Aṅguttara-Nikāya
II. Duka Nipāta
IV. Sama-Cittā Vagga

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

 

Sutta 31

[31.1][pts][than][olds] [61] "Asappurisabhūmiñ ca vo bhikkhave desissāmi sappurisabhūmiñ ca.|| ||

Taṁ suṇātha sādhukaṁ manasi-karotha bhāsissāmī" ti.|| ||

"Evaṁ bhante" ti||
kho te bhikkhū Bhagavato paccassosuṁ.|| ||

Bhagavā etad avoca:|| ||

"Katamā ca, bhikkhave,||
a-sappurisa-bhūmi?|| ||

Asappuriso, bhikkhave,||
akataññū hoti akatavedī.|| ||

Asabbhi h'etaṁ, bhikkhave,||
upaññātaṁ||
yad idaṁ akataññutā akata-veditā.|| ||

Kevalā esā, bhikkhave,||
a-sappurisa-bhūmi||
yad idaṁ akataññutā akata-veditā.|| ||

Katamā ca, bhikkhave,||
sappurisa-bhūmi?|| ||

Sappuriso ca kho, bhikkhave,||
kataññū hoti katavedī.|| ||

Sabbhi h'etaṁ, bhikkhave,||
upaññātaṁ||
yad idaṁ kataññutā kata-veditā.|| ||

Kevalā esā, bhikkhave,
sappurisa-bhūmi||
yad idaṁ kataññutā kata-veditā" ti.|| ||

 

---

 

Sutta 32

[32.1][pts][than][olds] "Dvinn-ā-haṁ bhikkhave na suppatikāraṁ vadāmi.|| ||

Katamesaṁ dvinnaṁ?|| ||

Mātucca pitucca.|| ||

Ekena bhikkhave aṁsena mātaraṁ pari- [62] hareyya||
ekena aṁsena pitaraṁ parihareyya vassa-satāyuko vassa-sata-jīvī.|| ||

So ca tesaṁ ucchādana-parimaddana-nahāpana-sambāhanena,||
te pi tatth'eva mutta-karīsaṁ cajeyyuṁ,||
na tv'eva bhikkhave mātā-pitunnaṁ kataṁ vā hoti,||
patikataṁ vā.|| ||

Imissā ca bhikkhave mahā-paṭhaviyā pahūta-satta-ratanāya mātā-pitaro issar-ā-dhipacce rajje patiṭṭhāpeyya,||
na tv'eva bhikkhave mātā-pitunnaṁ kataṁ vā hoti,||
patikataṁ vā.|| ||

Taṁ kissa hetu?|| ||

Bahūkārā bhikkhave mātā-pitaro puttānaṁ āpādakā posakā,||
imassa lokassa dassetāro.|| ||

Yo ca kho bhikkhave mātā-pitaro assaddhe saddhā-sampadāya samādapeti niveseti patiṭṭhāpeti||
du-s-sīle sīla-sampadāya samādapeti niveseti patiṭṭhāpeti||
maccharī cāga-sampadāya samādapeti niveseti patiṭṭhāpeti||
duppaññe paññā-sampadāya samādapeti niveseti patiṭṭhāpeti||
ettāvatā kho bhikkhave mātā-pitunnanaṁ katañ ca hoti patikatañ ca atikatañ cā" ti.|| ||

 

---

 

Sutta 33

[33.1][pts][olds] Atha kho aññataro brāhmaṇo yena Bhagavā ten'upasaṅkami.|| ||

Upasaṅkamitvā Bhagavatā saddhiṁ sammodi.|| ||

Sammodanīyaṁ kathaṁ sārāṇīyaṁ vīti-sāretvā eka-m-antaṁ nisīdi.|| ||

Eka-m-antaṁ nisinno kho so brāhmaṇo Bhagavantaṁ etad avoca:|| ||

"Kiṁvādi bhavaṁ Gotamo kimakkhāyī" ti?|| ||

"Kiriyavādī c'āhaṁ brāhmaṇa||
akiriyavādī cā" ti.|| ||

"Yathā kathaṁ pana bhavaṁ Gotamo kiriyavādī ca akiriyavādī cā" ti?|| ||

"Akiriyaṁ kho ahaṁ brāhmaṇa vadāmi.|| ||

Kāya-du-c-caritassa||
vacī-du-c-caritassa||
mano-du-c-caritassa||
aneka-vihitānaṁ pāpakānaṁ akusalānaṁ dhammānaṁ akiriyaṁ vadāmi.|| ||

