Aṅguttara Nikāya
Catukka Nipāta
XVII: Paṭipadā Vagga

Sutta 162

Dutiya Paṭipadā Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[149]

[1][than][pts] EVAṀ ME SUTAṀ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

Catasso imā bhikkhave paṭipadā.|| ||

Katamā catasso?|| ||

Dukkhā paṭipadā dandhābhiññā,||
dukkhā paṭipadā khippābhiññā,||
sukhā paṭipadā dandhābhiññā,||
sukhā paṭipadā khippābhiññā.|| ||

 

§

 

2. Katamā ca bhikkhave dukkhā paṭipadā dandhābhiññā?|| ||

Idha, bhikkhave, ekacco pakatiyā pi tibba-rāga-jātiko hoti||
abhikkhaṇaṁ rāgajaṁ dukkhaṁ domanassaṁ paṭisaṁvedeti,||
pakatiyā pi tibba-dosa-jātiko hoti||
abhikkhaṇaṁ dosa-jaṁ dukkhaṁ domanassaṁ paṭisaṁvedeti,||
pakatiyā pi tibba-moha-jātiko hoti||
abhikkhaṇaṁ moha-jaṁ dukkhaṁ domanassaṁ paṭisaṁvedeti.|| ||

Tass'imāni pañc'indriyāni mūdūni pātu-bhavanti:|| ||

Saddh'indriyaṁ||
viriy'indriyaṁ||
sat'indriyaṁ||
samādh'indriyaṁ||
paññ'indriyaṁ||
so ca imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.|| ||

Ayaṁ vuccati bhikkhave dukkhā paṭipadā dandhābhiññā.|| ||

■

3. Katamā ca bhikkhave dukkhā paṭipadā khippābhiññā?|| ||

Idha, bhikkhave, ekacco pakatiyā pi tibba-rāga-jātiko hoti||
abhikkhaṇaṁ rāgajaṁ dukkhaṁ domanassaṁ paṭisaṁvedeti,||
pakatiyā pi tibba-dosa-jātiko hoti||
abhikkhaṇaṁ dosa-jaṁ dukkhaṁ domanassaṁ paṭisaṁvedeti,||
pakatiyā pi tibba-moha-jātiko hoti||
abhikkhaṇaṁ moha-jaṁ dukkhaṁ domanassaṁ paṭisaṁvedeti.|| ||

Tass'imāni pañc'indriyāni adhimat [150] tāni pātu-bhavanti:|| ||

Saddh'indriyaṁ||
viriy'indriyaṁ||
sat'indriyaṁ||
samādh'indriyaṁ||
paññ'indriyaṁ||
so imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.|| ||

Ayaṁ vuccati bhikkhave dukkhā paṭipadā khippābhiññā.|| ||

■

3. Katamā ca bhikkhave sukhā paṭipadā dandhābhiññā?|| ||

Idha, bhikkhave, ekacco pakatiyāpa na tibba-rāga-jātiko hoti||
nābhikkhaṇaṁ rāgajaṁ dukkhaṁ domanassaṁ paṭisaṁvedeti,||
pakatiyā pi na natibba-dosa-jātiko hoti||
nābhikkhaṇaṁ dosa-jaṁ dukkhaṁ domanassaṁ paṭisaṁvedeti,||
pakatiyā pi na tibba-moha-jātiko hoti||
nābhikkhaṇaṁ moha-jaṁ dukkhaṁ domanassaṁ paṭisaṁvedeti.|| ||

Tass'imāni pañc'indriyāni mūduni pātu-bhavanti:|| ||

Saddh'indriyaṁ||
viriy'indriyaṁ||
sat'indriyaṁ||
samādh'indriyaṁ||
paññ'indriyaṁ||
so imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.|| ||

Ayaṁ vuccataki bhikkhave sukhā paṭipadā dandhābhiññā.|| ||

4. Katamā ca bhikkhave sukhā paṭipadā khippābhiññā?|| ||

Idha, bhikkhave, ekacco puggalo pakatiyā pi na tibba-rāga-jātiko hoti||
nābhikkhaṇaṁ rāgajaṁ dukkhaṁ domanassaṁ paṭisaṁvedeti,||
pakatiyā pi na natibba-dosa-jātiko hoti||
nābhikkhaṇaṁ dosa-jaṁ dukkhaṁ domanassaṁ paṭisaṁvedeti,||
pakatiyā pi na tibba-moha-jātiko hoti||
nābhikkhaṇaṁ moha-jaṁ dukkhaṁ domanassaṁ paṭisaṁvedeti.|| ||

Tass'imāni pañc'indriyāni adhimattāni pātu-bhavanti:|| ||

Saddh'indriyaṁ||
viriy'indriyaṁ||
sat'indriyaṁ||
samādh'indriyaṁ||
paññ'indriyaṁ||
so imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.|| ||

Ayaṁ vuccati bhikkhave sukhā paṭipadā khippābhiññā.|| ||

Imā kho bhikkhave catasso paṭipadā ti.|| ||