Aṇguttara-Nikāya
III. Tika Nipāta
IX. Samaṇa Vagga
Sutta 90
Pankadhā or Saṇkavā Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Kosalesu cārikaṃ caramāno mahatā bhikkhū-saṇghena saddhiṃ yena Paṇkadhā nāma Kosalānaṃ nigamo tad avasari.|| ||
Tatra sudaṃ Bhagavā Paṇkadhāyaṃ viharati.|| ||
Paṇkadhā nāma Kosalānaṃ nigamo.|| ||
Tena kho pana samayena Kassapa-gotto nāma bhikkhu Paṇkadhāyaṃ āvāsiko hoti.|| ||
Tatra sudaṃ Bhagavā sikkhā-padapaṭi-saṇuttāya dhammiyā kathāya bhikkhū sandasseti sam-ā-dapeti samuttejeti sampahaṃseti.|| ||
Atha kho Kassapa-gottassa bhikkhūno Bhagava sikkhā-padapaṭi-saṇuttāya dhammiyā kathāya bhakkhū sandassente samādapente samuttejente sampahaṃsente ahu-d-eva akkhanti,||
ahu appaccayo:|| ||
"Adisallikhat'evāyaṃ samaṇo" ti.|| ||
■
2. Atha kho Bhagavā Paṇkadhāyaṃ yath-ā-bhirantaṃ viharitvā yena Rājagahaṃ tena cārikaṃ pakkāmi||
anupubbena cārikaṃ caramāno yena Rāgahaṃ tad avasari. [237] Tatra sudaṃ Bhagavā Rājagahe viharati Gijjhakūṭe pabbate.|| ||
Atha kho Kassapa-gottassa bikkhuno acira-pakkantassa Bhagavato ahu-d-eva kukkuccaṃ||
ahu vippaṭisāro:|| ||
"Alābhā vata me,||
na vata me lābhā.|| ||
Dulladdhaṃ vata me,||
na vata me su-laddhaṃ,||
yassa me Bhagavatā sikkhā-padapaṭi-saṇuttāya dhammiyā kathāya bikkhū sandassente samādapente samuttejente sampahaṃsente ahu-d-eva akkhanti,||
ahu appaccayo||
'adisallikhat'evāyaṃ samaṇo' ti.|| ||
Yan nūn-ā-haṃ yena Bhagavā ten'upasaṇkameyyaṃ,||
upasaṇkamitvā Bhagavato santike accayaṃ accayato deseyyan" ti?"|| ||
§
3. Atha kho Kassapa-gotto bikkū sen'āsanaṃ saṃsāmetvā patta-cīvaraṃ ādāya yena Rājagahaṃ tena pakkāmi||
anupuppena yena Rājagahaṃ yena Gijjhakūṭo pabbato yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisūdi.|| ||
Eka-m-antaṃ nisinno ko Kassapa-gotto bikkhū Bhagavantaṃ etad avoca:|| ||
"Ekam idaṃ Bhante samayaṃ Bhagavā Paṇkadhāyaṃ viharati.|| ||
Paṇkadhā nāma Kosalānaṃ nigamo.|| ||
Tatra sudaṃ Bhagavā sikkhā-padapaṭi-saṇuttāya dhammiyā kathāya bhikkhū sandassesi||
samādapesi samuttejesi sampahaṃsesi.|| ||
Tassa mayhaṃ bhante Bhagavati sikkhā-padapaṭi-saṇuttāya dhammiyā kathāya bikkhū sandassente samādapente samuttejente sampahaṃsente||
ahu-d-eva akkhanti,||
ahu appaccayo,||
'adisallikhat'evāyaṃ samaṇo' ti.|| ||
Atha kho bhante Bhagavā Paṇkadhāyaṃ yābhirantaṃ viharitvā yena Rājagahaṃ tena cārikaṃ pakkāmi.|| ||
Tassa mayhaṃ bhante acira-pakkantassa Bhagavato ahu-d-eva kukkuccaṃ,||
ahu vippaṭisāro:|| ||
'Alābhā vata me,||
na vata me lābhā||