Kiriyañ ca kho ahaṁ brāhmaṇa vadāmi.|| ||

Kāya-su-caritassa||
vacī-su-caritassa||
mano-su-caritassa,||
aneka-vihitānaṁ kusalānaṁ dhammānaṁ kiriyaṁ vadāmi.|| ||

Evaṁ kho ahaṁ brāhmaṇa kiriyavādī ca akiriyavādī cā" ti.|| ||

"Abhikkantaṁ bho Gotama!|| ||

Abhikkantaṁ bho Gotama!|| ||

Seyyathā pi bho Gotama nikkujjitaṁ vā ukkujjeyya,||
paṭi-c-channaṁ vā vivareyya,||
mūḷhassa vā Maggaṁ ācikkheyya,||
andha-kāre vā tela-pajjotaṁ dhāreyya,||
'cakkhu-manto rūpāni dakkhinti' ti,||
evam'eva kho bhotā Gotamena aneka-pariyāyena dhammo pakāsito.|| ||

Es'āhaṁ Bhagavantaṁ Gotamaṁ saraṇaṁ gacchāmi||
Dhammañ ca||
Bhikkhu-Saṅghañ ca.|| ||

Upāsakaṁ maṁ bhavaṁ Gotamo dhāretu ajja-t-agge pāṇupetaṁ saraṇaṁ gatan" ti.|| ||

 

---

 

Sutta 34

[34.1][pts][olds] Atha kho Anāthapiṇḍiko gahapati yena Bhagavā ten' [63] upasaṅkami||
upasaṅkamitvā Bhagavantaṁ abhivādetvā eka-m-antaṁ nisīdi.|| ||

Eka-m-antaṁ nisinno kho Anāthapiṇḍiko gahapati Bhagavantaṁ etad avoca:|| ||

"Kati nu kho bhante loke dakkhiṇeyyā?|| ||

Kattha ca dānaṁ dātabban" ti?|| ||

"Dve kho gahapati loke dakkhiṇeyyā||
sekho ca||
asekho ca.|| ||

Ime kho gahapati dve loke dakkhiṇeyyā||
ettha ca dānaṁ dātabban" ti.|| ||

Idam avoca Bhagavā.|| ||

Idaṁ vatvā Sugato athāparaṁ etad avoca Satthā:|| ||

"Sekho asekho ca imasmiṁ loke
Āhuṇeyyā yajamānānaṁ honti,
Te ujjubhūtā kāyena vācāya uda cetasā
Khettaṁ taṁ yajamānānaṁ ettha dinnaṁ maha-p-phalan" ti.|| ||

 

---

 

Sutta 35

[35.1][pts][than][olds] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati||
Jetavane||
Anāthapiṇḍikassa ārāme.|| ||

Tena kho pana samayena āyasmā Sāriputto Sāvatthiyaṁ viharati||
Pubb-ārāme Migāra-mātu pāsāde.|| ||

Tatra kho āyasmā Sāriputto||
bhikkhū āmantesi:|| ||

"Āvuso bhikakhavo" ti.|| ||

"Āvuso" ti||
kho te bhikkhū āyasmato Sāriputtassa paccassosuṁ.|| ||

Āyasmā Sāriputto etad avoca:|| ||

"Ajjhatta saṁyojanañ ca, āvuso||
puggalaṁ desissāmi||
bahiddhā saṁyojanañ ca.

Taṁ suṇātha||
sādhukaṁ manasi-karotha||
bhāsissāmī" ti.|| ||

"Evam āvuso" ti||
kho te bhikkhū āyasmato Sāriputtassa paccassosuṁ.|| ||

Āyasmā Sāriputto etad avoca:|| ||

"Katamo c'āvuso||
ajjhatta-saṁyojano puggalo?|| ||

Idh'āvuso Bhikkhu||
sīlavā hoti||
Pātimokkha-saṁvara-saṁvuto viharati||
ācāra-gocara-sampanno||
aṇumattesu vajjesu||
bhaya-dassāvī samādāya||
sikkhati sikkhā-padesu.|| ||

So||
kāyassa bhedā param maraṇā aññataraṁ||
deva-nikāyaṁ uppajjati.|| ||

So tato cuto||
āgāmī hoti āgantā itthattaṁ.|| ||

Ayaṁ vuccati āvuso||
ajjhatta-saṁyojano puggalo||
āgāmī āgantā itthattaṁ.|| ||

 

