Aṇguttara Nikāya
Catukka Nipāta
XVI: Indriya Vagga

Sutta 156

Asaṇkheyya Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[142]

[1][pts] Cattār'imāni bhikkhave kappassa asaṇkheyyāni.|| ||

Katamāni cattāri?|| ||

Yadā bhikkhave kappo saṃvaṭṭati,||
taṃ na sukaraṃ saṇkhātuṃ||
ettakāni vassānī ti vā||
ettakānī ti vā||
ettakāni vassa-satānī ti vā||
ettakāni vassa-sahassānī ti vā||
ettakāni vassa-sata-sahassānī ti vā.|| ||

Yadā bhikkhave kappo saṃvaṭṭo tiṭṭhati,||
taṃ na sukaraṃ saṇkhātuṃ||
ettakāni vassānī ti vā||
ettakānī ti vā||
ettakāni vassa-satānī ti vā||
ettakāni vassa-sahassānī ti vā||
ettakāni vassa-sata-sahassānī ti vā.|| ||

Yadā bhikkhave kappo vivaṭṭati,||
taṃ na sukaraṃ saṇkhātuṃ||
ettakāni vassānī ti vā||
ettakānī ti vā||
ettakāni vassa-satānī ti vā||
ettakāni vassa-sahassānī ti vā||
ettakāni vassa-sata-sahassānī ti vā.|| ||

Yadā bhikkhave kappo vivaṭṭo tiṭṭhati,||
taṃ na sukaraṃ saṇkhātuṃ||
ettakāni vassānī ti vā||
ettakānī ti vā||
ettakāni vassa-satānī ti vā||
ettakāni vassa-sahassānī ti vā||
ettakāni vassa-sata-sahassānī ti vā.|| ||

Imāni kho bhikkhave cattāri kappassa asaṇkheyyānī ti.|| ||