Aṅguttara-Nikāya
II. Dukanipāta
VI. Puggala Vagga
Adapted from the 1995 edition of the digital version of the Sri Lanka Buddha Jayanti Tripitaka Series.
Sutta 51
[51.1][pts] "Dve'me bhikkhave puggalā loke uppajjamānā uppajjanti bahu-jana-hitāya bahu-jana-sukhāya bahuno janassa atthāya hitāya sukhāya deva-manussānaṃ.|| ||
Katame dve?|| ||
Tathāgato ca arahaṃ Sammā Sambuddho,||
rājā ca cakka-vattī.|| ||
Ime kho bhikkhave dve puggalā loke uppajjamānā uppajjanti bahu-jana-hitāya bahu-jana-sukhāya bahuno janassa atthāya hitāya sukhāya deva-manussānan" ti.|| ||
Sutta 52
[52.1][pts] "Dve'me bhikkhave puggalā loke uppajjamānā uppajjanti acchariyamanussā.|| ||
[77] Katame dve?|| ||
Tathāgato ca arahaṃ Sammā Sambuddho,||
rājā ca cakka-vattī.|| ||
Ime kho bhikkhave dve puggalā loke uppajjamānā uppajjanti acchariyamasussā" ti.|| ||
Sutta 53
[53.1][pts] "Dvinnaṃ bhikkhave puggalānaṃ kāla-kiriyā bahuno janassa ānutappā hoti.|| ||
Katamesaṃ dvinnaṃ?|| ||
Tathāgatassa ca arahato Sammā Sambuddhassa,||
rañño cakka-vattissa.|| ||
Imesaṃ kho bhikkhave dvinnaṃ puggalānaṃ kāla-kiriyā bahuno janassa ānutappā hotī" ti.|| ||
Sutta 54
[54.1][pts] "Dve'me bhikkhave thūpa-rahā.|| ||
Katame dve?|| ||
Tathāgato ca arahaṃ Sammā Sambuddho,||
rājā ca cakka-vattī.|| ||
Ime kho bhikkhave dve thūpa-rahā" ti.|| ||
Sutta 55
[55.1][pts] "Dve'me bhikkhave buddhā.|| ||
Katame dve?|| ||
Tathāgato ca arahaṃ Sammā Sambuddho Pacceka-Buddho ca.|| ||
Ime kho bhikkhave dve buddhā" ti.|| ||
Sutta 56
[56.1][pts] "Dve'me bhikkhave asaniyā phalantiyā na santasanti.|| ||
Katame dve?|| ||
Bhikkhu ca khīṇ'āsavo,||
hatthājānīyo ca.|| ||
Ime kho bhikkhave dve asaniyā phalantiyā na santasantī" ti.|| ||
Sutta 57
[57.1][pts] "Dve'me bhikkhave asaniyā phalantiyā na santasanti.|| ||
Katame dve?|| ||
Bhikkhu ca khīṇ'āsavo,||
ass-ā-jāniyo ca.|| ||
Ime kho bhikkhave dve asaniyā phalantiyā na santasantī" ti.|| ||
Sutta 58
[58.1][pts] "Dve'me bhikkhave asaniyā phalantiyā na santasanti.|| ||
Katame dve?|| ||
Bhikkhu ca khīṇ'āsavo,||
sīho ca miga-rājā.|| ||
Ime kho bhikkhave dve asaniyā phalantiyā na santasantī" ti.|| ||
Sutta 59
[59.1][pts] "Dve'me bhikkhave attha-vase sampassamānā kimpurisā mānusiṃ vācaṃ na bhāsanti.|| ||
Katame dve?|| ||
Mā ca musā bhaṇimhā mā ca paraṃ abhūtena abbh'ācikkhamhā ti.|| ||
