nti. Dutiyampi kho -pe- tatiyampi kho āyasmā upanando sakyaputto taṁ seṭṭhiputtaṁ etadavoca: - "sace me tvaṁ āvuso dātukāmo'si, ito ekaṁ sāṭakaṁ dehi"ti. "Ambhākaṁ kho bhante kulaputtānaṁ kismiṁ viya ekasāṭakaṁ gantuṁ, āgamehi bhante yāva gharaṁ gacchāmi, gharaṁ gato ito vā ekaṁ pahiṇissāmi, ito vā sundaratara"nti. "Kimpana tayā āvuso adātukāmena pavāritena, yaṁ tvaṁ pavāretvā na desī"ti. Atha kho so seṭṭhiputto āyasmatā upanandena sakyaputtena nippīḷiyamāno ekaṁ sāṭakaṁ datvā agamāsi. Manussā taṁ seṭṭhiputtaṁ passitvā-1 etadavocuṁ: "kissa tvaṁ ayyo ekasāṭako āgacchasī"ti.

3. Atha kho so seṭṭhiputto tesaṁ manussānaṁ etamatthaṁ ārocesi. Manussā ujjhāyanti khīyanti vipācenti: "mahicchā ime samaṇā sakyaputtiyā asantuṭṭhā, nayimesaṁ sukarā dhammanimantanāpi kātuṁ. -2. "Kathaṁ hi nāma seṭṭhiputtena dhammanimantanāya kayiramānāya sāṭakaṁ gahessantī"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto seṭṭhiputtaṁ cīvaraṁ viññāpessatī"ti. Atha kho te bhikkhū bhagavato etamatthaṁ ārocesuṁ: "saccaṁ kira tvaṁ upananda seṭṭhiputtaṁ cīvaraṁ viññāpesī?"Ti "saccaṁ. Bhagavā" "ñātako te upananda aññātako?"Ti "aññātako bhagavā"ti. "Aññātako moghapurisa aññātakassa na jānāti patirūpaṁ vā appatirūpaṁ vā santaṁ vā asantaṁ vā. Tattha nāma tvaṁ moghapurisa aññātakaṁ seṭṭhiputtaṁ cīvaraṁ viññāpessasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

"Yo pana bhikkhu aññātakaṁ gahapatiṁ vā gahapatāniṁ vā cīvaraṁ viññāpeyya, nissaggiyaṁ pācittiyanti".

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti)

4. Tena kho pana samayena sambahulā bhikkhū sāketā [page 212] sāvatthiṁ addhānamaggapaṭipannā honti. Antarāmagge corā nikkhamitvā te bhikkhū acchindiṁsu. Atha kho te bhikkhū "bhagavatā paṭikkhittaṁ aññātakaṁ gahapatiṁ vā gahapatāniṁ vā cīvaraṁ viññāpetunti" kukkuccāyantā na viññāpesuṁ. Yathā naggā'va sāvatthiṁ gantvā bhikkhū abhivādenti. Bhikkhū evamāhaṁsu: "sundarā kho ime āvuso ājīvakā, ye ime bhikkhū-3 abhivādentī"ti. Te evamāhaṁsu: "na mayaṁ āvuso ājīvakā, bhikkhū maya"nti. Bhikkhū āyasmantaṁ upāliṁ etadavocuṁ: "iṅghāvuso upāli ime anuyuñjāhī"ti. Te anuyuñjiyamānā etamatthaṁ ārocesuṁ.

1. Natthi. Machasaṁ. 2. Na ime sukarā dhammanimantanāyapi kātuṁ. Syā. 3. Bhikkhusu. Machasaṁ.

[BJT Page 530]

5. Atha kho āyasmā upāli te bhikkhū anuyuñjitvā bhikkhū etadavoca: "bhikkhū ime āvuso, detha nesaṁ cīvarānī"ti. Ye te bhikkhū appicchā te ujjhāyanti khīyanti vipācenti: "kathaṁ hi nāma bhikkhū naggā āgacchissanti, nanu nāma tiṇena vā paṇṇena vā paṭicchādetvā āgantabba"nti. Atha kho te bhikkhū bhagavato etamatthaṁ ārocesuṁ.

6. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave acchinnacīvarassa vā naṭṭhacīvarassa vā aññātakaṁ gahapatiṁ vā gahapatāniṁ vā cīvaraṁ viññāpetuṁ. Yaṁ āvāsaṁ paṭhamaṁ upagacchati, sace tattha hoti saṅghassa vihāracīvaraṁ vā uttarattharaṇaṁ vā bhummattharaṇaṁ vā bhisicchavi vā naṁ gahetvā pārupituṁ, labhitvā odahissāmī"ti. No ce hoti saṅghassa vihāracīvaraṁ vā uttarattharaṇaṁ vā bhummattharaṇaṁ vā bhisicchavi vā, tiṇena vā paṇṇena vā paṭicchādetvā āgantabbaṁ. Nattheva naggena āgantabbaṁ. Yo āgaccheyya. Āpatti dukkaṭassa. Evañca pana bhikkhave imaṁ sikkhāpadaṁ uddiseyyātha: "

"Yo pana bhikkhu aññātakaṁ gahapatiṁ vā gahapatāniṁ vā cīvaraṁ viññāpeyya aññatra samayā, nissaggiyaṁ pācittiyaṁ. Tatthāyaṁ samayo: acchinnacīvaro vā hoti bhikkhu naṭṭhacīvaro vā. Ayaṁ tattha samayo'ti.

(Dutiyapaññatti)

7. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhū'ti.

Aññātako nāma: mātito vā pitito vā yāva sattamā pitāmahayugā asambaddho.
Gahapati nāma: yo koci agāraṁ ajjhāvasati.

Gahapatānī nāma: yā kāci agāraṁ ajjhāvasati.

[page 213] cīvaraṁ nāma: channaṁ cīvarānaṁ aññataraṁ cīvaraṁ vikappanūpagapacchimaṁ.

Aññatra samayāti ṭhapetvā samayaṁ.

Acchinnacīvaro nāma: bhikkhussa cīvaraṁ acchinnaṁ hoti, rājūhi vā corehi vā dhuttehi vā yehi kehici vā acchinnaṁ hoti.

Naṭṭhacīvaro nāma: bhikkhussa cīvaraṁ agginā vā daḍḍhaṁ hoti, udakena vā vuḷhaṁ hoti, undurehi vā upacikāhi vā khāyitaṁ hoti, paribhogajiṇṇaṁ vā hoti. Aññatra samayā viññāpeti payoge dukkaṭaṁ. Paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idamme bhante cīvaraṁ aññātakaṁ gahapatikaṁ aññatra samayā viññāpitaṁ nissaggiyaṁ. Imāhaṁ saṅghassa nissajāmī"ti -pe- dadeyyāti -pe- dadeyyunti -peāyasmato dammī"ti -pe-

[BJT Page 532]

8. Aññātake aññātakasaññī aññatra samayā cīvaraṁ viññāpeti, nissaggiyaṁ pācittiyaṁ. Aññātake vematiko aññatra samayā cīvaraṁ viññāpeti, nissaggiyaṁ pācittiyaṁ. Aññātake ñātakasaññī aññatra samayā cīvaraṁ viññāpeti, nissaggiyaṁ pācittiyaṁ. Ñātake aññātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.

9. Anāpatti samaye, ñātakānaṁ, pavāritānaṁ, aññassatthāya, attano dhanena, ummattakassa, ādikammikassāti.

Aññātakaviññattisikkhāpadaṁ niṭṭhitaṁ.

5. 1. 7.
Tatuttarisikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena jabbaggiyā bhikkhū acchinnacīvarake bhikkhū upasaṅkamitvā evaṁ vadenti: "bhagavatā āvuso anuññātaṁ acchinnacīvarassa vā naṭṭhacīvarassa vā aññātakaṁ gahapatiṁ vā gahapatāniṁ vā cīvaraṁ viññāpetuṁ. Viññāpetha āvuso cīvaranti. " "Alaṁ āvuso laddhaṁ ambhehi cīvaranti. " "Mayaṁ āyasmantānaṁ atthāya-1 viññāpemā"ti. "Viññāpetha āvuso"ti. Atha kho chabbaggiyā bhikkhū aññātake-2 gahapatike upasaṅkamitvā etadavocuṁ: "acchinnacīvarakā āvuso bhikkhū āgatā, detha nesaṁ cīvarānī"ti bahuṁ cīvaraṁ viññāpesuṁ.

2. Tena kho pana [page 214] samayena aññataro puriso sabhāyaṁ nisinno aññataraṁ purisaṁ etadavoca: "acchinnacīvarakā ayyo bhikkhū āgatā, tesaṁ mayā cīvaraṁ dinna"nti. Sopi evamāha "mayāpi dinnanti". Aparopi evamāha mayāpi dinnanti. " Te ujjhāyanti khīyanti vipācenti: "kathaṁ hi nāma samaṇā sakyaputtiyā na mattaṁ jānitvā bahuṁ cīvaraṁ viññāpessanti. Dussavāṇijjaṁ vā samaṇā sakyaputtiyā karissanti, paggāhikasālaṁ-3 vā pasāressantī"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū na mattaṁ jānitvā bahuṁ cīvaraṁ viññāpessanti"ti. Atha kho te bhikkhū bhagavato etamatthaṁ ārocesuṁ.

1. 'Atthāya' machasaṁ. Natthi. 2. 'Aññātake, ' machasaṁ. Nadissate. 3. Paṭiggāhikasālaṁ, itipi.

[BJT Page 534]

3. "Saccaṁ kira tumhe bhikkhave na mattaṁ jānitvā bahuṁ cīvaraṁ viññāpethā"ti. "Saccaṁ bhagavā" vigarahi buddho bhagavā: "kathaṁ hi nāma tumhe moghapurisā na mattaṁ jānitvā bahuṁ cīvaraṁ viññāpessatha, netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

"Tañce aññātako gahapati vā gahapatānī vā bahūhi cīvarehi abhihaṭṭhuṁ pavāreyya, santaruttaraparamaṁ tena bhikkhunā tato cīvaraṁ sāditabbaṁ. Tato ce uttarīṁ-1 sādiyeyya, nissaggiyaṁ pācittiyanti."

4. Tañce ti acchinnacīvarakaṁ bhikkhuṁ.

Aññātako nāma: mātito vā pitito vā yāva sattamā pitāmahayugā asambaddho,
Gahapati nāma: yo koci agāraṁ ajjhāvasati.

Gahapatānī nāma: yā kāci agāraṁ ajjhāvasati.

Bahūhi cīvarehīti bahukehi cīvarehi.

Abhihaṭṭhuṁ pavāreyyāti yāvatakaṁ icchasi tāvatakaṁ gaṇhāhīti.

Santaruttaraparamaṁ tena bhikkhunā tato cīvaraṁ sāditabbanti. Sace tīṇi naṭṭhāni honti dve sāditabbāni, dve naṭṭhāni ekaṁ sāditabbaṁ, ekaṁ naṭṭhaṁ na kiñci sāditabbaṁ.
Tato ce uttariṁ sādiyeyyāti tatuttariṁ viññāpeti, payoge dukkaṭaṁ paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ:

"Idamme bhante cīvaraṁ aññātakaṁ gahapatikaṁ-2 tatuttariṁ [page 215] viññāpitaṁ nissaggiyaṁ. Imāhaṁ saṅghassa nissajāmī"ti. Dadeyyāti -pe- dadeyyunti -pe- āyasmato dammī"ti.

5. Aññātake aññātakasaññī tatuttarīṁ cīvaraṁ viññāpeti, nissaggiyaṁ pācittiyaṁ. Aññātake vematiko -pe- aññātake ñātakasaññī tatuttarīṁ cīvaraṁ viññāpeti, nissaggiyaṁ pācittiyaṁ. Ñātake aññātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.

6. Anāpatti sesakaṁ āharissāmīti haranto gacchati, sesakaṁ tuyheva hotiti denti, na acchinnakāraṇā denti, na naṭṭhakāraṇā denti, ñātakānaṁ, pavāritānaṁ, attano dhanena, ummattakassa, ādikammikassāti.

Tatuttarisikkhāpadaṁ niṭṭhitaṁ

1. Uttari, machasaṁ. 2. Gahapatikaṁ upasaṅkamitvā. Machasaṁ.

[BJT Page 536]

5. 1. 8.
Paṭhamaupakkhaṭasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena aññataro puriso pajāpatiṁ etadavoca: "ayyaṁ upanandaṁ cīvarena acchādessāmī"ti. Assosi kho aññataro piṇḍacāriko bhikkhu tassa purisassa imaṁ vācaṁ bhāsamānassa. Atha kho so bhikkhu yenāyasmā upanando sakyaputto tenupasaṅkami, upasaṅkamitvā āyasmantaṁ upanandaṁ sakyaputtaṁ etadavoca: "mahāpuñño'si tvaṁ āvuso upananda, amukasmiṁ okāse aññataro puriso pajāpatiṁ etadavoca: ayyaṁ upanandaṁ cīvarena acchādessāmī"ti. "Atthāvuso maṁ so upaṭṭhāko'ti. Atha kho āyasmā upanando sakyaputto yena so puriso tenupasaṅkami. Upasaṅkamitvā taṁ purisaṁ etadavoca: "saccaṁ kira maṁ tvaṁ āvuso cīvarena acchādetukāmosī"ti. "Api-1 ma'yya evaṁ hoti: "ayyaṁ upanandaṁ cīvarena acchādessāmī"ti. "Sace kho maṁ tvaṁ āvuso cīvarena acchādetukāmo"si, "evarūpena civarena acchādehi kyāhaṁ tena acchannopi karissāmi, yāhaṁ na paribhuñjissāmī"ti.

2. Atha kho so puriso ujjhāyati khīyati vipāceti: "mahicchā ime samaṇā sakyaputtiyā asantuṭṭhā, nayime sukarā cīvarena acchādetuṁ. Kathaṁ hi nāma ayyo upanando mayā pubbe appavārito maṁ upasaṅkamitvā cīvare vikappaṁ āpajjissatī"ti. Assosuṁ kho bhikkhū tassa purisassa ujjhāyantassa khīyantassa vipācentassa. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto pubbe appavārito gahapatikaṁ upasaṅkamitvā cīvare vikappaṁ āpajjissatī"ti. Atha kho te bhikkhū bhagavato etamatthaṁ [page 216] ārocesuṁ "saccaṁ kira tvaṁ upananda pubbe appavārito gahapatikaṁ upasaṅkamitvā cīvare vikappaṁ āpajjīti-2? "Saccaṁ bhagavā". "Ñātako te upananda aññātakoti"? "Aññātako bhagavā"ti. 'Aññātako moghapurisa aññātakassa na jānāti patirūpaṁ vā appatirūpaṁ vā santaṁ vā asantaṁ vā. Tattha nāma tvaṁ moghapurisa pubbe appavārito aññātakaṁ gahapatiṁ-3 upasaṅkamitvā cīvare vikappaṁ āpajjissasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha."

"Bhikkhuṁ paneva uddissa aññātakassa gahapatissa vā gahapatāniyā vā cīvaracetāpannaṁ-4 upakkhaṭaṁ hoti, iminā cīvaracetāpannena cīvaraṁ cetāpetvā itthannāmaṁ bhikkhuṁ cīvarena acchādessāmīti. Tatra ceso bhikkhu pubbe appavārito upasaṅkamitvā cīvare vikappaṁ āpajjeyya: sādhu vata maṁ āyasmā iminā cīvaracetāpantena evarūpaṁ vā evarūpaṁ vā cīvaraṁ cetāpetvā acchādehīti kalyāṇakamyataṁ upādāya, nissaggiyaṁ pācittiya"nti.

1. Api meyya evaṁ hoti. Machasaṁ. 2. Āpajjasi, machasaṁ. 3. Gahapatikaṁ, machasaṁ 4. Cīvaracetāpanaṁ. Syā.

[BJT Page 538]

3. Bhikkhuṁ paneva uddissāti bhikkhussatthāya, bhikkhuṁ ārammaṇaṁ karitvā, bhikkhuṁ acchādetukāmo.

Aññātako nāma: mātito vā pitito vā yāva sattamā pitāmahayugā asambaddho.
Gahapati nāma: yo koci agāraṁ ajjhāvasati.

Gahapatānī nāma: yā kāci agāraṁ ajjhāvasati.

Cīvaracetāpannaṁ nāma: hiraññaṁ vā suvaṇṇaṁ vā muttā vā maṇi vā pavāḷo vā phaḷiko vā paṭako vā suttaṁ vā kappāso vā.

Iminā cīvaracetāpannenāti paccupaṭṭhitena.

Cetāpetvāti parivattetvā.

Acchādessāmīti dassāmi.

Tatra ceso bhikkhūti yaṁ bhikkhuṁ uddissa cīvaracetāpannaṁ upakkhaṭaṁ hoti, so bhikkhu.
Pubbe appavāritoti pubbe avutto hoti, kīdisena te bhante cīvarena attho, kīdisaṁ te cīvaraṁ cetāpemīti.

Upasaṅkamitvāti gharaṁ gantvā, yattha katthaci upasaṅkamitvā.

Cīvare vikappaṁ āpajjeyyāti āyataṁ vā hotu vitthataṁ vā appitaṁ vā saṇhaṁ vā.
[page 217] iminā cīvaracetāpantenāti paccupaṭṭhitena.

Evarūpaṁ vā evarūpaṁ vāti āyataṁ vā vitthataṁ vā appitaṁ vā saṇhaṁ vā.

Cetāpetvāti parivattetvā.

Acchādehīti dajjehi.

Kalyāṇakamyataṁ upādāyāti sādhatthīko-1 mahagghatthiko.

4. Tassa vacanena āyataṁ vā vitthataṁ vā appitaṁ vā saṇhaṁ vā cetāpeti, payoge dukkaṭaṁ. Paṭilābhena nissaggiyaṁ hoti, nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante cīvaraṁ pubbe appavārito aññātakaṁ gahapatikaṁ upasaṅkamitvā cīvare vikappaṁ āpannaṁ nissaggiyaṁ, imāhaṁ saṅghassa nissajāmī"ti -pedadeyyāti -pe- dadeyyunti -pe- āyasmato dammī"ti.

1. Sādhutthiko. Syā

[BJT Page 540]

5. Aññātake aññātakasaññī pubbe appavārito gahapatikaṁ upasaṅkamitvā cīvare vikappaṁ āpajjati, nissaggiyaṁ pācittiyaṁ. Aññātake vematiko -pe- aññātake ñātakasaññī pubbe appavārito gahapatikaṁ upasaṅkamitvā cīvare vikappaṁ āpajjati, nissaggiyaṁ pācittiyaṁ. Ñātake aññātakasaññī. Āpatti dukkaṭassa. Ñātake vematiko, āpatti dukkaṭassa. Ñātake ñātakasañī, anāpatti.

6. Anāpatti ñātakānaṁ, pavāritānaṁ, aññassatthāya, attano dhanena, mahagghaṁ cetāpetukāmassa appagghaṁ cetāpeti, ummattakassa, ādikammikassāti.

Paṭhamaupakkhaṭasikkhāpadaṁ niṭṭhitaṁ.

5. 1. 9.

Dutiya upakkhaṭasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena aññataro puriso aññataraṁ purisaṁ etadavoca: "ahaṁ ayyaṁ upanandaṁ-1 cīvarena acchādessāmī"ti. So'pi evamāha: "ahampi ayyaṁ upanandaṁ cīvarena acchādessāmī"ti. Assosi kho aññataro piṇḍacāriko bhikkhu tesaṁ purisānaṁ imaṁ kathāsallāpaṁ. Atha kho so bhikkhu yenāyasmā upanando sakyaputto tenupasaṅkami, upasaṅkamitvā āyasmantaṁ upanandaṁ sakyaputtaṁ etadavoca: "mahāpuñño'si tvaṁ āvuso upananda amukasmiṁ [page 218] okāse aññataro puriso aññataraṁ purisaṁ etadavoca: "ahaṁ ayyaṁ upanandaṁ cīvarena acchādessāmī"ti. So'pi evamāha: ahampi ayyaṁ upanandaṁ cīvarena acchādessāmī"ti. Atthāvuso maṁ te upaṭṭhākāti.

2. Atha kho āyasmā upanando sakyaputto yena te purisā tenupaṅkami, upasaṅkamitvā te purise etadavoca: "saccaṁ kira maṁ tumhe āvuso cīvarehi acchādetukāmatthā"ti. "Api nayya evaṁ hoti, ayyaṁ upanandaṁ cīvarehi acchādessāmā"ti. "Sace kho maṁ tumhe āvuso cīvarehi acchādetukāmattha, evarūpena cīvarena acchādetha, kyāhaṁ tehi acchanno'pi karissāmi, yānāhaṁ na paribhuñjissāmī"ti.

3. Atha kho te purisā ujjhāyanti khīyanti vipācenti: "mahicchā ime samaṇā sakyaputtiyā asantuṭṭhā, nayime sukarā cīvarehi acchādetuṁ, kathaṁ hi nāma ayyo upanando amhehi pubbe appavārito upasaṅkamitvā cīvare vikappaṁ āpajjissatī"ti. Assosuṁ kho bhikkhū tesaṁ purisānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto pubbe appavārito gahapatike upasaṅkamitvā cīvare vikappaṁ āpajjissatī"ti.