■

 

[64] Katamo cāvuso bahiddhā-saṁyojano puggalo?|| ||

Idh'āvuso Bhikkhu||
sīlavā hoti||
Pātimokkha-saṁvara-saṁvuto viharati||
ācāra-gocara-sampanno||
aṇumattesu vajjesu||
bhaya-dassāvī samādāya||
sikkhati sikkhā-padesu.|| ||

So||
kāyassa bhedā param maraṇā aññataraṁ||
deva-nikāyaṁ uppajjati.|| ||

So aññataraṁ santaṁ ceto-vimuttiṁ upasampajja viharati.|| ||

So kāyassa bhedā param maraṇā aññataraṁ deva-nikāyaṁ uppajjati.|| ||

So tato cuto||
Anāgāmī hoti anāgantā itthattaṁ.|| ||

Ayaṁ vuccati āvuso||
bahiddhā-saṁyojano puggalo||
Anāgāmī anāgantā itthattaṁ.|| ||

 

■

 

Puna ca paraṁ āvuso Bhikkhu||
sīlavā hoti||
Pātimokkha-saṁvara-saṁvuto viharati||
ācāra-gocara-sampanno||
aṇumattesu vajjesu||
bhaya-dassāvī samādāya||
sikkhati sikkhā-padesu.|| ||

So kāmānaṁ yeva||
nibbidāya||
virāgāya||
nirodhāya||
paṭipanno hoti.|| ||

So bhavānaṁ yeva||
nibbidāya||
virāgāya||
nirodhāya||
paṭipanno hoti.|| ||

So taṇha-k-khayāya||
paṭipanno hoti.|| ||

So lobha-k-khayāya||
paṭipanno hoti.|| ||

So kāyassa bhedā param maraṇā aññataraṁ deva-nikāyaṁ uppajjati.|| ||

So tato cuto||
Anāgāmī hoti||
anāgantā itthattaṁ.|| ||

Ayaṁ vuccati āvuso||
bahiddhā-saṁyojano puggalo||
Anāgāmī anāgantā itthattaṁ" ti.|| ||

 

---

 

Sutta 35a

[35a.1] [pts][olds] Atha kho sambahulā Samacittā Devatā yena Bhagavā ten'upasaṅkamiṁsu.|| ||

Upasaṅkamitvā Bhagavantaṁ abhivādetvā eka-m-antaṁ aṭṭhaṁsu.|| ||

Eka-m-antaṁ ṭhitā kho||
tā devatā Bhagavantaṁ etad avocuṁ:|| ||

"Eso bhante||
āyasmā Sāriputto Pubbārāme Migāra-mātu pāsāde||
bhikkhūnaṁ ajjhatta-saṁyojanañ ca||
puggalaṁ deseti,||
bahiddhā-saṁyojanañ ca.|| ||

Haṭṭhā bhante parisā.|| ||

Sādhu bhante||
Bhagavā yen'āyasmā Sāriputto ten'upasaṅkamatu,||
anukampaṁ upādāyā" ti.|| ||

Adhivāsesi Bhagavā tuṇhī-bhāvena.|| ||

Atha kho Bhagavā||
seyyathā pi||
nāma balavā puriso||
sammiñjitaṁ vā bāhaṁ pasāreyya||
pasāritaṁ vā bāhaṁ sammiñjeyya||
evam eva Jetavane antarahito||
Pubbārāme Migāra-mātu pāsāde||
āyasmato Sāriputtassa pamukhe pāturabhosi.|| ||

Nisīdi Bhagavā paññatte āsane.|| ||

Āyasmā pi kho Sāriputto Bha- [65] gavantaṁ abhivādetvā eka-m-antaṁ nisīdi.|| ||

Eka-m-antaṁ nisinnaṁ kho āyasmantaṁ Sāriputtaṁ Bhagavā etad avoca:|| ||

"Idha Sāriputta sambahulā Samacittā Devatā yenāhaṁ ten'upasaṅkamiṁsu.|| ||

Upasaṅkamitvā maṁ abhivādetvā eka-m-antaṁ aṭṭhaṁsu.|| ||

Eka-m-antaṁ ṭhitā kho, Sāriputta,|| ||

tā devatā maṁ etad avocuṁ:|| ||

'Eso, bhante,||
āyasmā Sāriputto Pubbārāme Migāra-mātu pāsāde||
bhikkhūnaṁ ajjhatta saṁyojanañ ca||
puggalaṁ deseti,||
bahiddhā-saṁyojanañ ca.|| ||