Ime kho bhikkhave dve attha-vase sampassamānā kimapurisā mānusiṃ vācaṃ na bhāsantī" ti.|| ||
Sutta 60
[78] [60.1][pts] "Dvinnaṃ bhikkhave dhammānaṃ atitto appaṭivāno mātu-gāmo kālaṃ karoti.|| ||
Katamesaṃ dvinnaṃ?|| ||
Methunadhammasamāpattiyā ca,||
vijāyanassa ca.|| ||
Imesaṃ kho bhikkhave dvinnaṃ dhammānaṃ atitto appaṭivāno mātu-gāmo kālaṃ karotī" ti.|| ||
Sutta 61
[61.1][pts][than] "Asantasannivāsañ ca vo bhikkhave desissāmi santa-sannivāsañ ca taṃ sunātha,||
sādhukaṃ manasi-karotha,||
bhāsissāmī" ti.|| ||
"Evaṃ bhante" ti kho te bhikkhū Bhagavato paccassosuṃ.|| ||
Bhagavā etad avoca:|| ||
"Kathañ ca bhikkhave asanta-sannivāso hoti,||
kathañ ca asanto sannivasan"?|| ||
Idha, bhikkhave, Therassa Bhikkhuno evaṃ hoti:|| ||
'Thero pi maṃ na vadeyya||
majjhimo pi maṃ na vadeyya||
navo pi maṃ na vadeyya||
Theram p'ahaṃ na vadeyyaṃ||
majjhimam p'ahaṃ na vadeyyaṃ||
navam p'ahaṃ na vadeyyaṃ.|| ||
Thero ce pi maṃ vadeyya ahit-ā-nukampī maṃ vadeyya no hit-ā-nukampī no ti naṃ vadeyyaṃ viheseyyam pi naṃ passam pi'ssa na paṭikareyyaṃ.|| ||
Majjhimo ce pi maṃ vadeyya navo ce pi maṃ vadeyya ahit-ā-nukampī maṃ vadeyya no hit-ā-nukampī no ti naṃ vadeyyaṃ||
viheseyyam pi naṃ passam pi'ssa na paṭikareyyaṃ.|| ||
Majjhimassa pi Bhikkhuno evaṃ hoti:|| ||
'Thero pi maṃ na vadeyya||
majjhimo pi maṃ na vadeyya||
navo pi maṃ na vadeyya||
Theram p'ahaṃ na vadeyyaṃ||
majjhimam p'ahaṃ na vadeyyaṃ||
navam p'ahaṃ na vadeyyaṃ.|| ||
Thero ce pi maṃ vadeyya ahit-ā-nukampī maṃ vadeyya no hit-ā-nukampī no ti naṃ vadeyyaṃ viheseyyam pi naṃ passam pi'ssa na paṭikareyyaṃ.|| ||
Majjhimo ce pi maṃ vadeyya navo ce pi maṃ vadeyya ahit-ā-nukampī maṃ vadeyya no hit-ā-nukampī no ti naṃ vadeyyaṃ,||
viheseyyam pi naṃ passam pi'ssa na paṭikareyyaṃ.|| ||
Navassa pi Bhikkhuno evaṃ hoti:|| ||
'Thero pi maṃ na vadeyya||
majjhimo pi maṃ na vadeyya||
navo pi maṃ na vadeyya||
Theram p'ahaṃ na vadeyyaṃ||
majjhimam p'ahaṃ na vadeyyaṃ||
navam p'ahaṃ na vadeyyaṃ.|| ||
Thero ce pi maṃ vadeyya ahit-ā-nukampī maṃ vadeyya no hit-ā-nukampī no ti naṃ vadeyyaṃ viheseyyam pi naṃ [79] passam pi'ssa na paṭikareyyaṃ.|| ||
Majjhimo ce pi maṃ vadeyya||
navo ce pi maṃ vadeyya||
ahit-ā-nukampī maṃ vadeyya||
no hit-ā-nukampī no ti naṃ vadeyyaṃ||
viheseyyam pi naṃ passam pi'ssa na paṭikareyyaṃ.|| ||
Evaṃ kho bhikkhave asantasannivāso hoti evaṃ ca asanto sannivasanti.|| ||