dulladdhaṃ vata me,||
na vata ma su-laddhaṃ,||
yassa me Bhagavati sikkhā-padapaṭi-saṇuttāya dhammiyā kathāya bhikkhū sandassente samādapente samuttejente sampahaṃsente||
ahu-d-eva akkanti,||
ahud appaccayo,||
"adisallikhat'evāyaṃ samaṇo"' ti.|| ||
'Yan nūn-ā-haṃ yena Bhagavā ten'upasaṇkameyyaṃ,||
upasaṇkamitvā Bhagavato santike accayaṃ accayato deseyyan' ti?|| ||
Accayo maṃ [238] bhante accagamā yathā-bālaṃ yathāmūḷhaṃ yathā-akusalaṃ yassa me Bhagava sikkhā-padapaṭi-saṇuttāya dhammiyā kathāya bhikkhū sandassente samādapente samuttejente sampahaṃsente||
ahu-d-eva akkhanti,||
ahu appaccayo,||
'adisallikhat'evāyaṃ samaṇo' ti.|| ||
Tassa me bhante Bhagavā accayaṃ accayato patigaṇhātu āyatiṃ saṃvarāyā" ti.|| ||
■
4. "Taggha tvaṃ Kassapa accayo accagamā yathā-bālaṃ yathāmūḷhaṃ yathā-akusalaṃ;||
yassa te mayā sikkhā-padapaṭi-saṇuttāya dhammiyā kathāya bhikkhū sandassente samādapente samuttejente sampahaṃsente||
ahu-d-eva akkhanti,||
ahu appaccayo,||
'adisallikhat'evāyaṃ samaṇo' ti.|| ||
Yato ca kho tvaṃ Kassapa accayaṃ accayato disvā yathā-dhammaṃ paṭikarosi,||
taṃ te mayaṃ patigaṇhāma.|| ||
Vuddhi h'esā Kassapa ariyassa vinaye yo accayaṃ accayato disvā yathā-dhammaṃ paṭikaroti,||
āyatiṃ saṃvaraṃ āpajjati.|| ||
§
5. Thero ce pi Kassapa bhikkhū hoti na sikkhākāmo sikkhā-samādānassa na vaṇṇa-vādī||
ye c'aññe bhikkhū na sikkhā-kāmā te ca pana sikkhāya na sam-ā-dapeti,||
ye c'aññe bhikkhu sikkhā-kāmā tesañ ca na vaṇṇaṃ bhaṇati,||
bhūtaṃ tacchaṃ kālena,||
eva-rūpass-ā-haṃ Kassapa Therassa bhikkhuno na vaṇṇaṃ bhaṇāmi.|| ||
Taṃ kissa hetu?|| ||
'Satthā hi'ssa vaṇṇaṃ bhaṇatī' ti aññe naṃ bhikkhū bhajeyyuṃ.|| ||
Ye naṃ bhajeyyuṃ,||
tyāssa diṭṭh'ānugatiṃ āpajjeyyuṃ.|| ||
Yāssa diṭṭh'ānugatiṃ āpajjeyyuṃ,||
tesaṃ taṃ assa dīgha-rattaṃ ahitāya dukkhāyāti.|| ||
Tasmāhaṃ Kassapa eva-rūpassa Therassa bhikkhuno na vaṇṇaṃ bhaṇāmi.|| ||
■
6. Majjhimo ce pi Kassapa bhikkhū hoti na sikkhākāmo sikkhā-samādānassa na vaṇṇavādi||
ye c'aññe bhikkhū na sikkhā-kāmā te ca pana sikkhāya na sam-ā-dapeti,||
ye c'aññe bhikkhū sikkhā-kāmā tesañ ca na vaṇṇaṃ bhaṇati,||
bhūtaṃ tacchaṃ kālena,||
eva-rūpass-ā-haṃ Kassapa majjhimassa bhikkhuno na vaṇṇaṃ bhaṇāmi.|| ||
Taṃ kissa hetu?|| ||
'Satthā hi'ssa vaṇṇaṃ bhaṇatī' ti aññe naṃ bhikkhū bhajeyyuṃ.|| ||
Ye naṃ bhajeyyuṃ,||
tyāssa diṭṭh'ānugatiṃ āpajjeyyuṃ.|| ||
Yāssa diṭṭh'ānugatiṃ āpajjeyyuṃ,||
tesaṃ taṃ assa dīgha-rattaṃ ahitāya dukkhāyāti.|| ||
Tasmāhaṃ Kassapa eva-rūpassa majjhimassa bhikkhuno na vaṇṇaṃ bhaṇāmi.|| ||