Haṭṭhā bhante parisā.|| ||

Sādhu bhante,||
Bhagavā yen'āyasmā Sāriputto ten'upasaṅkamatu,||
anukampaṁ upādāyā' ti.|| ||

Tā kho pana Sāriputta devatā dasa pi hutvā||
vīsamtiṁ pi hutvā||
tiṁsatim pi hutvā||
cattārīsam pi hutvā||
paññāsam pi hutvā||
saṭṭhim pi hutvā||
āraggakoṭi-nittuddanamatte pi tiṭṭhanti,||
na ca añña-maññaṁ vyābādhentī.|| ||

Siyā kho pana te Sāriputta evam assa.|| ||

'Tattha nūna tāsaṁ devatānaṁ||
tathā cittaṁ bhāvitaṁ yena tā devatā||
dasa pi hutvā||
vīsatiṁ pi hutvā||
tiṁsatim pi hutvā||
cattārīsam pi hutvā||
paññāsam pi hutvā||
saṭṭhim pi hutvā||
āraggakoṭi-nittuddanamatte pi tiṭṭhantī||
na ca añña-maññaṁ vyābādhentī' ti.|| ||

Na kho pan'etaṁ Sāriputta evaṁ daṭṭhabbaṁ:|| ||

Idh'eva Sāriputta tāsaṁ devatānaṁ tathā cittaṁ bhāvitaṁ yena tā devatā||
dasa pi hutvā||
vīsatiṁ pi hutvā||
tiṁsatim pi hutvā||
cattārīsam pi hutvā||
paññāsam pi hutvā||
saṭṭhim pi hutvā||
āraggakoṭi-nittuddanamatte pi tiṭṭhantī||
na ca añña-maññaṁ vyābādhentī.|| ||

Tasmātiha Sāriputta evaṁ sikkhitabbaṁ:||
'Santindriyā bhavissāma santamānasā' ti.|| ||

Evaṁ hi vo Sāriputta sikkhitabbaṁ.|| ||

'Santindriyānaṁ hi vo,' Sāriputta,||
'santamānasānaṁ santaṁ yeva||
kāya-kammaṁ bhavissati||
santaṁ vacī-kammaṁ||
santaṁ mano-kammaṁ||
santaṁ yeva upahāraṁ upaharissāma sabrahma-cārīsū' ti||
evaṁ hi vo Sāriputta sikkhitabbaṁ.|| ||

Anassuṁ kho Sāriputta||
añña-titthiyā paribbājakā||
ye imaṁ dhamma-pariyāyaṁ na assosun" ti.|| ||

 

---

 

Sutta 36

[36.1][pts][than][olds] Evaṁ me sutaṁ:|| ||

Ekaṁ samayaṁ āyasmā Mahā Kaccāno Varaṇāyaṁ viharati||
Kaddamadahatīre.|| ||

[66] Atha kho Ārāmadaṇḍo brāhmaṇo yen'āyasmā||
Mahā Kaccyāno ten'upasaṅkami.|| ||

Upasaṅkamitvā āyasmatā Mahā Kaccānena saddhiṁ sammodi.|| ||

Sammodanīyaṁ kathaṁ sārāṇīyaṁ vīti-sāretvā||
eka-m-antaṁ nisīdi.|| ||

Eka-m-antaṁ nisinno kho||
Ārāmadaṇḍo brāhmaṇo āyasmantaṁ Mahā Kaccānaṁ||
etad avoca:|| ||

"Ko nu kho bho Kaccāna, hetu||
ko paccayo yena||
khattiyā pi khattiyehi vivadanti,||
brāhmaṇā pi brāhmaṇehi vivadanti,||
gahapatikā pi gahapatikehi vivadantī" ti?|| ||

"Kāma-rāga-vinivesa-vinibandha-paligedha-pariyuṭṭhānajjhosāna-hetu kho brāhmaṇa,||
khattiyā pi khattiyehi vivadanti,||
brāhmaṇā pi brāhmaṇehi vivadanti,||
gahapatikā pi gahapatikehi vivadantī" ti.|| ||