1. Ahaṁ upanandaṁ. Machasaṁ.

[BJT Page 542]

4. Atha kho te bhikkhū bhagavato etamatthaṁ ārecesuṁ. "Saccaṁ kira tvaṁ upananda pubbe appavārito gahapatike upasaṅkamitvā cīvare vikappaṁ āpajji?"Ti. "Saccaṁ bhagavā". "Ñātakā te upananda aññātakā?"Ti "aññātakā bhagavā"ti. "Aññātako moghapurisa aññātakānaṁ na jānāti patirūpaṁ vā appatirūpaṁ vā santaṁ vā asantaṁ vā. Tattha nāma tvaṁ moghapurisa pubbe appavārito aññātake gahapatike upasaṅkamitvā cīvare vikappaṁ āpajjissasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Bhikkhuṁ paneva uddissa ubhinnaṁ aññātakānaṁ gahapatīnaṁ vā gahapatānīnaṁ vā paccekacīvaracetāpannā upakkhaṭā-1 honti: imehi mayaṁ paccekacīvaracetāpantehi paccekacīvarāni cetāpetvā itthannāmaṁ bhikkhuṁ cīvarehi acchādessāmāti. Tatra ceso bhikkhu pubbe appavārito upasaṅkamitvā cīvare vikappaṁ āpajjeyya: sādhu vata maṁ āyasmanto imehi paccekacīvaracetāpannehi evarūpaṁ vā evarūpaṁ vā cīvaraṁ cetāpetvā acchādetha. Ubho'va santā ekenāti, kalyāṇakamyataṁ upādāya, nissaggiyaṁ pācittiya"nti.

5. [page 219] bhikkhuṁ paneva uddissāti bhikkhussatthāya, bhikkhuṁ ārammaṇaṁ karitvā, bhikkhuṁ acchādetukāmā.

Ubhinnanti dvinnaṁ

Aññātakā nāma: mātito vā pitito vā yāva sattamā pitāmahayugā asambaddhā.
Gahapatī nāma: ye keci agāraṁ ajjhāvasanti.

Gahapatāniyo nāma: yā kāci agāraṁ ajjhāvasanti.

Cīvaracetāpantā nāma: hiraññā vā suvaṇṇā vā muttā vā maṇi vā pavāḷā vā phaḷikā vā paṭakā vā suttā vā kappāsā vā.

Imehi cīvaracetāpannehīti paccupaṭṭhitehi. Cetāpetvāti parivattetvā.

Acchādessāmāti dassāma.

Tatra ceso bhikkhūti yaṁ bhikkhuṁ uddissa cīvaracetāpannā upakkhaṭā honti, so bhikkhu.
Pubbe appavāritoti pubbe avutto hoti, kīdisena te bhante cīvarena attho, kīdisaṁ te cīvaraṁ cetāpemāti.

Upasaṅkamitvāti gharaṁ gantvā, yattha katthaci upasaṅkamitvā.

1. Cīvara cetāpannāni upakkhaṭāni. Machasaṁ.

[BJT Page 544]

Cīvare vikappaṁ āpajjeyyāti āyataṁ vā hotu vitthataṁ vā appitaṁ vā saṇhaṁ vā.
Imehi cīvaracetāpannehīti paccupaṭṭhitehi. Evarūpaṁ vā evarūpaṁ vāti āyataṁ vā vitthataṁ vā appitaṁ vā saṇhaṁ vā.

Cetāpetvāti parivattetvā

Acchādethāti dajjetha. Ubho'va santā ekenāti dvepi janā ekena.

Kalyāṇakamyataṁ upādāyāti sādhatthīko-1 mahagghatthiko.

6. Tassa vacanena āyataṁ vā vitthataṁ vā appitaṁ vā saṇhaṁ vā cetāpenti. Payoge dukkaṭaṁ. Paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante cīvaraṁ pubbe appavārito aññātake gahapatike upasaṅkamitvā cīvare vikappaṁ āpannaṁ nissaggiyaṁ. Imāhaṁ saṅghassa nissajāmī"ti dadeyyāti -pe- dadeyyunti -pe- āyasmato dammī"ti. -Pe-

7. Aññātake aññātakasaññī pubbe appavārito gahapatike upasaṅkamitvā cīvare vikappaṁ āpajjati, nissaggiyaṁ pācittiyaṁ. Aññātake vematiko -pe- aññātake ñātakasaññī pubbe appavārito gahapatike upasaṅkamitvā cīvare vikappaṁ āpajjati, nissaggiyaṁ pācittiyaṁ. Ñātake aññātakasaññī āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.

8. Anāpatti ñātakānaṁ, pavāritānaṁ, aññassatthāya, attano dhanena, mahagghaṁ cetāpetukāmānaṁ appagghaṁ cetāpeti, ummattakassa, ādikammikassāti.

Dutiyaupakkhaṭasikkhāpadaṁ niṭṭhitaṁ.

1. Sādhutthiko. Syā.

[BJT Page 546]

5. 1. 10.
Rājasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmato upanandassa sakyaputtassa upaṭṭhāko mahāmatto āyasmato upanandassa sakyaputtassa dūtena cīvaracetāpannaṁ pāhesi: iminā cīvaracetāpannena cīvaraṁ cetāpetvā ayyaṁ upanandaṁ cīvarena acchādehī'ti. Atha kho so dūto yenāyasmā upanando sakyaputto tenupasaṅkami. Upasaṅkamitvā āyasmantaṁ upanandaṁ sakyaputtaṁ etadavoca: "idaṁ kho bhante āyasmantaṁ uddissa cīvaracetāpannaṁ ābhataṁ. Patigaṇhātu āyasmā cīvaracetāpannanti. " Evaṁ [page 220] vutte āyasmā upanando sakyaputto taṁ dūtaṁ etadavoca: "na kho mayaṁ āvuso cīvaracetāpannaṁ patigaṇhāma, cīvarañca kho mayaṁ patigaṇhāma kālena kappiya"nti evaṁ vutte so dūto āyāsmantaṁ upanandaṁ sakyaputtaṁ etadavoca: "atthi panāyasmato koci veyyāvaccakaro"ti. Tena kho pana samayena aññataro upāsako ārāmaṁ agamāsi kenacideva karaṇiyena. Atha kho āyasmā upanando sakyaputto taṁ dūtaṁ etadavoca: "eso kho āvuso upāsako bhikkhūnaṁ veyyāvaccakaro"ti. Atha kho so dūto taṁ upāsakaṁ saññāpetvā yenāyasmā upanando sakyaputto tenupasaṅkami, upasaṅkamitvā āyasmantaṁ upanandaṁ sakyaputtaṁ etadavoca: "yaṁ kho bhante āyasmā veyyāvaccakaraṁ niddisi, saññatto so mayā, upasaṅkamatu āyasmā kālena, cīvarena taṁ acchādessatī"ti.

2. Tena kho pana samayena so mahāmatto āyasmato upanandassa sakyaputtassa santike dūtaṁ pāhesi: "paribhuñjatu ayyo taṁ cīvaraṁ. Icchāma mayaṁ ayyena taṁ cīvaraṁ paribhutta"nti. Atha kho āyasmā upanando sakyaputto taṁ upāsakaṁ na kiñci avacāsi. Dutiyampi kho so mahāmatto āyasmato upanandassa sakyaputtassa santike dūtaṁ pāhesi: "paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhutta"nti. Dutiyampi kho āyasmā upanando sakyaputto taṁ upāsakaṁ na kiñci avacāsi. Tatiyampi kho so mahāmatto āyasmato upanandassa sakyaputtassa santike dūtaṁ pāhesi: "paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhutta"nti.

3. Tena kho pana samayena negamassa samayo hoti. Negamena ca katikā katā hoti: "yo pacchā āgacchati, paññāsaṁ baddho"ti. Atha kho āyasmā upanando sakyaputto yena so upāsako tenupasaṅkami. Upasaṅkamitvā taṁ upāsakaṁ etadavoca: -

[BJT Page 548]

"Attho me āvuso cīvarenā"ti. "Ajjunho bhante āgamehi, ajjanegamassa samayo hoti, negamena ca katikā katā hoti: "yo pacchā āgacchati. Paññāsaṁ baddho"ti. "Ajjeva me āvuso cīvaraṁ dehī"ti ovaṭṭikāya parāmasi. Atha kho so upāsako āyasmatā upanandena sakyaputtena nippīḷiyamāno āyasmato upanandassa sakyaputtassa cīvaraṁ cetāpetvā pacchā agamāsi. Manussā taṁ upāsakaṁ etadavocuṁ" "kissa tvaṁ ayyo pacchā āgatosi, paññāsaṁ jitosī"ti.

4. Atha kho so upāsako tesaṁ manussānaṁ etamatthaṁ ārocesi. Manussā ujjhāyanti khiyanti vipācenti: "mahicchā ime samaṇā sakyaputtiyā asantuṭṭhā, [page 221] nayimesaṁ sukaraṁ veyyāvaccampi kātuṁ. Kathaṁ hi nāma āyasmā upanando upāsakena "ajjunho bhante āgamehī"ti vuccamāno nāgamessatī"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto upāsakena "ajjunho bhante āgamehī"ti vuccamāno nāgamessatī"ti. Atha kho te bhikkhū bhagavato etamatthaṁ ārocesuṁ. -Pe- "saccaṁ kira tvaṁ upananda upāsakena ajjunho bhante āgamehī"ti vuccamāno nāgamesī"ti? "Saccaṁ bhagavā. " Vigarahi buddho bhagavā. -Pe"kathaṁ hi nāma tvaṁ moghapurisa upāsakena 'ajjunho bhante āgamehī'ti vuccamāno nāgamessasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

"Bhikkhuṁ paneva uddissa rājā vā rājabhoggo vā brāhmaṇo vā gahapatiko vā dūtena cīvaracetāpannaṁ pahiṇeyya: 'iminā cīvaracetāpannena cīvaraṁ cetāpetvā itthannāmaṁ bhikkhuṁ cīvarena acchādehī"ti. So ce dūto taṁ bhikkhuṁ upasaṅkamitvā evaṁ vadeyya: 'idaṁ kho bhante āyasmantaṁ uddissa cīvaracetāpantaṁ ābhataṁ. Patigaṇhātu āyasmā cīvaracetāpantanti". Tena bhikkhūnā so dūto evamassa vacanīyo: 'na kho mayaṁ āvuso cīvaracetāpantaṁ patigaṇhāma, cīvarañca kho mayaṁ patigaṇhāma kālena kappiya'nti. So ce dūto taṁ bhikkhuṁ evaṁ vadeyya: "atthi panāyasmato koci veyyāvaccakaro'ti cīvaratthikena bhikkhave bhikkhunā veyyāvaccakaro niddisitabbo ārāmiko vā upāsako vā, 'eso kho āvuso bhikkhūnaṁ veyyāvaccakaro"ti. So ce dūto taṁ veyyāvaccakaraṁ saññāpetvā taṁ bhikkhuṁ upasaṅkamitvā evaṁ vadeyya: 'yaṁ kho bhante āyasmā veyyāvaccakaraṁ niddisi, saññatto so mayā, upasaṅkamatu āyasmā kālena, cīvarena taṁ acchādessatī'ti. Cīvaratthikena bhikkhave bhikkhunā veyyāvaccakaro upasaṅkamitvā dvattikkhattuṁ codetabbo sāretabbo: 'attho me āvuso cīvarenāti;

[BJT Page 550]

Dvattikkhattuṁ codayamāno sārayamāno taṁ cīvaraṁ abhinipphādeyya, iccetaṁ kusalaṁ. No ce abhinipphādeyya, catukkhattuṁ pañcakkhattuṁ chakkhattuṁ paramaṁ tuṇhībhutena uddissa ṭhātabbaṁ. Catukkhattuṁ pañcakkhattuṁ chakkhattuṁ paramaṁ tuṇhībhuto uddissa [page 222] tiṭṭhamāno taṁ cīvaraṁ abhinipphādeyya, iccetaṁ kusalaṁ. Tato ce uttariṁ vāyamamāno taṁ cīvaraṁ abhinipphādeyya nissaggiyaṁ pācittiyaṁ. No ce abhinipphādeyya yatassa cīvaracetāpannaṁ ābhataṁ, tattha sāmaṁ vā gantabbaṁ dūto vā pāhetabbo: 'yaṁ kho tumhe āyasmanto bhikkhuṁ uddissa cīvaracetāpannaṁ pahiṇittha, na taṁ tassa bhikkhuno kiñci atthaṁ anubhoti. Yuñjantāyasmanto sakaṁ mā vo sakaṁ vinassā'ti. Ayaṁ tatthi sāmicī"ti.

5. Bhikkhuṁ paneva uddissāti bhikkhussatthāya bhikkhuṁ ārammaṇaṁ karitvā bhikkhuṁ acchādetukāmo.

Rājā nāma: yo koci rajjaṁ kāreti.

Rājabhoggo nāma: yo koci rañño bhattavetanāhāro.

Brāhmaṇo nāma: jātiyā brāhmaṇo.

Gahapatiko nāma: ṭhapetvā rājānaṁ rājabhoggaṁ brāhmaṇaṁ avaseso gahapatiko nāma.

Cīvaracetāpannaṁ nāma: hiraññaṁ vā suvaṇṇaṁ vā muttā vā maṇi vā.

Iminā cīvaracetāpannenāti paccupaṭṭhitena.

Cetāpetvāti parivattetvā.

Acchādehīti dajjehi.

So ce dūto taṁ bhikkhuṁ upasaṅkamitvā evaṁ vadeyya: "idaṁ kho bhante āyasmantaṁ uddissa cīvaracetāpannaṁ ābhataṁ. Patigaṇhātu āyasmā cīvaracetāpanna"nti. Tena bhikkhunā so dūto evamassa vacanīyo: "na kho mayaṁ āvuso cīvaracetāpannaṁ patigaṇhāma, cīvarañca kho mayaṁ patigaṇhāma kālena kappiya"nti. So ce dūto taṁ bhikkhuṁ evaṁ vadeyya: "atthi panāyasmato koci veyyāvaccakaro"ti. Cīvaratthikena bhikkhave bhikkhunā veyyāvaccakaro niddisitabbo, ārāmiko vā upāsako vā: "eso kho āvuso bhikkhūnaṁ veyyāvaccakaro"ti. Na vattabbo: "tassa dehī"ti vā so vā nikkhipissati, so vā parivattessati, so vā cetāpessatī"ti.

So ce dūto taṁ veyyāvaccakaraṁ saññāpetvā taṁ bhikkhuṁ upasaṅkamitvā evaṁ vadeyya: "yaṁ kho bhante āyasmā veyyāvaccakaraṁ niddisi, saññatto so mayā, upasaṅkamatu āyasmā kālena, cīvarena taṁ acchādessatī"ti. Cīvaratthikena bhikkhave bhikkhunā veyyāvaccakaro upasaṅkamitvā dvattikkhattuṁ codetabbo sāretabbo: "attho me āvuso cīvarenā"ti. Na vattabbo: "dehi me cīvaraṁ, āhara me cīvaraṁ, parivattehi me cīvaraṁ, cetāpehi me cīvara"nti. Dutiyampi vattabbo. Tatiyampi vattabbo. Sace abhinipphādeti iccetaṁ kusalaṁ.

[BJT Page 552]

No ce abhinipphādeti, tattha gantvā tuṇhībhutena uddissa ṭhātabbaṁ. Na āsane nisīditabbaṁ, na āmisaṁ paṭiggahetabbaṁ na dhammo bhāsitabbo. "Kiṁ kāraṇā āgatosī"ti pucchiyamāno-1 jānāhi-2 āvusoti vattabbo: sace āsane vā [page 223] nisīdati, āmisaṁ vā patigaṇhāti, dhammaṁ vā bhāsati, ṭhānaṁ bhañjati. Dutiyampi ṭhātabbaṁ. Tatiyampi ṭhātabbaṁ. Catukkhattuṁ codetvā catukakhattuṁ ṭhātabbaṁ. Pañcakkhattuṁ codetvā dvikkhattuṁ ṭhātabbaṁ. Chakkhattuṁ codetvā na ṭhātabbaṁ. Tato ce uttariṁ vāyamamāno taṁ cīvaraṁ abhinipphādeti, payoge dukkaṭaṁ. Paṭilābhena nissaggiyaṁ hoti, nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: -pe- "idaṁ me bhante cīvaraṁ atirekatikkhattuṁ codanāya atirekachakkhattuṁ ṭhānena abhinipphāditaṁ nissaggiyaṁ. Imāhaṁ saṅghassa nissajāmī"ti -pedadeyyāti -pe- dadeyyunti -pe- āyasmato dammī"ti.

No ce abhinipphādeyya, yatassa civaracetāpannaṁ ābhataṁ tattha sāmaṁ vā gantabbaṁ, dūto vā pāhetabbo. "Yaṁ kho tumhe āyasmanto bhikkhuṁ uddissa cīvaracetāpannaṁ pahiṇittha, na taṁ tassa bhikkhuno kiñci atthaṁ anubhoti. Yuñjantāyasmanto sakaṁ, mā vo sakaṁ vinassā"ti.

Ayaṁ tattha sāmīcīti. Ayaṁ tattha anudhammatā.

6. Atirekatikkhattuṁ codanāya atirekachakkhattuṁ ṭhānena, atirekasaññī abhinipphādeti, nissaggiyaṁ pācittiyaṁ. Atirekatikkhattuṁ codanāya atirekachakkhattuṁ ṭhānena vematiko abhīnipphādeti, nissaggiyaṁ pācittiyaṁ. Atirekatikkhattuṁ codanāya atirekachakkhattuṁ ṭhānena ūnakasaññī abhinipphādeti nissaggiyaṁ pācittiyaṁ. Ūnakatikkhattuṁ codanāya ūnakachakkhattuṁ ṭhānena atirekasaññī āpatti dukkaṭassa. Ūnakatikkhattuṁ codanāya ūnakachakkhattuṁ ṭhānena vematiko āpatti dukkaṭassa. Ūnakatikkhattuṁ codanāya ūnakachakkhattuṁ ṭhānena ūnakasaññī, anāpatti.

7. Anāpatti tikkhattuṁ codanāya chakkhattuṁ ṭhānena, ūnakachakkhattuṁ codanāya ūnakachakkhattuṁ ṭhānena. Acodiyamāno deti, sāmikā codetvā denti, ummattakassa, ādikammikassāti.

Rājasikkhāpadaṁ niṭṭhitaṁ.
Cīvaravaggo paṭhamo.

Tassuddānaṁ: -

Ubbhataṁ kaṭhinaṁ tīṇi dhovanañca paṭiggaho,
Aññātakāni tīṇeva ubhinnaṁ dūtakena ca.

1. Pucchamāno - syā. 2. Na jānāsi - sīmu.

[BJT Page 554]

Kosiyavaggo
5. 2. 1.
[page 224] kosiyasikkhāpadaṁ

1. Tena samayena buddho bhagavā āḷaviyaṁ viharati aggāḷave cetiye. Tena kho pana samayena jabbaggiyā bhikkhū kosiyakārake upasaṅkamitvā evaṁ vadenti: "bahu āvuso kosakārake pacatha amhākampi dassatha. Mayampi icchāma kosiyamissakaṁ santhataṁ kātu"nti. Te ujjhāyanti khīyanti vipācenti: "kathaṁ hi nāma samaṇā sakyaputtiyā amhe upasaṅkamitvā evaṁ cakkhanti, bahū āvuso kosakārake pacatha, amhākampi dassatha, mayampi icchāma kosiyamissakaṁ santhataṁ kātunti. Amhākampi alābhā amhākampi dulladdhaṁ, ye mayaṁ ājīvassa hetu puttadārassa kāraṇā bahū buddake pāṇake-1 saṅghātaṁ āpādemā"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū kosiyakārake upasaṅkamitvā evaṁ vakkhanti: - bahū āvuso kosakārake pacatha, amhākampi dassatha, mayampi icchāma kosiyamissakaṁ santhataṁ kātunti. " Atha kho te bhikkhū bhagavato etamatthaṁ ārocesuṁ. "Saccaṁ kira tumhe bhikkhave kosiyakārake upasaṅkamitvā evaṁ vadetha: bahū āvuso kosakārake pacatha, amhākampi dassatha, mayampi icchāma kosiyamissakaṁ santhataṁ kātu"nti. "Saccaṁ bhagavā. " Vigarahi buddho bhagavā: "kathaṁ hi nāma tumhe moghapurisā kosiyakārake upasaṅkamitvā evaṁ vakkhatha, bahū āvuso kosakārake pacatha, amhākampi dassatha, mayampi icchāma kosiyamissakaṁ santhataṁ kātu"nti. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu kosiyamissakaṁ satthataṁ kārāpeyya, nissaggiyaṁ pācittiya"nti.

2. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Santhataṁ nāma: santharitvā kataṁ hoti avāyimaṁ.

Kārāpeyyāti ekenapi kosiyaṁsunā missetvā karoti vā kārāpeti vā, payoge dukkaṭaṁ: paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante kosiyamissakaṁ santhataṁ kārāpitaṁ nissaggiyaṁ, imāhaṁ saṅghassa nissajāmīti, dadeyyāti. Dadyeyunti, āyasmato dammī'ti.

1. Pāṇe machasaṁ.

[BJT Page 556]

3. [page 225] attanā vippakataṁ attanā pariyosāpeti, nissaggiyaṁ pācittiyaṁ. Attanā vippakataṁ parehi pariyosāpeti, nissaggiyaṁ pācittiyaṁ. Parehi vippakataṁ attanā pariyosāpeti, nissaggiyaṁ pācittiyaṁ. Parehi vippakataṁ parehi pariyosāpeti, nissaggiyaṁ pācittiyaṁ. Aññassatthāya karoti vā kārāpeti vā, āpatti dukkaṭassa. Aññena kataṁ paṭilabhitvā paribhuñjati, āpatti dukkaṭassa.

4. Anāpatti vitānaṁ vā bhummattharaṇaṁ vā sāṇipākāraṁ vā bhisiṁ vā bimbohanaṁ vā karoti, ummattakassa, ādikammikassāti.

Kosiyasikkhāpadaṁ niṭṭhitaṁ.

5. 2. 2
Suddhakāḷakasikkhāpadaṁ.

