Aṅguttara-Nikāya
III. Tika Nipāta
VII. Mahā Vagga

Sutta 61

Titth-ā-yatanādi Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[173]

[1][pts][than][olds] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tīṇ'imānī bhikkhave titthāyatanāni,||
yāni paṇḍitehi samanuyuñjiyamānāni samanugāhiyamānānī samanubhāsiyamānāni param pi gantvā akiriyāya saṇṭhahantī.|| ||

Katamāni tīṇi?|| ||

[1] Santi bhikkhave eke samaṇa-brāhmaṇā evaṁ-vādino evaṁ-diṭṭhino:|| ||

'Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ pubbekatahetu' ti.|| ||

■

[2] Santi, bhikkhave, eke samaṇa-brāhmaṇā evaṁ-vādino evaṁ-diṭṭhino:|| ||

'Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā,||
adukkha-m-asukhaṁ vā,||
sabbaṁ taṁ issaranimmāṇahetu' ti.|| ||

■

[3] Santi, bhikkhave, eke samaṇa-brāhmaṇā evaṁ-vādino evaṁ-diṭṭhino:|| ||

'Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ ahetu-a-p-paccayā' ti.|| ||

 

§

 

[2][wood][than][bodh][olds] Tatra, bhikkhave, ye te samaṇa-brāhmaṇā evaṁ-vādino evaṁ-diṭṭhino —|| ||

'Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ pubbe katahetu' ti,|| ||

tyāhaṁ upasaṅkamitvā evaṁ vadāmi:|| ||

'Saccaṁ kira tumhe āyasmanto evaṁ-vādino evaṁ-diṭṭhino:|| ||

"Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ pubbekata hetu" ti?|| ||

Te ce me "Evaṁ puṭṭhā āmā" ti paṭijānanti.|| ||

[174] Tyāhaṁ evaṁ vadāmi:|| ||

'Tena h'āyasmanto pāṇ-ā-tipātino bhavissanti pubbe katahetu,||
adinn'ādāyino bhavissanti pubbe katahetu,||
abrahma-cārino bhavissanti pubbe katahetu,||
musā-vādino bhavissanti pubbe katahetu,||
pisunavācā bhavissanti pubbe katahetu,||
pharusavācā bhavissanti pubbe katahetu,||
sampha-p-palāpino bhavissanti pubbe katahetu,||
abhijjhāluno bhavissanti pubbe katahetu,||
vyāpanna-cittā bhavissanti pubbe katahetu,||
micchā-diṭṭhikā bhavissanti pubbe katahetu.|| ||

Pubbe kataṁ kho pana bhikkhave sārato paccāga-c-chataṁ na hoti chando vā vāyāmo vā,||
idaṁ vā karaṇīyaṁ idaṁ vā akaraṇīyan' ti.|| ||

Iti karaṇīyā karaṇiye kho pana saccato thetato anupalabbhiyamāne muṭṭhassatīnaṁ anārakkhānaṁ viharataṁ na hoti paccattaṁ saha-dhammiko samaṇavādo.|| ||

Ayaṁ kho me bhikkhave tesu samaṇa-brāhmaṇesu evaṁ-vādisu evaṁ-diṭṭhisu paṭhamo saha-dhammiko niggaho hoti.|| ||

■

[3][wood][than][olds] Tatra, bhikkhave, ye te samaṇa-brāhmaṇā evaṁ-vādino evaṁ-diṭṭhino:|| ||

'Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ issaranimmāhetu' ti,|| ||

tyāhaṁ upasaṅkamitvā evaṁ vadāmi:|| ||

'Saccaṁ kira tumhe āyasmanto evaṁ-vādino evaṁ-diṭṭhino:|| ||

"Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ issaranimmāṇahetu" ti?|| ||

Te ce me 'Evaṁ puṭṭhā āmā' ti paṭijānanti.|| ||

Tyāhaṁ evaṁ vadāmi:|| ||

'Tena h'āyasmanto pāṇ-ā-tipātino bhavissanti issaranimmāṇahetu,||
adinn'ādāyino bhavissanti issaranimmāṇahetu,||
abrahma-cārino bhavissanti issaranimmāṇahetu,||
musā-vādino bhavissanti issaranimmāṇahetu,||
pisunavācā bhavissanti issaranimmāṇahetu,||
pharusavācā bhavissanti issaranimmāṇahetu,||
sampha-p-palāpino bhavissanti issaranimmāṇahetu,||
abhijjhāluno bhavissanti issaranimmāṇahetu,||
vyāpanna-cittā bhavissanti issaranimmāṇahetu,||
micchā-diṭṭhikā bhavissanti issaranimmāṇahetu.|| ||