"Ko pana bho Kaccāna,||
hetu||
ko paccayo||
yena samaṇā pi samaṇehi vivadantī" ti?|| ||

"Diṭṭhi-rāga-vinivesa-vinibandha-paligedha-pariyuṭṭhāna-jjhosāna-hetu kho brāhmaṇa,||
samaṇā pi samaṇehi vivadantī" ti.|| ||

"Atthi pana, bho Kaccāna,||
koci lokasmiṁ yo imaṁ c'eva||
kāma-rāga-vinivesa-vinibandha-paligedha-puriyuṭṭāna-jjhosānaṁ samatikkanto?|| ||

Idañ ca||
diṭṭhi-rāga-vinivesa-vinibandha-paligedha-pariyuṭṭhāna-jjhosānaṁ samatikkanto" ti?|| ||

"Atthi, brāhmaṇa, lokasmiṁ yo imañ c'eva kāma-rāga-vinivesa-vinibandha-paligedha-pariyuṭṭhāna-jjhosānaṁ samatikkanto.

Idañ ca||
diṭṭhi-rāga-vinivesa-vinibandha-paligedha-pariyuṭṭhāna-jjhosānaṁ samatikkanto" ti.|| ||

"Ko pana so bho Kaccāna lokasmiṁ yo imaṁñ c'eva||
kāma-rāga-vinivesa-vinibandha-paligedha-pariyuṭṭhānajjhosānaṁ samatikkanto?

Idañ ca||
diṭṭhirāga-vinivesa-vinibandha-paligedha-pariyuṭṭhānajjhosānaṁ samatikkanto" ti?|| ||

"Atthi brāhmaṇa puratthimesu jana-padesu Sāvatthi nāma nagaraṁ.|| ||

Tattha so Bhagavā etarahi viharati arahaṁ Sammā Sambuddho.|| ||

So hi, brāhmaṇa, Bhagavā imañ ca||
kāma-rāga-vinivesa-vinibandha-paligedha-pariyuṭṭhānajjhosānaṁ [67] samatikkanto,||
idañ ca||
diṭṭhirāga-vinivesa-vinibandha-paligedha-pariyuṭṭhānajjhosānaṁ samatikkanto" ti.|| ||

Evaṁ vutte, Ārāmadaṇḍo brāhmaṇo||
uṭṭhāy āsanā||
ekaṁsaṁ uttarā-saṅgaṁ karitvā||
dakkhiṇaṁ-jāṇu-maṇḍalaṁ puthuviyaṁ nihantvā yena Bhagavā ten'añjaliṁ paṇāmetvā ti-k-khattuṁ udānaṁ udānesu:|| ||

"Namo tassa Bhagavato arahato Sammā Sambuddhassa!|| ||

Namo tassa Bhagavato arahato Sammā Sambuddhassa!|| ||

Namo tassa Bhagavato arahato Sammā Sambuddhassa!|| ||

Yo hi so Bhagavā imañ c'eva ||
kāma-rāga-vinivesa-vinibandha-paligedha-pariyuṭṭhānajjhosānaṁ samatikkanto,||
idañ ca||
diṭṭhirāga-vinivesa-vinibandha-paligedha-pariyuṭṭhānajjhosānaṁ samatikkanto.|| ||

"Abhikkantaṁ bho Kaccāna!|| ||

Abhikkantaṁ bho Kaccāna.|| ||

Seyyathā pi bho Kaccāna nikkujjitaṁ vā ukkujjeyya,||
paṭi-c-channaṁ vā vivareyya,||
mūḷhassa vā Maggaṁ ācikkheyya,||
andha-kāre vā tela-pajjotaṁ dhāreyya 'cakkhu-manto rūpāni dakkhintī' ti.|| ||

Evam'evaṁ bhotā Kaccānena aneka-pariyāyena dhammo pakāsito.|| ||

Es'āhaṁ bho Kaccāna taṁ Bhagavantaṁ Gotamaṁ saraṇaṁ gacchāmi||
Dhammañ ca||
Bhikkhu-Saṅghañ ca.|| ||

Upāsakaṁ maṁ bhavaṁ Kaccāno dhāretu ajja-t-agge pāṇupetaṁ saraṇaṁ gatan" ti.|| ||

 

---

 

Sutta 37

[37.1][pts][than][olds] Ekaṁ samayaṁ āyasmā Mahā Kaccāno||
Madhurāyaṁ viharati||
Gundāvane.|| ||

