Aṅguttara-Nikāya
III. Tika Nipāta
XV. Maṅgala Vagga

Sutta 150

Pubbaṇha Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[294]

[1][pts] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

"Ye hi bhikkhave sattā pubbaṇha-samayaṁ||
kāyena su-caritaṁ caranti,||
vācāya su-caritañcaranti,||
manasā su-caritaṁ caranti,||
supubbanehā bhikkhave tesaṁ sattāṇaṁ.|| ||

■

Ye hi bikkhave sattā majjhantikaṁ-samayaṁ||
kāyena su-caritaṁ caranti,||
vācāya su-caritaṁ caranti,||
manasā su-caritaṁ caranti,||
sumajjhantiko bhikkhave tesaṁ sattāṇaṁ.|| ||

■

Ye hi bhikkhave sattā sāyaṇha-samayaṁ||
kāyena su-caritaṁ caranti,||
vācāya su-caritaṁ caranti,||
manasā su-caritaṁ caranti,||
susāyanho bhikkhave tesaṁ sattāṇan" ti.|| ||

 

---

 

Sunakkhattaṁ sumaṅgalaṁ suppabhātaṁ suvuṭṭhitaṁ,||
Sukhaṇo sumuhutto ca suyiṭṭhaṁ brahma-cārisu.||
Padakkhiṇaṁ kāya-kammaṁ vācākammaṁ padakkhiṇaṁ,||
Padakkhiṇaṁ mano-kammaṁ paṇidhiyo padakkhiṇā,||
Padakkhiṇāni katvāna labhatatthe padakkhiṇe.||
Te atthaladdhā sukhitā virū'hā Buddhasāsane, Arogā sukhitā hotha saha sabbehi ñātibhī ti.|| ||

Maṅgala Vagga Pañcama

Khuddaka Paṇṇāsako Samatta Tatiya