Aṅguttara-Nikāya
III. Tika Nipāta
XIII. Kusināra Vagga

Sutta 125

Hatthaka Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[278]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Atha ko Hatthako deva-putto abhikkantā rattiyā abhikkanta-vaṇṇā kevala-kappaṁ Jetavanaṁ obhāsetvā yena Bhagavā ten'upasaṅkami.|| ||

Upasaṅkamitvā "Bhagavato purato ṭhassāmī" ti osīdati c'eva saṁsidati c'eva,||
na Sakkoti saṇṭhātuṁ.|| ||

Seyyathā pi nāma sappi vā telaṁ mā vālikāya āsittaṁ osīdati saṁsīdati na saṇṭhāti||
evam eva Hatthako deva-putto "Bhagavato purato ṭhassāmī" ti osīdati c'eva saṇasīdati c'eva,||
na Sakkoti saṇṭhātuṁ.|| ||

[279] 2. Atha ko Bhagavā Hatthakaṁ deva-puttaṁ etad avoca:|| ||

"Oḷārikaṁ Hatthaka, atta-bhavaṁ abhinimmināhī" ti.|| ||

"Evaṁ bhante" ti ko Hatthako deva-putto Bhagavato paṭi-s-sutvā oḷārikaṁ atta-bhāvaṁ abhinimminitvā Bhagavantaṁ abhivādetvā eka-m-antaṁ aṭṭhāsi.|| ||

Eka-m-antaṁ ṭhitaṁ kho Hatthakaṁ deva-puttaṁ Bhagavā etad avoca:|| ||

"Ye te Hatthakaṁ dhammā pubbe manussabhūtassa pavattino ahesuṁ,||
api nu te te dhammā etarahi pavattino" ti?|| ||

"Ye ca me bhante dhammā pubbe manussabhūtassa pavattino ahesuṁ,||
te ca me dhammā etarahi pavattino,||
ye ca me bhante dhammā pubbe manussabhūtassa nappavattino ahesuṁ,||
te ca me dhammā etarahi pavattino.|| ||

Seyyathā pi bhante Bhagavā etarahi ākiṇṇo viharati bhikkhūhi bhikkhūnīhi upāsakehi upāsikāhi rāññāhi rāja-mahā-mattehi titthiyehi titthiyasāvakehi,||
evam eva ko ahaṁ bhante ākiṇṇo viharāmi deva-puttehi.|| ||

Durato pi bhante deva-puttā āga-c-chanti Hatthakassa deva-puttassa santike dhammaṁ sossāmā ti.|| ||

 

§

 

Tiṇṇāhaṁ bhante dhammānaṁ atitto appaṭivāno kāla-kato.|| ||

Katamesaṁ tiṇṇaṁ?|| ||

Bhagavato ahaṁ bhante dassanāya atitto appaṭivāno kāla-kato,||
sad'Dhamma-savaṇassāhaṁ bhante atitto appaṭivāno kāla-kato,||
Saṅghassāṁ haṁ bhante upaṭṭhānassa atitto appaṭivāno kāla-kato.|| ||

Imesaṁ kho ahaṁ bhante tinṇaṁ dhammānaṁ atitto appaṭivāno kāla-kato" ti.|| ||

 

---

 

"Nāhaṁ Bhagavato dassanassa tittiṁ ajjhagā kudācanaṁ,||
Saṅghassa upaṭṭhānassa sad'Dhamma-savanassa ca.||
Adhisīle sikkhamāno sad'Dhamma-savaṇe rato||
Tinṇaṁ dhammānaṁ atitto Hatthako Avihaṁ gato" ti.