Atha kho Kaṇḍarāyaṇo brāhmaṇo||
yen'āyasmā Mahā Kaccāno ten'upasaṅkami.|| ||

Upasaṅkamitvā āyasmatā Mahā Kaccānena saddhiṁ sammodi,||
sammodanīyaṁ kathaṁ sārāṇīyaṁ vīti-sāretvā||
eka-m-antaṁ nisīdi.|| ||

Eka-m-antaṁ nisinno kho||
Kaṇḍarāyaṇo brāhmaṇo āyasmantaṁ Mahā Kaccānaṁ||
etad avoca:|| ||

"Sutaṁ me taṁ bho Kaccāna:|| ||

'Na samaṇo Kaccāno brāhmaṇe||
jiṇṇe,||
vuddhe,||
mahallake,||
addhagate,||
vayo-anuppatte,||
abhivādeti vā,||
paccuṭṭheti vā,||
āsanena vā,||
nimantetī' ti.|| ||

Yadidaṁ bho Kaccāna, tath'eva,||
na hi bhavaṁ Kaccāno brāhmaṇe||
jiṇṇe,||
vuddhe,||
mahallake,||
addhagate,||
vayo-anuppatte,||
abhivādeti vā,||
paccuṭṭheti vā,||
āsanena vā,||
nimantetī||
tayidaṁ bho Kaccāna na sampannam evā" ti.|| ||

"Atthi brāhmaṇa,||
tena Bhagavatā||
jānatā||
passatā||
Arahatā||
[68] Sammā-SamBuddhena||
vuddha-bhūmi ca akkhātā,||
dahara-bhūmi ca.|| ||

Vuddho ce pi brāhmaṇa hoti||
āsītiko vā||
nāvutiko vā||
vassasatiko vā jātiyā,||
so ca kāme paribhuñjati,||
kāma-majjhevasati,||
kāma-pariḷāhena pariḍayhati,||
kāma-vitakkehi khajjati,||
kāma-pariyesanāya ussukko||
atha kho so bālo thero tv'eva saṅkhaṁ gacchati.|| ||

Daharo ce pi brāhmaṇa,||
hoti yuvā susukālakeso bhaddena yobbanena samannāgato paṭhamena vayasā||
so ca na kāme paribhuñjati,||
na kāmamajjhe vasati,||
na kāma-pariḷāhena pariḍayhati,||
na kāma-vitakkehi khajjati,||
na kāma-pariyesanāya ussukko||
atha kho so paṇḍito thero tv'eva saṅkhaṁ gacchatī" ti.|| ||

Evaṁ vutte Kaṇḍarāyaṇo brāhmaṇo||
uṭṭhāy||
āsanā||
ekaṁsaṁ||
uttarā-saṅgaṁ karitvā||
daharānaṁ sudaṁ bhikkhūnaṁ pāde sirasā vandati:|| ||

"Vuḍḍhā bhavanto vuddhabhūmiyaṁ ṭhitā,||
daharā mayaṁ daharabhūmiyaṁ ṭhitā" ti.|| ||

"Abhikkantaṁ bho Kaccāna!|| ||

Abhikkantaṁ bho Kaccāna.|| ||

Seyyathā pi bho Kaccāna nikkujjitaṁ vā ukkujjeyya,||
paṭi-c-channaṁ vā vivareyya,||
mūḷhassa vā Maggaṁ ācikkheyya,||
andha-kāre vā tela-pajjotaṁ dhāreyya 'cakkhu-manto rūpāni dakkhintī' ti.|| ||

Evam'evaṁ bhotā Kaccānena aneka-pariyāyena dhammo pakāsito.|| ||

Es'āhaṁ bho Kaccāna taṁ Bhagavantaṁ Gotamaṁ saraṇaṁ gacchāmi||
Dhammañ ca||
Bhikkhu-Saṅghañ ca.|| ||

Upāsakaṁ maṁ bhavaṁ Kaccāno dhāretu ajja-t-agge pāṇupetaṁ saraṇaṁ gatan" ti.|| ||

 

---

 

Sutta 38

[38.1][pts][olds] "Yasmiṁ bhikkhave samaye corā balavanto honti,||
rājāno tasmiṁ samaye dubbalā honti:|| ||

