Aṅguttara-Nikāya
III. Tika Nipāta
XIII. Kusināra Vagga

Sutta 126

Kaṭuviya Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[279]

[1][pts][than] Evaṁ me sutaṁ:|| ||

Ekaṁ samayaṁ Bhagavā Bārāṇasiyaṁ viharati Isipatane Migadāye.|| ||

Atha kho Bhagavā pubbanaha-samayaṁ nivāsetvā patta-cīvaram ādāya Bārāṇasiṁ piṇaḍāya pāvisi.|| ||

[280] Addasā kho Bhagavā Goyogapilakkhasmiṁ piṇḍāya caramāno aññataraṁ bhikkhuṁ rittāssādaṁ bāhirāssādaṁ sammuṭṭha-s-satiṁ asampajānaṁ asamāhitaṁ vibbhanta-cittaṁ pākat'indriyaṁ.|| ||

Disvā taṁ bhakkhuṁ etad avoca:|| ||

"Bhikkhu bhikkhu mā kho tvaṁ attāṇaṁ kaṭuviyam akāsi.|| ||

Taṁ vata bhikkhū kaṭuviyakataṁ attāṇaṁ āmagandhe ava-s-sutaṁ makkhikā nānupatissanti nanvāssavissantī n'etaṁ ṭhānaṁ vijjatī" ti.|| ||

2. Atha kho so bhikkhu Bhagavatā iminā ovādena ovadito saṁvegam āpādi.|| ||

Atha ko Bhagavā Bārāṇasiyaṁ pinḍāya caritvā pacchā-bhattaṁ pinḍapāta-paṭikkanto bhikkhū āmantesi:|| ||

"Idāhaṁ bhikkhave pubnhasamaya nivāsetvā patta-cīvaram ādāya Bārāṇasiṁ piṇḍāya pāvisiṁ.|| ||

Addasaṁ ko ahaṁ bhikkhave Goyogapilakkhasmiṁ piṇḍāya caramāno aññataraṁ bhikkhuṁ rittāssādaṁ bāhirāssādaṁ sammuṭṭha-s-satiṁ asampajānaṁ asamāhitaṁ vibbhanta-cittaṁ pākat'indriyaṁ.|| ||

Disvā taṁ bhikkhuṁ etad avoca:|| ||

'Bhikkhu bhikkhu mā kho tvaṁ attāṇaṁ kaṭuviyam akāsi.|| ||

'Taṁ vata bhikkhū kaṭuviyakataṁ attāṇaṁ āmagandhe ava-s-sutaṁ makkhikā nānupatissanti nānvāssavissantī,'||
ti n'etaṁ ṭhānaṁ vijjatī' ti.|| ||

Atha kho bhikkhave so bhikkhu mayā imānā ovādena ovadito saṁvegam āpādī" ti.|| ||

3. Evaṁ vutte aññataro bhikkhū Bhagavantaṁ etad avoca:|| ||

"Kin nu ko bhante kaṭuviyaṁ ko āmagandho kā makkhikā" ti?|| ||

"Abhājjhā ko bikkhū kaṭuviya,||
vyāpādo āmagandho,||
pāpakā akusalā vitakkā makkhikā.|| ||

Taṁ vata bhikkhū kaṭuviya kataṁ attāṇaṁ āmagandhe ava-s-sutaṁ makkhikā nānupatissanti nānvassavissantī n'etaṁ ṭhānaṁ vijjatī" ti.|| ||

 

---

 

[281] "Aguttaṁ cakkhusotasmiṁ indriyesu asaṁvutaṁ,||
Makkhikā'nupatissanti saṅkappā rāganissitā||
Kaṭuviyakato bhikkhu āmagandhe avassuto,||
Ārakā hoti nibbāṇā vighātass'eva Bhagavā||
Gāme vā yadi vā'raññe aladdhā samam attano,||
Pareti bālo dummedho makkhikāhi purakkhato||
Ye ca sīlena sampannā paññāyupasame ratā||
Upasantā sukhaṁ senti nāsayitvāna makkhikā" ti.|| ||