Aṅguttara-Nikāya
III. Tika Nipāta
IX. Samaṇa Vagga

Sutta 88

Paṭhama Sikkhā Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[235]

[1][pts][than] Evaṁ me sutaṁ.|| ||

Ekaṁ samayaṁ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tisso imā bhikkhave sikkhā.|| ||

Katamā tisso?|| ||

Adhisīla-sikkhā||
adhicitta-sikkhā||
adhipaññā-sikkhā.|| ||

 

§

 

Katamā ca bhikkhave adhisīlasikkhā?|| ||

Idha bhikkhave bhakkhū sīlavā hoti||
Pātimokkha-saṁvara-saṁvuto viharati||
ācāra-gocara-sampanno aṇumattesu vajjesu bhaya-dassāvī||
samādāya sikkhati sikkhā-padesu.|| ||

Ayaṁ vuccati bhikkhave adhisīla-sikkhā.|| ||

■

Katamā ca bhikhave adhicitta-sikkhā.|| ||

Idha, bhikkhave, bhikkhū vivicc'eva kāmehi||
vivicc'eva kāmehi||
vivicca akusalehi dhammehi||
sa-vitakkaṁ||
sa-vicāraṁ||
viveka-jaṁ pīti-sukhaṁ||
paṭhamaṁ-jhānaṁ upasampajja viharati.|| ||

Vitakka-vicārānaṁ vūpasamā||
ajjhattaṁ sampasādanaṁ||
cetaso ekodi-bhāvaṁ||
avitakkaṁ||
avicāraṁ||
samādhi-jaṁ pīti-sukhaṁ||
dutiyaṁ-jhānaṁ upasampajja viharati.|| ||

Pītiyā ca||
virāgā upekkhako ca||
viharati sato ca||
sampajāno sukhaṁ ca||
kāyena paṭisaṁvedeti,||
yaṁ taṁ ariyā ācikkhan.|| ||

'Upekkhako satimā sukha-vihāri' ti|| ||

taṁ tatiyaṁ-jhānaṁ upasampajja viharati.|| ||

Sukhassa ca pahāṇā||
dukkhassa ca pahāṇā||
pubb'eva somanassa-domanassānaṁ atthaṅgamā||
adukkaṁ||
asukhaṁ||
upekkhā-sati-pārisuddhiṁ||
catutthaṁ-jhānaṁ upasampajja viharati.|| ||

Ayaṁ vuccati bhikkhave adhictta-sikkhā.|| ||

■

Katamā ca bhikkhave adhipaññā-sikkhā?|| ||

Idha bhikkhave bhikkhū||
'Idaṁ dukkhan' ti yathā-bhūtaṁ pajānāti;||
'Ayaṁ dukkha-samudayo' ti yathā-bhūtaṁ pajāniti;||
'Ayaṁ dukkha-nirodha' ti yathā-bhūtaṁ pajāniti;||
'Ayaṁ dukkha-nirodha-gāminī paṭipadā' ti yathā-bhūtaṁ pajānāti.|| ||

Ayaṁ vuccati bhikkhave adhipaññāsikkhā.|| ||

Imā ko bhikkhave tisso sikkhā" ti.|| ||