■
7. Navo ce pi Kassapa bhikkhū hoti na sikkhākāmo sikkhā-samādānassa na vaṇṇavādi||
ye c'aññe bhikkhū na sikkhā-kāmā te ca pana sikkhāya na sam-ā-dapeti,||
ye c'aññe bhikkhū sikkhā-kāmā tesañca na vaṇṇaṃ bhaṇati,||
bhūtaṃ tacchaṃ kālena,||
eva-rūpass-ā-haṃ Kassapa navassa bhikkhuno na vaṇṇaṃ bhaṇāmi.|| ||
Taṃ kissa hetu?|| ||
'Satthā hi'ssa vaṇṇaṃ bhaṇatī' ti aññe naṃ bhikkhū bhajeyyuṃ.|| ||
Ye naṃ bha- [239] jeyyuṃ,||
tyāssa diṭṭh'ānugatiṃ āpajjeyyuṃ.|| ||
Yyāssa diṭṭh'ānugatiṃ āpajjeyyuṃ,||
tesaṃ taṃ assa dīgha-rattaṃ ahitāya dukkhāyāti.|| ||
Tasmāhaṃ Kassapa eva-rūpassa navassa bhikkhuno na vaṇṇaṃ bhaṇāmi.|| ||
■
8. Thero ce pi Kassapa bhikkhu hoti sikkhākāmo sikkhā-samādānassa vaṇṇavādi,||
ye c'aññe bhikkhū na sikkhā-kāmā te ca sikkhāya sam-ā-dapeti,||
ye c'aññe bhikkhū sikkhā-kāmā tesañ ca na vaṇṇaṃ bhaṇati,||
bhūtaṃ tacchaṃ kālena,||
eva-rūpass-ā-haṃ Kassapa Therassa bhikkhuno na vaṇṇaṃ bhaṇāmi.|| ||
Taṃ kissa hetu?|| ||
'Satthā hi'ssa vaṇṇaṃ bhaṇatī' ti aññe naṃ bhikkhū bhajeyyuṃ.|| ||
Ye naṃ bhajeyyuṃ,||
tyāssa diṭṭh'ānugatiṃ āpajjeyyuṃ.|| ||
Yyāssa diṭṭh'ānugatiṃ āpajjeyyuṃ,||
tesaṃ taṃ assa dīgha-rattaṃ hitāya sukkhāyāti.|| ||
Tasmāhaṃ Kassapa eva-rūpassa Therassa bhikkhuno vaṇṇaṃ bhaṇāmi.|| ||
■
9. Majjhimo ce pi Kassapa bhikkhu hoti sikkhākāmo sikkhā-samādānassa vaṇṇavādi,||
ye c'aññe bhikkhū na sikkhā-kāmā te ca sikkhāya sam-ā-dapeti,||
ye c'aññe bhikkhū sikkhā-kāmā tesañ ca na vaṇṇaṃ bhaṇati,||
bhūtaṃ tacchaṃ kālena,||
eva-rūpass-ā-haṃ Kassapa majjhimassa bhikkhuno na vaṇṇaṃ bhaṇāmi.|| ||
Taṃ kissa hetu?|| ||
'Satthā hi'ssa vaṇṇaṃ bhaṇatī' ti aññe naṃ bhikkhū bhajeyyuṃ.|| ||
Ye naṃ bhajeyyuṃ,||
tyāssa diṭṭh'ānugatiṃ āpajjeyyuṃ.|| ||
Yyāssa diṭṭh'ānugatiṃ āpajjeyyuṃ,||
tesaṃ taṃ assa dīgha-rattaṃ hitāya sukkhāyāti.|| ||
Tasmāhaṃ Kassapa eva-rūpassa majjhimassa bhikkhuno vaṇṇaṃ bhaṇāmi.|| ||
■
10. Navo ce pi Kassapa bhikkhu hoti sikkhākāmo sikkhā-samādānassa vaṇṇavādi,||
ye c'aññe bhikkhū na sikkhā-kāmā te ca sikkhāya sam-ā-dapeti,||
ye c'aññe bhikkhū sikkhā-kāmā tesañ ca na vaṇṇaṃ bhaṇati,||
bhūtaṃ tacchaṃ kālena,||
eva-rūpass-ā-haṃ Kassapa navassa bhikkhuno na vaṇṇaṃ bhaṇāmi.|| ||
Taṃ kissa hetu?|| ||
'Satthā hi'ssa vaṇṇaṃ bhaṇatī' ti aññe naṃ bhikkhū bhajeyyuṃ.|| ||
Ye naṃ bhajeyyuṃ,||
tyāssa diṭṭh'ānugatiṃ āpajjeyyuṃ.|| ||
Yyāssa diṭṭh'ānugatiṃ āpajjeyyuṃ,||
tesaṃ taṃ assa dīgha-rattaṃ hitāya sukkhāyāti.|| ||
Tasmāhaṃ Kassapa eva-rūpassa navassa bhikkhuno vaṇṇaṃ bhaṇāmi" ti.|| ||
Samaṇa Vagga Catuttha
