Bhojana-Dāyaka Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evaṁ me sutaṁ:|| ||

Ekaṁ samayaṁ Bhagavā Sāvatthiyaṁ viharati.|| ||

Bhojanaṁ bhikkhave dadamāno dāyako paṭiggāhakānaṁ cattāri ṭhānāni deti.|| ||

Katamāni cattāri?|| ||

Ayuṁ deti,||
vaṇṇaṁ deti,||
sukhaṁ deti,||
balaṁ deti.|| ||

Āyuṁ kho pana datvā||
āyussa bhāgī hoti||
dibbassa vā mānusassa vā.|| ||

Vaṇṇaṁ datvā||
vaṇṇassa bhāgī hoti||
dibbassa vā mānusassa vā.|| ||

Sukhaṁ datvā||
sukhassa bhāgī hoti||
dibbassa vā mānusassavā.|| ||

Balaṁ datvā||
balassa bhāgī hoti||
dibbassa vā mānusassa vā.|| ||

Bhojanaṁ gahapati dadamāno ariya-sāvako paṭiggāhakānaṁ imāni cattāri ṭhānāni detī ti.|| ||

Yo saññatānaṁ paradattabhojinaṁ kālena sakkacca dadāti bhojanaṁ,||
Cattāri ṭhānāni anuppavecchati āyuñ ca vaṇṇañ ca sukhaṁ balañ ca.|| ||

So āyudāyī baladāyī sukhaṁ vaṇṇaṁ dado naro,||
Dīghāyu yasavā hoti yattha yatth'upapajjatī ti.