1. Tena samayena buddho bhagavā vesāliyaṁ viharati mahāvane kūṭāgārasālāyaṁ. Tena kho pana samayena jabbaggiyā bhikkhū suddhakāḷakānaṁ eḷakalomānaṁ santhataṁ kārāpenti. Manussā vihāracārikaṁ āhiṇḍantā passitvā ujjhāyanti khīyanti vipācenti: "kathaṁ hi nāma samaṇā sakyaputtiyā suddhakāḷakānaṁ eḷakalomānaṁ santhataṁ kārāpessanti, seyyathāpi gihī kāmabhogino, ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ ye te bhikkhū appicchā te ujjhāyanati khīyanti vipācenti: "kathaṁ hi nāma chabbaggiyā bhikkhū suddhakāḷakānaṁ eḷakalomānaṁ santhataṁ kārāpessantī"ti? Atha kho te bhikkhū bhagavato etamatthaṁ ārocesuṁ "saccaṁ kira tumhe bhikkhave suddhakāḷakānaṁ eḷakalomānaṁ santhataṁ kārāpethā"ti?. "Saccaṁ bhagavā". Vigarahi buddho bhagavā. "Kathaṁ hi nāma tumhe moghapurisā suddhakāḷakānaṁ eḷakalomānaṁ santhataṁ kārāpessatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu suddhakāḷakānaṁ eḷakalomānaṁ santhataṁ kārāpeyya, nissaggiyaṁ pācittiya"nti.

2. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Kāḷakaṁ nāma: dve kāḷakāni jātiyā kāḷakaṁ vā rañjanakāḷakaṁ vā

Santhataṁ nāma: santharitvā kataṁ hoti avāyimaṁ.

[BJT Page 558]

[page 226] kārāpeyyāti karoti vā kārāpeti vā, payoge dukkaṭaṁ paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idamme bhante suddhakāḷakānaṁ eḷakalomānaṁ santhataṁ kārāpitaṁ nissaggiyaṁ imāhaṁ saṅghassa nissajāmī"ti -pe- dadeyyāti -pe- dadeyyunti -pe- āyasmato dammī"ti.

4. Anāpatti vitānaṁ vā bhummattharaṇaṁ vā sāṇipākāraṁ vā bhisiṁ vā bimbohanaṁ vā karoti, ummattakassa, ādikammikassāti.

Suddhakāḷakasikkhāpadaṁ niṭṭhitaṁ.

5. 2. 3.
Dvebhāgasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena jabbaggiyā bhikkhū bhagavatā paṭikkhittaṁ suddhakāḷakānaṁ eḷakalomānaṁ santhataṁ kārāpetunti te thokaṁ yeva odātaṁ ante ādiyitvā tatheva suddhakāḷakānaṁ santhataṁ kārāpenti. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū thokaṁyeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpessanti"ti. Atha kho te bhikkhū bhagavato etamatthaṁ ārocesuṁ "saccaṁ kira tumhe bhikkhave thokaṁyeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpethā"ti. "Saccaṁ bhagavā, vigarahi buddho bhagavā, "kathaṁ hi nāma tumhe moghapurisā thokaṁyeva odātaṁ ante ādiyitvā tatheva suddhakāḷakānaṁ eḷakalomānaṁ santhataṁ kārāpessatha. Netaṁ moghapurisā appasannānaṁ vā pasādāya -pe-" evañca pana bhikkhave imaṁ sikkhāpadaṁ uddiseyyātha: -

[BJT Page 560]

"Navaṁ pana bhikkhunā santhataṁ kārayamānena dve bhāgā suddhakāḷakānaṁ eḷakalomānaṁ ādātabbā, tatiyaṁ odātānaṁ, catutthaṁ gocariyānaṁ, anādā ce bhikkhu dve bhāge suddhakāḷakānaṁ eḷakalomānaṁ tatiyaṁ odātānaṁ, catutthaṁ gocariyānaṁ, navaṁ santhataṁ kārāpeyya, nissaggiyaṁ pācittiya"nti.

2. Navaṁ nāma: karaṇaṁ upādāya vuccati.

Santhataṁ nāma: santharitvā kataṁ hoti avāyimaṁ.

Kārayamānenāti karotā vā kārāpetā vā.

Dve bhāgā suddhakāḷakānaṁ eḷakalomānaṁ. Ādātabbāti dhārayitvā dve tulā ādātabbā.

Tatiyaṁ odātānanti tulaṁ odātānaṁ.

Catutthaṁ gocariyānanti tulaṁ gocariyānaṁ.

[page 227] anādā ce bhikkhu dve bhāge suddhakāḷakānaṁ eḷakalomānaṁ tatiyaṁ odātānaṁ catutthaṁ gocariyānanti anādiyitvā dve tulā suddhakāḷakānaṁ eḷakalomānaṁ, tulaṁ odātānaṁ, tulaṁ gocariyānaṁ navaṁ santhataṁ karoti vā kārāpeti vā, payoge dukkaṭaṁ. Paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idamme bhante navaṁ santhataṁ anādiyitvā (dve tulā suddhakāḷakānaṁ eḷakalomānaṁ, ) tulaṁ odātānaṁ, tulaṁ gocariyānaṁ kārāpitaṁ nissaggiyaṁ. Imāhaṁ saṅghassa nissajāmīti -pedadeyyāti -pe- dadeyyunti -peāyasmato dammī"ti.

3. Attanā vippakataṁ attanā pariyosāpeti, nissaggiyaṁ pācittiyaṁ. Attanā vippakataṁ parehi pariyosāpeti, nissaggiyaṁ pācittiyaṁ. Parehi vippakataṁ attanā pariyosāpeti, nissaggiyaṁ pācittiyaṁ. Parehi vippakataṁ parehi pariyosāpeti, nissaggiyaṁ pācittiyaṁ. Aññassatthāya karoti vā kārāpeti vā, āpatti dukkaṭassa.
4. Anāpatti tulaṁ odātānaṁ tulaṁ gocariyānaṁ ādiyitvā karoti, bahutaraṁ odātānaṁ bahutaraṁ gocariyānaṁ ādiyitvā karoti, suddhaṁ odātānaṁ suddhaṁ gocariyānaṁ ādiyitvā karoti, vitānaṁ vā bhummattharaṇaṁ vā sāṇipākāraṁ vā bhisiṁ vā bimbohanaṁ vā karoti. Ummattakassa, ādikammikassāti.

Dvebhāgasikkhāpadaṁ niṭṭhitaṁ.

Sī. Mu. Natthi.

[BJT Page 562]

5. 2. 4.

Chabbassasikkhāpadaṁ.

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena bhikkhū anuvassaṁ santhataṁ kārāpenti, te yācanabahulā viññattibahulā viharanti: "eḷakalomāni detha eḷakalomehi attho"ti. Manussā ujjhāyanti khīyanti vipācenti: "kathaṁ hi nāma samaṇā sakyaputtiyā anuvassaṁ santhataṁ kārāpessanti, yācanabahulā viññattibahulā viharissanti: eḷakalomāni detha eḷakalomehi attho"ti. Amhākaṁ pana sakiṁ katāni santhatāni pañcapi chapi vassāni honti, yesaṁ no dārakā ūhadantipi ummihantipi undurehipi khajjanti. Ime pana samaṇā sakyaputtiyā anuvassaṁ santhataṁ kārāpenti. Yācanabahulā viññattibahulā viharanti: "eḷakalomāni detha eḷakalomehi attho"ti.

2. Assosuṁ kho bhikkhū tesaṁ manussānaṁ ujjhāyantānaṁ khiyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma bhikkhū anuvassaṁ santhataṁ kārāpessanti. Yācanabahulā viññattibahulā viharissanti: "eḷakalomāni detha eḷakalomehi attho"ti. Atha kho te bhikkhū bhagavato etamatthaṁ ārocesuṁ. [page 228] "saccaṁ kira bhikkhave bhikkhū anuvassaṁ santhataṁ kārāpenti. Yācanabahulā viññattibahulā viharanti: "eḷakalomāni detha eḷakalomehi attho"ti. "Saccaṁ bhagavā" vigarahi buddho bhagavā. "Kathaṁ hi nāma te bhikkhave moghapurisā anuvassaṁ santhataṁ kārāpessanti. Yācanabahulā viññattibahulā viharissanti: "eḷakalomāni detha eḷakalomehi attho"ti. Netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Navaṁ pana bhikkhunā santhataṁ kārāpetvā jabbassāni dhāretabbaṁ. Orena ce channaṁ vassānaṁ taṁ santhataṁ vissajjetvā vā avissajjetvā vā aññaṁ navaṁ santhataṁ kārāpeyya, nissaggiyaṁ pācittiya"nti.

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti. )

3. Tena kho pana samayena aññataro bhikkhu kosambiyaṁ gilāno hoti. Ñātakā tassa bhikkhuno santike dūtaṁ pāhesuṁ: "āgacchatu bhadanto, mayaṁ upaṭṭhahissāmā"ti. Bhikkhūpi evamāhaṁsu: "gacchāvuso, ñātakā taṁ upaṭṭhahissantī"ti. So evamāha: "bhagavatā āvuso sikkhāpadaṁ paññattaṁ: "navaṁ pana bhikkhunā santhataṁ kārāpetvā chabbassāni dhāretabba"nti. "Ahañcamhi gilāno na sakkomi santhataṁ ādāya pakkamituṁ, mayhañca vinā santhatā na phāsu hoti, nāhaṁ gamissāmī"ti. Bhagavato etamatthaṁ ārocesuṁ.

[BJT Page 564]

4. Atha kho bhagavā etasmiṁ nidāne etasmiṁ pakaraṇe dhammaṁ kathaṁ katvā bhikkhū āmantesi. "Anujānāmi bhikkhave gilānassa bhikkhuno santhatasammutiṁ dātuṁ. Evañca pana bhikkhave dātabbā: tena gilānena bhikkhunā saṅghaṁ upasaṅkamitvā ekaṁsaṁ uttarāsaṅghaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ahaṁ bhante gilāno na sakkomi santhataṁ ādāya pakkamituṁ, sohaṁ bhante saṅghaṁ santhatasammutiṁ yācāmī"ti. Dutiyampi yācitabbo, tatiyampi yācitabbo. Byattena bhikkhunā paṭibalena saṅgho ñāpetabbo:

"Suṇātu me bhante saṅgho. Ayaṁ itthannāmo bhikkhu gilāno na sakkoti santhataṁ ādāya pakkamituṁ, so saṅghaṁ santhatasammutiṁ yācati. Yadi saṅghassa pattakallaṁ, saṅgho itthannāmassa bhikkhuno santhatasammutiṁ dadeyya. Esā ñatti."

"Suṇātu me bhante [page 229] saṅgho. Ayaṁ itthannāmo bhikkhu gilāno na sakkoti santhataṁ ādāya pakkamituṁ, so saṅghaṁ santhatasammutiṁ yācati. Saṅgho itthannāmassa bhikkhuno santhatasammutiṁ deti, yassāyasmato khamati itthannāmassa bhikkhuno santhatasammutiyā dānaṁ, so tuṇhassa, yassanakkhamati, so bhāseyya.

Dinnā saṅghena itthannāmassa bhikkhuno santhatasammuti. Khamati saṅghassa, tasmā tuṇhī, evametaṁ dhārayāmī"ti.

5. Evañca pana bhikkhave imaṁ sikkhāpadaṁ uddiseyyātha:

"Navaṁ pana bhikkhunā santhataṁ kārāpetvā chabbassāni dhāretabbaṁ, orena ce channaṁ vassānaṁ taṁ santhataṁ vissajjetvā vā avissajjetvā vā aññaṁ navaṁ santhataṁ kārāpeyya, aññatra bhikkhusammutiyā, nissaggiyaṁ pācittiya"nti.

(Dutiyapaññatti. )

6. Navaṁ nāma: karaṇaṁ upādāya vuccati.

Santhataṁ nāma: santharitvā kataṁ hoti avāyimaṁ.

Kārāpetvāti karitvā vā kārāpetvā vā.

Chabbassāni dhāretabbanti chabbassaparamatā dhāretabbaṁ.

Orena ce chantaṁ vassānanti ūnakachabbassāni.

Taṁ satthataṁ vissajjetvāti aññesaṁ datvā.

Avissajjetvāti na kassaci datvā.

Aññatra bhikkhusammutiyāti ṭhapetvā bhikkhusammutiṁ.

[BJT Page 566]

7. Aññaṁ navaṁ santhataṁ karoti vā kārāpeti vā, payoge dukkaṭaṁ. Paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante santhataṁ ūnakachabbassāni kārāpitaṁ aññatra bhikkhusammutiyā nissaggiyaṁ. Imāhaṁ saṅghassa nissajāmiti. -1. -Pe- dadeyyunti -pe- āyasmato dammī"ti.

8. Attanā vippakataṁ attanā pariyosāpeti, nissaggiyaṁ pācittiyaṁ. Attanā vippakataṁ parehi pariyosāpeti, nissaggiyaṁ pācittiyaṁ. Parehi vippakataṁ attanā pariyosāpeti, nissaggiyaṁ pācittiyaṁ. Parehi vippakataṁ parehi pariyosāpeti. Nissaggiyaṁ pācittiyaṁ.

9. Anāpatti chabbassāni karoti, atireka chabbassāni karoti, aññassatthāya karoti vā kārāpeti vā, aññena kataṁ paṭilabhitvā paribhuñjati, vitānaṁ vā bhummattharaṇaṁ vā sāṇipākāraṁ vā bhisiṁ vā bimbohanaṁ vā karoti, bhikkhusammutiyā, ummattakassa, ādikammikassāti.

Chabbassasikkhāpadaṁ niṭṭhitaṁ.

5. 2. 5.
[page 230] nisīdanasanthata sikkhāpadaṁ.

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Atha kho bhagavā bhikkhū āmantesi: "icchāmahaṁ bhikkhave temāsaṁ paṭisallīyituṁ, namhi kenaci upasaṅkamitabbo aññatra ekena piṇḍapātanīhārakenā"ti. Evaṁ bhanteti kho te bhikkhū bhagavato paṭissutvā nāssudha koci bhagavantaṁ upasaṅkamati, aññatra ekena piṇḍapātanīhārakena. Tena kho pana samayena sāvatthiyā saṅghena katikā katā hoti. "Icchatāvuso bhagavā temāsaṁ paṭisallīyituṁ, na bhagavā kenaci upasaṅkamitabbo aññatra ekena piṇḍapātanīhārakena. Yo bhagavantaṁ upasaṅkamati, so pācittiyaṁ desāpetabbo"ti.

2. Atha kho āyasmā upaseno vaṅgantaputto sapariso yena bhagavā tenupasaṅkami. Upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ upasenaṁ vaṅgantaputtaṁ bhagavā etadavoca: "kacci vo upasena khamanīyaṁ, kacci yāpanīyaṁ, kaccittha appakilamathena addhānaṁ āgatā"ti. "Khamanīyaṁ bhagavā, yāpanīyaṁ bhagavā, appakilamathena ca mayaṁ bhante addhānaṁ āgatā"ti.

1. Nissajjāmi machasaṁ.

[BJT Page 568]

3. Tena kho pana samayena āyasmato upasenassa vaṅgantaputtassa saddhivihāriko bhikkhū bhagavato avidūre nisinno hoti. Atha kho bhagavā taṁ bhikkhuṁ etadavoca: "manāpāni te bhikkhu paṁsukūlānī"ti. "Na kho me bhante manāpāni paṁsukūlānī"ti. "Kissa pana tvaṁ bhikkhu paṁsukuliko"ti. "Upajjhāyo me bhante paṁsukūliko, evaṁ ahampi paṁsukūliko"ti. Atha fakhā bhagavā āyasmantaṁ upasenaṁ vaṅgantaputtaṁ etadavoca: "pāsādikā kho tyāyaṁ upasena parisā, "kathaṁ tvaṁ upasena parisaṁ vinesī"ti. Yo maṁ bhante upasampadaṁ yācati, tāhaṁ-1 evaṁ vadāmi: "ahaṁ kho āvuso āraññiko piṇḍapātiko paṁsukūliko, sace tvampi āraññiko bhavissasi piṇḍapātiko paṁsukūliko, evāhantaṁ upasampādessāmi"ti. Sace me paṭisuṇāti, upasampādemi. No ce me paṭisuṇāti, na upasampādemi. [page 231] yo maṁ nissayaṁ yācati, tāhaṁ evaṁ vadāmi: "ahaṁ kho āvuso āraññiko piṇḍapātiko paṁsukūliko, sace tvampi āraññiko bhavissasi piṇḍapātiko paṁsukūliko, evāhante nissayaṁ dassāmīti. Sace me paṭisuṇāti, nissayaṁ demi. No ce me paṭisuṇāti, na nissayaṁ demi. Evaṁ kho ahaṁ bhante parisaṁ vinemī"ti. "Sādhu sādhu upasena, sādhu kho tvaṁ upasena parisaṁ vinesi. Jānāsi pana tvaṁ upasena sāvatthiyā saṅghassa katika"nti. "Na kho ahaṁ bhante jānāmi sāvatthiyā saṅghassa katika"nti. Sāvatthiyā kho upasena saṅghena katikā katā: "icchatāvuso bhagavā temāsaṁ paṭīsallīyituṁ, na bhagavā kenaci upasaṅkamitabbo aññatra ekena piṇḍapātanīhārakena. Yo bhagavantaṁ upasaṅkamati, so pācittiyaṁ desāpetabbo"ti. "Paññāyissati bhante sāvatthiyā saṅgho sakāya katikāya "na mayaṁ appaññattaṁ paññāpessāma, paññattaṁ vā na samucchīndissāma, yathā paññattesu sikkhāpadesu samādāya vattissāmā"ti. "Sādhū sādhū upasena, appaññattaṁ na paññāpetabbaṁ, paññattaṁ vā na samūcchinditabbaṁ, yathāpaññattesu sikkhāpadesu samādāya vattitabbaṁ". "Anujānāmi upasena ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantu"ti.

4. Tena kho pana samayena sambahulā bhikkhū bahidvārakoṭṭhake ṭhitā honti: "mayaṁ āyasmantaṁ upasenaṁ vaṅgantaputtaṁ pācittiyaṁ desāpessāmā"ti. Atha kho āyasmā upaseno vaṅgantaputto sapariso uṭṭhāyāsanā bhagavantaṁ abhivādetvā padakkhiṇaṁ katvā pakkāmi. Atha kho te bhikkhū āyasmantaṁ upasenaṁ vaṅgantaputtaṁ etadavocuṁ "jānāsi pana tvaṁ āvuso upasena sāvatthiyā saṅghassa katika"nti. Bhagavāpi maṁ āvuso evamāha: "jānāsi pana-2. Tvaṁ upasena sāvatthiyā saṅghassa katika"nti.,Na kho ahaṁ bhante jānāmi sāvatthiyā saṅghassa katika,nti. Sāvatthiyā kho upasena saṅghena katikā katā: "icchatāvuso bhagavā temāsaṁ paṭisallīyituṁ na bhagavā kenaci upasaṅkamitabbo aññatra ekena piṇḍapātanīhārakena. Yo bhagavantaṁ upasaṅkamati, so pācittiyaṁ desāpetabbo"ti. "Paññāyissati bhante sāvatthiyā saṅgho sakāya katikāya. "Na mayaṁ appaññattaṁ paññāpessāma, paññattaṁ vā na samucchindissāma, yathāpaññattesu sikkhāpadesū samādāya vattissāmā"ti. Anuññātāvuso bhagavatā ye te bhikkhū āraññikā piṇḍapātikā paṁsukūlikā yathāsukhaṁ maṁ dasasanāya upasaṅkamantu"ti.

1. Tamahaṁ machasaṁ. 2. Machasaṁ. Natthī.

[BJT Page 570]

5. Atha kho te bhikkhū "saccaṁ kho āyasmā upaseno āha. Na appaññattaṁ paññāpetabbaṁ, paññattaṁ vā na samucchinditabbaṁ, yathāpaññattesu sikkhāpadesu samādāya vattitabba"nti. Assosuṁ kho bhikkhū anuññātā kira bhagavatā ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantu"ti. Te bhagavantaṁ dassanaṁ pihentā-1 santhatāni ujjhitvā āraññikaṅgaṁ [page 232] piṇḍapātikaṅgaṁ paṁsukūlikaṅgaṁ samādiyiṁsu. Atha kho bhagavā sambahulehi bhikkhūhi saddhiṁ senāsanacārikaṁ āhiṇḍanto addasa santhatāni tahiṁ tahiṁ ujjhitāni, passitvā bhikkhū āmantesi. "Kassimāni bhikkhave santhatāni tahiṁ tahiṁ ujjhitānī"ti. Atha kho te bhikkhū bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi, "tena hi bhikkhave bhikkhūnaṁ sikkhāpadaṁ paññāpessāmi dasa atthavase paṭicca saṅghasuṭṭhutāya saṅghaphāsutāya -pe- "evañca pana bhikkhave imaṁ sikkhāpadaṁ uddiseyyātha:

"Nisīdanasanthataṁ na bhikkhūnā kārayamānena purāṇasanthatassa sāmantā sugatavidatthī ādātadabbā dubbaṇṇakaraṇāya. Anādā ce bhikkhu purāṇasanthatassa sāmantā sugatavidatthiṁ navaṁ nisīdanasanthataṁ kārāpeyya, nissaggiyaṁ pācittiyanti".

6. Nisīdanaṁ nāma: sadasaṁ vuccati.

Santhataṁ nāma: santharitvā kataṁ hoti avāyimaṁ.

Kārayamānenāti karonto vā kārāpento vā.

Purāṇasanthataṁ nāma: sakiṁ nivatthampi sakiṁ pārutampi.

