Dullabha Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than] Evaṁ me sutaṁ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tiṇṇaṁ bikkhave pātu-bhāve dullabo lokasmiṁ.|| ||

Katamesaṁ tiṇṇaṁ?|| ||

Tathāgatassa bikkhave arahato Sammā Sambuddhassa pātu-bhāve dullabho lokasmiṁ.|| ||

Tathāgata-p-paveditassa Dhamma-Vinayassa desetā puggalo dullabho lokasmiṁ.|| ||

Kataññū katavedī puggalo dullabho lokasmiṁ.|| ||

Imesaṁ kho bhikkhave tinṇaṁ pātu-bhāvo dullabho lokasmin" ti.|| ||