Tasmiṁ bhikkhave samaye||
rañño na phāsu hoti||
atiyātuṁ vā||
nīyātuṁ vā||
paccantime vā||
jana-pade anusaññātuṁ.|| ||

Brāhmaṇa-gahapatikānam pi||
tasmiṁ samaye na phāsu hoti||
atiyātuṁ vā||
nīyātuṁ vā||
bāhirāni vā||
kammantāni paṭivekkhituṁ.|| ||

Evam eva kho bhikkhave||
yasmiṁ samaye pāpabhikkhū balavanto honti,||
pesalā bhikkhū tasmiṁ samaye dubbalā honti.|| ||

Tasmiṁ bhikkhave samaye||
pesalā bhikkhū||
tuṇhī-bhūtā tuṇhī-bhūtā va||
Saṅgha-majjhe saṅkasāyantī paccantime vā||
jana-pade bhajanti.|| ||

Ta-y-idaṁ, bhikkhave, hoti||
bahu-janāhitāya||
bahu-janāsukhāya||
bahuno janassa anatthāya ahitāya||
dukkhāya deva-manussānaṁ.|| ||

[69] Yasmiṁ bhikkhave samaye||
rājāno balavanto honti,||
corā tasmiṁ samaye dubbalā honti.|| ||

Tasmiṁ bhikkhave samaye rañño phāsu hoti atiyātuṁ vā||
nīyyātuṁ vā||
paccantime vā||
jana-pade anusaññātuṁ.|| ||

Brāhmaṇa-gahapatikānam pi||
tasmiṁ samaye phāsu hoti||
atiyātuṁ vā||
nīyyātuṁ vā||
bāhirāni vā||
kammantāni paṭivekkhituṁ.|| ||

Evam eva kho bhikkhave||
yasmiṁ samaye pesalā bhikkhū balavanto honti,||
tasmiṁ samaye pāpabhikkhū dubbalā honti.|| ||

Tasmiṁ bhikkhave samaye pāpabhikkhū tuṇhī-bhūtā tuṇhī-bhūtā va Saṅgha-majjhe saṅkasāyanti,||
yena vā pana tena papatanti.|| ||

Ta-y-idaṁ, bhikkhave, hoti||
bahu-jana-hitāya||
bahu-jana-sukhāya||
bahuno janassa atthāya hitāya||
sukhāya deva-manussānan" ti.|| ||

 

---

 

Sutta 39

[39.1][pts][olds] "Dvinnāhaṁ, bhikkhave, micchā-paṭipattiṁ na vaṇṇemi,||
gihissa vā||
pabba-jitassa vā.|| ||

Gihī vā, bhikkhave,||
pabba-jito vā||
micchā-paṭipanno||
micchā-paṭipattādhikaraṇa-hetu||
nārādhako hoti ñāyaṁ||
dhammaṁ kusalaṁ.|| ||

Dvinnāhaṁ, bhikkhave,||
sammā-paṭipattiṁ vaṇṇemi,||
gihissa vā||
pabba-jitassa vā.|| ||

Gihī vā, bhikkhave,||
pabba-jito vā||
sammā-paṭipanno sammā-paṭipattādhiraṇa-hetu||
ārādhako hoti ñāyaṁ||
dhammaṁ kusalan" ti.|| ||

 

---

 

Sutta 40

[40.1][pts][olds] Ye te bhikkhave bhikkhū duggahitehi suttantehi vyañjana-paṭirūpakehi atthañ ca Dhammañ ca paṭibāhanti,||
te bhikkhave bhikkhū bahu-jan'āhitāya paṭipannā bahu-janā-sukhāya bahuno janassa anatthāya ahitāya dukkhāya deva-manussānaṁ.|| ||

Bahuñ ca te bhikkhave bhikkhū apuññaṁ pasavanti te c'imaṁ Sad'Dhammaṁ antaradhāpenti.|| ||

Ye te bhikkhave bhikkhū suggahitehi suttantehi vyañjanapaṭirūpakehi atthañ ca Dhammañ ca anulomenti,||
te bhikkhave bhikkhū bahu-jana-hitāya paṭipannā bahu-jana-sukhāya bahuno janassa atthāya hitāya sukhāya deva-manussānaṁ.|| ||

Bahuñ ca te bhikkhave bhikkhū puññaṁ pasavanti c'imaṁ Sad'Dhammaṁ ṭhapentī" ti.|| ||

 

Sama-Citta-Vagga Catuttha