Sāmantā sugatavidatthi ādātabbā dubbaṇṇakaraṇāyāti-2 vaṭṭaṁ vā caturassaṁ-3 vā jinditvā ekadese vā santharitabbaṁ, vijaṭetvā vā santharitabbaṁ.

Anādā ce bhikkhu purāṇasanthatassa sāmantā sugatavidatthinti anādiyitvā purāṇasanthatassa sāmantā sugatavidatthiṁ navaṁ nisīdanasanthataṁ karoti vā kārāpeti vā, payoge dukkaṭaṁ. Paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idamme bhante nisīdanasanthataṁ anādiyitvā purāṇasanthatassa sāmantā sugatavidatthiṁ kārāpitaṁ nissaggiyaṁ. Imāhaṁ saṅghassa nissajāmī"ti. -Pe- dadeyyāti -pe- dadeyyuntī, āyasmato dammī"ti.

7. Attanā vippakataṁ attanā pariyosāpeti, nissaggiyaṁ pācittiyaṁ. Attanā vippakataṁ parehi pariyosāpeti, nissaggiyaṁ pācittiyaṁ. Parehi vippakataṁ attanā pariyosāpeti, nissaggiyaṁ pācittiyaṁ. Parehi vippakataṁ parehi pariyosāpeti, nissaggiyaṁ pācittiyaṁ. Aññassatthāya karoti vā kārāpeti vā, āpatti dukkaṭassa.
1. Dassanāya pihayamānā, syā. 2. Thirabhāvāya, machasaṁ. 3. Caturassaraṁ. Katthaci.

[BJT Page 572]

8. Anāpatti purāṇasanthatassa sāmantā sugatavidatthiṁ ādiyitvā [page 233] karoti. Alabhanto thokataraṁ ādiyitvā karoti, alabhanto anādiyitvā karoti, aññena kataṁ paṭilabhitvā paribhuñjati, vitānaṁ vā bhummattharaṇaṁ vā sāṇipākāraṁ vā bhisiṁ vā bimbohanaṁ vā karoti. Ummattakassa, ādikammikassāti.

Nisīdanasanthatasikkhāpadaṁ niṭṭhitaṁ.

5. 2. 6.

Eḷakaloma sikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena aññatarassa bhikkhuno kosalesu janapadesu sāvatthiṁ gacchantassa antarā magge eḷakalomāni uppajjiṁsu. Atha kho so bhikkhu tāni eḷakalomāni uttarāsaṅgena bhaṇḍikaṁ bandhitvā agamāsi. Manussā taṁ bhikkhuṁ passitvā uppaṇḍesuṁ: "kittakena te bhante kītāni, kittako udayo bhavissatī"ti so bhikkhu tehi manussehi uppaṇḍiyamāno maṅku ahosi. Atha kho so bhikkhu sāvatthiṁ gantvā tāni eḷakalomāni ṭhitakova āsumhi. Bhikkhū taṁ bhikkhuṁ etadavocuṁ: "kissa pana tvaṁ āvuso imāni eḷakalomāni ṭhitakova āsumbhasī"ti. "Tathā hi panāhaṁ āvuso imesaṁ eḷakalomānaṁ kāraṇā manussehi uppaṇḍito"ti. "Kīva dūrato pana tvaṁ āvuso imāni eḷakalomāni āharī"ti. "Atirekatiyojanaṁ āvuso"ti. Ye te bhikkhū appicchā te ujjhāyanti khīyanti vipācenti: "kathaṁ hi nāma bhikkhu atirekatiyojanaṁ eḷakalomāni āharissati"ti. Atha kho te bhikkhū bhagavato etamatthaṁ ārocesuṁ. "Saccaṁ kira tvaṁ bhikkhu atirekatiyojanaṁ eḷakalomāni āharī"ti? "Saccaṁ bhagavā. " Higarahi buddho bhagavā: "kathaṁ hi nāma tvaṁ moghapurisa atirekatiyojana eḷakalomāni āharissasi, netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Bhikkhuno paneva addhānamaggappaṭipannassa eḷakalomāni uppajjeyyuṁ, ākaṅkhamānena bhikkhunā paṭiggahetabbāni. Paṭiggahetvā tiyojanaparamaṁ sahatthā haritabbāni-1. Asante hārake. Tato ce uttariṁ hareyya asantepi hārake nissaggiyaṁ pācittiyanti."
2. [page 234] bhikkhuno paneva addhānamaggappaṭipannassāti pathaṁ gacchantassa.

1. Hāretabbāni. Mu.

[BJT Page 574]

Eḷakalomāni uppajjeyyunti uppajjeyyuṁ saṅghato vā gaṇato vā ñātito vā mittato vā paṁsukūlaṁ vā attano vā dhanena.

Ākaṅkhamānenāti icchamānena

Paṭiggahetabbāni, paṭiggahetvā tiyojanaparamaṁ sahatthā haritabbānīti, tiyojanaparamatā sahatthā haritabbāni.

Asante hāraketi nāñño koci hārako hoti itthi vā puriso vā gahaṭṭho vā pabbajito vā.

Tato ce uttariṁ hareyya asantepi hāraketi paṭhamaṁ pādaṁ tiyojanaṁ atikkāmeti, āpatti dukkaṭassa. Dutiyaṁ pādaṁ atikkāmeti. Nissaggiyaṁ pācittiyaṁ-1. Anto tiyojane ṭhito bahi tiyojanaṁ pāteti, nissaggiyaṁ pācittiyaṁ. Aññassa yāne vā bhaṇḍe vā ajānantassa pakkhipitvā tiyojanaṁ atikkāmeti, nissaggiyāni honti. Nissajitabbāni saṅghassa vā gaṇassa vā puggalassa vā. Evañca pana bhikkhave nissajitabbāni: "imāni me bhante eḷakalomāni tiyojanaṁ atikkāmitāni nissaggiyāni, imānāhaṁ saṅghassa nissajāmi"ti -pe- dadeyyāti -pe- dadeyyunti -pe- āyasmato dammī"ti. -Pe-

3. Atirekatiyojane atirekasaññī -2 atikkāmeti, nissaggiyaṁ pācittiyaṁ. Atirekatiyojane vematiko -2 atikkāmeti, nissaggiyaṁ pācittiyaṁ. Atirekatiyojane ūnakasaññī-2. Atikkāmeti, nissaggiyaṁ pācittiyaṁ. Ūnakatiyojane atirekasaññī, āpatti dukkaṭassa. Ūnakatiyojane vematiko, āpatti dukkaṭassa. Ūnakatiyojane ūnakasaññī, anāpatti.

4. Anāpatti tiyojanaṁ harati, ūnakatiyojanaṁ harati, tiyojanaṁ haratipi paccāharatipi, tiyojanaṁ vāsādhippāyo gantvā tato paraṁ harati, acchinnaṁ paṭilabhitvā harati, nissaṭṭhaṁ paṭilabhitvā harati, aññaṁ harāpeti, kaṭabhaṇḍaṁ harati, ummattakassa, ādikammikassāti.

Eḷakalomasikkhāpadaṁ niṭṭhitaṁ.

1. Nissaggiyāni honti syā. 2. Tiyojanaṁ atikkāmeti, syā.
[BJT Page 576]

5. 2. 7.
Eḷakalomadhovāpana sikkhāpadaṁ.

1. Tena samayena buddho bhagavā sakkesu viharati kapilavatthusmiṁ nigrodhārāme. Tena kho pana samayena chabbaggiyā bhikkhū bhikkhunīhi eḷakalomāni [page 235] dhovāpentipi rajāpentipi vijaṭāpentipi. Bhikkhuniyo eḷakalomāni dhovantiyo rajantiyo vijaṭentiyo riñcanti uddesaṁ paripucchaṁ adhisīlaṁ adhicittaṁ adhipaññaṁ. Atha kho mahāpajāpatī gotamī yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitaṁ kho mahāpajāpatiṁ gotamiṁ bhagavā etadavoca: "kacci gotami bhikkhuniyo appamattā ātāpiniyo pahitattā viharantī"ti. "Kuto bhante bhikkhunīnaṁ appamādo, ayyā chabbaggiyā bhikkhunīhi eḷakalomāni dhovāpentipi rajāpentipi vijaṭāpentipi, bhikkhunīyo eḷakalomāni dhovantiyo rajantiyo vijaṭentiyo riñcanti uddesaṁ paripucchaṁ adhisīlaṁ adhicittaṁ adhipaññanti."

2. Atha kho bhagavā mahāpajāpatiṁ gotamiṁ dhammiyā kathāya sandassesi samādapesi samuttejesi sampahaṁsesi. Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṁsitā bhagavantaṁ abhivādetvā padakkhiṇaṁ katvā pakkāmi. Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi: "sacchaṁ kira tumhe bhikkhave bhikkhunīhi eḷakalomāni dhovāpethapi rajāpethapi vijaṭāpethapi"ti? "Saccaṁ bhagavā". "Ñātikāyo tumhākaṁ bhikkhave aññātikāyo"ti. "Aññātikāyo bhagavā"ti. "Aññātikā moghapurisā aññātikānaṁ na jānanti patirūpaṁ vā appatirūpaṁ vā pāsādikaṁ vā apāsādikaṁ vā. Tattha nāma tumhe moghapurisā aññātikāhi bhikkhūnīhi eḷakalomāni dhovāpessathapi rajāpessathapi vijaṭāpessathapi. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:"
"Yo pana bhikkhu aññātikāya bhikkhuniyā oḷakalomāni dhovāpeyya vā rajāpeyya vā vijaṭāpeyya vā, nissaggiyaṁ pācittiyanti."

3. Yo panāti yo yādiso -pe- bhikkhūti -pe- ayaṁ imasmiṁ atthe adhippeto bhikkhūti.

Aññātikā nāma: mātito vā pitito vā yāva sattamā pitāmahayugā asambaddhā.
Bhikkhunī nāma: ubhato saṅghe upasampannā.

[BJT Page 578]

4. "Dhovā"ti āṇāpeti, āpatti dukkaṭassa. Dhotāni nissaggiyāni honti. Rajāti āṇāpeti, āpatti dukkaṭassa. Rattāni nissaggiyāni honti. "Vijaṭehī"ti āṇāpeti, āpatti dukkaṭassa. Vijaṭitāni [page 236] nissaggiyāni honti. Nissajitabbāni saṅghassa vā gaṇassa vā puggalassa vā. Evañca pana bhikkhave nissajatabbāni: "imāni me bhante eḷakalomāni aññātikāya bhikkhuniyā dhovāpitāni nissaggiyāni, imānāhaṁ saṅghassa nissajāmīti -pe- dadeyyāti -pe- dadeyyunti, -peāyasmato dammiti."

5. Aññātikāya aññātikasaññī eḷakalomāni dhovāpeti, nissaggiyaṁ pācittiyaṁ. Aññātikāya aññātikasaññī eḷakalomāni dhovāpeti rajāpeti, nissaggiyena āpatti dukkaṭassa. Aññātikāya aññātikasaññī eḷakalomāni dhovāpeti vijaṭāpeti, nissaggiyena āpatti dukkaṭassa. Aññātikāya aññātikasaññī eḷakalomāni dhovāpeti rajāpeti vijaṭāpeti, nissaggiyena āpatti dvinnaṁ dukkaṭānaṁ.

6. Aññātikāya aññātikasaññī eḷakalomāni rajāpeti, nissaggiyaṁ pācittiyaṁ. Aññātikāya aññātikasaññī eḷakalomāni rajāpeti vijaṭāpeti -pe- rajāpeti dhovāpeti, nissaggiyena āpatti dukkaṭassa. -Pe- rajāpeti vijaṭāpeti dhovāpeti, nissaggiyena āpatti dvinnaṁ dukkaṭānaṁ.

7. Aññātikāya aññātikasaññī eḷakalomāni vijaṭāpeti, nissaggiyaṁ pācittiyaṁ. Aññātikāya aññātikasaññī eḷakalomāni vijaṭāpeti dhovāpeti -pe- vijaṭāpeti rajāpeti, nissaggiyena āpatti dukkaṭassa. -Pe- vijaṭāpeti dhovāpeti rajāpeti, nissaggiyena āpatti dvinnaṁ dukkaṭānaṁ.

8. Aññātikāya vematiko -pe- aññātikāya ñātikasaññī -peaññassa eḷakalomāni dhovāpeti, āpatti dukkaṭassa. Ekato upasampannāya dhovāpeti, āpatti dukkaṭassa. Ñātikāya aññātikasaññī, āpatti dukkaṭassa. Ñātikāya vematiko, āpatti dukkaṭassa. Ñātikāya ñātikasaññī, anāpatti.

9. Anāpatti ñātikāya dhovantiyā aññātikā dutiyā hoti, avuttā dhovati, aparibhuttaṁ kaṭabhaṇḍaṁ dhovāpeti, sikkhamānāya, sāmaṇeriyā, ummattakassa, ādikammikassāti.

Eḷakalomadhovāpanasikkhāpadaṁ niṭṭhitaṁ.

[BJT Page 580]

5. 2. 8.
Rūpiyasikkhāpadaṁ

1. Tena samayena buddho bhagavā rājagahe viharati veḷuvane kalandakanivāpe. Tena kho pana samayena [page 237] āyasmā upanando sakyaputto rājagahe aññatarassa kulassa kulupago hoti niccabhattiko. Yaṁ tasmiṁ kule uppajjati khādanīyaṁ vā bhojanīyaṁ vā tato āyasmato upanandassa sakyaputtassa paṭiviṁso-1 ṭhapīyati. Tena kho pana samayena sāyaṁ tasmiṁ kule maṁsaṁ uppannaṁ hoti. Tato āyasmato upanandassa sakyaputtassa paṭiviṁso ṭhapito hoti. Tassa kulassa dārako rattiyā paccūsasamayaṁ paccuṭṭhāya rodati: "maṁsaṁ me dethā"ti. Atha kho so puriso pajāpatiṁ etadavoca: "ayyassa paṭiviṁsaṁ dārakassa dehi, aññaṁ cetāpetvā ayyassa dassāmā"ti. Tassa-2 taṁ adāsi.

2. Atha kho āyasmā upanando sakyaputto pubbanhasamayaṁ nivāsetvā pattacīvaramādāya yena taṁ kulaṁ tenupasaṅkami, upasaṅkamitvā paññatte āsane nisīdi. Atha kho so puriso yenāyasmā upanando sakyaputto tenupasaṅkami, upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ upanandaṁ sakyaputtaṁ etadavoca: "hiyyo kho bhante sāyaṁ maṁsaṁ uppannaṁ ahosi, tato ayyassa paṭiviṁso ṭhapito. Ayaṁ bhante dārako rattiyā paccūsasamayaṁ paccuṭṭhāya rodati: "maṁsaṁ me dethā"ti. Ayyassa paṭiviṁso dārakassa dinno. Kahāpaṇena bhante kiṁ āhariyyatu"ti. "Pariccatto me āvuso kahāpaṇoti?" "Āma bhante pariccattoti. " "Taññeva me āvuso kahāpaṇaṁ dehī"ti.

3. Atha kho so puriso āyasmato upanandassa sakyaputtassa kahāpaṇaṁ datvā ujjhāyati khīyati vipāceti: "yatheva mayaṁ rūpiyaṁ paṭiggaṇhāma, evameva ime samaṇā sakyaputtiyā rūpiyaṁ paṭiggaṇhantī" ti. Assosuṁ kho bhikkhū tassa purisassa ujjhāyantassa khīyantassa vipācentassa. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto rūpiyaṁ paṭiggahessatī"ti. Atha kho te bhikkhū bhagavato etamatthaṁ ārocesuṁ: "saccaṁ kira tvaṁ upananda rūpiyaṁ paṭiggahesī"ti? "Saccaṁ bhagavā. " Vigarahi buddho bhagavā. "Kathaṁ hi nāma tvaṁ moghapurisa rūpiyaṁ paṭiggahessasi, netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:
"Yo pana bhikkhu jātarūparajataṁ uggaṇaheyya vā uggaṇhāpeyya vā upanikkhittaṁ vā sādiyeyya, nissaggiyaṁ pācittiyanti."

4. [page 238] yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

1. Paṭiviso. Machasaṁ. 2. Tassa taṁ adāsi. Machasaṁ nadissate.

[BJT Page 582]

Jātarūpaṁ nāma: satthuvaṇṇo vuccati.

Rajataṁ nāma: kahāpaṇo lohamāsako dārumāsako chatumāsako ye vohāraṁ gacchanti.

Uggaṇheyyāti sayaṁ gaṇhāti, nissaggiyaṁ pācittiyaṁ.

Uggaṇhāpeyyāti aññaṁ gāhāpeti. Nissaggiyaṁ-1 pācittiyaṁ.

Upanikkhittaṁ vā sādiyeyyāti "idaṁ ayyassa hotu'ti upanikkhittaṁ sādiyati, nissaggiyaṁ hoti, saṅghamajjhe nissajitabbaṁ. Evañca pana bhikkhave nissajitabbaṁ: tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ahaṁ bhante rūpiyaṁ paṭiggahesiṁ. Idaṁ me nissaggiyaṁ. Imāhaṁ saṅghassa nissajāmī"ti nissajitvā āpatti desetabbā. Vyattena bhikkhunā paṭibalena āpatti paṭiggahetabbā. Sace tattha āgacchati ārāmiko vā upāsako vā. So vattabbo: "āvuso imaṁ jānāhī"ti. Sace so bhaṇati "iminā kiṁ āhariyyatu"ti. Na vattabbo "imaṁ vā imaṁ vā āharā"ti. Kappiyaṁ ācikkhitabbaṁ: sappi vā telaṁ vā madhu vā phāṇitaṁ vā. Sace so tena parivattetvā kappiyaṁ āharati, rūpiyapaṭiggāhakaṁ ṭhapetvā sabbeheva paribhuñjitabbaṁ. Evañcetaṁ labhetha, iccetaṁ kusalaṁ. No ve labhetha, so vattabbo: "āvuso imaṁ chaḍḍehī"ti. Sace so chaḍḍeti, iccetaṁ kusalaṁ. No ce chaḍḍeti, pañcahaṅgehi samannāgato bhikkhu rūpiyachaḍḍako sammannitabbo: yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, chaḍḍitāchaḍḍitañca jāneyya. Evañca pana bhikkhave sammannitabbo: paṭhamaṁ bhikkhu yācitabbo, yācitvā byattena bhikkhunā paṭibalona saṅgho ñāpetabbo:

"Suṇātu me bhante saṅgho. Yadi saṅghassa pattakallaṁ, saṅgho itthannāmaṁ bhikkhuṁ rūpiyachaḍḍakaṁ sammanneyya, esā ñatti.

Suṇātu me bhante saṅgho. Saṅgho itthannāmaṁ bhikkhuṁ rūpiyachaḍḍakaṁ sammannati. Yassāyasmato khamati itthannāmassa bhikkhuno rūpiyachaḍḍakassa sammuti, so tuṇhassa. Yassa nakkhamati, so bhāseyya.

Sammato saṅghena itthannāmo bhikkhu rūpiyachaḍḍako, khamati saṅghassa, tasmā tuṇhī. Evametaṁ dhārayāmī"ti.

1. Nissaggiyaṁ hoti. Syā.

[BJT Page 584]

5. Tena sammatena bhikkhunā animittaṁ katvā pātetabbaṁ. Sace nimittaṁ katvā pāteti, āpatti dukkaṭassa. [page 239] rūpiye rūpiyasaññī rūpiyaṁ paṭiggaṇhāti, nissaggiyaṁ pācittiyaṁ. Rūpiye vematiko rūpiyaṁ paṭiggaṇhāti, nissaggiyaṁ pācittiyaṁ. Rūpiye arūpiyasaññī rūpiyaṁ paṭiggaṇhāti, nissaggiyaṁ pācittiyaṁ. Arūpiye rūpiyasaññī, āpatti dukkaṭassa. Arūpiye vematiko, āpatti dukkaṭassa. Arūpiye arūpiyasaññī, anāpatti.

6. Anāpatti ajjhārāme vā ajjhāvasathe vā uggahetvā vā uggahāpetvā vā nikkhipati, "yassa bhavissati so bharissatī"ti, ummattakassa, ādikammikassāti.

Rūpiyasikkhāpadaṁ niṭṭhitaṁ.

5. 2. 9.
Rūpiyasaṁvohāra sikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū nānappakārakaṁ rūpiyasaṁvohāraṁ samāpajjantī. Manussā ujjhāyanti khīyanti vipācenti: "kathaṁ hi nāma samaṇā sakyaputtiyā nānappakārakaṁ rūpiyasaṁvohāraṁ samāpajjissanti, seyayathāpi gihī kāmabhogino"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū nānappakārakaṁ rūpiyasaṁvohāraṁ samāpajjissantī"ti. Atha kho te bhikkhū bhagavato etamatthaṁ ārocesuṁ -pe- 'saccaṁ kira tumhe bhikkhave nānappakārakaṁ rūpiyasaṁvohāraṁ samāpajjathā'ti. 'Saccaṁ bhagavā'. Vigarahi buddho bhagavā. "Kathaṁ hi nāma tumhe moghapurisā nānappakārakaṁ rūpiyasaṁvohāraṁ samāpajjissatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu nānappakārakaṁ rūpiyasaṁvohāraṁ samāpajjeyya, nissaggiyaṁ pācittiyanti."

2. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Nānappakārakaṁ nāma: katampi akatampi katākatampi. Kataṁ nāma: sīsūpagaṁ gīvūpagaṁ hatthūpagaṁ pādūpagaṁ kaṭūpagaṁ. Akataṁ nāma: ghanakataṁ vuccati. Katākataṁ nāma: tadubhayaṁ.
[BJT Page 586]

[page 240] rūpiyaṁ nāma: satthuvaṇṇo kahāpaṇo lohamāsako dārumāsako chatumāsako ye vohāraṁ gacchanti.