Issaranimmāṇaṁ kho pana bhikkhave sārato paccāga-c-chataṁ na hoti chando vā vāyāmo vā,||
idaṁ vā karaṇīyaṁ idaṁ vā akaraṇīyan' ti.|| ||

Iti karaṇīyākaraṇīye kho pana saccato thetato anupalabbhīyamāne muṭṭhassatīnaṁ anārakkhānaṁ viharataṁ na hoti paccattaṁ saha-dhammiko samaṇavādo.|| ||

Ayaṁ kho me bhikkhave tesu samaṇa-brāhmaṇesa evaṁ-vādisu evaṁ-diṭṭhisu dutiyo saha-dhammiko niggaho hoti.|| ||

■

[175] [4][wood][than][olds] Tatra, Bhikkave ye te samaṇa-brāhmaṇā evaṁ-vādino evaṁ-diṭṭhino:|| ||

'Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ ahetu-a-p-paccayā' ti,|| ||

Tyāhaṁ upasaṅkamitvā evaṁ vadāmi:|| ||

'Saccaṁ kira tumhe āyasmanto evaṁ-vādino evaṁ-diṭṭhino:|| ||

"Yaṁ kiñc'āyaṁ purisa-puggalo paṭisaṁvedeti||
sukhaṁ vā||
dukkhaṁ vā||
adukkha-m-asukhaṁ vā,||
sabbaṁ taṁ ahetu-a-p-paccayā" ti?|| ||

Te ce me 'Evaṁ puṭṭhā āmā' ti paṭijānanti.|| ||

Tyāhaṁ evaṁ vadāmi:|| ||

'Tena h'āyasmanto pāṇ-ā-tipātino bhavissanti ahetu-a-p-paccayā,||
dinnādāyino bhavissanti ahetu-a-p-paccayā,||
abrahma-cārino bhavissanti ahetu-a-p-paccayā,||
musā-vādino bhavissanti ahetu-a-p-paccayā,||
pisunavācā bhavissanti ahetu-a-p-paccayā,||
pharusavācā bhavissanti ahetu-a-p-paccayā,||
sampha-p-palāpino bhavissanti ahetu-a-p-paccayā,||
abhijjhāluno bhavissanti ahetu-a-p-paccayā,||
vyāpanna-cittā bhavissanti ahetu-a-p-paccayā,||
micchā-diṭṭhikā bhavissanti ahetu-a-p-paccayā.|| ||

Ahetuṁ a-p-paccayaṁ kho pana bhikkhave sārato paccāga-c-chataṁ na hoti chando vā vāyāmo vā,||
idaṁ vā karaṇīyaṁ,||
idaṁ vā akaraṇīyan' ti.|| ||

Iti karaṇīyākaraṇīye kho pana saccato thetato anupalabbhiyamāne muṭṭhassatīnaṁ anārakkhānaṁ viharataṁ na hoti pacattaṁ saha-dhammiko samaṇavādo.|| ||

Ayaṁ kho me bhikkhave tesu samaṇa-brāhmaṇesu evaṁ-vādisu evaṁ-diṭṭhisu tatiyo saha-dhammiko niggaho hoti.|| ||

Imāni ko bhikkhave tīṇi titthāyatanāni:|| ||

Yāni tāni paṇḍtehi samanuyuñjiyamānāni samanugāhiyamānāni samanubhāsiyamānāni param pi gantvā akiriyāya saṇṭhahanti.|| ||

 

§

 

[5][wood][than][olds] Ayaṁ kho pana bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhi.|| ||

Katamo ca bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhi?|| ||

Imā cha dhātuyo ti bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhi.|| ||

■

Imāni cha phass'āyatanānī ti bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhi.|| ||

■

Ime aṭṭhārasa manopavicārā ti bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhi.|| ||

■

Imāni cattāri ariya-saccānī ti bhikkhave mayā dhammo desito aniggahito asaṅkiliṭṭho anupavajjo appaṭikuṭṭho samaṇehi brāhmaṇehi viññūhi.|| ||

 

§

 

