Aṅguttara-Nikāya
III. Tika Nipāta
XV. Maṅgala Vagga

Sutta 146

Dutiya Khata Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[293]

[1][pts] Evaṁ me sutaṁ|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Tīhi bhikkhave dhammehi samannāgato bālo avyatto a-sappuriso khataṁ upahataṁ attāṇaṁ pariharati||
sāvajjo ca hoti||
sānuvajjo vuññūtaṁ||
bahuñ ca apuññaṁ pasavati.|| ||

Katamehi tīhi?|| ||

Sāvajjena kāya-kammena,||
sāvajjena vacī-kammena,||
sāvajjena mano-kammena.|| ||

Imehi ko bhikkhave tīhi dhammehi samannāgato bālo avyatto a-sappurise khataṁ upahataṁ attāṇaṁ pariharati,||
sāvajjo ca hoti,||
sānuvajjo viññūtaṁ,||
pahuñ ca apuññaṁ pasavati.|| ||

 

§

 

Tīhi bhikkhave dhammehi samannāgato paṇḍito viyatto sappuriso akkhataṁ anupahataṁ attāṇaṁ pariharati,||
anavajjo ca hoti,||
ananuvajjo viññūtaṁ,||
pahuñ ca puññaṁ pasavati.|| ||

Katamehi tīhi?|| ||

Anavajjena kāya-kammena,||
anavajjena vacī-kammena,||
anavajjena mano kammena.|| ||

Imehi ko bhikkhave tīhi dhammehi samannāgato bālo avyatto a-sappuriso khataṁ upahataṁ attāṇaṁ pariharati,||
sāvajjo ca hoti,||
sānuvajjo viññūnaṁ,||
pahuñ ca apuññaṁ pasavatī" ti.|| ||