Aṅguttara-Nikāya
III. Tika Nipāta
XI. Sambodhi Vagga

Sutta 110

Catuttha Nidāna Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[265]

[1][pts] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tīṇ'imāni bhikkhave nidānāni kammānaṁ samudāyāya.|| ||

Katamāni tīṇī?|| ||

Atīte bhikkhave chanda-rāga-ṭ-ṭhānīye dhamme ārabbha chando na jāyati.|| ||

Anāgate bhikkhave chanda-rāga-ṭ-ṭhānīye dhamme ārabbha chando na jāyati.|| ||

Paccuppanne bikkhave chanda-rāga-ṭ-ṭhānīye dhamme ārabbha chando na jāyati.|| ||

 

§

 

2. Kathañ ca bhikkhave atīte chanda-rāga-ṭ-ṭhānīye dhamme ārabbha chando na jāyati?|| ||

Atītānaṁ bhikkave chanda-rāga-ṭ-ṭhānīyānaṁ dhammānaṁ āyatiṁ vipākaṁ pajānāti.|| ||

Āyatiṁ vipātaṁ viditvā tad abhinivaddheti.|| ||

Tad abhinivaddhetvā cetasā abhivirāchetvā paññāya ativijjha passati.|| ||

Evaṁ kho bhikkhave atīte chanda-rāga-ṭ-ṭhānīye dhamme ārabbha chando na jāyati.|| ||

■

3. Kathañ ca bhikkhave anāgate chanda-rāga-ṭ-ṭhānīye dhamme ārabbha chando na jāyati?|| ||

Anāgatānaṁ bhikkave chanda-rāga-ṭ-ṭhānīyānaṁ dhammānaṁ āyatiṁ vipākaṁ pajānāti.|| ||

Āyatiṁ vipātaṁ viditvā tad abhinivaddheti.|| ||

Tad abhinivaddhetvā cetasā abhivirāchetvā paññāya ativijjha passati.|| ||

Evaṁ kho bhikkhave anāgate chanda-rāga-ṭ-ṭhānīye dhamme ārabbha chando na jāyati.|| ||

■

4. Kathañ ca bhikkhave pacc'uppanne chanda-rāga-ṭ-ṭhānīye dhamme ārabbha chando na jāyati?|| ||

Paccuppannānaṁ bhikkave chanda-rāga-ṭ-ṭhānīyānaṁ dhammānaṁ āyatiṁ vipākaṁ pajānāti.|| ||

Āyatiṁ vipātaṁ viditvā tad abhinivaddheti.|| ||

Tad abhinivaddhetvā cetasā abhivirāchetvā paññāya ativijjha passati.|| ||

Evaṁ kho bhikkhave paccupanne chanda-rāga-ṭ-ṭhānīye dhamme ārabbha chando na jāyati.|| ||

Imāni ko bhikkhave tīni nidānāni kammānaṁ samudayāyāti.|| ||

Sambodhi Vagga Paṭhama