Samāpajjeyyāti katena kataṁ cetāpeti, nissaggiyaṁ pācittiyaṁ-1 katena akataṁ cetāpeti, nissaggiyaṁ pācittiyaṁ. Katena katākataṁ cetāpeti, nissaggiyaṁ pācittiyaṁ. Akatena kataṁ cetāpeti, nissaggiyaṁ pācittiyaṁ. Akatena akataṁ cetāpeti, nissaggiyaṁ pācittiyaṁ. Akatena katākataṁ cetāpeti, nissaggiyaṁ pācittiyaṁ. Katākatena kataṁ cetāpeti, nissaggiyaṁ pācittiyaṁ. Katākatena akataṁ cetāpeti, nissaggiyaṁ pācittiyaṁ. Katākatena katākataṁ cetāpeti, nissaggiyaṁ pācittiyaṁ. Saṅghamajjhe nissajitabba. Evañca pana bhikkhave nissajitabbaṁ: tena bhikkhūnā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo:

"Ahaṁ bhante nānappakārakaṁ rūpiyasaṁvohāraṁ samāpajjiṁ, idaṁ me nissaggiyaṁ, imāhaṁ saṅghassa nissajāmī"ti. Nissajitvā āpatti desetabbā. Byattena bhikkhunā paṭibalena āpatti paṭiggahetabbā. Sace tattha āgacchati ārāmiko vā upāsako vā, so vattabbo: "āvuso imaṁ jānāhī"ti. Sace so bhaṇati: "iminā kiṁ āhariyyatu"ti. Na vattabbo "imaṁ vā imaṁ vā āharā"ti. Kappiyaṁ ācikkhitabbaṁ: sappi vā telaṁ vā madhu vā phāṇitaṁ vā. Sace so tena parivattetvā kappiyaṁ āharati. Rūpiyacetāpakaṁ ṭhapetvā sabbeheva paribhuñjitabbaṁ. Evañcetaṁ labhetha iccetaṁ kusalaṁ. No ce labhetha, so vattabbo: "āvuso imaṁ chaḍḍeti. Sace so chaḍḍeti. Iccetaṁ kusalaṁ. No ce chaḍḍeti, pañcahaṅgehi samannāgato bhikkhu rūpiyachaḍḍako sammannitabbo: yo na chandāgatiṁ gaccheyya na dosāgatiṁ gaccheyya na mohāgatiṁ gaccheyya na bhayāgatiṁ gaccheyya chaḍḍitāchaḍḍitañca jāneyya. Evañca pana bhikkhave sammannitabbo: paṭhamaṁ bhikkhu yācitabbo yācitvā byattena bhikkhunā paṭibalena saṅgho ñāpetabbo:

"Suṇātu me bhante saṅgho. Yadi saṅghassa pattakallaṁ, saṅgho itthannāmaṁ bhikkhuṁ rūpiyachaḍḍakaṁ sammanneyya. Esā ñatti.

Sammato saṅghena itthannāmo bhikkhu rūpiyachaḍḍako. Khamati saṅghassa, tasmā tuṇhī. Evametaṁ dhārayāmī"ti.

3. Tena sammatena bhikkhunā animittaṁ katvā pātetabbaṁ. Sace nimittaṁ katvā pāteti, āpatti dukkaṭassa.

1. Nissaggiyaṁ. Hoti. Syā.

[BJT Page 588]

4. Rūpiye rūpiyasaññī rūpiyaṁ cetāpeti, nissaggiyaṁ pācittiyaṁ. Rūpiye vematiko rūpiyaṁ cetāpeti, nissaggiyaṁ pācittiyaṁ. Rūpiye arūpiyasaññī rūpiyaṁ cetāpeti, nissaggiyaṁ pācittiyaṁ. Arūpiye rūpiyasaññī rūpiyaṁ cetāpeti, nissaggiyaṁ pācittiyaṁ. Arūpiye vematiko rūpiyaṁ cetāpeti, nissaggiyaṁ pācittiyaṁ. Arūpiye arūpiyasaññī rūpiyaṁ cetāpeti, nissaggiyaṁ pācittiyaṁ. Arūpiye rūpiyasaññī, āpatti dukkaṭassa. Arūpiye vematiko, āpatti dukkaṭassa. Arūpiye arūpiyasaññī, anāpatti.

5. Anāpatti ummattakassa, ādikammikassāti.

Rūpiyasaṁvohārasikkhāpadaṁ niṭṭhitaṁ.

5. 2. 10
Kayavikkayasikkhāpadaṁ.

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā upanando sakyaputto paṭṭo hoti cīvarakammaṁ kātuṁ. So paṭapilotikānaṁ saṅghāṭiṁ karitvā surattaṁ suparikammakataṁ katvā pārupi. Atha kho aññataro paribbājako mahagghaṁ paṭaṁ pārupitvā yenāyasmā upanando sakyaputto tenupasakkami, upasaṅkamitvā āyasmantaṁ upanandaṁ sakyaputtaṁ etadavoca: [page 241] "sundarā kho tyāyaṁ āvuso saṅghāṭi, dehi me paṭenā"ti. "Jānāhi āvuso"ti? "Āmāvuso jānāmī"ti. "Handāvuso"ti adāsi. Atha kho so paribbājako taṁ saṅghāṭiṁ pārupitvā paribbājakārāmaṁ agamāsi. Paribbājakā taṁ paribbājakaṁ etadavocuṁ: "sundarā kho tyāyaṁ āvuso saṅghāṭi, kuto tayā laddhā"ti? "Tena me āvuso paṭena parivattitā"ti. "Katīhipi tyāyaṁ āvuso saṅghāṭi bhavissati, so yeva te paṭo varo"ti.

2. Atha kho so paribbājako "saccaṁ kho paribbājakā āhaṁsu. Katīhipi myāyaṁ saṅghāṭi bhavissati, so yeva me paṭo varo"ti yenāyasmā upanando sakyaputto tenupasaṅkami. Upasaṅkamitvā āyasmantaṁ upanandaṁ sakyaputtaṁ etadavoca: "handa te āvuso saṅghāṭi, dehi me paṭa"nti. "Nanu tvaṁ āvuso mayā vutto jānāhi āvusoti, nāhaṁ dassāmī";

[BJT Page 590]

3. Atha kho so paribbājako ujjhāyati khīyati vipāceti: gihīpi naṁ gihissa vippaṭisārissa deti-1, kiṁ pana pabbajito pabbajitassa na dassatī"ti. Assosuṁ kho bhikkhu tassa paribbājakassa ujjhāyantassa khīyantassa vipācentassa. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto paribbājakena saddhiṁ kayavikkayaṁ samāpajjissatī"ti. "Atha kho te bhikkhū bhagavato etamatthaṁ ārocesuṁ. "Saccaṁ kira tvaṁ upananda paribbājakena saddhiṁ kayavikkayaṁ samāpajjī"ti?-2. "Saccaṁ bhagavā". Vigarahi buddho bhagavā: "kathaṁ hi nāma tvaṁ moghapurisa paribbājakena saddhiṁ kayavikkayaṁ samāpajjissasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:
"Yo pana bhikkhu nānappakārakaṁ kayavikkayaṁ samāpajjeyya, nissaggiyaṁ pācittiyanti"
4. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Nānappakārakaṁ nāma: cīvarapiṇḍapātasenāsanagilānapaccaya bhesajjaparikkhārā, antamaso cuṇṇapiṇḍopi dantakaṭṭhampi dasikasuttampi.

Kayavikkayaṁ samāpajjeyyāti 'iminā imaṁ dehi, iminā imaṁ āhara, iminā imaṁ parivattehi, iminā imaṁ cetāpehī'ti ajjhācarati, āpatti dukkaṭassa. Yato kayitañca hoti vikkayitañca, attano bhaṇḍaṁ parahatthagataṁ parabhaṇḍaṁ, attano hatthagataṁ, nissaggiyaṁ hoti. Nissajitabbaṁ saṅghassa vā gaṇassa vā [page 242] puggalassa vā. Evañca pana bhikkhave nissajitabbaṁ: "ahaṁ bhante nānappakārakaṁ kayavikkayaṁ samāpajjiṁ. Idaṁ me nissaggiyaṁ. Imāhaṁ saṅghassa nissajāmī"ti. -Pe- dadeyyāti -pe- dadeyyunti -pe- āyasmato dammīti"

5. Kayavikkaye kayavikkayasaññī, nissaggiyaṁ pācittiyaṁ. Kayavikkaye vematiko, nissaggiyaṁ pācittiyaṁ. Kayavikkaye na kayavikkayasaññī, nissaggiyaṁ pācittiyaṁ. Na kayavikkaye kayavikkayasaññī, āpatti dukkaṭassa. Na kayavikkaye vematiko, āpatti dukkaṭassa. Na kayavikkaye na kayavikkayasaññī, anāpatti.

6. Anāpatti agghaṁ pucchati, kappīyakārakassa ācikkhati, idaṁ amhākaṁ atthi amhākañca iminā ca iminā ca atthoti bhaṇati. Ummattakassa, ādikammikassāti.

Kayavikkayasikkhāpadaṁ niṭṭhitaṁ.

Kosiyavaggo dutiyo.

Tassuddānaṁ: -

Kosiyā suddhadvebhāgā chabbassāni nisīdanaṁ,
Dve ca lomāni uggaṇhe, ubho nānappakārakāti.

1. Denti machasaṁ. 2. Samāpajjasī. Machasaṁ.
[BJT Page 592]

Pattavaggo.
5. 3. 1

Pattasikkhāpadaṁ.

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū bahū patte sannicayaṁ karonti. Manussā vihāracārikaṁ āhiṇḍantā passitvā ujjhāyanti khīyanti vipācenti: "kathaṁ hi nāma samaṇā sakyaputtiyā bahū patte sannicayaṁ karissanti, pattavāṇijjaṁ vā samaṇā sakyaputtiyā karissanti, āmattikāpaṇaṁ vā pasāressanti"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū atirekapattaṁ dhāressantī"ti. Atha kho te bhikkhū bhagavato etamatthaṁ ārocesuṁ: "saccaṁ kira tumhe bhikkhave atirekapattaṁ dhārethā"ti? "Saccaṁ bhagavā". Vigarahi buddho bhagavā: "kathaṁ hi nāma tumhe moghapurisā atirekapattaṁ dhāressatha. Netaṁ moghapurisā appasannānaṁ vā pasādāya -pe- [page 243] evañca pana bhikkhave imaṁ sikkhāpadaṁ uddiseyyātha:
"Yo pana bhikkhu atirekapattaṁ dhāreyya, nissaggiyaṁ pācittiyanti."

Evañcidaṁ bhagavatā bhikkhūnaṁ sikkhāpadaṁ paññattaṁ hoti.

(Mūlapaññatti. )

2. Tena kho pana samayena āyasmato ānandassa atirekapatto uppanno hoti, āyasmā ca ānando taṁ pattaṁ āyasmato sāriputtassa dātukāmo hoti. Āyasmā ca sāriputto sākete viharati. Atha kho āyasmato ānandassa etadahosi: bhagavatā sikkhāpadaṁ paññattaṁ: "na atirekapatto dhāretabbo"ti. Ayañca me atirekapatto uppanno, ahañcimaṁ pattaṁ āyasmato sāriputtassa dātukāmo. Āyasmā ca sāriputto sākete viharati. Kathannu kho mayā paṭipajjitabbanti. " Atha kho āyasmā ānando bhagavato etamatthaṁ ārocesi.
[BJT Page 594]

3. "Kīva ciraṁ panānanda sāriputto āgacchissatī"ti. "Navamaṁ vā bhagavā divasaṁ dasamaṁ vā"ti. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi. "Anujānāmi bhikkhave dasāhaparamaṁ atirekapattaṁ dhāretuṁ". Evañca pana bhikkhave imaṁ sikkhāpadaṁ uddiseyyātha:

"Dasāhaparamaṁ atirekapatto dhāretabbo, taṁ atikkāmayato, nissaggiyaṁ pācittiyanti."

(Dutiyapaññati. )

4. Dasāhaparamanti dasāhaparamatā dhāretabbo.

Atirekapatto nāma: anadhiṭṭhito avikappito.

Patto nāma: dve pattā: ayopatto mattikāpatto. Tayo pattassa vaṇṇā: ukkaṭṭho patto majjhimo patto omako patto. Ukkaṭṭho nāma patto aḍḍhāḷhakodanaṁ gaṇhāti catubhāgaṁ khādanaṁ tadupiyaṁ ca vyañjanaṁ. Majjhimo nāma patto nāḷikodanaṁ gaṇhāti catubhāgaṁ khādanaṁ tadupiyaṁ ca vyañjanaṁ. Omako nāma patto patthodanaṁ gaṇhāti catubhāgaṁ khādanaṁ tadupiyaṁ ca vyañjanaṁ. Tato ukkaṭṭho apatto. Omako apatto.

Taṁ atikkāmayato nissaggiyaṁ pācittiyaṁ hotiti (ekādase puggalassa vā. Nissaggiyo hoti. ) Nissajitabbo saṅghassa vā gaṇassa vā aruṇugga. Maeveñca pana bhikkhave nissajitabbo: tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: "ayaṁ me bhante patto [page 244] dasāhātikkanto nissaggiyo. Imāhaṁ saṅghassa nissajāmī"ti. Nissajitvā āpatti desetabbā. Byattena bhikkhunā paṭibalena āpatti paṭiggahetabbā. Nissaṭṭhapatto dātabbo.

"Suṇātu me bhante saṅgho. Ayaṁ patto itthannāmassa bhikkhuno nissaggiyo saṅghassa nissaṭṭho, yadi saṅghassa pattakallaṁ, saṅgho imaṁ pattaṁ itthannāmassa bhikkhuno dadeyyā"ti.

Tena bhikkhunā sambahule bhikkhū upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassu vacanīyā: "ayaṁ me bhante patto dasāhātikkanto nissaggiyo. Imāhaṁ āyasmantānaṁ nissajāmī"ti. Nissajitvā āpatti desetabbā. Byattena bhikkhunā paṭibalena āpatti paṭiggahetabbā. Nissaṭṭhapatto dātabbo.

"Suṇantu me āyasmantā. Ayaṁ patto itthannāmassa bhikkhuno nissaggiyo āyasmantānaṁ nissaṭṭho yadāyasmantānaṁ pattakallaṁ, āyasmantā imaṁ pattaṁ itthannāmassa bhikkhuno dadeyyu"nti.

( - ) Sīmu natthi.

[BJT Page 596]

5. Tena bhikkhunā ekaṁ bhikkhuṁ upasaṅkamitvā ekaṁsaṁ uttarāsaṅgaṁ karitvā ukkuṭikaṁ nisīditvā añjaliṁ paggahetvā evamassa vacanīyo: "ayaṁ me āvuso patto dasāhātikkanto nissaggiyo. Imāhaṁ āyasmato nissajāmī"ti. Nissajitvā āpatti desetabbā. Tena bhikkhunā āpatti paṭiggahetabbā. Nissaṭṭhapatto dātabbo: imaṁ pattaṁ āyasmato dammī"ti.

6. Dasāhātikkante atikkantasaññī, nissaggiyaṁ pācittiyaṁ. Dasāhātikkante vematiko, nissaggiyaṁ pācittiyaṁ. Dasāhātikkante anatikkantasaññī, nissaggiyaṁ pācittiyaṁ. Anadhiṭṭhite adhiṭṭhitasaññī, nissaggiyaṁ pācittiyaṁ. Avikappite vikappitasaññī, nissaggiyaṁ pācittiyaṁ. Avissajjite vissajjitasaññī, nissaggiyaṁ pācittiyaṁ. Anaṭṭhe naṭṭhasaññī, nissaggiyaṁ pācittiyaṁ. Avinaṭṭhe vinaṭṭhasaññī, nissaggiyaṁ pācittiyaṁ. Abhinne bhinnasaññī, nissaggiyaṁ pācittiyaṁ. Avilutte viluttasaññī nissaggiyaṁ pācittiyaṁ. Nissaggiyaṁ pattaṁ anissajitvā paribhuñjati, āpatti dukkaṭassa. Dasāhānatikkante atikkantasaññī, āpatti dukkaṭassa. Dasāhānatikkante vematiko āpatti dukkaṭassa. Dasāhānatikkante anatikkantasaññī anāpatti.

7. Anāpatti antodasāhaṁ adhiṭṭhāti, -1 vikappeti, vissajjeti, nassati, vinassati, bhijjati, acchinditvā gaṇhanti, vissāsaṁ gaṇhanti, ummattakassa, ādikammikassāti.

8. Tena kho pana samayena chabbaggiyā bhikkhū nissaṭṭhapattaṁ na denti. Bhagavato etamatthaṁ ārocesuṁ: "na bhikkhave nissaṭṭhapatto na dātabbo. Yo na dadeyya, āpatti dukkaṭassā"ti.

Pattasikkhāpadaṁ niṭṭhitaṁ.

5. 3. 2.
Ūnapañcabandhana sikkhāpadaṁ.

1. Tena samayena buddho bhagavā sakkesu viharati kapilavatthusmiṁ nigrodhārāme. Tena kho pana samayena aññatarena kumbhakārena bhikkhū pavāritā honti: "yesaṁ ayyānaṁ pattena attho ahaṁ pattenā" ti. Tena kho pana samayena bhikkhū na mattaṁ jānitvā bahū patte viññāpenti. Yesaṁ buddakā pattā te mahante patte viññāpenti. Yesaṁ mahantā pattā te buddake patte viññāpenti. Atha kho so kumbhakāro bhikkhūnaṁ bahū patte karonto na sakkoti aññaṁ vikkāyikaṁ bhaṇḍaṁ kātuṁ. Attanāpi na yāpeti. Puttadārāpissa kilamanti. Manussā ujjhāyanti khīyanti vipācenti: "kathaṁ hi nāma samaṇā sakyaputtiyā na mattaṁ jānitvā bahū patte viññāpessanti:

1. Adhiṭṭheti. Machasaṁ.

[BJT Page 598]

Ayaṁ imesaṁ bahū patte karonto [page 245] na sakkoti aññaṁ vikkāyikaṁ bhaṇḍaṁ kātuṁ. Attanāpi na yāpeti. Puttadārāpissa kilamantī"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma bhikkhū na mattaṁ jānitvā bahū patte viññāpessantī"ti.

2. "Atha kho te bhikkhū bhagavato etamatthaṁ ārocesuṁ. "Saccaṁ kira bhikkhave bhikkhū na mattaṁ jānitvā bahū patte viññāpentīti?" "Saccaṁ bhagavā. " Vigarahi buddho bhagavā: "kathaṁ hi nāma te bhikkhave moghapurisā na mattaṁ jānitvā bahū patte viññāpessanti. Netaṁ bhikkhave appasannānaṁ vā pasādāya -pe- vigarahitvā dhammiṁ kathaṁ katvā bhikkhū āmantesi: "na bhikkhave patto viññāpetabbo, yo viññāpeyya, āpatti dukkaṭassāti."

3. Tena kho pana samayena aññatarassa bhikkhuno patto bhinno hoti. Atha kho so bhikkhu "bhagavatā paṭikkhittaṁ pattaṁ viññāpetunti" kukkuccāyanto na viññāpeti. Hatthesu piṇḍāya carati. Manussā ujjhāyanti khīyanti vipācenti: "kathaṁ hi nāma samaṇā sakyaputtiyā hatthesu piṇḍāya carissanti, seyyathāpi añña-1 titthiyā"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Atha kho te bhikkhū bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave naṭṭhapattassa vā bhinnapattassa vā pattaṁ viññāpetunti".

4. Tena kho pana samayena chabbaggiyā bhikkhū "bhagavatā anuññātaṁ naṭṭhapattassa vā bhinnapattassa vā pattaṁ viññāpetunti, " te-2 appamattakenapi bhinnena appamattakenapi khaṇḍena vilikhitamattenapi bahū patte viññāpenti. Atha kho so kumbhakāro bhikkhūnaṁ tatheva bahū patte karonto na sakkoti aññaṁ vikkāyikaṁ bhaṇḍaṁ kātuṁ. Attanāpi na yāpeti. Puttadārāpissa kilamanti. Manussā tatheva ujjhāyanti khīyanti vipācenti: "kathaṁ hi nāma samaṇā sakyaputtiyā na mattaṁ jānitvā bahū patte viññāpessanti. Ayaṁ imesaṁ bahū patte karonto na sakkoti aññaṁ vikkāyikaṁ bhaṇḍaṁ kātuṁ. Attanāpi na yāpeti. Puttadārāpissa kilamantī"ti.

5. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū appamattakenapi [page 246] bhinnena appamattakenapi khaṇḍena vilikhitamattenapi bahū patte viññāpessantī"ti. Atha kho te bhikkhū bhagavato etamatthaṁ ārocesuṁ. "Saccaṁ kira tumhe bhikkhave appamattakenapi bhinnena appamattakenapi khaṇḍena vilikhitamattenapi bahū patte viññāpethā"ti? "Saccaṁ bhagavā". Vigarahi buddho bhagavā: "kathaṁ hi nāma tumhe moghapurisā appamattakenapi bhinnena appamattakenapi khaṇḍena vilikhitamattenapi bahū patte viññāpessatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

1. 'Añña' iti ca 2. 'Te' iti ca machasaṁ nadissate.

[BJT Page 600]

"Yo pana bhikkhu ūnapañcabandhanena pattena aññaṁ navaṁ pattaṁ cetāpeyya, nissaggiyaṁ pācittiyaṁ. Tena bhikkhunā so patto bhikkhuparisāya nissajitabbo. Yo ca tassā bhikkhuparisāya pattapariyanto so tassa bhikkhuno padātabbo 'ayaṁ te bhikkhu patto yāva bhedanāya dhāretabbo'ti. Ayaṁ tattha sāmīcī"ti.

6. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Ūnapañcabandhano nāma patto: abandhano vā ekabandhano vā dvibandhano vā tibandhano vā catubandhaṇo vā. Abandhanokāso nāma patto: yassa dvaṅgulā rāji na hoti. Bandhanokāso nāma patto: yassa dvaṅgulā rāji hoti. Navo nāma patto: viññattiṁ upādāya vuccati.

Cetāpeyyāti viññāpeti, payoge dukkaṭaṁ, paṭilābhena nissaggiyo hoti. Saṅghamajjhe nissajitabbo. Sabbeheva adhiṭṭhitapattaṁ gahetvā sannipatitabbaṁ. Na lāmako patto adhiṭṭhātabbo "mahagghaṁ pattaṁ gahessāmī"ti. Sace lāmakaṁ pattaṁ adhiṭṭhāti "mahagghaṁ pattaṁ gahessāmī"ti, āpatti dukkaṭassa.

Evañca pana bhikkhave nissajitabbo: tena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā buḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo: 'ayaṁ me bhante patto ūnapañcabandhanena pattena cetāpito nissaggiyo. Imāhaṁ saṅghassa nissajāmī"ti. Nissajitvā āpatti desetabbā. Byattena bhikkhunā paṭibalena āpatti paṭiggahetabbā.

Pañcahaṅgehi samannāgato bhikkhu pattagāhāpako sammannitabbo. Yo na chandāgatiṁ gaccheyya, na dosāgatiṁ gaccheyya, na mohāgatiṁ gaccheyya, na bhayāgatiṁ gaccheyya, gahitāgahitañca [page 247] jāneyya. Evañca pana bhikkhave sammannitabbo: "paṭhamaṁ bhikkhu yācitabbo, yācitvā byattena bhikkhunā paṭibalena saṅgho ñāpetabbo."

"Suṇātu me bhante saṅgho. Yadi saṅghassa pattakallaṁ, saṅgho itthannāmaṁ bhikkhuṁ pattagāhāpakaṁ sammanneyya. Esā ñatti.

Suṇātu me bhante saṅgho. Saṅgho itthannāmaṁ bhikkhuṁ pattagāhāpakaṁ sammannati. Yassāyasmato khamati itthannāmassa bhikkhuno pattagāhāpakassa sammuti, so tuṇhassa, yassa nakkhamati, so bhāseyya.

Sammato saṅghena itthannāmo bhikkhu pattagāhāpako, khamati saṅghassa, tasmā tuṇhī evametaṁ dhārayāmī"ti.

[BJT Page 602]

Tena sammatena bhikkhunā patto gāhetabbo. Thero vattabbo: "gaṇhātu bhante thero patta"nti. Sace thero pattaṁ-1 gaṇhāti, therassa patto dutiyassa gāhetabbo. Na ca tassa anuddayatāya na gahetabbo. Yo na gaṇheyya, āpatti dukkaṭassa. Apattakassa na gāhetabbo eteneva upāyena yāva saṅghanavakā gāhāpetabbo. Yo ca tassā bhikkhuparisāya pattapariyanto so tassa bhikkhuno padātabbo: "ayaṁ te bhikkhu patto yāva bhedanāya dhāretabbo"ti. Tena bhikkhunā so patto na adese nikkhipitabbo, na abhogena bhuñjitabbo, na vissajjetabbo, 'kathāyaṁ patto nasseyya vā vinasseyya vā bhijjeyya vā'ti. Sace adese vā nikkhipati abhogena vā bhuñjati vissajjeti vā, āpatti dukkaṭassa.
Ayaṁ tattha sāmicīti ayaṁ tattha anudhammatā.

7. Abandhanena pattena abandhanaṁ pattaṁ cetāpeti, nissaggiyaṁ pācittiyaṁ. Abandhanena pattena ekabandhanaṁ pattaṁ -pedvibandhanaṁ pattaṁ -pe- tibandhanaṁ pattaṁ -pe- catubandhanaṁ pattaṁ cetāpeti, nissaggiyaṁ pācittiyaṁ.

8. Ekabandhanena pattena abandhanaṁ pattaṁ-pe-ekabandhanaṁ pattaṁ -pe- dvibandhanaṁ pattaṁ -pe-tibandhanaṁ pattaṁ-pe-catubandhanaṁ pattaṁ cetāpeti, nissaggiyaṁ pācittiyaṁ.
9. Dvibandhanena pattena abandhanaṁ pattaṁ-pe-ekabandhanaṁ pattaṁ -pe- dvibandhanaṁ pattaṁ -pe-tibandhanaṁ pattaṁ-pe-catubandhanaṁ pattaṁ cetāpeti, nissaggiyaṁ pācittiyaṁ.
10. Tibandhanena pattena abandhanaṁ pattaṁ-pe-ekabandhanaṁ pattaṁ -pe- dvibandhanaṁ pattaṁ -pe-tibandhanaṁ pattaṁ-pe-catubandhanaṁ pattaṁ cetāpeti, nissaggiyaṁ pācittiyaṁ.
11. Catubandhanena pattena abandhanaṁ pattaṁ-pe-ekabandhanaṁ pattaṁ -pe- dvibandhanaṁ pattaṁ -pe-tibandhanaṁ pattaṁ-pe-catubandhanaṁ pattaṁ cetāpeti, nissaggiyaṁ pācittiyaṁ.
12. Abandhanena pattena abandhanokāsaṁ pattaṁ cetāpeti, pācittiyaṁ. Abandhanena pattena ekabandhanokāsaṁ pattaṁ nissaggiyaṁ. -Pe- dvibandhanokāsaṁ pattaṁ -petibandhanokāsaṁ pattaṁ -pe- catubandhanokāsaṁ pattaṁ cetāpeti. Nissaggiyaṁ pācittiyaṁ.

13. Ekabandhanena pattena abandhanokāsaṁ pattaṁ -peekabandhanokāsaṁ pattaṁ -pe- dvibandhanokāsaṁ pattaṁ -petibandhanokāsaṁ pattaṁ -pe- catubandhanokāsaṁ pattaṁ cetāpeti, nissaggiyaṁ pācittiyaṁ,

1. Pattaṁ machasaṁ nadissate.

[BJT Page 604]

14. Dvibandhanena pattena abandhanokāsaṁ pattaṁ -peekabandhanokāsaṁ pattaṁ -pe- dvibandhanokāsaṁ pattaṁ -petibandhanokāsaṁ pattaṁ -pe- catubandhanokāsaṁ pattaṁ cetāpeti, nissaggiyaṁ pācittiyaṁ,

15. Tibandhanena pattena abandhanokāsaṁ pattaṁ -peekabandhanokāsaṁ pattaṁ -pe- dvibandhanokāsaṁ pattaṁ -petibandhanokāsaṁ pattaṁ -pe- catubandhanokāsaṁ pattaṁ cetāpeti, nissaggiyaṁ pācittiyaṁ,

16. Catubandhanena pattena abandhanokāsaṁ pattaṁ -peekabandhanokāsaṁ pattaṁ -pe- dvibandhanokāsaṁ pattaṁ -petibandhanokāsaṁ pattaṁ -pe- catubandhanokāsaṁ pattaṁ cetāpeti, nissaggiyaṁ pācittiyaṁ,

17. [page 248] abandhanokāsena pattena abandhanaṁ pattaṁ -pe- ekabandhanaṁ pattaṁ -pe- dvibandhanaṁ pattaṁ -petibandhanaṁ pattaṁ -pe- catubandhanaṁ pattaṁ -peekabandhanokāsena pattena -pe- dvibandhanokāsena pattena -pe- tibandhanokāsena pattena -pecatubandhanokāsena pattena abandhanaṁ pattaṁ -pe- ekabandhanaṁ pattaṁ -pecatubandhanaṁ pattaṁ -pe- abandhanokāsena pattena abandhanokāsaṁ pattaṁ -pe- ekabandhanokāsaṁ pattaṁ -pedvibandhanokāsaṁ pattaṁ -pe- tibandhanokāsaṁ pattaṁ -pecatubandhanokāsaṁ pattaṁ cetāpeti, nissaggiyaṁ pācittiyaṁ.

18. Ekabandhanokāsena pattena abandhanokāsaṁ pattaṁ -peekabandhanokāsaṁ pattaṁ -pe- dvibandhanokāsaṁ pattaṁ -petibandhanokāsaṁ pattaṁ -pe- catubandhanokāsaṁ pattaṁ cetāpeti, nissaggiyaṁ pācittiyaṁ.

19. Dvibandhanokāsena pattena -pe- tibandhanokāsena pattena abandhanokāsaṁ pattaṁ -pe- ekabandhanokāsaṁ pattaṁ -pe- dvibandhanokāsaṁ pattaṁ -pe- tibandhanokāsaṁ pattaṁ -pe- catubandhanokāsaṁ pattaṁ cetāpeti, nissaggiyaṁ pācittiyaṁ.

20. Catubandhanokāsena pattena abandhanokāsaṁ pattaṁ -peekabandhanokāsaṁ pattaṁ -pe- dvibandhanokāsaṁ pattaṁ -petibandhanokāsaṁ pattaṁ -pe- catubandhanokāsaṁ pattaṁ cetāpeti, nissaggiyaṁ pācittiyaṁ.

21. Anāpatti naṭṭhapattassa, bhinnapattassa, ñātakānaṁ, pavāritānaṁ. Aññassatthāya, attano dhanena, ummattakassa, ādikammikassāti.

Ūnapañcabandhanasikkhāpadaṁ niṭṭhitaṁ.

[BJT Page 606]

5. 3. 3.
Bhesajjasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā pilindivaccho rājagahe pabbhāraṁ sodhāpeti leṇaṁ kattukāmo. Atha kho rājā māgadho seniyo bimbisāro yenāyasmā pilindivaccho tenupasaṅkami, upasaṅkamitvā āyasmantaṁ pilindivacchaṁ abhivādetvā ekamantaṁ nisīdi, ekamantaṁ nisinno kho rājā māgadho seniyo bimbisāro āyasmantaṁ pilindivacchaṁ etadavoca: "kiṁ bhante thero kārāpetī"ti. Pabbhāraṁ mahārāja, sodhāpemi leṇaṁ kattukāmo"ti. "Attho bhante ayyassa ārāmikenā"ti. Na kho mahārāja bhagavatā ārāmiko anuññāto"ti. "Tena hi bhante bhagavantaṁ paṭipucchitvā mama āroceyyāthā"ti. "Evaṁ mahārājā"ti kho āyasmā pilindivaccho rañño māgadhassa seniyassa bimbisārassa paccassosi. Atha kho āyasmā pilindivaccho rājānaṁ māgadhaṁ seniyaṁ bimbisāraṁ dhammiyā kathāya sandassesi samādapesi samuttejesi sampahaṁsesi. Atha kho rājā māgadho seniyo bimbisāro āyasmatā pilindivacchena dhammiyā kathāya sandassito samādapito samuttejito sampahaṁsito uṭṭhāyāsanā āyasmantaṁ pilindivacchaṁ abhivādetvā padakkhiṇaṁ katvā pakkāmi.

2. Atha kho āyasmā pilindivaccho bhagavato santiko dūtaṁ pāhesi: "rājā bhante māgadho seniyo bimbisāro ārāmikaṁ dātukāmo. Kathaṁ nu kho bhante mayā paṭipajjitabba"nti. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave ārāmika"nti. Dutiyampi kho rājā māgadho [page 249] seniyo bimbisāro yenāyasmā pilindivaccho tenupasaṅkami upasaṅkamitvā āyasmantaṁ pilindivacchaṁ abhivādetvā ekamantaṁ nisīdi. Ekamantaṁ nisinno kho rājā māgadho seniyo bimibisāro āyasmantaṁ pilindivacchaṁ etadavoca: "anuññāto bhante bhagavatā ārāmiko"ti. "Evaṁ mahārājā"ti. "Tena hi bhante ayyassa ārāmikaṁ dammī"ti. Atha kho rājā māgadho seniyo bimbisāro āyasmato pilindivacchassa ārāmikaṁ paṭissuṇitvā vissaritvā cirena satiṁ paṭilabhitvā aññataraṁ sabbatthakaṁ mahāmattaṁ āmantesi: "yo mayā bhaṇe, ayyassa ārāmiko paṭissuto, dinno so ārāmiko"ti. "Na kho dve ayyassa ārāmiko dinno"ti. "Kīva ciraṁ nu kho bhaṇe ito hi taṁ hotī"ti. Atha kho so mahāmatto rattiyo vigaṇetvā-1 rājānaṁ māgadhaṁ seniyaṁ bimbisāraṁ etadavoca: "pañca deva rattisatānī"ti. "Tena hi bhaṇe, ayyassa pañca arāmikasatāni dehī"ti. "Evaṁ devā"ti kho so mahāmatto rañño māgadhassa seniyassa bimbisārassa paṭissuṇitvā āyasmato pilindivacchassa pañca ārāmikasatāni pādāsi. -2 Pāṭiyekko gāmo nivisi. "Ārāmikagāmako"tipi naṁ āhaṁsu "pilindigāmako"tipi naṁ āhaṁsu.

1. Gaṇetvā. Machasaṁ. 2. Adāsī. Syā.
[BJT Page 608]

3. Tena kho pana samayena āyasmā pilindivaccho tasmiṁ gāmake kulūpago hoti. Atha kho āyasmā pilindivaccho pubbanhasamayaṁ nivāsetvā pattacīvaramādāya pilindigāmaṁ piṇḍāya pāvisi. Tena kho pana samayena tasmiṁ gāmake ussavo hoti. Dārakā-1 alaṅkatā mālākitā kīḷanti.

4. Atha kho āyasmā pilindivaccho pilindigāmake sapadānaṁ piṇḍāya caramāno yena aññatarassa ārāmikassa nivesanaṁ tenupasaṅkami, upasaṅkamitvā paññatte āsane nisīdi. Tena kho pana samayena tassā ārāmikiniyā dhītā aññe dārake alaṅkate mālākite passitvā rodati: "mālā me detha, alaṅkāraṁ me dethā"ti. Atha kho āyasmā pilindivaccho taṁ ārāmikīniṁ etadavoca: "kissāyaṁ dārikā rodatī"ti. "Kissāyaṁ dārikā rodatī"ti. "Ayaṁ bhante dārikā aññe dārake alaṅkate mālākite passitvā rodati: "mālaṁ me detha alaṅkāraṁ me dethā"ti. "Kuto amhākaṁ duggatānaṁ mālā, kuto alaṅkārā"ti. -2 Atha kho āyasmā pilindivaccho aññataraṁ tiṇaṇḍupakaṁ gahetvā taṁ ārāmikiniṁ etadavoca: "handimaṁ tiṇaṇḍupakaṁ tassā dārikāya sīse paṭimuñcā"ti. Atha kho sā ārāmikinī taṁ tiṇaṇḍupakaṁ gahetvā tassā dārikāya sīse paṭimuñci, sā ahosi suvaṇṇamālā abhirūpā [page 250] dassanīyā pāsādikā, natthi tādisā raññepi antepure suvaṇṇamālā. Manussā rañño māgadhassa seniyassa bimbisārassa ārocesuṁ: "amukassa deva ārāmikassa ghare suvaṇṇamālā abhirūpā dassanīyā pāsādikā, natthi tādisā devassāpi antepure suvaṇṇamālā. Kuto tassa duggatassa, nissaṁsayaṁ corikāya ābhatā"ti. Atha kho rājā māgadho seniyo bimbisāro taṁ ārāmikakulaṁ bandhāpesi.

5. Dutiyampi kho āyasmā pilindivaccho pubbanhasamayaṁ nivāsetvā pattacīvaramādāya pilindigāmakaṁ piṇḍāya pāvisi. Pilindigāmike sapadānaṁ piṇḍāya caramāno yena tassa ārāmikassa nivesanaṁ tenupasaṅkami, upasaṅkamitvā paṭivissake pucchi: "kahaṁ idaṁ ārāmikakulaṁ gata"nti. "Etissā bhante suvaṇṇamālāya kāraṇā raññā bandhāpita"nti.
6. Atha kho āyasmā pilindivaccho yena rañño māgadhassa seniyassa bimbisārassa nivesanaṁ, tenupasaṅkami, upasaṅkamitvā paññatte āsane nisīdi. Atha kho rājā māgadho seniyo bimbisāro yenāyasmā pilindivaccho tonupasaṅkami, upasaṅkamitvā āyasmantaṁ pilindivacchaṁ abhivādetvā ekamantaṁ nisīdi. Ekamantaṁ nisinnaṁ kho rajānaṁ māgadhaṁ seniyaṁ bimbisāraṁ āyasmā pilindivaccho etadavoca: "kissa mahārāja ārāmikakulaṁ bandhāpita"nti. Tassa bhante ārāmikassa ghare suvaṇṇamālā abhirūpā dassanīyā pāsādikā, natthi tādisā amhākampi antepure suvaṇṇamālā, kuto tassa duggatassa, nissaṁsayaṁ corikāya ābhatā"ti. Atha kho āyasmā pilindivaccho rañño māgadhassa seniyassa bimbisārassa pāsādaṁ suvaṇṇanti adhimucci, so ahosi sabbasovaṇṇamayo. "Idaṁ pana te mahārāja tāvabahuṁ suvaṇṇaṁ kuto"ti. "Aññātaṁ bhante, ayyasseva so iddhānubhāvo"ti taṁ ārāmikakulaṁ muñcāpesi.

1. Dārikā. Machasaṁ. 2. Alaṅkāroti. Machasaṁ.

[BJT Page 610]

7. Manussā ayyena kira pilindivacchena sarājikāya parisāya uttarimanussadhammā-1 iddhipāṭihāriyaṁ dassitanti attamanā abhippasannā āyasmato pilindivacchassa pañcabhesajjāni abhihariṁsu. Seyyathīdaṁ: "sappi navanītaṁ telaṁ madhu phāṇitaṁ" pakatiyāpi ca āyasmā pilindivaccho lābhī hoti pañcannaṁ bhesajjānaṁ, laddhaṁ laddhaṁ parisāya vissajjeti. Parisā cassa hoti bāhulikā, laddhaṁ laddhaṁ koḷambepi ghaṭepi puretvā paṭisāmeti. Parissāvanānipi thavikāyopi pūretvā vātapānesu laggeti. Tāni olīnavilīnāni tiṭṭhanti. Undurehipi vihārā [page 251] okiṇṇavikiṇṇā honti. Manussā vihāracārikaṁ āhiṇḍantā passitvā ujjhāyanti khīyanti vipācenti: "antokoṭṭhāgārikā ime samaṇā sakyaputtiyā, seyyathāpi rājā māgadho seniyo bimbisāro"ti. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma bhikkhū evarūpāya bāhullāya cetessantī"ti.

8. Atha kho te bhikkhū bhagavato etamatthaṁ ārocesuṁ. "Saccaṁ kira bhikkhave bhikkhū evarūpāya bāhullāya cetentī"ti? "Saccaṁ bhagavā. " Vigarahi buddho bhagavā: "kathaṁ hi nāma te bhikkhave moghapurisā evarūpāya bāhullāya cetessanti" netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:"
"Yāni kho pana tāni gilānānaṁ bhikkhūnaṁ paṭisāyanīyāni bhesajjāni seyyathīdaṁ: sappī navatītaṁ telaṁ madhu phāṇitaṁ, tāni paṭiggahetvā sattāhaparamaṁ sanatidhikārakaṁ paribhuñjitabbāni. Taṁ atikkāmayato nissaggiyaṁ pācittiyanti".

9. Yāni kho pana tāni gilānānaṁ bhikkhūnaṁ paṭisāyanīyāni bhesajjānīti-

Sappi nāma: gosappi vā ajikāsappi vā mahisasappi vā-2 yesaṁ maṁsaṁ kappati tesaṁ sappi.

Navanītaṁ nāma: tesaṁ yeva navanītaṁ.

Telaṁ nāma: tilatelaṁ sāsapatelaṁ madhukatelaṁ eraṇḍakatelaṁ vasātelaṁ.

Madhu nāma: makkhikā madhu.

Phāṇitaṁ nāma: ucchumbhā nibbattaṁ.

Tāni paṭiggahetvā sattāhaparamaṁ sannidhikārakaṁ paribhuñjitabbāni sattāhaparamatā paribhuñjitabbāni.

Taṁ atikkāmayato nissaggiyaṁ hotīti aṭṭhame aruṇuggamane nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante bhesajjaṁ sattāhātikkantaṁ nissaggiyaṁ, imāhaṁ saṅghassa nissajāmī"ti - dadeyyanti - dadeyyunti - āyasmato dammī"ti.

1. Dhammaṁ. Machasaṁ. 2. Mahiṁsasappi. Machasaṁ.

[BJT Page 612]

10. Sattāhātikkante atikkantasaññī, nissaggiyaṁ pācittiyaṁ. Sattāhātikkante vematiko, nissaggiyaṁ pācittiyaṁ. Sattāhātikkante anatikkantasaññī, nissaggiyaṁ pācittiyaṁ. Anadhiṭṭhite adhiṭṭhitasaññī, nissaggiyaṁ pācittiyaṁ.

11. Avissajjite vissajjitasaññī, anaṭṭhe naṭṭhasaññī, -1 avinaṭṭhe vinaṭṭhasaññī, [page 252] adaḍḍhe daḍḍhasaññī, avilutte viluttasaññī, nissaggiyaṁ pācittiyaṁ:

12. Nissaṭṭhaṁ paṭilabhitvā na kāyikena paribhogena paribhuñjitabbaṁ. Na ajjhoharitabbaṁ, padīpe vā kālavaṇṇe vā upanetabbaṁ. Aññena bhikkhunā kāyikena paribhogena paribhuñjitabbaṁ, na ajjhoharitabbaṁ.