Kathañ ca bhikkhave santasannivāso hoti?|| ||
Kathañ ca santo sannivasanti?|| ||
Idha, bhikkhave, Therassa Bhikkhuno evaṃ hoti:|| ||
'Thero pi maṃ vadeyya,||
majjhimo pi maṃ vadeyya,||
navo pi maṃ vadeyya;||
Theram p'ahaṃ vadeyyaṃ,||
majjhimam p'ahaṃ vadeyyaṃ,||
navam pahaṃ vadeyyaṃ.|| ||
Thero ce pi maṃ vadeyya hit-ā-nukampī maṃ vadeyya,||
no ahitānukappī sādhū ti naṃ vadeyyaṃ,||
na naṃ viheseyyaṃ passam pi'ssa paṭikareyyaṃ.|| ||
'Majjhimo ce pi maṃ vadeyya,||
navo ce pi maṃ vadeyya,||
hit-ā-nukampī maṃ vadeyya,||
no ahit-ā-nukampī sādhū ti naṃ vadeyyaṃ,||
na naṃ viheseyyaṃ,||
passam pi'ssa paṭikareyyaṃ.|| ||
Majjhimassa pi Bhikkhuno evaṃ hoti:|| ||
'Thero pi maṃ vadeyya,||
majjhimo pi maṃ vadeyya,||
navo pi maṃ vadeyya;||
Theram p'ahaṃ vadeyyaṃ,||
majjhimam p'ahaṃ vadeyyaṃ,||
navam p'ahaṃ vadeyyaṃ.|| ||
'Thero ce pi maṃ vadeyya,||
hit-ā-nukampī maṃ vadeyya,||
no ahit-ā-nukampī,||
sādhū ti naṃ vadeyyaṃ,||
na naṃ viheseyyaṃ passam pi'ssa paṭikareyyaṃ.|| ||
'Majjhimo ce pi maṃ vadeyya,||
navo ce pi maṃ vadeyya,||
hit-ā-nukampī maṃ vadeyya,||
no ahit-ā-nukampī,||
sādhū ti naṃ vadeyyaṃ,||
na naṃ viheseyyaṃ,||
passam pi'ssa paṭikareyyaṃ.|| ||
Navassa pi Bhikkhuno evaṃ hoti:|| ||
'Thero pi maṃ vadeyya,||
majjhimo pi maṃ vadeyya,||
navo pi maṃ vadeyya,||
Theram p'ahaṃ vadeyyaṃ,||
majjhamampahaṃ vadeyyaṃ,||
navampahaṃ vadeyyaṃ.|| ||
'Thero ce pi maṃ vadeyya,||
hit-ā-nukampī maṃ vadeyya,||
no ahitānukappī,||
sādhū ti naṃ vadeyyaṃ,||
na naṃ viheseyyaṃ passam pi'ssa paṭikareyyaṃ.|| ||
'Majjhimo ce pi maṃ vadeyya,||
navo ce pi maṃ vadeyya,||
hit-ā-nukampī maṃ vadeyya,||
no ahit-ā-nukampī,||
sādhū ti naṃ vadeyyaṃ,||
na naṃ viheseyyaṃ,||
passam pi'ssa paṭikareyyaṃ.|| ||
Evaṃ kho bhikkhave santasannivāso hoti.|| ||
Evaṃ ca santo sannivasantī" ti.|| ||
Sutta 62
[62.1][pts] "Yasmiṃ bhikkhave adhikaraṇe ubhato vacīsaṃsāro diṭṭhipalāso cetaso āghāto appaccayo anabhiraddhī ajjhat- [80] taṃ avūpasantaṃ hoti tasm'etaṃ bhikkhave adhikaraṇe pāṭikaṅkhaṃ dīghattāya kharattāya vāḷattāya saṃvattissati,||
bhikkhū ca na phāsuṃ viharissanti.|| ||
Yasmiñ ca kho bhikkhave adhikaraṇe ubhato vacīsaṃsāro diṭṭhipalāso cetaso āghāto appaccayo anabhiraddhī ajjhattaṃ suvūpasannaṃ hoti tasm'etaṃ bhikkhave adhikaraṇe pāṭikaṅkhaṃ na dīghattāya kharattāya vāḷattāya saṃvattissati,||
bhikkhū ca phāsuṃ viharissantī" ti.|| ||
Puggala Vagga Chaṭṭha
