Aṅguttara Nikāya
Catukka Nipāta
XVII: Paṭipadā Vagga

Sutta 166

Chaṭṭha Paṭipadā Suttaṁ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[154]

[1][pts] EVAṀ ME SUTAṀ.|| ||

Ekaṁ samayaṁ Bhagavā Sāvatthiyaṁ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṁ.|| ||

Bhagavā etad avoca:|| ||

2. Catasso imā bhikkhave paṭipadā.|| ||

Katamā catasso?|| ||

Dukkhā-paṭipadā dandhābhiññā,||
dukkhā paṭipadā khippābhiññā,||
sukhā paṭipadā dandhābhiññā,||
sukhā paṭipadā khippābhiññā.|| ||

 

§

 

2. Tatra, bhikkhave, yā'yaṁ paṭipadā dukkhā dandhābhiññā,||
ayaṁ bhikkhave paṭipadā ubhayen'eva hīnā akkhāyati||
yam pāyaṁ paṭipadā dukkhā,||
iminā payaṁ hīnā akkhāyati||
yam pāyaṁ paṭipadā dandhā,||
iminā payaṁ hīnā akkhāyati.|| ||

Ayaṁ bhikkhave paṭipadā ubhayenen'eva hīnā akkhāyati.|| ||

■

3. Tatra, bhikkhave, yā'yaṁ paṭipadā dukkhā khippābhiññā.|| ||

Ayaṁ bhikkhave paṭipadā dukkhattā hīnā akkhāyati.|| ||

■

4. Tatra, bhikkhave, yā'yaṁ paṭipadā sukhā dandhābhiññā.|| ||

Ayaṁ bhikkhave paṭipadā dandhattā hīnā akkhāyati.|| ||

■

5. Tatra, bhikkhave, yā'yaṁ paṭipadā sukhā khippābhiññā.|| ||

Ayaṁ bhikkhave paṭipadā ubayen'eva paṇītā akkhāyati,||
yam pāyaṁ paṭipadā sukhā,||
iminā payaṁ paṇitā akkhāyati,||
yam pāyaṁ paṭipadā khippā,||
iminā payaṁ paṇitā akkhāyati.|| ||

Ayaṁ bhikkhave paṭipadā ubhayen'eva paṇītā akkhāyati.|| ||

Imā kho bhikkhave catasso paṭipadā ti.|| ||