13. Sattāhānatikkante atikkantasaññī, āpatti dukkaṭassa. Sattāhānatikkante vematiko, āpatti dukkaṭassa sattāhānatikkante anatikkantasaññī, anāpatti.

14. Anāpatti antosattāhaṁ adhiṭṭhāti, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti, anūpasampannassa vattena, vattena, muttena, anapekkho datvā paṭilabhitvā paribhuñjati, ummattakassa, ādikammikassāti.

Bhesajjasikkhāpadaṁ niṭṭhitaṁ.

5. 3. 4.
Vassikasāṭika sikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena bhagavatā bhikkhūnaṁ vassikasāṭikā anuññātā hoti. Chabbaggiyā bhikkhū "bhagavatā vassikasāṭikā anuññātā"ti paṭigacceva-2. Vassikasāṭikacīvaraṁ pariyesanti, paṭigacceva katvā nivāsenti. Jiṇṇāya vassikasāṭikāya naggā kāyaṁ ovassāpenti. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū paṭigacceva vassikasāṭikacīvaraṁ pariyesissanti, paṭigacceva katvā nivāsessanti, jiṇṇāya vassikasāṭikāya naggā kāyaṁ ovassāpessantī"ti. Atha kho te bhikkhū bhagavato etamatthaṁ ārocesuṁ "saccaṁ kira tumhe bhikkhave paṭigacceva vassikasāṭikacīvaraṁ pariyesatha, paṭigacceva katvā nivāsetha, jiṇṇāya vassikasāṭikāya naggā kāyaṁ ovassāpethā"ti? "Saccaṁ bhagavā. ' Vigarahi buddho bhagavā: "kathaṁ hi nāma tumhe moghapurisā paṭigacceva vassikasāṭikacīvaraṁ pariyesissatha, paṭigacceva katvā nivāsessatha, jiṇṇāya vassikasāṭikāya naggā kāyaṁ ovassāpessatha. Netaṁ moghapurisā appasannānaṁ vā pasādāya -pe- evañca na bhikkhave imaṁ sikkhāpadaṁ uddiseyyātha".

1. Anaṭṭhasaññi. Machasaṁ. 2. Paṭikacceva machasaṁ.

[BJT Page 614]

"Māso seso gimhānanti bhikkhunā vassikasāṭikacīvaraṁ pariyesitabbaṁ. Addhamāso seso gimhānanti katvā [page 253] nivāsetabbaṁ. Orena ce māso seso gimhānanti vassikasāṭikacīvaraṁ pariyeseyya, orenaddhamāso seso gimhānanti katvā nivāseyya, nissaggiyaṁ pācittiya"nti.

2. Māso seso gimhānanti bhikkhunā vassikasāṭikacīvaraṁ pariyesitabbanti ye manussā pubbepi vassikasāṭikacīvaraṁ denti. Te upasaṅkamitvā evamassu vacanīyā: "kālo vassikasāṭikāya, samayo vassikasāṭikāya, "aññepi manussā vassikasāṭikacīvaraṁ dentī"ti. Na vattabbā: "detha me vassikasāṭikacīvaraṁ, āharatha me vassikasāṭikacīvaraṁ, parivattetha me vassikasāṭikacīvaraṁ, cetāpetha me vassikasāṭikacīvaranti."

Addhamāso seso gimhānanti katvā nivāsetabbanti addhamāse sese gimhāne katvā nivāsetabbaṁ.

Orena ce māso seso gimhānanti atirekamāse sese gimhāne vassikasāṭikacīvaraṁ pariyesati, nissaggiyaṁ pācittiyaṁ.

Orenaddhamāso seso gimhānanti atirekaddhamāse sese gimhāne katvā nivāseti, nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "i daṁ me bhante vassikasāṭikacīvaraṁ atirekamāse sese gimhāne pariyiṭṭhaṁ, atirekaddhamāse sese gimhāne katvā paridahitaṁ-1 nissaggiyaṁ. Imāhaṁ saṅghassa nissajāmī"ti -dadeyyāti- dadeyyunti - āyasmato dammi"ti.

3. Atirekamāse sese gimhāne atirekasaññī, vassikasāṭikacīvaraṁ pariyesati, nissaggiyaṁ pācittiyaṁ. Atirekamāse sese gimhāne vematiko vassikasāṭikacīvaraṁ pariyesati, nissaggiyaṁ pācittiyaṁ. Atirekamāse sese gimhāne ūnakasaññī, vassikasāṭikacīvaraṁ pariyesati, nissaggiyaṁ pācittiyaṁ.

4. Atirekamāse sese gimhāne atirekasaññī katvā nivāseti, nissaggiyaṁ pācittiyaṁ. Atirekaddhamāse sese gimhāne vematiko katvā nivāseti nissaggiyaṁ pācittiyaṁ. Atirekaddhamāse sese gimhāne ūnakasaññī, katvā nivāseti, nissaggiyaṁ pācittiyaṁ.

5. Satiyā vassikasāṭikāya naggo kāyaṁ ovassāpeti, āpatti dukkaṭassa. Ūnakamāse sese gimhāne atirekasaññī, āpatti dukkaṭassa. Ūnakamāse sese gimhāne vematiko, āpatti dukkaṭassa. Ūnakamāse sese gimhāne ūnakasaññī, anāpatti.

6. Ūnakaddhamāse sese gimhāne atirekasaññī, āpatti dukkaṭassa. Ūnakaddhamāse sese gimhāne [page 254] vematiko, āpatti dukkaṭassa. Ūnakaddhamāse sese gimhāne ūnakasaññī. Anāpatti.

1. Nivāsatthaṁ. Katthavi.

[BJT Page 616]

7. Anāpatti māso seso gimhānanti vassikasāṭikacīvaraṁ pariyesati, addhamāso seso gimhānanti katvā nivāseti, ūnakamāso seso gimhānanti vassikasāṭikacīvaraṁ pariyesati. Ūnakaddhamāso seso gimhānanti katvā nivāseti, pariyiṭṭhāya vassikasāṭikāya vassaṁ ukkaḍḍhīyati, nivatthāya vassikasāṭikāya vassaṁ ukkaḍḍhīyati, dhovitvā nikkhapitabbaṁ. Samayena nivāsetabbaṁ. Acchinnacīvarassa, naṭṭhacīvarassa, āpadāsu, ummattakassa, ādikammikassāti.

Vassikasāṭikasikkhāpadaṁ niṭṭhitaṁ.

5. 3. 5.
Cīvaraacchindana sikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā upanando sakyaputto bhātuno saddhivihārikaṁ bhikkhuṁ etadavoca: "ehāvuso janapadacārikaṁ pakkamissāmā"ti. "Nāhaṁ bhante gamissāmi, dubbalacīvaromhi"ti. "Ehāvuso ahante cīvaraṁ dassāmī"ti tassa cīvaraṁ adāsi. Assosi kho so bhikkhu: "bhagavā kira janapadacārikaṁ pakkamissatī"ti. Atha kho tassa bhikkhuno etadahosi: - "nadānāhaṁ-1 āyasmatā upanandena sakyaputtena saddhiṁ janapadacārikaṁ pakkamissāmi, bhagavatā saddhiṁ janapadacārikaṁ pakkamissāmī"ti. Atha kho āyasmā upanando sakyaputto taṁ bhikkhuṁ etadavoca; "ehidāni āvuso janapadacārikaṁ pakkamissāmā"ti. "Nāhaṁ bhante tayā saddhiṁ janapadacārikaṁ pakkamissāmi, bhagavatā saddhiṁ janapadacārikaṁ pakkamissāmī"ti. "Yampi tyāhaṁ āvuso cīvaraṁ adāsiṁ mayā saddhiṁ janapadacārikaṁ pakkamissatī"ti kupito anattamano acchindi.

2. Atha kho so bhikkhū bhikkhūnaṁ etamatthaṁ ārocesi. Ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto bhikkhussa sāmaṁ cīvaraṁ datvā kupito anattamano acchindissatī"ti? Atha kho te bhikkhū bhagavato etamatthaṁ ārocesuṁ. "Saccaṁ kira tvaṁ upananda bhikkhussa sāmaṁ cīvaraṁ datvā kupito anattamano acchindī"ti. "Saccaṁ bhagavā. " Vigarahi buddho bhagavā: "kathaṁ hi nāma tvaṁ moghapurisa [page 255] bhikkhussa sāmaṁ cīvaraṁ datvā kupito anattamano acchindissasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

1. Nāhaṁ, katthami.

[BJT Page 618]

"Yo pana bhikkhu bhikkhussa sāmaṁ cīvaraṁ datvā kupito anattamano acchindeyya vā acchindāpeyya vā nissaggiyaṁ pācittiyanti".

3. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Bhikkhussāti aññassa bhikkhussa.

Sāmanti sayaṁ datvā

Cīvaraṁ nāma: channaṁ cīvarānaṁ aññataraṁ cīvaraṁ vikappanūpagapacchīmaṁ.

Kupito anattamanoti anabhiraddho āhatacitto khilajāto.

Acchindeyyāti sayaṁ acchindati, nissaggiyaṁ-1 pācittiyaṁ.

Acchindāpeyyāti aññaṁ āṇāpeti, āpatti dukkaṭassa. Sakiṁ āṇatto bahukampi acchindati, nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ. "Idaṁ me bhante cīvaraṁ bhikkhussa sāmaṁ datvā acchinnaṁ nissaggiyaṁ, imāhaṁ saṅghassa nissajāmī"ti - dadeyyāti - dadeyyunti - āyasmato dammī"ti.

4. Upasampanne upasampannasaññī cīvaraṁ datvā kupito anattamano acchindati vā acchindāpeti vā, nissaggiyaṁ pācittiyaṁ. Upasampanne vematiko -pe- upasampanne anupasampannasaññī cīvaraṁ datvā kupito anattamano acchindati vā acchindāpeti vā, nissaggiyaṁ pācittiyaṁ.

5. Aññaṁ parikkhāraṁ datvā kupito anattamano acchindati vā acchindāpeti vā, āpatti dukkaṭassa. Anupasampannassa cīvaraṁ vā aññaṁ vā parikkhāraṁ datvā kupito anattamano acchindati vā acchindāpeti vā, āpatti dukkaṭassa. Anupasampanne upasampannasaññī, āpatti dukkaṭassa. Anupasampanne vematiko, āpatti dukkaṭassa. Anupasampannasaññī, āpatti dukkaṭassa.

6. Anāpatti so vā deti, tassa vā vissasanto gaṇhāti, ummattakassa, ādikammikassāti.

Cīvaraacchindana sikkhāpadaṁ niṭṭhitaṁ.

1. Nissaggiyaṁ hoti, syā.

[BJT Page 620]

5. 3. 6.
[page 256] suttaviññattisikkhāpadaṁ.

1. Tena samayena buddho bhagavā rājagahe viharati veḷuvane kalandakanivāpe. Tena kho pana samayena chabbaggiyā bhikkhū cīvarakārasamaye bahuṁ suttaṁ viññāpesuṁ. Katepi cīvare bahusuttaṁ avasiṭṭhaṁ hoti. Atha kho chabbaggiyānaṁ bhikkhūnaṁ etadahosi: "handa maṁ āvuso aññampi suttaṁ viññāpetvā tantavāyehi cīvaraṁ vāyāpemā"tī. Atha kho chabbaggiyā bhikkhū aññampi suttaṁ viññāpetvā tantavāyehi cīvaraṁ vāyāpesuṁ. Vītepi cīvare bahusuttaṁ-1 avasiṭṭhaṁ hoti. Dutiyampi kho chabbaggiyā bhikkhū aññampi suttaṁ viññāpetvā tantavāyehi cīvaraṁ vāyāpesuṁ. Vītepi cīvare bahusuttaṁ avasiṭṭhaṁ hoti. Tatiyampi kho chabbaggiyā bhikkhū aññampi suttaṁ viññāpetvā tantavāyehi cīvaraṁ vāyāpesuṁ. Manussā ujjhāyanti khīyanti vipācenti: "kathaṁ hi nāma samaṇā sakyaputtiyā sāmaṁ suttaṁ viññāpetvā tantavāyehi cīvaraṁ vāyāpessantī"ti.

2. Assosuṁ kho bhikkhū tesaṁ manussānaṁ ujjhāyantānaṁ khīyantānaṁ vipācentānaṁ. Ye te bhikkhū appicchā te ujjhāyanti khīyanti vipācenti: - "kathaṁ hi nāma chabbaggiyā bhikkhū sāmaṁ suttaṁ viññāpetvā tantavāyehi cīvaraṁ vāyāpessantī"ti. Atha kho te bhikkhū bhagavato etamatthaṁ ārocesuṁ: "saccaṁ kira tumhe bhikkhave sāmaṁ suttaṁ viññāpetvā tantavāyehi cīvaraṁ vāyāpethāti "saccaṁ bhagavā. " Vigarahi buddho bhagavā: 'kathaṁ hi nāma tumhe moghapurisā sāmaṁ suttaṁ viññāpetvā tantavāyehi cīvaraṁ vāyāpessatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Yo pana bhikkhu sāmaṁ suttaṁ viññāpetvā tantavāyehi cīvaraṁ vāyāpeyya, nissaggiyaṁ pācittiyanti".

3. Yo panāti yo yādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Sāmanti sayaṁ viññāpetvā.

Suttaṁ nāma: cha suttāni: khomaṁ kappāsikaṁ koseyyaṁ kambalaṁ sāṇaṁ bhaṅgaṁ.
Tantavāyehīti pesakārehi vāyāpeti, payoge payoge dukkaṭaṁ, paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. [page 257] evañca pana bhikkhave nissajitabbaṁ: "idaṁ me bhante cīvaraṁ sāmaṁ suttaṁ viññāpetvā nattavāyehi vāyāpitaṁ nissaggiyaṁ, imāhaṁ saṅghassa nissajāmī"ti. - Dadeyyāti - dadeyyunti - āyasmato dammī"ti.

1. Bahuṁsuttaṁ ma. Cha. Sa.

[BJT Page 622]

4. Vāyāpite vāyāpitasaññi, nisassaggiyaṁ pācittiyaṁ. Vāyāpite vematiko, nissaggiyaṁ pācittiyaṁ. Vāyāpite avāyāpitasaññī, nissaggiyaṁ pācittiyaṁ.

5. Avāyāpite vāyāpitasaññi, āpatti dukkaṭassa. Avāyāpite vematiko, āpatti dukkaṭassa. Avāyāpite avāyāpitasaññi, anāpatti.

6. Anāpatti cīvaraṁ sibbetuṁ, āyoge, kāyabandhane, aṁsavaṭṭake, -1. Pattatthavikāya, parissāvane, ñātakānaṁ, pavāritānaṁ, aññassatthāya, attano dhanena, ummattakassa, ādikammikassāti.

Suttaviññattisikkhāpadaṁ niṭṭhitaṁ.

5. 3. 7.
Mahāpesakārasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena aññataro puriso pavāsaṁ gacchanto pajāpatiṁ etadavoca: "suttaṁ dhārayitvā amukassa tantavāyassa dehi. Cīvaraṁ vāyāpetvā nikkhipa. Āgato ayaṁ upanandaṁ cīvarena acchādessāmī"ti. Assosi kho aññataro piṇḍacāriko bhikkhu tassa purisassa imaṁ vācaṁ bhāsamānassa. Atha kho so bhikkhū yenāyasmā upanando sakyaputto tenupasaṅkami. Upasaṅkamitvā, āyasmantaṁ upanandaṁ sakyaputtaṁ etadavoca: "mahāpuññosi tvaṁ āvuso upananda, amukasmiṁ okāse aññataro puriso pavāsaṁ gacchanto pajāpatiṁ etadavoca: "suttaṁ dhārayitvā amukassa tantavāyassa dehi. Cīvaraṁ vāyāpetvā nikkhipa. Āgato ayyaṁ upanandaṁ cīvarena acchādessāmī"ti. "Atthāvuso maṁ so upaṭṭhāko"ti. Sopi kho tantavāyo āyasmato upanandassa sakyaputtassa upaṭṭhāko hoti.

2. Atha kho āyasmā upanando sakyaputto yena so tantavāyo tenupasaṅkami, upasaṅkamitvā tantavāyaṁ etadavoca: "idaṁ kho āvuso cīvaraṁ maṁ uddissa viyyati, āyatañca karohi, vitthatañca appitañca suvītañca suppavāyitañca suvilekhitañca suvitacchitañca karohī"ti. "Ete kho me bhante suttaṁ dhārayitvā adaṁsu iminā suttena cīvaraṁ vināhīti. Na bhante sakkā āyataṁ vā vitthataṁ vā appitaṁ vā kātuṁ, [page 258] sakkā ca kho bhante suvītañca suppavāyitañca suvilekhitañca suvitacchitañca kātunti. " "Iṅgha tvaṁ āvuso āyatañca karohi vitthatañca appitañca, na te-2 suttena paṭibaddhaṁ bhavissatī"ti.

1. Aṁsabaddhake. Machasaṁ. 2. Na tena suttena. Ma. Cha. Saṁ.
[BJT Page 624]

3. Atha kho so tantavāyo yathābhūtaṁ suttaṁ tante upanetvā yena sā itthī tenupasaṅkami, upasaṅkamitavā taṁ itthiṁ etadavoca: "suttena ayye attho"ti. "Nanu tvaṁ ayyo mayā vutto: iminā suttena cīvaraṁ vināhī"ti. "Saccāhaṁ ayye tayā vutto: iminā suttena cīvaraṁ vināhī"ti, apica maṁ ayyo upanando evamāha: "iṅgha tvaṁ āvuso āyatañca karohi vitthatañca appitañca, na te suttena paṭibaddhaṁ bhavissatīti. " Atha kho sā itthi yattakaṁ yeva suttaṁ paṭhamaṁ adāsi, tattakaṁ pacchā adāsi.

4. Assosi kho āyasmā upanando sakyaputto: "so kira puriso pavāsato āgatoti. " Atha kho āyasmā upanando sakyaputto yena tassa purisassa nivesanaṁ tenupasaṅkami. Upasaṅkamitvā paññatte āsane nisīdi. Atha kho so puriso yenāyasmā upanando sakyaputto tenupasaṅkami, upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi. Ekamantaṁ nisinno kho so puriso pajāpatiṁ etadavoca: "taṁ vāyāpitaṁ-1. Cīcaranti?" "Āmayya vāyāpitaṁ taṁ cīcaranti". "Āhara ayyaṁ upanandaṁ cīvarena acchādessāmī"ti. Atha kho sā itthī taṁ cīvaraṁ nīharitvā sāmikassa datvā etamatthaṁ ārocesi. Atha kho so puriso āyasmato upanandassa sakyaputtassa cīvaraṁ datvā ujjhāyati khīyati vipāceti: "mahicchā ime samaṇā sakyaputtiyā asantuṭṭhā, nayime sukarā cīvarena acchādetuṁ. Kathaṁ hi nāma ayyo upanando mayā pubbe appavārito tantavāye upasaṅkamitvā cīvare vikappaṁ āpajjissatī"ti.

5. Assosuṁ kho bhikkhū tassa purisassa ujjhāyantassa khīyantassa vipācentassa ye te bhikkhū appicchā te ujjhāyanti khīyanti vipācenti: "kathaṁ hi nāma āyasmā upanando sakyaputto pubbe appavārito gahapatikassa tantavāye upasaṅkamitvā cīvare vikappaṁ āpajjissatī"ti. Atha kho te bhikkhū bhagavato etamatthaṁ ārocesuṁ. "Saccaṁ kira tvaṁ upananda pubbe appavārito gahapatikassa tantavāye upasaṅkamitvā cīvare vikappaṁ āpajji"ti? "Saccaṁ bhagavā. " "Ñātako te upananda aññātako"ti? "Aññātako bhagavā"ti. "Aññātako moghapurisa aññātakassa na jānāti patirūpaṁ vā appatirūpaṁ vā santaṁ vā asantaṁ vā. Tattha nāma tvaṁ moghapurisa pubbe appavārito aññātakassa gahapatikassa [page 259] tantavāye upasaṅkamitvā cīvare vikippaṁ āpajjissasi. Netaṁ moghapurisa appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha:

"Bhikkhuṁ paneva uddissa aññātako gahapati vā gahapatānī vā tantavāyehi cīvaraṁ vāyāpeyya, tatra ce so bhikkhu pubbe appavārito tantavāye upasaṅkamitvā cīvare vikappaṁ āpajjeyya: 'idaṁ kho āvuso cīvaraṁ maṁ uddissa viyyati, āyatañca karotha citthatañca appitañca suvītañca suppavāyitañca suvilekhitañca suvitacchitañca karotha, appevanāma mayampi āyasmantānaṁ kiñcimattaṁ anupadajjeyyāmā'ti, evañca so bhikkhu vatvā kiñcimattaṁ anupadajjeyya antamaso piṇḍapātamattampi, nissaggiyaṁ pācittiyanti."
1. Cītaṁ. Katthaci.

[BJT Page 626]

6. Bhikkhuṁ paneva uddissāti bhikkhussatthāya bhikkhuṁ ārammaṇaṁ karitvā bhikkhuṁ acchādetukāmo.

Aññātako nāma: mātito vā pitito vā yāva sattamā pitāmahayugā asambaddho.
Gahapati nāma: yo koci agāraṁ ajjhāvasati.

Gahapatānī nāma: yā kāci agāraṁ ajjhāvasati.

Tattavāyehīti pesakārehi.

Cīvaraṁ nāma: channaṁ cīvarānaṁ aññataraṁ cīvaraṁ vikappanūpagapacchimaṁ.

Vāyāpeyyāti vināpeti.

Tatra ce so bhikkhūti yaṁ bhikkhuṁ uddissa cīvaraṁ viyyati so bhikkhu.

