Āpāyika Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tayo'me bikkhave āpāyikā nerayikā idama-p-pahāya.|| ||

Katame tayo?|| ||

[266] Yo ca abrahma-cārī brahma-cārī paṭiñño.|| ||

Yo ca suddhaṁ brahma-cariṁ parisuddham Brahma-cariyaṁ carantaṁ amūlakena abrahma-cariyena anuddhaṁseti.|| ||

Yo c'āyaṁ evaṁ-vādī evaṁ diṭṭhi 'n'atthi kāmesu doso' ti,||
so kāmesu pātavyataṁ āpajjati.|| ||

Ime ko bhikkhave tayo āpāyikā nerayikā idam appahāyā" ti.|| ||