[61.6][wood][than][olds] '"Imā cha dhātuyo" ti bhikkhave mayā dhammo desita aeniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhī' ti:|| ||

Iti kho pan'etaṁ vuttaṁ.|| ||

Kiñ c'etaṁ paṭicca vuttaṁ?|| ||

Chaḷy'imā [176] bhikkhave dhātuyo:|| ||

Paṭhavī-dhātu,||
āpo-dhātu,||
tejo-dhātu,||
vāyo-dhātu,||
ākāsa-dhātu,||
viññāṇa-dhātu.|| ||

'"Imā cha dhātuyo" ti bhikkhave mayā dhammo desito aniggahito asaṅkiliṭṭho anupavajjo appaṭikuṭṭho samaṇehi brāhmaṇehi viññūhī' ti.|| ||

Iti yaṁ taṁ vuttaṁ,||
idam etaṁ paṭicca vuttaṁ.|| ||

■

[7][wood][than][olds] '"Imāni cha phass'āyatanānī" ti bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhī' ti.|| ||

Iti kho pan'etaṁ vuttaṁ|| ||

Kiñ c'etaṁ paṭicca vuttaṁ?|| ||

Cha-y-imāni bhikkhave phass'āyatanāni:|| ||

Cakkhuṁ phass'āyatanaṁ,||
sotaṁ phass'āyatanaṁ,||
ghāṇaṁ phass'āyatanaṁ,||
jivhā phass'āyatanaṁ,||
kāyo phass'āyatanaṁ,||
mano phass'āyatanaṁ.|| ||

'"Imāni cha phass'āyatanānī" ti bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhī' ti.|| ||

Iti yan taṁ vuttaṁ idam etaṁ paṭicca vuttaṁ.|| ||

■

[8][wood][than][olds] '"Ime aṭṭhārasa manopa-vicārā" ti bhikkhave māya dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi vuññūhī' ti.|| ||

Iti kho pan'etaṁ vuttaṁ|| ||

Kiñ c'etaṁ paṭicca vuttaṁ?|| ||

Cakkhunaṁ rūpaṁ disvā somanassaṭṭhānīyaṁ rūpaṁ upavicarati,||
domanassaṭṭhānīyaṁ rūpaṁ upavicarati,||
upekkhāṭṭhānīyaṁ rūpaṁ upavicarati.|| ||

Sotena saddaṁ sutvā somanassaṭṭhānīyaṁ saddaṁ upavicarati,||
domanassaṭṭhānīyaṁ saddaṁ upavicarati,||
upekkhāṭṭhānīyaṁ saddaṁ upavicarati.|| ||

Ghāneṇa gandhaṁ ghāyitvā somanassaṭṭhānīyaṁ gandhaṁ upavicarati,||
domanassaṭṭhānīyaṁ gandhaṁ upavicarati,||
upekkhāṭṭhānīyaṁ gandhaṁ upavicarati.|| ||

Jivhāya rasaṁ sāyitvā somanassaṭṭhānīyaṁ rasaṁ upavicarati,||
domanassaṭṭhānīyaṁ rasaṁ upavicarati,||
upekkhāṭṭhānīyaṁ rasaṁ upavicarati.|| ||

Kāyena phoṭṭhabbaṁ phusitvā somanassaṭṭhānīyaṁ phoṭṭhabba upavicarati,||
domanassaṭṭhānīyaṁ phoṭṭhababaṁ upavicarati,||
upekkhāṭṭhānīyaṁ pheṭṭhabbaṁ upavicarati.|| ||

Manasā dhammaṁ viññāya somanassaṭṭhānīyaṁ dhammaṁ upavicarati,||
domanassaṭṭhānīyaṁ dhammaṁ upavicarati,||
upekkhāṭṭhānīyaṁ dhammaṁ upavicarati.|| ||

'"Ime aṭṭhārasa manopavicārā" ti bhikkhave mayā dhammo desito aniggahīto asaṅkiliṭṭho anupavajjo appaṭikuṭṭho samaṇehi brāhmaṇehi viññūhī' ti.|| ||

Iti yan taṁ vuttaṁi||
dame taṁ paṭicca vuttaṁ.|| ||

■

[9][wood][than][olds] '"Imāni cattāri ariya-saccānī" ti bhikkhave mayā dhammo desito aniggahīto asaṇakiliṭṭho anupavajje appaṭikuṭṭho samaṇehi brāhmaṇehi viññūhī' ti.|| ||