Pubbe appavāritoti pubbe avutto hoti. "Kīdisena te bhante cīvarena attho, kīdisaṁ te cīvaraṁ vāyāpemī"ti.

Tantavāye upasaṅkamitvāti gharaṁ gantvā yattha katthaci upasaṅkamitvā

Cīvare vikappaṁ āpajjeyyāti "idaṁ kho āvuso cīvaraṁ maṁ uddissa viyyati. Āyatañca karotha, vitthatañca appitañca sucītañca suppavāyitañca suvilekhitañca sucitacchitañca karotha."

Appevanāma mayampi āyasmantānaṁ kiñcimattaṁ anupadajjeyyāmāti evañca so bhikkhu vatvā kiñcimattaṁ anupadajjeyya antamaso piṇḍapātamattampīti. Piṇḍapāto nāma: yāgupi bhattampi khādanīyampi [page 260] cuṇṇapiṇḍopi dantakaṭṭhampi dasikasuttampi antamaso dhammampi bhaṇati.

7. Tassa vacanena āyataṁ vā vitthataṁ vā appitaṁ vā karoti, payoge dukkaṭaṁ. Paṭilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante cīvaraṁ pubbe appavārito aññātakassa gahapatikassa tantavāye upasaṅkamitvā cīvare vikappaṁ āpannaṁ nissaggiyaṁ. Imāhaṁ saṅghassa nissajāmī"ti. -Pedadeyyāti -pe- dadeyyunti -pe- āyasmato dammi"ti.

[BJT Page 628]

8. Aññātake aññātakasaññī pubbe appavārito gahapatikassa tantavāye upasaṅkamitvā cīvare vikappaṁ āpajjati, nissaggiyaṁ pācittiyaṁ. Aññātake vematiko -pe- aññātake ñātakasaññī pubbe appavārito gahapatikassa tantavāye upasaṅkamitvā cīvare vikappaṁ āpajjati, nissaggiyaṁ pācittiyaṁ.

9. Ñātake aññātakasaññī, āpatti dukkaṭassa. Ñātake vematiko āpatti dukkaṭassa. Ñātake ñātakasaññi, anāpatti.

10. Anāpatti ñātakānaṁ, pavāritānaṁ, aññassatthāya, attano dhanena mahagghaṁ vāyāpetukāmassa appagghaṁ vāyāpeti, ummattakassa, ādikammikassāti.

Mahāpesakārasikkhāpadaṁ niṭṭhitaṁ.

5. 3. 8.
Accekacīvarasikkhāpadaṁ.

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena aññataro mahāmatto pavāsaṁ gacchanto bhikkhūnaṁ santike dūtaṁ pāhesi: "āgacchantu bhadantā, vassāvāsikaṁ dassāmī"ti. Bhikkhū vassaṁ vutthānaṁ bhagavatā vassāvāsikaṁ anuññāta"nti kukkuccāyantā nāgamaṁsu. Atha kho so mahāmatto ujjhāyati khīyati vipāceti: "kathaṁ hi nāma bhadantā mayā dūte pahite nāgacchissanti" "ahaṁ hi senāya gacchāmi, dujjānaṁ jīvitaṁ, dujjānaṁ maraṇa"nti. Assosuṁ kho bhikkhū tassa mahāmattassa ujjhāyantassa khīyantassa vipācentassa. Atha kho te bhikkhū bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave accekacīvaraṁ paṭiggahetvā nikkhipitu"nti.

2. Tena kho pana samayena bhikkhū "bhagavato anuññātaṁ accekacīvaraṁ paṭiggahetvā nikkhipitunti. " [page 261] accekacīvarāni paṭiggahetvā cīvarakālasamayaṁ atikkāmenti. Tāni cīvarāni cīvaravaṁse bhaṇḍikābaddhāni tiṭṭhanti. Addasā-1 kho āyasmā ānando senāsanacārikaṁ āhiṇḍanto tāni cīvarāni cīvaravaṁse bhaṇḍikābaddhāni tiṭṭhante, disvā bhikkhū etadavoca: "kassimāni āvuso cīvarāni cīvaravaṁse bhaṇḍikābaddhāni tiṭṭhantī"ti? "Amhākaṁ āvuso accekacīvarānī'ti. "Kīva ciraṁ panāvuso imāni cīvarāni nikkhittānī"ti. Atha kho te bhikkhū āyasmato ānandassa yathānikkhittaṁ ārocesuṁ. Āyasmā ānando ujjhāyati khīyati vipāceti: "kathaṁ hi nāma bhikkhū accekacīvaraṁ paṭiggahetvā cīvarakālasamayaṁ atikkāmessantī"ti. Atha kho āyasmā ānando bhagavato etamatthaṁ ārocesi.

1. Addasa. Machasaṁ

[BJT Page 630]

3. Saccaṁ kira bhikkhave bhikkhū accekacīvaraṁ paṭiggahetvā cīvarakālasamayaṁ atikkāmentī"ti. ? "Saccaṁ bhagavā. " Vigarahi buddho bhagavā: "kathaṁ hi nāma te bhikkhave moghapurisā accekacīvaraṁ paṭiggahetvā cīvarakālasamayaṁ atikkāmessanti". Netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

"Dasāhānāgataṁ kattikatemāsikapuṇṇamaṁ bhikkhuno paneva accekacīvaraṁ uppajjeyya, accekaṁ maññamānena bhikkhunā paṭiggahetabbaṁ, paṭiggahetvā yāva cīvarakālasamayaṁ nikkhipitabbaṁ. Tato ce uttariṁ nikkhipeyya. Nissaggiyaṁ pācittiyanti."

4. Dasāhānāgatanti dasāhānāgatāya pāvāraṇāya.

Kattikatemāsikapuṇṇamanti pavāraṇā kattikā vuccati.

Accekacīvaraṁ nāma: senāya vā gantukāmo hoti, pavāsaṁ vā gantukāmo hoti, gilāno vā hoti. Gabbhinī vā hoti, assaddhassa vā saddhā uppannā hoti, appasannassa vā pasādo uppanno hoti. So ce bhikkhūnaṁ santike dūtaṁ pahiṇeyya: "āgacchantu bhadantā, vassāvāsikaṁ dassāmīti" etaṁ accekacīvaraṁ nāma.
Accekaṁ maññamānena bhikkhunā paṭiggahetabbaṁ, paṭiggahetvā yāva cīvarakālasamayaṁ nikkhipitabbanti saññānaṁ katvā nikkhipitabbaṁ, accekacīvaranti.

Cīvarakālasamayo nāma: anatthate kaṭhine vassānassa pacchimo māso, anatthate kaṭhine pañcamāsā.

[page 262] tato ce uttariṁ nikkhipeyyāti anatthate kaṭhine vassānassa pacchimaṁ divasaṁ atikkāmeti, nissaggiyaṁ-1 pācittiyaṁ. Atthate kaṭhine kaṭhinuddhāradivasaṁ atikkāmeti, nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitibbaṁ: "idaṁ me bhante accekacīvaraṁ cīvarakālasamayaṁ atikkāmitaṁ nissaggiyaṁ. Imāhaṁ saṅghassa nissajāmī"ti. -Pe- dadeyyāti -pe- dadeyyunti -peāyasmato dammī"ti.

5. Accekacīvare accekacīvarasaññī cīvarakālasamayaṁ atikkāmeti, nissaggiyaṁ pācittiyaṁ. Accekacīvare vematiko cīvarakālasamayaṁ atikkāmeti, nissaggiyaṁ pācittiyaṁ. Accekacīvare anaccekacīvarasaññī cīvarakālasamayaṁ atikkāmeti, nissaggiyaṁ pācittiyaṁ. Anadhiṭṭhite adhiṭṭhitasaññī -pe- avikappite vikappitasaññī, avissajjite vissajjitasaññī, anaṭṭhe naṭṭhasaññī, avinaṭṭhe vinaṭṭhasaññī, adaḍḍhe daḍḍhasaññī, avilutte viluttasaññī, cīvarakālasamayaṁ atikkāmeti, nissaggiyaṁ pācittiyaṁ.

1. Nissaggiyaṁ hoti. Syā.

[BJT Page 632]

6. Nissaggiyaṁ cīvaraṁ anissajitvā paribhuñjati, āpatti dukkaṭassa. Anaccekacīvare accekacīvarasaññī, āpatti dukkaṭassa. Anaccekacīvare vematiko, āpatti dukkaṭassa. Anaccekacīvare anaccekacīvarasaññī, anāpatti.

7. Anāpatti antosamayaṁ-1. Adhiṭṭheti vikappeti vissajjeti nassati vinassati ḍayhati, acchinditvā gaṇhanti, vissāsaṁ gaṇhanti, ummattakassa, ādikammikassāti.

Accekacīvarasikkhāpadaṁ niṭṭhitaṁ.

5. 3. 9.

Sāsaṅkasikkhāpadaṁ

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena bhikkhū vutthavassā-2 āraññakesu senāsanesu viharanti. Kattikacorakā "bhikkhū laddhalābhāti" paripātenti. Bhagavato etamatthaṁ ārocesuṁ. Atha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi: "anujānāmi bhikkhave āraññakesu senāsanesu viharantena tiṇṇaṁ cīvarānaṁ aññataraṁ cīvaraṁ antaraghare nikkhipitu"nti.

2. Tena kho pana samayena bhikkhū bhagavatā anuññātaṁ āraññakesu senāsanesu viharantena tiṇṇaṁ cīvarānaṁ [page 263] aññataraṁ cīvaraṁ antaraghare nikkhipitunti" te tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasanti. Tāni cīvarāni nassantipi ḍayhantipi vinassantipi undūrehipi khajjanti. Bhikkhū duccolā honti lūkhacīvarā. Bhikkhū evamāhaṁsu: "kissa tumhe āvuso duccolā lūkhacīvarā"ti. Atha kho te bhikkhū bhikkhūnaṁ etamatthaṁ ārocesuṁ. Ye te bhikkhū appicchā te ujjhāyanti khīyanti vipācenti: "kathaṁ hi nāma bhikkhū tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasissantī"ti.

3. Atha kho te bhikkhū bhagavato etamatthaṁ ārocesuṁ. "Saccaṁ kira bhikkhave bhikkhū tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasantī"ti? "Saccaṁ bhagavā" vigarahi buddho bhagavā: "kathaṁ hi nāma te bhikkhave moghapurisā tiṇṇaṁ cīvarānaṁ aññataraṁ cīvaraṁ antaraghare nikkhipitvā atirekachārattaṁ vippavasissanti. Netaṁ bhikkhave appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha: "

1. Antosamaye. Ma. Cha. Sa. 2. Vuṭṭhavassā machasaṁ.

[BJT Page 634]

"Upavassaṁ kho pana kattikapuṇṇamaṁ yāni kho pana tāni āraññakāni senāsanāni sāsaṅkasammatāni sappaṭibhayāni, tathārūpesu bhikkhu senāsanesu viharanto ākaṅkhamāno tiṇṇaṁ cīvarānaṁ aññataraṁ cīvaraṁ antaraghare nikkhipeyya. Siyā ca tassa bhikkhuno kocideva paccayo tena cīvarena vippavāsāya, chārattaparamaṁ tena bhikkhunā tena cīvarena vippavasitabbaṁ. Tato ce uttariṁ vippavaseyya aññatra bhikkhusammutiyā, nissaggiyaṁ pācittiyanti."

4. Upavassaṁ kho panāti vutthavassānaṁ

Kattikapuṇṇamanti kattikacātumāsinī vuccati.

Yāni kho pana tāni araññakāni senāsanānīti āraññakaṁ nāma senāsanaṁ pañcadhanusatikaṁ pacchimaṁ.

Sāsaṅkaṁ nāma: ārāme ārāmūpacāre corānaṁ niviṭṭhokāso dissati. Bhuttokāso dissati. Ṭhitokāso dissati. Nisinnokāso dissati. Nipannokāso dissati.

Sappaṭibhayaṁ nāma: ārāme ārāmūpacāre corehi manussā hatā dissanti. Viluttā dissanti. Ākoṭitā dissanti.

Tathārūpesu bhikkhu senāsanesu viharantoti evarūpesu bhikkhū senāsanesu viharanto.
[page 264] ākaṅkhamānoti icchamāno.

Tiṇṇaṁ cīvarānaṁ aññataraṁ cīvaranti saṅghāṭiṁ vā uttarāsaṅghaṁ vā antaravāsakaṁ vā.
Antaraghare nikkhīpeyyāti samantā gocaragāme nikkhipeyya

Siyā ca tassa bhikkhuno kocideva paccayo tena cīvarena vippavāsāyāti siyā paccayo siyā karaṇīyaṁ.

Chārattaparamaṁ tena bhikkhunā tena cīvarena vippavasitabbanti chārāttaparamatā vippavasitabbaṁ.

Aññatra bhikkhusammutiyāti ṭhapetvā bhikkhusammutiṁ.

Tato ce uttariṁ vippavaseyyāti sattame aruṇuggamane nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante cīvaraṁ atirekachārattaṁ vippavutthaṁ aññatra bhikkhusammutiyā nissaggīyaṁ. Imāhaṁ saṅghassa nissajāmī"ti - dadeyyāti - dadeyyunti - āyasmato dammī"ti.

[BJT Page 636]

5. Atirekachāratte atirekasaññī vippavasati aññatra bhikkhusammutiyā, nissaggīyaṁ pācittiyaṁ. Atirekachāratte vematiko vippavasati aññatra bhikkhusammutiyā, nissaggiyaṁ pācittiyaṁ. Atirekachāratte ūnakasaññī vippavasati aññatra bhikkhusammutiyā, nissaggiyaṁ pācittiyaṁ. Apaccuddhaṭe paccuddhaṭasaññi -pe- avissajjite vissajjitasaññi, anaṭṭhe naṭṭhasaññī, avinaṭṭhe vinaṭṭhasaññi, adaḍḍhe daḍḍhasaññī, avilutte viluttasaññī vippavasati aññatra bhikkhusammutiyā, nissaggiyaṁ pācittiyaṁ.

6. Nissaggiyaṁ cīvaraṁ anissajitvā paribhuñjati, āpatti dukkaṭassa. Ūnakachāratte atirekasaññī, āpatti dukkaṭassa. Ūnakachāratte vematiko, āpatti dukkaṭassa. Ūnakachāratte ūnakasaññī, anāpatti.

7. Anāpatti chārattaṁ vippavasati, ūnakachārattaṁ vippavasati, chārattaṁ vippavasitvā puna gāmasīmaṁ okkamitvā vasitvā pakkamati, antochārattaṁ paccuddharati, vissajjeti nassati vinassati ḍayhati, acchinditvā gaṇhanti, vissāsaṁ gaṇhanti, bhikkhusammutiyā, ummattakassa, ādikammikassāti.

Sāsaṅkasikkhāpadaṁ [page 265] niṭṭhitaṁ.

5. 3. 10.
Pariṇatasikkhāpadaṁ.

1. Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena sāvatthiyaṁ aññatarassa pūgassa saṅghassa sacīvarabhattaṁ paṭiyattaṁ hoti: "bhojetvā cīvarena acchādessāmā"ti. Atha kho chabbaggiyā bhikkhū yena so pūgo tenupasaṅkamiṁsu, upasaṅkamitvā taṁ pūgaṁ etadavocuṁ: "dethāvuso amhākaṁ imāni cīvarānī"ti. "Na mayaṁ bhante dassāma amhākaṁ saṅghassa anuvassaṁ sacīvarabhikkhā paññattā"ti, "bahū āvuso saṅghassa dāyakā, bahū saṅghassa bhaddā-1. Mayaṁ tumhe nissāya tumhe sampassantā idha viharāma. Tumhe ce amhākaṁ na dassatha atha ko carahi amhākaṁ dassati? "Dethāvuso amhākaṁ imāni cīvarānī"ti. Atha kho so pūgo chabbaggiyehi bhikkhūhi nippiḷiyamāno yathāpaṭiyattaṁ cīvaraṁ chabbaggiyānaṁ bhikkhūnaṁ datvā saṅghaṁ bhattena parivisi. Ye te bhikkhū jānanti saṅghassa sacīvarabhattaṁ paṭiyattaṁ, na ca jānanti. Chabbaggiyānaṁ bhikkhūnaṁ dinnanti, te evamāhaṁsu:

[BJT Page 638]
2. "Onojethāvuso saṅghassa cīvara"nti. "Natthi bhante yathāpaṭiyattaṁ cīvaraṁ ayyā chabbaggiyā attano pariṇāmesu"nti. Ye te bhikkhū appicchā te ujjhāyanti khīyanti vipācenti: "kathaṁ hi nāma chabbaggiyā bhikkhū jānaṁ saṅghikaṁ lābhaṁ pariṇataṁ attano pariṇāmessantī"ti. Atha kho te bhikkhū bhagavato etamatthaṁ ārocesuṁ. "Saccaṁ kira tumhe bhikkhave jānaṁ saṅghikaṁ lābhaṁ pariṇataṁ attano pariṇāmethā"ti? "Saccaṁ bhagavā" vigarahi buddho bhagavā: "kathaṁ hi nāma tumhe moghapurisā jānaṁ saṅghikaṁ lābhaṁ pariṇataṁ attano pariṇāmessatha. Netaṁ moghapurisā appasannānaṁ vā pasādāya -pe- evañca pana bhikkhave imaṁ sikkhāpadaṁ uddiseyyātha."

"Yo pana bhikkhu jānaṁ saṅghikaṁ lābhaṁ pariṇataṁ attano pariṇāmeyya, nissaggiyaṁ pācittiyanti.

3. Yo panāti yo sādiso -pe-

Bhikkhūti -pe- ayaṁ imasmiṁ atthe adhippeto bhikkhūti.

Jānanti nāma: sāmaṁ vā jānāti aññe vā tassa ārocenti, so vā āroceti.

[page 266] saṅghikaṁ nāma: saṅghassa dinnaṁ hoti pariccattaṁ.

Lābho nāma: cīvarapiṇḍapātasenāsanagilānapaccayabhesajjaparikkhārā, antamaso vuṇṇapiṇḍopi dantakaṭṭhampi dasikasuttampi.

Pariṇataṁ nāma: dassāma karissāmāti vācā bhinnā hoti.

4. Attano pariṇāmeti. Payoge dukkaṭaṁ, parilābhena nissaggiyaṁ hoti. Nissajitabbaṁ saṅghassa vā gaṇassa vā puggalassa vā. Evañca pana bhikkhave nissajitabbaṁ: "idaṁ me bhante jānaṁ saṅghikaṁ lābhaṁ pariṇataṁ attano pariṇāmitaṁ nissaggiyaṁ, imāhaṁ saṅghassa nissajāmī"ti. -Pe- dadeyyāti -pe- dadeyyunti, -pe- āyasmato dammī"ti.

5. Pariṇate pariṇatasaññī attano pariṇāmeti, nissaggiyaṁ pācittiyaṁ. Pariṇate vematiko attano pariṇāmeti, āpatti dukkaṭassa. Pariṇate apariṇatasaññī attano pariṇāmeti, āpatti dukkaṭassa. Saṅghassa pariṇataṁ aññasaṅghassa vā cetiyassa vā pariṇāmeti, āpatti dukkaṭassa. Cetiyassa pariṇataṁ aññacetiyassa vā saṅghassa vā gaṇassa vā puggalassa vā pariṇāmeti, āpatti dukkaṭassa. Puggalassa pariṇataṁ aññassa puggalassa vā saṅghassa vā gaṇassa vā cetiyassa vā pariṇāmeti, āpatti dukkaṭassa. Apariṇate pariṇatasaññī, āpatti dukkaṭassa. Apariṇate vematiko, āpatti dukkaṭassa. Apariṇate apariṇatasaññi anāpatti.

[BJT Page 640]

6. Anāpatti kattha demāti pucchiyamāno yattha tumhākaṁ deyyadhammo paribhogaṁ vā labheyya paṭisaṅkhāraṁ vā labheyya ciraṭṭhitiko vā assa, yattha vā pana tumhākaṁ cittaṁ pasīdati tattha dethāti bhaṇati, ummattakassa, ādikammikassāti.

Pariṇatasikkhāpadaṁ niṭṭhitaṁ

Pattavaggo tatiyo.
Tassuddānaṁ:

Dve ca pattāni bhesajjaṁ vassikādānapañcamaṁ,
Sāmaṁ vāyāpanacceko sāsaṅkaṁ saṅghikena cāti.

Uddiṭṭhā kho āyasmanto tiṁsanissaggiyā pācittiyā dhammā. Tatthāyasmante pucchāmi: kaccittha parisuddhā? Dutiyampi pucchāmi: kaccittha parisuddhā? Tatiyampi pucchāmi: kaccittha parisuddhā? Parisuddhetthāyasmanto tasmā tuṇahī. Evametaṁ dhārayāmīti.

(Atirekekarattañca akālaporāṇadhovanaṁ,
Paṭiggahañca tañceva viññatti ca tatuttari,
Dve appavāritā ceva tikkhattuṁ codanāya cāti.

Missakaṁ suddhakañceva tulañca anuvassakaṁ,
Purāṇasanthatañceva lomānaṁ haraṇena ca,
Dhovanaṁ rupiyañceva dve ca nānappakārakāti.

Atirekañca pattañca ūnena bandhanena ca,
Bhesajjaṁ sāṭakañceva kupitena acchindanaṁ,

Dve tantavāyā ceva accekacīvarena ca,
Chārattaṁ vippavāsena attano pariṇāmanāti. )
Tiṁsakaṁ niṭṭhitaṁ,
Pārājikapāḷi niṭṭhitā.

Imā atirekagāthāyo sīhala potthakesu yeva dissante.

Vinaya-Piṭaka, Vol. 3: Suttavibhaṅga, Part I.

Vinaya-Piṭaka,
Vol. 3: Suttavibhaṅga, Part I.