Aṅguttara-Nikāya
III. Tika Nipāta
IX. Samaṇa Vagga

Sutta 86

Dutiya Sikkha Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[232]

[1][pts][than] Evaṁ me sutaṁ.|| ||

Ekaṁ samayaṁ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Sādhikam idaṁ bhikkhave diyaḍḍha-sikkhāpadasataṁ anvaddhamāsaṁ uddesaṁ āgacchati,||
yattha attha-kāmā kula- [233] puttā sikkhanti.|| ||

Tisso imā bhikkhave sikkhā,||
yatth'etaṁ sabbaṁ samodhānaṁ gacchati.|| ||

Katamā tisso?|| ||

Adhisīla-sikkhā,||
adhicitta-sikkhā,||
adhipaññā-sikkhā.|| ||

Imā ko bhikkhave tisso sikkhā,||
yatth'etaṁ sabbaṁ samodhānaṁ gacchati.|| ||

 

§

 

2. Idha, bhikkhave, bhikkhū sīlesu paripūra-kārī hoti,||
samādhismiṁ mattaso kārī||
paññāya mattaso kārī.|| ||

So yāni tāni khudd-ā-nudhuddakāni sikkhā-padāni||
tāni āpajjati pi||
vuṭṭhāti pi.|| ||

Taṁ kissa hetu?|| ||

Na hi m'ettha bhikkhave abhabbatā vuttā.|| ||

Yāni kho tani sikkhā-padāni ādibrahma-cariyikāni brahma-ciraya-sāruppāni,||
tattha dhūvasīlo ca hoti||
ṭhitha-sīlo ca||
samādāya sikkhati sikkhā-padesu.|| ||

■

So tiṇṇaṁ saṁyojanānaṁ parikkhayā satta-k-khatt'uparamo hoti:||
satta-k-khatt'uparamaṁ deve ca manusse ca||
sandhāvitvā saṁsaritvā dukkhass antaṁ karoti.|| ||

■

So tiṇṇaṁ saṁyojanānaṁ parikkhayā kolaṅkolo hoti:||
dve vā tīṇi vā kulāni||
sandhāvitvā saṁsaritvā dukkhass antaṁ karoti.|| ||

■

So tiṇṇaṁ saṁyojanānaṁ parikkhayā eka-bīji hoti:||
ekaṁ yeva mānusakaṁ bhavaṁ nibbattetvā dukkhassantaṁ karoti.|| ||

■

So tiṇṇaṁ saṁyojanānaṁ parikkhayā rāga-dosa-mohānaṁ tanuttā Sakad-āgāmi hoti:||
sakid eva imaṁ lokaṁ āganatvā dukkhassa antaṁ karoti.|| ||

 

§

 

3. Idha pana bhikkhave bhikkhū||
sīlesu paripūra-kārī hoti,||
samādhismiṁ paripūra-kārī,||
paññāya mattasokārī.|| ||

So yāni tāni khuddānukhuddakāni sikkhā-padāni,||
tāni āpaññati pi||
vuṭṭhāti pi.|| ||

Taṁ kissa hetu?|| ||

Na hi mettha bhikkhave abhabbatā vuttā.|| ||

Yāni ca kho tāni sikkhā-padāni ādibrahma-cariyikāni Brahma-cariyasāruppāni,||
tattha dhūvasīli ca hoti ṭhitasīli ca,||
samādāya sikkhati sikkhā-padesu.|| ||

■

So pañcannaṁ oram-bhāgiyānaṁ saṁyojanānaṁ parikkhayā||
uddhaṁ-soto hoti Akaniṭṭha-gāmi.|| ||

■

So pañcannaṁ oram-bhāgiyānaṁ saṁyojanānaṁ parikkhayā||
a-saṅkhāra-parinibbāyī hoti.|| ||

■

So pañcannaṁ oram-bhāgiyānaṁ saṁyojanānaṁ parikkhayā||
sa-saṅkhāra-parinibbāyī hoti.|| ||

■

So pañcannaṁ oram-bhāgiyānaṁ saṁyojanānaṁ parikkhayā||
upahacca-parinibbāyī hoti.|| ||

■

So pañcannaṁ oram-bhāgiyānaṁ saṁyojanānaṁ parikkhayā||
antarā-parinibbāyī hoti.|| ||

 

§

 

4. Idha pana bhikkhave bhikkhū||
sīlesu paripūra-kārī hoti,||
samādhismiṁ paripūra-kārī,||
paññāya paripūra-kārī.|| ||

So yāni [234] tāni khuddānukhuddakāni sikkhā-padāni,||
tāni āpaññati pi||
vuṭṭhāti pi.|| ||

Taṁ kissa hetu?|| ||

Na hi m'ettha bhikkhave abhabbatā vuttā.|| ||

Yāni kho tāni sikkhā-padāni ādibrahma-cariyikāni buhmacariyasāruppāni,||
tattha dhuvasīlo ca hoti||
ṭhitasīli ca||
samādāya sikkhati sikkhā-padesu.|| ||

■

So āsavānaṁ khayā anāsavaṁ||
cetā-vimuttiṁ||
paññā-vimuttiṁ||
diṭṭhe'va dhamme sayaṁ abhiññā sacchi-katvā||
upasampajja viharati.|| ||

Iti kho bhikkhave padesaṁ padesakārī ārādheti||
paripūraṁ paripūra-kārī.|| ||

Avañjhāni tvevāhaṁ bhikkhave sikkhā-padāni vadāmī" ti.|| ||

 

---

^[ed1] See the Outline comparing Suttas 85-86-87.