Iti kho pan'etaṁ vuttaṁ.|| ||

Kiñ c'etaṁ paṭicca vuttaṁ?|| ||

Channaṁ bhikkhave dhātunaṁ upādāya gabbhassāvakkanti hoti,||
okkantiyā sati nāma-rūpaṁ,||
nāma-rūpa paccayā saḷāyatanaṁ,||
saḷāyatana paccayā phasso,||
phassa paccayā vedanā.|| ||

Vediyamānassa kho panāhaṁ bhikkhave||
'idaṁ dukkhan' ti paññā-pemi.|| ||

'Ayaṁ dukkha-samudayo' ti paññā-pemi.|| ||

'Ayaṁ dukkha-nirodho' ti paññā-pemi.|| ||

'Ayaṁ dukkha-nirodha-gāminī paṭipadā' ti paññā-pemi.|| ||

[10][wood][than][olds] Katamañ ca bhikkhave dukkhaṁ ariya-saccaṁ?|| ||

Jāti pi dukkā,||
jarā pi dukkhā,||
vyādi pi dukkho,||
maraṇam [177] pi dukkhaṁ,||
soka-parideva dukkha-domanass'upāyāsā pi dukkhā,||
yam p'icchaṁ na labhati,||
tam pi dukkhaṁ.|| ||

Saṅkittena pañc'ūpādāna-k-khandhā dukkhā.|| ||

Idaṁ vuccati bhikave dukkhaṁ ariya-saccaṁ.|| ||

[11][wood][than][olds] Katamañ ca bhikkhave dukkha-samudayaṁ ariya-saccaṁ?|| ||

Avijjā-paccayā saṅkhārā,||
saṅkhāra-paccayā viñṇaṁ,||
viññāṇa-paccayā nāma-rūpaṁ,||
nāma-rūpa-paccāya saḷāyatanaṁ,||
saḷāyatana-paccayā phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaṁ,||
upādāna-paccayā bhavo,||
bhava-paccayā jāti,||
jāti-paccayā jarāmaryaṁ soka-parideva-dukkha-domanass'ūpāyāsā sambhavanti.|| ||

Evam etassa kevalassa dukkha-k-khandhassa samudayo hoti.|| ||

Idaṁ vuccati bhikkave dukkhasamdayaṁ ariya-saccaṁ.|| ||

[12][wood][than][olds] Katamañ ca bhikkhave dukkha-nirodhaṁ ariya-saccaṁ?|| ||

Avijjāya tv'eva asesa-virāga-nirodhā saṇakhāra-nirodho,||
saṅkhāra-nirodhā viññāṇa-nirodho,||
viññāṇa-nirodhā nāma-rūpa-nirodho,||
nāma-rūpa-nirodhā saḷāyatana-nirodho,||
saḷāyatana-nirodhā phassa-nirodo,||
phassa-nirodhā vedanā-nirodho,||
vedanā-nirodhā taṇhā-nirodho,||
taṇhā-nirodhā upādāna-nirodho,||
upādāna-nirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaṁ soka-parideva-dukkha-domanass'upāyāsā nirujjhantī.|| ||

Evam etassa kelavalassa dukkha-k-khandhassa nirodo hoti.|| ||

Idaṁ vuccati bhikkhave dukkha-nirodhaṁ ariya-saccaṁ.|| ||

[13][wood][than][olds] Katamañ ca bhikkhave dukkha-nirodha-gāminī paṭipadā ariya-saccaṁ?|| ||

Ayam eva Ariyo Aṭṭhaṅgiko Maggo,||
seyyath'idaṁ:|| ||

Sammā diṭṭhi,||
sammā saṅkappo,||
sammā vācā,||
sammā kammanto,||
sammā ājivo,||
sammā vāyāmo,||
sammā sati,||
sammā samādhi.|| ||

Idaṁ vuccati bhikkhave dukkha-nirodha-gāminī paṭipadā ariya-saccaṁ.|| ||

'"Imāni cattāri ariya-saccānī" ti bhikkhave mayā dhammo desito aniggahito asaliṅkiṭṭho anupavajjo appaṭikuṭṭho samaṇehi brāhmaṇehi viññūhī' ti.|| ||

Iti yan taṁ vuttaṁ,||
idam etaṁ paṭicca vuttan" ti.|| ||